ဖြူနီကြား ဂယက် (သတင်းဆောင်းပါး)

မဇ္ဈိမသတင်းဌာန
ရန်ကုန်မြို့တွင်း ခြောက်မြို့နယ် အတွင်းရှိ လမ်းမကြီးများကို ဖြူနီကြား တားကာ ယာဉ်မရပ်ရ နေရာများအဖြစ် သတ်မှတ်ခြင်း အပေါ် ကန့်ကွက်သူက များနေသည်။
လသာ၊ လမ်းမတော်၊ ကျောက်တံတား၊ ပန်းပဲတန်း၊ ဗိုလ်တထောင်၊ ပုဇွန်တောင်မြို့နယ်များကို ဖြတ်သန်း ဖောက်လုပ်ထားသော လမ်းမကြီးများ၏ နေရာအများစုတွင် ယာဉ်မရပ်ရ နေရာများအဖြစ် ဖေဖော်ဝါရီ လလယ်က စ၍ သတ်မှတ်ပြီး ကျူးလွန်သော ယာဉ်များကို ဒဏ်တပ်အရေးယူ မှု တင်းတင်းကျပ်ကျပ် လုပ်ကိုင်ခဲ့သည်။
ယာဉ်ကြော ပိတ်ဆို့မှုများ ဖြစ်နေ၍ ဟူသော အကြောင်း ပြချက်ဖြင့် ရန်ကုန်တိုင်း လမ်းပန်းဆက်သွယ်ရေး ကြီးကြပ်မှု ကော်မတီ၏ ညွှန်ကြားမှုဖြင့် ရန်ကုန်မြို့တော် စည်ပင် သာယာရေး ကော်မတီက ဆောင်ရွက်ခြင်း ဖြစ်သည်။

ဖြူနီကြား ရပ်မိသည့် ဒဏ်ကြေးမှာ ကျပ် ၁၇၀၀၀ ဖြစ်ရာ ဆောင်ရလေရာ အငှား ယာဉ်မောင်းသမားများ တနေ့တာ ပျှမ်းမျှဝင်ငွေထက်ပင် ပိုနေသေးသည်။

သိမ်ကြီးဈေး ဘီရုံကဲ့သို့ ကုန်အတင်အချ များသည့် နေရာတွင်ပင် ကားမရပ်ရတော့ရာ အထည်ထုပ်နှင့် အခြားကုန်စည်များ လာရောက် အတင်အချ ပြုသည့်ကားများ အခက်ကြုံနေရသည်ဟု ဆိုင်ရှင်တဦးက ပြောသည်။

အငှား ယာဉ်မောင်းသူ တဦးကလည်း "တော်တော်ဆိုးပါတယ်ဗျာ၊ ခရီးသည်တားလို့ ခဏလေး ရပ်တင်တာ တောင် မရဘူး၊ အတင်း ဒဏ်ရိုက်တာပဲ၊ ဘယ်လိုမှ တောင်းပန်လို့ မရဘူး။" ဟု ပြောသည်။
ကျူးလွန်သော ယာဉ်များကို ဒဏ်တပ်မှုများ ရဲက ချက်ခြင်း လုပ်ခဲ့ရာတွင် ယာဉ်မောင်းသူများနှင့် ရဲတို့ အခြေအတင် စကား များ ရန်ဖြစ်မှု များပြားလာ၍ ချက်ခြင်း ဒဏ်မ တပ် တော့ ဘဲ ကားနံပါတ် မှတ်ထားပြီး အစိုးရက ရောင်းချပေး သော ဓာတ်ဆီဆိုင်၊ ဂက်စ်ဆိုင်များကို စာရင်း ပို့ထားလိုက် သည်။ ယာဉ်ထိန်းရဲရုံးတွင် ဒဏ်ကြေး ပေး ဆောင်ပြီးထား သော ပြေစာပြနိုင်မှသာ ဆီရောင်း ချပေးသည့် စနစ်ကို ပြောင်းလဲ ကျင့်သုံးလာခဲ့သည်။

ရန်ကုန်မြို့တွင် မှတ်ပုံတင်ထားသော ကားအရေအတွက် ၁၇၀၀၀၀ ကျော်ရှိပြီး တနိုင်ငံလုံးတွင် ကားအစီးရေ ၁ သန်းကျော် ရှိသည်။ ရန်ကုန်မြို့တွင်း လမ်းများကို တိုးချဲ့ ဖောက်လုပ်နိုင်ခြင်း မရှိသည်မှာ နှစ်အနည်းငယ် ကြာ မြင့်ပြီ ဖြစ်သည်။ မိုးပျံလမ်းများအဖြစ် နောက်ထပ် ချဲ့ထွင် ဖောက်လုပ်နိုင်ခြင်းလည်း မရှိပေ။
နေပြည်တော် အတွက်သာ တည်ဆောက်မှု လုပ်ငန်းများ လုပ်နေ၍ မြို့တော်ဟောင်းအတွက် လမ်းအပျက် အစီး ပင် ပြုပြင်မှု သိပ်မတွေ့ရတော့ပါ။
ကားဟောင်းလေ ဈေးပိုရလာလေ ဖြစ်သည့် ကမာပေါ်တွင် ရှားရှားပါးပါး အဆမတန် ကားဈေး ကြီးနေခြင်းကပင် လမ်းပိတ်ဆို့မှုနှင့် ယာဉ်ထိန်းရဲများ ဒဏ်ရိုက်ရမှု ထပ်မများအောင် စွမ်းဆောင်ပေးသကဲ့သို့  ဖြစ်နေသည်။
"ဂိတ်လည်း ထိုးစရာ နေရာမရှိ ခရီးသည်ရဖို့ ဆိုတာကလည်း မလွယ်တော့ တားစီးသူ ရှိလို့ကတော့ အခြေအနေ ကြည့်ပြီး တင်ရတာပဲ၊ နောက်ဖြစ်မှနောက်ရှင်း လောလောဆယ် ကိုယ်ပိုက်ဆံရဖို့ အရေးကြီးတယ်ရိုးရိုးသားသား လုပ်စားသူတွေ ကြာလေ ပိုရှာရခက်လေ ဖြစ်နေတာပါဘဲဗျာ"ဟု ပန်းဆိုးတန်း လမ်းအနီး မဟာဗန္ဓုလ လမ်းပေါ် တွင် ယခင်က ဂိတ်ထိုးလေ့ ရှိသော ကိုချစ်ကောင်းက ပြောသည်။
မလိုလားအပ်သော ယာဉ်ရပ်နားမှုများကြောင့် ယာဉ်ကြောပိတ်ဆို့မှု မဖြစ်အောင် ဆောင်ရွက်ခြင်း ဖြစ်ကြောင်း မြို့တော်စည်ပင် လမ်းတံတားဌာနမှ တာဝန်ရှိသူတဦး ပြောသည်။ သို့သော်လည်း ပုဂ္ဂလိကသို့ ကန်ထရိုက် စနစ် ဖြင့် လုပ်ကိုင်ခွင့် ပြုထားသော လေဟာပြင် ယာဉ်ရပ်နားစခန်းနှင့် နောင်ပေါ်ထွန်းလာမည့် အခပေး ယာဉ်ရပ်နား ရာ နေရာများ၏ အကျိုးအတွက် အကွက်ချ လုပ်ကိုင်ခြင်း ဖြစ်သည်ဟု မြို့ခံများက စွပ်စွဲ ပြောဆိုနေကြသည်။
"မြို့တွင်းမှာ ယာဉ်ကြောတွေကြပ် ပိတ်ဆို့မှုတွေ ဖြစ်တယ် ဆိုပြီး လုပ်တာတဲ့ဗျာ၊ အဓိပ္ပာယ် မရှိတဲ့ အလုပ်ပါ၊ တကယ်တမ်းက သူတို့ ယာဉ်ထိန်းရဲတွေ ကျွမ်းကျင်မှုမရှိတာ ရယ် အလုပ်မလုပ်တာတွေရယ် ကြောင့်ပါ၊" ဟု ယာဉ် ပိုင်ရှင် တဦး ဖြစ်သူ ဦးမင်းမင်းက ပြောသည်။ "ကားမှတ်တိုင် တွေ မှာဘတ်စ်ကားတွေ ရပ်ချင်သလိုရပ် အကြာ ကြီး ထိုင်နေတာ တွေကြ၊ ပိုက်ဆံတောင်းပြီး မသိသလို နေတယ်။


တကယ်ယာဉ်ကြော ပိတ်စေတာက အဲဒီစည်းကမ်း မဲ့ ဘတ်စ် ကားတွေကြောင့်ပဲ ၊မဟာဗန္ဓုလ လမ်းပန်းဆိုးတန်း မှတ်တိုင် ဆို အဆိုးဆုံးပဲ။ ညာဘက်ကြော ဆိပ်ကမ်းသာ လမ်းထဲဝင်ရဖို့ အဲဒီထိပ်မှာ ဘတ်စ်ကားတွေ အမြဲပိတ် နေလို့ တော်တော် စောင့်ရတယ်။ ယာဉ်ထိန်းရဲတွေ ရှိနေလည်း ဒီတိုင်း ကြည့်နေတာပဲ"ဟု သူက ပြောသည်။
ပြည်လမ်း၊ ကမ္ဘာအေး ဘုရားလမ်းနှင့် ကြည့်မြင်တိုင် ကမ်းနားလမ်းမများ တလျှောက်တွင် ယမန်နှစ်ကတည်းက ဖြူနီကြား သတ်မှတ်ခဲ့သော်လည်း တက္ကစီများ ခေတ္တရပ်ကာ ခရီးသည် အတင်အချခွင့် ပြုထားပြန်သည်။

ဆန္ဒခံယူပွဲကို နှောက်ယှက်လျှင် ထောင်ချမည့် ဥပဒေ စစ်အစိုးရထုတ်ပြန်

နေသွင်
ချင်းမိုင်။ ။ စစ်အစိုးရက ကမကထလုပ်မည့် ပြည်လုံးကျွတ် လူထုဆန္ဒ ခံယူပွဲကို ပျက်ပြားစေရန် ရည်ရွယ် ချက်ဖြင့် လှုံ့ဆော် လုပ်ဆောင်သူများကို ထောင်ဒဏ် ချမှတ်မည့် ဥပဒေသစ်တရပ် ယမန်နေ့က ပြဌာန်းလိုက် သည်။
ဗိုလ်ချုပ်မှူးကြီး သန်းရွှေ လက်မှတ်ထိုး၍ ထုတ်ပြန်သော ဥပဒေအမှတ် ၁/၂ဝဝ၈၊ ဥပဒေတွင် အခန်း (၁၂) ခန်း ပါဝင်ပြီး၊ အခန်း (၁ဝ)၊ ပုဒ်မ (၂၄-ဇ) တွင် ထောင်ဒဏ် ၃ နှစ်အထိ အပြစ်ပေးမည်ဟု ပါရှိသည်။

“ပြည်လုံးကျွတ် ဆန္ဒခံယူပွဲကို ပျက်ပြားစေရန် မဲရုံအတွင်း၌ ဖြစ်စေ၊ မဲရုံပြင်ပ၌ ဖြစ်စေ အများ ပြည်သူတို့နှင့် သက်ဆိုင်သော နေရာ၌ဖြစ်စေ၊ ပုဂ္ဂလိက ပိုင်နေရာ၌ ဖြစ်စေ၊ ဟောပြောခြင်း၊ စာရွက်စာတမ်း ကမ်းလှမ်းခြင်း၊ ပိုစတာများ အသုံးပြုခြင်း သို့မဟုတ် မဲဆန္ဒပေးခြင်းကို အခြားတနည်းဖြင့် နှောက်ယှက်” လျှင် ထောင်ဒဏ် (၃) နှစ်ထက်မပိုသော ထောင်ဒဏ်ဖြစ်စေ၊ ကျပ်တသိန်းထက် မပိုသော ဒဏ်ငွေဖြစ်စေ၊ ဒဏ်နှစ်ရပ်လုံး ဖြစ်စေ ချမှတ်မည်ဟု ဥပဒေတွင် ဖော်ပြထားသည်။

တကြိမ်ထက် မဲပေးခြင်း၊ ဆန္ဒမဲ လက်မှတ်အတုကို လက်ဝယ် ထားရှိခြင်း၊ ဆန္ဒမဲ လက်မှတ်ကို ဖျက်ဆီးခြင်း၊ ဆန္ဒမဲ လက်မှတ်ကို မဲရုံပြင်ပသို့ ယူဆောင်ခြင်း၊ မဲပုံးကို အခွင့်အရေး မရှိဘဲဖွင့်ခြင်း၊ ဖျက်ဆီးခြင်း၊ မဲရုံကို ဖျက်ဆီးခြင်း၊ ကော်မရှင်အဖွဲ့က ထုတ်ပြန်သော စာရွက်စာတမ်းများကို ဖျက်ဆီးခြင်းများ လုပ်ဆောင်ပါက ပုဒ်မ (၂၄) ကို ချိုးဖောက်မှု ဖြစ်သည်ဟု ဆိုသည်။

စစ်အစိုးရသည် ယမန်နေ့က ကြေညာချက်အမှတ် (၃၊၂ဝဝ၈) ကိုလည်း ထုတ်ပြန်ခဲ့ပြီး အဖွဲ့ဝင် (၄၅) ဦး ပါဝင်သော ပြည်လုံးကျွတ် ဆန္ဒခံယူပွဲ ကျင်းပရေး ကော်မရှင်ကို ဖွဲ့စည်းခဲ့သည်။ ကော်မရှင် အဖွဲ့ဝင် အများစုတွင် မြန်မာ့ဆိုရှယ်လစ် လမ်းစဉ် ပါတီဝင်ဟောင်းများ၊ စစ်အာဏာပိုင်များနှင့် နီးစပ်သူများ ပါဝင်လာသည်ကို တွေ့ရပြီး ယခင်က လူအများ မသိကြသူများလည်း ဖြစ်သည်။

ဥပဒေအမှတ် ၁/၂ဝဝ၈ အရ အသက် (၁၈) နှစ် ပြည့်သူတိုင်းသည် လာမည့် ဆန္ဒခံယူပွဲတွင် သက်ဆိုင်ရာ နယ်မြေအလိုက် လျှို့ဝှက်မဲပေး စနစ်ဖြင့် မဲပေးခွင့်ရှိပြီး ဆန္ဒခံယူပွဲ ကျင်းပမည့် နေ့ရက်ကို ပြည်လုံးကျွတ် ဆန္ဒခံယူပွဲ ကျင်းပရေး ကော်မရှင်က အနည်းဆုံး (၂၁) ရက်စောပြီး ကျေညာမည်ဟု ဆိုထားသည်၊

ယခုလ (၉) ရက်နေ့တွင် ကြေညာထားသော အမိန့် ကြေညာချက်များအရ စစ်အစိုးရသည် မေလတွင် လူထုဆန္ဒ ခံယူပွဲများကို ကျင်းပမည် ဖြစ်ပြီး လာမည့် ၂ဝ၁ဝ တွင် ရွေးကောက်ပွဲ ပြုလုပ်မည် ဖြစ်သည်။
မေလ လူထုဆန္ဒ ခံယူပွဲတွင် ဖွဲ့စည်းပုံ အတည်ဖြစ်လာပါက ယခု ဖွဲ့စည်းပုံသည် မြန်မာပြည်၏ တတိယမြောက် ဖွဲ့စည်းပုံ ဖြစ်လာတော့မည် ဖြစ်သည်။ မြန်မာပြည်တွင် ယခင်က ၁၉၄၇ ဖွဲ့စည်းပုံနှင့် ၁၉၇၄ ဖွဲ့စည်းပုံဟူ၍ ရှိခဲ့ပြီး ၁၉၈၈ ခုနှစ်ကတည်းက ဖွဲ့စည်းပုံ မရှိသောနိုင်ငံ ဖြစ်နေသည်။

မကြာဖြင့် လူထုဆန္ဒခံယူပွဲဖြင့် အတည်ပြုမည့် ဖွဲ့စည်းပုံသည် ပြီးခဲ့သည့်နှစ် စက်တင်ဘာ လဆန်းပိုင်းက အဆုံးသတ်သွားသော ညောင်နှစ်ပင် ညီလာခံ၏ ရလဒ်ဖြစ်ပြီး အဆိုပါ ညီလာခံသို့ ၁၉၉ဝ ရွေးကောက်ပွဲတွင် အများစု အနိုင်ရထားသော အမျိုးသား ဒီမိုကရေစီ အဖွဲ့ချုပ်နှင့် ဒုတိယ အများစု အနိုင်ရထားသော ရှမ်းအမျိုးသား ဒီမိုကရေစီ အဖွဲ့ချုပ်တို့ တက်ရောက်ခဲ့ခြင်း မရှိပါ။

အမျိုးသား ညီလာခံ၏ အခြေခံမူ (၆) ချက်တွင် တပ်မတော်၏ နိုင်ငံရေး ဦးဆောင်မှုကို အနာဂတ်တွင်လည်း လက်ခံရမည်ဟု ပြဌာန်းချက်နှင့် ညီလာခံဆိုင်ရာ လုပ်ထုံးလုပ်နည်းများသည် ဥပဒေနှင့် ကိုက်ညီမှု မရှိဟု ဆိုကြသည်။

စစ်အစိုးရသည် ညီလာခံကို ၂ဝဝ၃ ခုနှစ်တွင် ကြေညာထားသော လမ်းပြမြေပုံ၏ အဆင့် (၁) အဖြစ် ကျင်းပခဲ့ခြင်း ဖြစ်ပြီး ညီလာခံအပြီးတွင် လူထုဆန္ဒ ခံယူပွဲ၊ ရွေးကောက်ပွဲနှင့် အရပ်သား အစိုးရသို့ အာဏာလွှဲပေးရေး တို့ကို အဆင့်ဆင့် လုပ်ဆောင်သွားမည်ဟု ဆိုထားသည်၊

စစ်အစိုးရသည် အမျိုးသား ညီလာခံကို ပထမကျော့ အမျိုးသားညီလာခံကို ကျင်းပနေစဉ် ၁၉၉၆ ဇွန်လကလည်း အမျိုးသား ညီလာခံကို ကာကွယ်သည့် ဥပဒေ (၅/၉၆) ကို ပြဌာန်းခဲ့ပြီး ညီလာခံကို ဝေဖန်ပါက ထောင်ဒဏ်နှစ် (၂ဝ) အထိ ကျခံနိုင်ကြောင်း အမိန့်ထုတ်ခဲ့သည်။

မြန်မာနေးရှင်း အယ်ဒီတာချုပ်ကို ပုဒ်မတပ် အရေးယူပြီ

မဇ္ဈိမသတင်းဌာန
ချင်းမိုင်။ ။ မြန်မာအာဏာပိုင်များ သင်္ကန်းကျွန်းမြို့နယ် ရဲစခန်းတွင် ထိမ်းသိမ်းထားသော မြန်မာနေးရှင်းဂျာနယ် အယ်ဒီတာချုပ်နှင့် ရုံးအုပ်ချုပ်ရေးမှူးတို့အား ယခုလ ၂၅ ရက်နေ့က တရားမဝင် ပုံနှိပ်မှုဖြင့် တရားစွဲဆိုလိုက်ပြီ ဖြစ်သည်။
သင်္ကန်းကျွန်းမြို့နယ် ရဲစခန်းတွင် ၁၅ ရက်ကြာ ထိမ်းသိမ်းထားသော သူတို့နှစ်ဦးအား စစ်ဆေး မေးမြန်းပြီး နောက် ပုံနှိပ် အက်ဥပဒေ ချိုးဖောက်မှု ပုဒ်မ ၁၇၊၂ဝ တပ်၍ တရားစွဲဆိုကာ ၂၅ ရက်နေ့ ညနေပိုင်းတွင် အင်းစိန် အကျဉ်းထောင်သို့ ပြောင်းရွှေ့လိုက်ခြင်း ဖြစ်သည်။
“သင်္ကန်းကျွန်းမှာတော့ စစ်ဘက်ဆိုင်ရာ လုံခြုံရေးတပ်ဖွဲ့ (စရဖ) ကစစ်ဆေးတယ်၊ နောက်တော့ ပုံနှိပ် အက်ဥပဒေနဲ့ တရားစွဲထားတာဘဲ သိတယ်၊ သူတို့ တွေ့ထားတာက မစ္စတာ ပီညဲရိုး အစီရင်ခံစာ၊ ဦးရွှေအုံးရေးတဲ့ မပြိုကွဲနိုင်သော ပြည်ထောင်စု ဆိုတဲ့ စာအုပ်ရယ်၊ သံဃာတော်များ ဆန္ဒပြ စီဒီအချပ် တွေကြောင့်လို့ ပြောတယ်” ဟု ဦးသက်ဇင် ၏ ဇနီး ဒေါ်ခင်ဆွေမြင့်က မဇ္ဈိမကို ယမန်နေ့က ပြောသည်။
သူက ဆက်ပြီး “သင်္ကန်းကျွန်း ရဲစခန်းမှာ ရမန်တပတ် ယူလိုက်တာ ၁၄ ရက်ပေါ့လေ။ ရမန်ရက်တော့ မပြည့်သေးဘူး။ လာမယ့် ၂၉ ရက်နေ့မှာ ပြည့်မယ်။ မနေ့ (တနင်္လာနေ့) ကတော့ လူကို အင်းစိန်ထောင် ရွှေ့ထားလိုက်တယ်။ ထောင်ရွှေ့တဲ့နေ့က အဝတ်တထည် ကိုယ်တခု ဆိုတော့ ဒီနေ့ (အင်္ဂါနေ့) ကျမ ပါဆယ် သွားပို့တယ်။ ကိုသက်ဇင်က ကျန်းမာရေးလည်း ကောင်းတယ်၊ စိတ်ဓာတ်ရေးရာလည်း ကောင်းပါတယ်လို့ ကျမကို ပြောပါတယ်” ဟု ပြောသည်။
ထို့အပြင် မြန်မာနေးရှင်း ဂျာနယ် ထုတ်လုပ်ခြင်းကိုပါ ရပ်ဆိုင်းခိုင်းသည့်အတွက် ဂျာနယ်တိုက်မှ ဝန်ထမ်းပေါင်း ၃ဝ ကျော်မှာ အလုပ်လက်မဲ့ ဖြစ်သွားသည့်အပြင် မိသားစုများ၏ စားဝတ်နေရေး ပြဿနာများ ရင်ဆိုင်လာရသည်။
ဒေါ်ခင်ဆွေမြင့်က “သတင်းထောက်တွေကိုတော့ သတင်း ဆက်လိုက်ခိုင်းတယ်။ တခြားဂျာနယ်တွေမှာ ထည့်နိုင်အောင်၊ ကြိုးစား လုပ်ပေးမယ်ပေါ့။ ဒါလည်း မလွယ်ပါဘူး။ ကျမ စိတ်မကောင်းတာက ဝန်ထမ်းတွေ အလုပ်မရှိတော့ သူတို့ကို မှီခိုနေရတဲ့ မိသားစုဝင်တွေ ဒုက္ခ ရောက်ရတာပဲ။ ဒီမှာက စားဝတ်နေရေးက တော်တော်ကျပ်တဲ့ အချိန်ဖြစ်တယ်” ဟု ပြောသည်။

စစ်အုပ်စုအား `ဟင့်အင်း´ ဖြင့် ရင်ဆိုင်ခြင်း

ဆောင်းပါး
ကျော်လင်းဦး

မြန်မာ စစ်ကောင်စီ၏ အတွင်းရေးမှူး (၁) လက်မှတ်နှင့် ထုတ်ပြန်လာသော ကြေငြာချက် ၁/၂၀၀၈ နှင့် ၂/၂၀၀၈ အရ ဖွဲစည်းပုံ အခြေခံ ဥပဒေအတွက် ပြည်သူ့ဆန္ဒ ခံယူပွဲကို လာမယ့် မေလမှာ ကျင်းပ မှာ ဖြစ်ပြီး ၂၀၁၀ မှာတော့ ရွေးကောက်ပွဲတွေကို ကျင်းပလာတော့မှာ ဖြစ်ပါတယ်။ ဒီထုတ်ပြန်ချက်တွေ အရဆိုယင် စစ်အုပ်စု စိတ်တိုင်းကျ ရေးဆွဲထားတဲ့ အခြေခံဥပဒေနဲ့ စစ်တပ်ကြီးစိုးတဲ့ နိုင်ငံရေးစနစ် တရပ်ဟာ ပြည်သူလူထုရဲ့ ဆန္ဒမပါပဲနဲ့ မြန်မာနိုင်ငံမှာ ထွန်းကားလာတော့မှာ ဖြစ်ပါတယ်။ ဒါကြောင့် ဒီနေ့ အချိန်ဟာ ပြည်သူလူထုအတွက် သေရေးရှင်ရေးတမျှ အရေးကြီးနေတဲ့ အချိန် ဖြစ်နေပါတယ်။ ပြည်တွင်းပြည်ပက ပြည်သူတွေကလည်း မေလ ပြည်သူ့ဆန္ဒ ခံယူပွဲမှာ ဘယ်လို တုံ့ပြန်ကြမလဲ ဆိုတာကို အားလုံးက အာရုံစိုက်နေရတဲ့ အချိန် ဖြစ်နေပါတယ်။
အကယ်၍ လွတ်လပ်တဲ့ ဒီမိုကရေစီ နိုင်ငံတွေမှာ ဆိုရင်တော့ ပြည်သူ့ဆန္ဒ ခံယူပွဲတွေဟာ ပြည်သူလူထုရဲ့ ဆန္ဒ အစစ်အမှန်ကို ထင်ဟပ်မှာ ဖြစ်လို့ နအဖလို စစ်အုပ်စုမျိုးရဲ့ ဖွဲ့စည်းပုံ အခြေခံ ဥပဒေဟာ ဘယ်လိုမှ အသက်ဝင်လာစရာ မရှိပေမယ့် မြန်မာနိုင်ငံလို နိုင်ငံမျိုးမှာ ပြည်သူ့ဆန္ဒ ခံယူပွဲဆိုတာ လူ ကြားကောင်းအောင် လုပ်ထားတဲ့ လုပ်ရပ်သာ ဖြစ်ပြီး သူတို့ လိုချင်တဲ့ ဖွဲ့စည်းပုံ အခြေခံ ဥပဒေကို မရရတဲ့နည်းနဲ့ အတည်ပြုမှာ ဖြစ်ပါတယ်။ စစ်အုပ်စုအတွက်တော့ ဒီဆန္ဒ ခံယူပွဲမှာ `ရှုံးသော်လည်း နိုင်ရမည်၊ နိုင်သော်လည်း နိုင်ရမည်´ ဆိုတဲ့ ဆောင်ပုဒ်အတိုင်းပဲ ကျင့်သုံးမှာ ဖြစ်ပါတယ်။
ဒီမိုကရေစီ သမားတွေကတော့ စစ်အုပ်ချုပ်ရေး အဆုံးသတ်ဖို့ အတွက် ကန့်ကွတ်တဲ့ မဲတွေကိုသာ ပြည်သူလူထုဆီက များနိုင်သလောက် များအောင် ကြိုးပမ်းရမှာ ဖြစ်ပါတယ်။
ဒီနေရမှာ အယူအဆရေးရာအရ ဆန့်ကျင်ဘက် အမြင်တွေ ပေါ်ပေါက် လာနိုင်စရာ ရှိနေပါတယ်။ တခုကတော့ အခု အခြေခံ ဥပဒေကို ငြင်းဆန်လိုက်ယင် လက်ရှိ စစ်အစိုးရကပဲ ဆက်လက်အုပ်စိုးမှာ ဖြစ်တဲ့အတွက် ဒုံယင်း၊ ဒုံယင်းပဲ၊ ဒါကြောင့် ဘာမှမရတာထက် စာယင် အနည်းအကျည်း ရတာမှ ကောင်းသေးတယ် ဆိုတဲ့ အယူအဆ ဖြစ်ပါတယ်။ ဒီလို အယူအဆ ပေါ်ပေါက် လာရတဲ့ အဓိက အကြောင်းရင်းကတော့ စစ်အုပ်စုသက်တမ်း အနှစ် နှစ်ဆယ်အတွင်း ခါးသီးလှတဲ့ အတွေ့အကြုံတွေ အောက်ကနေ လွတ်မြောက်ချင်တဲ့ သဘော ဖြစ်ပါတယ်။ ဒါပေမယ့် ကျနော့် အမြင်ကတော့ အခု ဖွဲ့စည်းပုံ အခြေခံ ဥပဒေကို လူထုက ငြင်းဆန်လိုက်လို့ နအဖက အရင်အတိုင်း ဆက်အုပ်ချုပ်ဖို့ရာ မဖြစ်နိုင်တော့ပါဘူး။ အခုလို ပြည်သူ့ဆန္ဒ ခံယူပွဲနဲ့ ရွေးကောက်ပွဲ ကျင်းပပေးမယ် ဆိုတာဟာ စစ်အုပ်စုအနေနဲ့ ပိုနေမြဲ၊ ကျားနေမြဲ အခြေအနေမှာ မရပ်တည်နိုင်တော့လို့ စီစဉ်ရခြင်း ဖြစ်ပါတယ်။ ဒါဟာ နိုင်ငံတကာ ဖိအားနဲ့ ပြည်တွင်းက နိုင်ငံရေး လှုပ်ရှားမှုတွေရဲ့ အကျိုးဆက်ပါပဲ။ ဒါကြောင့် အခု နအဖ က ရေးဆွဲထားတဲ့ အခြေခံ ဥပဒေကို လူထုအားနဲ့ ငြင်းဆန်ပြီး နှစ်ဦးနှစ်ဘက် လက်ခံ နိုင်လောက်တဲ့ အခြေခံ ဥပဒေနဲ့ အစားထိုးရေးဟာသာ ကျနော်တို့ရဲ့ မဟာဗျူဟာမြောက် ရည်မှန်းချက် ဖြစ်သင့်ပါတယ်။
နအဖအတွက်လည်း သူတို့ ၁၄ နှစ်လုံးလုံး ကြိုးစား အကောင်အထည် ဖေါ်ခဲ့တဲ့ အခြေခံ ဥပဒေကြီး ပျက်စီးသွားလို့ နောက်ထပ် အစကနေ ပြန်လည် အကောင်အထည်ဖေါ်ဖို့ သူတို့မှာ အင်အားတွေ ကုန်ခမ်းနေပါပြီ။ နိုင်ငံတကာ အခြေအနေနဲ့ ပြည်တွင်း နိုင်ငံရေး နိုးကြား တက်ကြွမှုဟာလည်း လွန်ခဲ့တဲ့ ၁၄ နှစ်နဲ့ နှိုင်းစာယင် အများကြီး တိုးတက် ပြောင်းလဲခဲ့ပါပြီ။ စစ်အုပ်စု ဟာ လက်ရှိပုံစံနဲ့ ဆက်လက် မရပ်တည်နိုင်တော့လို့ မပြောင်းမဖြစ် ပြောင်းလဲရတော့မဲ့ အခြေအနေမှာ ပြည်သူလူထု တရပ်လုံးက တခဲနက် ၀ိုင်းဝန်း ကန့်ကွက်ရင် အခုလာမယ့် အပြောင်းအလဲဟာ စစ် အုပ်စု ဖြစ်စေချင်တဲ့ အပြောင်းအလဲမျိုး မဟုတ်ပဲ ပြည်သူလူထု တရပ်လုံး တောင်းတနေတဲ့ အပြောင်းအလဲတခု ဖြစ်လာမှာ သေချာသလောက် ရှိနေပါတယ်။
နောက်ထပ် ဆန့်ကျင်ဘက် အယူအဆကတော့ ပြည်သူ့ဆန္ဒ ခံယူပွဲ ကျင်းပမယ့် မဲရုံတွေကို မသွားဘဲ သပိတ်မှောက်ရေး လှုံ့ဆော်ချက် ဖြစ်ပါတယ်။ ဒီလို လှုံ့ဆော်ချက်မျိုးဟာ စစ်အုပ်စုအတွက် အင်မတန် သဘောကျစရာ လှုံဆော်ချက် ဖြစ်ပါတယ်။ ဒီမိုကရေစီကို လိုလားသူတွေက ပြည်သူ့ဆန္ဒ ခံယူပွဲမှာ သွားရောက်ပြီး မဲမပေးဘူးဆိုယင် စစ်အုပ်စုက သူတို့ လူတွေကိုချည်း လွှတ်ပြီး ထောက်ခံမဲ ပေးခိုင်း လိုက်ယုံပါပဲ။
ဒီနေရာမှာ စောဒက တက်နိုင်တာက ပြည်သူလူထုက မဲရုံမှာ ကန့်ကွက်မဲ ပေးခဲ့ပေမယ့် မဲရုံဝန်ထမ်း တွေက လိမ်ညာလှည့်စားပြီး ထောက်ခံမဲ ရအောင် လုပ်ခဲ့ရင်ကော ဆိုတဲ့ အချက်ပါပဲ။ နိုင်ငံတကာ က ပြည်သူ့ဆန္ဒ ခံယူပွဲ ထုံးတမ်းစဉ်လာအရ ဆန္ဒခံယူပွဲရဲ့ ရလဒ်ကို သံသယရှိယင် တခြားအရေးယူ ဆောင်ရွက်စရာတွေ ရှိပါသေးတယ်။ ဒါ့အပြင် အားလုံးက လက်မခံတဲ့ ရလဒ်ကို နအဖက ဇွတ် အတင်း အကောင်အထည် ဖေါ်နေယင် နိုင်ငံတကာနဲ့ ပြည်သူလူထုဘက်က တန်ပြန်စရာ နည်းလမ်းတွေ ရှိပါသေးတယ်။ အဲဒီ နည်းလမ်းတွေဟာ ဆန္ဒခံယူပွဲကို သပိတ်မှောက်တဲ့ လုပ်ရပ်ထက် ပိုမိုထိ ရောက်ပြီး စစ်အုပ်စုကို ပိုမို အကြပ်အတည်း တွေ့စေမှာ ဖြစ်ပါတယ်။
နှစ်လဆိုတဲ့ အချိန်ဟာ အားလုံး စည်းစည်းလုံးလုံး ညီညီညွတ်ညွတ်နဲ့ ၀ိုင်းဝန်း အကောင်အထည် ဖေါ်ယင် နိုင်ငံရေး အပြောင်းအလဲရဲ့ လမ်းစကို ကျနော်တို့ဘက်က ချုပ်ကိုင်နိုင်ပြီး ဖြစ်ပါတယ်။ ဒီနောက်မှာတော့ တိုင်းပြည် ဖွံ့ဖြိုးရေးအတွက် ညီညီညွတ်ညွတ်နဲ့ ဆက်လက် အကောင်အထည် ဖေါ်သွားနိုင်တော့မှာ ဖြစ်ပါတယ်။ ဒါကြောင့် စစ်အုပ်စုရဲ့ မူပိုင် အခြေခံဥပဒေကို ပြည်သူ့ဆန္ဒ ခံယူပွဲနဲ့ ဖျက်ဆီးပြီး အပြောင်းအလဲကို ဦးဆောင်ဖို့ရာ နိုင်ငံသား အားလုံးမှာ တာဝန် ရှိပါတယ်။ ဒါကြောင့် ဒီတကြိမ်မှာ ပြည်သူလူထု အနေနဲ့ နအဖရဲ့ အခြေခံဥပဒေကို `ကန့်ကွက်မဲ´ တွေ ၀ိုင်းဝန်း ပေးကြဖို့ လိုအပ်လှပါတယ်။

မြန်မာတိုင်းမ် နေ့စဉ်သတင်းစာ ထုတ်မည် ဆိုသည်မှာ မဟုတ်ပါ (ပေးစာ)

အယ်ဒီတာ့ထံပေးစာ
ရော့စ်ဒန်ကလေ
အယ်ဒီတာခင်ဗျား ...
ယခုတလော နိုင်ငံတကာ ဝဘ်ဆိုဒ်များတွင် မြန်မာတိုင်းမ်ကို ၂ဝဝ၈ ခုနှစ် မေလ မှစ၍ နေ့စဉ် သတင်းစာအဖြစ် ပြောင်းလဲ ထုတ်ဝေသွားမည်ဟု သတင်းများ ပေါ်ထွက်နေပါသည်။
ဤသတင်းမှာ ကျနော်တို့ကို ထိခိုက် နစ်နာစေလိုသော သဘောဖြင့် မှားယွင်းစွာ ဖေါ်ပြခြင်းသာ ဖြစ်ကြောင်း ဖေါ်ထုတ် ဖွင့်ချလိုပါသည်။
တနေ့တွင် မြန်မာတိုင်းမ်ကို နေ့စဉ် သတင်းစာ တစောင်အဖြစ် ပြောင်းလဲ ထုတ်ဝေရန် စိတ်ကူးရှိသည်မှာ လျှို့ဝှက်ချက် မဟုတ်ပါ။ သို့သော် ယခုကာလတွင် ကုမ္ပဏီ အနေဖြင့် ထိုသို့ ထုတ်ဝေရန်အတွက် အစိုးရနှင့် တရားဝင် ဆွေးနွေးမှုများ မရှိသေးပါ။
မြန်မာ မီဒီယာများအပေါ် ကျနော့် ပုဂ္ဂလိက အမြင်ကိုလည်း အားလုံး သိရှိပြီး ဖြစ်ပါသည်။ တနေ့တွင် မြန်မာတိုင်းမ်ကို နေ့စဉ် သတင်းစာ တစောင်အဖြစ် ထုတ်ဝေ နိုင်လိမ့်မည်ဟုလည်း ကျနော် မျှော်လင့်ပါသည်။ ဤအမြင်ကိုလည်း ကျနော်တို့ ကုမ္ပဏီ၏ ဝိုင်းတော်သားအားလုံး သိရှိပြီး ဖြစ်ပါသည်။
ဤအမြင်နှင့် ပတ်သက်၍ ဘာမှ အပြောင်းအလဲ မရှိပါ။ နေ့စဉ် သတင်းစာအဖြစ် ပြောင်းလဲ ထုတ်ဝေနိုင်ရန် ကိစ္စသည် မြန်မာ့နိုင်ငံရေး ရှုခင်းကို ပြုပြင် ပြောင်းလဲရေးနှင့် လုံးလုံးလျားလျား ပတ်သက်နေပါသည်။
ကျနော်သည် ပိတ်ဆို့ အရေးယူရေးကို ပြင်းပြင်းထန်ထန် ဆန့်ကျင် ကန့်ကွက်သူ ဖြစ်ပြီး ဆက်ဆံရေး မူဝါဒကို ခိုင်မြဲစွာ ထောက်ခံသူ တဦးလည်း ဖြစ်ပါသည်။
မြန်မာနိုင်ငံတွင်ရှိစဉ် ဤရှည်ကြာလှသော ကာလအတွင်း ကျနော့် အနေဖြင့် အပေါင်း လက္ခဏာ ဆောင်သည့် ပေးဆပ်မှုများ ပြုခဲ့ပြီး ဖြစ်သည်ဟု ယူဆလိုပါသည်။ နောက်ထပ်လည်း စိတ်ရှည်စွာဖြင့် ဆက်လက် လုပ်ဆောင်သွားပါမည်။
မြန်မာနိုင်ငံ တဝှမ်းလုံးမှ ပြည်သူများကလည်း ကျနော်နှင့် ကျနော့် ဝိုင်းတော်သားများ၏ စာနယ်ဇင်းဆိုင်ရာ တတ်ပွန်မှုကို တခဲနက် အားပေးခဲ့ကြပါသည်။ အစိုးရ အနေဖြင့်လည်း ကျနော်တို့၏ အားထုတ် ကြိုးပန်းခဲ့မှုများ အပေါ် အလားတူ လေးစားသမှု ပြသခဲ့သည်ဟု ထင်မြင် ယူဆပါသည်။ သို့သော် အစိုးရ အဖွဲ့တွင်းမှ အရာရှိကြီးများနှင့် အဆက်အသွယ်ဟူ၍ ရှားရှားပါးပါးသာ ကျနော့်တွင် ရှိပါသည်။
ရိုးဖြောင့်စွာဖြင့်
ရော့စ်ဒန်ကလေ
အမှုဆောင်အရာရှိချုပ်၊ အယ်ဒီတာချုပ်
မြန်မာကွန်ဆိုလီဒိတ်တက်မီဒီယာ
(မြန်မာတိုင်းမ် အယ်ဒီတာချုပ်၏ မဇ္ဈိမသို့ အင်္ဂလိပ်ဘာသာဖြင့် ရေးသားပေးပို့သော အယ်ဒီတာ့ထံ ပေးစာကို ဘာသာပြန် ဖော်ပြခြင်း ဖြစ်သည်။)

အမေရိကန်က ဘိန်းဖြူခေါင်းကိုင် ဖခင်ကြီးကို ပိတ်ဆို့အရေးယူ

မဇ္ဈိမသတင်းဌာန

မြန်မာစစ်အစိုးရ၏ စီးပွါးရေး အကျိုးခံစားခွင့်များကို ရည်ရွယ် ပြုလုပ်နေသော ပိတ်ဆို့ အရေးယူမှုများထဲမှ ယခု နောက်ဆုံး ပြုလုပ်လိုက်သော ပိတ်ဆို့မှုမှာ ယခင် မူးယစ်ဆေးဝါး ရာဇာကြီးတဦး ဖြစ်သော လော်စစ်ဟန်နှင့် သူ့မိသားစု၏ စီးပွါးရေး လုပ်ငန်းများအပေါ် အမေရိကန်က ချိန်ရွယ်ပြုလုပ်လိုက်သော ပိတ်ဆို့မှု ဖြစ်သည်။
ယခုအခါ သူ၏သားက ဦးစီး လုပ်ကိုင်နေသော “လော်” ၏ ကော်ပိုရေးရှင်း ဖြစ်သော အေးရှားဝေါလ်ဒ် ကုမ္ပဏီ လီမိတက်သည် မြန်မာနိုင်ငံ အနှံ့အပြားတွင် အဝေးပြေး လမ်းမကြီးများ၊ ဆိပ်ကမ်းများနှင့် အခြား အစိုးရ၏ အထောက်အကူပြု အဆောက်အအုံများ တည်ဆောက် ပေးနေသည့် ကုမ္ပဏီ ဖြစ်ပြီး သမတဘုရ်ှက “စစ်အစိုးရ၏ စားဖော်စားဖက်” ဟု ကင်ပွန်း တပ်ထားသော ကုမ္ပဏီလည်း ဖြစ်သည်။
“ကျွန်ုပ်တို့ မူဝါဒ၏ အစိတ်အပိုင်း တရပ်မှာ စစ်မှန်သော ဒီမိုကရေစီစနစ်သို့ ကူးပြောင်းရေးကို အားပေး မြှင့်တင်ရန် ဖြစ်သည်။ အမေရိကန် အစိုးရသည် ပိတ်ဆို့ အရေးယူမှုများ ပြုလုပ်ရာ၌ စစ်အစိုးရ အဖွဲ့ဝင်များနှင့် သူတို့၏ စားဖော်စားဖက် ကုမ္ပဏီများ၏ ရပိုင်ခွင့်များကိုသာ အာရုံစူးစိုက်၍ ချိန်ရွယ် ပြုလုပ်သည့် မူကို ဆက်လက် ထိန်းသိမ်းထားသည်။ ယင်း ကုမ္ပဏီများသည် စစ်အစိုးရ၏ ညံ့ဖျင်းသော အုပ်ချုပ်ရေးကြောင့် တတိုင်းပြည်လုံး မွဲပြာကျနေချိန်၌ ကောင်းစား နေကြသည်” ဟု ယမန်နေ့က ထုတ်ပြန်လိုက်သော အိမ်ဖြူတော် ကြေညာချက်တွင် ဖေါ်ပြထားသည်။
တဘက်က မိမိ၏ လုံခြုံရေးကို အထောက်အကူ ပြုရန်နှင့် အခြားတဘက်တွင်လည်း မူးယစ်ဆေးဝါး လုပ်ငန်းကို မိမိတို့ တိုက်ဖျက် နေပါသည်ဟု အများက ထင်မြင်ယူဆလာအောင် ၁၉၉ဝ စုနှစ်များအတွင်း လော်၏ မူးယစ်ဆေးဝါး အင်ပါယာဟောင်းကို အောင်မြင်နေသော စီးပွါးရေး ကော်ပိုရေးရှင်းကြီးအဖြစ် ပြောင်းလဲသွားစေရန် စစ်အစိုးရက ကူညီ ထောက်ပံ့ခဲ့သည်ဟု မြန်မာပြည်သား အများစုက ထင်မြင် ယူဆကြသည်။
အမေရိကန် ဘဏ္ဍာရေးဌာန၏ နောက်ဆုံး ပိတ်ဆို့ အရေးယူမှု ပြုလုပ်လိုက်သော စာရင်းတွင် လော်စစ်ဟန်၏ဇနီး စင်္ကာပူနိုင်ငံသူ စီစီလီယာနတ် Cecilia Ng နှင့် အခြား စင်္ကာပူ အခြေစိုက် ကုမ္ပဏီ ၁ဝ ခု ပါဝင်သည်။ ဤဌာနသည် ပိတ်ဆို့ အရေးယူမှုများ လုပ်ရန် တာဝန်ယူရသည့် အစိုးရ ဌာနတခု ဖြစ်သည်။ ပိတ်ဆို့ အရေးယူခံရသည့် ကုမ္ပဏီများ၏ ရရန်ပိုင်ခွင့်များကို အသွင်းအထုတ် မလုပ်နိုင်ရန် ပိတ်ပင်ထားခြင်းနှင့် ဤစာရင်းပါ ကုမ္ပဏီများနှင့် အမေရိကန် ကုမ္ပဏီများ စီးပွါးရေး ဆက်သွယ် ဆောင်ရွက်လုပ်ကိုင်မှုများ မရှိနိုင်အောင် တားမြစ် ပိတ်ပင်ခြင်းများကို ပြုလုပ်ပေးရသည်။
စစ်အစိုးရ၏ စီးပွါးရေး အကျိုးစီးပွါးများကို ဖိအားပေး အရေးယူသည့် ယခု နောက်ဆုံး ပြုလုပ်လိုက်သည့် ပ်ိတ်ဆို့မှုတွင် ဘုရ်ှအစိုးရ၏ ယခင် ပိတ်ဆို့အရေးယူမှုများကို ခံထားရပြီး ဖြစ်သည့် မြန်မာ စီးပွါးရေး လုပ်ငန်းရှင်ကြီး ဦးတေဇလည်း ပါဝင်သည်။ ယခု ပိတ်ဆို့လိုက်သော အရေးယူမှု အသစ်တွင် ၎င်းပိုင် Aureum Palace Hotels နှင့် Myanmar Treasure Resorts တို့ ပါဝင်သည်။
ကုလသမဂ္ဂ အထူးသံတမန် မစ္စတာ အီဗရာဟင် ဂမ်ဘာရီက မြန်မာ့အရေးနှင့် စပ်လျဉ်း၍ အာဆီယံ၏ အခန်းကဏ္ဍသည် အလွန်ကြီးမားသည်ဟု ပြောဆိုခဲ့ပြီး နောက်တရက်တွင်ပင် အမေရိကန်သမတ ဘုရ်ှကလည်း တနင်္လာနေ့က အလားတူ ပြောဆိုလိုက်သည်။
“ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများကို လွှတ်ပေးရန် လိုအပ်ကြောင်းနှင့် တိုင်းရင်းသားများ အပေါ် စစ်ဆင် တိုက်ခိုက်နေမှုများကိုလည်း ရပ်ဆိုင်းရန်၊ ဒီမိုကရေစီ စနစ်သို့ အမှန်တကယ် ကူးပြောင်းသည့် ဖြစ်စဉ်ကို စတင်ရန် စသည့် မြန်မာပြည်သူ တရပ်လုံးက ပြသခဲ့ပြီး ဖြစ်သည့် ဆန္ဒများကို တုံ့ပြန် ဆောင်ရွက်ပေးရေးအတွက် မြန်မာ စစ်အစိုးရအပေါ် တိုက်တွန်း နားချပေးပါရန် မြန်မာ့ အိမ်နီးချင်း နိုင်ငံများနှင့် အရှေ့တောင်အာရှ ကာယကံရှင် နိုင်ငံများ အားလုံးကို ကျနော်တို့ တိုက်တွန်း အားပေးပါသည်” ဟု သမတဘုရှ် က သူ့မိန့်ခွန်းတွင် ထည့်သွင်း ပြောကြားသွားသည်။
မည်သို့ပင်ဖြစ်စေ အစိုးရသည် နားလည်ရန် ခက်နေဆဲ ဖြစ်ပြီး မြန်မာပြည်တွင်းတွင် အမျိုးသား ပြန်လည်သင့်မြတ်ရေး နှင့် ပြုပြင် ပြောင်းလဲရေး လုပ်ငန်းများ လုပ်ဆောင်ရန် ပိတ်ဆို့ အရေးယူမှုကို လက်နက်တခုအဖြစ် အသုံးချရေး အပေါ် သဘောထားများ ကွဲပြားစေခဲ့သည်။
ဖိလိပိုင်၊ အင်ဒိုနီးရှား နှင့် စင်္ကာပူတို့ကဲ့သို့ အချို့ အာဆီယံ နိုင်ငံများ အနေဖြင့် မြန်မာပြည်၏ ပြုပြင် ပြောင်းလဲရေး ခြေလှမ်းများ နှေးကွေးနေခြင်းအပေါ် အားမလိုအားမရ ဖြစ်ကြသော်လည်း အဖွဲ့ဝင် နိုင်ငံများ၏ အစိုးရများ အနေဖြင့် မိမိတို့၏ ပြည်တွင်းရေး ကိစ္စရပ်များ အပေါ် လွတ်လွတ်လပ်လပ် လုပ်ပိုင်ခွင့်ရှိခြင်းကို လေးစားသည့် မူကို လိုက်နာလိုသည့် ခြားနားသော အမြင် ကိုင်စွဲထားသည့် နိုင်ငံများလည်း ရှိကြသည်။ ထိုနိုင်ငံများသည် ပိတ်ဆို့ အရေးယူမှုကို အပြည့်အဝ ထောက်ခံရန်လည်း ဝန်လေးကြသည်။
ဗီယက်နမ်၊ ကမ္ဘောဒီးယား နှင့် လာအိုနိုင်ငံတို့သည် မြန်မာနိုင်ငံနှင့် ယင်း၏ ဗိုလ်ချုပ်များအပေါ် ပိတ်ဆို့ အရေးယူမှုများကို အစဉ်တစိုက် ဆန့်ကျင်ခဲ့ကြသည့် နိုင်ငံများ ဖြစ်သည်။ စင်္ကာပူနိုင်ငံ ဆိုလျှင် ၂ဝဝ၆-၂ဝဝ၇ ဘဏ္ဍာရေးနှစ်တွင် တရုတ်နှင့် ထိုင်းနိုင်ငံတို့ ပြီးလျှင် မြန်မာနိုင်ငံ၏ တတိယ အကြီးဆုံး ကုန်သွယ်ဘက်နိုင်ငံ ဖြစ်သည်။ စင်္ကာပူနိုင်ငံသည် ပိတ်ဆို့ အရေးယူမှုအပေါ်သာ အားကိုးအားထား ပြုနေခြင်း၏ ထိရောက်မှု ရှိမရှိကိုလည်း မေးခွန်းထုတ်နေသူ ဖြစ်သည်။
မြန်မာ စစ်အစိုးရအပေါ် ပိတ်ဆို့ အရေးယူမှုသည် ထိရောက်မှု မရှိရုံသာမက မြန်မာ့ လူ့အဖွဲ့အစည်းကိုလည်း ကွဲပြားစေပြီး ဆန့်ကျင်ဘက် ရလဒ်ကိုသာ ရစေလိမ့်မည် ဖြစ်ကြောင်း စင်္ကာပူ နိုင်ငံခြားရေး ဝန်ကြီး ဂျော့ယိုး George Yeo က ရွှေဝါရောင် တော်လှန်ရေး အပြီးတွင် ပြောကြားလိုက်ပြီး ပိတ်ဆို့ အရေးယူမှုကို မထောက်ခံကြောင်းလည်း ပြောကြားသွားသည်။
ထိုအတောအတွင်း ထိုင်းနိုင်ငံ အနေဖြင့်လည်း တွေ့ဆုံ ဆွေးနွေးရေးကို ထောက်ခံ အားပေးနေရာမှ ပိတ်ဆို့ အရေးယူမှု ကို ပြောင်းလဲထောက်ခံရန် ဝန်လေးနေသည်။ ထိုင်းနိုင်ငံ အနေဖြင့်လည်း မြန်မာနိုင်ငံ၏ ဓါတ်ငွေ့လုပ်ငန်းများ၊ ရေအား လျှပ်စစ် စီမံကိန်းများမှ အကျိုးအမြတ် ရရှိနေသည်လည်း ဖြစ်သည်။
မြန်မာ စစ်အစိုးရနှင့် ပတ်သက်နေသည့် အတွက် ဗီဇာ ပိတ်ပင်ခံရသူများ စာရင်းတွင် လူပေါင်း ၉ဝဝ ခန့် ရှိကြောင်း အိမ်ဖြူတော်က ပြောကြားသည်။ ထိုပိတ်ပင်မှု အများစုကို ရွှေဝါရောင် တော်လှန်ရေးကို မြန်မာစစ်အစိုးရက ရက်စက်စွာ နှိမ်နင်းခဲ့ပြီး နောက်ပြုလုပ်ခဲ့ခြင်း ဖြစ်သည်။ ထိုနှိမ်နင်းမှုတွင် အနည်းဆုံး ဆန္ဒပြသူ လူတဒါဇင်ခန့် သေဆုံးခဲ့ပြီး လူပေါင်းထောင်ချီ၍ အရမ်းကာရော ဖမ်းဆီးရာတွင် ပါသွားခဲ့သည်။

ရတနာပုံမီး ဖုန်းလိုင်းများပါ ပြတ်တောက်

သန်းထိုက်ဦး

ချင်းမိုင်။ ။ မန္တလေးတိုင်း ချမ်းအေးသာစံ မြို့နယ်အတွင်းရှိ ရတနာပုံဈေးကြီး ယမန်နေ့က မီးလောင်ခဲ့ရာတွင် ဈေးကြီးနှင့် အနီး ပတ်ဝန်းကျင်ရှိ တယ်လီဖုန်းလိုင်းများလည်း ပြတ်တောက်ကုန်သည်။
ယမန်နေ့ နံနက် ၈ နာရီမှ မွန်းလွဲ ၂ နာရီခွဲအတွင်း မီးလောင်မှု ဖြစ်ပွားခဲ့ရာတွင် ဈေးနှင့် ၃၃-၃၄ လမ်း၊ ၇၇-၇၈ လမ်းကြား အနီးတဝိုက်ရှိ နေအိမ်များမှ တယ်လီဖုန်းလိုင်းများပါ ပြတ်တောက်ကုန်ခြင်း ဖြစ်သည်။
အမည်မဖော်လိုသူ အဆိုပါ မြို့ခံက “ရတနာပုံ ဈေးကြီးမှာရှိတဲ့ ဆိုင်ခန်းတွေရယ်၊ နောက် ဈေးပတ်ဝန်းကျင်မှာ ရှိတဲ့ အိမ်တွေကို ပေးထားတဲ့လိုင်းတွေ အလုံးပေါင်း တထောင်လောက် ရှိတယ်။ သူတို့ယူထားတာက တလုံးကို ၁ဝ သိန်းနဲ့ ဝယ်ထားရတယ်လို့ ပြောတယ်။ အခု အဲဒီဖုန်းလိုင်းတွေ အကုန် ပျက်သွားတယ်။” ဟု မဇ္ဈိမကို ပြောသည်။
အခြား ဒေသခံ တဦးကလည်း ပျက်စီးသွားသော ဖုန်းအလုံးပေါင်း ၁ဝဝဝ ခန့် ရှိနိုင်ကြောင်းနှင့် ဆုံးရှုံးမှုနှင့် ပတ်သက်၍ အာဏာပိုင်များဘက်က မည်ကဲ့သို့ ပြန်လည် ဆောင်ရွက်ပေးမည်ကို မသိရှိကြသေးဘဲ ဖြစ်နေကြောင်း ပြောပြသည်။
သူက “အခုပျက်သွားတဲ့ ဖုန်းလိုင်းနဲ့ ပတ်သက်ပြီးတော့ အခုအချိန်ထိ အာဏာပိုင်ဘက်က ဘာမှ မပြောသေးဘူး။ ဖုန်း တင်ထားတာကတော့ ဟို ၂ဝဝ၃ ခုနှစ်က တင်ထားတာ၊ ဒီ ၂ဝဝ၆ ခုနှစ်အတွင်းမှာ ရတနာပုံ ဈေးကြီး ဖွင့်တော့မှ စပြီးတော့ ရတာ။ အခု ပျက်စီးသွားတဲ့ ဖုန်းနံပါတ်တွေက ၆ နဲ့ စတဲ့ ဖုန်းတွေ” ဟု ပြောသည်။
သူက ဆက်ပြီး “ပြန်ရမယ် ကြာမယ်။ ဘယ်တော့မှန်း မပြောနိုင်သေးဘူး။ ဒီလိုမျိုး ကြီးကြီးမားမား တခါမှ မကြုံဖူးဘူး။ သေးသေးတွေတုန်းကတော့ ရတယ်” ဟု ပြောသည်။
ဤကိစ္စနှင့် ပတ်သက်၍ အချက်အလက် အသေးစိတ် သိရှိနိုင်ရန်အတွက် မန္တလေးတိုင်း တယ်လီဖုန်း ဆက်သွယ်ရေး ဌာနသို့ ဆက်သွယ်ရာတွင် ဖုန်းကိုင်မည့်သူ မရှိပါ။
မီးသတ်ကားများသည် မီးစလောင်ပြီး တနာရီကျော်ကြာမှ ရောက်လာပြီး မီးငြိမ်းသတ်ခဲ့သော်လည်း မီးသည် မီးညွန့်မကျိုးဘဲ နာရီပေါင်းများစွာ ဆက်တိုက် လောင်ကျွမ်းခဲ့သည်။
ယနေ့ မွန်းလွဲကလည်း မီးပြန်လည် တောက်လောင်မှု ဖြစ်ခဲ့သည်။ အသေးစိတ်ကို

နှစ်ပေါင်း (၆၀) ကျော် "အကြမ်းဖက်" ခံနေရသည် (ဆောင်းပါး)

ဆောင်းပါး
အောင်မော်ဦး
ပါရီ ကျဆုံးခန်း ၀ထ္တုထဲ၌ အီလျာ အာရင်ဘတ်က ပြင်သစ်အစိုးရ၏ လုပ်ပုံကိုင်ပုံကိုကြည့်၍ "ပါရီမြို့ကြီး ကိုယ်တခြမ်း သေနေပြီ" ဟု ပြောခဲ့သည်။ တိုင်းပြည်က "ဂျာမန်ကို ခံတိုက်မည်လော၊ ဒူးထောက် အညံ့ခံမည်လော"ဟု မေးခွန်းထုတ်နေချိန် တွင် နလဗိန်းတုံး အစိုးရသည် မည်သည့် ပြင်ဆင်မှုမျှ မလုပ်၊ မည်သူ့ ထင်မြင်ချက်မျှ အရေးမထား။ သူရဲဘောကြောင်သည့် အစိုးရက "ပါရီသည် ယနေ့တိုင် ပါရီပင် ဖြစ်သည်" ဟူသည့် သီချင်းကို ရေဒီယိုမှ နေ့ညမပြတ် လွှင့်၍ ကောင်းနေဆဲ၌ ဂျာမန် တင့်ကားများ ပြင်သစ်မြေပေါ် ကျူးကျော် ၀င်ရောက် လာခဲ့ကြတော့သည်။
ထိုစဉ်က ဗိုလ်ချုပ်ဒီဂေါနှင့် သူ၏ တပ်မှူးတပ်သားများသာ သူတို့ ဘာလုပ်ရမည်ကို မှန်မှန်ကန်ကန်သိ၍၊ သူတို့ လုပ်နိုင်သည် ကို သူတို့ဘာသာ ရွေးချယ်ပြီး စနစ်တကျ မလုပ်ဆောင်နိုင်ခဲ့ကြလျှင် ဒုတိယ ကမ္ဘာစစ်သည် ဤပုံစံဖြင့် ပြီးချင်မှ ပြီးပေလိမ့်မည်။ ဗိုလ်ချုပ်ဒီဂေါ၏ "မြေအောက် တော်လှန်ရေး ဆင်နွှဲမှု"က ပါရီမြို့ကြီးကို အသက်ရှူ ပြန်မှန်စေခဲ့သည်။
လက်ရှိ ကျနော်တို့ တိုင်းပြည်၏ အခြေအနေကို ကြည့်ရသည်မှာ ကြိုးမိန့် စောင့်နေသည့် အကျဉ်းသားတဦးနှင့် တူ၍၊ နိုင်ငံသူ နိုင်ငံသားများ၏ အဖြစ်ကို တွေ့ရသည်မှာ (သူတို့တိုင်းပြည်နှယ်) သေနေစေ့မည့် ရက်ကို လက်ချိုး ရေတွက် နေကြရသူများနှင့်ပင် တူနေကြတော့သည်။ သူတို့အတွက် အချိန်သည် သိပ်များများစားစား မကျန်တော့။ လာမည့် (၂) နှစ် အတွက် တခုခု မလုပ်ခဲ့ကြလျှင် နောင် အနှစ် (၆၀) စာမက (မျိုးဆက်နှင့် ချီပြီး) ခါးစည်း၍ ခံကြရပေဦးတော့မည်။ ထိုထက်ပို၍ အနီးကပ်ဆုံး ပြောရလျှင် လာမည့် ၂-၃ လတာအတွင်း သူတို့ တိုင်းပြည်ကို ကြိုးမိန့်ပေးတော့မည့် ဖွဲ့စည်းပုံ အခြေခံ ဥပဒေသစ် ဆန္ဒခံယူပွဲနှင့် ကြုံကြရပါတော့မည်။ ပုံမှန်အားဖြင့် လူထုသည် မိမိတို့၏ မကျေနပ်ချက်၊ လိုအပ်ချက် တို့ကို ဆန္ဒပြသည့် နည်းလမ်း တခုတည်းဖြင့် ဖော်ပြလေ့ရှိသည်။ စစ်အစိုးရသည် (အခြား အစိုးရများ နည်းတူ) ညှိနှိုင်းဖြေရှင်းမှုကို မည်သည့်အခါမျှ ပြုလုပ်လေ့ မရှိဘဲ အနည်းဆုံး ရိုက်နှက် ဖမ်းဆီးခြင်းဖြင့် ဖြစ်စေ၊ အဆိုးရွားဆုံး ပစ်ခတ် သတ်ဖြတ်ခြင်းဖြင့် ဖြစ်စေ ရက်ရက်စက်စက် နှိပ်ကွပ်ပစ်လေ့ ရှိတတ်သည်။ ထိုအခါ လူထု လှုပ်ရှားမှုသည် အပြိုပြို အကွဲကွဲဖြင့် နှစ်အတန်ကြာသည်အထိ နောက်ဆုတ်သွားရတော့သည်။
ပြည်သူလူထု၏ ဆန္ဒ အစစ်အမှန်သည် သူတို့ကို မတရား လုပ်နေသူများအား မတရား ပြန်လုပ်လိုခြင်း မဟုတ်။ သူတို့ကို အနိုင်ကျင့် စော်ကားနေသူများအား ပြန်လည်အနိုင်ကျင့် စော်ကားလိုခြင်း မဟုတ်။ သူတို့ကို ဖိနှိပ်ရက်စက် နေသူများအား ပြန်လည် ဖိနှိပ် ရက်စက်လိုခြင်း မဟုတ်။
ပြည်သူလူထု၏ ဆန္ဒအစစ်အမှန်သည် သူတို့ကို မတရား လုပ်နေသူများအား "ရပ်တန်းက ရပ်စေလိုခြင်း" ဖြစ်သည်။ သူတို့ကို အနိုင်ကျင့် စော်ကားနေသူများအား "ရပ်တန်းက ရပ်စေလိုခြင်း" ဖြစ်သည်။ သူတို့ကို အကြမ်းဖက် ဖိနှိပ်ရက်စက် နေသူများအား "ရပ်တန်းက ရပ်စေလိုခြင်း" ဖြစ်သည်။ ဤသဘော၊ ဤဆန္ဒသည် လူထု၏ဆန္ဒ၊ လူထု၏တရား၊ လူထု၏ဓမ္မ။
ပြည်သူလူထု၏ ဆန္ဒ အစစ်အမှန်သည် သူတို့ဘာသာ ကောင်းရောင်းကောင်းဝယ် လုပ်ကိုင်စားသောက်၍၊ သူတို့ဘာသာ လှူကြတန်းကြ၍၊ သူတို့ ဘာသာ ရောင့်ရဲခြိုးခြံစွာ နေထိုင်ကြ၍၊ အေးအေးချမ်းချမ်းနှင့် ဘုရားသွား ကျောင်းတက်၍ နေထိုင်လိုကြခြင်း ဖြစ်သည်။ မင်းကလည်း မင်းကျင့်တရားနှင့် ညီစေ၊ ပြည်သူကလည်း ပြည်သူ့ဝတ္တရား ကျေပွန်စေ။ ဤသဘော၊ ဤဆန္ဒသည် လူထု၏ဆန္ဒ၊ လူထု၏တရား၊ လူထု၏ဓမ္မ။
သို့သော် ဤမျှ ရိုးစင်း၍၊ ဤမျှ ရောင့်ရဲလွန်းလှသည့် သန်း (၅၀) မျှသော ပြည်သူလူထု၏ ဆန္ဒသည် ကံဆိုးစွာပင် ယနေ့ အထိ မပြည့်ဝနိုင် ရှာရုံမျှမက ကျိုးရကြေရသည့် ဘ၀များသည်လည်း မနည်းလှတော့။ ရင်းရနှီးရသည့် အသက်သွေးချွေး များသည်လည်း မနည်းလှတော့။ စွန့်ရစတေးရသည့် မျိုးဆက်များသည်လည်း မနည်းလှတော့။ အနာဂတ်သည်ကား…။
ဖွဲ့စည်းပုံ အခြေခံဥပဒေ ဟူသည် အစိုးရကိုလည်း မင်းကျင့်တရားနှင့် ညီစေ၊ ပြည်သူကိုလည်း တာဝန်သိစေ ဟူသည့် ပဋိဉာဉ်တရပ်ဟု ဆိုက မမှားတန်ရာ။ ယခုမူ စစ်အစိုးရသည် ဤပဋိဉာဉ်ကို ၎င်းတို့ အလိုကျ ရေးဆွဲ၍ ပြည်သူကို အကျပ်ကိုင်ကာ ပြဌာန်းခိုင်းနေသည်။ စစ်အစိုးရ ချပြသည့် ဖွဲ့စည်းပုံက အစိုးရနှင့် ပြည်သူအကြား နှစ်ဦးသဘောတူ လက်မှတ် ရေးထိုးကြသည့် ပဋိဉာဉ်မျိုးမဟုတ်။ သခင်နှင့် ကျွန်အကြားချုပ်ဆိုသည့် စာချုပ်မျိုးဖြစ်နေသည်။ လူထုက မိမိတို့ ကျွန်ဇာတ်အသွင်းခံရခြင်းကို သဘောတူကြောင်း လက်မှတ် ရေးထိုးပေးရမည့် စာချုပ် ဖြစ်နေသည်။ အထူးသဖြင့် စစ်တပ်က ဗိုလ်ကျလွှမ်းမိုးမှုကို ကျိုးနွံ ၀ပ်ပြားပေးရမည့် စာချုပ် ဖြစ်သည်။ ပြည်သူလူထု၏ ဆန္ဒအစစ်အမှန် ဖြစ်သည့် သူတို့ကို မတရား လုပ်နေသူများအား "ရပ်တန်းကရပ်စေ" မည့် ပဋိဉာဉ်မျိုး မဟုတ်။ ပြည်သူများ သူတို့ဘာသာ ကောင်းရောင်းကောင်းဝယ် လုပ်ကိုင်စားသောက်၍ နေထိုင်နိုင်ကြမည့် ပဋိဉာဉ်မျိုးမဟုတ်။ ဓားမိုးအုပ်ချုပ်၍ ပိပြားနေကြရမည့် ဥပဒေမျိုး ဖြစ်နေသည်။
ကျနော့် အနေဖြင့် တိုက်တွန်းလိုသည်မှာ ပြည်သူလူထု အနေဖြင့် ဤ အတည်ပြုလာတော့မည့် ဖွဲ့စည်းအုပ်ချုပ်ပုံ အခြေခံ ဥပဒေကို ကန့်ကွက်ကြောင်း မိမိတို့ဆန္ဒကို ထုတ်ဖော်ပြသ (ဆန္ဒပြ) ရတော့မည့် အချိန်ဖြစ်သည်။ လမ်းပေါ်ထွက် ဆန္ဒပြသည့် နည်းလမ်းအပြင် အသည်းကြားမှ မဲတပြားဖြင့် ကန့်ကွက်ခြင်းသည်လည်း ဆန္ဒပြခြင်း တမျိုးပင် ဖြစ်သည်။ မြန်မာ ပြည်သူများသည် ဤသို့ ဆန့်ကျင် ကန့်ကွက်မှုမျိုးကို ကျွမ်းကျင်ကြပါသည်။ စစ်အာဏာရှင်ကို နည်းမျိုးစုံဖြင့် (passive resistance) ရသရွေ့ ဆန့်ကျင်ခဲ့ကြသည်မှာ မရေမတွက်နိုင်တော့။ သို့သော်လည်း ဤတပွဲတွင်တော့ ပို၍ စည်းလုံးမှု ရှိစွာ၊ ပို၍ အချိတ်အဆက်မိစွာ ဆန့်ကျင်ရတော့မည့် အချိန်ဖြစ်ပေသည်။
အနုပညာရှင်များလည်း ပါရမည်။ ရုပ်ရှင်မင်းသား၊ မင်းသမီး၊ သံချပ်ထိုးသူများ၊ ဟစ်ဟော့ပ် အဆိုတော်၊ လူရွှင်တော် အလွှာမျိုးစုံ ပါဝင်၍ ဆန့်ကျင်ရမည့် ပွဲဖြစ်ပါသည်။ ဒေါ်အောင်ဆန်းစုကြည်နှင့် နိုင်ငံရေး တက်ကြွလှုပ်ရှားသူ အချို့က အစွမ်းပြရုံမျှ မဟုတ်ပါ။ လူထုအားလုံး တက်ညီလက်ညီ အစွမ်းပြရမည့် ပွဲဖြစ်သည်။ အပစ်ရပ် အဖွဲ့များသည်လည်း တနည်းတဖုံ ပါဝင်ကြရပါတော့မည်။ အပစ်ရပ် အဖွဲ့များသည်လည်း မိမိတို့၏ ရပ်တည်ချက်၊ အခန်းကဏ္ဍကို ဖော်ပြရပေတော့မည်။ လွတ်လပ်ရေး ကြိုးပမ်းစဉ် ကာလက ဗိုလ်ချုပ်အောင်ဆန်းသည် မည်သူမျှ ကိုယ်နှင့် မဆိုင်သလို မနေရ၊ မည်သူမျှ ကိုယ့်အရေး မဟုတ်သလို သဘောမထားရ။ မည်သူမျှ ရေသာခို လှေကြုံ လိုက်ခွင့်မရ ဟူသည့်မူဖြင့် လူထုကို ကိုယ်တိုင်ကိုယ်ကျ ပါဝင်စေခဲ့ပါသည်။ လူထုအားကို ဖော်ထုတ်ခဲ့သည်။ လူထုအားကို ကိုးစားခဲ့သည်။
ဤ တိုက်ပွဲသည် လက်စားချေရန်မဟုတ်၊ အများသူငါ သွေးထွက်သံယို ဖြစ်စေရန်မဟုတ်၊ အပြစ်မဲ့ပြည်သူများ အတိ ဒုက္ခ ရောက်ကြစေရန်မဟုတ်။ ဤတိုက်ပွဲဖြင့် အများပြည်သူအပေါ် အတိုင်းထက်အလွန် ယုတ်မာ ရိုင်းစိုင်းနေသူများ၊ အာဏာပြ ဗိုလ်ကျမင်းမူ၍ အနိုင်ကျင့် စော်ကားနေသူများ၊ တရားလက်လွတ် ရက်စက် ရမ်းကားနေသူများ၊ ကမ်းကုန်အောင် အကြမ်းဖက် ဖိနှိပ်နေကြသူများအား "ရပ်တန်းက ရပ်စေရန်"အတွက် ထိထိရောက်ရောက် ဖိအားပေးသည့် နည်းလမ်းတခု အဖြစ် အသုံးပြုရန် ဖြစ်ပါသည်။ တနည်းအားဖြင့် "အဓမ္မ" ဂိုဏ်းသားများ "ဓမ္မ" ဘက်သို့ ကူးပြောင်း လာကြစေရေးအတွက် တိုက်ရိုက် ဖိအားပေးသည့် နည်းလမ်းတခုအဖြစ် အသုံးပြုရန်သာလျှင် ဖြစ်ပါသည်။
သေချာသည်မှာ "ကျနော်တို့ တိုင်းပြည်ကြီး နှစ်ပေါင်း (၆၀) ကျော် အကြမ်းဖက် ခံနေရသည်" ဟူသည့်အချက် ဖြစ်သည်။ ဤ ဒဏ်ရာဒဏ်ချက်များကြောင့် မြန်မာနိုင်ငံကြီးလည်း ကိုယ်တခြမ်း သေနေခဲ့ပြီ။ "ပြည်သူ့အားနှင့် ခံတိုက်မည်လော၊ ဒူးထောက် အညံ့ခံမည်လော" ဟု မေးခွန်းထုတ်ရတော့မည့် အချိန် ဖြစ်ပါသည်။ ကြုံလာတော့မည့် စစ်ကျွန် ဖွဲ့စည်းပုံ ဆန့်ကျင်ရေး တိုက်ပွဲအတွက် အသင့်ပြင်ကြပါစို့။ မြန်မာပြည်သူများ မှန်မှန်ကန်ကန် သိမြင်၍ စုပေါင်း တိုက်ပွဲဆင်ခြင်းဖြင့်သာ ထွန်းသစ်သည့် မြန်မာနိုင်ငံ ဖြစ်လာစေရမည်ဟု ယုံကြည်လျှက် ….။

မန္တလေး ရတနာပုံဈေး မီးလောင်

မဇ္ဈိမသတင်းဌာန

ချင်းမိုင်။ ။ မန္တလေး ရတနာပုံ ဈေးကြီးတွင် ယနေ့ နံနက် ၈းဝဝ နာရီမှစ၍ မီးလောင်မှု ဖြစ်ပွားရာ သတင်းပေး ပို့ချိန် နံနက် ၉းဝဝ နာရီအထိ ဆက်လက် လောင်ကျွမ်းနေဆဲ ဖြစ်သည်။ မန္တလေးမြို့တွင် တပတ်အတွင်းနှစ်ကြိမ် မြောက် မီးအကြီးအကျယ် လောင်ကျွမ်းမှု ဖြစ်သည်။
မီးဆက်လက် လောင်ကျွမ်းဆဲဖြစ်ပြီး နာမည်ကျော် အမ်ကေ ဖက်ရှင် အဝတ်အစား ဆိုင်ဘက်သို့ မီးကူးစက် လာနေသည်။ “နောက် တနာရီ လောက် ကြာရင် အကုန်ကုန်မှာပဲ” ဟု မီးလောင်ရာ နေရာ တွင် ရောက်ရှိနေသူ တဦးက ပြောသည်။
ရတနာပုံ တယ်လီပေါ့တ်သည်လည်း မီးသင့်နေသည်။ ဖေဖော်ဝါရီ ၂၄ ရက်နေ့ကလည်း ၈၄ လမ်းမပေါ်ရှိ ၂၅-၂၆ လမ်းတွင် မီးလောင်ရာ လူအသေအပျောက်ပင် ရှိခဲ့သည်။
ဈေးဖွင့်ကာစမှာပင် မီးစတင်လောင်ကျွမ်းမှု ဖြစ်သည်။ လျှပ်စစ်ဝိုင်ယာကြိုး ရှော့ဖြစ်ရာမှ မီးလောင်မှု ဖြစ်ပွားခြင်း ဖြစ်သည်ဟု ကနဦး သတင်းများက ပြောသည်။
မီးခိုးလုံးများ ထူထပ်နေသောကြောင့် မီးသတ်သမားများမှာ အထဲဝင်၍ မရနိုင်ဘဲ ဖြစ်သည်။
“ဆိုင်ရှင်တွေကော လူတွေကော စိတ်ပျက်လက်ပျက်နဲ့ ရပ်ကို ကြည့်နေကြရတာ” ဟု မျက်မြင်သက်သေ တဦးက ပြောသည်။
ရတနာပုံဈေးသည် ၃၂ လမ်းနှင့် ၇၈ လမ်းထောင့်တွင် တည်ရှိပြီး နာမည်ကျော် မန္တလေး MICT parkကွန်ပြူတာ ဈေး၊ Skywalk အရောင်းဆိုင်များ၊ Orange ဆူပါမားကက်၊ စနူကာဆိုင်များ၊ စားသောက်ဆိုင်များနှင့် ရာပေါင်း များစွာသော ဆိုင်ခန်းများ ပါဝင်သည်။ ဈေးချိုဈေးအကြီးအပြီး ဒုတိယအကြီးဆုံးသော ရတနာပုံဈေးကို ၂ဝဝ၃ ခုနှစ်တွင် စတင် ဖွင့်လှစ်ခဲ့သည်။
မြန်မာစံတော်ချိန် ၁၁ နာရီခန့်တွင် မီးလောင်စရာ မကျန်တော့၍ မီးညွှန့် ကျိုးသွားပြီ ဖြစ်ကြောင်း သတင်းပေး ပို့သည်။
စားသောက်ဆိုင်များမှ ဓာတ်ငွေ့အိုးများ ပေါက်ကွဲသည်ကို အတိုင်းသား ကြားခဲ့ရကြောင်း ဒေသခံများက ပြောသည်။ မန္တလေး ရတနာပုံဈေးတွင် လောင်ကျွမ်းသော မီးမှာ လွန်ခဲ့သည့် နာရီဝက်ခန့် (မြန်မာစံတော်ချိန် ၁၈း၀၀ နာရီ) က လုံးဝ ငြိမ်းသွားပြီ ဖြစ်သည်။
ပြင်ဦးလွင်၊ ကျောက်ဆည်၊ စစ်ကိုင်းတို့မှလည်း မီးသတ်ကားများ ရောက်ရှိ ငြိမ်းသတ်ခဲ့ရသည်။
မန္တလေးဆေးရုံကြီး အရေးပေါ်ဌာနသို့ မီးလောင်ဒဏ်ရာ ရရှိသူများ ရောက်ရှိလာခဲ့ကြသည်။ အသေအပျောက် ဆုံးရှုံးမှု အသေးစိတ် ထုတ်ပြန်ခြင်း မရှိသေးပေ။
မန္တလေးမြို့ ရတနာပုံဈေးတွင် တင်္နလာနေ့ ဖေဖော်ဝါရီ ၂၅ ရက်၊ ၂၀၀၈ ခုနှစ်က မီးလောင်ရာ မီးခိုးလုံးများ ထိုးတက်နေစဉ်။ ဓာတ်ပုံ- နေးတစ်မြန်မာဖိုရမ်။

နေပြည်တော်အနီး မြို့ငယ်တခု တည်ဆောက်နေပြန်

မဇ္ဈိမသတင်းဌာန
ရန်ကုန်။ ။ စစ်အစိုးရရုံးစိုက်ရာ နေပြည်တော်အနီးရှိ ချင်းရွာလမ်းဆုံ ပတ်လည်တွင် မြေကွက် ၄ ထောင် ပါဝင်သော မြို့သစ်တခုကို ဖော်ထုတ်လျက် ရှိနေသည်ဟု နေပြည်တော်ရှိ မြို့တော် စည်ပင်သာယာရေးက ဆိုသည်။
မြို့တော်သစ် နေပြည်တော်၏ အနောက်မြောက်ဘက် မိုင် ၂ဝ ကျော်တွင်ရှိသော မြေကွက်များကို မည်သူမဆို ဝယ်ယူနိုင်မည် ဖြစ်ပြီး မြေကွက်ဈေးနှုန်းမှာ ပေ ၈ဝ ပတ်လည် မြေကွက်တကွက်လျှင် ကျပ်သိန်း ၂ဝ၊ ပေ ၁ဝဝ ပတ်လည်ကို သိန်း ၃ဝ၊ ပေ ၁၂ဝ ပတ်လည်ကို သိန်း ၄ဝ သတ်မှတ်ကာ ရောင်းချပေးနေသည်ဟု စည်ပင်သာယာရေး ဌာနက ပြောသည်။
“ရေမီးတွေကိုတော့ ကျနော်တို့ သတင်းစာမှာ ကြေညာထားတဲ့ အတိုင်းပဲ လုပ်ပေးသွားမှာပါ။ အခု ကျနော်တို့ မြေကွက်တွေကို စပြီး ရောင်းနေကြပါပြီ” ဟု စည်ပင်သာယာရေး လက်အောက်မှ မြေယာဌာန တာဝန်ရှိတဦးက ပြောသည်။
ရွာတော်မြို့နှင့်လည်း နီးသော ထိုမြေကွက်များကို ဝယ်ယူ နေထိုင်မည့် သူများအတွက် ရေ၊ လျှပ်စစ်မီး၊ တယ်လီဖုန်းလိုင်းနှင့် တီဗီလိုင်းများကို အဆင်သင့် တပ်ဆင်ပေးသွားမည် ဖြစ်သည်ဟု သိရသည်။
အဆိုပါ မြို့သစ် တည်ဆောက်ရာ နေရာအနီးတွင် အစိုးရ ဝန်ထမ်းများအတွက်လည်း မြေကွက်များကို ရောင်းချပေးနေပြီဟု နေပြည်တော်ရှိ မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနမှ အရာရှိတဦးက ပြောသည်။
“နေရာကတော့ အဲဒီနားမှာပါပဲ။ သိပ်မဝေးဘူး။ ဝန်ထမ်းတွေကို သပ်သပ်ပေးတာပေါ့နော်။ ဝန်ထမ်းတွေက လုပ်သက် ၁ဝ နှစ် ရှိရမယ်။ နေပြည်တော်မှာ ၂ နှစ် လုပ်ရမယ်။ အဲဒီလူတွေကိုပဲ ရောင်းပေးမှာ” ဟု အဆိုပါ အရာရှိက ပြောသည်။
ဝန်ထမ်းများအတွက် ရောင်းချပေးနေသည့် မြေကွက်များမှာ ပေ ၄ဝ-၆ဝ ပတ်လည်အတွက် ကျပ်ငွေ ၃ သိန်း ပေးရမည်ဖြစ်ပြီး ပေ ၆ဝ ပတ်လည် မြေကွက်အတွက် ကျပ် ၈ သိန်း သတ်မှတ်ထားသည်။
ယခုဖော်ထုတ်နေသည့် မြို့သစ်မှာ လူစည်ကားခြင်း မရှိသေးသော်လည်း လာမည့် နှစ်အနည်းငယ်အတွင်း လူစည်ကားလာနိုင်မည်ဟု မျှော်လင့်ရသည်ဟူ၍ သူက ဆက်ပြောသည်။
ဆင်းရဲသော တိုင်းပြည်တွင် နအဖ စစ်အစိုးရသည် ကြိုတင် ကြေညာခြင်းမရှိဘဲ မြို့တော်သစ်တခု တည်ဆောက်ကာ ၂ဝဝ၅ ခုနှစ် နိုဝင်ဘာလ ၆ ရက်နေ့တွင် စတင်၍ အစိုးရ ရုံးစိုက်ခဲ့ရာ ပြည်တွင်းနှင့် နိုင်ငံတကာ အသိုင်းအဝိုင်း၏ ဝေဖန်မှု အကြီးအကျယ် ခံခဲ့ရသည်။

နေပြည်တော်အနီး မြို့ငယ်တခု တည်ဆောက်နေပြန်

မဇ္ဈိမသတင်းဌာန
ရန်ကုန်။ ။ စစ်အစိုးရရုံးစိုက်ရာ နေပြည်တော်အနီးရှိ ချင်းရွာလမ်းဆုံ ပတ်လည်တွင် မြေကွက် ၄ ထောင် ပါဝင်သော မြို့သစ်တခုကို ဖော်ထုတ်လျက် ရှိနေသည်ဟု နေပြည်တော်ရှိ မြို့တော် စည်ပင်သာယာရေးက ဆိုသည်။
မြို့တော်သစ် နေပြည်တော်၏ အနောက်မြောက်ဘက် မိုင် ၂ဝ ကျော်တွင်ရှိသော မြေကွက်များကို မည်သူမဆို ဝယ်ယူနိုင်မည် ဖြစ်ပြီး မြေကွက်ဈေးနှုန်းမှာ ပေ ၈ဝ ပတ်လည် မြေကွက်တကွက်လျှင် ကျပ်သိန်း ၂ဝ၊ ပေ ၁ဝဝ ပတ်လည်ကို သိန်း ၃ဝ၊ ပေ ၁၂ဝ ပတ်လည်ကို သိန်း ၄ဝ သတ်မှတ်ကာ ရောင်းချပေးနေသည်ဟု စည်ပင်သာယာရေး ဌာနက ပြောသည်။
“ရေမီးတွေကိုတော့ ကျနော်တို့ သတင်းစာမှာ ကြေညာထားတဲ့ အတိုင်းပဲ လုပ်ပေးသွားမှာပါ။ အခု ကျနော်တို့ မြေကွက်တွေကို စပြီး ရောင်းနေကြပါပြီ” ဟု စည်ပင်သာယာရေး လက်အောက်မှ မြေယာဌာန တာဝန်ရှိတဦးက ပြောသည်။
ရွာတော်မြို့နှင့်လည်း နီးသော ထိုမြေကွက်များကို ဝယ်ယူ နေထိုင်မည့် သူများအတွက် ရေ၊ လျှပ်စစ်မီး၊ တယ်လီဖုန်းလိုင်းနှင့် တီဗီလိုင်းများကို အဆင်သင့် တပ်ဆင်ပေးသွားမည် ဖြစ်သည်ဟု သိရသည်။
အဆိုပါ မြို့သစ် တည်ဆောက်ရာ နေရာအနီးတွင် အစိုးရ ဝန်ထမ်းများအတွက်လည်း မြေကွက်များကို ရောင်းချပေးနေပြီဟု နေပြည်တော်ရှိ မြို့ရွာနှင့် အိုးအိမ်ဖွံ့ဖြိုးရေး ဦးစီးဌာနမှ အရာရှိတဦးက ပြောသည်။
“နေရာကတော့ အဲဒီနားမှာပါပဲ။ သိပ်မဝေးဘူး။ ဝန်ထမ်းတွေကို သပ်သပ်ပေးတာပေါ့နော်။ ဝန်ထမ်းတွေက လုပ်သက် ၁ဝ နှစ် ရှိရမယ်။ နေပြည်တော်မှာ ၂ နှစ် လုပ်ရမယ်။ အဲဒီလူတွေကိုပဲ ရောင်းပေးမှာ” ဟု အဆိုပါ အရာရှိက ပြောသည်။
ဝန်ထမ်းများအတွက် ရောင်းချပေးနေသည့် မြေကွက်များမှာ ပေ ၄ဝ-၆ဝ ပတ်လည်အတွက် ကျပ်ငွေ ၃ သိန်း ပေးရမည်ဖြစ်ပြီး ပေ ၆ဝ ပတ်လည် မြေကွက်အတွက် ကျပ် ၈ သိန်း သတ်မှတ်ထားသည်။
ယခုဖော်ထုတ်နေသည့် မြို့သစ်မှာ လူစည်ကားခြင်း မရှိသေးသော်လည်း လာမည့် နှစ်အနည်းငယ်အတွင်း လူစည်ကားလာနိုင်မည်ဟု မျှော်လင့်ရသည်ဟူ၍ သူက ဆက်ပြောသည်။
ဆင်းရဲသော တိုင်းပြည်တွင် နအဖ စစ်အစိုးရသည် ကြိုတင် ကြေညာခြင်းမရှိဘဲ မြို့တော်သစ်တခု တည်ဆောက်ကာ ၂ဝဝ၅ ခုနှစ် နိုဝင်ဘာလ ၆ ရက်နေ့တွင် စတင်၍ အစိုးရ ရုံးစိုက်ခဲ့ရာ ပြည်တွင်းနှင့် နိုင်ငံတကာ အသိုင်းအဝိုင်း၏ ဝေဖန်မှု အကြီးအကျယ် ခံခဲ့ရသည်။

လွတ်လပ်သော ဆန္ဒခံယူပွဲဖြစ်ရန် ပြည်တွင်းအတိုက်အခံများ တောင်းဆို

မဇ္ဈိမသတင်းဌာန

နယူးဒေလီ။ ။ မေလတွင် ကျင်းပမည့် ပြည်သူ့ဆန္ဒ ခံယူပွဲအတွက် ပြည်သူများထံ လွတ်လပ်ခွင့်များ ပေးရန် လိုအပ်ကြောင်း ပြည်တွင်း အခြေစိုက် ဒီမိုကရေစီ လိုလားသော နိုင်ငံရေး လှုပ်ရှားသူများနှင့် တိုင်းရင်းသား အဖွဲ့ကြီးတခုက ယနေ့ ပြောဆိုလိုက်ကြသည်။
ပြည်သူများကို လွတ်လပ်စွာ ဝေဖန်ခွင့်၊ ဟောပြောခွင့်၊ စည်းရုံးခွင့်များ ပေးအပ်ရန် လိုအပ်သလို၊ နိုင်ငံတကာကို လွတ်လပ်စွာ လေ့လာခွင့်ပြုရေး၊ ပြည်သူများက ယုံကြည်သူများနှင့် ဆန္ဒခံယူပွဲ ကော်မရှင် ဖွဲ့စည်းပေးရေး၊ သန့်ရှင်းမျှတသော မဲပုံးစနစ်၊ ရေတွက်မှု စနစ်ကို စိတ်ချရသော ပတ်ဝန်းကျင်တွင် ပြုလုပ်ပေးရန်နှင့် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများ လွှတ်ပေးရန် မျိုးဆက်သစ် လူငယ်များ အစည်းအရုံး (Generation Wave - GW) က ယနေ့ ကြေညာချက် ထုတ်ပြန်သည်။
“ကျနော်တို့က ပြည်သူလူထု တရပ်လုံး ပါဝင်နိုင်မယ့် လမ်းကို ရွေးရတာပါ။ ဆန္ဒခံယူပွဲကို တိုက်ရင် နအဖ ကို တိုက်ရာ မရောက်ဘဲ၊ လမ်းဖွင့်ပေးရာ ရောက်သွားမှာ စိုးတယ်။ နိုင်ငံတကာရဲ့ ဖိအားပေးမှုနဲ့ လိုက်လျော ညီထွေမှုတို့ကို ထည့်စဉ်းစားရမယ်။ ကျနော်တို့ ပြည်သူတွေကို စည်းရုံးခွင့် ကျဉ်းသွားမလား စတဲ့ အချက်တွေကြောင့် နိုင်ငံတကာနဲ့ ပြည်သူ တသားထဲဖြစ်မယ့် ဒီလမ်းကို ရွေးရတာပါ” ဟု GW အဖွဲ့မှ ပြောရေးဆိုခွင့်ရှိသူ ကိုကျော်ကျော်က မဇ္ဈိမကို ပြောသည်။
၁၉၉ဝ ခုနှစ် ရွေးကောက်ပွဲကို မျက်ကွယ်ပြုပြီး အန်အယ်ဒီနှင့် တိုင်းရင်းသားအများ မပါရှိဘဲ ရေးဆွဲထားသော ဖွဲ့စည်းပုံဥပဒေကို အတည်ပြုမည့် ဆန္ဒခံယူပွဲ ပြုလုပ်သည်ကို လက်မခံကြောင်း GW က ဆိုသည်။
နအဖ အနေနှင့် မတ်လကုန် နောက်ဆုံးထား၍ တောင်းဆိုချက်ကို မလိုက်လျောလျှင် ဆန္ဒခံယူပွဲကို လူထု လူတန်းစားပေါင်းစုံ ပါဝင်သည့် တော်လှန်ရေးနှင့် ဆက်လက် တိုက်ပွဲဝင်သွားမည်ဟု မျိုးဆက်သစ် လူငယ်များ အစည်းအရုံးက ပြောဆိုသော်လည်း အသေးစိတ်ကိုမူ ထုတ်ဖော်ခြင်း မရှိပါ။
အလားတူပင် ကချင်ပြည် လွတ်မြောက်ရေးအဖွဲ့ (KIO) ကလည်း ယမန်နေ့က ထုတ်ပြန်သည့် ကြေညာချက်တွင် နိုင်ငံတော် အစိုးအရ အနေဖြင့် လွတ်လပ်ပြီး တရားမျှတသည့် ဆန္ဒခံယူပွဲကို ကျင်းပပေးရန် လိုအပ်ကြောင်းနှင့် ပြည်သူတရပ်လုံး ပါဝင်ပြီး မိမိတို့၏ ဆန္ဒသဘောထား အစစ်အမှန်ကို ဒီမိုကရေစီ နည်းလမ်းတကျ လွတ်လပ်စွာ ဖော်ပြကြရန် လိုအပ်ကြောင်း ရေးသား ဖော်ပြခဲ့သည်။
ကေအိုင်အိုမှ ပြောရေးဆိုခွင့်ရှိသူ ဗိုလ်မှူးကြီး ဂွမ်မော်က “အဓိကတော့ လွတ်လပ်ပြီး တရားမျှတဲ့ စကားမှာ အကုန်လုံး ပြည့်စုံပြီ။ သိပ်အရှည်ကြီး ပြောနေရင်လည်း စည်းကမ်းချက်တွေ အများကြီးပေါ့နော်။ အဓိကတော့ လွတ်လပ်ပြီး တရားမျှတသော ဆန္ဒခံယူပွဲ ဖြစ်ရမယ်။ ဆန္ဒခံယူပွဲ ပေးသူတွေမှာလည်း လက်ရှိ အာဏာရှိသူတွေကလည်း ရွေးချယ်မှုဆိုတာ ရှိတယ်လေ။ အဲဒါကြောင့် ကျနော်တို့ လိုချင်တာက လွတ်လပ်ရမယ်၊ တရားမျှတရမယ် ဆိုတဲ့ ဘောင်ထဲမှာ ကျနော်တို့ အားလုံးက ချိန်ထိုးယူဖို့ ရှိတယ်လေ” ဟု ပြောသည်။
၂ဝ၁ဝ ခုနှစ်တွင် နအဖ မှ ကျင်းပမည်ဆိုသော ရွေးကောက်ပွဲနှင့် ပတ်သက်၍လည်း တရားမျှတမှု ရှိ၊ မရှိ သိရှိနိုင်ရန် သင့်တော်သော အကဲခတ် အဖွဲ့တဖွဲ့ ဖွဲ့စည်းပေးရန်နှင့် ပေါ်ထွက်လာသော ရွေးကောက်ပွဲ ရလဒ်ကို အားလုံးက လေးစား အသိအမှတ် ပြုရန် ဆိုသည့် အချက်များပါ အေအိုင်အို ကြေညာချက်တွင် တောင်းဆိုထားသည်။
ဗိုလ်မှူးကြီး ဂွမ်မော်က “ပါတီလုပ်ပြီး ရွေးကောက်ပွဲ ဝင်မယ်ဆိုတာ ဘာမှ ဆုံးဖြတ်ထားတာ မရှိသေးပါ။ အခုတော့ အခြေအနေကို ကြည့်ပြီးတော့ လက်ရှိ အာဏာကို ရယူထားတဲ့ စစ်အစိုးရအနေနဲ့ ဘယ်လိုလုပ်မလဲ၊ အဲဒီအချိန်မှာ ပြည်သူတွေရဲ့ သဘောထား ဘယ်လိုရှိမလဲ၊ ကေအိုင်အိုရဲ့ အနေအထားနဲ့ တခြားအခြေအနေတွေ ဘယ်လိုရှိမလဲ ဆိုတဲ့ အပေါ်မှာလည်း မူတည်ပါတယ်” ဟု ပြောသည်။
၈၈ မျိုးဆက် ကျောင်းသားအဖွဲ့ ခေါင်းဆောင်တဦးဖြစ်သူ ကိုထွန်းမြင့်အောင်ကလည်း GW ၏ ထုတ်ပြန်ကြေညာချက်အတိုင်း နအဖ အနေနှင့် အကောင်အထည် ဖော်သင့်ကြောင်း ထောက်ခံ ပြောဆိုသည်။
သူက ဆက်ပြီး “လူထုက စစ်အစိုးရရဲ့ အုပ်ချုပ်မှု၊ သူတို့ရဲ့ ဖွဲ့စည်းပုံကို မလိုချင်ဘူးဆိုတာ စက်တင်ဘာ လှုပ်ရှားမှုကြီးက ထင်ထင်ရှားရှား ပြသခဲ့ပြီးပြီ။ အသက်တွေ ဘာတွေပေးပြီးတော့။ အခုလည်း လူထုက ကန့်ကွက်မဲ ပေးချင်နေကြပါတယ်။ ဒါကို ထောက်ခံမဲပေးအောင် လုပ်သွားမယ်ဆိုရင်၊ yes အဖြေ ထွက်လာရင် အဲဒါ လိမ်တာပဲ။ အဲဒါ ညစ်ပတ်မှုပဲ။ မှန်ကန်တဲ့၊ မျှတတဲ့ ဆန္ဒခံယူပွဲဆိုရင် ကျိန်းသေပေါက် ကန့်ကွက်မဲ ထွက်ကို ထွက်ရမယ်” ဟု ပြောသည်။

စင်ပြိုင် အစိုးရကို တိုးချဲ့ဖွဲ့ရန် မူအားဖြင့် သဘောတူကြ

နေသွင်
ချင်းမိုင်။ ။ ပြည်ပရောက် အစိုးရအဖွဲ့ကို တိုးချဲ့ဖွဲ့စည်းရေးကို ပြည်ပရောက် လွှတ်တော် ကိုယ်စားလှယ်များ၏ ယမန်နေ့က ပြီးဆုံးသွားသော ညီလာခံတွင် မူအားဖြင့် သဘောတူခဲ့ကြသည်။
ထိုင်း-မြန်မာ နယ်စပ်တွင် ဗုဒ္ဓဟူးနေ့က ကျင်းပ ပြီးစီးသွားသော ပြည်သူ့လွှတ်တော် ကိုယ်စားလှယ်များသမဂ္ဂ (MPU) အဖွဲ့၏ လေးနှစ်တကြိမ် ညီလာခံတွင် ဒေါက်တာ စိန်ဝင်း ဦးဆောင်သော NCGUB ခေါ် ပြည်ထောင်စု မြန်မာနိုင်ငံ အမျိုးသား ညွှန့်ပေါင်းအစိုးရ အဖွဲ့ကို လွှတ်တော်အမတ်များ၊ တိုင်းရင်းသား ခေါင်းဆောင်များ၊ သင့်တော်သော ပုဂ္ဂိုလ်များဖြင့် တိုးချဲ့ ဖွဲ့စည်းရန် သဘောတူခဲ့ကြခြင်း ဖြစ်သည်။ သို့သော် မည်သည့်နေ့ရက် နောက်ဆုံးထား ဖွဲ့စည်းမည်ဟု ဆုံးဖြတ်ထားခြင်း မရှိပေ။
ညီလာခံသို့ လွှတ်တော် ကိုယ်စားလှယ် အဖွဲ့ဝင် (၃၄) ဦးအနက် (၂၄) ဦး တက်ရောက်ပြီး ဝန်ကြီးချုပ် ဒေါက်တာစိန်ဝင်းက အင်တာနက်မှတဆင့် ဝင်ရောက် ဆွေးနွေးခဲ့သည်။ ဒေါက်တာ စိန်ဝင်းသည် ဒေါ်အောင်ဆန်းစုကြည်၏ အကိုတဝမ်းကွဲ ဖြစ်သည်။
စင်ပြိုင်အစိုးရ လက်တွေ့ တိုးချဲ့ ဖွဲ့စည်းရေးအတွက် ပြည်ပအခြေစိုက် တပ်ပေါင်းစုများကို ပြန်လည် ပေါင်းစည်းထားသည့် တပ်ပေါင်းစုကြီး ဖြစ်သည့် ဦးမောင်မောင် ဦးစီးသော ပြည်ထောင်စု မြန်မာနိုင်ငံ အမျိုးသားကောင်စီ (NCUB)၊ နှင့် နယ်စပ်အခြေစိုက် တိုင်းရင်းသား အဖွဲ့အစည်းများ အကြားတွင်လည်း အကြေအလည် ဆွေးနွေးမှုများ လုပ်ဆောင်သွားမည် ဖြစ်သည်။
NCUB တွင် အမျိုးသား ဒီမိုကရေစီ အဖွဲ့ချုပ် - လွတ်မြောက်နယ်မြေ (NLD-LA) ၊ ပြည်သူ့လွှတ်တော် ကိုယ်စားလှယ်များ သမဂ္ဂ (MPU)၊ လက်နက်ကိုင် တိုင်းရင်းသား တော်လှန်ရေးအဖွဲ့များ ပေါင်းစုထားသည့် အမျိုးသား ဒီမိုကရေစီ တပ်ပေါင်းစု (NDF)၊ မြန်မာပြည် ဒီမိုကရက်တစ် မဟာမိတ်များ အဖွဲ့ချုပ် (DAB) တို့ဖြင့် ပြန်လည် ပေါင်းဖွဲ့ထားသည်။
လက်ရှိအချိန်တွင် စင်ပြိုင်အစိုးရကို ဒေါက်တာ စိန်ဝင်း၊ ဦးသိန်းဦး၊ ဦးဘိုလှတင့်၊ ဒေါက်တာတင့်ဆွေ၊ ဦးခွန်မားကိုဘမ်းတို့ ၆ ဦးဖြင့်သာ ဖွဲ့စည်းထားသည်။
၁၉၉ဝ၊ ဒီဇင်ဘာမှစ၍ တည်ရှိခဲ့သော NCGUB ကို ပြန်လည် ပြုပြင်ဖွဲ့စည်း အားဖြည့်ရန် ဟူသော အဆိုသည် တိုင်းရင်းသား ခေါင်းဆောင်များ၊ အခြားဒီမိုကရေစီ အကြားတွင် ငြင်းခုံစရာ ဖြစ်နေခဲ့သည်။
မကြာသေးခင်က ပြီးစီးသွားသော NLD-LA ၏ အစည်းအဝေးတွင်လည်း အဝေးရောက် ညွှန့်ပေါင်း အစိုးရကို တိုးချဲ့ ဖွဲ့စည်းရေးအတွက် မူအားဖြင့် သဘောတူခဲ့ကြသော်လည်း မည်သို့မည်ပုံ တိုးချဲ့မည် ဆိုသည့်ကိစ္စကို မဆွေးနွေးရသေးဟု သိရသည်။
NLD-LA အထွေထွေ အတွင်းရေးမှူး ဦးမြင့်စိုးက “ပုံသဏ္ဌာန်ကို ကျနော်တို့ မရွေးရသေးဘူး။ အားလုံးက သဘောတူတယ်လို့ ဆုံးဖြတ်ချက် ကျတဲ့အခါ ပုံသဏ္ဌာန်နဲ့ ပတ်သက်လို့ ဘယ်လို စုစည်းသင့်လဲ၊ ဘယ်လို ဖွဲ့စည်းသင့်တယ် ဆိုတာကို ကျွမ်းကျင်တဲ့ ပညာရှင်တွေဆီက အကူအညီ ယူမယ်။ နောက် တိုင်းရင်းသားတွေရဲ့ ဆန္ဒသဘောထားကို ယူမယ်။ ပြီးတော့မှ ပေါင်းစပ် ဖွဲ့စည်းမှာပါ” ဟု မဇ္ဈိမကို ပြောခဲ့သည်။
ဆက်လက်၍ “ကျနော်တို့က ကျနော်တို့ လုပ်ငန်းတွေကို အကောင်အထည် ဖော်မယ်။ တွေ့ဆုံ ဆွေးနွေးရေး၊ သုံးပွင့်ဆိုင် တွေ့ဆုံဆွေးနွေးရေး အမြဲတမ်း တောင်းဆိုနေပေမယ့်လည်း သူတို့က လုပ်ချင်ရာ ဇွတ်လုပ်မယ်ဆိုရင် ကျနော်တို့က ကျနော်တို့ရဲ့ မူပေါ်မှာ ဖမ်းချင်ဖမ်း၊ သတ်ချင်သတ် ဆိုပြီး အသေရပ်ရမယ်။ ဒါဟာပြည်တွင်းက စဉ်းစားချက်ပဲ” ဟု သူက ဆက် ပြောသည်၊
ပြည်သူ့လွှတ်ကိုယ်စား လှယ်တဦးဖြစ်သော ခွန်မြင့်ထွန်းက “လောလောဆယ် အခြေအနေမှာ NCGUB က အလုပ်တွေ လုပ်နိုင်တယ်။ ဒါပေမယ့် တိုက်ပွဲ တခုလုံးကို ဦးဆောင်နိုင်တဲ့ အနေအထား ရောက်အောင် တိုက်ပွဲကို ထိထိမိမိ ဦးဆောင်နိုင်တဲ့ အနေအထား ရောက်အောင် ဒီထက်ပိုပြီး ခိုင်မာတဲ့ အင်အားကောင်းကောင်းနဲ့ လုပ်နိုင်တဲ့အစိုးရ ဖြစ်လာအောင် ကျနော်တို့ ကြိုးစားသွားမှာပါ” ဟု ပြောသည်။
ဒီမိုကရေစီ အင်အားစုများကြားတွင် ယခင်ကလည်း ဖက်ဒရယ်အစိုးရ ဖွဲ့စည်းရေး၊ အမျိုးသား ညီညွတ်ရေး အစိုးရ ဖွဲ့စည်းရေးစသော စဉ်းစားချက်များ ရှိခဲ့သော်လည်း လက်တွေ့၌ ဖြစ်နိုင်ခြေနည်းသော “စိတ်ကူးယဉ်မှု” သာ ဖြစ်ခဲ့သည်ဟု NCGUB မှ ဦးခွန်မားကိုဘမ်းက ပြောသည်။
NCGUB စတင် ဖွဲ့စည်းစဉ်က အလုပ်သမားရေးရာ ဝန်ကြီး၊ သစ်တောဝန်ကြီး၊ သတ္တုဝန်ကြီး စသည့် ဝန်ကြီးနေရာများ ထားရှိဖူးသော်လည်း ဘဏ္ဍာရေး အခြေအနေနှင့် လက်တွေ့ အလုပ်ဖြစ်ရေးကို ဦးစားပေးကာ ဝန်ကြီးနေရာများ လျှော့ချခဲ့ရသည်ကို သူက ရည်ညွှန်း ပြောပြသည်။
ဗမာပြည် ကွန်မြူနစ်ပါတီ၏ ပြောရေးဆိုခွင့်ရှိသူ ရဲဘော် ဖိုးသံချောင်းက ပြည်ပ လှုပ်ရှားမှုများ အားလုံးသည် ပြည်တွင်း လှုပ်ရှားမှုများအပေါ် အားဖြည့်ရေးကိုသာ အဓိက အာရုံစိုက်သင့်သည်ဟု မြင်သည်။
သူက “ပြည်တွင်းက လုပ်ငန်းကို အထောက်အကူ ဖြစ်မယ့်၊ ပြည်တွင်းက လုပ်ငန်းကို ဇောက်ချလုပ်မယ့် အဆောက်အဦတွေ ပြည်တွင်းမှာ တည်ဆောက်ဖို့က အရေးကြီးတယ်။ ကျန်တဲ့ လုပ်ငန်းအားလုံးဟာ အဲဒီကိုပဲ ဦးတည်ပြီးတော့ လုပ်ကြရမှာ ဖြစ်တယ်” ဟု ပြောသည်။
သို့သော် နောက်ထပ် ပြည်ပအခြေစိုက် တပ်ပေါင်းစုတရပ် ပေါ်ပေါက်လာလျှင်လည်း လက်ရှိ တပ်ပေါင်းစုများနှင့် ထူးခြားပါ့မလား ဟူသော မေးခွန်း ထုတ်မှုများလည်း ဒီမိုကရေစီ အင်အားစုများ အကြားတွင် ကျယ်ကျယ်ပြန့်ပြန့် ဆက်ရှိနေဆဲ ဖြစ်သည်။

အငြင်းပွါးနေသော ဒေါ်အောင်ဆန်းစုကြည်၏ ရွေးကောက်ခံခွင့် အဆင့်အတန်း (သတင်းဝေဖန်ချက်)

ဒဲရက်တုံကင်
ဒေါ်အောင်ဆန်းစုကြည်သည် ဗြိတိသျှ နိုင်ငံသား မိုက်ကယ်အဲရစ်နှင့် အိမ်ထောင် ပြုခဲ့သောကြောင့် ၂ဝ၁ဝ ခုနှစ်တွင် ကျင်းပမည့် ရွေးကောက်ပွဲတွင် ဝင်ရောက် ယှဉ်ပြိုင်ခွင့် မရှိဟု မြန်မာ နိုင်ငံခြားရေးဝန်ကြီး ဦးဥာဏ်ဝင်းက စင်္ကာပူတွင် အာဆီယံ နိုင်ငံခြားရေး ဝန်ကြီးများနှင့် ဖေဖေါ်ဝါရီလ ၁၈ ရက်နေ့က တွေ့ဆုံရာတွင် ပြောကြားလိုက်သည်ဟု သတင်းများက ဆိုသည်။ မိုက်ကယ်အဲရစ်သည် ၁၉၉၉ ခုနှစ်က ကွယ်လွန်ခဲ့ပြီး ဖြစ်သည်။ ဤပြောကြားချက်သည် ၁၉၇၄ ခုနှစ် ဖွဲ့စည်းအုပ်ချုပ်ပုံ အခြေခံဥပဒေတွင် ပါဝင်သည့် အချက်ကို ထင်ဟပ်ချက် တရပ်သာ ဖြစ်သည်။
အသေးစိတ် အခြေခံရမည့် မူများတွင် ပါဝင်သော ပြည်သူ့လွှတ်တော် (အမျိုးသားလွှတ်တော်) အတွက် ကိုယ်စားလှယ်လောင်း ဖြစ်ခြင်းဆိုင်ရာ ပြဌာန်းချက်များကို နိုင်ငံတော် သမတ ရွေးကောက်ခံခွင့် အခန်းမှာကဲ့သို့ ဖွဲ့စည်း အုပ်ချုပ်ပုံ ဥပဒေ နောက်ဆုံးမူကြမ်းတွင် တင်းတင်းကြပ်ကြပ် ပြဌာန်းချက်များ ထည့်သွင်း ပြဌာန်းထားခြင်း မရှိပါက ဦးဥာဏ်ဝင်း၏ အာဆီယံ နိုင်ငံခြားရေး ဝန်ကြီးများသို့ ပြောကြားချက်သည် ထိုနိုင်ငံခြားရေး ဝန်ကြီးများနှင့် တကမ္ဘာလုံးသို့ ရှုပ်ထွေးမှုများ ဖြစ်စေလိမ့်မည်။
အဆိုပါ ရှိသည်ဟု ဆိုနေသော ကန့်သတ်ချက်သည် ၁၉၇၄ ဖွဲ့စည်းအုပ်ချုပ်ပုံ အခြေခံဥပဒေတွင် မပါရှိပါ။ ဦးဥာဏ်ဝင်း သည် ၁၉၄၇ ခုနှစ် ဖွဲ့စည်းအုပ်ချုပ်ပုံ အခြေခံဥပဒေကို ရည်ညွှန်း ပြောကြားနေခြင်း ဖြစ်သည်ဟု ကျနော် ထင်ပါသည်။ အဆိုပါ ဥပဒေ ပုဒ်မ။ ၇၄(၁)(က) တွင် ဤသို့ ဆိုထားသည်။ “နိုင်ငံခြား အစိုးရ၏ ကျေးဇူးသစ္စာတော်ကို ခံယူ စောင့်ရှောက်ရိုသေသူ၊ သို့တည်းမဟုတ် နိုင်ငံခြား အစိုးရ၏ လက်အောက်ခံဖြစ်သူ၊ သို့တည်းမဟုတ် ထိုအစိုးရ၏ နိုင်ငံသားဖြစ်သူ သို့တည်းမဟုတ် ထိုအစိုးရ၏ လက်အောက်ခံ ဖြစ်သူသော် လည်းကောင်း၊ နိုင်ငံသားသော်လည်းကောင်း၊ ခံစားရသော အခွင့်အရေးများနှင့် ကျေးဇူး ခံစားခွင့်များကို ခံစားနိုင်ခွင့်ရှိသူ သို့တည်းမဟုတ်”။ ဤကန့်သတ်ချက်သည် ထိုအချိ်န်က မြန်မာနိုင်ငံတွင် အမြောက်အမြား ရှိနေကြသော ဗမာတိုင်းရင်းသား မဟုတ်သည့် နိုင်ငံခြားသားများ အထူးသဖြင့် လွတ်လပ်ရေး ရရှိချိန်တွင် ရှိနေကြသော အိန္ဒိယနိုင်ငံသားများကို ရည်ညွှန်းသည်ဟု ကျနော်ထင်ပါသည်။ သူတို့သည် အိန္ဒိယ လွတ်လပ်ရေးနှင့် ဆက်စပ်နေသော မူလအိန္ဒိယ တိုင်းရင်းသားများ ဖြစ်ပါသည်။
ဤအပိုဒ်ကို ၁၉၈၉ မေလ ၃၁ ရွေးကောက်ပွဲ ဥပဒေတွင် ထည့်သွင်း ပြဌာန်းထားသည်။ ဤဥပဒေသည် ၁၉၉ဝ ရွေးကောက်ပွဲ ကျင်းပခြင်းနှင့် သက်ဆိုင်ပြီး ပုဒ်မ ၁ဝ (င) အဖြစ် ပါရှိသည်။ အလားတူပင် အဆိုပါ ကန့်သတ်ချက် အပိုဒ်သည် ၃ စက်တင်ဘာ ၂ဝဝ၇ ခုနှစ်က ပြီးဆုံးသွားသည့် အမျိုးသားညီလာခံက ချမှတ်ခဲ့သည့် အသေးစိတ် အခြေခံရမည့် မူများတွင်လည်း အခန်း ၄ အပိုဒ် ၃၃ တွင် ပါရှိသည်။ ဖြစ်နိုင်သည်မှာ ထိုအပိုဒ်ခွဲ ၂ ခုကို နိုင်ငံတော် သမတရွေးအဖြစ် ရွေးကောက်ခံခြင်း အခန်းတွင် ပါရှိသည့်အတိုင်း ထပ်မံ တင်းကြပ်မှုများ ပြုလုပ်ထားလိုက်ဘွယ် ရှိပါသည်။ ထိုသမတ အခန်း၌ အခန်း ၃ ပုဒ်မ ၄ တွင် ဤသို့ ဆိုထားသည်။ “နိုင်ငံတော်သမတ ကိုယ်တိုင်နှင့် သူ၏မိဘများ၊ သားသမီးများ နှင့် အိမ်ထောင်ဘက်များသည် နိုင်ငံခြားအစိုးရ တရပ်၏ ကျေးဇူးသစ္စာကို ခံသူ၊ နိုင်ငံခြား တိုင်းပြည်တခု၏ နိုင်ငံသားသော်လည်းကောင်း နိုင်ငံခြားအစိုးရတရပ်၏ လက်အောက်ခံသော်လည်းကောင်း မဖြစ်စေရ။ ထို့ပြင် ထိုသူတို့သည် နိုင်ငံခြားတိုင်းပြည်၏ နိုင်ငံသားသော်လည်းကောင်း နိုင်ငံခြားအစိုးရ၏ လက်အောက်ခံ ဖြစ်သူသော်လည်းကောင်း ခံစားရသော အခွင့်အရေးများနှင့် ကျေးဇူးခံစား ခွင့်များကို ခံစားခွင့်ရှိသူ မဖြစ်စေရ”။ ဤသို့ဆိုလျှင် ဖွဲ့စည်းပုံ ဥပဒေ မူကြမ်းသည် အသေးစိတ် အခြေခံရမည့် မူများကို အခြေခံ ရေးဆွဲသည် ဆိုခြင်းမှာ အလွန်ပင် ဖြစ်နိုင်ဘွယ်မရှိဟု ယူဆပါသည်။
၁၉၉ဝ ရွေးကောက်ပွဲ ကျင်းပချိန်က ဒေါ်အောင်ဆန်းစုကြည်၏ ရွေးကောက်ပွဲ ဝင်ခွင့်ကို အကြောင်း ၃ ခုပြ၍ ပယ်ချခဲ့သည်ဟု သိရသည်။ တခုမှာ မိုက်ကယ်အဲရစ်နှင့် လက်ထပ်ထားခြင်းကို အကြောင်းပြ၍ ပယ်ချခဲ့သည်ဟု သိရသည်။ သူမသည် “ယူနိုက်တက် ကင်းဒမ်း နိုင်ငံတွင် အကန့်အသတ်မရှိ နေခွင့် ရရှိထားသည်။ မဲပေးခွင့်မှအပ ဗြိတိသျှနိုင်ငံသားတဦး ခံစားခွင့်ရှိသော အခြား ကျေးဇူးခံစားခွင့် အားလုံးကို ခံစားခွင့်ရှိသူ ဖြစ်သည်။” (ပြည်ထောင်စု မြန်မာနိုင်ငံတော်၏ နိုင်ငံရေး အခြေအနေနှင့် ဒေသတွင်း အခန်းကဏ္ဍ - ဗိုလ်မှူးကြီး လှမင်း စာ ၅၃၊ ၂၈ ကြိမ်မြောက် တည်းဖြတ်ခြင်း၊ ၁၉၉၄ ခုနှစ် ဧပြီလ)။ အကယ်၍သာ ထိုအချိန်က သူတို့အနေနှင့် ယူနိုက်တက်ကင်းဒမ်း အာဏာပိုင်များနှင့် ဆက်သွယ်မေးမြန်းခဲ့မည် ဆိုပါက ဗြိတိသျှနိုင်ငံတွင် အမြဲတမ်း နေထိုင်ခွင့် ရထားသည့် မြန်မာနိုင်ငံသားတဦး ဖြစ်သော ဒေါ်အောင်ဆန်း စုကြည် အနေဖြင့် မဲပေးခွင့်အပြင် အခြားနိုင်ငံသားတဦး ခံစားခွင့်ရှိသော အခွင့်အရေးများ မရရှိနိုင်ပုံ စာရင်းရှည်ကြီး တခုကို ရရှိပါလိမ့်မည်။ သူမသည် ဒေသန္တရဆိုင်ရာ၊ နိုင်ငံလုံးဆိုင်ရာနှင့် ဥရောပသမဂ္ဂ ရွေးကောက်ပွဲများတွင် မဲပေးခွင့် မရှိ၊ အဆိုပါ ရွေးကောက်ပွဲများတွင် ကိုယ်စားလှယ်လောင်းတဦး အနေဖြင့်လည်း ဝင်ရောက် ရွေးကောက်ခံပိုင်ခွင့် မရှိ၊ ဒေသန္တရနှင့် ဗဟိုအစိုးရ ရုံးဌာနများတွင် အမြဲတမ်း ဝန်ထမ်းအဖြစ်လည်း ခန့်ထား ခံပိုင်ခွင့်မရှိ၊ လက်နက်ကိုင် တပ်ဖွဲ့များသို့ ဝင်ရောက်ခွင့်မရှိ၊ ထောက်လှမ်းရေးနှင့် အခြားလုံခြုံရေး အေဂျင်စီများတွင် လုပ်ကိုင်ခွင့် မရှိ၊ နိုင်ငံရပ်ခြားတွင် ဗြိတိသျှ ကောင်စစ်ဝန် ရုံးများ၏ အကာအကွယ်နှင့် ကူညီမှုကို ရယူခံစားပိုင်ခွင့် မရှိ။ ထို့ပြင် သူမ၏ မြန်မာနိုင်ငံကူး လက်မှတ်တွင် ဗီဇာမပါဘဲနှင့် အခြား ဥရောပနိုင်ငံများသို့ သွားရောက်ခွင့်လည်း မရှိပါ။ လူမှုဖူလုံရေး ခံစားခွင့်၊ ဆေးဝါး ကုသခွင့်၊ ပင်စင် အခွင့်အရေး ခံစားခွင့်တို့အပြင် အခြား ဆက်နွယ်နေသော နိုင်ငံတော်က ပေးအပ်သည့် အခွင့်အရေးများကို ယူကေတွင် နေထိုင်သည့် “နိုင်ငံခြားသား” တဦး မခံစား မရယူနိုင်သည့် အခွင့်အရေး တပုံတခေါင်းကြီး ရှိပါသည်။ ကန့်သတ်ချက် များစွာ ရှိပါသည်။ ထို့ပြင် ဘဏ်စာရင်း ဖွင့်ခြင်း၊ ရင်းနှီး မြှုပ်နှံခြင်း၊ အထူးသဖြင့် နိုင်ငံတော်၏ “အမျိုးသားစုငွေ” ဆိုသည့် အမျိုးအစားများအတွက် “နိုင်ငံခြားသား” များအပေါ် နောက်ထပ် လိုအပ်ချက်များ ကန့်သတ် ဖေါ်ပြထားသည်တို့လည်း ကျန်ပါသေးသည်။
အမှန်စင်စစ် ဤကိစ္စနှင့် စပ်လျဉ်း၍ ယူကေ အာဏာပိုင်များက သာလျှင် တိတိကျကျ ပြောဆိုနိုင်ပါလိမ့်မည်။ အကယ်၍ ဒေါ်အောင်ဆန်းစုကြည်သာ ယူကေနိုင်ငံသို့ ပြန်သွားခဲ့ပါက မည်သည့် အခွင့်အရေး၊ ကျေးဇူး ခံစားခွင့်တို့ကို ရယူခံစားခွင့်မရှိ ဆိုသည်ကို သံသယဖြစ်ပါက မြန်မာ အာဏာပိုင်များ အနေဖြင့် ယူကေ အာဏာပိုင်များသို့ ထိုကဲ့သို့သော အချက်များကို ရှင်းလင်း ဖေါ်ပြပေးပါရန်မေးမြန်းသင့်ပါသည်။
ဒေါ်အောင်ဆန်းစုကြည်သည် မည်သည့်အချိန်ကမျှ ဗြိတိန်နိုင်ငံသား ဖြစ်ခွင့်အတွက်လည်း လျှောက်ထားခဲ့ခြင်း မရှိ၊ သူမ၏ မြန်မာနိုင်ငံသား အဖြစ်ကိုလည်း စွန့်လွှတ်ခဲ့ခြင်း မရှိ၊ သူမ၏ မြန်မာနိုင်ငံကူး လက်မှတ်ကိုသာ ကိုင်ဆောင်ခဲ့သူ ဖြစ်သည်ဟု ကျနော် နားလည်ထားပါသည်။ ယခု ၂ဝဝ၈ ခုနှစ်တွင် သူမ၏ ယူကေနိုင်ငံတွင် နေထိုင်ခွင့်နှင့် ပတ်သက်၍လည်း ယူကေ အာဏာပိုင်များကသာ အဓိပ္ပါယ် သတ်မှတ် ဖေါ်ပြပေးနိုင်ပါသည်။ သူမသည် ၁၉၈၈ ခုနှစ်မတ်လမှ စ၍ မြန်မာနိုင်ငံတွင်သာ နေထိုင်ခဲ့သည်။ သူမ၏ ယူကေနိုင်ငံတွင် အမြဲတမ်း နေထိုင်ခွင့် အခွင့်အရေးသည် ယခုရှိသေးသလား မရှိတော့ဘူးလား ဆိုသည်ကို ကျနော် မပြောတတ်ပါ။ သူမသာ ပြန်လာမည် ဆိုပါက သူမကို အချိန်မရွေး လက်ခံကြိုဆို နေမည်သာ ဖြစ်သည်ဟုတော့ ကျနော် မျှော်လင့်ပါသည်။ သို့သော် သူမအနေဖြင့် ထုံးတမ်းစဉ်လာ လုပ်ဆောင်စရာလေးတွေကိုတော့ လုပ်ဆောင်ရန် လိုပါသေးသည်။ ထိုအရာများ အားလုံးသည်လည်း သူမအတွက်တော့ စက္ကန့် ၆ဝ လောက်ပင် မကြာနိုင်ပါ။
ဒေါ်အောင်ဆန်းစုကြည် မုဆိုးမဖြစ်သည်မှာ ၁၉၉၉ ခုနှစ် ကတည်းက ဖြစ်သည်။ ယူကေနိုင်ငံသို့ ပြန်သွားရန် စိတ်ဝင်စားကြောင်းလည်း မပြခဲ့။ ဤသို့ဖြင့်ပင် သူမကို သူမတခါမှ ရရှိခံစားခွင့် မရှိခဲ့သော ဗြိတိသျှ နိုင်ငံသားတဦး၏ အခွင့်အရေးနှင့် ကျေးဇူးခံစားခွင့်များ ရှိသည်ဟု စွပ်စွဲ ပြောဆိုနေခြင်းမှာ ရီစရာပင် ဖြစ်သည်။
ဒေါ်အောင်ဆန်းစုကြည်ကို ၁၉၉ဝ ခုနှစ် ရွေးကောက်ပွဲတွင် ဝင်ရောက်ယှဉ်ပြိုင် အရွေးခံခွင့်မရှိဟု ပယ်ချခဲ့သည့် နောက် အကြောင်းပြချက် ၂ ခုမှာ သူမ၏ ရန်ကုန်မြို့ အမှတ် ၅၄ တက္ကသိုလ် ရိပ်သာလမ်း အိမ်ခြံဝင်းအတွင်း အကြမ်းဘက် သမားတဦးကို ခိုလှုံခွင့်ပေးခဲ့ခြင်းနှင့် ထိုအကြမ်းဘက်သမားနှင့် ဆက်သွယ် ပူးပေါင်း ဆောင်ရွက်ခဲ့သည် ဟူသော စွပ်စွဲချက်နှင့် သူမ၏ အမြဲတမ်း နေရပ်လိပ်စာကို အောက်စဖို့ဒ်မြို့ အမှတ် ၁၅ ပတ်ခ်လမ်းဟု ပေးထားခဲ့ခြင်းတို့ ဖြစ်သည်။ ထိုအချက်များသည် ရွေးကောက်ပွဲ ဥပဒေနှင့် ငြိစွန်းသည်ဟု ဆိုသည်။ ပထမအချက်သည် ထိုဥပဒေ ပုဒ်မ ၁ဝ(ဇ) နှင့် ငြိစွန်းပြီး၊ ဒုတိယ အချက်သည် ထိုဥပဒေ ပုဒ်မ ၈(ခ) နှင့် ငြိစွန်းသည်ဟု ဆိုသည်။ အနိမ့်ဆုံးအားဖြင့် ယနေ့ကာလတွင် သူမ၏ အမြဲတမ်း နေရပ်လိပ်စာ၊ သူမကို အတင်းအကြပ် ပိတ်လှောင် နေခိုင်းထားရာ နေရာသည် အမှတ် ၅၄ တက္ကသိုလ် ရိပ်သာလမ်း ဆိုသည်ကို သံသယ ဖြစ်စရာ မလိုတော့ပါ။ ထို့ပြင် ထိုနေရာ၌ “အကြမ်းဘက်သမားများ” ကို နောက်ထပ် တွေ့မြင်ရရန်လည်း အလွန်ပင် ဖြစ်နိုင်ခြေ နည်းလှပါသည်။
ဒေါ်အောင်ဆန်းစုကြည်သည် ၁၉၉ဝ ခုနှစ် အထွေထွေ ရွေးကောက်ပွဲတွင် မဲဆန္ဒပေးခြင်းကို တားမြစ်ပိတ်ပင်ခြင်း မခံခဲ့ရပါ။ ယခု ၂ဝဝ၈ ခုနှစ် ဆန္ဒခံယူပွဲနှင့် ၂ဝ၁ဝ ခုနှစ် အထွေထွေ ရွေးကောက်ပွဲတို့တွင်လည်း ဆန္ဒမဲပေးခွင့်ကို တားမြစ် ပိတ်ပင်ခြင်းခံရရန် အကြောင်း တစုံတရာ မရှိဟု ယူဆရပါသည်။
ပြည်သူ့လွှတ်တော်တွင် ရွေးချယ်တင်မြှောက် ခံပိုင်ခွင့်အတွက် အရည်အချင်း သတ်မှတ်ချက်များကို ရွေးကောက်ပွဲ ဥပဒေသစ်တွင် တိတိကျကျ သတ်မှတ် ဖေါ်ပြထားရန် လိုလိမ့်မည် ဖြစ်သည်။ အကြောင်းမူ လာမည့် ဆန္ဒခံယူပွဲတွင် အများစု မဲရပါက အတည်ဖြစ်လာမည့် ဖွဲ့စည်းအုပ်ချုပ်ပုံ အခြေခံဥပဒေသစ်ကို ပြဌာန်း အတည်ပြုပေးနိုင်မည့် နေရာသည် ပြည်သူ့လွှတ်တော် ဖြစ်နေခြင်းကြောင့်ပင် ဖြစ်သည်။ ဖွဲ့စည်းပုံ ဥပဒေမူကြမ်းတွင် တွေ့ရှိရသည့် အရည်အချင်း သတ်မှတ် ဖေါ်ပြချက်များ အတိုင်းပင် ရွေးကောက်ပွဲ ဥပဒေတွင်လည်း သတ်မှတ် ဖေါ်ပြထားလိမ့်မည်ဟု ယူဆရပါသည်။ ဖွဲ့စည်းပုံ အခြေခံဥပဒေ ကိုယ်၌ကမူ ရွေးကောက်ပွဲများ ကျင်းပချိန်တွင် အာဏာ တည်ဦးမည် မဟုတ်ပါ။
ကျနော့် နိဂုံးချုပ်ချက်မှာ ဤသို့ ဖြစ်သည်။ မြန်မာနိုင်ငံခြားရေး ဝန်ကြီးသည် သူ၏ လုပ်ဖော်ကိုင်ဘက် အာဆီယံ နိုင်ငံခြားရေး ဝန်ကြီးများကို အမှုမဲ့အမှတ်မဲ့ လှည့်စားမိခဲ့ခြင်း ဖြစ်ဟန်တူသည်။ သို့တည်းမဟုတ် မြန်မာ နိုင်ငံခြားရေးဝန်ကြီး၏ စကားသည် မည်သို့ အဓိပ္ပါယ် သက်ရောက်သည် ဆိုသည်ကို ထို အာဆီယံ နိုင်ငံခြားရေး ဝန်ကြီးတို့ နားမလည် သဘောမပေါက်တာလည်း ဖြစ်နိုင်သည်။ မည်သို့ ဖြစ်ပျက်ခဲ့သည် ဖြစ်စေ၊ ဖွဲ့စည်းပုံ အခြေခံဥပဒေသစ် မူကြမ်းကို အမှန်တကယ် ပုံနှိပ် ထုတ်ဝေသော အခါမှသာလျှင် ထိုပြဿနာကို ဖြေရှင်းနိုင်လိမ့်မည် ဖြစ်ပါသည်။
(ဤစာကို ရေးသားသူ ဒဲရက်တုံကင်သည် ထိုင်းနိုင်ငံဆိုင်ရာ ဗြိတိသျှ သံအမတ်ဟောင်း ဖြစ်ပြီး ယခုအခါ မြန်မာကွန်ရက်အဖွဲ့ Network Myanmar တွင် ဥက္ကဋ္ဌအဖြစ် ဆောင်ရွက်လျက် ရှိသည်) (www.networkmyanmar.org)

တရုတ်-မြန်မာနယ်စပ်တွင် ရမ်ဘို ဇာတ်ကားသစ် အရောင်းသွက်

မျိုးကြီး

ရွှေလီ။ ။ မြန်မာပြည်တွင်း၌ တင်းကျပ်စွာ တားမြစ်ထားသည့် ရမ်ဘိုအပိုင်း-၄ ရုပ်ရှင်ဇာတ်ကား ဒီဗီဒီခွေများကို တရုတ်-မြန်မာနယ်စပ်မြို့ ရွှေလီနှင့် ကြယ်ခေါင်ရှိ ဒီဗီဒီ အရောင်းဆိုင်များတွင် ရောင်းအားကောင်းနေသည်။
ယခုလ ဒုတိယပတ်မှ စတင်ကာ ယူနန်ပြည်နယ် မြို့တော်ကူမင်းတွင် ရမ်ဘိုအပိုင်း-၄ ဒီဗီဒီခွေများ စတင် ရောင်းချလာခဲ့သ်ာလည်း မြန်မာနှင့် ထိစပ်သည့် နယ်စပ်မြို့များရှိ ဒီဗီဒီ အရောင်းဆိုင်များသို့ ယခုလ ၁၇ ရက်နေ့မှ စတင်ကာ ပထမအသုတ်အဖြစ် ခွေပေါင်း ၄ဝဝ ခန့် ရောက်ရှိလာရာ ဆိုင်ပေါ်ရောက်သည်နှင့် အကုန်အစင် ဝယ်ယူသွားကြသည်။
“တခွေကို ၁ဝ ယွမ်နဲ့ ရောင်းတာ။ အများကြီးဝယ်ရင်တော့ ဈေးနဲနဲ လျော့ပေးတယ်။ ခွေအရောင်းဆိုင်က ပြောပြတာက ရွှေလီကို ခွေ ၄ဝဝ ပထမအသုတ် ရောက်တယ်ပေါ့။ ရောက်ရောက်ခြင်းပဲ ရောင်းကုန်သွားပြီ။ အခု နဲနဲခြင်းပဲ ပြန်ရောက်လာတယ်။ အခုဆို ခွေက ထောင်ဂဏန်းလောက်တော့ ဝယ်သွားကြပြီ” ဟု တရုတ် ဒီဗီဒီ ဝယ်ယူခဲ့သူ မြန်မာလူငယ် တဦးက အရောင်းဆိုင်ရှင် တဦး၏ ပြောဆိုချက်ကို ကိုးကားကာ ပြန်ပြောပြသည်။
ဟောလိဝုဒ် မင်းသားကြီး စတားလုံး သရုပ်ဆောင်ထားသည့် အမေရိကန် စစ်ပြန် တိုက်ခိုက်ရေးသမား ရမ်ဘိုအပိုင်း-၄ ဇာတ်ကားကို တရုတ်နယ်စပ် နေထိုင်သည့် မြန်မာလူမျိုးများ သာမက တရုတ်များကပါ စိတ်ဝင်တစား ဝယ်ယူ အားပေးနေကြသည်။
“တရုတ်တွေ များများကြည့်တော့ ပိုကောင်းတာပေါ့။ မြန်မာတွေ ဘယ်လောက် ဒုက္ခတွေ ရောက်နေတယ် ဆိုတာ တရုတ်ပြည်သူတွေ သိသွားတာပေါ့။ နောက်ပြီး တရုတ်အစိုးရက ဒီလောက် ရက်စက်တဲ့ အစိုးရကို ထောက်ခံနေတယ် ဆိုတာ တရုတ်ပြည်သူတွေ ခံစားနားလည်နိုင်မယ်” ဟု တရုတ်နယ်စပ်ရှိ မြန်မာ့စစ်ရေး နိုင်ငံရေး အကဲခတ် ဦးအောင်ကျော်ဇော က ပြောသည်။
သူက “တိုင်းပြည်ထဲမှာ ဗမာစစ်တပ်ရဲ့ ရက်ရက်စက်စက် လုပ်နေတဲ့ဟာတွေ အများကြီးထဲက အကွက်ကလေး တကွက်ပဲ ဖြစ်ပါလိမ့်မယ်။ ဒီကားထဲမှာ စစ်တပ်က သေနတ်နဲ့ ပစ်သတ်တာလောက်ပဲ ရိုက်ပြထားတာပါ။ တိုင်းရင်းသား နယ်စွန်နယ်ဖျားတွေမှာ ရင်ခွဲပြီး နေလှမ်းထားတာတို့၊ ရွာသူကြီးကို ဒုတ်နဲ့ ရိုက်သတ်တာတို့ ဒါတွေ ကိုယ်တွေ့ မြင်ခဲ့ရတာပဲ။ စစ်တပ်က တပ်မတော်သားတွေ သိစေချင်တာကလည်း ဒီဦးထုပ်ဆောင်း၊ ဒီယူနီဖောင်း ဝတ်ပြီး ဒီအုပ်ချုပ်ရေးအောက်မှာ စစ်တပ်ကို ဒီလိုဖြစ်အောင် မွေးထာတာပဲ” ဟု ဆက်ပြောသည်။
ယခုလို ရမ်ဘို ဇာတ်ကားကို လူကြိုက်များပြီး၊ ရောင်းကောင်းနေချိန်တွင် မြန်မာဒေသ အာဏာပိုင်များက မူဆယ်-မန္တလေး ကားလမ်းရှိ ဂိတ်များတွင် ခရီးသည်များကို တင်းကျပ်စွာ ရှာဖွေ စစ်ဆေးနေကြောင်း လားရှိုးမှ ပြန်လာသည့် မြန်မာကုန်သည်တဦးက ပြောပြသည်။
မြန်မာပြည်တွင် ရမ်ဘိုအပိုင်း-၄ ခွေများကို ကြည့်ရှုသူနှင့် လက်ဝယ် တွေ့ရှိသူများကို ထောင်ဒဏ် ၄ နှစ်နှင့် ရောင်းဝယ် ဖောက်ကားသူများကို ထောင်ဒဏ် ၈ နှစ်မှ ၁၂ နှစ်အထိ အရေးယူမည်ဟု သတိပေးချက်များ ရှိနေသော်လည်း မြန်မာပြည် အထက်ပိုင်း မြို့ကြီးများအထိ ရမ်ဘိုဇာတ်ကားကို ကြည့်ရှုအားပေးသူ များပြားလျက်ရှိကြောင်း သိရသည်။
ဇာတ်ကားတွင် ဟောလိဝုဒ် မင်းသား စတားလုံးက အမေရိကန် စစ်တပ်မှ ဗီယက်နမ် စစ်ပြန်ကြီး၊ ဂျွမ်ရမ်ဘိုအဖြစ် ပါဝင် သရုပ်ဆောင်ထားကာ မြန်မာ နယ်စပ်ဒေသတွင် သာသနာပြုသည့် အဖွဲ့အား နအဖ စစ်တပ်မှ ဖမ်းဆီး ခေါ်ဆောင်သွားခြင်းကို ဝင်ရောက် ကယ်တင်သည့် အက်ရှင်ဇာတ်ကြမ်းအဖြစ် ဇာတ်အိမ်ဖွဲ့ထားသည်။

သံဃာတော်တွေကို ကာကွယ်ခဲ့တဲ့ည (ဆောင်းပါး)

ဆောင်းပါး
အောင်ဖြိုး

ညဟာ အေးစက်ပြီး မဲမှောင် တိတ်ဆိတ်နေပါတယ်။ ဘုန်းကြီးကျောင်းထဲက ဆီမီးတိုင်ရဲ့ အလင်းရောင်လေး တခုသာ ရော့တိရော့ရဲနဲ့ ထွန်းလင်းနေပါတယ်။ အဲဒီ ဆီမီးတိုင်ရဲ့ အလင်းမှိန်မှိန်လေး အောက်မှာတော့ ကိုရင်လေးနှစ်ပါး မေတ္တာသုတ်ကို အသံမထွက်ဘဲ စိတ်ထဲက ရွတ်ဖတ်နေပြီး ကျောင်းထိုင် ဆရာတော်ကြီးက စင်္ကြန်အတိုင်း ခေါက်တုံ့ခေါက်ပြန် လမ်းလျှောက်ရင်း တရားမှတ်နေပါတယ်။ ကျောင်းထိုင် ဆရာတော်ကြီးနဲ့ ကိုရင်လေး နှစ်ပါးကလွဲပြီး ကျောင်းတ၀န်းလုံး ခြောက်ခြားဖွယ် တိတ်ဆိတ်လို့။ ရှိသမျှ သံဃာတော်တွေကို နေ့လယ်ကတည်းက ရပ်ကွက်ထဲက အိမ်တွေမှာ သီတင်းသုံးဖို့ ဆရာတော်ကြီးက မိန့်ထားပြီးသား။ ဆန္ဒပြတဲ့ သံဃာတော်တွေကို ဖမ်းဖို့ ဒီည စစ်သားတွေ ဘုန်းကြီးကျောင်းကို လာရှာလိမ့်မယ်။
မြို့ထဲမှာ ဆန္ဒပြ လူထုအုံကြွမှုတွေ ဖြစ်နေတဲ့အတွက် ရုံးတွေ၊ ဈေးဆိုင်တွေ ခဏ ပိတ်ထားရပါတယ်။ စာနယ်ဇင်း ရုံးတွေလည်း ပါတာပေါ့။ ရုံးပိတ်ရက် ဖြစ်တဲ့အတွက် ထမင်းစားပြီးတာနဲ့ နေ့လည်နေ့ခင်း လ္ဘက်ရည်သောက်ဖို့ လမ်းထိပ်က လ္ဘက်ရည်ဆိုင်ကို ထွက်လာခဲ့ပါတယ်။ လ္ဘက်ရည်ဆိုင်ရောက်တော့ နောက်ဝိုင်းက လူငယ်တွေ အရေးကြီးတဲ့ ကိစ္စတခု ကို တိုင်ပင်နေကြပါတယ်။ "ဒီည ငါတို့ရပ်ကွက်က ဘုန်းကြီးကျောင်းကို စစ်သားတွေ လာရှာလိမ့်မယ်။ ဆန္ဒပြတဲ့ သံဃာတော်တွေကို တွေ့ရင် အကုန်ဖမ်းမှာ၊ အဲဒါ ငါတို့လူငယ်တွေ ဘုန်းကြီးကျောင်းကို လူစုပြီး ကာကွယ်ရမယ်။ စစ်သားတွေလာလို့ ဘုန်းကြီး ကျောင်းထဲ ၀င်ပြီဆိုရင် အကုန်လုံး ၀င်ချမယ်။ ရပ်ကွက်ထဲက တအိမ်တယောက် ထွက်ကြဖို့လည်း ပြောထားတယ်"။

စားပွဲထိုးကောင်လေး လာချပေးထားတဲ့ ကျစိမ့်ကို တငုံသောက်ပြီး လမ်းမပေါ် ငေးနေချိန်မှာ ကျနော့်ဝိုင်းကို ဇင်မျိုးဆိုတဲ့ သူငယ်ချင်းတယောက် ရောက်လာပါတယ်။ သူငယ်ချင်း ဘာသောက်မလဲလို့ မေးတော့ စားပွဲထိုးကောင်လေးကို ဆေးလိပ်တပွဲ လာချပေးပါလို့ လှမ်းအော်လိုက်ပါတယ်။ ကောင်လေးက ဗီးဂတ်(စ်)တစ်ပွဲ လာချပေးပါတယ်။ ဗီးဂတ်(စ်)တစ်လိပ် ကို အမြန်မီးညှိပြီးတာနဲ့ တဖွာလောက် အားရပါးရ ရှိုက်လိုက်ရင်း သူက "သူငယ်ချင်း ညကြရင် ဘုန်းကြီးတွေကို ကာကွယ်ဖို့ ငါ လူလိုက်စုနေတာ၊ အဲဒါ မင်း လိုက်မှာလား" လို့ မေးပါတယ်။ ကျနော်က "ဟ... ငါက သတင်းလုပ်သား တစ်ယောက်ကွ၊ ဘက်မလိုက်ရ ကျင့်ဝတ် ရှိတယ်၊ ငါတော့ မလိုက်နိုင်ဘူး" လို့ အပြတ် ငြင်းလိုက်ပါတယ်။
ကျနော့်စကား အဆုံးမှာတော့ ဇင်မျိုး သက်ပြင်း လေးလေးတွဲတွဲကြီး ချရင်း "သူငယ်ချင်း မင်းစဉ်းစားကြည့်ကွာ။ ငါ ပညာတတ်တယောက် မဟုတ်ပါဘူး၊ ငါ့မှာ မိဘလည်း မရှိဘူး၊ ငွေလည်း မရှိဘူး၊ ဘ၀မှာ ပိုင်ဆိုင်မှုဆိုလို့ ဘာမှ များများစားစား ရှိတာ မဟုတ်ဘူး။ ဒါပေမယ့် ငါဟာ ဗုဒ္ဓဘာသာဝင် တယောက်ကွ၊ ငါ့မှာ ဘာသာတရားတခုပဲ ရှိတယ်။ အခု ငါကိုးကွယ်နေတဲ့ ဘာသာတရားကို ဖျက်ဆီးပစ်မယ်ဆိုတော့ ငါ ဘာလုပ်ရတော့မှာလဲ၊ ကျန်တာလုပ် သည်းခံနိုင်တယ်။ ဘာသာတရားတော့ လာမထိနဲ့" စကားပြောရင်း ပြောရင်းနဲ့ သူ့မျက်လုံးတွေ မို့အစ်လာပါတယ်။ နှုတ်ခမ်းတွေ တဆက်ဆက် တုန်လာပါတယ်။ သာမန် လူတယောက်ဆီက ရိုးရိုး စကားလုံးတွေပေမယ့် ကျနော့် လက်က ကြက်သီးမွှေးညင်း ထတဲ့အထိ ခန္ဓာကိုယ်တခုလုံး အေးစက်တုန်ခါသွားပြီး ကျနော် ဆုံးဖြတ်ချက်တခု ချမိလျက်သား ဖြစ်သွားပါတယ်။
"ငါလည်း ဒီည မင်းတို့နဲ့အတူ လိုက်ခဲ့မယ်" ။

သံဃာတော်တွေကို ကာကွယ်ချင်လို့သာ ကတိပေးလိုက်တာပါ။ ရန်တခါမှ မဖြစ်ဘူးပဲ၊ အိမ်မှာလည်း ကြက်သွန်လှီးတဲ့ ဓါးကလွဲရင် ဘာလက်နက်မှ မရှိတော့ ဘေးအိမ်က သူငယ်ချင်းဆီက ငှက်ကြီးတောင်ဓါး သွားငှားရပါတယ်။ သူ့မှာရှိတဲ့ ဓါးက နှစ်ချောင်း၊ တချောင်းက သံချေး တက်နေရော။ ဒါနဲ့ သံချေးတက်နေတဲ့ ဓါးကို ကျနော့် ငှားယူလာရတာပေါ့။
လူက ပုံမှန်အလုပ်တွေသာ လုပ်နေပေမယ့် ညရောက်ရင် ကြုံတွေ့ရမယ့် ကိစ္စကို စိတ်ထဲတွေးပြီး ကျနော် တော်တော်လေး ထိပ်လန့်တုန်လှုပ်နေပါတယ်။
ည (၈) နာရီတိတိ။ ဘုန်းကြီးကျောင်းဘေး ကွင်းပြင်ထဲမှာတော့ ရပ်ကွက်ထဲက လူတွေနဲ့ ပြည့်နှက်နေပါပြီ။ တအိမ်တယောက်။ တချို့ဆို တအိမ်ကို နှစ်ယောက် ထွက်ကြပါတယ်။ အသက် (၅၀)ကျော် အမျိုးသမီးကြီးတွေတောင် ငှက်ကြီးတောင် ဓါးကိုင်ပြီး လိုက်လာတာလည်း တွေ့ရပါတယ်။ ကွင်းပြင်ထဲမှာတော့ ယောင်္ကျား၊ မိန်းမ၊ လူကြီး၊ လူငယ်တွေဟာ သံတုတ် တွေ၊ သံပုံးတွေ၊ ဓါးတွေ၊ အုတ်ခဲတွေ စတဲ့ လက်နက် အပြည်အစုံနဲ့ စောင့်နေကြပါတယ်။

အလင်းတုတွေ ထွန်းညှိထားတဲ့ မြို့ပြရဲ့ညဟာ (၁၀)နာရီကျော်လာတာနဲ့ တောနက်ကြီးလို မဲမှောင်လာပါတယ်။ အချင်းချင်း စကားပြောသံတွေ တိတ်ဆိတ်သွားကြပါတယ်။ အဲဒီအချိ်န်မှာပဲ ဘုန်းကြီးကျောင်းပေါ်က ကျောင်းထိုင်ဆရာကြီးရဲ့ အချက်ပေး အုန်းမောင်းခေါက်သံ ထွက်ပေါ်လာပါတယ်။ အုန်းမောင်းသံလည်း ဆုံးရော၊ ကားမီးတန်းကြီး နှစ်တန်းဟာ ဘုန်းကြီးကျောင်းရှိရာကို ထိုးကျလာပါတယ်။ လက်နက် အပြည့်အစုံ၊ စစ်သားအပြည့်နဲ့ စစ်ကားသုံးကား။ ဘုန်းကြီးတွေကိုဖမ်းဖို့ ဘုန်းကြီး ကျောင်းရှိရာ လာနေပါပြီ။
ချွေးစေးတွေနဲ့ စေးကပ်နေတဲ့ လက်ထဲက ဓါးရိုးကို ကျစ်ကျစ်ပါအောင် ဆုပ်ကိုင်ရင်း စစ်သားတွေ တဖြည်းဖြည်း နီးလာတာနဲ့ အမျှ ရင်ထဲမှာ ပိုမိုတင်းကြပ်တဲ့ ဖိအားတခု တိုးဝင်လာပါတယ်။ ဘုန်းကြီးကျောင်းရှေ့ ကားရပ်ပြီး စစ်သားတွေ ဆင်းလာပြီလည်း ဆိုရော "အားလုံးတက်ကြဟေ့ ... " ဆိုတဲ့ အသံနဲ့အတူ ရပ်ကွက်ထဲက လူအုပ်ကြီးဟာ သံပုံးတွေတီးပြီး အလုံးအရင်းနဲ့ စစ်သား တွေဆီ ပြေးလာကြပါတယ်။ မထင်မှတ်ထားတဲ့ အချိန်မှာ များပြားလွန်းတဲ့ လူအုပ်ကြီးကို တွေ့လိုက်ရတဲ့အတွက် စစ်သားတွေဟာ ကားပေါ် ပြန်တက်ပြေးကြပါတယ်။ နောက်ချက်ချင်း ကားတွေ ပြန်ဆုတ်ပြီး လူအုပ်ကြီးနဲ့ဝေးရာ မောင်းပြေးပါတယ်။ ငါတို့ မနက်ဖြန် ညနေ (၃) နာရီ ပြန်လာခဲ့မယ်လို့ ပြောပြီး ရပ်ကွက်ထဲပတ်ကာ သေနတ် (၇)ချက် ဖောက်သွားပါတယ်။
ဘာပဲပြောပြော ဒီညတော့ အားလုံး သံဃာတော်တွေကို ကာကွယ်လိုက်နိုင်ခဲ့ပါပြီ။

ဆန္ဒခံယူပွဲနှင့် ရွေးကောက်ပွဲလမ်းကြောင်းကို မွန်ပြည်သစ် မထောက်ခံ

နေသွင်

ချင်းမိုင်။ ။ စစ်အစိုးရက အခြေခံဥပဒေ မူကြမ်းကို ဆန္ဒခံယူပွဲ လုပ်ပြီး ရွေးကောက်ပွဲ လုပ်သွားမည်ဆိုသော လမ်းကြောင်းသည် နိုင်ငံရေး ပြဿနာကို ဖြေရှင်းနိုင်မည့် နည်းလမ်းမဟုတ်ဟု အပစ်အခတ်ရပ် မွန်ပြည်သစ်ပါတီက ပြောဆိုလိုက်သည်။
စစ်အစိုးရ၏ ဖေဖော်ဝါရီ ၉ ရက်နေ့ ကြေညာချက်ကို အစောဆုံး တုံ့ပြန်သော အပစ်အခတ် ရပ်စဲရေး အဖွဲ့တဖွဲ့ ဖြစ်လာသည့် မွန်ပြည်သစ် ပါတီ၏ ပြောရေးဆိုခွင့်ရှိသူ နိုင်အောင်မငေးက သူတို့၏ “နိုင်ငံရေး ဦးတည်ချက် မဟုတ်ကြောင်း” ပြောဆိုလိုက်သည်။
“၁၊၂ဝဝ၈ ရော၊ ၂၊၂ဝဝ၈ ရော ကျနော်တို့ ကျနော်တို့ နိုင်ငံရေး ဦးတည်ချက် မဟုတ်ဘူး။ ကျနော်တို့ နိုင်ငံရေး ဦးတည်ချက်က (၃) ပွင့်ဆိုင်အရ ဖြေရှင်းဖို့။ ဒါကြောင့်မို့ ဒီကြေညာချက်အပေါ်မှာ ကျနော်တို့ ဆန့်ကျင် ရှုတ်ချတာတော့ မရှိဘူး။ ကျနော်တို့နဲ့ မသက်ဆိုင်ဘူး။ ကျနော်တို့ မထောက်ခံနိုင်ဘူး” ဟု နိုင်အောင်မငေးက ပြောသည်။
မေလတွင် လူထု ဆန္ဒခံယူပွဲဖြင့် ဖွဲ့စည်းပုံကို အတည်ပြုမည် ဖြစ်ပြီး၊ ၂ဝ၁ဝ တွင် ရွေးကောက်ပွဲအသစ် ကျင်းပမည်ဟု စစ်အစိုးရက ကြေညာခဲ့သည်။
စစ်အစိုးရ၏ အဆိုပါ ကြေညာချက်သည် “မပြည့်မစုံ” နိုင်လွန်းသည်ဟု အတိုက်အခံများက ဝေဖန်သော်လည်း ကုလသမဂ္ဂ အထွေထွေ အတွင်းရေးမှု၏ အထွေထွေ အတွင်းရေးမှူးဖြစ်သူ မစ္စတာ ဂမ်ဘာရီက တိုးတက်မှုကို ပြသသော လုပ်ရပ်အဖြစ် ယမန်နေ့က ကြိုဆိုလိုက်သည်။
မြန်မာပြည် ခရီးစဉ်မတိုင်ခင်၊ အာရှ ခရီးစဉ်အဖြစ် တရုတ်နိုင်ငံသို့ ရောက်နေသော မစ္စတာ ဂမ်ဘာရီက “ဒါဟာ နိုင်ငံရေး လမ်းပြမြေပုံမှာ အချိန်ဇယား သတ်သတ်မှတ်မှတ် ပေးထားတဲ့ သိသာထင်ရှားတဲ့ ပထမဆုံး ခြေလှမ်းပါ” ဟု ပြောသည်။
ကုလသမဂ္ဂ၏ အထွေထွေ အတွင်းရေးမှူးချုပ်ဖြစ်သူ မစ္စတာ ဘန်ကီမွန်းက လာမည့် လူထုဆန္ဒ ခံယူပွဲသည် မြန်မာ ပြည်သူလူထု၏ ဆန္ဒ အစစ်အမှန် ဖြစ်ရန် လိုအပ်ပြီး၊ ဘက်ပေါင်းစုံမှ အမြင်များကို ကိုယ်စားပြုရန် လိုအပ်သည်ဟု ဖေဖော်ဝါရီလ (၁၁) ရက်နေ့က သတိပေးခဲ့သေးသည်။
မွန်ပြည်သစ် ပါတီမှ နိုင်ငံအောင်မငေးက “ဖြေရှင်းပုံ ဖြေရှင်းနည်းက တလွဲစီ ဖြစ်နေတယ်။ နိုင်ငံရေးအရ ဖြေရှင်းပုံက သုံးပွင့်ဆိုင် တွေ့ဆုံ ဆွေးနွေးရေးအရ တွေ့ဆုံ ဆွေးနွေးချင်တယ်။ အဲဒီ နည်းလမ်းက လွဲလို့ ဘယ်နည်းလမ်းမှ ကောင်းတဲ့ နည်းလမ်းလို့ ကျနော်တို့ မမြင်ဘူး။ မယုံကြည်ဘူး။ ဘယ်လိုပဲဖြစ်ဖြစ် နိုင်ငံရေး ဦးတည်ချက်အတိုင်း ကြပ်ကြပ်မတ်မတ် သွားမယ်လို့ ဆုံးဖြတ်ထားပါတယ်” ဟု ပြောသည်။
ဆက်လက်၍ မကြာခင် လူထုဆန္ဒ ခံယူပွဲဖြင့် အတည်ပြုမည့် စစ်အစိုးရ၏ ဖွဲ့စည်းပုံသည် စစ်မှန်သော ပြည်ထောင်စု တည်ဆောက်ရေးနှင့် ဒီမိုကရေစီနိုင်ငံ တည်ဆောက်ရေးအတွက် အလှမ်းဝေးနေသည်ဟု ပြောသည်။
၁၉၅၈ မှ စ၍ လက်နက်ကိုင် လမ်းစဉ်ဖြင့် တိုက်ပွဲဝင်ခဲ့သော မွန်ပြည်သစ်ပါတီသည် ၁၉၉၅ သြဂုတ်တွင် စစ်အစိုးရနှင့် အပစ်အခတ် ရပ်စဲပြီး ၂ဝဝ၄ တွင် အမျိုးသားညီလာခံကို စတက်ရောက်ခဲ့သည်။ သို့သော် အမျိုးသားညီလာခံ၏ လုပ်ထုံးလုပ်နည်းများအပေါ် သဘောမတူသဖြင့် ၂ဝဝ၅ တွင် အမျိုးသားညီလာခံမှ ပြန်ထွက်ကာ လေ့လာသူအဖြစ်သာ တက်ရောက်ခဲ့သော အဖွဲ့ ဖြစ်သည်။
ဤအတောအတွင်း စင်ကာပူတွင် ရောက်နေသော နအဖ နိုင်ငံခြားရေးဝန်ကြီး ဦးဥာဏ်ဝင်းက လာမည့် ရွေးကောက်ပွဲတွင် ဒေါ်အောင်ဆန်းစုကြည်ကို ပါဝင်ခွင့်ပြုမည် မဟုတ်ဟု သတင်းထောက်များအား ယမန်နေ့က ပြောကြားခဲ့သည်။
ဒေါ်အောင်ဆန်းစုကြည်သည် နိုင်ငံခြားသား တဦးနှင့် လက်ထပ်ထားသဖြင့် ဖွဲ့စည်းပုံအသစ်အရ ရွေးကောက်ပွဲ ဝင်ခွင့်မရှိဟူသော ဦးဥာဏ်ဝင်း၏ ပြောဆိုချက်အပေါ် စင်ကာပူ နိုင်ငံခြားရေး ဝန်ကြီးက ထူးဆန်းသည်ဟု ဆိုသည်။ သို့သော် အာဆီယံအနေဖြင့် စစ်အစိုးရကို ပြောဆိုရန် အာဏာမရှိဟုလည်း သူက ပြောသည်။

ရလလဖ ခေါင်းဆောင်များ အဖမ်းခံရ

နေသွင်
ချင်းမိုင်။ ။ ပအို့ဝ်အမျိုးသား လွတ်မြောက်ရေး အဖွဲ့က ဆီဆိုင်မြို့ကို ဝင်ရောက် စီးနင်းပြီးနောက် ငြိမ်းချမ်းရေး ရယူထားသည့် ရှမ်းပြည်လူမျိုးပေါင်းစုံ လွတ်မြောက်ရေးအဖွဲ့ ခေါင်းဆောင်များကို အာဏာပိုင်များက ဖမ်းဆီး ထိန်းသိမ်းထားလိုက်သည်။
တောပြန်လည်ခိုသွားသည့် ရှမ်းပြည် လူမျိုးပေါင်းစုံ လွတ်မြောက်ရေး (ရလလဖ) အဖွဲ့ကွဲ တခုဖြစ်သော ဗိုလ်မှူးသူရိန် ဦးဆောင်သော ပအို့ဝ်အမျိုးသား လွတ်မြောက်ရေးအဖွဲ့က ဖေဖော်ဝါရီ ၁၇ ရက်နေ့ ည ၇း၃ဝ တွင် ရှမ်းပြည်တောင်ပိုင်း ဆီဆိုင်မြို့ရှိ စစ်ဘက်ရေးရာ လုံခြုံရေးအဖွဲ့ရုံးနှင့် ခြေမြန်တပ်ရင်း ၄၂၃ တပ်စခန်း တခုကို ဝင်ရောက် တိုက်ခိုက်ခဲ့သည်။ စစ်ဘက် လုံခြုံရေးတပ်ဖွဲ့မှ တပ်ဖွဲ့ဝင်တဦး ကျဆုံးခဲ့သည်။
ထို့နောက် အရှေ့ပိုင်းတိုင်း စစ်တိုင်းမှူး တိုင်းမှူး ဗိုလ်ချုပ် သောင်းအေးက ရလလဖ ခေါင်းဆောင် (၃) ဦးဖြစ်သော ဥက္ကဌ-တာကလယ်၊ ဒု-ဥက္ကဌ ခွန်စိန်ရွှေနှင့် နိုင်ငံရေးမှူး ဦးစိုးအောင်လွင်တို့ကို နောက်တနေ့တွင် တောင်ကြီးရှိ အရှေ့တောင်တိုင်း ဌာနချုပ်တွင် ခေါ်ယူ ထိန်းသိမ်းလိုက်သည်ဟု ငြိမ်းချမ်းရေးအဖွဲ့ သတင်းရပ်ကွက်အရ သိရသည်။
ထို့နောက် တောင်ကြီးမြို့ပေါ်ရှိ ရလလဖ ရုံးကိုလည်း စစ်ဘက်ရေးရာ လုံခြုံရေးက စောင့်ကြပ်နေပြီး တယ်လီဖုန်းလိုင်းများ ဖြတ်တောက်လိုက်သည်။
ပအို့ဝ် အမျိုးသား လွတ်မြောက်ရေးအဖွဲ့ နောက်သို့ ခမရ ၄၂၃ တပ်က စစ်ကြောင်း (၂) ကြောင်းနှင့် လွိုင်ကော် အခြေစိုက် ဒေသ ကွပ်ကဲရေး စခန်းမှ စစ်ကြောင်း (၂) ကြောင်းတို့ လိုက်လံ တိုက်ခိုက်လျှက် ရှိသည်ဟု စစ်ရေးသတင်း ရပ်ကွက်က ပြောသည်။

တာချီလိတ်အနီး ဗုံး ၄ လုံး ပေါက်ကွဲ

ဖနိဒါ
ချင်းမိုင်။ ။ ရှမ်းပြည်နယ်အရှေ့ပိုင်း တာချီလိတ်မြို့နယ် အတွင်း၌ ထိခိုက်ဒဏ်ရာရခြင်း မရှိသော ဗုံး ၄ လုံး ပေါက်ကွဲမှု ယမန်နေ့က ဖြစ်ပွားခဲ့သည်။
တာချီလိတ်မြို့ အရှေ့ဘက် ၁ဝ မိုင်ကျော် အကွာတွင် တည်ရှိသော မိုင်းဖုန်းကျေးရွာအုပ်စု (က) ရှိ ပါရာဒိုက်ဟိုတယ်နှင့် အနီးတဝိုက်တွင် ယမန်နေ့ နံနက် ၂ နာရီ ၄ဝ မိနစ်ခန့်က ဗုံးတလုံး စတင်ပေါက်ကွဲခဲ့ပြီး နောက်ထပ် ၅ မိနစ်ခြားစီ ဆိုသလို အဆိုပါ နေရာနှင့် မလှမ်းမကမ်းတွင်လည်း ဗုံး ၃ လုံး ထပ်မံ ပေါက်ကွဲခဲ့ခြင်း ဖြစ်သည်။
အခင်းဖြစ်ပွားရာ ဒေသအနီးတွင် နေထိုင်သူတဦးက “မနက်ပိုင်းမှာ ဟိုတယ်ဝင်းထဲမှာ အရင် ပေါက်တယ်။ ၅ မိနစ်စီခြားမှာ နောက်ထပ် ၃ လုံး ပြန်ပေါက်တယ်။ လူသေတာတော့ မရှိဘူး” ဟု သူ ကြားသိရပုံကို မဇ္ဈိမကို ပြောပြသည်။
ယနေ့ထုတ် နအဖ စစ်အစိုးရ၏ မြန်မာ့အလင်း သတင်းစာတွင် ပါရဒိုက်ဟိုတယ် အလုပ်သမားအဆောင်တွင် တလုံး၊ အဆိုပါနေရာနှင့် ပေ ၁ဝဝ ခန့်အကွာရှိ ရွှေမြန်မာ လက်ဖက်ရည်ဆိုင် အနီးတွင် တလုံး၊ လက်ဖက်ရည်ဆိုင်၏ မြောက်ဘက် ပေ ၃ဝဝ ခန့်ရှိ သစ်ပင်ခြေရင်းတွင် တလုံးနှင့် သစ်ပင်၏ အနောက်ဘက် ကိုက် ၁၅ဝ ခန့်အကွာ ကိုင်းတောအတွင်း၌ တလုံး ပေါက်ကွဲခဲ့ခြင်း ဖြစ်သည်ဟု ဖော်ပြထားသည်။
ဆက်လက်၍ ထိခိုက်ဒဏ်ရာရရှိသူ မရှိကြောင်းနှင့် လိုအပ်သည်များကို စုံစမ်းစစ်ဆေးနေကြောင်းလည်း ရေးသားထားသည်။
ယခုနှစ်အတွင်း နိုင်ငံတဝှမ်း ဗုံးများ ပေါက်ကွဲခဲ့ရာတွင် ယခုတကြိမ်သည် ၄ ကြိမ်မြောက် ပေါက်ကွဲခဲ့ခြင်း ဖြစ်သည်။
ယခင်လက ပျဉ်းမနား နေပြည်တော်၊ ပဲခူးတိုင်း ဖြူးမြို့နှင့် ရန်ကုန်မြို့ ဘူတာရုံ အစရှိသည့် နေရာများတွင် ဗုံးများ ပေါက်ကွဲခဲ့ရာ အနည်းဆုံး လူ ၂ ဦး သေဆုံးကာ အမျိုးသမီး ၄ ဦးနှင့် ကလေး ၁ ဦး ဒဏ်ရာ ရခဲ့သည်။

အဲပုဂံ လေယာဉ် ပူတာအိုတွင် ပျက်

မောင်ဒီး

နယူးဒေလီ။ ။ ကချင်ပြည်နယ် ပူတာအိုမြို့မှ မြစ်ကြီးနားသို့ ပျံသန်းလာသည့် အဲပုဂံ လေယာဉ်တစင်း စက်ချို့ယွင်းမှုကြောင့် ယနေ့ညနေ ၃ နာရီခန့်တွင် ပျက်သွားခဲ့သည်။
လေယာဉ်ပြေးလမ်းမှ အရှိန်မြှင့်ကာ ပျံသန်းရန်ပြုစဉ် ပြေးလမ်းမှ ကိုက် ၁၀၀ ခန့် လွန်သွားခြင်း ဖြစ်သည်။
ခရီးသည် ၅၇ ဦး လေယာဉ်ပေါ်တွင် ပါရှိသော လေယာဉ်၏ လေယာဉ်မှူး လက်ကျိုးသွားပြီး လေယာဉ်၏ ဘယ်ဘက်တောင်ပံနှင့် ဘော်ဒီတွင် အနည်းငယ် ပျက်စီးသွားသည်ဟု သိရသည်။ သို့သော် ခရီးသည်တဦးမှ ထိခိုက် ဒဏ်ရာရမှု မရှိပါ။
"ပူတာအိုကနေ ဒီကို ပျံသန်းတဲ့အခါမှာ လေယာဉ်ကွင်းကနေ စထွက်ပြီး ၁ ဖာလုံလောက် အကွာမှာ ပျက်တာ။ ယောက်ျားက ၃၆ ယောက်၊ မိန်းကလေးက ၁၈ ယောက်၊ ကလေး ၂ ယောက်၊ နိုင်ငံခြားသား ၄ ယောက် တယောက်မှ မထိဘူး" ဟု လေကြောင်းလိုင်းနှင့် နီးစပ်သူတဦးက ပြောသည်။
ခရီးသည်များကို ဒေသ အာဏာပိုင်များနှင့် ရွာသူရွာသားများက ဆေးဝါး ကုသပေးခြင်းနှင့် လိုအပ်သည့် အကူအညီများ ဆောင်ရွက် ပေးခဲ့ကြသည်။
လွန်ခဲ့သည့်နှစ်က အဲပုဂံလေယာဉ် အေတီအာ ၄၂ လေယာဉ်သည် ဟဲဟိုးလေဆိပ်အဆင်းတွင် အင်ဂျင်ပျက်၍ ခရီးသည်တဦး ဒဏ်ရာရမှု ဖြစ်ပွားခဲ့သည်။
လွန်ခဲ့သည့် ၁၉၈ဝ ခုနှစ်ကျော်ကလည်း လယ်မယ်ဝါချီ ရွာအနီးတွင် ကုန်ပစ္စည်းများ တင်ဆောင်သည့် အစိုးရပိုင် Charter လေယာဉ်တစင်း စက်ချို့ယွင်းမှုဖြစ်ကာ ပျက်ကျခဲ့ရာ လေယာဉ်မှူး အပါအဝင် လူ ၄ ဦး သေဆုံးခဲ့သည်။

မြန်မာနေးရှင်း ဂျာနယ် ဖြန့်ဝေခွင့် ပိတ်ပင်ခံရ

နန်းဒေဝီ
နယူးဒေလီ။ ။ မြန်မာနေးရှင်း ဂျာနယ်တိုက်မှ အယ်ဒီတာချုပ်နှင့် ရုံးအုပ်ချုပ်ရေးမှူးတို့အား သောကြာနေ့တွင် အာဏာပိုင်များက စစ်ဆေးမေးမြန်းရန် ခေါ်ဆောင်သွားပြီးနောက် ယခုတပတ် ထုတ်ဝေမည့် ဂျာနယ်ကိုလည်း ဖြန့်ဝေခွင့် ပိတ်ပင်လိုက်သည်။
ယနေ့ထုတ်ဝေမည့် ဂျာနယ်ကို ဖြန့်ဝေခွင့် ပိတ်ပင်လိုက်သလို၊ ဂျာနယ်တိုက်ကိုလည်း ရပ်နားထားရန် စာပေစိစစ်ရေးက ညွှန်ကြားထားသဖြင့် ခေတ္တ ပိတ်လိုက်ရကြောင်း အမည်မဖော်လိုသူ ဂျာနယ်တိုက်နှင့် နီးစပ်သူတဦးက မဇ္ဈိမကို ပြောသည်။
“မနေ့ညနေက ထုတ်ဝေခွင့်ကဒ် ပိုင်တဲ့သူကို စာပေစိစစ်ရေးက ခေါ်ပြီးတော့ ဂျာနယ်တွေကို မဖြန့်နဲ့အုံး၊ ပြန်စစ်ဆေးဖို့ ရှိတယ်ဆိုပြီး တိုက်ကို တဆင့်ပြောခိုင်းတာ။ တိုက်ကိုလည်း ခဏ ပိတ်ထားလိုက်ပါလို့ ပြောတယ်။ မနေ့ကမှ ပုံနှိပ်တိုက်က ယူလာတဲ့ အတိုင်းကို ပုံထားရတယ်။ ဒီနေ့စပြီး ဖြန့်မလို့လေ” ဟု သူက ပြောသည်။
သူက ဆက်ပြီး “စိစစ်ရေးက တရားဝင်စာ ထုတ်ပြီးတော့ အကြောင်းကြားတာလည်း မရှိဘူး။ တရားဝင်စာတော့ မရသေးပါဘူး။ ဒါပေမဲ့ ထုတ်ဝေခွင့်ကဒ် ငှားပေးထားတဲ့ သူဆီကတဆင့် သိရတာပါ။ သွားမေးတော့လည်း ထုတ်ဝေခွင့်ကဒ် ပိုင်ဆိုင်တဲ့သူနဲ့ပဲ စကားပြောမယ်လို့ပဲ ပြောပါတယ်” ဟု ပြောသည်။
သင်္ကန်းကျွန်းမြို့နယ်ရှိ ဂျာနယ်တိုက်မှ အယ်ဒီတာချုပ် ဦးသက်ဇင်နှင့် ရုံးအုပ်ချုပ်ရေးမှူး ဦးစိန်ဝင်းမောင်တို့အား ခေါ်ယူစစ်ဆေးရန်သာ ဖြစ်ပြီး ဂျာနယ်တိုက်နှင့် မည်သို့မျှ မသက်ဆိုင်ကြောင်း ဒေသ အာဏာပိုင်များက ပြောဆိုခဲ့သော်လည်း ယခုအခါ ဂျာနယ် ဖြန့်ဝေခွင့်ကိုပါ ပိတ်ပင်ခံရခြင်း ဖြစ်သည်ဟု ဦးသက်ဇင်၏ ဇနီးဖြစ်သူ ဒေါ်ခင်ဆွေမြင့်က မဇ္ဈိမကို ယခုလို ပြောသည်။
“ဦးသက်ဇင်တို့ကို လာခေါ်သွားတဲ့ နေ့ကတုန်းကလည်းလေ၊ အဲဒီ အရာရှိက ကျမတို့ကို ပြောသွားတယ်လေ၊ ဂျာနယ်နဲ့ မပတ်သက်ပါဘူး၊ ဂျာနယ်ကို ခင်ဗျားတို့ ဆက်လုပ်လို့ ရပါတယ်လို့ ပြောလို့ အသဲအသန် လုပ်လိုက်ရတာ၊ အခုတော့” ဟု သူက ပြောသည်။
ဂျာနယ်စောင်ရေ ၅ဝဝဝ ကျော် ပုံနှိပ်ထားပြီး၊ ကုန်ကျစရိတ် ကျပ် ၁ဝ သိန်းကျော် အကုန်အကျ ခံခဲ့ရကြောင်း သိရသည်။
“သောကြာနေ့တုန်းက ကျမတို့ ရပ်လိုက်လို့ရှိရင် ဒီလောက် အကုန်အကျ မများဘူး၊ လူလည်း မပင်ပန်းဘူး။ အခုတော့ ကျမတို့မှာလည်း Graphic Design တွေဘာတွေ အကုန် အသဲအသန် လုပ်လိုက်ရတာ။ အခုတော့ ငွေလည်း ကုန်၊ လူလည်း ပင်ပန်း ဖြစ်နေရတယ်” ဟု သူက ပြောသည်။
သူက ဆက်ပြီး “စစ်ဆေးချင်လို့တော့ ပြောတယ်။ ထွေထွေထူးထူးတော့ မရှိပါဘူး။ ဂျာနယ်က စိစစ်ရေး လွတ်ပြီးသားပါ။ စိစစ်ရေး လွတ်ပေးပြီးမှပဲ ပုံနှိပ်စက်ပေါ် တင်ရတာလေ။ ပုံနှိပ်စက်ကလည်း လွတ်ပြီးကာမှ ဖြန့်ဖို့ လုပ်တော့မှ အဲလိုဖြစ်ရတာ။ ကျမလည်း အံ့သြနေတာပေါ့ရှင်” ဟု ပြောသည်။

ဖဒိုမန်းရှာကို လုပ်ကြံရာတွင် သုံးသည့်ကား ထိုင်းရဲများက ဖမ်းမိ

နေသွင်

ချင်းမိုင်။ ။ ဖဒိုမန်းရှာအား လုပ်ကြံခဲ့သော လူသတ်သမားများ အသုံးပြုခဲ့သည့် ကားကို ယနေ့နေ့လည် ၃ နာရီခန့်တွင် မဲဆောက်မြို့ အနောက်ဘက်၊ ကီလိုမီတာ ၄ဝ အကွာရှိ၊ ဝမ်းခကျေးရွာ အနီးတွင် ထိုင်းရဲများက ဖမ်းဆီးရမိလိုက်ပြီး ယခုအခါ မဲဆောက်မြို့ ရဲစခန်းတွင် ထိန်းသိမ်းထားသည်။
အနက်ရောင်၊ ဖိုးဝှီး အမျိုးအစား (ကားနံပါတ်- ၄၂၅) ဖြစ်ပြီး ကားတွင်း၌ အမျိုးသမီးစီး ဖိနပ် ၂ ရံနှင့် လက်ကိုင်အိတ် တခုကို တွေ့ရပြီး မှန်တံခါးတွင် သွေးစွန်းနေသည်ဟု မဇ္ဈိမ ဓာတ်ပုံ သတင်းထောက် ကိုအောင်တင်က ပြောသည်။
လူသတ်သမားများမှ ကားကို ပစ်ထားခဲ့သော နေရာသည် ထိုင်းဘက်အခြမ်းဖြစ်ပြီး ဒီကေဘီအေ တပ်များ ထိန်းချုပ်နယ်မြေနှင့် သောင်းရင်းမြစ် ခြားသည်ဟု သိရသည်။
ကားသည် ဘန်ကောက်လိုင်စင် ဖြစ်ပြီး ပိုင်ရှင်မှာ မဲဆောက်မြို့၊ မယ်ပအရပ်တွင် နေထိုင်သော ထိုင်းလူမျိုးတဦးဟု သိရပြီး ပိုင်ရှင်ကိုမူ ထိုင်းရဲများက ခေါ်ယူ စစ်ဆေးနေသည်ဟု သိရသည်။
လောလောဆယ်တွင် ရဲက ကားတွင်းမှ လက်ဗွေရာများကို စစ်ဆေးနေဆဲ ဖြစ်ပြီး အသေးစိတ် အချက်အလက်များကို မသိရသေးပါ။

တောင်တွင်းကြီးမှာ သန်းခေါင်စာရင်း စကောက်နေပြီ

ထိန်လင်း
နယူးဒေလီ။ ။ မကွေးတိုင်း တောင်တွင်းကြီးမြို့ရှိ ရပ်ကွက်တိုင်းတွင် အာဏာပိုင်များက ဆန္ဒခံယူပွဲအတွက် ရည်ရွယ် လုပ်ဆောင်သည်ဟု ယူဆရသည့် သန်းခေါင်စာရင်း ကောက်ယူမှုများကို ယခုရက်ပိုင်းအတွင်း ပြုလုပ်နေသည်။
တောင်တွင်းကြီး ဒေသခံများအား လွန်ခဲ့သည့် ၃ ရက်ခန့်က စတင်ကာ ရပ်ကွက် ၁ဝ ရပ်ကွက်စလုံးတွင် အသံချဲ့စက်များနှင့် လိုက်လံ နှိုးဆော်ကာ ဆိုင်ရာ ရယက ရုံးများ၌ ပုံစံစာရွက်များတွင် လာရောက်ဖြည့်ရမည် ဖြစ်ကြောင်း အသိပေးပြီးနောက် ရပ်ကွက် ၁ဝ ရပ်ကွက်စလုံး ယခု ရက်ပိုင်းလေးအတွင်း လုပ်ခိုင်းနေခြင်း ဖြစ်သည်။
“ရယက ရုံးကိုလာဖို့ အသံချဲ့စက်တွေနဲ့ လိုက်အော်တယ်။ အိမ်ထောင်ဦးစီးတိုင်း မှတ်ပုံတင်နဲ့ အိမ်ထောင်စုဇယား ယူပြီးလာခဲ့ဖို့။ အတိုးအလျှော့တွေ လုပ်ပေးမယ်၊ ချက်ခြင်း လာခဲ့ပါလို့ အော်တယ်။ လူတိုင်းက ဆန္ဒခံယူပွဲ လုပ်ဖို့ လုပ်ခိုင်းတာဆိုတာ သိပေမယ့် မတတ်နိုင်ဘူး။ သွားလုပ်ရတာပဲ” ဟု တောင်တွင်းကြီး မြို့ခံတဦးက မဇ္ဈိမကို ပြောသည်။
လဝက ဝန်ထမ်းများနှင့် ရယက အဖွဲ့ဝင်များက လူဝင်မှု ကြီးကြပ်ရေးရုံးရှိ အိမ်ထောင်စုစာရင်း မိတ္တူများကို ယူဆောင်လာကာ လက်ရှိ မိသားစုဝင် ဦးရေနှင့် တိုက်ဆိုင် စစ်ဆေးပြီး လိုအပ်သည့် လူဦးရေစာရင်းကို ဖြည့်စွက်ကာ အိမ်တွင်မရှိသော စာရင်းများကို ပယ်ဖျက်ပေးခဲ့ကြောင်း သူက ဆက်ပြောသည်။
ယခုလို အိမ်ထောင်စုစာရင်း ကောက်ခံနေခြင်းသည် မေလတွင် ကျင်းပမည့် လူထုဆန္ဒ ခံယူပွဲအတွက် တင်ကြို လုပ်ဆောင်နေသည်ဟု ဒေသခံများက ယူဆနေသော်လည်း လိုက်နာခြင်းမရှိပါက အာဏာပိုင်များ၏ ငြိုငြင်မှုကို ခံရပြီး ရယက ထံ ထောက်ခံစာများ တောင်းခံသည့်အခါ အခက် ကြုံရမည်ကို စိုးရိမ်သောကြောင့် လိုက်နာနေကြခြင်း ဖြစ်သည်ဟု အခြား ဒေသခံ တဦးက ပြောသည်။
သူက “သူတို့ကတော့ ဆန္ဒခံယူပွဲကို သေချာအောင် လုပ်မှာပဲဗျ။ မဲပေးပြီး ဆန္ဒခံယူပွဲလုပ်လည်း တတိုင်းပြည်လုံး မထောက်တဲ့မဲ ထည့်လည်း သူတို့က ထောက်ခံတယ် ပြောမှာပဲ” ဟု ဆက်ပြောသည်။
ဒေသအာဏာပိုင်များ အနေဖြင့် ဒေသခံလူထုကို ခြိမ်းခြောက်၍ တဖုံ၊ ချော့မြူ၍တဖုံ ဆန္ဒခံယူပွဲများကို တက်ရောက်လာရန် စည်းရုံးနိုင်သောကြောင့် ယခုလာမည့် လူထုဆန္ဒ ခံယူပွဲကိုလည်း ဖြစ်မြောက်သည်အထိ လုပ်လာနိုင်သည်ဟု ဒေသခံများ ယူဆနေကြသည်ဟု သူက ပြောသည်။
“သူတို့က အမြဲတမ်း ရိုးရိုးသားသား လုပ်တာ မဟုတ်ဘူးဗျ။ ထောင့်စေ့တယ်။ မြို့ပေါ်မှာ ဟောပြောပွဲလုပ်မယ်ဆိုရင် အခွင့်အရေးပေးပြီးတော့ လူတစုကို စည်းရုံးလိုက်တယ်။ ကျေးရွာက လူတွေကျတော့ ဘာမပြော ညာမပြောနဲ့ ဇွတ်ခေါ်လာတယ်။ ဒီလိုနဲ့ပဲ အလုပ်ဖြစ်သွားတာပဲ။ ရွာသားတွေမှာတော့ ဘာမသိညာမသိနဲ့ ခံပြင်းပြီး ပြန်ခဲ့ရတာပဲ” ဟု သူက ပြောသည်။
အလားတူပင် မန္တလေးတိုင်း မိတ္ထီလာမြို့ပေါ်ရှိ ရယက ရပ်ကွက်ရုံးတိုင်းတွင် အိမ်ထောင်စုဇယား အသစ်များ အစောင်ရေ ၃ ထောင်ကျော်ခန့်စီ ရောက်ရှိနေပြီဟု မျက်မြင် တွေ့ရှိခဲ့သူ တဦးက ယခုလို ပြောသည်။
“သူတို့က နားလည့်ပါးရိုက် လုပ်မယ့် ပုံစံတွေဗျ။ တွေ့ခဲ့တာ ရိုးရိုးပုံစံ ၁ဝ တွေ မဟုတ်ဘူး။ စနစ်တကျ လုပ်ထားတဲ့ သဘောရှိတယ်။ ခေါင်းစဉ်မှာ ကြံ့ခိုင်ရေးမိသားစုဝင်တွေဆိုပြီး ရေးထားတယ်။ လိုရင်းကို ပြောရရင် မိသားစုဝင်စာရင်း သွင်းတဲ့အခါ အလိုအလျောက် ကြံ့ခိုင်ဖွံ့ဖြိုးရေးအသင်းဝင် ဖြစ်သွားတဲ့ သဘောပေါ့” ဟု သူက ပြောသည်။
ထိုသို့ လုပ်ဆောင်ထားခြင်းကြောင့် အိမ်ထောင်စုဇယား အသစ် လဲလှယ်သည့်အခါ အိမ်ထောင်ဦးစီးမှ မွေးကင်းစ ကလေးငယ်များအထိ အလိုအလျောက် ကြံ့ခိုင်ဖွံ့ဖြိုးရေး အသင်းဝင်အဖြစ် သတ်မှတ်ခံရမည်ကို ဒေသခံများ စိုးရိမ်နေသည်။
ယခုလို ရယက ဥက္ကဋ္ဌများက တအိမ်တက်တအိမ်ဆင်း အိမ်ထောင်စု စာရင်းများ ကောက်ခံကာ အသက် ၁၈ နှစ် ပြည့်ပြီး လူငယ်များကို ကြံ့ခိုင်ဖွံ့ဖြိုးရေး အသင်းဝင်အဖြစ် မိဘများကို အကြောင်းမကြားဘဲ သတ်မှတ် ပေးနေခြင်းကို မန္တလေးတိုင်း ချမ်းအေးသာဇံ မြို့တွင်လည်း ယခု ရက်ပိုင်းအတွင်း အပူတပြင်း လုပ်ဆောင်နေခဲ့သည်။

ဖဒိုမန်းရှာ - လူမျိုးပေါင်းစုံအတွက် တိုက်ပွဲဝင်သူ

သန်းထိုက်ဦး၊ ဖနိဒါ

ဦးတင်အောင် (ဥက္ကဋ္ဌ ၊ အမျိုးသား ဒီမိုကရေစီအဖွဲ့ချုပ် - လွတ်မြောက်နယ်မြေ)
“ဖဒိုမန်းရှာဟာ အဘတို့ ၁၉၉၂ ခုနှစ်က စပြီးတော့ တပ်ရင်း ၁ဝ၁ မှာ လုပ်ခဲ့တဲ့ ရဲဘော် ခေါင်းဆောင် တယောက် ဖြစ်ပါတယ်။ သူ့ရဲ့ စိတ်၊ သူ့ရဲ့ အနေအထားကို သိရတယ်။ ဘာကိုလဲ ဆိုတဲ့အခါကျတော့ ဖဒိုမန်းရှာဟာ တော်လှန်ရေးသမားကောင်း တယောက်ဖြစ်တယ်။ အဲဒီလို ဖြစ်သလို၊ လူလူချင်း စာနာ ထောက်ထားတတ်တဲ့ ခေါင်းဆောင်တယောက် ဖြစ်တယ်ဆိုတာ ကျနော် တွေ့ရတယ်။ ဘယ်လိုပင် အခက်အခဲတွေ ရှိရှိ၊ ဘယ်လိုပင် အကျပ်အတည်းတွေ ရှိရှိ၊ အခက်အခဲကို ခေါင်းအေးအေးနဲ့ ကျော်လွှားပြီးတော့မှ လုပ်လေ့လုပ်ထရှိတဲ့ ခေါင်းဆောင် တယောက်ပါ။ ဖဒိုမန်းရှာဟာ သူ့နိုင်ငံရေးနဲ့ သဘောထား၊ ရပ်တည်ချက်ဟာ အင်မတန် မှန်ကန်ပါတယ်။ လူမျိုးရေးကို အခြေခံတဲ့ နိုင်ငံရေး ရပ်တည်ချက် မဟုတ်ပါဘူး။ တမျိုးသားလုံးနဲ့ ယှဉ်တွဲတဲ့ နိုင်ငံရေး ရပ်တည်ချက် ဖြစ်တဲ့အတွက် သူ့နိုင်ငံရေး ရပ်တည်ချက်ဟာ အင်မတန်မှ မွန်မြတ်ပါတယ်”
စောသမိန်ထွန်း (ကျောင်းနေဘက် သူငယ်ချင်း) (ဒု –တာဝန်ခံ၊ ဗဟို စည်းရုံးရေးဌာန၊ ကေအန်ယူ)
“ကျနော်တို့က ရန်ကုန်မှာပဲ ဆုံကြတာကိုး။ ရန်ကုန်မှာ ကျောင်းနေရင်း ဆုံကြပြီးမှ၊ အဲဒီမှာ ကျနော်တို့ ဝိဇ္ဇာနဲ့ သိပ္ပံ၊ စနစ်ဟောင်းနော်။ ၆၂ ခုနှစ်က စနစ်ဟောင်း။ အဲဒီမှာ ကျနော်တို့ နေကြတော့ သူက တခြားဘာသာရပ်၊ ကျနော်လည်း တခြားဘာသာရပ်ပေါ့လေ၊ ယူကြတာပေါ့။ အဲဒီတော့ သူနဲ့ ကျနော် အနီးကပ် သိရတာတွေကတော့ သူကတော့ နိုင်ငံရေး စာအုပ်တွေ ဖတ်တယ်။ နောက်ပြီးမှ သူက ကဗျာတွေ၊ စာပေတွေ တော်တော် ဝါသနာ ရှိတယ်ဗျ။ ဒါတွေ အားသန်တယ်။ သူက နိုင်ငံရေးစကား ပြောရင်လည်း ဆွေးနွေးတယ်။ စာပေတခု လေ့လာပြီရင် စာပေတွေကို ဆွေးနွေးတာတွေ လုပ်တာတွေ၊ ဒါတွေ သူ လုပ်တတ်တယ်။
အဲဒီတော့ သူက နိုင်ငံရေး အားသန်တယ်။ သူက နိုင်ငံရေးကလည်း လိုင်းပေါင်းစုံက လေ့လာတာပေါ့လေ။ ဒါပေမဲ့ ဘယ်လိုပဲ ပြောပြောပါ၊ ကျနော်တို့ အဲဒီ ခေတ်ကာလကတော့ ကျောင်းသားတွေကတော့ လက်ဝဲရဲ့ နိုင်ငံရေးကိုတော့ အားသန်ကြတာ များတယ်လေ။ ကျနော်လည်း ဘာမှမထူးဘူး၊ ဒီအတိုင်းပဲလေ။ အဲဒီတော့ လုပ်ကြတော့၊ အဲဒီ လှုပ်ရှားမှုတွေမှာ ကျနော်တို့က ပါဝင်ခဲ့ကြတာပေါ့လေ။ သူလည်း ပါ၊ ကျနော်လည်းပါ ပေါ့။ အဲဒီတော့ ကျနော် တိုတိုလေးပဲ ပြောပါရစေ။ ၁၉၆၆ ခုနှစ်မှာ သူက ဘွဲ့ရတယ်။
သူက တခုကောင်းတာက ဒီလူက စိတ်ရှည်တယ်ဗျ။ စိတ်တိုတာတွေ မလုပ်ဘူးဗျ။ စိတ်ရှည်တယ်။ ဒီလူက ဆွေးနွေးပွဲတွေလည်း အားကြီး ထိုင်ချင်တယ်။ သူက နိုင်ငံရေး တက်ကြွတယ်။ ကျနော်တို့က အဲဒီတုန်းက လူငယ်တွေကိုးဗျ။ အသက် ၂ဝ ကျော်။ နိုင်ငံရေးမှာ တက်ကြွနေတဲ့လူတွေ။ သူက ပိုတက်ကြွတယ်ဗျ။ သူက စာရေး အားသန်တယ်၊ ကျနော်က စာရေး အားမသန်ဘူး။ အဲဒီတော့ သူက စာရေးအားသန်တဲ့ အခါကျတော့ သူ့ကိုပဲ ကျနော်တို့က အခမ်းအနားမှူးတွေ ဘာတွေ လုပ်ခိုင်းရတာပေါဗျ။ သူက ဒီလိုလူမျိုး အားကြီးတက်ကြွတဲ့ လူ”
စာရေးဆရာ မန်းငြိမ်းမောင် (အရင်းနှီးဆုံး တရွာထဲသား မိတ်ဆွေ)
“သူက ဘယ်လို ပုဂ္ဂိုလ်မျိုးလည်းဆိုတော့ အရာကိစ္စတိုင်းမှာ သဘောထား ပြည့်ပြည့်စုံစုံ၊ ပျော့ပျော့ပြောင်းပြောင်းနဲ့ အဲဒီလို ချဉ်းကပ်ပြီးတော့မှ အဲဒီလို လုပ်ကိုင် ဆောင်ရွက်တတ်တယ်။ သဘောထား တင်းမာတဲ့သူ မဟုတ်ဘူး။ ကျယ်ပြန့်တဲ့ နိုင်ငံရေး အမြင်ရှိတယ်။ အထူးသဖြင့် ကျနော်တို့ တိုင်းရင်းသားတွေနဲ့ ဒီမိုကရေစီ အင်အားစုတွေ ကြားထဲမှာ ဆက်စပ် လုပ်ကိုင်တဲ့ အပေါ်မှာ အင်မတန်မှကို သိမ်သိမ်မွေ့မွေ့နဲ့ အကုန်လုံး နားလည်လက်ခံနိုင်တဲ့ အဲဒီလိုဟာမျိုးကို သူ အမြဲတမ်း ဦးဆောင်မှုပေးနိုင်တဲ့ ခေါင်းဆောင်တယောက် ဖြစ်တယ်ပေါ့နော်။ အမျှော်အမြင် ရှိတယ်။ အဲဒါမျိုးတွေပေါ့”
ကရင် အမျိုးသမီးခေါင်းဆောင် အချို့၏ အမြင်
ဒေါ်နန်းခင်ထွေးမြင့် (လွှတ်တော်အမတ်)
“သူ့ကို မတွေ့ဘူးပေမဲ့ သူဟာ ဘယ်လောက် အရည်အချင်း ရှိတယ်ဆိုတာ အန်တီတို့ သိနေတာပဲ။ သူ တာဝန်အသီးသီး ထမ်းဆောင်နေတာပဲ။ အန်တီတို့ ကြားလိုက်တော့ လုံးဝ စိတ်မကောင်းဘူး။ သူ့ကို လုပ်ကြံတဲ့ လူတွေကလည်း ကရင်တွေပဲလား မသိဘူး။ ကရင်လို့ ခံယူရတဲ့ လူကတော့ ဘယ်လိုမှ စိတ်မကောင်းဘူး။ ကရင်မှ မဟုတ်ဘူး၊ နားလည်တဲ့ လူတိုင်းက ဒီလို ရှားပါးတဲ့ လူတယောက်၊ ကရင်ထဲမှာဆိုရင် ပိုတောင် ရှားပါးသေးတယ်။ ဒီလို လူတယောက် ဆုံးရှုံးရတာ စိတ်မကောင်းဘူး။
အခုလို သူ့ကို လုပ်ကြံတဲ့ လူတွေကလည်း တော်တော်လေး မိုက်မိုက်မဲမဲ ဆင်ခြင်တုံတရား မရှိတဲ့ လူတွေပဲ။ ဘာဖြစ်လို့လဲ ဆိုတော့ ရှားရှားပါးပါး ကိုယ့်ကရင် ထဲမှာရှိတဲ့ လူတယောက်ဆိုတာကို ဘာမှ အသိတရားမရှိ၊ လူ့တန်ဖိုး နားမလည်တဲ့ လူတွေပဲ။ ဒီလူဟာ တနေ့နေ့ တချိန်ချိန်ကျရင် သူ့ကိုခိုင်းတဲ့ သူကလည်း သူ့ကို ပြန်ပြီး အကျိုးပေးလိမ့်မှာပဲ။ သူက သူ့ရဲ့ လုံခြုံရေးကို သူ စိတ်ချတယ်။ တန်ဖိုးရှိတဲ့၊ အရေးကြီးတဲ့ အလုပ်ကို သူ လုပ်နေတာပဲ။ အန်တီတို့က နားမည်ဘူး။ လုပ်ကြံတဲ့လူနဲ့ ခိုင်းတဲ့ လူတွေကိုလည်း အံ့သြတယ်။ တော်တော်လည်း စိတ်ဓာတ် ယုတ်ညံ့ပြီးတော့လေ၊ ဆင်ခြင်တုံတရား မရှိတဲ့ လူတွေပဲ။ အင်မတန်မှ နှမြောတယ်။ နောက် ဒီလိုနေရာမျိုးမှာ ကရင်ဆိုရင် ပိုပြီးမှ ခံစားရပါတယ်ကွယ်”
ခိုင်မာကျော်စော (အယ်ဒီတာ၊ ကရင်သတင်းစဉ်)
“ဖထီးနဲ့ ပတ်သက်ပြီး ကျမ ကြုံတွေ့ခဲ့ရတဲ့ အရာတွေ ပြောမယ်ဆိုရင် ဖထီးက တော်လှန်ရေးသမား ဘဝထဲမှာပဲ မြှုပ်နှံထားတဲ့ လူတယောက်လို့ ပြောရမယ်။ ဘာဖြစ်လို့လဲဆိုတော့ ကျမ မှတ်မိရသလောက်ဆိုရင် ၁၉၉၄ နှစ် မာနယ်ပလော ကျတဲ့ နောက်ပိုင်းမှာ ဒုက္ခသည်တွေ ပြေးကြလွှားကြတဲ့ အခါမှာ သူလည်းပဲ ကေအန်ယူ ခေါင်းဆောင်တယောက်က၊ အဲဒီ ဒုက္ခသည်တွေကို တွေ့တဲ့အချိန်မှာ သူက ဒုက္ခသည်တွေရဲ့ ပလိုင်းတွေ၊ အထုပ်အပိုးတွေ အများကြီး သယ်ပေးတယ်။ အဲဒီအခါမှာ အတွင်းရေးမှူး တာဝန် ယူထားတယ်။ အဲဒါတွေ တွေ့ရတယ်။
နောက်တခုက သာမန် ပြည်သူတယောက်၊ ကရင်လူတယောက်လိုလည်း ကျင့်ကြံပြီး နေထိုင်တယ်။ အထူးသဖြင့်တော့ ပလိုင်းယက်တာတို့၊ ဝါးကုလားထိုင်တွေ သူကိုယ်တိုင် လုပ်တယ်။ နှီးတွေဖျာတယ်။ အဲဒီလို သာမန်လူလို သူ နေထိုင်တတ်တယ်။ တခါတလေ ကျမတို့နဲ့အတူ တရုံးထဲ မနေရင်တောင် ကျမတို့ ရုံးထဲကို လာပြီးတော့ သူကိုယ်တိုင် ထမင်း ချက်ကျွေးတယ်။ တော်ရုံတန်ရုံ ခေါင်းဆောင်တွေ မလုပ်တဲ့အလုပ် တံမြက်စည်း လှဲတယ်၊ ထမင်းချက် ကျွေးတယ်။ ပန်းကန်ဆေး ပေးတယ်။ ကျမတို့ ကျောင်းသူကျောင်းသားတွေ မအားလို့ဆိုပြီး လုပ်ပေးတယ်။ အဲဒါလည်း ထူးခြားပါတယ်။
နောက်တခုက အထူးသဖြင့် လူငယ်တွေပေါ့။ အမျိုးသမီး၊ အမျိုးသား နိုင်ငံရေး စိတ်ဓာတ် နိုးကြားလာအောင် အားပေးအားမြောက်မှုတွေ ရှိတယ်။ လူငယ်တွေရဲ့ ဆွေးနွေးပွဲတိုင်းမှာ တက်တက်ကြွကြွ ပါဝင် ဆွေးနွေးတာမျိုးတွေ၊ အမျိုးသားရေး လုပ်ငန်း လုပ်တာတွေ သူ အားပေးတယ်၊ ဂုဏ်ယူတယ်ပေါ့နော်။ အမျိုးသားရေး ဆက်လုပ်ဖို့ ဆိုတဲ့ဟာမျိုးသူ အမြဲတမ်း ပြောတယ်။ နောက်တခုကတော့ အစားအသောက်တွေ ဆိုရင်လည်း ရုံးသားပဲဖြစ်ဖြစ်၊ မျက်နှာစိမ်းပဲဖြစ်ဖြစ် အတူတူပဲ၊ ခွဲခြားဆက်ဆံတာ မရှိဘူး။ လူကြီးဆိုပြီးတော့ ဟင်းကောင်းကောင်း စားလိမ့်မယ် မဟုတ်ဘူး။ ကျန်တဲ့လူက ငပိရည်စားရင်လည်း အတူတူပဲ။ ငါးဟင်းစားရင်လည်း အတူတူပဲ။ အဲဒီလို စိတ်သဘောထားလည်း ပြည့်ဝမှု ရှိပါတယ်။ အထူးသဖြင့် နအဖ ဘက်က လက်နက်ချ ဝင်လာတဲ့ ကလေးစစ်သားလေးတွေနဲ့တောင်မှ သူက ထမင်းတဝိုင်းထဲ အတူတူစားတယ်။ အတူဆက်ဆံတယ်။ စိတ်ဓာတ်ရေးရာမှာ သဘောထားပြည့်ဝတဲ့ လူတယောက်ဆိုတာ ကျမ ပြောချင်ပါတယ်”
ဒေါက်တာ စင်သီယာမောင် (မယ်တော်ဆေးခန်း)
“အကုန်လုံးခြုံပြီး ပြောရမယ်ဆိုရင် တိုင်းရင်းသား အရေးနဲ့ လူ့အခွင့်အရေး ဆုံးရှုံးမှုကြီး တခုပါ”

ဖဒိုမန်းရှာ (သို့မဟုတ်) ကြယ်တပွင့် ကြွေလွင့်ခြင်း (သဘောထားအမြင်များ)

မဇ္ဈိမသတင်းဌာန

ဦးဉာဏ်ဝင်း (ပြောခွင့်ရပုဂ္ဂိုလ်၊ အမျိုးသားဒီမိုကရေစီ အဖွဲ့ချုပ်)
“ကျနော်တို့ သူ့ရဲ့ အင်တာဗျူးတွေကို နိုင်ငံခြား သတင်းဌာနတွေကနေ မကြာခဏ ကြားရတယ်။ သူပြောနေတဲ့ မှတ်ချက်တွေက တကယ့် နိုင်ငံရေးသမားကောင်း တယောက်၊ တိုင်းပြည်ကို တကယ့် စေတနာထားတဲ့ နိုင်ငံရေးသမား တယောက် အနေနဲ့ ဒီလိုပဲ မြင်တယ်”
ပူးကျင့်ရှင်းထန် (ပြည်သူ့လွှတ်တော် ကိုယ်စားလှယ်၊ ဇိုမီးအမျိုးသား ကွန်ဂရက်)
“ကျနော် သိသလောက် သူက တည်ကြည်တယ်၊ ပြတ်သားရဲရင့်တဲ့ ခေါင်းဆောင်တယောက်၊ တိုင်းပြည်နဲ့ လူမျိုးအတွက် တကယ်အလုပ် လုပ်နေတဲ့ လူတယောက် ဖြစ်တဲ့အတွက် သူသာ မရှိတော့ဘူးဆိုရင် လူမျိုးအတွက် တကယ့် နစ်နာမှု ဖြစ်မှာပါပဲ”
ရဲဘော် ဖိုးသံချောင်း (ပြောရေးဆိုခွင့်ရှိသူ၊ ဗမာပြည်ကွန်မြူနစ်ပါတီ)
“ဖဒိုမန်းရှာက သူ့ဘဝတခုလုံးကို တော်လှန်ရေးထဲ ပုံအပ်ပြီး လုပ်နေတဲ့ တော်လှန်ရေးသမား တယောက်ပါပဲ။ သာမန် တခြား တော်လှန်ရေးသမားနဲ့ မရောထွေးစေချင်ပါဘူး။ သူက ပြည်သူလူထု အပေါ်မှာလည်း တစုံတရာ သြဇာရှိတဲ့ နိုင်ငံရေး ခေါင်းဆောင် တယောက်ပါပဲ။ ဒါဟာ နှမြောစရာ၊ ဝမ်းနည်းစရာပါပဲ။ ကျနော်တို့ အတော့်အတော်ကို အံ့လည်း အံသြသွားတယ်။ သိပ်လည်း ခံစားမိပါတယ်။ အထူးသဖြင့် ဒီလိုအရေးကြီးတဲ့ အချိန်မျိုးမှာမှ ဖြစ်ရပလေဆိုပြီး ဝမ်းနည်းမိပါတယ်။
ကေအန်ယူဆိုတာ နိုင်ငံရေးပါတီ ပေါက်စလည်း မဟုတ်ပါဘူး။ သဘာလည်း ရင့်လာပါပြီ။ သူတို့ ဆက်ချီတက်နိုင်လိမ့်မယ်လို့ ယုံပါတယ်။ ဘာမှတော့ ခေါင်းဆောင်မှု၊ ဖွဲ့စည်းမှုဖြစ်စေ၊ ဆက်ချီတက်မှုမှာဖြစ်စေ ထူးထူးခြားခြား ဂယက်ရိုက်မယ်လို့တော့ မဟုတ်ဘူးပေါ့။ ဒါပေမဲ့ ဖဒိုမန်းရှာမှာက သူ့ရဲ့အားသာချက်၊ သူ့ရဲ့ စွမ်းဆောင်နိုင်စွမ်းတွေ ရှိနေတော့ အဲဒါတွေအတွက် သူတို့ ဆုံးရှုံးသွားမှာပေါ့။ အဲဒါတွေအတွက် အစားထိုးလို့ မရတာတွေလည်း ရှိနိုင်ပါတယ်”
စိုင်းလောဝ်ဆိုင် (ရှမ်းပြည်တပ်မတော်-တောင်ပိုင်း ပြောခွင့်ရပုဂ္ဂိုလ်)
“ကေအန်ယူအတွင်းရေးမှူး ဖဒိုမန်းရှာဟာ ကရင်အမျိုးသား တော်လှန်ရေးအတွက် ရဲဘော်ရဲဘက်ကောင်း ဖြစ်ပါတယ်။ သူတာဝန် ထမ်းဆောင်နေစဉ် ကာလအတွင်းမှာလည်း သူ့ကရင်အမျိုးသားရေးအတွက် သာမက မြန်မာပြည်အရေး အတွက်ပါ စေတနာရှိရှိ စိတ်ဝင်တစား ထမ်းဆောင်ခဲ့တဲ့ လူပါ။
ကေအန်ယူ အတွင်းရေးကိစ္စတော့ ကျနော် သိပ်မသိပါဘူး။ ဒါပေမဲ့ ဖဒိုမန်းရှာက ကေအန်ယူ အတွင်းရေးမှူး ဆိုတော့ တော်တော်အရေးပါတဲ့ လူတယောက် ဖြစ်မယ်လို့ ကျနော် ယုံကြည်ပါတယ်။
သူက ကေအန်ယူအတွက် သာမက နအဖ အတွက်ပါ တကယ့်ကို အရေးပါတဲ့ လူတယောက် ဖြစ်မှာပဲလို့ သူ့လိုပဲ ကျန်တဲ့ ခေါင်းဆောင်တွေကို လုပ်ကြံဖို့ နအဖမှာ အစီအစဉ် ရှိမယ်လို့ ကျနော်တို့ ယုံကြည်ပါတယ်။ ဒီကိစ္စဟာလည်း နအဖ လက်ချက်ဖြစ်မယ်လို့ ကျနော်တို့ ယုံကြည်ပါတယ်။
မဲဆောက်ဒေသတဝိုက်မှာ နအဖ ထောက်လှမ်းရေး စေလွှတ်ထားတာ ၁ဝဝ လောက် ရှိတယ်လို့ ကေအန်ယူ သတင်းပိုင်းအရ သိရတယ်။
ကေအန်ယူ အသိုင်းအဝိုင်း တချို့မှာတော့ ကေအန်ယူက ထွက်သွားတဲ့လူတွေ လက်ချက်ဖြစ်မယ်လို့ သုံးသပ်တာတွေ ရှိပါတယ်။ ဒါပေမဲ့ ကျနော့်အမြင်ကတော့ အခုအချိန်မှာ ကရင်အမျိုးသား အချင်းချင်း သတ်ဖြတ်ရမယ့် အချိန် မဟုတ်ဘူးဆိုတာ တချို့က ပြောတာတွေလည်း ကြားရပါတယ်။ သူတို့ နားလည်မှုတွေ ရယူဖို့အတွက် နှစ်ဖက်လုံးမှာ ကြိုးစားနေတယ်ဆိုတာ ထုတ်ဖော် ပြောဆိုထားတာလည်း ရှိပါတယ်”
ကိုသံဒုတ် ( မြန်မာအလုပ်သမား သွေးစည်း ညီညွတ်ရေး တာဝန်ခံ)
ကျနော် အမှန်အတိုင်းပြောရရင် ကြားကြားခြင်း၊ တော်တော် တုန်လှုပ်ပြီးတော့ အင်မတန်မှ ဝမ်းနည်းပြီး ခံစားရပါတယ်။ ဘာကြောင့်လဲဆိုတော့ ဆရာက နိုင်ငံရေး အမြင်အရေရော၊ လူငယ်တွေအပေါ်မှာ အားထားတဲ့ စိတ်တွေရော၊ နအဖပေါ်မှာ ထားရှိတဲ့ သဘောထား ပြတ်သားမှု၊ တိုင်းပြည်ပေါ်မှာ ချစ်စိတ်။ နောက်တခုက ဘက်စုံပေ့ါဗျာ။ ကေအန်ယူမှာ ခေါင်းဆောင်ဖြစ်သလို တပ်ပေါင်းစုမှာလဲ အလွန် မူဝါဒရေးရာတွေမှာ သူက ထိုးဖောက်နိုင်တဲ့ ခေါင်းဆောင်ကောင်း တယောက်ပါ။ အလွန်အစားထိုးလို့မရတဲ့ ခေါင်းဆောင်တယောက်လို့ မြင်ပါတယ်။ နောက်တချက်ရှိတာက သူ့ကို သတိရတာက ကျောင်းသားလူငယ်တွေကိုလည်း အားပေးတတ်တယ်။ ချစ်ခင်စိတ်ရှိတယ်။ သူကိုယ်တိုင်ကလည်း ၆၂ ကျောင်းသား လှုပ်ရှားမှုဘဝကို ဖြတ်သန်းလာခဲ့ရတယ်။ အထူးသဖြင့် နအဖအပေါ်မှာ ရန်သူအပေါ်မှာ ထားရှိတဲ့ သဘောထားနဲ့ တိုင်းပြည်ကို ချစ်တဲ့ စိတ်က အလွန် ကြည်ညိုစရာ ကောင်းပါတယ်။ နောက်ဆုံး ရရင်ရ မရရင် ချဆိုတဲ့ မူဝါဒကို တော်တော်ယိုကြည်တဲ့ ခေါင်းဆောင်တယောက် ဖြစ်တယ်။ တိုက်ပွဲ ဝင်ရမယ်ဆိုတဲ့ စကားကို အမြဲ ပြောလျက်ရှိတယ်။ အစားထိုးမရတဲ့ ခေါင်းဆောင်တယောက်ပါ။
“တစုံတရာ နအဖလည်း ပါဝင် ပတ်သက်နိုင်မယ်လို့ ကျနော်မြင်တယ်။ နောက်တချက်ရှိတာက နအဖ စစ်အစိုးရက အလွန်အင်မတန်မှ ဘက်ပေါင်းစုံ အခက်အခဲဖြစ်နေတဲ့ အချိန်ကာလမှာ သူတိုမှာလည်း စစ်ခေါင်းဆောင်တွေရဲ့ စီမံကိန်း ရှိကောင်းရှိနိုင်ပါတယ်။ သတ်ဖြတ်ရမယ်ဆိုတဲ့ နအဖရဲ့ စီမံကိန်းထဲမှာပေါ့နော်။”
ပြောခွင့်ရပုဂ္ဂိုလ်တဦး (ဝ’ ပြည် သွေးစည်းညီညွတ်ရေးအဖွဲ့)
“ကျနော့်အမြင်ကတော့ သူက အခုအချိန်မှာ ကေအန်ယူအတွက် သာမက တမျိုးသားလုံးအတွက် တောင့်ခံထားနိုင်တဲ့၊ အရေးကြီးတဲ့ လူဆိုတော့ လုပ်ကြံလိုက်တယ်လို့ပဲ ယူဆပါတယ်။ အခုလို သူ လုပ်ကြံခံရတဲ့ အတွက်ကြောင့် ကေအန်ယူနဲ့တကွ ကရင် အမျိုးသားတွေ အနေနဲ့ ဒုက္ခ အနည်းနဲ့အများ ရင်ဆိုင် လာရနိုင်ပါတယ်။ ဘာကြောင့်လဲဆိုတော့ တိုင်းရင်းသား လက်နက်ကိုင် အဖွဲ့တွေ အားလုံးနီးပါး အပစ်အခတ် ရပ်စဲထားတဲ့ အချိန်မှာ ကေအန်ယူက တဦးထဲအနေနဲ့ ဆက်လက် တော်လှန်ရေး လုပ်နေတာပါ။ အဲဒီမှာ သူက အဓိက တောင့်ခံထားပေးနိုင်တဲ့ ခေါင်းဆောင်ဆိုတော့ တော်တော်ကို ဆုံးရှုံးနစ်နာတဲ့ ဖြစ်ရပ်ပါပဲ။
ဘယ်သူ့ရဲ့ လုပ်ဆောင်ချက်ဆိုတာကတော့ ပြောဘို့ခက်သေးတယ်။ ဒါပေမဲ့ သူ့ရဲ့ ကေအန်ယူမှာ အရေးပါနေတဲ့ အခန်းကဏ္ဍကြောင့် လုပ်ကြံခံရတာ ဖြစ်နိုင်ပါတယ်။ တသီးပုဂ္ဂလ အနေနဲ့ ခံစားရတာကတော့ တော်တော်ကို နှမျောစရာကောင်းတဲ့ ဆုံးရှုံးမှုကြီး တရပ်ပါပဲ”
ဂျိမ်းစ်လွမ်းဒေါင် (နိုင်ငံခြားရေးရာ ပြောရေးဆိုခွင့်ရှိသူ၊ ကချင်အမျိုးသား လွတ်မြောက်ရေးအဖွဲ့)
“သူက အမျိုးသား တော်လှန်ရေးအတွက် စွမ်းစွမ်းတမံ ဆောင်ရွက်နေတဲ့ ခေါင်းဆောင်ကောင်း တယောက် ဖြစ်တဲ့အတွက်ကြောင့် အလွန်တရာ နှမျောဘွယ်ရာ ကောင်းတဲ့ ဆုံးရှုံး နစ်နာမှုပါပဲ”
ဗိုလ်ချုပ် ဘီထူး (ကရင်နီ အမျိုးသား တိုးတက်ရေးပါတီ)
“ဒါက နအဖရဲ့ လုပ်ဆောင်ချက်လို့ပဲ ထင်တာပဲလေ။ သူ ဆုံးတယ်ဆိုတာက နစ်နာတာ အများကြီး ရှိတာပေါ့။ သူက ကျနော်နဲ့ အရမ်းခင်တဲ့လူလေ။ သူက ကေအန်ယူ ဥက္ကဋ္ဌ ဖြစ်နိုင်တဲ့ အရည်အချင်း ရှိတာ။ ကျနော်ကတော့ သူ ဥက္ကဋ္ဌ ဖြစ်လာနိုင်တယ်၊ မှန်းထားတာလေ။ နအဖ နဲ့ ရင်ဆိုင်တဲ့နေရာမှာ ကြီးမားတဲ့ ဆုံးရှုံးမှုလို့ ပြောလို့ရတယ်။ လူမျိုးစုအားလုံး ကိုယ်စားပေါ့။ ပြည်ပမှာသော် လည်းကောင်း၊ ပြည်တွင်းမှာသော် လည်းကောင်း လူမျိုးစု အားလုံးအတွက်ပေါ့။ ကျနော်ကတော့ ကေအန်ယူက လွယ်လွယ်နဲ့ အလျှော့ပေးမယ်လို့ မထင်ဘူး။ လူငယ်တွေ အများကြီးကိုး”
ဒေါက်တာရွှေခါး (နိုင်ငံခြားရေး တာဝန်ခံ၊ ချင်းအမျိုးသားတပ်မတော်)
“ကျနော် ဒီသတင်းကြားတော့ အရမ်း တုန်လှုပ် ခြောက်ခြားမိတယ်။ ဒီကိစ္စက ကေအန်ယူအတွက် တကယ့်ကို ဆုံးရှုံးမှုကြီး တခုပေါ့နော်။ ဒီကိစ္စမှာ ရန်သူ နအဖ ရဲ့ လက်ချက်ကတော့ မကင်းလွတ်ဘူးလို့ မြင်တယ်။ ကေအန်ယူအတွက်သာ မဟုတ်ဘူး၊ တိုင်းရင်းသား ဒီမိုကရေစီရေး လှုပ်ရှားမှုအတွက် တကယ့်ကို မဟာဆုံးရှုံးမှုကြီး ဖြစ်တယ်လို့ သုံးသပ်မိပါတယ်။ လုပ်ကြံတဲ့ ရည်ရွယ်ချက်ထဲမှာ ဒီတော်လှန်ရေးကြီးကို အင်အား လျော့နည်းသွားအောင် လုပ်တာလည်း ပါနိုင်တယ်”
ရဲဘော် သံခဲ (ဥက္ကဋ္ဌ၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး)
“ကျနော်မြင်တဲ့ ဖဒိုမန်းရှာက အင်မတန်မှ အရည်အချင်းရှိတဲ့ နိုင်ငံရေး၊ တော်လှန်ရေး သမားကောင်း တယောက် ဖြစ်ပါတယ်။ သူဟာ ကရင့်အမျိုးသား အစည်းအရုံးရဲ့ အထွေထွေ အတွင်းရေးမှူး ဖြစ်သလို ကရင်အမျိုးသားတွေရဲ့ တကယ့်ကို အာဇာနည်တဦးလည်း ဖြစ်ပါတယ်။ ကျနော်သိသမျှ တော်လှန်ရေးသမားတွေထဲမှာ တကယ့်ကို စစ်စစ်မှန်မှန်နဲ့ အမျိုးသားရေး၊ ဒီမိုကရေစီရေးအတွက် အရည်အချင်းရှိရှိ၊ အင်မတန်မှ အလုပ်တွေ ဆောင်ရွက်နိုင်တဲ့ ပုဂ္ဂိုလ်တယောက် ဖြစ်ပါတယ်။ ဒီလို အာဇာနည်တယောက် ဆုံးရှူံးသွားတယ်ဆိုတာ ကြားသိရတာဟာ ကျနော်တို့ အားလုံးအတွက် နှလုံးမသက်မသာဖွယ်ဖြစ်ပါတယ်။ ဒီလိုမျိုး လုပ်ကြံခံရမှုကြောင့် ကျဆုံးသွားတဲ့ ဖဒိုမန်းရှာ လိုချင်တဲ့ အမျိုးသားရေးတွေ၊ ဒီမိုကရေစီအရေးတွေဟာ ဘယ်တော့မှ ကျဆုံးသွားမှာ မဟုတ်ပါဘူး။ ဒီလို လုပ်ကြံမှုမျိုးတွေနဲ့လည်း လွတ်မြောက်ရေး တိုက်ပွဲတွေ ရပ်သွားမှာ မဟုတ်ဘူးဆိုတာ မဟုတ်မဟတ်လုပ်ကြံတဲ့ လူတွေကို ဒီနေရာက ပြောချင်ပါတယ်။
ဒီဘက်က တော်လှန်ရေး ခေါင်းဆောင်ကြီးတွေကို လုပ်ကြံမယ်ဆိုတဲ့ သတင်းတွေက ထွက်နေတာ ကြာပြီဗျ။ သို့သော်လည်း ဒီဒေသမှာ သတင်းပေးတွေ၊ ရန်သူ့ဘက်က လူတွေ ရှိကောင်းရှိနိုင်ပါတယ်။ ဒါကြောင့်မို့ တော်လှန်ရေး သတိကတော့ ကျနော်တို့အနေနဲ့ အမြဲမပြတ် ရှိနေဖို့ လိုအပ်တယ်။ ဖဒိုမန်းရှာက အခုလို လုပ်ကြံခံရတယ်ဆိုတာ ကျနော်တို့ တော်လှန်ရေး အဖွဲ့တွေ အပေါ်မှာ တော်လှန်ရေး သတိတွေ ပိုပြီးရှိကြဖို့ အသက်နဲ့ရင်းပြီး ပညာပေးသွားတယ်ဆိုတာ ကျနော်တို့ အနေနဲ့ပြောရင် ပြောလို့ ရနိုင်ပါတယ်”

ဖဒိုမန်းရှာလာဖန်း ကို ဘယ်သူသတ်သလဲ (ဆောင်းပါး)

အောင်သူငြိမ်း
ဖဒိုမန်းရှာ လာဖန်းကို လုပ်ကြံခံရသည့် သတင်း ဖတ်လိုက်ရသည်။ အတော် စိတ်မကောင်း ဖြစ်ရသည်။ အမည်မသိ ကရင် လူမျိုး လက်နက်ကိုင် ၂-ဦးက လုပ်ကြံပြီး ထွက်ပြေးသွားခဲ့သည်ဟု ဆိုသည်။ ကရင့်တော်လှန်ရေး အတွက်ရော၊ ဒီမိုကရေစီ လှုပ်ရှားမှုကြီး တခုလုံး အတွက်ပါ အစားထိုး မရသည့် ဆုံးရှုံးမှုကြီး ဖြစ်သည်။ ထိုင်း-မြန်မာ နယ်စပ်ဒေသနှင့် နီးစပ်သူ သတင်းရင်းမြစ်များကတော့ ကေအဲန်ယူမှ ခွဲထွက်အဖွဲ့ (တပ်မဟာ ၇ မှူး) ဗိုလ်ချုပ်ထိန်မောင်နှင့် အဖွဲ့အပေါ် သင်္ကာမကင်း ရှိကြသည်။ လောလောလတ်လတ် လွန်ခဲ့သည့်လက ခွဲထွက်အဖွဲ့မှ ဗိုလ်ချုပ်ထိန်မောင်၏ သားမက်ဖြစ်သူ ဗိုလ်မှူးကြီး လယ်မူး ဗုံးခွဲ လုပ်ကြံခံရသည့်အပေါ် ၎င်းတို့က ဖဒိုမန်းရှာကို အမိန့်ပေးသူဟု စွပ်စွဲထားခဲ့သည်။
မည်သို့ပင်ဖြစ်စေ၊ အဖြစ်အပျက်များက တိုက်ဆိုင်နေသည်။ စစ်အစိုးရ၏ လက်ချက် မဟုတ်ဟု ပြောရန် ခက်ပါသည်။ စစ် အစိုးရက မကြာသေးမီက အလစ်အငိုက်ယူ၍ ပြည်သူ့ဆန္ဒ ခံယူပွဲကို နောက် ၃ လအကြာ (မေလ) တွင် ကျင်းပမည်ဟု ကြေငြာခဲ့ပြီး ကေအန်ယူ အပါအ၀င် အတိုက်အခံ အဖွဲ့အစည်းများက ပယ်ချခဲ့ကြသည်။ အတိုက်အခံ အဖွဲ့အစည်းများက ဤ ဆန္ဒခံယူပွဲကို ဆန့်ကျင် ကန့်ကွက်ရေးအတွက် လူထုကို စည်းရုံး လှုံ့ဆော်သွားမည်ဟု ပြောဆိုနေသည့် အချိန်တွင် ယခု လုပ်ကြံမှု ဖြစ်လာခြင်း ဖြစ်သည်။ ထို့အပြင် ဖဒိုမန်းရှာက ပြည်တွင်း မြေအောက်လုပ်ငန်းများကို ဦးစီး လုပ်ကိုင်နေသည့် နိုင်ငံရေး အံတုမှု ကော်မီတီ၏ ဥက္ကဋ္ဌလည်း ဖြစ်သည်။ ထို့အပြင် အပစ်အခတ်ရပ်စဲရေး "လူကြီးလူကောင်း သဘောတူညီမှု" ကို စစ်အစိုးရက ဖျက်ခဲ့ပြီဟု မကြာသေးမီ ကရင့်တော်လှန်ရေးနေ့တွင် ကရင်ခေါင်းဆောင်များက ပြောကြားပြီး မကြာမီ ယခု လုပ်ကြံမှု ဖြစ်လာခြင်း ဖြစ်သည်။ ထိုမျှမက ဖယ်ဒရယ် စင်ပြိုင် ဖွဲ့စည်းပုံဆိုင်ရာ ကိစ္စများ၊ အမျိုးသား ညွန့်ပေါင်းအစိုးရ (NCGUB) ကို တိုးချဲ့ဖွဲ့စည်း၍ လှုပ်ရှားမှု အားသစ်စေရန် ကြိုးပမ်းနေသော ကာလတွင် တိုက်တိုက်ဆိုင်ဆိုင် ဖြစ်ပေါ်လာခဲ့ခြင်း ဖြစ်သည်။
သို့သော်လည်း မိမိ လေ့လာချက်အရ ယခင်ကာလများတွင် စစ်အစိုးရဖက်ကရော၊ အတိုက်အခံများ ဖက်ကပါ လုပ်ကြံရေး မူဝါဒများ ချမှတ်ကျင့်သုံးခြင်း မရှိခဲ့ကြပါ။ စစ်အစိုးရက သခင်သန်းထွန်းတို့ကို လုပ်ကြံခဲ့ဖူးသည့် အစဉ်အလာတော့ ရှိပါသည်။ သို့သော် ကြာခဲ့ပြီ။ ပြီးခဲ့သည့် ဆယ်စုနှစ်များအတွင်း မရှိသလောက်ဟု ယေဘုယျ သုံးသပ် ရပါလိမ့်မည်။ ယခုအချိန်တွင်မှ ဤမူဝါဒကို ချမှတ် ကျင့်သုံးလာခြင်းလော.. မေးခွန်းထုတ်ဖွယ် ရှိနေပါသည်။ အထူးသဖြင့် သံဃာ့ဆန္ဒပြပွဲများကို အကြမ်းဖက် ချေမှုန်းအပြီး စစ်အစိုးရ ဆက်လှမ်းလာသော ခြေလှမ်းများက ပို၍ စဉ်းစားချင့်ချိန်မှု ကင်းမဲ့လာပြီး၊ စိတ်ထင်ရာ လှမ်းသည့် အရူးခြေလှမ်းမျိုး ပိုဖြစ်လာပါသည်။ ဤအခြေအနေတွင် ကျိုးကြောင်းဆီလျော် မရှိသည့် ဆုံးဖြတ်ချက်များလည်း ချမှတ် ကျင့်သုံးနိုင်ပါသည်။ လက်ရှိ စစ်အုပ်စု ခေါင်းဆောင်များက သူတို့ကိုယ်သူတို့ အာဏာတည်မြဲရေး၊ ရှင်သန်ရေး အတွက်သာ စဉ်းစားကြပါတော့သည်။ သူတို့ကိုယ်သူတို့ နိုင်ငံ ခေါင်းဆောင်များသဖွယ် ထား၍ ရေရှည်အမြင်ဖြင့် စဉ်းစားကြခြင်း မရှိတော့ပါ။
နောက်ဆက်တွဲ အခြေအနေများက မည်သို့ ဖြစ်လာနိုင်သနည်း။
သေချာသည်ကတော့ ထိုင်း-မြန်မာ နယ်စပ်တွင် ဤလုပ်ကြံမှု ဖြစ်ပွားလာသည့် အတွက်ကြောင့် ထိုင်းနိုင်ငံက လုံခြုံရေး ပိုမို တင်းကျပ်နိုင်ပါသည်။ အထူးသဖြင့် ၃-လတာ မလိုတော့သောကာလ.. ပြည်သူ့ဆန္ဒ ခံယူပွဲကို တုံ့ပြန်ရန် အပူတပြင်း ကြိုးပမ်းကြရတော့မည့် ကာလတွင် အတိုက်အခံ လှုပ်ရှားမှုများ ခြေချုပ်မိ အကျဉ်းအကျပ် ကျနိုင်ပါသည်။ ထို့အပြင် အခြား ဒီမိုကရေစီ အင်အားစုများ၏ လုံခြုံရေးလည်း ထိခိုက်လာနိုင်ပါသည်။ လုပ်ငန်းများလည်း နှောင့်နှေးဖွယ် ကြုံရနိုင်ပါသည်။ အဆိုးဆုံး အခြေအနေ က စစ်အစိုးရကို ဦးတည် တိုက်ရမည့်အစား ကရင်လူမျိုး အချင်းချင်း အုပ်စုတိုက်ပွဲများ (ဥပမာ.. ကေအန်ယူနှင့် ခွဲထွက် အဖွဲ့၊ ကေအန်ယူနှင့် ဒီကေဘီအေ) ပိုမို ဖြစ်ပွားလာနိုင်ခြင်းပင်။ သို့သော်လည်း ကေအန်ယူအဖွဲ့ အစည်းအနေဖြင့် နောက်ထပ် အစားထိုးမည့် အရည်အချင်းရှိသော ခေါင်းဆောင်မှု ချက်ချင်း ပြန်လည် ဖြည့်စွမ်းနိုင်မည်ဟု ယုံကြည်မိပါသည်။
ထိုမျှမက မိမိစိုးရိမ် ပူပန်နေချက်များလည်း ရှိနေပါသည်။ အကြောင်းက ပါကစ္စတန်နိုင်ငံမှ ဘနာဇီယာဘူတို ဗုံးခွဲလုပ်ကြံ ခံရပြီး နောက်ပိုင်းမှစ၍ အတွေးခေါင်မိသော စိုးရိမ်ချက် ဖြစ်ပါသည်။ အကြောင်းမှာ နောက်ပိုင်း စစ်ရေး၊ အကြမ်းဖက်ရေး စဉ်းစားပုံများ၊ နည်းဗျူဟာများက ပြောင်းလဲလာပါသည်။ ယခင်က စစ်ပွဲများကဲ့သို့ စည်းမျဉ်း ကျင့်ဝတ်လိုက်နာမှုများ လျှော့နည်းလာပါသည်။ အမေရိကန်က ဂွာတာနာမို စခန်းတွင် ဂျီနီဗာ သဘောတူညီချက်ကို ချိုးဖောက်၍ အကြမ်းဖက်သမားများ ကို ဖမ်းဆီးနှိပ်စက် ညှဉ်းပမ်းခြင်း ပြုခဲ့သလို၊ အီရတ် သူပုန်များကလည်း ပွဲစစချင်း အီရတ်ရှိ ကုလသမဂ္ဂရုံးကို ဗုံးခွဲ တိုက်ခိုက်ခဲ့ပါသည်။ စစ်ပွဲများတွင် ကုလသမဂ္ဂ၊ ကြက်ခြေနီအဖွဲ့ (ICRC) စသဖြင့် ကြားထားဆက်ဆံမှုများ ပို၍ လျှော့နည်းလာနေပါသည်။ ဘနာဇီယာ ဘူတိုကို လုပ်ကြံလိုက်ခြင်းအားဖြင့် အမေရိကန်နိုင်ငံက ခေါင်းဆောင်တင်ရန် လျာထားသည့် ခေါင်းဆောင် တဦးကို ဖြိုချလိုက်သည့်နှယ် ရှိသည်။ ဒီမိုကရေစီ အတိုက်အခံ အင်အားစုများအကြား အကြီးအကျယ် အကျပ်ရိုက်စေခဲ့သည်။ တချက်ခုတ်.. နှစ်ချက်ပြတ် အမေရိကန် နိုင်ငံကိုယ်၌က ကစားကွက် ပျောက်သွားသည်။ အမေရိကန် လိုလားသူ နောက်ထပ်ခေါင်းဆောင်အသစ်များ ရှာဖွေရတော့မည့် ကိန်းဆိုက်လာရသည်။ ဤသို့ အဖြစ်အပျက်များက အခြား နိုင်ငံများတွင်လည်း ကြုံခဲ့ရဖူးသည်။ ၂၀၀၅ ခုနှစ်က လက်ဘနွန် ၀န်ကြီးချုပ် ရာဖစ် ဟာရီရီ လုပ်ကြံမှုအပါအ၀င် ဗျူဟာမြောက် လုပ်ကြံခဲ့မှုများ ရှိနေသည်။ ကျနော်ကတော့ ဒေါ်အောင်ဆန်းစုကြည် လုံခြုံရေးအတွက်ပါ တိုး၍ စိုးရိမ် နေမိပါသည်။

စစ်တပ်ကြီးစိုးရေး အစဉ်ထူထောင်နေဟု ၀ါရင့် ချင်းအမတ် ဝေဖန်

မဇ္ဈိမသတင်းဌာန
ချင်းမိုင်။ ။ နိုင်ငံတော် အာဏာကို စစ်တပ်မှ ထိန်းချုပ်ရေးကိုသာ စစ်အစိုးရ အနေဖြင့် “တစိုက်မတ်မတ် လုပ်ဆောင်နေ” ကြောင်းနှင့် ပြည်ထောင်စုစနစ်ကို အကောင်အထည် မဖော်ကြောင်း ပြည်သူ့လွတ်တော် ကိုယ်စားလှယ်တဦးက ယနေ့တွင် ဗြောင်ဝေဖန် ပြောကြားလိုက်သည်။
မင်းတပ်မြို့နယ် ပြည်သူ့လွတ်တော် ကိုယ်စားလှယ်နှင့် ချင်းအမျိုးသား ဒီမိုကရေစီ အဖွဲ့ချုပ် ဥက္ကဌ ဦးရှိန်းဖေလိန်းက နိုင်ငံတော် အေးချမ်းသာယာရေးနှင့် ဖွံဖြိုးရေးကောင်စီက ဖေဖော်ဝါရီ ၉ ရက်နေ့က ထုတ်ပြန်သော မေလအတွင်း အခြေခံဥပဒေ မူကြမ်းကို ဆန္ဒခံယူပွဲ လုပ်မည်ဆိုသော ကြေညာချက်ကို တုံ့ပြန်လိုက်ခြင်း ဖြစ်သည်။
“စစ်အာဏာပိုင်များသည် တိုင်းရင်းသားများ၏ ကိုယ်ပိုင် အုပ်ချုပ်ရေးနှင့် နိုင်ငံရေး တန်းတူညီမျှရေးကို အသိအမှတ် ပြုသည့် စစ်မှန်သော ပြည်ထောင်စု စနစ်ကို အကောင်အထည် မဖော်ရုံမျှမက ပြည်ထောင်စု၏ အနှစ်သာရဖြစ်သော ပင်လုံမူ၊ ပင်လုံ စိတ်ဓါတ်တို့မှ လုံးဝ ကင်းကွာလျှက် ရှိနေပါသည်။” ဟု ဦးရှိန်းဖေလိန်းက သူ၏ ထုတ်ပြန်ချက်တွင် ပြောဆိုထားသည်။
ယနေ့သည် ၆၁ နှစ်မြောက် ပြည်ထောင်စုနေ့ ဖြစ်သည်။ ၁၉၄၇ ခုနှစ် ဖော်ဖော်ဝါရီလ ၁၂ ရက်နေ့တွင် ရှမ်းပြည်နယ် ပင်လုံမြို့၌ တိုင်းရင်းသားများ အတူတကွ ပူးပေါင်းနေထိုင်ရန်၊ ကိုယ်ပိုင်အုပ်ချုပ်ခွင့် ပြဌာန်းခွင့်နှင့် ဒီမိုကရေစီအရေး အာမခံချက်ပေးသည့် စာချုပ်တရပ်ကို ချုပ်ဆိုခဲ့ကြရာ ထိုနေ့ကို ပြည်ထောင်စုနေ့ဟု သတ်မှတ်ခဲ့ကြသည်။
“အခုသူတို့က ဇွတ်လုပ်နေတဲ့ဥစ္စာ။ မဆလခေတ်ကလည်း ကျနော်တို့ ကြုံခဲ့တာပဲ။ စစ်ကောင်စီပဲ လုပ်တာပဲ။ သူတို့ဟာနဲ့ သူတို့ လုပ်ချင်တဲ့ဟာ လူထုဆန္ဒကို မမေးဘူး။ အရင်ကတည်းက ချင်းအမျိုးသား ဒီမိုကရေစီ အဖွဲ့ချုပ် အနေနဲ့ မင်းတပ်မြို့နယ် ကိုယ်စားလှယ်အနေနဲ့ အရင်ကတည်းက တင်ပြခဲ့တာ ရှိတယ်။ အဲဒီတွေကို လျစ်လျူရှုတယ်။ အမျိုးသားညီလာခံ လုပ်တဲ့အချိန်မှာ ကျနော်လိပ်စာတွေ ဘာတွေတောင် ရွေးကောက်ပွဲ ကော်မရှင်ရုံးကို ကျနော်ကိုယ်တိုင် လိပ်စာသွားပေးတာ။ နောက်တော့ ပါတီကိုလည်း ဖျက်၊ လူထု ကိုယ်စားလှယ်ကို ဖျက်၊ သူတို့ ကြိုက်တဲ့လူတွေကို ရွေးပြီး လူထု ကိုယ်စားလှယ်လိုလို လုပ်တာပဲ။” ဟု ရန်ကုန်မြို့တွင် ရောက်ရှိနေသော အသက် ၇၁ နှစ်အရွယ် ဦးရှိန်ဖေလိန်းက မဇ္ဈိမသို့ တယ်လီဖုန်းမှတဆင့် ပြောပြသည်။
ထို့အပြင် သန့်ရှင်းမှန်ကန်သော ဆန္ဒခံယူပွဲ၊ ရွေးကောက်ပွဲများ ဖြစ်မည် မဟုတ်ကြောင်းနှင့် ရွေးကောက်ပွဲတွင် အတိုက်အခံ နိုင်ငံရေးပါတီက အနိုင်ရလျှင်လည်း အာဏာ လွဲပြောင်းမည်ဟု “လုံးဝ (လုံးဝ)” မယုံကြည်ဟု ပြောသည်။
ဦးရှိန်ဖေလိန်း ကိုယ်ရေးအကျဉ်းဥက္ကဌ - ချင်းအမျိုးသား ဒီမိုကရေစီအဖွဲ့ချုပ်
၁၉၉၀ ခုနှစ်ရွေးကောက်ပွဲတွင် မင်းတပ်မြိုနယ်မှ ၀င်အရွေးခံရာ ရွေးချယ် တင်မြှောက်ခြင်း ခံရသည်။
မြန်မာ့ဆိုရှယ်လစ် လမ်းစဉ်ပါတီကို ဝေဖန်မှုဖြင့် ၁၉၇၂ ခုနှစ် အောက်တိုဘာ ၃၀ တွင် အဖမ်းခံရပြီး ၁၉၇၄ ခုနှစ် စက်တင်ဘာ ၁ ရက်နေ့တွင် ပြန်လွှတ်ခဲ့သည်။

တိုင်းရင်းသားတပ်များ ပူးပေါင်းရေး ရှမ်းတောင်ပိုင်း တောင်းဆို

နေသွင်
ချင်းမိုင်။ ။ တိုင်းရင်းသား လက်နက်ကိုင်တပ်များ ပူးပေါင်းသင့်ပြီဟုဆိုကာ ရှမ်းပြည်တပ်မတော် (တောင်ပိုင်း) က စစ်အစိုးရကို ပုန်ကန်နေသော အဖွဲ့အစည်းများကို တောင်းဆိုလိုက်သည်။
“ကျနော်တို့ တိုင်းရင်းသား လက်နက်ကိုင်တပ်တွေ ပူးပေါင်းမှ၊ ကျနော်တို့ တသွေးတသံတည်း ထွက်လာမှ၊ ကျနော်တို့ လိုချင်တဲ့ အခွင့်အရေးတွေ တောင်းဆိုလို့ရမှာ ဖြစ်ပါတယ်။ ကျနော်တို့ သွေးစည်းညီညွတ်ဖို့ အချိန် ရောက်လာပြီး။ ကျနော်တို့ သွေးစည်းညီညွတ်ဖို့ ဥက္ကဌကြီးက တောင်းဆိုတာပါ။” ဟု ရှမ်းပြည်တပ်မတော် - တောင်ပိုင်း (SSA-S) ၏ ပြောရေးဆိုခွင့်ရှိသူ စိုင်းလောဝ်ဆိုင်က မဇ္ဈိမသို့ ပြောသည်။
စစ်တပ်က နိုင်ငံ အုပ်ချုပ်ရေးတွင် တရားဝင် ပါဝင်လက်ဦးမှု ရယူနိုင်စေရေး အာမခံသည့် ဖွဲ့စည်း အုပ်ချုပ်ပုံ မူကြမ်းကို ဆန္ဒခံယူပွဲ လုပ်မည့်ကာလ ကြေညာချက် ထွက်ပေါ်လာပြီးနောက် အားကောင်းသော တိုင်းရင်းသား လက်နက်ကိုင် အဖွဲ့တခု၏ ပေါင်းစည်းရေးအသံ ထွက်ပေါ်လာခြင်း ဖြစ်သည်။
စစ်အစိုးရနှင့် အပစ်အခတ် ရပ်စဲပြီးနောက် ပြီးခဲ့သည်နှစ်ကမှ ပြန်လည် တောခိုလာသော ပအို့ဝ်အမျိုးသား လွတ်မြောက်ရေး အဖွဲ့၏ အထွေထွေ အတွင်းရေးမှူး ခွန်သူရိန်က ရှမ်းတောင်ပိုင်း၏ ဖိတ်ခေါ်မှုကို ကြိုဆိုလိုက်သည်။
“လက်နက်ကိုင်တွေက စစ်ရေးလှုပ်ရှားမှုတွေဟာ သူဟာနဲ့သူ ရှိနေတဲ့အခါကျတော့ တပြိုင်တည်း မဟုတ်ဘဲနဲ့ ဟိုနားစပ်စပ်၊ ဒီနားစပ်စပ် ဖြစ်နေတော့ ထိရောက်သင့်သလောက် မရှိဘဲ၊ အောင်မြင်သင့်သလောက် မရဘူး။ တစည်းတလုံးတည်း၊ တသွေးတည်း၊ တသံတည်း၊ တသံတည်း ဖြစ်လာရင် ဒီ တပ်ပေါင်းစုမှာ ပိုပြီး မျှော်လင့်သလို့ တပ်ပေါင်းစု ဖြစ်ပေါ်လာဖို့ကို မျှော်လင့်သလို ဖြစ်ပေါ်လာဖို့ကိုလည်း ကြိုဆိုပါတယ်” ဟု ခွန်သူရိန်က ပြောသည်။
သို့သော် လက်နက်ကိုင် တပ်များ အချင်းချင်း ညီညွတ်ရေးအတွက် တူညီသော လုပ်ပိုင်ခွင့်များ ထားပေးရန် လိုအပ်သည်ဟု သူက ပြောသည်။
“အခြေအနေ တစုံတရာ ပြောင်းလဲသွားရင်၊ နအဖရဲ လှုပ်ရှားမှုတွေ ပြောင်းလဲသွားမယ် ဆိုရင် ပြန်ပြီး စုစည်းနိုင်လိမ့်မယ်လို့ မျှော်လင့်ပါတယ်။ ညီလာခံရဲ့ ရလဒ်အတိုင်း အတင်းအဓမ္မ လုပ်ဆောင်သွားမယ် ဆိုရင် ပိုမို ပြောင်းလဲသွားပြီးတော့ လက်နက်ကိုင်ထားတဲ့ အဖွဲ့အချင်းချင်း ပိုမို နီးစပ်မယ့် အခြေအနေ ပိုများပါတယ်” ဟု ခွန်သူရိန်က ပြောသည်။
ရှမ်းပြည်တပ်မတော် တောင်ပိုင်း (SSA-S) သည် လက်နက်ကိုင် အင်အား (၅ဝဝဝ) ကျော် ရှိသည်ဟု ခန့်မှန်းကြပြီး၊ အပစ်ရပ် အဖွဲ့တဖွဲ့ ဖြစ်သော ရှမ်းပြည် အမျိုးသား တပ်မတော် (SSNA) က ၂ဝဝ၅ ခုနှစ်တွင် လာရောက် ပူးပေါင်းပြီး နောက်ပိုင်းတွင် အင်အား ပိုမို တောင့်တင်းလာခဲ့သည်။
စစ်ဘက်သတင်းများအရ တိုက်ပွဲကြီးများ အကြီးအကျယ် ဆင်နွဲခဲ့ကြသော (SSA-S) နှင့် ဝ ပြည် သွေးစည်းညီညွတ်ရေး တပ်မတော် (UWSA) အကြား ပူးပေါင်း ဆောင်ရွက်ရေးအတွက် နှစ်ဘက်ကြိုးပမ်းမှုများ ရှိနေခဲ့သည်ဟု သိရသည်။
၂ဝဝ၆ ခုနှစ် မှစတင်ကာ နှစ်ဖက် နားလည်မှုများ ရရှိလာကြောင်း စိုင်းလောဝ်ဆိုင် ကလည်း အတည်ပြု ပြောကြားသွားသည်။
၁၉၈၉ ခုနှစ်ကတည်းက စစ်အစိုးရနှင့် ငြိမ်းချမ်းရေး ယူထားသော ‘ဝ’ တပ်သည် လက်နက်ကိုင်အင်အား အနည်းဆုံး ၂၅ဝဝဝ ရှိမည်ဟု စစ်ဘက် ကျွမ်းကျင်သူများက ခန့်မှန်းထားသည်။
စစ်အစိုးရဘက်က ‘ဝ’ ကို လက်နက်ချရေး ဖိအားပေးမှုများ ရှိခဲ့ပြီး၊ နယ်မြေကိုလည်း ထိုင်းနယ်စပ်မှ တရုတ်နယ်စပ်သို့ ရွှေ့ပြောင်းရန် တောင်းဆိုခဲ့ပြီး နောက်ပိုင်းတွင် ရှမ်းပြည်တပ်များ အချင်းချင်းကြားတွင် ဆက်ဆံရေး ကောင်းမွန်လာပုံ ရသည်ဟု သုံးသပ်သူများက ပြောသည်။
ရှမ်းသံတော်ဆင့် သတင်းစဉ်၏ အယ်ဒီတာ ဦးခွန်စိုင်းက “နံပါတ် (၁) က ‘ဝ’ ရဲ့ ရပ်တည်ချက်ပေါ် မူတည်တယ်။ နံပါတ် (၂) က နအဖရဲ့ ဖိအားပေါ် မူတည်တယ်။ ဝ ရဲ့ ရပ်တည်ချက်က သူကို မတိုက်ရင် မတိုက်ဘူး၊ သူ့ကို တိုက်ရင် ပြန်ချတာပဲ၊ ဒီနေရာမှ နအဖအပေါ် မူတည်တာပေါ့၊ မနှစ်ကတော့ နအဖက သူတို့ တိုက်မလိုလို လုပ်ပြီး နောက်ဆုတ်လိုက်တယ်။ အဲဒီတော့ အခု ဒီအခြေအနေက ဘာလဲဆိုတော့ ဝ နဲ့ SSA ကြားထဲမှာ SSA ကို နံပါတ် (၁) ထားပုံရတယ်။” ဟုပြောသည်။
စစ်အစိုးရသည် လမ်းပြမြေပုံ၏ အပိုင်းတခု ဖြစ်သော လူထုဆန္ဒ ခံယူပွဲကို လာမည့်မေလတွင် ကျင်းပပြီး ရွေးကောက်ပွဲကို လာမည့် ၂ဝ၁ဝ တွင်ကျင်းပမည်ဟု ယခုလ (၉) ရက်နေ့က ကြေညာထားသည်။
ဖွဲ့စည်းပုံ အခြေခံဥပဒေကို အတည်ပြုပြီးလျှင် အပစ်ရပ်အဖွဲ့ အားလုံးကို လက်နက် ဖျက်သိမ်းနိုင်ဖွယ် ရှိသည်ဟု သုံးသပ်မှုများ ထွက်ပေါ်နေချိန်တွင် စစ်အစိုးရဘက်ကလည်း အပစ်ရပ် အဖွဲ့များကို ဖိအားပေးမှုများ ဆက်တိုက် လုပ်ဆောင်နေသည်။

ကဒ်ဖုံးလာမယ်ဆိုလို့ မိုဘိုင်းဈေးကျသွား

မဇ္ဈိမသတင်းဌာန
ရန်ကုန်။ ။ မြန်မာ့ဆက်သွယ်ရေး လုပ်ငန်းက ခေါ်ဆိုခကို ကြိုတင် ငွေချေစနစ်သုံး မိုဘိုင်းဖုံး အသစ်များ ရောင်းချပေးတော့မည် ဆိုသော သတင်းများ ထွက်ပေါ်နေသောကြောင့် တယ်လီဖုံး ပါမစ်ဈေးများ ကျဆင်းလာသည်။
လွန်ခဲ့သည့် သီတင်းပတ်က တယ်လီဖုံးနံပါတ် ၀ယ်ယူကိုင်ဆောင်ခွင့် ခွင့်ပြုချက် တစောင်လျှင် ငါးသိန်းကျပ်မှ ယနေ့တွင် လေးသိန်းသို့ ဈေးထိုးကျသွားသည်။
မြန်မာနိုင်ငံတွင် ပထမဆုံး မိတ်ဆက်ဖြစ်လာမည့် ကြိုတင်ငွေချေ (Pre-Paid) ခေါ်ဆိုခ ကဒ်များကိုတော့ စီးပွားရေး လုပ်ငန်းရှင်ကြီး ဦးတေဇပိုင် ကုမ္ပဏီက ထုတ်လုပ် ရောင်းချသွားမည်ဟု စီးပွားရေး သတင်းရပ်ကွက်က ပြောသည်။ ဒေသခံများက ထိုဖုံးများကို ကဒ်ဖုံးဟု ခေါ်ဝေါ်ကြသည်။
ကြိုတင်ငွေချေ ကဒ်များသည် မြန်မာ့ဆက်သွယ်ရေးမှာ ထုတ်ပေးမည့် တယ်လီဖုံးများနှင့်သာ အသုံးပြု၍ ရမည်ဖြစ်သည်။ ဖုံးခေါ်ဆိုခမှာ အ၀င်ရော၊ အထွက်ပါ ပေးဆောင်ရမည် ဖြစ်ပြီး လက်ရှိ အသုံးပြုနေသော အသုံးပြုပြီးမှ ငွေချေစနစ် Post-Paid သုံး ဂျီအက်စ်အမ် ဖုံးများ၏ နှစ်ဆ ဖြစ်မည်ဟု သိရသည်။
မြန်မာနိုင်ငံတွင် တယ်လီဖုံး ဆက်သွယ်ရေး လုပ်ငန်းကို အစိုးရက အလုံးစုံ ထိန်းချုပ်ထားပြီး ဖုံးသွယ် ကိုင်ဆောင်လိုသူသည် မြန်မာ့ဆက်သွယ်ရေးသို့ စာရေးလျှောက်ထားရသည်။ သက်ဆိုင်ရာ အာဏာပိုင်များနှင့် နီးစပ်သူများက တယ်လီဖုံး ကိုင်ဆောင်ခွင့် ပါမစ်များ အလွယ်တကူ ရရှိပြီး ပြန်လည် ရောင်းချခြင်းဖြင့် အမြတ်ရကြသည်။
တယ်လီဖုံးနံပါတ် ရောင်းဝယ်လုပ်ငန်း၊ ပွဲစားလုပ်ငန်းနှင့် တယ်လီဖုံး ငှားရမ်းသုံး လုပ်ငန်းများလည်း ခောတ်စားလာခဲ့သည်။
ဂျီအက်စ်အမ်၊ ဆယ်လူလာ၊ စီဒီအမ်အေ ဟူ၍ ကွဲပြားသော နည်းပညာသုံး လက်ကိုင်ဖုံးများ ရှိပြီး ဂျီအက်စ်အမ်မှာ လူကြိုက်အများဆုံး ဖြစ်ကာ တလုံးလျှင် လက်ရှိအချိန်တွင် ကျပ် ၁၇ သိန်းခန့် ဈေးပေါက်သည်။
စီးပွားရေး လုပ်ငန်းရှင် တဦးက “အစိုးရက ပိုက်ဆံ သိပ်လိုနေတယ်။ ဖုံးတွေ အများကြီးချပေးဖို့ လုပ်နေတော့ ဈေးက ထိုးကျသွားတာ” ဟု မဇ္ဈိမသို့ ပြောသည်။
တယ်လီဖုံး ပေါက်ဈေးသည် ဒေါ်လာဈေး အတက်အကျနှင့် တိုင်းပြည် တည်ငြိမ်မှု အပေါ်တွင်လည်း အလွန် တည်မှီနေပြီး လွန်ခဲ့သည့် ၄၅ ရက်က ဂျီအက်စ်အမ် မိုဘိုင်းတလုံး ကျပ် ၂၄ သိန်းပေါက်ခဲ့သည်။