ထောင်ချသော်လည်း ကြောက်ရွံ့နောက်တွန့်မည် မဟုတ် (အင်တာဗျူး)

ဇာနည်
ဗုဒ္ဓဟူးနေ့၊ ဒီဇင်ဘာလ 24 2008


(သတင်းစာဆရာကြီး ဦးဝင်းတင်နှင့် ဆက်သွယ်မေးမြန်းချက်)

ချင်းမိုင် (မဇ္ဈိမ)။ ။ နယ်ဝေးထောင်များတွင် ထောင်ဒဏ်များ ကျခံနေရသည့် နိုင်ငံရေးအကျဉ်းသားများ၏ မိသားစုများထံ သွားရောက်တွေ့ဆုံကာ အားပေးနေသော နှစ်ရှည် နိုင်ငံရေးအကျဉ်းသားဟောင်း သတင်းစာဆရာကြီး ဦးဝင်တင်က 'အကျဉ်းသား မိသားစုများပါ ဒုက္ခရောက်နေသဖြင့် ၀ိုင်းဝန်းကူညီကြရန်' ယနေ့ တိုက်တွန်းလိုက်သည်။

သို့သော်လည်း ဆင်းရဲလှသည့် မိသားစုဝင်များအနေဖြင့် အားငယ်သွားခြင်း၊ အားလျော့သွားခြင်း မရှိသလို၊ ထောင်ချသည့်အတွက်လည်း အာဏာပိုင်များကို ကြောက်ရွံ့သွားမည်၊ တွန့်ဆုတ်သွားမည် မဟုတ်ကြောင်း ဆရာကြီးက ပြောသည်။

ဒီမိုကရေစီရေး လှုပ်ရှားနေသူများအနေဖြင့် အသံညီညီဖြင့် လက်တွဲလုပ်ဆောင်ပါရန် တိုက်တွန်းလိုက်သေးသည်။

နိုင်ငံရေးအကျဉ်းသား မိသားစုများထံ သွားရောက်အားပေးနေသည့် အခြေအနေနှင့် သူ့အမြင်များကို သိရှိနိုင်ရန် မဇ္ဈိမ သတင်းထောက် ဇာနည်က မေးမြန်းထားသည်ကို တင်ပြလိုက်ပါသည်။

မေး။ ။ ဘဘ အခု အကျဉ်းကျနေတဲ့ သူတွေရဲ့ မိသားစုတွေကို လိုက်တွေ့နေတယ်လို့ သိရပါတယ်။ ဘယ်လိုကြောင့် အခုလို လိုက်တွေ့ဖြစ်တာလဲဆိုတာ သိပါရစေရှင့်။

ဖြေ။ ။ ဒီဥစ္စာက ဘယ်လိုလဲဆိုတော့ ကျနော်ကိုယ်တိုင် ထောင်ထဲမှာ အနှစ် ၂၀ လောက် နေခဲ့ရတာဗျာ။ အဲဒီမှာ အဖွဲ့ချုပ်ကရော၊ နောက် အားလုံးကရော ၀ိုင်းကူညီကြတယ်။ အားပေးတယ်၊ သတိရတယ်လို့ ပြောတယ်။ တခါတလေလည်း မုန့်ဘာညာ စသည်ပေါ့ဗျာ လာလာပြီးတော့ ပေးကြတယ်။ ငပိကြော်ဖြစ်ဖြစ်ပေါ့။ ဒီလိုနဲ့ ကျနော် အနှစ် ၂၀ ကို ဖြတ်သန်းခဲ့ရတာ။

ဆိုတော့ ဒီလူတွေရဲ့ကျေးဇူး၊ ဒီလူတွေရဲ့ လုပ်ရပ်ကို မမေ့နိုင်ဘူး။ ကျနော့် ပေးတဲ့သူက မောင်ဖြူ ဖြစ်ပေမယ့်လို့ ကျနော် ပြန်ပေးတာက မောင်မဲဆိုရင်လည်း ဒါက မောင်ဖြူကို ကျေးဇူးဆပ်တယ်လို့ပဲ သဘောထားတယ်လေ။ ဘာလို့လဲဆိုတော့ ဒါက လူတိုင်း ၀ိုင်းလုပ်ပေးလို့ ကျနော် အသက်ရှည်လာတာဗျ။ ထောင်ထဲမှာက အသက်ရှည်နိုင်စရာ မရှိဘူး။ ဒီအစိုးရရဲ့ ဖိနှိပ်မှုတွေ ချုပ်ချယ်မှုတွေ ခံနေရတာ။ ဒါတောင် ကျနော် ညှဉ်းဆဲခံရတာတွေ ထည့်မပြောသေးဘူး။ ဒီအစိုးရ ဒီလောက်ကြပ်မတ် ချုပ်ချယ်ထားတဲ့ အထဲမှာ တယောက်ထဲ ပိတ်နေတဲ့အခါတွေမှာ ကျနော် အသက်ရှည်စရာအကြောင်း မရှိဘူး။

ဒီလို ကျနော့်ကို အားပေးတဲ့ လူတွေ၊ ကျနော့်ကို သတိရတဲ့လူတွေကြောင့်သာ ကျနော် အသက်ရှည်ခဲ့တာဗျ။ ဒါကြောင့် ဒီနေ့ ကျနော်သွားကူနေတယ်၊ ဘာညာဆိုတာက ကျနော့်ရဲ့ ပုဂ္ဂိုလ်ရေးအရကို လုပ်တာ။ တော်တော့်ကိုတော့ မောတယ်ဗျာ။ ဒါပေမဲ့ ကျနော် တတ်နိုင်သမျှ လုပ်မှာပါပဲ။ ကျနော် ဘယ်ကမှ ပိုက်ဆံ ရလို့တော့ မဟုတ်ဘူး။ ကျနော့ မိတ်ဆွေတွေ ထောက်ပံ့တဲ့ လမ်းစရိတ်ကို ကျနော် ချွေတာပြီး လိုင်းကားစီးပြီး သူတို့ကို မုန့်လေး ဘာလေး ၀ယ်ပြီး ပေးတယ်။ ဒါပါပဲ။

မေး။ ။ ဘဘ ဒီလိုသွားတော့ သူတို့ မိသားစုဝင်တွေရဲ့ စိတ်ပိုင်းဆိုင်ရာ၊ ကာယပိုင်းဆိုင်ရာ အခြေနေတွေကို ဘယ်လိုတွေ့ခဲ့ရပါလဲရှင့်။

ဖြေ။ ။ ကျနော်ပြောချင်တာတော့ နှစ်ချက် သုံးချက် ရှိမယ်ဗျ။ တချက်က လူတိုင်းက သိပ်ပြီးတော့ ကျနော်တို့ ထင်သလို စိတ်ပျက် အားငယ်နေတာတော့ မရှိဘူးဗျ။ လူတိုင်းက တက်ကြွနေတယ်။ ကျနော်တို့ လာတဲ့အတွက်လည်း ပိုပြီးတော့ ထက်သန်တက်ကြွနေတယ်။ ၀မ်းသာနေတယ်။ ကျနော် အဲဒါကို တွေ့ခဲ့ရတယ်။ နောက်တချက်က ဘယ်လိုလဲဆိုတော့ ဒီထဲမှာက တချို့ တောင့်တောင့်တင်းတင်းပေါ့ဗျာ၊ စီးပွားရေးအားဖြင့် တောင့်တင်းပုံပေါ်တဲ့ မိသားစုများထက် တော်တော်ဆင်းရဲတဲ့သူတွေကို သွားတွေ့တယ်ဗျ။ အဲဒီ အခါကျတော့ ကျနော်တော့ ဒီအစိုးရလုပ်တဲ့ပုံကို သိပ်ပြီးတော့ စိတ်ထဲ စိတ်ပျက်တယ်ဗျာ။

ဘာလို့လဲဆိုတော့ ကျနော်ပြောတာက အကျဉ်းသားတွေ ထောင်ကျတယ်။ နိုင်ငံရေး လုပ်တဲ့အတွက် ထောင်ကျမယ်ဆိုတာ နိုင်ငံရေးသမားတိုင်း နားလည်ပြီးသား ကိစ္စ။ ဆိုပါတော့ ကျနော်ဆို ထောင်ပြန်ကျလည်း ရယ်ဒီပဲ။ ကျနော် ဒီနေ့အထိလည်း ထောင်အ၀တ်အစား အပြာရောင်တို့ ဘာတို့ပဲ ၀တ်နေတာပဲ၊ ဘာမှလည်း တွန့်ဆုတ်မှု မရှိဘူး၊ ဘာမှလဲ ဂရုမစိုက်ဘူး။ ကျနော် လုပ်စရာရှိတာ ကျနော် လုပ်နေတာပဲ။ အဲဒီတော့ နိုင်ငံရေး အကျဉ်းသားတိုင်းအတွက်ကလည်း ထောင်ကျတယ်ဆိုတာ မဆန်းဘူးဗျ။ ဒါပေမဲ့ ဒီအစိုးရက သိပ်ပြီးတော့ကို တော်တော့်ကို ဆိုးဆိုးဝါးဝါး လုပ်တာပဲ။

ကျနော် စဉ်းစားကြည့်တယ်။ ခုနက ပြောတဲ့ တချက်ပေါ့ဗျာ။ မိသားစုတွေက တော်တော်ကို ဆင်းရဲတယ်ဗျာ။ ဆင်းရဲတဲ့ အခါကျတော့ ဒီလောက်ဆင်းရဲတဲ့ မိသားစုတွေက ဘယ်လိုဖြစ်လဲဆိုတော့ အဝေးမှာ ထောင်တွေက ကျတယ်ဆိုတော့ ဥပမာဆို ပူတာအိုကျတဲ့ မိသားစု ပါတယ်ပေါ့။ တနေ့က ကျနော် ဒေါပုံနယ်ထဲ သွားတယ်။ အဲဒီမှာ လေး၊ ငါး ဆယ်အိမ်လောက်သွားတာဆိုတော့ အဲဒီက လူတွေက တော်တော့်ကို ဆင်းရဲတယ်ဗျာ။ ဆင်းရဲလိုက်တာမှဗျာ အိမ်လေးတွေကလည်း ကျဉ်းကျဉ်းလေးတွေ။ ဒါပေမဲ့ သူတို့ စိတ်ဓာတ်အားဖြင့်တော့ မကျဘူး။ မကျဘူး ဆိုပေမယ့်ဗျာ စိတ်တော့ နည်းနည်းလေး ညစ်နေတာပေါ့။

စိတ်ညစ်တယ်ဆိုတာက ခင်ဗျားတို့ စဉ်းစားကြည့်လေ။ ဒီထဲမှာ ကလေးတယောက်က ပူတာအိုသွားရမယ်ဆိုပြီး ပါတယ်။ စစ်တွေကို သွားရမယ့်သူတွေ ပါတယ်။ အဲဒီဟာတွေဟာ ခရီးစရိတ်ကထား၊ ICRC က ကူတယ် ဆိုသော်ငြားလည်း၊ ခင်ဗျား ဒီခရီးက စားရေးသောက်ရေး၊ နေရေးထိုင်ရေး ရှိသေးတယ်။ ဘာလို့ဆိုတော့ အဲဒီကို သွားတာ တပတ်နှစ်ပတ်ကြာတယ်။ အဲဒီတော့ သူတို့ စားရေးသောက်ရေးက ဟိုမှာတင် အခက်အခဲရှိရုံ မဟုတ်ဘူး။ သူတို့ ရန်ကုန်မှာက နေ့စား လက်လုပ်လက်စားတွေဗျာ။ သူတို့ ဘာမှ အလုပ်မလုပ်နိုင်ဘူး။ နိုင်ငံရေး လုပ်တဲ့သူတင် ထောင်ကျတာ မဟုတ်ဘူး။ မိသားစုပါ ဒုက္ခရောက်နေတာဗျာ။ ၀ိုင်းကူနိုင်ရင် ကူကြပါ ကူနိုင်အောင်လည်း လုပ်ကြပါလို့ ကျနော် တိုက်တွန်းချင်တယ်။

မေး။ ။ အခုလို နှစ်ရှည်ထောင်ဒဏ်တွေ ချမှတ်ခံရတာတွေ၊ နောက် နယ်ဝေးက ထောင်တွေကို ပို့ခံရတာတွေ အပေါ် ဘယ်လိုမြင်ပါသလဲ ဘဘ။

ဖြေ။ ။ အဲဒါက အစိုးရ အနေနဲ့က မလုပ်ကောင်းတာပဲဗျာ။ ထောင်ချချပေါ့ဗျာ။ မိသားစုပါ ဒုက္ခရောက်အောင်တော့ မလုပ်ကောင်းဘူးပေါ့ဗျာ။ ကျနော်တော့ အဲလိုပဲ သဘောရတယ်ဗျ။ တမင်နှိပ်စက်တာပေါ့ဗျာ။ လူတွေကို အကျဉ်း နှစ်ပေါင်းများစွာ ချတယ်။

စဉ်းစားကြည့်ဗျာ။ လူသတ်မှု ကျူးလွန်တာတောင် ထောင်ဒဏ် နှစ်၂၀ စသည်လောက်ပဲ ကျနိုင်တယ်။ အဲဒါမျိုးတွေကို၊ လူတွေကို ထောင်ဒဏ် နှစ် ၆၀ တွေဘာတွေ ချတယ်ဆိုတာက ရှင်းရှင်းပြောရင် ဒါက လူတွေကို မတရားသဖြင့် လုပ်တာပဲဗျ။ တရားဥပဒေနဲ့ အညီလုပ်တာ မဟုတ်ဘဲ မတရားသဖြင့် လုပ်တာပဲဗျ။

မနေ့တနေ့က လူငယ်တယောက်ဆိုရင် တနေရာကို ၃ နှစ်လောက်ကျတာ။ ၀န်ထမ်းတယောက်နဲ့ ပတ်သက်တယ်ဆိုပြီးတော့လား မသိဘူး။ သူ့ကို ၃ မှုနဲ့ ထောင်ဒဏ် ၉ နှစ် ချတယ်ဗျာ။ ဒါမျိုးက မလုပ်ကောင်းတဲ့ အလုပ်တွေပဲ။ တရားစီရင်ရေးဟာ တရားသဖြင့် မဟုတ်ဘူးဆိုတာ ထင်ရှားနေတာပဲ။ ထားတော့ ဒါကတော့ အကျဉ်းသားတွေကို ထောင်ချတဲ့အတွက် ကျနော်ကတော့ မပြောချင်ဘူး။ များတာ နည်းတာလည်း ဂရုမစိုက်ပါဘူး။

နိုင်ငံရေးသမား ထောင်ချတာလည်း ကျနော်က သိပ်ပြီး မပြောချင်ဘူး။ နိုင်ငံရေးသမားကတော့ ထောင်ကျရင်ကျမယ် လုပ်တာပဲ။ ဒါပေမဲ့ မိသားစုကိုတော့ ဒီလောက်ကြီး မညှဉ်းဆဲကောင်းဘူးဗျ။ စဉ်းစားကြည့်လေ။ တရားသဖြင့်လည်း မဟုတ်ဘူးဗျာ။ မိသားစုကို ဒုက္ခရောက်အောင် ထပ်လုပ်တယ်။ ဒါလုပ်ကောင်းသလားဗျာ။

အောက်ဗမာပြည်က အကျဉ်းသားကို ပုသိမ်ပို့တာတို့၊ ဖျာပုံပို့တယ်။ ဘားအံပို့တယ်ဆို ထားအုံး။ နောက် အင်းစိန်ထောင်မှာ မတရားနဲ့ ထောင်ကျနေတဲ့သူတွေ များလွန်းလို့ နေရာမရှိဘူး။ နေရာမရှိလို့ အဝေးပို့ရတယ်ဆို တော်သေးတယ်။ ဘယ့်နှယ်ဗျာ အောက်ဗမာပြည်က လူကို ပူတာအိုပို့တယ်ဆိုတာတော့ တရားလွန်တာပေါ့။ ကျနော်ကတော့ ဒီလိုပဲ သဘောရပါတယ်။

မေး။ ။နိုင်ငံရေးလှုပ်ရှားတဲ့ သူတွေကို အခုလိုမျိုး နှစ်ရှည်ထောင်ဒဏ်တွေချတာ အဝေးက ထောင်တွေကို ပို့တာတွေ လုပ်တော့ နိုင်ငံရေး လှုပ်ရှားမှုတွေက အရှိန်လျော့သွားနိုင်ပါသလား ဘဘ။

ဖြေ။ ။ မလျော့ဘူး မနည်းသွားဘူး။ ကျနော်ကတော့ စိတ်အားထက်သန်နေလို့လားတော့ မသိဘူး။ ကျနော်တော့ နည်းမယ်လို့ မထင်ဘူး။ ဘာလို့ ကျနော် ဒီလိုပြောနိုင်လဲဆိုတော့ အထောက်အထားမရှိ၊ စိတ်ကူးစိတ်သန်းနဲ့ ပြောနေတာ မဟုတ်ဘူး။ အခု ကျနော် သွားတွေ့တဲ့ မိသားစုတွေဆိုရင် တော်တော်ကို ဆင်းရဲနွမ်းပါးတဲ့ မိသားစုတွေ ဖြစ်ပေမယ်လို့ အကုန်လုံးက မျက်ရည်တပေါက် မကျဘူး။ ဘယ်သူကမှ စိတ်အားပျက်တဲ့စကား မပြောဘူး။ မိဘတွေကလည်း သူတို့ကို ထောက်ခံနေတုန်းပဲဗျ။ မိဘတွေကလည်း ဘာမှ စိတ်ပျက်တာ မရှိဘူး။

အဲဒီတော့ ကျနော်ထင်တယ် ဒီလို ထောင်ချတဲ့အတွက်နဲ့တော့ လူတွေက ပိုပြီးတောင် ထက်သန်လာတယ်။ အိမ်တအိမ်ဆိုရင် မိခင်တယောက်က ပြောတယ်။ 'အခု ကလေးတွေ ကြည့်ရတာတဲ့၊ ထောင်တွေ အရမ်းချတာတောင်မှ ပိုတောင်မှ စိတ်အားထက်သန်နေတယ်' တဲ့။ တက်ကြွနေတယ်ပေါ့လေ။ ဆိုတော့ ကျနော်က အထောက်ထားမဲ့ ပြောတာ မဟုတ်ဘူး။ ကျနော့ ကိုယ်တွေ့ပေါ့လေ။ မြင်တွေ့နေရတယ်။

ဆင်းရဲတဲ့ မိသားစုတွေထဲမှာ အားငယ်သွားခြင်း၊ အားလျော့သွားခြင်းဆိုတာ ဘာမှ မရှိဘူးဗျ။ အဲဒီတော့ ကျနော်ပြောနိုင်တယ်။ ဒီလိုထောင်ချတဲ့အတွက်နဲ့ကတော့ သူတို့ကို ဘယ်သူမှ ကြောက်မှာလည်း မဟုတ်ဘူး။ ဘယ်သူမှလည်း ဂရုမစိုက်ဘူး။ ဘယ်သူမှ ဂရု မစိုက်ဘူးဆိုတာက အကျဉ်းထောင်ထဲမှာ ရောက်နေတဲ့ ကျောင်းသားလူငယ်တွေ မကဘူး၊ ပြင်ပမှာရှိနေတဲ့ သူတို့ မိဘတွေကလည်း ဘာမှကို ဂရုစိုက်မှာ မဟုတ်ဘူး။ ဘာမှ ကြောက်မှာ မဟုတ်ဘူး။ ဘာမှ တွန့်ဆုတ်နေမှာ မဟုတ်ဘူးလို့ပဲ ပြောချင်တယ်။

မေး။ ။ ဘဘ ဒီလို အကျဉ်းကျသူတွေရဲ့ မိသားစုတွေကို လိုက်တွေ့တော့ အာဏာပိုင်တွေဘက်က စောင့်ကြည့်တာတွေ၊ နှောင့်ယှက်တာတွေရော ရှိပါသလား ဘဘ။

ဖြေ။ ။ ဟာ အများကြီးပေါ့ဗျာ၊ အများကြီးပေါ့ဗျာ။ တနေ့က ကျနော် မြောက်ဥက္ကလာဘက်သွားတာ။ ထွက်ထားတဲ့ ကျောင်းသားလူငယ် ၁၄ ယောက်လောက်ပါတယ်။ ဒါပေမယ့်ဗျာ ကျနော်တို့ကို နောက်ကနေ အမြဲတမ်း လိုက်နေကျက ထောက်လှမ်းရေးက လူ ၂ ယောက်လောက် မော်တော်ဆိုင်ကယ် ၂ စီးလောက်ပဲ ရှိတာ။ အဲဒီနေ့ကဆို ဆိုင်ကယ်က အားလုံးပေါင်း ၉ စီးလောက်ရှိတယ်။ နောက်ထပ် ၇ စီး ရောက်လာတယ်။ ကျနော်တို့လည်း လူတော့ နည်းနည်းတော့ များတယ်ပေါ့ဗျာ။

ဒါပေမယ်လို့ သူတို့လုပ်တာနဲ့ကို အရပ်ထဲမှာ လူတွေက ၀ိုင်းကြည့် ဘာညာနဲ့ပေါ့ဗျာ။ ဘာလို့ဆိုတော့ ဒီနေရာ၊ ဒီအိမ်မှာကတော့ အကျဉ်းကျနေတဲ့ ဘယ်သူဘယ်ဝါဆိုတာ အန်အယ်လ်ဒီက လူတွေ အိမ်ဆိုတာတွေက သူတို့ သိကြတယ်။ အဲဒီ သိတဲ့အထဲမှာ ထပ်ပြီးတော့ သူတို့တွေက မော်တော်ဆိုင်ကယ်တွေ ဘာတွေနဲ့ 'တဘွန်းဘွန်း' လုပ်တဲ့ အခါကျတော့ လူတွေက ၀ိုင်းကြည့်ဘာကြည့်။

အဲဒီတော့ ကျနော်ပြောချင်တာက အကြောင်းကြောင်းကြောင့် ဆူတာပူတာတို့ လှုပ်လှုပ်ရှားရှားဖြစ်တာတို့ အော်တာဟစ်တာဖြစ်ရင် သူတို့တာဝန်က ပိုများတယ်လို့ ထင်တယ်ဗျ။ ဘာလို့ဆို ကျနော်တို့ကတော့ အကျဉ်းကျတဲ့သူတွေ ရဲဘော်တွေ ကိုယ့်မိတ်ဆွေတွေ ဟုတ်လား။ နောက် ကိုယ့်အဖွဲ့အစည်းက လူတွေအနေနဲ့ ကျနော်တို့ သွားပြီး နှုတ်ဆက်တာပဲ အားပေးတာပဲ။ ဒါ့အပြင် မပိုဘူး။ ကျနော်တို့ အေးအေးဆေးဆေး သွားပြီးတော့ တွေ့တယ်။ တခါတလေ ကျနော်တို့ ဒီက တယောက် နှစ်ယောက်ပဲ သွားတယ်။ တခါတလေတော့လည်း များတယ်ပေါ့ဗျာ။

ဒါပေမဲ့ သူတို့ လုပ်တာက တရားလွန်တယ်။ သူတို့လုပ်တာနဲ့ကို အရပ်ထဲမှာ ဆူတာပူတာ၊ အော်တာဟစ်တာ မဟုတ်ရရင်လည်း လှုပ်လှုပ်ရှားရှားဖြစ်တာတွေဆိုရင် ဒါ သူတို့တာဝန်ဗျ။ သူတို့တာဝန်။ တခုတော့ ရှိတယ်ပေါ့ဗျာ။ အစိုးရ ကိုယ်၌ကလည်း တရားလွန်တယ်ဆိုတော့ သူတို့လက်အောက်က သူတို့ခိုင်းတာ လုပ်နေရတဲ့ သူတွေ၊ သူ့တာဝန်အရ သူလုပ်တာကတော့ ပိုပြီးတော့ များတော့မှာပေါ့ဗျာ။

ကျနော်ကတော့ အပြစ်မတင်ပါဘူး။ သူတို့တာဝန် သူတို့လုပ်ပေါ့။ ဒါပေမဲ့ လုပ်ပုံ ပြောပါတယ်။ အခုကျတော့ ဟိုလူက ၀ိုင်းကြည့်၊ ဒီလူက ၀ိုင်းကြည့်နဲ့ပေါ့။ တခုပေါ့၊ ကျနော်တို့ကို ၀ိုင်းပြီး ရိုက်လွှတ်ရင်လည်း ဒါကတော့ တမျိုးပေါ့ဗျာ။ ဒါပေမဲ့ အကြောင်းကြောင်းကြောင့် အော်ကြဟစ်ကြနဲ့ဆိုရင်တော့ သူတို့ရဲ့တာဝန်ပေ့ါ။ သူတို့ကို မကျေနပ်လို့ ဆူပူရင် ဒါက ကျနော်တို့ လှုံ့ဆော်တာ မဟုတ်ဘူး။

မေး။ ။ ဘဘ အခု သွားတာမှာ အန်အယ်လ်ဒီကနေ ထွက်ထားတဲ့ လူငယ်တွေလည်း ပါတယ်လို့ သိရပါတယ်။ ဒီထွက်ထားတဲ့ လူငယ်တွေကို ဘဘ ဘယ်လိုစုစည်းထားလဲ။ သူတို့အပေါ် ထားရှိတဲ့ ဘဘ ရဲ့ သဘောထားက ဘယ်လိုလဲဆိုတာ သိပါရစေရှင့်။

ဖြေ။ ။ အတွင်းက လူငယ်တွေနဲ့လည်း သွားတယ်။ မြို့နယ်ဥက္ကဋ္ဌတွေနဲ့လည်း သွားတယ်။ ဒီနေ့ဆို မြို့နယ်ဥက္ကဋ္ဌ တယောက်ပါတယ်။ ကျနော်တော့ အစုံသွားကြည့်နေတာပဲဗျာ။ ထွက်ထားတဲ့ လူငယ်ဆိုတော့ပေမယ့်လည်း ကျနော်ကတော့ ထွက်ထားတဲ့ လူငယ်လို့ သဘောမထားဘူး။ ကျနော်ကတော့ ဒါ အန်အယ်လ်ဒီအတွင်းမှာ ရှိနေတဲ့လူတွေပဲ။ ဒါတွေက ကျနော်က ဖက်ထားတဲ့ လူတွေ။ ဘာလို့လဲဆိုတော့ ကျနော်က သူတို့ ပြဿနာတွေကို မဖြေရှင်းပေးနိုင်ဘူး။

မပေးနိုင်တော့ ကျနော်က ဖက်ထားတယ်။ မင်းတို့ ဒီကနေထွက်ချင်တာလား ဆိုတော့ မဟုတ်ပါဘူးတဲ့။ မဟုတ်ဘူးဆိုတော့ ငါတော့ မင်းတို့ကို ဖက်ထားမယ်။ မင်းတို့ဟာ ထွက်ထားတဲ့ လူတွေ ဘာတွေ ပြောပြော မင်းတို့ဟာ ထုတ်ထားတဲ့လူတွေ မဟုတ်ဘူး။ မင်းတို့ကို ပြန်လည်ညီညွတ်ရေးလုပ်ရအောင် ငါ့မှာလည်း နိုင်ငံရေးသြဇာ မရှိဘူး။ အင်အားလည်း မရှိဘူး။ သို့သော် ငါထင်တယ်။ ငါမင်းတို့ကို ပိုက်ထွေးထားတဲ့ အားပဲ ရှိတယ်။ အဲလိုလုပ်ရတဲ့ အကြောင်းက ဘာလဲဆိုတော့ ဒေါ်စုလာရင် ဖြေရှင်းကြမယ်ပေါ့။ ဘာလို့ဆိုတော့ ဒေါ်စုက နိုင်ငံရေး သြဇာရှိတယ်။ အင်အားရှိတယ်။ အဲဒီ အခါကျရင် သူ့သြဇာ။ သူ့နိုင်ငံရေး အင်အားနဲ့ သူတို့ အခု ဖြစ်နေတာတွေကို ဖြေရှင်းနိုင်လိမ့်မယ်လို့ ကျနော် ထင်တယ်။ ကျနော်က ပိုက်ထွေးထားနိုင်တယ်လို့ ကျနော် ယုံတယ်လေ။

မေး။ ။ ဒါဆိုရင် ဘဘက ဒေါ်အောင်ဆန်းစုကြည်က ပြန်လွတ်၊ မလွတ် ဆိုတဲ့အပေါ် ဘယ်လို မျှော်လင့်ချက်ထားလို့ပါလဲရှင့်။

ဖြေ။ ။ ဒါကတော့ ဟိုလူ လွတ်မယ်၊ ဒီလူ လွတ်မယ်လို့ နိုင်ငံရေးဗေဒင်ဟောတာက မကောင်းဘူးခင်ဗျ။ အရူးဖြစ်တတ်တယ်။ နိုင်ငံရေး ဗေဒင်ဟောရင် မှားတာပဲ များတယ်။ ဖြစ်နိုင်ချေက သူတို့အစိုးအရရဲ့ အခြေအနေနဲ့ကရော၊ ကမ္ဘာက ဖိအားပေးတာနဲ့ကရော လွတ်နိုင်တဲ့ အနေအထားပေါ့ဗျာ။ ဒါကတကြောင်း။ နောက်တခုကတော့ ဦးနေ၀င်းသမီး ဒေါ်စန္ဒာဝင်း ပြန်လွတ်လာတာတွေ၊ နောက် ဦးအုန်းကြိုင်လို ပုဂ္ဂိုလ်မျိုးကို ပြန်လွှတ်လိုက်တာမျိုး။ ထောင်ချဖို့ ဖမ်းတာပဲဗျာ။ ထောင်မကျဘဲ ပြန်လွတ်လာတယ်ဆိုတာ ရှားတယ်လေ။ အဲဒီ အပြင်ကို ဒေါ်စုနဲ့ပတ်သက်ပြီး သူတို့ပြောတဲ့စကားက ရှေ့နေက အယူခံတင်တော့ သူတို့က တွေ့ခွင့်ပေးတယ်ဆို ပေးတယ်၊ မပေးဘူးဆို မပေးဘူးပြောရင် ပြီးပြီ။ အခုက သူတို့က အစိုးရအဖွဲ့က ကိုင်တွယ်နေပါတယ်လို့ ပြောခြင်းအားဖြင့် ဒါက ရှင်းရှင်းလေးပဲ။ လွှတ်ဖို့ ကိုင်တွယ်တာလည်း ဖြစ်မယ်။ မလွှတ်ဖို့ စဉ်းစားတာလည်း ဖြစ်မယ်ပေါ့။ ဘာပဲပြောပြော အကောင်းဘက်ကပဲ စဉ်းစားကြည့်တာပေါ့။ မှားရင်လည်း မတတ်နိုင်ဘူးပေါ့ဗျာ။

မေး။ ။ ဒီမိုကရေစီရေး လှုပ်ရှားနေတဲ့ သူတွေကို ဘဘ အနေနဲ့ ဘာများ ပြောချင်ပါလဲရှင်။

ဖြေ။ ။ ကျနော်ကတော့ အားလုံး ညီညီညွှတ်ညွှတ် လုပ်စေချင်ပါတယ်။ အသံညီရမယ်ပေါ့ဗျာ။ လုပ်နေတဲ့သူတွေ အားလုံး တယောက်တပေါက် မဟုတ်ဘဲ တသံထဲ ထွက်မယ်၊ အလုပ်ညီမယ်ဆိုရင် ကောင်းတာပေါ့ဗျာ။ အခုက အသံ မညီနိုင်သေးတော့ ပြဿနာတွေ ရှိတာပေါ့ဗျာ။ ဒါက ဒီစစ်အစိုးရကလည်း ဒီလိုဖြစ်အောင် လမ်းကြောင်းတွေ ချနေတာဗျ။ အကွဲအပြဲတွေကို လိုက်ဖန်တီး မျိုးစေ့လိုက်ချနေတာဗျ။ ဒီတော့ ကျနော် ပြောချင်တာက အားလုံးပေါ့ဗျာ၊ ပြည်တွင်းပြည်ပက အဖွဲ့တွေ အားလုံးကို ပြောချင်တာက ကျနော်တို့ အသံညီညီနဲ့ လုပ်ကြရအောင်လို့ပါ။

ကုန်ဈေးနှုန်းကျဆင်းရေး ဆန္ဒပြသူ ထောင်ဒဏ် ၅ နှစ်ထပ်တိုး

မြင့်မောင်
အင်္ဂါနေ့၊ ဒီဇင်ဘာလ 23 2008

နယူးဒေလီ (မဇ္ဈိမ) ။ ။ ရန်ကုန်မြို့တွင် ကုန်ဈေးနှုန်းကျဆင်းရေး လမ်းလျှောက်ဆန္ဒပြသူ ကိုခင်မောင်ချို (ခေါ်) ကိုဖိုးတုတ်ကို ယမန်နေ့က ရန်ကုန်တိုင်း ရန်ကင်းတရားရုံးက ထောင်ဒဏ် ၅ နှစ် ထပ်တိုးသဖြင့် ပြစ်ဒဏ် ၂၄ နှစ် ဖြစ်သွားသည်။

ဧရာဝတီတိုင်း ဓနုဖြူမြို့နယ်သား သူ့ကို ယခုလ ၈ ရက်နေ့က ကြည့်မြင်တိုင်မြို့နယ် တရားရုံးက ပုဒ်မ ၄ ခုဖြင့် ထောင်ဒဏ် ၁၉ နှစ် ချခဲ့ပြီးနောက်၊ ယမန်နေ့က ရန်ကင်းမြို့နယ် တရားရုံးက နယ်စပ်ဖြတ်ကျော်မှု ပုဒ်မ ၁၃/၁ ဖြင့် ၅ နှစ် ထပ်တိုးချလိုက်ခြင်းဖြစ်သည်။

"ပထမဦးဆုံး စံပြဈေးမှာ ကုန်ဈေးနှုန်း ကျဆင်းရေးတုန်းက သူ ပါခဲ့တယ်။ အလုပ်သမားရေး ကိစ္စတွေမှာလည်း အိုင်အယ်လ်အို (အပြည်ပြည်ဆိုင်ရာ အလုပ်သမားအဖွဲ့ချုပ်) ကို တိုင်တန်းပေးတဲ့ အထဲမှာလည်း ပါဝင်ခဲ့သူပါ။ အခု ၅ နှစ်ထပ်ကျတာပေါ့နော်။ စုစုပေါင်း ၂၄ နှစ်ရှိပြီ" ဟု မိသားစုနှင့် နီးစပ်သူတဦးက မဇ္ဈိမကို ပြောသည်။

ကိုခင်မောင်ချိုကို နိုင်ငံတော်ကို အကြည်ညို ပျက်စေမှု၊ ဗီဒီယိုအက်ဥပဒေ၊ လိမ်လည်မှု၊ စာရွက်စာတမ်းအတု လက်ဝယ်ကိုင်ဆောင်မှုတို့ဖြင့် ကြည့်မြင်တိုင် တရားရုံးက ယခုလ ၈ ရက်နေ့မှ စတင်ကာ နှစ်ရှည်ထောင်ဒဏ် ချခဲ့ခြင်းဖြစ်သည်။

အလားတူ ထိုရက်၌ပင် သူ့အမှုတွဲတွင် ပါဝင်သူ တောင်ဒဂုံမြို့သား ကိုညွန့်ဝင်းကို ၅ နှစ်နှင့် ကိုကံမြင့်ကို ၁၀ နှစ် ပြစ်ဒဏ်ချခဲ့သေးသည်။

ကျောင်းသားခေါင်းဆောင် ကိုသက်ဇော် အစာငတ်ခံ ဆန္ဒပြ

မြင့်မောင်
တနင်္လာနေ့၊ ဒီဇင်ဘာလ 22 2008

နယူးဒေလီ (မဇ္ဈိမ)။ ။ ၈၈ မျိုးဆက် ကျောင်းသားခေါင်းဆောင် ကိုသက်ဇော်သည် မော်လမြိုင်ထောင် အာဏာပိုင်များက ဖိနှိပ်နေသည့်အပေါ် မကျေနပ်သဖြင့် အစာငတ်ခံ ဆန္ဒပြနေသည်။

မွန်ပြည်နယ် မော်လမြိုင်ထောင်တွင်း၌ အာဏာပိုင်များက သူ့ကို သံခြေကျင်းခတ်ထားသည့်အပေါ် မကျေနပ်သဖြင့် အစာငတ်ခံ ဆန္ဒပြနေသည်မှာ ၄ ရက်ရှိနေပြီဖြစ်ကြောင်း သိရခြင်းဖြစ်သည်။

"မော်လမြိုင်ထောင်မှာ ရောက်နေတဲ့ ကိုသက်ဇော် အစာငတ်ခံ ဆန္ဒပြနေတယ်လို့ သိရတယ်။ ထောင်အာဏာပိုင်တွေကို မကျေနပ်လို့ ဆန္ဒပြနေတယ်လို့ ကြားတယ်။ အကြောင်းစုံကိုတော့ ကျနော်တို့ တိတ်ိကျကျ မသိရသေးပါဘူး" ဟု အမျိုးသား ဒီမိုကရေစီအဖွဲ့အဖွဲ့ချုပ် ပြောခွင့်ရပုဂ္ဂိုလ် ဦးဥာဏ်ဝင်းက မဇ္ဈိမကို ပြောသည်။

သူက ဆက်ပြီး ''ဒီဇင်ဘာလ ၁၉ ရက်နေ့က စပြတယ်လို့ ကြားတယ်။ သူ့အဖေက ၂ ကြိမ် တွေ့ခဲ့ပြီးပြီ။ ကျနော် သူနဲ့ တွေ့လို့ မေးကြည့်တော့၊ လာမယ့် စနေနေ့မှာ ထပ်တွေ့ဖို့ ကြိုးစားနေတယ်" ဟု ပြောသည်။

လောင်စာဆီဈေးနှုန်း ကျဆင်းရေး ဆန္ဒပြမှုနှင့် စပ်လျဉ်း၍ ပြီးခဲ့သည့်နှစ် သြဂုတ်အတွင်းက ကိုသက်ဇော် အပါအ၀င် ၈၈ မျိုးဆက် ကျောင်းသားခေါင်းဆောင် ၁၃ ဦး စတင်ဖမ်းဆီးခံခဲ့ရသည်။

ယခုနှစ် နိုဝင်ဘာလ ၁၁ ရက်နေ့တွင် အင်းစိန် သီးသန့်တရားရုံးက ကျောင်းသားခေါင်းဆောင် ၃၅ ဦးအား ထောင်ဒဏ် ၆၅ နှစ် ပြစ်ဒဏ်ချမှတ်ခဲ့သည်။ ထို့နောက် နယ်စွန်နယ်ဖျား ဒေသများရှိ အကျဉ်းထောင်သို့ ပြောင်းရွှေ့ခဲ့ရာတွင် ကိုသက်ဇော်သည် မော်လမြိုင်ထောင်သို့ ရောက်ရှိသွားခဲ့သည်။

ဆန္ဒပြနေသည့် အခြေအနေ အသေးစိတ်ကို ပိုမိုသိရှိနိုင်ရန် ဖခင်ဖြစ်သူထံ ဆက်သွယ်မေးမြန်းသော်လည်း ဆက်သွယ်၍ မရခဲ့ပါ။

ကျန်းမာရေးဆိုးရွားသည့် နိုင်ငံရေးအကျဉ်းသား ၃ ဦး ထောင်ဆေးရုံတက်

မြင့်မောင်
အင်္ဂါနေ့၊ ဒီဇင်ဘာလ 23 2008


နယူးဒေလီ (မဇ္ဈိမ)။ ။ ရန်ကုန်မြို့ အင်းစိန်ထောင်အတွင်းရှိ နိုင်ငံရေးအကျဉ်းသား ၃ ဦးသည် ကျန်းမာရေး အခြေအနေ ဆိုးရွားနေသဖြင့် ယခုအခါ ထောင်ဆေးရုံတွင် တက်ရောက်ကုသနေကြောင်း ဆွေမျိုးသားချင်းနှင့် အကျဉ်းထောင် အသိုင်းအ၀ိုင်း အဆိုအရ သိရသည်။

နာဂစ်မုန်တိုင်းသင့် ဒုက္ခသည်များအား ကူညီစောင့်ရှောက်သူ မယဉ်ယဉ်ဝိုင်း ခေါ် ဆည်းဆာ (လှိုင်မြို့နယ်)၊ အန်အယ်ဒီ အဖွဲ့ဝင် ဦးတင်ယု (လှိုင်သာယာမြို့နယ်) နှင့် ၈၈ မျိုးဆက် ကျောင်းသားများအဖွဲ့မှ ကိုကိုကြီး (စမ်းချောင်းမြို့နယ်) ၏ ကျန်းမာရေး အခြေအနေသည် တနေ့ထက်တနေ့ ပိုမို ဆိုးရွားလာသည့်အတွက် အင်းစိန်ထောင်တွင်းရှိ ဆေးရုံတွင် ကုသနေရကြောင်း သိရခြင်း ဖြစ်သည်။

"မယဉ်ယဉ်ဝိုင်းက လွန်ခဲ့တဲ့ ၂ လက စဖြစ်နေတယ်။ အစာအိမ်က နဂိုကတည်းကရှိတော့ ကျန်ခဲ့တဲ့ ၂ လ လောက်ကစပြီး ဆန်ပြုပ်ပဲ သောက်နေရတယ်။ ထမင်းမစားဘူး။ ပေါင်မုန့်လေး၊ ဘီစကစ်လေးပဲ စားနေတာ။ ကျန်ခဲ့တဲ့ တပတ်က အန်တော့ သွေးပါတယ်" ဟု အမည်မဖော်လိုသူ ဆွေမျိုးသားချင်းတဦးက မဇ္ဈိမကို ပြောသည်။

သူက ဆက်ပြီး "အရင်တုန်းကလည်း ဆန်ပြုပ်သောက်ပေမယ့် ၂ လ အတွင်းမှာ နည်းနည်းချင်း အန်တယ်။ အခုလို မဖြစ်ဘူး။ သူ့ဆီမှာ အမျိုးသမီးရောဂါ ရှိတယ်။ ခွဲစိတ်ဖို့ ဘာညာလည်း ရှိတယ်။ ဒီအပတ် သူ့အမနဲ့ တွေ့တော့ အပြင်ကို ထုတ်ပြီး ဆေးကုသခွင့်ရအောင် အထက်ကို စာတင်မယ်လို့ သိထားတယ်။ လောလောဆယ် မတင်ရသေးဘူး" ဟု ပြောသည်။

မယဉ်ယဉ်ဝိုင်းသည် ယခုနှစ် မေလဆန်းက နာဂစ်မုန်တိုင်း တိုက်ပြီးနောက် ဒုက္ခသည်များကို အားတက်သရော ကူညီနေစဉ်၊ ဇွန်လ ၁၂ ရက်နေ့တွင် အာဏာပိုင်များက ဖမ်းဆီးခဲ့သည်။

ရွှေဝါရောင် လှုပ်ရှားမှုတွင် ပါဝင်ခဲ့သဖြင့် ဖမ်းဆီးခံရသူ လှိုင်သာယာ အန်အယ်ဒီအဖွဲ့ဝင် ဦးတင်ယုကို ပြီးခဲ့သည့်လ ၁၃ ရက်နေ့တွင် အင်းစိန်ထောင်တွင်း တံခါးပိတ် တရားခွင်က ထောင်ဒဏ် ၇ နှစ်ခွဲ ချမှတ်ခဲ့ကာ ယခုအခါ သူသည် အရိုးကျီးပေါင်းတက် ရောဂါကြောင့် ထောင်ဆေးရုံတွင် ကုသနေရသည်။

"ဦးတင်ယုက အရိုးကျီးပေါင်းတက် ရောဂါနဲ့ ခြေထောက်ကို ဂဲ စွဲနေရတယ်။ ထောင်ဆေးရုံကို သူ့အဆောင်ကနေ သွားတယ်။ ခြေတောက်ကို ဂဲ စွဲရတာက အချိန်ပိုင်းနဲ့ ကုသနေတယ်" ဟု အင်းစိန်ထောင်နှင့် နီးစပ်သူတဦးက ပြောသည်။

သူက ဆက်ပြီး "ဦးတင်ယုလိုပဲ ၈၈ ကျောင်းသားခေါင်းဆောင်တဦး စမ်းချောင်း ကိုကိုကြီးလည်း ဂဲ စွဲနေရတယ်။ သူ့ကျတော့ အချိန်ပိုင်းနဲ့ မဟုတ်ဘူး။ အမြဲတမ်း ဂဲ စွဲဖို့ အင်းစိန်ထောင် ဆေးရုံကို ရောက်နေပြီ။ ဘာရောဂါမှန်း မသိရသေးဘူး" ဟု ပြောသည်။

မြန်မာနိုင်ငံ အကျဉ်းထောင်များတွင် ဆေးရုံများ ရှိသော်လည်း စောင့်ရှောက်ကုသမှုနှင့် ပတ်သက်ပြီး ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) - အေအေပီပီ မှ တွဲဖက် အထွေထွေ အတွင်းရေးမှူး ကိုဘိုကြည်က ယခုလို ပြောပြသည်။

"နိုင်ငံရေး အကျဉ်းသားတွေဟာ ဆရာဝန်နဲ့တွေ့ဖို့ အချိန်အတော်ကြာ စောင့်ရတယ်။ မလိုလားအပ်တဲ့ ရောဂါဝေဒနာတွေ ပိုမိုခံစားရတယ်။ လူတယောက်က သွေးအန်တဲ့အဆင့်၊ သွေးပါတဲ့အဆင့် ရောက်ပြီဆိုရင် ကျန်းမာရေး အတော်စိုးရိမ်ရတဲ့ အခြေအနေမျိုးပါ။ လုံလောက်တဲ့ အချိန်မီ ဆေးဝါးကုသခွင့် မရဘူးဆိုရင် ကျန်းမာရေးက ဒီ့ထက်ပိုပြီး ဆုတ်ယုတ်သွားတာမျိုး၊ အသက်ဆုံးရှုံးတာမျိုး ဖြစ်လာနိုင်တယ်" ဟု ကိုဘိုကြည်က ပြောသည်။

သူက "ဆေးကုသခွင့်ရဖို့ အချိန်တိတိကျကျ မပြောနိုင်ဘူး။ ထောက်လှမ်းရေးတွေ အပေါ်မှာ မူတည်တယ်။ အောက်ခြေက ဘယ်လောက်ပဲ တင်ပြတင်ပြ၊ သူတို့ မအားဘူးဆိုရင် ဂရုမစိုက်ဘဲ အမှိုက်တောင်းထဲ ထည့်တာမျိုးတွေဖြစ်ပြီး၊ မလိုလားအပ်ဘဲ ပိုကြာသွားတာမျိုးတွေ ဖြစ်တယ်။ အဲဒီလိုမျိုး လုပ်ခဲ့လို့ အသက်ဆုံးရှုံးခဲ့တဲ့ နိုင်ငံရေးသမားတွေလည်း ရှိခဲ့ဖူးတယ်" ဟု ဆက်ပြောသည်။

မြန်မာနိုင်ငံ အကျဉ်းထောင်များတွင် ပြစ်ဒဏ်ကျခံနေရသည့် နိုင်ငံရေး အကျဉ်းသား ၂၁၅၉ ဦးရှိသည့်အနက် ၁၀၀ နီးပါးမှာ ကျန်းမာရေး အခြေအနေ ဆိုးရွားနေကြောင်း အေအေပီပီ အဆိုအရ သိရသည်။

ကိုအေးလွင်အဖွဲ့ ရွေးကောက်ပွဲဝင်ရန် ပြင်ဆင်နေ

သဲသဲ၊ မြင့်မောင်
အင်္ဂါနေ့၊ ဒီဇင်ဘာလ 16 2008


နယူးဒေလီ (မဇ္ဈိမ)။ ။ အတိုက်အခံအများစုက ကန့်ကွက်ထားသော်လည်း ၂၀၁၀ ရွေးကောက်ပွဲတွင် ပါဝင်ယှဉ်ပြိုင်သွားရန် စစ်အစိုးရလိုလားသော ကိုအေးလွင် ဦးဆောင်သော အဖွဲ့က ပြင်ဆင်မှု ပြုနေသည်။

စစ်အစိုးရ၏ စီးပွားရေး၊ နိုင်ငံရေးဆိုင်ရာ မူဝါဒများကို အားပေးထောက်ခံလေ့ရှိသည့် ၈၈ မျိုးဆက် ကျောင်းသား လူငယ်များအဖွဲ့ (ပြည်ထောင်စု မြန်မာနိုင်ငံ) အဖွဲ့က စစ်အစိုးရ၏ လမ်းပြမြေပုံအရသွားမည့် ၂၀၁၀ ရွေးကောက်ပွဲတွင် ယှဉ်ပြိုင်သွားမှာ ဖြစ်သည်။

''ပါတီနာမည်တော့ မရွေးရသေးဘူး။ ကျနော်တို့ ပြင်ဆင်နေပါတယ်။ အစိုးရကနေ ပါတီဥပဒေ ထုတ်ပြန်ရင်လာရင် အဆင်သင့် ဖြစ်အောင်ပါ'' ဟု ကိုအေးလွင်က မဇ္ဈိမကို ပြောဆိုသည်။

၂၀၀၇ ခုနှစ် စက်တင်ဘာလ နောက်ပိုင်းမှ စတင်ကာ ထိုအဖွဲ့သည် နိုင်ငံရေး စည်းရုံး လှုပ်ရှားမှုများကို ပြုလုပ်လာရာ ယခုအခါ ရန်ကုန်တိုင်း အပါအ၀င် မန္တလေး၊ ပဲခူး၊ မကွေး၊ စစ်ကိုင်း၊ ဧရာဝတီတိုင်းနှင့် ကရင်၊ မွန်၊ ရခိုင်ပြည်နယ်များအထိ လှည့်လည် စည်းရုံးခဲ့ပြီး ဒေသခံ စီးပွားရေး လုပ်ငန်းရှင်များ၊ စာနယ်ဇင်းသမားများ၊ ရပ်မိရပ်ဖများနှင့် တွေ့ဆုံခဲ့ပြီး ဖြစ်သည်။

"ပြည်သူကြားထဲမှာ ကျနော်တို့နဲ့ အမြင်တူတဲ့သူတွေကို နိုင်ငံရေးအရ ပါဝင်လာအောင် ဆောင်ရွက်လာတာ အခု ရန်ကုန် အပါအ၀င် တိုင်း ၆ ခုနဲ့ ပြည်နယ် ၃ ခု ရှိသွားပြီ" ဟု ကိုအေးလွင်က ပြောသည်။

၁၉၈၈ ခုနှစ်က ပါတီစုံ ဒီမိုကရေစီသို့ ပြောင်းလဲရန် နိုင်ငံအ၀ှမ်းလမ်းပေါ် ဆန္ဒပြမှုများကို ဖြစ်ပေါ်စေသည့် တက္ကသိုလ် ကျောင်းသားများ၏ အစိုးရဆန့်ကျင်ရေး ဆန္ဒပြမှုများတွင် စက်မှုတက္ကသိုလ် ကျောင်းသားတဦးဖြစ်သည့် ကိုအေးလွင်သည်လည်း ဦးဆောင် ပါဝင်ခဲ့သည်။ သို့သော် နောက်ပိုင်းတွင် ဒေါ်အောင်ဆန်းစုကြည် အပါအ၀င် အဓိက အတိုက်အခံ အင်အားစုများနှင့် ခေါင်းဆောင်များကို ဝေဖန်သူ ဖြစ်လာခဲ့သည်၊

ထို့အပြင် သူ၏အဖွဲ့သည် အမေရိကန်နှင့် ဥရောပ၏ စစ်အစိုးရအား စီးပွားရေး ပိတ်ဆို့မှုအပေါ် ပြင်းထန်စွာ ကန့်ကွက်ခဲ့သည်။

၁၉၉၀ ခုနှစ် ရွေးကောက်ပွဲတွင် ရွေးချယ်တင်မြှောက် ခံထားရသော်လည်း ပါလီမန်ခေါ်ယူခွင့် မရရှိခဲ့သော ပြည်သူ့လွှတ်တော် ကိုယ်စားပြု ကော်မတီ (စီအာပီပီ) အပါအ၀င် ဒီမိုကရေစီ အင်အားစုများက စစ်အစိုးရက တကျော့ပြန် ကြီးမှူးကျင်းပမည့် ရွေးကောက်ပွဲကို လက်မခံပယ်ချထားသည်။

"သူတို့ဘာသာလုပ်တဲ့ သဘောပဲ။ အန်ကယ်တို့အနေနဲ့ စည်းရုံးရေးဆင်းဖို့ ဆန္ဒမရှိဘူး။ ၂၀၁၀ ရွေးကောက်ပွဲကို လက်မခံဘူး။ နအဖ အာဏာပိုင်တွေအနေနဲ့ တရားဝင် ရပ်တည်နေတဲ့ နိုင်ငံရေးပါတီတွေနဲ့ တွေ့ဆုံဆွေးနွေးတာ မလုပ်ဘူး၊ အပေးအယူ မလုပ်ဘူး၊ ဖွဲ့စည်းပုံ အခြေခံဥပဒေကို မပြင်ဘူးဆိုရင် ရွေးကောက်ပွဲဝင်မှာ မဟုတ်ပါဘူး။ ဖွဲ့စည်းပုံ ဥပဒေကို ပြင်ဆင်မယ်ဆိုရင် ရွေးကောက်ကို ၀င်ဖို့ စဉ်းစားမယ်။ ဘာတွေပြင်မှာလဲ၊ ဘယ်လို့ ပြင်မှာလဲ ဆိုတဲ့အပေါ်မှာ ပြန်စဉ်းစားမယ်" ဟု စီအာပီပီမှ ဦးအေးသာအောင်က ပြောသည်။

မကွေးတိုင်း ရေနံချောင်းမြို့နယ် အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်ခင်စောဌေးကတော့ လက်ရှိ အခြေခံဥပဒေသည် လူသတ်လိုင်စင်ပေးသည့် ဥပဒေဟု ပြောလိုက်သည်။

"ဒီအခြေခံဥပဒေနဲ့ ရွေးကောက်ပွဲကို ၀င်လိုက်မယ်ဆိုရင် လူသတ်လိုင်စင်ပေးတဲ့ ဥပဒေ ဖြစ်နေတယ်။ ကိုယ့်ကို သတ်ပါလို့ ပြောနေတဲ့ အတိုင်းပဲ။ ဒါကြောင့် ဒီဟာကို လုံးဝ လက်မခံဘူး။ အန်တီတို့က အခြေခံ ဥပဒေမှာထဲက ဆန့်ကျင်ခဲ့တာ အခုလည်း ဆန့်ကျင်အုံးမယ်" ဟု သူက ပြောသည်။

"နိုင်ငံရေး လုပ်စားသူတွေနဲ့ နိုင်ငံရေးကို တကယ်လုပ်တဲ့ လူတွေက တကယ့်ကို ကွာတယ်။ အခု ရွေးကောက်ပွဲကို ဘာကြောင့်မို့ ၀င်ရမှာလဲ။ ၉၀ ခုနှစ် ရွေးကောက်ပွဲ နိုင်တာတောင်မှ လွှဲမပေးတဲ့ ကိစ္စပဲ။ အခုတခါ အန်အယ်ဒီ ၀င်ပြိုင်လို့ နိုင်ရင်လည်း အန်အယ်ဒီ မရဘူး။ ဒီအခြေခံဥပဒေအတိုင်း ၀င်ပြိုင်မယ် ဆိုရင်လည်း ဘယ်နိုင်ငံရေးသမားကောင်း ဖြစ်မလဲ။ ကိုယ်တိုင်းပြည်ကို သေတွင်းထဲပို့တာနဲ့ အတူတူပဲ။ နဂိုမှ မသေမရှင် ဖြစ်နေတဲ့ဟာကို သတ်ပစ်လိုက်တာနဲ့ တူနေတယ်" ဟု သူက ဆက်ပြောသည်။

အဆင့် ၇ ရပ်ဖြင့် ဒီမိုကရေစီသို့ ကူးပြောင်းခြင်းဟု စစ်အစိုးရက ပြောဆိုထားချက်တွင် ရွေးကောက်ပွဲလုပ်ရေးအတွက် ဥပဒေပြု ပြဌာန်းချက်မှာ အစောဆုံးအားဖြင့် ယခု လကုန်ပိုင်းတွင် ထွက်ရှိလာလိမ့်မည်ဟု ပြည်တွင်း နိုင်ငံရေးသမားများက မျှော်လင့်ထားကြသည်၊

ဆရာတော် ဦးသုမင်္ဂလ တရားပွဲ ပိတ်ပင်ခံရဟု အကျိုးဆောင်များ ပြောကြား

မြင့်မောင်
အင်္ဂါနေ့၊ ဒီဇင်ဘာလ 16 2008


နယူးဒေလီ (မဇ္ဈိမ)။ ။ နိုင်ငံရေးကို ရည်ညွှန်းဟောကြားသည်ဟု ယူဆသဖြင့် အာဏာပိုင်များက ဓမ္မာစရိယဆရာတော် ဦးသုမင်္ဂလကို ရန်ကုန်တိုင်းအတွင်း တရားပွဲများ ကျင်းပခွင့် ပိတ်ပင်လိုက်သည်ဟု အကျိုးဆောင်များနှင့် မိတ်ဆွေများ အပြောအရ သိရသည်။

ဘာသာရေးစိတ်သန်သူ ဗုဒ္ဓဘာသာဝင်များအကြား နာမည်ကျော်ကြားလာသည့် မန္တလေးမြို့ မိဂဒါဝုန်ကျောင်းတိုက်မှ ဆရာတော် ဦးသုမင်္ဂလအား ယခုလ ၁၈ ရက်နေ့တွင် ကျင်းပသွားမည့် တရားပွဲများမှ စတင်ကာ ကျင်းပခွင့် မပြုတော့ခြင်း ဖြစ်သည်။

သက်တော် ၄၀ နှစ်၊ ၀ါတော် နှစ် ၂၀ ရှိသော ဆရာတော်၏ မင်္ဂလာတောင်ညွန့်၊ မရမ်းကုန်းနှင့် မြောက်ဥက္ကလာပ မြို့နယ်များအတွင်း မကြာခင် ကျင်းပသွားမည့် တရားပွဲများ ပိတ်ပင်ခံရသည်ဟု တရားပွဲဖြစ်မြောက်ရေး အကျိုးဆောင်များနှင့် ရန်ကုန်ရှိ သံဃာတော် အသိုင်းအ၀ိုင်းက ပြောသည်။

ဆရာတော် ဦးသုမင်္ဂလ၏ "တရားပွဲကွယ်လျှင် သာသနာသည်လည်း ကွယ်ပျောက်"၊ "မြေမျိုခံနီးပြီ"၊ "ခတ်တိုင်းခံ တရားတော်"၊"ခေါင်းဆောင်ကောင်းကို ရွေးတတ်ဖို့လိုတယ်" ဟူသည့် တရားဟောချက်များသည် လူကြိုက်များကြသည်ဟု ဆိုသည်၊

မန္တလေး မစိုးရိမ်ကျောင်းတိုက်သို့ ဆက်သွယ်ကြည့်ရာတွင် သံဃာတော်တပါးကမူ ဦးသုမင်္ဂလ သီတင်းသုံးရာ မိဂဒါဝုန်ကျောင်းသို့ လျှောက်ထားမေးမြန်းသည့်အခါ ကျောင်းတိုက်ဆရာတော်တပါးက ဦးသုမင်္ဂလသည် ယခုအခါ မန္တလေးတွင် မရှိဘဲ ရန်ကုန်တိုင်း မှော်ဘီမြို့တွင် သီတင်းသုံးနေကြောင်းနှင့် မန္တလေးတွင်လည်း တရားပွဲ ကျင်းပခွင့် မရတော့ကြောင်း မိန့်ဆိုခဲ့သည်ဟု ပြန်လည် မိန့်ကြားပြောဆိုသည်။

၂၀၀၈ ခုနှစ် သြဂုတ်လက လှိုင်သာယာမြို့နယ် တရားပွဲတခုတွင် "ခေါင်းဆောင်ကောင်းကို ရွေးတတ်ဖို့ လိုတယ်" ဆိုသည့် ခေါင်းစဉ်ဖြင့် တရားဟောရာ၌ တရားနာပရိသတ်အနေဖြင့် ကိုယ်အားကိုးရမည့် ခေါင်းဆောင်ကို ရွေးချယ်တတ်ရန်နှင့် မြတ်စွာဘုရားကဲ့သို့ အားကိုးရမည့်သူမျိုးကို ရွေးချယ်ရန် ဟောကြားခဲ့သေးသည်။

မင်္ဂလာတောင်ညွန့် ဒေသခံတဦးက "တရားထဲမှာ မာန်နတ်က ဖျက်ဆီးခဲ့သလို အခုခေတ်မှာလည်း မာန်နတ်တွေ များနေတယ်တဲ့။ 'ခတ်တိုင်းခံ တရားတော်' ထဲမှာ - 'လူတွေ အခုဖြစ်နေကြတာက မုန်တိုင်းတိုက်လို့ရှိရင် သူတို့ (အာဏာပိုင်များ) ဆီကို တိုက်ပါလား၊ သူတို့တတွေတော့ မဖြစ်ဘူး၊ လူထုတွေပဲ ဖြစ်နေရတယ်' တဲ့။ ဆရာတော်က 'အဲဒီလို မပြောရဘူး၊ သူတို့မှာ ကုသိုလ်ရှိနေသေးလို့၊ ကုသိုလ်ကုန်သွားရင် တချိန်ကျရင် ဖြစ်မှာပဲ' လို့ တည့်တည့်ဟောတယ်" ဟု ပြောသည်။

စမ်းချောင်းမြို့နယ် ဒေသခံတဦးကလည်း "မြေမျိုခံနီးပြီဆိုတဲ့ တရားထဲမှာ ဟောတာက - 'အထက်တင် မဟုတ်ဘူး၊ အောက်ခြေ တရားသူကြီးအဆင့်က ၀ဇီ (နှုတ်) နဲ့ ဒီလိုမျိုး လုပ်နေရင် မြေမျိုတတ်တယ်။ သံဃာတပါးကို စော်ကားတာက သံဃာထုကို စော်ကားတာနဲ့ အတူတူပဲ၊ အဲဒါ သံဃနာယကကို ပြောချင်တယ်၊ ငြိမ်သက်မနေပါနဲ့' လို့ ဟောခဲ့တယ်'' ဟု ပြောသည်။

ဆရာတော် ဦးသုမင်္ဂလအား တရားဟောခွင့် ပိတ်ပင်သည့် ကိစ္စနှင့်ပတ်သက်၍ အကြောင်းစုံ သိရှိရန် နိုင်ငံတော် သံဃမဟာ နာယကအဖွဲ့ရုံးသို့ မဇ္ဈိမက ဆက်သွယ်မေးမြန်းရာ တာဝန်ကျဝန်ထမ်းက ပြန်လည်ဖြေဆိုခြင်း မရှိပါ။

တရားပွဲများ ကျင်းပနိုင်ရန်အတွက် တရားပွဲ အကျိုးဆောင်များအနေဖြင့် သက်ဆိုင်ရာ ရပ်ကွက်၊ မြို့နယ်၊ ခရိုင် သံဃနာယကအထိ ခွင့်ပြုချက်လျှောက်လွှာ တင်ရသလို၊ နိုင်ငံရေးများ ထည့်သွင်းမပြောပါဟူသော ၀န်ခံလက်မှတ် ရေးထိုးရသည်။

ယုဇနပလာဇာ မီးလောင်

မြင့်မောင်
တနင်္လာနေ့၊ ဒီဇင်ဘာလ 15 2008


နယူးဒေလီ။ ။ ရန်ကုန်ရှိ နာမည်ကျော် ယုဇနပလာဇာ ဆူပါမားကက်ကြီးတွင် ယမန်နေ့က မီးလောင်သဖြင့် မြေညီထပ်ရှိ တီအာရ်အိုင် ဖက်ရှင်ဆိုင် အပါအ၀င် အနည်းဆုံး ဆိုင်ခန်း ၄ ခန်း လောင်ကျွမ်းခဲ့သည်ဟု မျက်မြင်များနှင့် မီးသတ်တပ်ဖွဲ့က ပြောသည်။

မျက်မြင်သက်သေတဦး အဆိုအရ မင်္ဂလာတောင်ညွန့်မြို့နယ် ယုဇနပလာဇာ မြေညီထပ်တွင် ည ၆ နာရီခွဲကျော်က ထင်ရှားသည့် တီအာရ်အိုင် ဖက်ရှင်ဆိုင်မှ စတင်ကာ မီးလောင်ခဲ့ပြီး အခြား ဆိုင်ခန်း ၃ ခန်းပါ လောင်ကျွမ်းခဲ့သည်ဟု သိရသည်။

ရန်ကုန် ဗဟိုမီးသတ်တပ်ဖွဲ့က ယခု မီးလောင်မှုကို အတည်ပြုခဲ့ပြီး မီးသတ်ကား ၃၀ ခန့်က မီးငြိမ်းသတ်နိုင်သည်ဟု ပြောဆိုသော်လည်း အသေးစိတ်ပြောဆိုရန် ငြင်းဆိုခဲ့သည်။

''ဟုတ်ပါတယ်။ အဲဒီ (ယုဇနပလာဇာ) မှာ မီးလောင်ခဲ့တယ်ဗျ။ ဒါပေမဲ့ ကျနော် ဒီ့ထက်တော့ ပိုမပြောနိုင်ပါဘူး'' ဟု မီးသတ်အရာရှိတဦးက မဇ္ဈိမကို ပြောသည်။

သို့သော်လည်း မျက်မြင်သက်သေများကမူ ချည်ထည်နှင့် အ၀တ်အထည်များ အဓိက ရောင်းချသည့် တီအာရ်အိုင် ဖက်ရှင်ဆိုင်အတွင်း လျှပ်စစ်ဝါယာရှော့ခ်ဖြစ်ကာ အခြား ဆိုင်ခန်း ၃ ခန်းသို့ ကူးဆက်လောင်ကျွမ်းခဲ့သည်ဟု ဆိုသည်။

လူများ ထိခိုက်ဒဏ်ရာရရှိမှု မရှိဘဲ မီးလောင်ဆိုင်ခန်းများကိုမူ ပိတ်ထားကြောင်းနှင့် ဆိုင်ခန်းမည်မျှ လောင်ကျွမ်းဆုံးရှုံးရသည်ကို ချက်ချင်း မသိခဲ့ရကြောင်း သက်သေတဦးက ပြောသည်။

ပြီးခဲ့သည့် ကြာသပတေးနေ့က မင်္ဂလာတောင်ညွန့်မြို့နယ်ရှိ မင်္ဂလာပလာဇာနှင့် နီးကပ်သည့် အိမ်ခန်းတခန်းတွင် မီးလောင်သဖြင့် အမျိုးသားတဦးနှင့် အမျိုးသမီးတဦး သေဆုံးခဲ့သည်။

သူတို့နှစ်ဦးသည် မီးလောင်မှု စတင်ချိန်က အခန်းထဲတွင် ရှိနေခဲ့သည်။ မီးသတ်က မီးငြိမ်းနိုင်ခြင်း မရှိခင် အမျိုးသမီးမှာ မီးခိုးများဖြင့် အသက်ရှူမွန်းကျပ်နေခဲ့ပြီး၊ အမျိုးသားမှာမူ လွတ်မြောက်ရေးအတွက် မြေပြင်ပေါ်သို့ ခုန်ချရာမှ ထိခိုက်မှုဖြစ်ပွားခဲ့ကာ နှစ်ဦးစလုံးမှာ ဆေးရုံရောက်ပြီးနောက် သေဆုံးခဲ့သည်။

အခြား ရန်ကုန်ဒေသခံတဦးက မြန်မာပြည်တွင် ယခုရက်ပိုင်းတွင် ပိုများလာသည်ဟု ဆိုသည်။

ရန်ကုန်တိုင်းရှိ မြို့နယ်အများအပြားမှာ တရက်လျှင် ၆ နာရီသာ အလှည့်ကျစနစ်ဖြင့် လျှပ်စစ်မီးရရှိပြီး လူအများက လျှပ်စစ်မီးခလုတ်ကို ပြန်ပိတ်ထားရန် မေ့လျော့ရာမှ မကြာခဏ ၀ါယာရှော့ခ်ဖြစ်ပွားသည်ဟု သူက ပြောသည်။

ယုဇန ပလာဇာ မီးလောင်မှုတွင် တီအာရ်အိုင် ဖက်ရှင်ဆိုင်အတွင်းရှိ လျှပ်စစ်မီးခလုတ်ခုံမှ စတင်လောင်ခဲ့ခြင်းဖြစ်ပြီး ဆိုင်ရှင်များက ဆိုင်ပိတ်စဉ်က မီးခလုတ်ပိတ်ရန် မေ့လျော့ခဲ့ကြောင်းနှင့် ထိုစဉ်က လျှပ်စစ်မီးမလာခဲ့ကြောင်း သူက ပြောသည်။

လျှပ်စစ်မီး ရရှိရန် လည်ပတ်သည့် တာဘိုင်စက်များတွင် ဂက်စ်အား မပြည့်မီသဖြင့် လျှပ်စစ်မီး မဖြန့်ဝေနိုင်ခဲ့ကြောင်းနှင့် မြို့နယ်အများအပြားသို့ အလှည့်ကျ ခွဲတမ်းစနစ်ဖြင့် ပေးဝေခြင်းသာဖြစ်ကြောင်း ရန်ကုန် လျှပ်စစ်ဌာနမှ အရာရှိတဦးက အစောပိုင်းက မဇ္ဈိမကို ပြောဆိုခဲ့သည်။

ရန်ကုန်မှာ ခွဲတန်းစနစ်နဲ့ လျှပ်စစ်မီး ပြန်ရပြီ

မြင့်မောင်
ဗုဒ္ဓဟူးနေ့၊ ဒီဇင်ဘာလ 10 2008


နယူးဒေလီ။ ။ ရန်ကုန်တွင် ရက်သတ္တတပတ်ခန့် လျှပ်စစ်မီး ပြတ်တောက်သွားရာမှ ယမန်နေ့က စတင်ကာ ပြန်ရလာသည်။

လျှပ်စစ်မီးဖြန့်ဝေသည့် စက်များကို မောင်းနှင်ရာ၌ လိုအပ်သည့်ဂက်စ်များ နည်းပါးနေသဖြင့် မြို့နယ်အများစုကို လွန်ခဲ့သည့် တပတ်ခန့်က လျှပ်စစ်မီးပေးဝေမှု လုံးဝရပ်ဆိုင်းခဲ့ရာမှ ယမန်နေ့က ပြန်ပေးနိုင်ခြင်း ဖြစ်သည်။

မြို့နယ်များကို ယခင်ကလို ၆ နာရီခြားတခါ လျှပ်စစ်မီး ပြန်ပေးနိုင်ပုံကို ရန်ကုန်တိုင်း သာကေတမြို့ရှိ လျှပ်စစ်ဓာတ်အားပေးစက်ရုံ၊ တိုင်တန်းရေးဌာနမှ တာဝန်ကျ ၀န်ထမ်းတဦးက မဇ္ဈိမကို ယခုလို ပြောသည်။

သူက “အလှည့်ကျစနစ်နဲ့ (ယမန်နေ့) မနက် ၆ နာရီက စပေးတယ်။ ၆ နာရီခြားတခါ ပေးတယ်။ မြို့နယ်တိုင်းမှာ ခွဲတန်းစနစ်တွေ ရှိတယ်။ အလှည့်ကျ ပြန်ပေးနေပြီ” ဟု ပြောသည်။

စမ်းချောင်းမြို့မှ အိမ်ရှင်မတဦးက “ကျမတို့ဆီလည်း မီး လာပါတယ်။ အလှည့်ကျ သဘောမျိုးပေါ့။ မနက် ၆ နာရီလာရင် ညနေကနေ စပျက်တယ်။ ဟိုရက်ပိုင်းတွေက လုံးဝ မလာဘူး။ မနေ့မနက်က စလာတယ်” ဟု ပြောသည်။

လျှပ်စစ်မီး ပြတ်တောက်ခဲ့စဉ်က အင်တာနက်ဆိုင်၊ စာရိုက်စာစီ၊ မိတ္တူကူးလုပ်ငန်းနှင့် ရုံးလုပ်ငန်း အများစုတွင် ဒီဇယ်၊ ဓာတ်ဆီသုံး မီးစက်များ သုံးစွဲခဲ့ရသဖြင့် ကျသင့်ငွေမှာ ပုံမှန်ထက် ဈေးတက်ခဲ့သည်။

ရန်ကင်းရှိ အင်တာနက်ဆိုင်မှ အမျိုးသမီးက “မီး ပြန်လာပြီလေ။ ကျမတို့ဆိုင်ကတော့ မီး လာလာ၊ မလာလာ ပုံမှန်ဈေးပါပဲ။ တချို့ဆိုင်တွေက မီးစက်မောင်းရရင် တိုးတောင်းတယ်။ မနက်ပိုင်း လာရင် ညနေပိုင်းမှာတော့ မလာဘူး။ အလုပ်လုပ်ရတာ တော်တော်လေးကို အခက်အခဲတွေ ရှိတယ်” ဟု ပြောသည်။

တာမွေမြို့မှ ဒေသခံတဦးကလည်း “မီးပျက်ရင်တော့ ရေ အခက်အခဲ ရှိတယ်။ မီးလာတဲ့ အခါကျရင် နည်းနည်း ဂရုစိုက်ပြီးတော့ တင်ထားရတာ ရှိတယ်။ မီးပျက်တဲ့အခါ ရေကို အောက်မှာ ဆင်းခပ်ရတယ်။ မီးလာတဲ့အချိန်ကို စောင့်ပြီး တင်ရတယ်။ ညမှဆိုရင်တော့ အိပ်ရေးပျက်အောင် စောင့်ရတာပေါ့” ဟု ပြောသည်။

သူက ဆက်ပြီး “အိမ်က မီးစက်ရှိတော့ တော်သေးတာပေါ့။ အရင်တုန်းက ကိုယ့်မီးစက်လေးက နိုင်တာပေါ့။ အခု မီးစက်ကလည်း ခိုင်းတာကြာတော့ ကျနေတဲ့အတွက် မနိုင်ဘူး ဖြစ်နေတယ်” ဟု ပြောသည်။

ရန်ကုန်တိုင်းတွင် လျှပ်စစ်ဓာတ်အား လိုအပ်ချက်သည် တနာရီလျှင် မဂ္ဂါဝပ် ၉၆ဝဝ ဖြစ်သော်လည်း ဖြန့်ဖြူးသည့်အခါ မဂ္ဂါဝပ် ၆၆ဝဝ သာ ရှိကြောင်း ရန်ကုန်တိုင်း လျှပ်စစ်ဓာတ်အားပေးဌာန စာရင်းက ဆိုသည်။

အမှောင်ကျနေပြန်တဲ့ ရန်ကုန်မှာ

မြင့်မောင်
တနင်္လာနေ့၊ ဒီဇင်ဘာလ 08 2008


နယူးဒေလီ။ ။ ရန်ကုန်တိုင်း မြို့နယ် အများအပြားတွင် လွန်ခဲ့သည့် ၅ ရက်ခန့်မှ စတင်ကာ လျှပ်စစ်မီး ပြတ်တောက်နေသည်။

ယခင်က ၆ နာရီခြား တခါဆိုသလို အလှည့်ကျစနစ်ဖြင့် ပုံမှန်ပေးဝေလာရာမှ ယခုအခါ လုံးဝ ပြတ်တောက်နေခြင်း ဖြစ်သည်။

"မီးကတော့ မလာဘူး။ ၆ ရက်နီးပါး လောက်ရှိပြီ။ တပတ်ကျော် နှစ်ပတ်နီးပါး ၁၅ ရက်လောက်တုန်းက ၁၀ မိနစ်လောက် လာလိုက်၊ ပျက်လိုက်ပေါ့။ ပုံမုန်ဆို ညဘက်မှာ မီးလာတာ များတယ်။ အခု ညဘက်လည်း မီး မလာဘူး။ မီးမလာရင် စိတ်ပျက်တယ်။ မီးလာတဲ့နေ့မှာ ပျော်တယ်" ဟု ဒဂုံမြို့သစ်မှ ကိုပေါက်က မဇ္ဈိမကို ပြောသည်။

သူက " ရန်ကုန်တိုင်း တတိုင်းလုံး ပျက်နေတယ်။ သူ့တို့ ၀န်ထမ်းအိမ်ရာ၊ မြို့လယ်က မီးပွိုင့်၊ ရဲစခန်းတွေပါ အကုန်ပျက်နေတယ်။ လာရင်လည်း ၁၀ မိနစ်ဆို ပြန်ပြတ်သွားတယ် " ဟု ဆက်ပြောသည်။

မည်သည့်အတွက်ကြောင့် မီးပျက်များရသည်ကို အာဏာပိုင်များက ရှင်းရှင်းလင်းလင်း သတင်းထုတ်ပြန်ခြင်း မပြုဘဲထားသည်။

"ပြီးခဲ့တဲ့လထဲမှာ ရက်ကြာကြာပျက်တုန်းက ရန်ကုန်ကိုလာတဲ့ သဘာဝ ဓာတ်ငွေ့ပိုက်လိုင်း ပေါက်နေလို့ ပြင်နေရတဲ့အတွက် အလုံနဲ့သာကေတက သဘာဝဓာတ်ငွေ့နဲ့မောင်းတဲ့ ဓာတ်အားပေးစက်တွေ မလည်နိုင်လို့ ရှိတဲ့ဓာတ်အားကိုဘဲ ခွဲပေးရမှာမို့ မီးတွေပျက်မယ်ဆိုပြီး စီးတီးအက်ဖ်အမ် ရေဒီယိုက ကြေငြာပေးသေးတယ် ခုတခေါက်က ဘာမှ သတင်းမထုတ်ပြန်ဘူး"ဟု ကျောက်တံတားမြို့နယ်မှ ပုံနှိပ်စက် လုပ်ငန်းရှင်တစ်ဦးက ပြောပြသည်။

လျှပ်စစ်မီး မလာတော့သဖြင့် ကွန်ပျူတာအင်တာနက်ဆိုင်၊ စာရိုက်စာစီလုပ်ငန်း၊ မိတ္တူကူးစက်နှင့် အခြား ရုံးလုပ်ငန်းများတွင် ဒီဇယ်၊ ဓာတ်ဆီဖြင့် မီးစက်များ သုံးစွဲနေရသောကြောင့် ကျသင့်ငွေမှာ ပုံမှန်ဈေးထက် မြင့်တက်နေသည်။

သာကေတမြို့နယ်ရှိ လျှပ်စစ်ဓာတ်အားခွဲစက်ရုံမှ တာဝန်ကျ အင်ဂျင်နီယာတဦးက လျှပ်စစ်ဓာတ်အားများ ဖြန့်ဝေသည့် စက်များ လည်ပတ်ရန်အတွက် ဂက်(စ်)များ နည်းနေသဖြင့် ပြန်လည် လည်ပတ်နိုင်ခြင်း မရှိသေးကြောင်း ပြောသည်။

သူက "သာကေတ က စက်တွေ မလည်နိုင်သေးလို့ ပျက်နေတာပါ။ ဂက်(စ်) ဖိအား မပြည့်တဲ့အတွက် ဓာတ်အားတွေက အပြည့်မပေးနိုင်ဘဲ ပိတ်ပိတ်နေရပါတယ်။ အဲဒီလို အခက်အခဲတွေ ကြုံနေရပါတယ်" ဟု ပြောသည်။

လိုအပ်သည့် ဂက်စ်ဖိအား မဖြည့်မီတဲ့အတွက် စက်များ မလည်ပတ်နိုင်သဖြင့် ဓာတ်အားကို အပြည့်အ၀ မပေးနိုင်သောကြောင့် ဂက်စ်အား ပြည့်ဝသည့် စက်ကိုဖွင့်ကာ တလှည့်စီ ပွင့်လိုက်၊ ပိတ်လိုက် လုပ်နေရကြောင်း အဆိုပါ အင်ဂျင်နီယာက ပြောဆိုသော်လည်း အသေးစိတ် အခြေအနေကို ပြောဆိုခဲ့ခြင်း မရှိပါ။

ရန်ကုန်ရှိ သတင်းထောက်တဦးက " မီးတွေသာ မှန်အောင်မပေးနိုင်တာ သတင်းစာတွေထဲတော့ တာဝါတိုင်တွေ ထောင်ကြိုးတွေ ဆွဲနေတာတွေ၊ ရေအားလျှပ်စစ်စက်ရုံတွေ ၀န်ကြီးသွားကြည့်တာတွေတော့ တွေ့နေရတာပဲ။" ဟု ပြောသည်။

"စက်မှုဇုန် ရပ်ကွက်တွေမှာတော့ မီးက လာတယ်၊ ပုံမှန်တော့ မဟုတ်ဘူး။ မနက် ၇ နာရီ ကနေ ညနေ ၅ နာရီအထိ မီးရတယ်။ နေ့လယ် ၁၂ နာရီကနေ ၁ နာရီခွဲအထိ ပုံမှန်ပျက်တယ်။ အဲဒီအချိန်မှာ ထမင်းစားကြရတယ်။ ကျနော်တို့ စက်ရုံကတော့ မီးစက်ကို မသုံးတော့ဘူး” ဟု ဒဂုံတောင်ပိုင်း စက်မှုဇုန်ရှိ အထည်ချုပ်စက်ရုံက ၀န်ထမ်းတဦးက ပြောသည်။

မိနစ်ပိုင်းခန့်သာ လျှပ်စစ်မီးလာသည့် နေရာများတွင် လူနေအိမ်များအတွက် သောက်သုံးရေများပါ အခက်အခဲ ဖြစ်လာကာ၊ မီးလာသည့် အခိုက်တွင် အလုအယက် ရေတင် မော်တာစက် မောင်းနေကြရသည်။

ရန်ကုန်တိုင်းအတွင်း လျှပ်စစ်ဓာတ်အား လိုအပ်ချက်သည် တနာရီလျှင် ၉၆ဝဝ မဂ္ဂါဝပ် ဖြစ်သော်လည်း အမှန်တကယ် ဖြန့်ဖြူးသည့်အခါ မဂ္ဂါဝပ် ၆၆ဝဝ သာ ရှိကြောင်း ရန်ကုန် လျှပ်စစ်ဓာတ်အားပေးရေးအဖွဲ့ စာရင်းအရ သိရသည်။

၈၈ ကျောင်းသားခေါင်းဆောင်များ ထောင်ပြောင်းသော်လည်း ရှာမတွေ့

မြင့်မောင်
သောကြာနေ့၊ ဒီဇင်ဘာလ 05 2008

နယူးဒေလီ။ ။ ၈၈ မျိုးဆက် ကျောင်းသားခေါင်းဆောင် နှစ်ဦးကို ဝေးလံသည့် ထောင်များသို့ ပြောင်းရွှေ့လိုက်ပြီဟု သိရပြီးနောက် မိသားစုဝင်များက လိုက်လံစုံစမ်းရာတွင် အဆိုပါ ထောင်များ၌ မရောက်သေးဘဲ ဖြစ်နေသည်။

ထောင်ဒဏ် ၆၅ နှစ် ကျခံရသူ ကျောင်းသားခေါင်းဆောင် ကိုကိုကြီးအား ပြီးခဲ့သည့်လ ၁၆ ရက်နေ့က ရှမ်းပြည်နယ် ကျိုင်းတုံထောင်သို့ ပြောင်းရွှေ့ခဲ့ကြောင်း သိရသော်လည်း ယနေ့ထိ အဆိုပါ ထောင်သို့ မရောက်သေးသည့်အတွက် မိသားစုက သွားရောက်တွေ့ဆုံရန် အခက်အခဲရှိနေသည်။

“အခု မိုင်းဆတ်လို့ ပြောတယ်။ သေချာလား၊ မသေချာလား သွားကြည့်ရမှပဲ။ ဘယ်ရောက်နေမှန်း မသိရသေးဘူး။ လေယာဉ်လက်မှတ်ဖိုး ဆုံးရင် ဆုံးပါစေ သွားရမယ်လို့ သူ့ညီက ပြောတယ်။ အခု လေယာဉ် လက်မှတ် စုံစမ်းနေတယ်။ လက်မှတ် မရသေးဘူး။ လေယာဉ်စရိတ်က ကျိုင်းတုံအထိကို ၁ သိန်း ၂ သောင်း ရှိတယ်” ဟု မိသားစုနှင့် နီးစပ်သူက ပြောသည်။

၈၈ ကျောင်းသားခေါင်းဆောင် ကိုမင်းကိုနိုင်အား မည်သည့်ထောင်သို့ ပြောင်းထားသည်ကို သိရှိရန်အတွက် မိသားစုနှင့် လေ့လာသူများက အင်းစိန်ထောင် အကျဉ်းဦးစီးသို့ မေးမြန်းသော်လည်း ဖြေဆိုရန် ငြင်းဆိုခဲ့သည်ဟု သိရသည်။

“ကျန်တဲ့ မိသားစုတွေကလည်း သွားပြီးတော့ မေးမြန်းတဲ့အခါမှာ တိတိကျကျ မဖြေဘူး။ ထောင်ထဲမှာ ရှိနေတာတောင်မှ 'မင်းတို့ ဘယ်သူက ပြောတာလဲ၊ ဒီထောင်မှာရှိတာ သေချာလား' ဆိုတဲ့ ကိစ္စမျိုးတွေ၊ ပြန်ပြီးတော့ ငေါက်တဲ့ အခြေအနေမျိုးတွေ ကြုံနေရပါတယ်” ဟု ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) - AAPP မှ အထွေထွေ အတွင်းရေးမှူး ကိုတိတ်နိုင်က ပြောသည်၊

ထောင်ပြောင်းသည့်အခါ မိသားစုဝင်များအား အာဏာပိုင်များက အသိမပေးခြင်းသည် မိသားစုများကို ဒုက္ခဖြစ်စေရန် ရည်ရွယ်သည်ဟု သူက ဆက်ပြောသည်။

တောင်ငူထောင်သို့ ပြောင်းရွှေ့ခံရသူ ACID ဟစ်ဟော့တေးဂီတအဖွဲ့မှ ကိုအောင်ဇေဖြိုးနှင့် ဆွေမျိုးတဦးကလည်း “သူ့မိသားစုဝင် သွားမေးမှ ထောင်က ပြောလိုက်တာပါ။ တောင်ငူထောင်မှာဆိုတော့ သူ့မိသားစုတွေက နီးတော့ မနက်ဖြန် လိုက်သွားမယ်လို့ ပြောတယ်။ တောင်ငူထောင်ကို ရောက်မရောက် ဖုန်းဆက်စုံစမ်းတော့ 'အဲဒီကိစ္စကို မမေးပါနဲ့' လို့ ထောင်အာဏာပိုင်တွေက ငြင်းဆိုတယ်။ သူ့မိသားတွေကတော့ တော်တော်ကို ခံစားနေရတယ်” ဟု ပြောသည်။

ဟာသသရုပ်ဆောင် ကိုဇာဂနာနှင့် တက်ကြွလှုပ်ရှားသူ ၆ ဦးအား ယမန်နေ့က ထောင်ပြောင်းသည့်ကိစ္စနှင့် ပတ်သက်၍ အကျဉ်းဦးစီးဌာနသို့ မဇ္ဈိမက ဆက်သွယ်မေးမြန်းရာတွင်လည်း တာဝန်ရှိသူက ဖြေဆိုရန် ငြင်းဆိုခဲ့သည်။

အမျိုးသား ဒီမိုကရေစီအဖွဲ့ချုပ်မှ ပြောခွင့်ရပုဂ္ဂိုလ် ဦးဥာဏ်ဝင်းက “ကျနော်တို့ အမြင်ကတော့ သူတို့ အပြစ်ရှိတယ်လို့ ယူဆပြီးတော့ ပြစ်ဒဏ်ချမှတ်ပြီးပြီဆိုရင် ပြစ်ဒဏ်ကျတဲ့ လူတွေ ထောင်ပြောင်းရင် မိသားစုကို အသိပေးသင့်တယ်။ ပြစ်ဒဏ်သဘောမျိုးလို လျှို့ဝှက်ထားတာ မသင့်တော်ဘူးလို့ ထင်တယ်။ ထောင်ကျပြီးတော့ အဝေးကို ပို့တာက အပြစ်ဒဏ်ကို နှစ်ခါချနေတယ်လို့ ပြောချင်တယ်” ဟု ပြောသည်။

ဝေးလံခေါင်ဖျားဒေသများရှိ ထောင်များသို့ ရောက်ရှိနေသော ပါတီဝင်များနှင့် ဒီမိုကရေစီအင်အားစုများအား ထောင်ဝင်စာ လာတွေ့သည့် မိသားစုဝင်များကို ကူညီပေးရန်အတွက် အန်အယ်ဒီဗဟိုက ပြည်နယ်နှင့် တိုင်း စည်းရုံးရေးအဖွဲ့များသို့ ယမန်နေ့က အကြောင်းကြားစာ ပေးပို့ခဲ့သည်။

ပြည်နယ်၊ တိုင်းနှင့် မြို့နယ် စည်းရုံးရေး အဖွဲ့များက စေတနာမေတ္တာအား၊ စိတ်ဓာတ်ရေးရာအား၊ ငွေအား၊ ပစ္စည်းအားတို့ဖြင့် ၀ိုင်းဝန်းကူညီပံပိုး ပေးကြရန် ပြောဆိုလိုက်သည်။

လွန်ခဲ့သည့် တလအတွင်း ထောင်ပြောင်းရွှေ့ခံရသည့် နိုင်ငံရေးအကျဉ်းသားမှာ ၂၀၀ ခန့်ရှိပြီဟု AAPP က ဆိုသည်။

ဒေါ်အောင်ဆန်းစုကြည် နေအိမ်အနီး လုံခြုံရေး တိုးမြှင့်

မြင့်မောင်
ဗုဒ္ဓဟူးနေ့၊ နိုဝင်ဘာလ 26 2008


နယူးဒေလီ။ ။ လူငယ်များက နအဖအကြီးအကဲ ဗိုလ်ချုပ်မှူးကြီး သန်းရွှေထံ နေအိမ် အကျယ်ချုပ် ကျခံနေရသော ဒေါ်အောင်ဆန်းစုကြည်ကို သွားရောက်ဂါရ၀ပြုခွင့် ပေးပါရန် တောင်းဆိုခဲ့ပြီးနောက် အာဏာပိုင်များက လုံခြုံရေး ပိုမိုတိုးမြှင့်ကာ တုံ့ပြန်လိုက်သည်။

နိုဘယ်လ် ငြိမ်းချမ်းရေးဆုရှင်၏ နေအိမ်ပတ်ဝန်းကျင်နှင့် ဗဟန်းမြို့နယ် ရွှေဂုံတိုင်ရှိ အမျိုးသား ဒီမိုကရေစီအဖွဲ့ချုပ်ရုံး ရှေ့တွင် လုံခြုံရေးတပ်ဖွဲ့များ သိသိသာသာ များပြားလာနေသည်ဟု အတိုက်အခံ ပါတီဝင်များက ပြောကြားကြသည်။

"ကျနော်တို့က ဥပဒေ ဘောင်အတွင်းကနေပြီးတော့ ငြိမ်းချမ်းစွာ အခုလို ဂါရ၀တရားနဲ့ တောင်းဆိုတာပါ။ မနေ့က ၂၅ ရက်နေ့အထိ ကျနော်တို့ လူငယ်တွေ ခွင့်ပြုအမိန့်ကို စောင့်နေဆဲပါ။ ဒါပေမဲ့ ခွင့်ပြုချက် မပေးဘဲ ရုံးနဲ့ အနီးတ၀ိုက်မှာ လုံခြုံရေးတွေ၊ ကြံ့ခိုင်ဖွံ့ဖြိုးရေးတွေနဲ့ စွမ်းအားရှင်တွေ အပြည့်ရောက်နေတယ်" ဟု ဒဂုံမြို့နယ် အဖွဲ့ချုပ်လူငယ်က မဇ္ဈိမကို ပြောသည်။

ဒေါ်အောင်ဆန်းစုကြည် နေအိမ်ရှိရာ တက္ကသိုလ်ရိပ်သာ လမ်းတလျှောက်နှင့် ရွှေဂုံတိုင်လမ်း၊ အဖွဲ့ချုပ်ရုံးရှေ့ရှိ ကျောက်ဆည်ဓမ္မာရုံတို့တွင် ရဲများအပြင် အစိုးရ ခါးပိုက်ဆောင်တပ်များပါ တွေ့ကြရသည်။

အမျိုးသား ဒီမိုကရေစီအဖွဲ့ချုပ်ဝင် အများစုပါဝင်သော လူငယ် ၅၀ ခန့်က ဗိုလ်ချုပ်မှူးကြီး သန်းရွှေထံ မြန်မာလူမျိုးတို့၏ ဓလေ့ထုံးစံအတိုင်း အသက် ၆၃ နှစ်အရွယ် အတိုက်အခံခေါင်းဆောင်ကို ဂါရ၀ပြုခွင့်ရရေး ခွင့်ပြုပါရန် မေတ္တာရပ်ခံထားသည်မှာ သီတင်းပတ် တပတ်ကြာမြင့်ပြီ ဖြစ်သော်လည်း အာဏာပိုင်များဘက်က ထုံးစံအတိုင်း မသိကျိုးကျွန်ပြုထားသည်။

လူထုခေါင်းဆောင်အား ဂါရ၀ပြုရန် လိုက်ပါလိုသူများ အဖွဲ့ချုပ်လူငယ် ခေါင်းဆောင်များဖြစ်သည့် မထက်ထက်ဦးဝေ (ရွှေပြည်သာမြို့နယ်)၊ ကိုဝင်းမြင့်မောင် (ခရမ်းမြို့)၊ ကိုအောင်မျိုးလွင် (ရွှေပြည်သာမြို့နယ်) တို့ထံ ဆက်သွယ်နိုင်ကြောင်း ကြေညာထားသည်ဟု ပါတီဝင်များနှင့် နီးစပ်သူ ရန်ကုန်မြို့ခံ ကိုပေါက်က မဇ္ဈိမကို ပြောပြသည်။

"သွားမယ်ဆိုရင် သူ့တို့နောက်မှာ လိုက်ပါမယ့် လူ ၄၀ နီးပါး ရှိတယ်။ သူတို့အနေနဲ့ ဥပဒေဘောင်အတွင်းက လုပ်သွားမှာဖြစ်တယ်" ဟု ကိုပေါက်က ပြောသည်။

ဒီပဲယင်း တိုက်ခိုက်မှုဖြစ်ပွားခဲ့ပြီးနောက် စစ်အစိုးရက နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်အား တရားစွဲဆိုခြင်းမပြုဘဲ နေအိမ်အကျယ်ချုပ် ချုပ်နှောင်ထားခဲ့သည်မှာ ပြီးခဲ့သည့် မေလ ၂၇ ရက်နေ့တွင် ၅ နှစ်ပြည့်မြောက်ခဲ့သော်လည်း လွှတ်မပေးဘဲ ဆက်လက် ချုပ်နှောင်ထားခဲ့သည်။ မနက်ဖြန် နိုဝင်ဘာလ ၂၇ နေ့တွင် ထပ်တိုးချုပ်နှောင်ထားမှု ၆ လ တင်းတင်း ပြည့်မြောက်ပြီ ဖြစ်သည်။

ဒေါ်အောင်ဆန်းစုကြည်သည် ကုန်လွန်ခဲ့သည့် ၁၉ နှစ်တာကာလအတွင်း ၁၃ နှစ်ကျော်ကာလကို ရန်ကုန်မြို့ရှိ သူမနေအိမ်တွင် အကျယ်ချုပ်ဖြင့် နေထိုင်ဖြတ်သန်းခဲ့ရသည်။

ဝေးလံခေါင်ဖျား ထောင်များသို့ ပို့ဆောင်ခြင်းကြောင့် မိသားစုအား အခက်တွေ့

မြင့်မောင်
သောကြာနေ့၊ နိုဝင်ဘာလ 21 2008


နယူးဒေလီ။ ။ နိုင်ငံရေး တက်ကြွလှုပ်ရှားသူများအား ဝေးလံခေါင်ဖျား ဒေသများရှိ ထောင်များသို့ အာဏာပိုင်များက ပြောင်းရွှေ့လိုက်သဖြင့် မိသားစုဝင်များအနေဖြင့် အခက်အခဲများ ကြုံတွေ့ရတော့မည်။

မြန်မာစစ်အစိုးရက ၈၈ မျိုးဆက် ကျောင်းသားခေါင်းဆောင်များ၊ လူ့အခွင့်အရေး လှုပ်ရှားသူများနှင့် အမျိုးသား ဒီမိုကရေစီအဖွဲ့ချုပ်ဝင်များအား ယခုလ ဒုတိယပတ်အတွင်းမှ စတင်ကာ နှစ်ရှည်ထောင်ဒဏ်များ ချမှတ်ပြီး၊ ယခုရက်ပိုင်းအတွင်း ဝေးလံခေါင်ဖျားဒေသရှိ အကျဉ်းထောင်များသို့ ပြောင်းရွှေ့လိုက်သည့်အတွက် အခက်အခဲဖြစ်ရကြောင်း မိသားစုဝင်များက ပြောဆိုခြင်းဖြစ်သည်။

မြန်မာပြည်မြောက်ပိုင်း ကချင်ပြည်နယ် ဗန်းမော်ထောင်ရောက် ၈၈ မျိုးဆက်ကျောင်းသားခေါင်းဆောင် ကိုပဏ္ဍိတ်ထွန်း၏ မိခင်က "ဘယ်လို သွားရမယ်ဆိုတာကို မသိလို့ မြန်မာပြည်မြေပုံကို ကြည့်နေရတယ်။ ဘယ်လို သွားရမယ်ဆိုတာတောင် မသိသေးဘူး။ ဝေးလံတဲ့ ဒေသတွေကို အပြစ်မရှိတဲ့ လူတွေ ချုပ်ထားတဲ့အပြင် အပြစ်မဲ့တဲ့ မိသားစုကို ဒုက္ခ ရောက်အောင် လုပ်တာနဲ့ အတူတူပဲ" ဟု ပြောသည်။

သူက "လမ်းစရိတ်ကြီးပဲ ၁ သိန်းခွဲလောက် ကုန်မယ်။ တခေါက်ကို အနည်းဆုံး ၃ သိန်းလောက် ကုန်မယ်။ ရေရှည် ခံနိုင်မှု ရှိ၊ မရှိ၊ မိမိအနေနဲ့ ငွေကြေး ဖူလုံမှု ရှိ၊ မရှိကို အကုန်လုံး တွက်ချက်လုပ်ရမယ်" ဟု ဆက်ပြောသည်။

၈၈ မျိုးဆက် ကျောင်းသားခေါင်းဆောင် ကိုကိုကြီးအား ရှမ်းပြည်နယ် ကျိုင်းတုံထောင်သို့ ပို့ဆောင်လိုက်သည်ဟု သတင်းကြားသော်လည်း ယခုအချိန်ထိ ကျိုင်းတုံအကျဉ်းစခန်းသို့ မရောက်ရှိသေးကြောင်း ညီဖြစ်သူ ကိုအောင်အောင်ထွန်းက ပြောသည်။

သူက "ကျိုင်းတုံထောင်ကို ပို့လိုက်တယ်လို့ ပြောတယ်၊ ကျိုင်းတုံကို လှမ်းစုံစမ်းတော့ မရောက်သေးဘူးတဲ့။ အခု ဘယ်ရောက်နေလဲတော့ မသိဘူး။ အခက်အခဲတွေ အများကြီး ရှိတယ်။ မြန်မာပြည်မြေပုံကို ကြည့်မယ်ဆိုရင် ဟိုဘက်ထိပ် ဒီဘက်ထိပ်ပေါ့။ တော်တော်ကို ဝေးတယ်။ သူ ဘယ်နေရာ ရောက်ရောက် သွားတွေ့ရမှာပဲ" ဟု ပြောသည်။

အဆိုပါ ကိစ္စနှင့်ပတ်သက်၍ အမျိုးသားဒီမိုကရေစီ အဖွဲ့ချုပ် ဗဟိုကော်မတီက ယမန်နေ့က ကြေညာချက်တရပ် ထုတ်ပြန်ရာတွင် "ယခုလို ကျောင်းသားခေါင်းဆောင်များအား ပြစ်ဒဏ်ကြီးများ ချမှတ်ခြင်း၊ ၎င်းတို့၏ မိသားစုများနှင့် ဝေလံသော ဒေသများသို့ ထောင်ပြောင်းရွှေ့လိုက်ခြင်းသည် ကျောင်းသားလူငယ် ခေါင်းဆောင်များကို သာမက ၎င်းတို့၏ မိသားစုဝင်များကိုပါ ပြစ်ဒဏ်ပေးသလို ဖြစ်နေသည်" ဟု ရေးသား ဖော်ပြထားသည်။

ပါတီပြောခွင့်ရ ဦးဥာဏ်ဝင်းက "ကျနော်တို့က ဆောင်ရွက်နိုင်စွမ်း မရှိပါဘူး။ အကူအညီ ပေးနိုင်တာက ရောက်သွားတဲ့ နေရာတွေမှာ မိတ်ဆွေ အပေါင်းအသင်းမရှိရင် ကျနော်တို့ ပါတီဝင်တွေက ကူညီတယ်" ဟု ပြောသည်။

ယင်းလုပ်ရပ်သည် ကာယကံရှင်များ၊ မိသားစုများနှင့် ဒီမိုကရေစီလှုပ်ရှားသူများအား စိုးရိမ်စေသည်သာမက လက်ရှိ မြန်မာ့နိုင်ငံရေးအခြေအနေကို ပြေလည်အောင် ညှိုနိုင်းဖြေရှင်းပေးရမည့်အစား ပိုမိုခက်ခဲလာနိုင်စေသော သဘောကိုလည်း ဆောင်နေကြောင်းနှင့် ထိုမျှမက အနာဂတ် မြန်မာ့နိုင်ငံရေးလောက၏ မျိုးဆက်သစ် ခေါင်းဆောင်မှုအား ပိတ်ပင်တားဆီးဟန့်တားသည့် အဓိပ္ပာယ်မျိုးလည်း သက်ရောက်လျက်သည်ဟုလည်း အန်အယ်ဒီ ကြေညာချက်က ဆက်လက်ဖော်ပြထားသည်။

နှစ်ရှည် ထောင်ဒဏ်များချမှတ်ခံထားရသည့် သူများထဲတွင် ၈၈ မျိုးဆက်ကျောင်းသားခေါင်းဆောင် ၃၀ ခန့်၊ အန်အယ်ဒီ အဖွဲ့ဝင် ၆၀ ကျော်နှင့် နိုင်ငံရေးတက်ကြွလှုပ်ရှားသူ ၂၀ ကျော်ရှိကြောင်း ဦးဥာဏ်ဝင်းက ပြောသည်။

ILO တိုင်ကြားသူ ၄ ဦးအပေါ် စစ်တပ်က စွဲဆိုချက်ပြောင်း

မြင့်မောင်
သောကြာနေ့၊ နိုဝင်ဘာလ 21 2008


နယူးဒေလီ။ ။ စစ်တပ်က လယ်ယာမြေသိမ်းသည်ကို ကမ္ဘာ့အလုပ်သမား အဖွဲ့ချုပ်ထံ တိုင်ကြားခဲ့ဖူးသူ နတ်မောက်မြို့နယ်မှ တောင်သူ ၃ ဦးကို အီလက်ထရောနစ် အက်ဥပဒေဖြင့် စစ်တပ်က ပြန်လည် တရားစွဲဆိုလိုက်သည်။

မကွေးတိုင်း နတ်မောက်မြို့နယ်အတွင်းရှိ ကျေးရွာငါးခုမှ ရွာသားများက သူတို့၏ လယ်ယာမြေများကို ဒေသရှိ ပင်မ စစ်လက်နက်တပ်က သိမ်းယူခဲ့သည်ဆိုပြီး အိုင်အယ်လ်အိုခေါ် ကမ္ဘာ့အလုပ်သမား အဖွဲ့ချုပ်သို့ တိုင်ကြားမှုဖြစ်ပွားမှုနှင့် စပ်လျဉ်း၍ နတ်မောက်မြို့နယ် ငရဲကန် ကျေးရွာသားသုံးဦးကို ပင်မလက်နက်တပ်မှ ဗိုလ်ကြီး ဖြိုးဝေလင်းက တရားလိုလုပ်ကာ အီလက်ထရောနစ် အက်ဥပဒေကို ချိုးဖောက်သည်ဟု မြို့နယ်တရားရုံးတွင် စွဲချက်တင်လိုက်သည်။

"အခုတော့ ဒုက္ခတွေ ရောက်တော့တာပေါ့ဗျာ။ အခုတော့ ခြေဦးတည့်ရာ ပြေးနေရတယ်" ဟု အိုင်အယ်လ်အိုသို့ တိုင်ကြားမှုတွင် ပါဝင်ခဲ့သော တောင်သူ ဦးတင့်က မဇ္ဈိမကို ပြောသည်။

နတ်မောက်-မကွေး ရထားလမ်းအနီးရှိ ပင်မ စစ်လက်နက်တပ်က လယ်ဧက ၅ ထောင်ခန့်အား သိမ်းယူခဲ့သည်ဆိုကာ ငရဲကန်၊ ရွာသစ်၊ ညောင်ပေါက်အပါအ၀င် ကျေးရွာ ၅ ရွာမှ ရွာသား ၄၉ ဦးက အိုင်အယ်လ်အို ခေါ် အလုပ်သမား အဖွဲ့ချုပ်ထံသို့ သြဂုတ်လ ၃ ရက်နေ့က တိုင်ကြားခဲ့သည်။

"အီလက်ထရောနစ် အက်ဥပဒေကိုလည်း ကျနော်တို့ နားမလည်ဘူး။ သူတို့ပြောတဲ့ ဗီဒီယိုအက်ဆိုတာက ကျနော်တို့ ကျေးလက်ဒေသမှာ ရုပ်ရှင်မင်းသမီး၊ မင်းသားတွေရဲ့ ဇာတ်လမ်းကို နပ်မှန်အောင် ကြည့်ရတာမှ မဟုတ်တာ။" ဟု ဦးတင့်က ပြောသည်။

အီလက်ထရောနစ်အက်ဥပဒေသည် စစ်အစိုးရက သဘောကွဲလွဲသူ အချို့ကို စွဲဆိုလေ့ရှိသော လက်နက်တခုဖြစ်ပြီး အင်တာနက်ကို အသုံးပြု၍ အာဏာပိုင်များကို ထိခိုက်နစ်နာစေရန် သတင်းအချက်အလက်များ ဖြန့်ဝေသည်ဟု ဆိုသည်။

တရားဆိုင်များသည် သတင်းအချက်အလက်များကို ပြည်ပသတင်းဌာနများသို့ အင်တာနက် အသုံးပြု ပေးပို့ခဲ့သည်ဟုလည်း တရားလိုဖြစ်သူ ဗိုလ်ကြီးဖြိုးဝေလင်းက စွပ်စွဲထားသည်။

ထင်ရှားသော ပြစ်ဒဏ်ချမှုတခုတွင် နိုဝင်ဘာ ၁၀ ရက်နေ့က ဘလော့ဂါတဦးဖြစ်သူ ကိုနေဘုန်းလတ်ကို ထောင်ဒဏ်အနှစ် ၂၀ ပြစ်ဒဏ် ချမှတ်ရာတွင် အီလက်ထရောနစ် အက်ဥပဒေ ချိုးဖောက်သည်ဟုလည်း ပါဝင်ခဲ့သည်။

အောက်တိုဘာ ၂၀ ရက်နေ့တွင် ငရဲကန် ကျေးရွာသားများဖြစ်သည့် ကိုလှစိုး၊ ကိုနေလင်းနှင့် ကိုစိန်စတင်းတို့ကို နတ်မောက်ရဲတပ်ဖွဲ့က ဖမ်းဆီးခဲ့ပြီး နောက်ကိုးရက်အကြာတွင် ကိုဇော်ဌေးဆိုသူအား ထပ်မံ ဖမ်းဆီးလိုက်သည်။

ပင်မလက်နက်တပ်မှ ဗိုလ်ကြီး ဖြိုးဝေလင်းက နိုင်ငံတော် လျှို့ဝှက်ချက်ကို ဖော်ထုတ်မှု - ပုဒ်မ ၃၁ (က)၊ စစ်တပ် အဆောက်အဦအား မှတ်တမ်းတင်သည့်အမှု - ပုဒ်မ ၅၁ (က) နှင့် တရားစွဲဆိုခဲ့သော်လည်း နောက်ပိုင်းတွင် အီလက်ထရောနစ် အက်ဥပဒေ ချိုးဖောက်မှုဖြင့် ပြောင်းလဲ စွဲဆိုခဲ့သည်။

၂၀၀၅ ခုနှစ်မှစ၍ ပင်မစစ်လက်နက်တပ်မှ ကြက်ဆူပင်စိုက်ပျိုးရန် လယ်မြေဧက ၅ ထောင်နီးပါးကို သိမ်းယူသွားခဲ့သည်ဟု တောင်သူများ၏ တိုင်တန်းမှုတွင် ပါရှိသည်။

လွှတ်တော်အမတ် ဒေါက်တာသန်းငြိမ်း အသည်း ခွဲစိတ်ကုသ

မြင့်မောင်
ဗုဒ္ဓဟူးနေ့၊ နိုဝင်ဘာလ 19 2008


နယူးဒေလီ။ ။ ကျောက်တန်းမြို့နယ် ပြည်သူ့လွှတ်တော်အမတ် ဒေါက်တာသန်းငြိမ်းသည် အကျဉ်းထောင်မှ လွတ်မြောက်ပြီး တလခွဲခန့်အကြာ၊ ယခုလ ၁၃ ရက်နေ့က စင်္ကာပူနိုင်ငံတွင် အသည်းခွဲစိတ်ကုသမှု ခံယူခဲ့ရသည်။

ပြီးခဲ့သည့် စက်တင်ဘာလ ၂၃ ရက်နေ့က အသက် ၇၁ နှစ်အရွယ် ဒေါက်တာသန်းငြိမ်းသည် အကျဉ်းထောင်မှ ပြန်လွတ်လာပြီးနောက် ယခုလ ၉ ရက်နေ့က စင်္ကာပူသို့ သွားရောက်ပြီး Singapore General ဆေးရုံ၌ အသည်းခွဲစိတ် ကုသခဲ့ရခြင်း ဖြစ်သည်။

"အသည်းကို အောက်ပိုင်း ဖြတ်ထုတ်လိုက်ရတာပါ။ လောလောဆယ်တော့ ကောင်းပါတယ်။ ဆရာဝန်ကလည်း အားရတယ်လို့ ပြောပါတယ်။ အခု အိမ်မှာပါ။ ဆေးရုံကတော့ ဆင်းပါပြီ" ဟု မိသားစုဝင်တဦးက မဇ္ဈိမကို ပြောသည်။

၂၀၁၀ ခုနှစ် ရွေးကောက်ပွဲအတွက် နိုင်ငံတော်အကျိုးကို ထမ်းဆောင်နိုင်ရန်ဟုဆိုကာ မြန်မာစစ်အစိုးရက ပြီးခဲ့သည့် စက်တင်ဘာလ ၂၃ ရက်နေ့က အကျဉ်းသား ၉၀၀၂ ဦးအား အကျဉ်းထောင်မှ ပြန်လွှတ်ပေးခဲ့ရာ ဒေါက်တာသန်းငြိမ်းလည်း လွတ်မြောက်လာခဲ့သည်။

သူနှင့်အတူ နိုင်ငံရေး အကျဉ်းသားများဖြစ်သည့် သတင်းစာဆရာကြီး ဦးဝင်းတင်၊ အမျိုးသား ဒီမိုကရေစီအဖွဲ့ချုပ် အန်အယ်ဒီ လွှတ်တော်အမတ်များ ဖြစ်သည့် ဒေါက်တာမေ၀င်းမြင့် (မရမ်းကုန်း)၊ ဦးအောင်စိုးမြင့် (တောင်ငူ)၊ ဦးခင်မောင်ဆွေ (စမ်းချောင်း)၊ ဦးအေးသိန်း (ပါတီအဖွဲ့ဝင်၊ သပိတ်ကျင်း)နှင့် ရခိုင်ပြည်နယ် အန်အယ်ဒီ အတွင်းရေးမှူး ဦးသိန်းနိုင်လည်း လွတ်မြောက်လာခဲ့သည်။

ဒေါက်တာသန်းငြိမ်းအား ၁၉၉၇ ခုနှစ် အောက်တိုဘာလ ၂၈ ရက်နေ့က အာဏာပိုင်များက ဖမ်းဆီးကာ ဒေါ်အောင်ဆန်းစုကြည်နှင့် လူငယ်များ အစည်းအဝေး လုပ်ဖြစ်ရန် စီစဉ်ပေးမှုကြောင့် ထောင်ဒဏ် ၇ နှစ် ချမှတ်ခဲ့ပြီး လွတ်ရက်စေ့သော်လည်း ပြန်လွှတ်မပေးဘဲ အမြင်ကပ်ပုဒ်မဟု လူသိများသည့် ၁၀ (က) ဖြင့် သက်တမ်းတိုးကာ ဆက်လက် ထိန်းသိမ်းခဲ့သည်။

ပြန်လွတ်လာသည့် အန်အယ်ဒီ အဖွဲ့ဝင်များအား ပါတီတည်ထောင်မှု နှစ် ၂၀ ပြည့်နေ့ဖြစ်သည့် စက်တင်ဘာလ ၂၇ ရက်နေ့တွင် မူလပေးအပ်ထားသည့် တာဝန်များကို ပြန်လည် ထမ်းဆောင်ရန် ပါတီက အပ်နှင်းခံရသူများထဲတွင် ဒေါက်တာသန်းငြိမ်းလည်း ပါဝင်သည်။

သတင်းထောက် အိမ့်ခိုင်ဦးကို ထောင်ဒဏ် ၂ နှစ် ချမှတ်

မြင့်မောင်
သောကြာနေ့၊ နိုဝင်ဘာလ 14 2008


နယူးဒေလီ။ ။ လှုပ်ရှားတက်ကြွသူများအား စဉ်ဆက်မပြတ် ပြစ်ဒဏ်စီရင်ချက် နောက်ဆက်တွဲအဖြစ် နာဂစ်လေဘေး ဒုက္ခသည်အရေး လိုက်လံသတင်းယူခဲ့သူ Ecovision ဂျာနယ် သတင်းထောက် မအိမ့်ခိုင်ဦးအား တာမွေတရားရုံး၌ ယနေ့ ထောင်ဒဏ် ၂ နှစ်ချလိုက်သည်။

အသက် ၂၄ နှစ်အရွယ် မအိမ့်ခိုင်ဦးအား တာမွေမြို့နယ် တရားရုံးက လူထုကို ဆူပူစေရန် လှုံ့ဆော်မှု ပုဒ်မ ၅ဝ၅ (ခ) ဖြင့် တရားစွဲဆိုထားရာမှ တရားဆိုင်ဘက်မှ ရှေ့နေ တက်ရောက်ခွင့် မရှိသော တရားခွင်တွင် စီရင်ချက် ချလိုက်ခြင်း ဖြစ်သည်။

"ဒီနေ့ နေ့လယ်မှာ ၂ နှစ် အမိန့်ချလိုက်တယ်။ သူ့ကို အမှုလိုက်တဲ့ ရှေ့နေ့ ဦးမောင်မောင်ဝင်းက လိုက်တယ်။ ဒီနေ့ အမှုလိုက် ရှေ့နေတယောက်မှ မရှိဘဲ တရားသူကြီး ဒေါ်သန်းသန်းကနေ အမှုကို စီရင်လိုက်တာ။ သူတို့ကို ထောင်ကို ပြန်ခေါ်တဲ့အချိန်မှာ မိသားစုတွေနဲ့ တွေ့ခွင့်ရတယ်" ဟု လုပ်ဖော်ကိုင်ဖက်တဦးက ပြောသည်။

ပြီးခဲ့သည့် ဇွန်လ ၁ဝ ရက်နေ့တွင် တောင်ဒဂုံမြို့နယ်ရှိ လေဘေးဒုက္ခသည် ၃ဝ ခန့်က ရန်ကုန်ရှိ နိုင်ငံတကာမှ အစိုးရမဟုတ်သောအဖွဲ့ (အန်ဂျီအို) များထံ သွားရောက်၍ အကူအညီ တောင်းခံရာတွင် မအိမ့်ခိုင်ဦးက သတင်းလိုက်ယူရင်း တာမွေမြို့နယ် နတ်မောက်လမ်းရှိ ယူအန်ဒီပီ ရုံးရှေ့တွင် အဖော်ဖြစ်သူ ကိုကျော်ကျော်သန့်နှင့်အတူ အဖမ်းခံခဲ့ရသည်။

ကိုကျော်ကျော်သန့်က ဆူပူအောင် လှုံ့ဆော်မှုအပြင် နိုင်ငံရပ်ခြားသို့ တရားမ၀င် သွားလာမှု ပုဒ်မ ၁၃ (က) ဖြင့် ၅ နှစ်ပါ ထည့်ပေါင်း၍ စုစုပေါင်း ၇ နှစ် ကျခံခဲ့ရသည်။

မအိမ့်ခိုင်ဦးသည် ရန်ကုန်အခြေစိုက် အပတ်စဉ်ထုတ် Ecovision ဂျာနယ်တွင် သတင်းထောက်အလုပ်ကို လုပ်ခဲ့သည်မှာ ၂ လခန့်သာ ရှိသေးသည်။

ယနေ့တွင် စစ်အစိုးရက သဘောကွဲလွဲသူ အနည်းဆုံး ၁၅ ဦးကို ထောင်ဒဏ်စီရင်ချက်များ ချမှတ်ခဲ့သည်။ မဇ္ဈိမအနေဖြင့် ဆက်လက် သတင်းထုတ်ပြန်သွားမည် ဖြစ်သည်။

< Prev Next >

စင်္ကာပူမှာ မြန်မာနှင့် နိုင်ငံခြားသား အလုပ်သမားများ အလုပ်ဖြုတ်ခံနေရ

သဲသဲ၊ မြင့်မောင်
စနေနေ့၊ နိုဝင်ဘာလ 08 2008

နယူးဒေလီ။ ။ ကမ္ဘာ့ငွေကြေး အကျပ်အတည်း၏ ရိုက်ခတ်မှုကြောင့်ဟု ယူဆဖွယ်ရှိသော လုပ်သားဦးရေ လျှော့ချမှုမျိုးကို လွန်ခဲ့သည့် ရက်သတ္တနှစ်ပတ်အတွင်း စင်္ကာပူနိုင်ငံရှိ် ကုမ္ပဏီများမှ လုပ်ဆောင်နေရာ ထိုအထဲတွင် မြန်မာနိုင်ငံသား ၁၀ ဦးခန့်လည်း ပါဝင်သည်။

စင်္ကာပူ ကုမ္ပဏီများတွင် အလုပ်လုပ်ကိုင်နေသော မြန်မာနိုင်ငံသားများ အပါအ၀င် နိုင်ငံခြားသား အလုပ်သမားများကို လုပ်ငန်းခွင်အတွင်း ကျွမ်းကျင်မှု မရှိဟု အကြောင်းပြကာ အလုပ်ထုတ်သည့် ကိစ္စသည် ကမ္ဘာ့ငွေကြေး အကျပ်အတည်းကြောင့် ဖြစ်နိုင်ကြောင်း အလုပ်ထုတ်ခံရသူ မြန်မာလုပ်သားများက ပြောဆိုကြခြင်း ဖြစ်သည်။

“ဒီကုမ္ပဏီမှာ ၂ လ အလုပ်လုပ်တယ်။ ကျနော်က လူ ၁၀၀ လောက် အုပ်ချုပ်ရတယ်။ ….. အုပ်ချုပ်တဲ့ အပိုင်းမှာ အားနည်းတယ်ဆိုပြီး ထုတ်လိုက်တာ” ဟု စင်္ကာပူနိုင်ငံ Engmech ဆောက်လုပ်ရေးလုပ်ငန်းမှ ထုတ်ပစ်ခံရသည့် အမည်မဖော်လိုသူ မြန်မာလုပ်သားက ပြောသည်။

သူက ဆက်ပြီး “ကျနော့်ကို ထုတ်တာနဲ့ စတော့ ရှယ်ယာဈေး ကျတာက တိုက်ဆိုင်တယ်။ ကျနော် ထင်တာက နောက်ထပ် ပရောဂျက် မရှိတော့ဘူးထင်တယ်။ အလုပ်သမားတွေ ထပ်လျှော့လာနိုင်တယ်” ဟု ပြောသည်။

Sheng wong ဆောက်လုပ်ရေး ကုမ္ပဏီမှ အလုပ်ရပ်နားခြင်းခံရသူ မြန်မာအလုပ်သမားကလည်း “သူတို့ပြောတဲ့ စကားကို ကောင်းကောင်းနားမလည်ဘူး၊ သူတို့ ခိုင်းတာကို ကောင်းကောင်း မလုပ်နိုင်ဘူးဆိုပြီးတော့၊ ဘာသာစကား နားလည်မှု မရှိဘူးလို့ ပြောပြီး အလုပ်ကနေ ရပ်ဆိုင်းလိုက်တာပါ” ဟု ပြောသည်။

အလားတူ စင်္ကာပူနိုင်ငံတွင် လာရောက်လုပ်ကိုင်နေကြသော နိုင်ငံခြားသား အလုပ်သမားများထဲမှ လုပ်ငန်း ကျွမ်းကျင်မှုမရှိဟုဆိုကာ လုပ်သားဦးရေ လျှော့ချနေသည့် အထဲတွင် မြန်မာများနည်းတူ ဖိလစ်ပိုင်၊ ဘင်္ဂလားဒေရှ့်၊ အိန္ဒိယနှင့် တရုတ်နိုင်ငံသားများလည်း ပါဝင်ရာ ဦးရေ ၁၈၀ ကျော်ပြီဟု Engmech ဆောက်လုပ်ရေးလုပ်ငန်းမှ အလုပ်ထုတ်ခံရသူ မြန်မာလုပ်သားက ပြောသည်။

သူ့အဆိုအရ work permit နှင့် လာရောက်ကာ လပိုင်းမျှသာ လုပ်သက်ရှိသေးပြီး၊ ပညာအခြေခံ အားနည်းသူများ အလုပ်ဖြုတ်ခံရခြင်း ဖြစ်ကြောင်း သိရသည်။

စင်္ကာပူနိုင်ငံ အလုပ်သမား ၀န်ကြီးဌာနမှ အမည်မဖော်လိုသူ တာဝန်ရှိ ပုဂ္ဂိုလ်တဦးကလည်း “နိုင်ငံခြားသား အလုပ်သမားတွေကိုတော့ လျှော့ချနေတာ မှန်ပါတယ်” ဟု အတည်ပြုပြောဆိုသည်။

အဆိုပါ တာဝန်ရှိသူက မည်သို့သောကြောင့် ယခုလို လုပ်သားဦးရေ လျှော့ချရကြောင်းနှင့် နိုင်ငံခြားသား အလုပ်သမား ဦးရေ မည်မျှ လျှော့ချလိုက်ပြီ ဖြစ်ကြောင်းကိုမူ ပြောဆိုရန် ငြင်းဆိုခဲ့သည်။

သက်ဆိုင်ရာ ကုမ္ပဏီများကို ဆက်သွယ်မေးမြန်းရာ ကမ္ဘာ့စီးပွားရေး အကျပ်အတည်းကြောင့် လျှော့နေခြင်း မဟုတ်ကြောင်း ငြင်းဆိုသော်လည်း နိုင်ငံတကာ ငွေကြေး အကျပ်အတည်းသည် စင်္ကာပူနိုင်ငံတွင် ရိုက်ခတ်မှု ရှိနေကြောင်း ကုန်သွယ်ရေး နှင့် စက်မှုဝန်ကြီး၏ ပြောဆိုချက်ကို ပြီးခဲ့သည့်လ ၂၀ ရက်နေ့တွင် ဆင်ဟွာသတင်းဌာနက ကိုးကားဖော်ပြခဲ့သည်။

သတင်းထဲတွင် ကမ္ဘာ့စီးပွာရေး နှေးကွေးလာမှုသည် စင်္ကာပူနိုင်ငံ၏ စီးပွားရေးနှင့် ပြည်တွင်း ကုမ္ပဏီများအပေါ် ထိခိုက်နေသည်ဟု ၀န်ကြီး Lim Hng Kiang က ပါလီမန်သို့ ပြောကြားခဲ့ကြောင်း ပါရှိသည်။

ထိုသို့ပြောဆိုပြီး ရက်ပိုင်းအကြာတွင် ကုမ္ပဏီများမှ နိုင်ငံခြားသား အလုပ်သမားများနှင့် လုပ်အားခကို လျှော့ချ ဖြတ်တောက်မှုများ ရှိလာသည်ဟု အချို့ မြန်မာနိုင်ငံသား အလုပ်သမားများက ပြောဆိုသည်။

ကွန်ပျူတာ အစိတ်အပိုင်းများ ထုတ်လုပ်သည့် ကုမ္ပဏီတွင် လုပ်ကိုင်နေသည့် မြန်မာတဦးက “ကျနော်တို့ ကုမ္ပဏီမှာတော့ လူလျှော့တာ မရှိသေးဘူး။ ဒါပေမဲ့ အချိန်ပိုကြေး မရတော့ဘူး။ လခ ၃၀၀၀ (စင်္ကာပူဒေါ်လာ) အောက်ကို ၆ ရာခိုင်နှုန်း လျှော့ပြီး ၃၀၀၀ အထက်ကို ၂၀ ရာခိုင်နှုန်း လျှော့မယ်လို့ ကြားတယ်” ဟု ပြောသည်။

သူက ဆက်ပြီး “ အသစ်ရောက်လာတဲ့ လူတွေဆိုရင် ဒုက္ခရောက်တယ်။ လူဟောင်းတွေက လစာလျှော့ချတာက လွဲပြီး ပြဿနာ မရှိပါဘူး” ဟု ပြောသည်။

စင်္ကာပူတွင် မြန်မာအလုပ်သမား ၅ သောင်းနှင့် ၆ သောင်းကြား အလုပ်လုပ် ကိုင်နေကြသည်။

ဒေါ်စု လွတ်လာမည်အထင်ဖြင့် ပါတီလူငယ်များ ရုံးချုပ်ကို သွားကြ

မြင့်မောင်
သောကြာနေ့၊ အောက်တိုဘာလ 31 2008်

နယူးဒေလီ။ ။ အထိန်းသိမ်းခံ ပါတီခေါင်းဆောင် ဒေါ်အောင်ဆန်းစုကြည် လွတ်မြောက်လာမည် အထင်ဖြင့် NLD လူငယ် ၃၀ နီးပါးက ယနေ့တွင် ရန်ကုန်ရှိ NLD ဗဟိုရုံးချုပ်သို့ သွားရောက်ခဲ့ကြသည်။

ယခုရက်ပိုင်းအတွင်း ပြန်လည် လွတ်မြောက်လာနိုင်သည်ဟု အမျိုးသား ဒီမိုကရေစီအဖွဲ့ချုပ် - NLD ပါတီဝင်များအကြား အပြန်အလှန် တယ်လီဖုန်း သတင်းစကားများ ပေါ်ထွက်လာပြီးနောက် ဗဟန်းမြို့နယ် ရွှေဂုံတိုင်လမ်းရှိ ပါတီရုံးချုပ်သို့ ရန်ကုန်တိုင်းအတွင်းရှိ မြို့နယ်အချို့မှ ပါတီဝင်လူငယ်များသည် ယခုလို သွားရောက်ခဲ့ကြခြင်း ဖြစ်သည်။

"ရန်ကုန်တိုင်းအတွင်း မြို့နယ်တွေဆီက ပါတီအဖွဲ့ဝင် လူငယ် ၃၀ နီးပါး ရုံးကို လာမေးကြတယ်။ ရုံးက ပြောလိုက်တာကတော့ အဲဒီကိစ္စက မဟုတ်ပါဘူးလို့ တာဝန်ရှိသူတွေက ပြန်ဖြေခဲ့တယ်" ဟု ယနေ့တွင် ရုံးချုပ်သို့ ကိုယ်တိုင်သွားရောက်ခဲ့သူ တောင်ဒဂုံမြို့နယ်မှ NLD ရပ်ကျေးတာဝန်ခံက မဇ္ဈိမကို ပြောသည်။

အဖွဲ့ချုပ်ပြောခွင့်ရပုဂ္ဂိုလ် ဦးဥာဏ်ဝင်းကလည်း "ကျနော်တို့ ဘာမှ မကြားသေးပါဘူး။ ပါတီဝင်တွေက မေးမြန်းတာတွေ ရှိပါတယ်" ဟု ပြောသည်။

သို့သော်လည်း သူက တစုံတရာ မှတ်ချက်ပေးခြင်း မရှိပါ။

ပါတီ အထွေထွေအတွင်းရေးမှူး ဒေါ်အောင်ဆန်းစုကြည် အကျယ်ချုပ် ကျခံနေရသည့် ကမာရွတ်မြို့နယ် တက္ကသိုလ်လမ်း နေအိမ်ရှေ့တွင် သံဆူးကြိုးများကို အာဏာပိုင်များက ပြီးခဲ့သည့် တနင်္ဂနွေနေ့မှ စတင်ကာ ဖယ်ရှားခဲ့သည်။

အတားအဆီးများ ဖယ်ရှားပြီး နောက်ရက် တနင်္လာနေ့မှ စတင်ကာ ပါတီခေါင်းဆောင် ဒေါ်အောင်ဆန်းစုကြည် ပြန်လည် လွတ်မြောက်လာတော့မည် ဟူသော ကောလာဟလများမှာ ပါတီ ၀င်လူငယ်များ အကြားတွင် ပေါ်ထွက်လာခဲ့ခြင်း ဖြစ်သည်။

''လွတ်မယ်ဆိုတာက တနင်္လာနေ့ကတည်းက ထွက်နေတာဗျ။ ဘယ်ကနေ ဘယ်လို စတယ်တော့ မပြောနိုင်ဘူး။ ဒီနေ့ကျတော့ ဒီနေ့ပဲ လွတ်တော့မလိုလို ဖုန်းတွေ ပြောနေရင်းကနေ သွားလာကြတယ် ထင်တာပဲ'' ဟု တောင်ဒဂုံမြို့နယ်မှ NLD ရပ်ကျေးတာဝန်ခံက ပြောသည်။

ဂက်စ်အိုး အသုံးပြုနည်း ကျယ်ပြန့်စွာ ပညာပေးရန် လိုအပ်

မြင့်မောင်
ကြာသပတေးနေ့၊ အောက်တိုဘာလ 30 2008

နယူးဒေလီ။ ။ မြန်မာနိုင်ငံတွင် စီအန်ဂျီ ဂတ်စ်အိုးပေါက်ကွဲမှုများ ဖြစ်ပေါ်နေခြင်းသည် ဂတ်စ်အိုး ကြံ့ခိုင်မှု စစ်ဆေးခြင်း အားနည်းမှုကြောင့်ဖြစ်ပြီး ပညာပေးလုပ်ဆောင်မှုများ လိုအပ်နေသည်ဟု ကျွမ်းကျင်သူများက ပြောသည်။

ယခုလ ၉ ရက်နေ့နှင့် ၁၃ ရက်နေ့တွင် ရန်ကုန်တိုင်း လှည်းတန်းလမ်းဆုံနှင့် အင်းစိန်မြို့နယ်အတွင်း စီအန်ဂျီ ဓာတ်ငွေ့သုံး ဘတ်စ်ကားများ ပေါက်ကွဲမှုများဖြစ်ပွားခဲ့ခြင်းကြောင့် လူ ၇ ဦး သေဆုံးခဲ့ရသည်။

"ကျနော်တို့ ယူဆတာက ကားသမားတွေရဲ့ ကြံ့ခိုင်မှုစစ်ဆေးတာနဲ့ ပတ်သက်တယ်လို့ ယူဆတယ်။ အိုးတွေ တပ်ပေးတဲ့အခါကျ ဘာမှ မဖြစ်ဘူး။ ယာဉ်ဆိုတာက စက်ပစ္စည်းဆိုင်ရာ ပျက်စီးတတ်တာကို ယာဉ်ပိုင်ရှင်တွေက ပုံမှန်တော့ စစ်ဆေးပေးသင့်တယ်။ အိုးတွေ ပလပ်တွေ ကောင်းမကောင်း၊ နတ်တွေ ခိုင်မခိုင်၊ ပိုက်တွေ ယိုစိမ့်မှု ရှိမရှိ၊ ပုံမှန် စစ်ဆေး မဆေးဆိုတာ ယာဉ်မောင်းနဲ့ဆိုင်တယ်။ ကြံ့ခိုင်မှု ရှိမရှိကို သုံးစွဲသူ တယောက်အနေနဲ့ စစ်ဆေးပေးဘို့ လိုအပ်တယ်" ဟု ရန်ကုန်ရှိ စီအန်ဂျီ ပြောင်းလဲတပ်ဆင်ရေး ကုမ္ပဏီ Myanmar Power မှ တာဝန်ခံတဦးက ပြောသည်။

ဘတ်စ်ကားချင်း ပိုက်သွယ်တန်းကာ ဓာတ်ငွေ့ မျှဝေပေးသလို၊ ပိုက်ခေါင်းများ၊ မူလီများ အသေအချာ တပ်ဆင်မှု မရှိရာမှ နောက်ဆက်တွဲအဖြစ် ပေါက်ကွဲမှုများ ဖြစ်ရသည်ဟု သူက ဆိုသည်။

ယာဉ်မောင်းနှင့် နောက်လိုက်များကို အသိပညာပေး လက်ကမ်းစာစောင် ဝေငှမှု၊ ဟောပြောမှုတို့ လုပ်သင့်သည်ဟုဆိုသည်။

"စီအန်ဂျီ ကားတစီးလုံးကို ထိန်းချုပ်မောင်းနှင်နေတဲ့ ယာဉ်မောင်းနဲ့ စီအန်ဂျီ ဂက်စ်အိုးကြီးတွေကို ထိတွေ့ကိုင်တွယ်ရတဲ့ ယာဉ်နောက်လိုက်တို့ ကိုယ်တိုင် စီအန်ဂျီနဲ့ ပတ်သက်ပြီး ဂဃနဏ မသိကြဘူး" မော်တော်ယဉ်လိုင်းပေါင်းစုံ ထိန်းသိမ်းရေး အရာရှိတဦးက ပြောသည်။

မြန်မာနိုင်ငံတွင် စီအန်ဂျီနှင့် ပတ်သက်၍ ဆောင်ရန်ရှောင်ရန်များကို ကားစပယ်ယာနှင့် ယာဉ်မောင်းများသို့ သင်တန်းပေးထားခြင်း မရှိသဖြင့် ၂၀၀၄ ခုနှစ် စီမံချက် ကာလအစောပိုင်းတွင် စီအန်ဂျီနှင့် ပတ်သက်၍ ယာဉ်မောင်းနှင့် ယာဉ်နောက်လိုက်အချို့ကို အလုပ်ရုံဆွေးနွေးပွဲ တကြိမ်သာ ပြုလုပ်ခဲ့သည်။

''လွန်ခဲ့တဲ့ နှစ် ၂၀ ကျော် ကာလတလျှောက်လုံး အန္တရာယ်ကင်းကင်းနဲ့ အသုံးပြုခဲ့ပြီးမှ အခု ၃-၄ နှစ်အတွင်း တပ်ဆင်ထားတဲ့ ကားနှစ်စီးက ကွဲတယ်။ အဲဒါကို ကြည့်ခြင်းအားဖြင့် သေချာတာက နောက်ပိုင်း တပ်ဆင်တဲ့ ကားတွေဟာ သတ်မှတ် စံချိန်စံညွှန်းအတိုင်း မပြည့်မီဘူးဆိုတာ သေချာတယ်။ ဒါကြောင့် သက်ဆိုင်ရာက ကျွမ်းကျင်သူတွေနဲ့ ကားတွေကို ပြန်လည်စိစစ်သင့်တယ်" ဟု အမည်မဖော်လိုသော ကုမ္ပဏီမှ ဂက်စ်အိုးတပ်ဆင်သူတဦးက ပြောသည်။

မြန်မာနိုင်ငံတွင် နိုင်ငံတော် ပေါ်လစီအရ ရန်ကုန်မြို့တွင်းရှိ ဘတ်စ်ကားကြီးများ၊ Taxi များနှင့် ခရီးသည်တင် လိုင်းကားများကို ၂၀၀၄ နှင့် ၂၀၀၅ ခုနှစ်အတွင်း စီမံချက်ဖြင့် ပြောင်းလဲစေခဲ့သည်။ ထိုကဲ့သို့ ၂ နှစ်တာ ကာလအတွင်း ကားအစီးရေ တသိန်းကျော်အား တပြိုင်နက်ထဲ ပြောင်းလဲစေခဲ့သည်။ ထို့ကြောင့်လည်း စနစ်တကျ သင်ယူတတ်မြောက်ထားခြင်း မရှိဘဲ လက်တန်းသင်ယူထားသည့် ၀ပ်ရှော့ဆရာများဖြင့်သာ အများအားဖြင့် ပြောင်းလဲခဲ့ကြသည်။

မြန်မာနိုင်ငံတွင် စီအန်ဂျီကို အသုံးပြုမှုမှာ သက်တမ်း ၂၅ နှစ်ခန့် ရှိပြီ ဖြစ်သည်။

၂၀၀၄ ခုနှစ်ထုတ် နိုင်ငံပိုင် သတင်းစာများတွင် စီအန်ဂျီ ဂက်စ်အိုးသည် ဆက်ကြောင်းမရှိ အိုးအထူကြီးများ ပေါက်ကွဲရန် ဆိုသည်မှာ ဖြစ်နိုင်ခြေ လုံးဝမရှိကြောင်း ဆောင်းပါးရေးသူများက ရေးသားခဲ့ကြသည်။

စီအန်ဂျင် ပြောင်းလဲတပ်ဆင်သူ အင်ဂျင်နီယာတဦးကတော့ "ဆောင်းပါးထဲမှာ ပါသလို တကယ်လည်း ဟုတ်ပါတယ်။ ပေါက်ကွဲဖို့ဆိုတာ မဖြစ်နိုင်လောက်အောင် ရာခိုင်နှုန်း နည်းပါတယ်။ ဒါပေမဲ့ တပ်ဆင်မှုမှာ စနစ်မကျရင် ဂက်စ်ထွက်ရာ လမ်းကြောင်းတွေမှာ ပိတ်ဆို့နေတာမျိုးတွေ ဖြစ်နေရင်တော့ ပေါက်ကွဲနိုင်ပါတယ်" ဟု ပြောသည်။

ယခုလ ၉ ရက်နေ့က စော်ဘွားကြီးကုန်းနှင့် ဆူးလေ ပြေးဆွဲသော မထသ ယာဉ်လိုင်းအမှတ် ၄၅ ဘတ်စကား ဂက်စ်အိုး ပေါက်ကွဲမှု ဖြစ်ပွားခဲ့သော်လည်း စာပေစိစစ်ရေးက ဂက်စ်အိုး ကွဲသည်ဆိုသည့် အကြောင်းအရာကို ထိန်ချန်စေခဲ့သည်။

အပတ်စဉ်ထုတ် ဂျာနယ်တခုမှ အယ်ဒီတာတဦးက "သူတို့အယူအဆက သေးသိမ်ပြီး ကျဉ်းမြောင်းလွန်းတယ်။ ဂျာနယ်မှာ စီအန်ဂျင်ဂက်စ်အိုး ကွဲတယ်ဆိုတာ ပါသွားရင် စာဖတ်သူတွေ ကြောက်လန့်ပြီး ကားမစီးတဲ့ ဂယက်များ ရိုက်သွားလေမလားပေါ။့ ကျနော်တို့ ဂျာနယ်တွေအနေနဲ့ဆိုလည်း၊ ကားတွေ စီအန်ဂျီ ပေါက်ကွဲကုန်ပြီ၊ စီအန်ဂျင်ကားတွေ မစီးကြနဲ့လို့ ဘယ်သူကမှ ရေးမှာ မဟုတ်ပါဘူး'' ဟု ပြောသည်။

၂၀၁၀ ရွေးကောက်ပွဲအတွက် မှတ်ပုံတင် ထုတ်ပေး

မြင့်မောင်
သောကြာနေ့၊ အောက်တိုဘာလ 24 2008

နယူးဒေလီ။ ။ ၂၀၁၀ ခုနှစ် ရွေးကောက်ပွဲအတွက် ကြိုတင်ပြင်ဆင်သည့် အနေဖြင့် ပလောင်ဒေသတွင် အာဏာပိုင်များက ယခုလအတွင်း နိုင်ငံရေး စိစစ်ရေးကဒ်များ ထုတ်ပေးနေကြောင်း ပြည်ပအခြေစိုက် ပလောင်အဖွဲ့အစည်း တခုက ပြောသည်။

ရှမ်းပြည်မြောက်ပိုင်း နမ့်ဆန်မြို့နယ်ရှိ မန်လွယ်၊ တောင်ကျော်နှင့် နမ့်လင့်ကျေးရွာအုပ်စုများတွင် အသက် ၁၈ နှစ် ပြည့်ပြီးသူများအား လူဝင်မှုကြီးကြပ်ရေး ဦးစီးဌာနနှင့် မြို့နယ် အေးချမ်းသာရေး ကောင်စီဝင်များက ယခုလ ပထမအပတ်က စတင်ကာ တဦးလျှင် ကျပ်ငွေ ၃၀၀၀ စီ ကောက်ခံကာ ကွင်းဆင်း လုပ်ဆောင်နေခြင်း ဖြစ်သည်။

"ကျနော်တို့ ကြားသိရသလောက် ဒီမှတ်ပုံတင် ပြုလုပ်ချိန်မှာ လ၀က ညွှန်ကြားရေးမှူးက ပြည်သူတွေဆီက ပိုက်ဆံ မတောင်းရဘူးလို့ တားမြစ်တာတွေ ရှိတယ်။ အခုဟာက မယကနဲ့ လ၀က အတင်းအဓမ္မ တောင်းခံတယ်။ ရွာသားတွေကတော့ ကုန်ဈေးနှုန်းကြီးတဲ့အတွက် ဒုက္ခရောက်နေတယ်" ဟု ထိုင်းနိုင်ငံ အခြေစိုက် ပလောင်လူငယ် လုပ်ငန်းကွန်ယက် အဖွဲ့ဝင် မိုင်းအောင်က မဇ္ဈိမကို ပြောသည်။

ယခုလို ပလောင်ဒေသများအတွင်း မှတ်ပုံတင်များ ထုတ်ပေးနေခြင်းသည် ၂၀၁၀ ခုနှစ် ရွေးကောက်ပွဲအတွက် မဲပေးနိုင်မည့် လူဦးရေ စုဆောင်းနေခြင်းလည်း ဖြစ်ကြောင်း ပလောင်လူငယ် ကွန်ယက်အဖွဲ့က ဆိုသည်။

ယခုနှစ် မေလ ၁၀ ရက်နေ့က ကျင်းပခဲ့သည့် ဖွဲ့စည်းပုံ အခြေခံဥပဒေ အတည်ပြုရေး ဆန္ဒခံယူပွဲမတိုင်မီ ရက် ၂၀ ခန့်အလိုက မြန်မာနိုင်ငံ လ၀က ညွှန်ကြားရေးမှူးက ပြည်သူများထံမှ ငွေကြေးတောင်းခံခြင်း မပြုရန်နှင့် တောင်းခံပါက ထိရောက်စွာ အရေးယူသွားမည် ဖြစ်ကြောင်း လ၀က ၀န်ထမ်းမှ ပြောဆိုခဲ့ကြောင်း ဒေသခံတဦး၏ ပြောကြားချက်ကိုလည်း အဖွဲ့က ယနေ့ထုတ်ပြန်သည့် ကြေညာချက်တွင် ကိုးကားဖော်ပြထားသည်။

မိုင်းအောင်က "ပလောင်ဒေသဟာ လ္ဘက်ကို အဓိက ထွက်ရှိပြီး ဆန်စပါးကို အောက်ပိုင်းကနေ ၀ယ်ယူရတယ်။ ဆန်ဈေးက ၂၈၀၀၀ ကျော်ရောက်နေတယ်။ လ္ဘက်ဈေးကတော့ တပိဿာ ၁၈၀၀ ကျပ် ဈေးရှိတော့ ထွက်တဲ့ ပစ္စည်းဈေးနဲ့ ၀ယ်စားရတဲ့ ကုန်ဈေးနှုန်း မကိုက်တဲ့အတွက် အကျပ်အတည်း ဖြစ်နေတယ်" ဟု ပြောသည်။

ပလောင် တိုင်းရင်းသားများအား မေလ ဆန္ဒခံယူပွဲတွင် မဲပေးရန်အတွက် ၃ ခေါက်ချိုး ယာယီ မှတ်ပုံတင် ကဒ်ပြားများကို ထုတ်ဝေပေးခဲ့သေးသည်။

ထီလက်မှတ်ရောင်းဈေးနှင့် ဆုကြေးငွေများ နှစ်ဆ တိုးမြင့်

မြင့်မောင်
ကြာသပတေးနေ့၊ အောက်တိုဘာလ 23 2008

နယူးဒေလီ။ ။ အောင်ဘာလေ သိန်းဆုဌာနကြီးမှ ထီလက်မှတ် ရောင်းဈေးနှင့် အမြင့်ဆုံး ဆုကြေးငွေကို လာမည့် ဒီဇင်ဘာလ ၁ ရက်နေ့မှ စတင်ကာ နှစ်ဆစီ မြှင့်တင်သွားမည် ဖြစ်သည်။

တစောင်လျှင် ကျပ် ၁၀၀ မှ ၂၀၀ အထိ ဈေးနှုန်းမြှင့်တင် ရောင်းချသွားမည်ဖြစ်သလို၊ ယခင်က အမြင့်ဆုံး ဆုကြေးငွေအဖြစ် ကျပ်သိန်း ၅၀၀ မှ ၁၀၀၀ အထိ ချီးမြှင့်သွားမည့်အကြောင်း ဘဏ္ဍာရေးနှင့် အခွန်ဝန်ကြီးဌာနက ယနေ့ နေ့စွဲဖြင့် ကြေညာလိုက်ခြင်းဖြစ်သည်။

"လက်ရှိ ရောင်းဈေးက ၁၀၀ နဲ့ ရောင်းတယ်။ အက္ခရာ အလုံးရေက ၃၆ လုံး ရောင်းတယ်။ (က) ကြီးကနေ ကက၊ ကခ၊ ကဂ အထိ ရှိတယ်။ အက္ခရာ ၃၀ ကျရင် "က၊ သ" အထိပဲ ရှိတာ။ အစောင်ရေ လျှော့ချပြီး ဆုကြေး တိုးမြှင့်တဲ့ သဘောပေါ့" ဟု ရန်ကုန်တိုင်း ပန်းဘဲတန်းမြို့နယ် ၂၇ လမ်းနှင့် ၂၈ လမ်းကြားတွင် ဖွင့်လှစ်ထားသော နာမည်ကြီး ထီဆိုင်တဆိုင်မှ တာဝန်ရှိသူတဦးက ပြောသည်။

ဆုမဲပေါင်း ၇၉၉၃ ဆု ချီးမြှင့်သွားမည်ဖြစ်ပြီး ၂၀၀၉ ခုနှစ် ဇန်န၀ါရီလ ၁ ရက်နေ့တွင် ဖွင့်လှစ်သွားမည် ဖြစ်သည်။

ထီဆိုင်မှ တာဝန်ရှိသူက "ဆုစနစ်ပြောင်းတဲ့ ဟာကို ဖော်ပြတာပါ။ အောင်ဘာလေဖွင့်တဲ့ ရုံးအုပ်က ဖြန့်တယ်ဆိုရင် ကုန်သည်တွေလက်ထဲမှာတော့ အကုန် ကုန်တယ်။ ရုံးချုပ်မှာ မကျန်ဘူး။ ကုန်သည်တွေ လက်ထဲရောက်ရင် မိုးယံ၊ အောင်ဒဂုံ၊ အောင်ဆုပန် စတာတွေက ဖြန့်ချိတာတွေ ရှိတယ်။ တကယ်တော့ ပုံမှန် ၂၀၀ နဲ့ ရောင်းချမယ်ဆိုတဲ့ သဘောပါ" ဟု ပြောသည်။

ထီ အက္ခရာ ၃၀ ကို စတင် ရောင်းချမည်ဖြစ်ကာ ဆုကြေးအဖြစ် ပထမဆုကို ကျပ်သိန်း ၁၀၀၀ ၊ ဒုတိယဆု သိန်း ၅၀၀နှင့် သိန်း ၃၀၀ (၃ ဆု)၊ သိန်း ၂၀၀ (၅ ဆု)၊ သိန်း ၁၀၀ (၁၇ ဆု)၊ ၁၀ သိန်း (၄၉၃ ဆု)၊ ၃ သိန်း (၁၇၃ ဆု)၊ ၂ သိန်း (၁၅၉၃ ဆု)၊ ၁သိန်း (၁၅၇၀၄ ဆု) စသဖြင့် ချီးမြှင့်မည့်အကြောင်း ယနေ့ထုတ် အစိုးရသတင်းစာ မြန်မာ့အလင်းတွင် ကြေညာထားသည်။

ရန်ကုန်မြို့ခံတဦးက "ထီထိုးမှုတွေ နည်းပါးသွားတဲ့အတွက် ဆုကြေး မြှင့်လိုက်တဲ့ သဘောပါ။ လူတွေကို မက်လုံးပေးတဲ့ သဘော" ဟု ထင်ကြေးပေး ပြောဆိုသည်။

အမည်မဖော်လိုသူ ထီဆိုင်ကြီးတဆိုင်မှ တာဝန်ကျ ၀န်ထမ်းတဦးက "တချို့ ထီဆိုင်တွေကတော့ အရင်တုန်းက ပထမဆု သိန်း ၅၀၀ ပေါက်ရင် သိန်း ၅၀၀ အပိုချ ပေးပေမယ့် အခု သိန်း ၁၀၀၀ ကို ကျတော့ သိန်း ၅၀၀ ပဲ ဆုချမယ်လို့ ပြောနေကြတယ်ပေါ့လေ။ ဒုတိယဆု သိန်း ၅၀၀ ပေါက်ရင် အပိုဆုက သိန်း ၅၀ ပဲ ပေးတော့မယ်။ ကျနော်တို့တော့ မဆုံးဖြတ်ရသေးပါဘူး" ဟု ပြောသည်။

သူက ဆက်ပြီး "တွတ်လိုင်းတွေကို ပင်ရင်း အောင်ဘာလေ ထီဆိုင်တွေက ထုတ်ပေးတယ်။ အရင်တုန်းက အနိမ့်ဆုံးဆုက ၂ သောင်း၊ အခု ဖွင့်မယ့်ဟာက ၁ သိန်း အနည်းဆုံး ဖြစ်သွားတယ်။ မင်္ဂလာစုံတွဲ သိန်း ၁၀၀ တို့ ၊ မင်္ဂလာစုံတွဲ သိန်း ၅၀ တို့ ပေးတယ်။ အခု ပေါက်စဉ် တစဉ်လုံးမှာ သုံးလုံးတူ၊ လေးလုံးတူပဲ သတ်မှတ်ချက် ရှိတယ်။ ကျန်တဲ့ သတ်မှတ်ချက်တွေတော့ မရှိဘူး" ဟု ပြောသည်။

ထီလက်မှတ် ရောင်းချရာတွင် အက္ခရာစဉ် မတူဘဲ ဂဏန်းတူများကို တွဲထားကာ အထူးမင်္ဂလာစုံတွဲ တစောင်၊ တစောင် (ရှယ်)၊ နှစ်စောင်ဆိုလျှင် နှစ်မွှာ (ရှယ်)၊ နှစ်စောင်တွဲ (ရှယ်) ၊ နှစ်စောင်တွဲ (ထူးရှယ်) မှ အစ စောင်ရေ ၁၀ အထိ၊ ထို့နောက် ၁၅ စောင်၊ ၂၀၊ ၃၀၊ ၄၅၊ ၅၀၊ ၉၀၊ ၁၀၀၊ ၃၆၀ နှင့် ၁၀၀၀ စောင်အထိ တွဲယှက်ကာ ရောင်းချကြသည်

ရန်ကုန်လက်လီ ဆားဈေးက နှစ်ဆတက်

မြင့်မောင်
သောကြာနေ့၊ အောက်တိုဘာလ 17 2008

နယူးဒေလီ။ ။ ရန်ကုန် လက်လီဈေးကွက်များတွင် အိမ်သုံးဆားမှာ ယခင်လက ကျပ် ၆ဝ ရှိရာမှ ယခုအခါ ကျပ် ၁ဝဝ အထိ မြင့်တက်သွားသည်။

မေလဆန်းတွင် နာဂစ်မုန်တိုင်း တိုက်ခတ်မှုကြောင့် ဧရာဝတီတိုင်း၏ တတိယ စီးပွားရေးဖြစ်သော ဆားလုပ်ငန်းများမှာ ကြီးမားစွာ ထိခိုက် ပျက်စီးခဲ့ရသော်လည်း ရန်ကုန်တွင် ရခိုင်ပြည်နယ်နှင့် မွန်ပြည်နယ်မှ ဆားကုန်ကြမ်းများ အစားထိုး သုံးစွဲခဲ့ရာမှ ယခုအခါ တစထက်တစ ကုန်ကြမ်း ပြတ်လပ်လာသဖြင့် ရန်ကုန်ရှိ အိမ်သုံးဆား လက်လီဈေးကွက်တွင် ဆားဈေးသည် ယခင်လထက် ဈေးနှုန်း နှစ်ဆခန့် မြင့်တက်လာခြင်း ဖြစ်သည်။

"ဈေးထဲမှာ ဆား ၁ဝ သား တထုပ်ကို ၁ဝဝ (ကျပ်) ဝယ်ရတယ်။ အရင်လတုန်းက ၁ဝ သားကို (ကျပ်) ၆ဝ နဲ့ ဝယ်ရတယ်" ဟု ရန်ကုန်ဒေသခံ နေ့စား အလုပ်သမားတဦးက ပြောသည်။
လက္ကားဈေးကွက်တွင် တပိဿာ ၄၅ဝ ကျပ်သာ ဈေးပေါက်ပေမယ့် လက်လီဈေးတွင် ၁ဝဝဝ ကျပ်နှုန်းအထိ ရောင်းနေကြခြင်းဖြစ်သည်၊

ဧရာဝတီတိုင်းမှ ဆားအထွက် ကျဆင်းသွားသဖြင့် ဆားကြမ်းများကို ရခိုင်ပြည်နယ်နှင့် မွန်ပြည်နယ်မှ အစားထိုး တင်သွင်းကာ ရန်ကုန်တွင် လိုအပ်သည့် ပစ္စည်းများ ဖြည့်စွက်၍ ပြန်လည် ချက်လုပ်နေရကြောင်း ရန်ကုန် ဆားလုပ်ငန်းရှင် တဦးကလည်း ပြောသည်။

ပြီးခဲ့သည့်လ ၁၁ ရက်နေ့တွင် ထုတ်ဝေသည့် အစိုးရသတင်းစာ ကြေးမုံတွင် နာဂစ်မှန်တိုင်းအပြီး ဧရာဝတီတိုင်းရှိ ဖျာပုံ၊ လပွတ္တာ၊ မြောင်းမြနှင့် ငပုတောမြို့နယ်များရှိ ဆားကျင်းဧကပေါင်း ၂၃၄၅၈၊ ဆားကြမ်းတန်ချိန် ၂၄၂၁၄ နှင့် ဆားကျင်းလုပ်သား အများအပြား သေဆုံးခဲ့ရသည့်အပြင် လုပ်ငန်းသုံးပစ္စည်းများလည်း ဆုံးရှုံးခဲ့ရကြောင်း ဖော်ပြခဲ့သည်။

ဆားလုပ်ငန်းရှင်က "မုန်တိုင်းဖြစ်တော့ ဆားကွင်းတွေ အကုန်ဆုံးရှုံးတယ်။ လူတွေလည်း ၁၈ဝ ကျော် သေတယ်။ နာဂစ်ဖြစ်လိုက်တော့ ကုန်ကြမ်းရှားသွားတော့၊ ကုန်ချောလည်း ဈေးတက်တာပေါ့" ဟု သုံးသပ် ပြောဆိုသည်။

အလားတူ အခြားသော အခြေခံ စားသုံးကုန်များဖြစ်သည့် ဆန်၊ ဆီ၊ ဟင်းသီးဟင်းရွက်နှင့် သားငါးဈေးများလည်း အနည်းငယ် မြင့်တက်နေကြောင်း သိရသည်။

တပ်သားတဦး အထက်အရာရှိကို သတ်ပြီး ကိုယ့်ကိုယ်ကိုယ် သတ်သေဟု မျက်မြင်သက်သေများပြော

မြင့်မောင်
အင်္ဂါနေ့၊ အောက်တိုဘာလ 07 2008

နယူးဒေလီ။ ။ ရန်ကုန်တိုင်း တိုက်ကြီးတွင် အခြေစိုက်သော ခလရ ၇၀၇ မှ တပ်သားတဦးသည် ယင်း၏ တပ်မှူးကို သတ်ပြီး စနေနေ့က မိမိကိုယ်မိမိ အဆုံးစီရင်လိုက်သည်ဟု ဒေသခံများက ပြောပါသည်။

ပဲခူးတိုင်း အုတ်ဖိုမြို့နယ်တွင် နေထိုင်သူတဦးက ပြောသည်မှာ အနီးရှိ အေးမြသာယာရွာ၌ စစ်သားများအကြား လိပ်ခဲတည်းလည်း အခြေအနေတရပ် ဖြစ်ပေါ်နေခဲ့ပြီးနောက် စနေနေ့ညနေက တပ်သား ကျော်ရွှေမောင်သည် သူ့ကို ကျန်ရဲဘော်များက သူတို့ အရာရှိဗိုလ်ကြီးတဦးကို သတ်ဖြတ်အပြီး ထွက်မပြေးနိုင်အောင် ပိတ်မိသွားပြီးနောက် သတ်သေ သွားသည်ကို ကိုယ်တိုင် မြင်ခဲ့ရကြောင်း ပြောပါသည်။

ထိုဗိုလ်ကြီးကို သတ်ပြီးနောက် ကျော်ရွှေမောင်သည် စနေနေ့ညနေက သူ့တပ်ရင်းမှ ထွက်ပြေးလာခဲ့သည်ဟု အဆိုပါ မျက်မြင်သက်သေက ဆိုပါသည်။ သို့သော် အနီးအနားတွင် တပ်စွဲထားသော ခလရ ၇ဝ၇၊ ခလရ ၃၅၊ ခလရ ၆၊ ခလရ ၄ နှင့် ခလရ ၅ မှရဲဘော်များက ဒေသခံ ရဲများနှင့်အတူ မော်တော် ဆိုင်ကယ်နှင့် ထွက်ပြေးရန် ကြိုးပန်းစဉ် လျှပ်စစ် ထရန် စဖော်မာ အဆောက်အဦ အနီးတွင် သူ့ကို ပိတ်မိသွားခဲ့သည်ဟု ဆိုပါသည်။

“သူက ၁ဝ ချက်ကျော် မိုးပေါ်ထောင်ပစ်ပြီး ထရန်စဖော်မာတွေ နောက်မှာ ပုန်းနေတာ” ဟု အခြား ဒေသခံများနှင့်အတူ အခင်း ဖြစ်ပွါးရာနေရာသို့ အပြေး သွားရောက်ကြည့်ရှုခဲ့သည်ဟု ဆိုသည့် အဆိုပါ ဒေသခံက ပြောပါသည်။

လိုက်လံရှာဖွေသည့် စစ်သားများကို ကွပ်ကဲလိုက်ပါလာသူ အုတ်ဖိုအခြေစိုက် ခလရ ၇ဝ၇ မှ အရာရှိတဦးနှင့် ခဏကြာ အပြန်အလှန် ပစ်ခတ်ပြီး ထိုသို့ပစ်ခတ်ရာတွင် အဆိုပါအရာရှိမှာ အကြီးအကျယ် ဒဏ်ရာ ရသွားသည်ဟု ဆိုပါသည်။

ထိုသို့ အတန်ကြာ လိပ်ခဲတည်းလည်း ဖြစ်နေသဖြင့် စစ်သားများက လျှပ်စစ် ထရန်စဖော်မာ ပျက်စီးသွားမည်ကို စိုးရိမ် နေခဲ့ကြသေးသည်ဟု ဆိုပါသည်။ သို့သော် ၁၁ နာရီခန့်တွင် ဆက်တိုက် ပစ်လိုက်သော သေနတ်များ ဆူညံစွာကြားပြီး သွားရောက်ကြည့်ရှုရာ အဆိုပါ ထွက်ပြေးသူ တပ်သားမှာ သေနတ်ဒဏ်ရာများစွာနှင့် သေဆုံးနေသည်ကို တွေ့ရသည် ဟု ဒေသခံက ပြောပါသည်။

“စစ်သားတွေက သူ့ဆီက ကျည်ဆံ ၁၇ဝ ကျော်၊ လက်ပစ်ဗုံးတွေ၊ ၉ မမ ပစ္စတိုနဲ့ မြန်မာပြည်ထုတ် MA 1 မောင်းပြန်တလက် တွေ့တယ်။ စစ် သားတွေက သူ့အလောင်းကို သယ်သွားပြီး အနားက ပြည်တော်သာ ရွာမှာ မြှုပ်လိုက်တယ်” ဟု သူက ဆက်လက် ပြောဆို သွားခဲ့ပါသည်။

နောက်ထပ် အုတ်ဖိုဒေသခံ တဦးကို မဇ္ဈိမက ဆက်သွယ်မေးမြန်းရာတွင် သူမလည်း ဤအဖြစ်အပျက်ကို ကြားကြောင်း၊ သို့သော် သူမ၏ လုံခြုံရေး အခြေအနေကို စိုးရိမ်၍ ကိုယ်တိုင် သွားမကြည့်ခဲ့ကြောင်း ပြောပါသည်။

အုတ်ဖိုမြို့၏ မြောက်ဘက် မိုင် ၇ဝ ခန့်အကွာရှိ ပြည်မြို့မှ ဈေးဆိုင်ပိုင်ရှင် တဦးကို မေးမြန်းရာတွင် သူမလည်း ဤအဖြစ် အပျက်ကို ရန်ကုန်မှပြန်လာစဉ် စနေနေ့ညနေက ကြားသိခဲ့ရကြောင်း ပြောပါသည်။

“ကျမ ရန်ကုန်က ပြန်လာတော့ ဘတ်စ်ကားအားလုံးကို စစ်သားတွေက လက်ပံတန်းမှာ ရပ်ခိုင်းပြီး ရှာနေတာ တွေ့တယ်။ စစ်သားတွေက သူတို့ စစ်ပြေးတယောက်ကို ရှာနေတာလို့ ပြောပါတယ်” ဟု သူမက ဆက်လက် ပြောဆိုပါသည်။

လက်ပံတန်းသည် ရန်ကုန်ပြည် အဝေးပြေး ကားလမ်းပေါ်တွင်ရှိပြီး ရန်ကုန်မြို့၏ မြောက်ဘက် ၈၅ မိုင်အကွာတွင်ရှိကာ အခင်းဖြစ်ပွါးရာ အုတ်ဖိုမြို့၏ တောင်ဘက် ၁၅ မိုင် အကွာတွင် ရှိပါသည်။

စစ်သားများ၏ ပြောပြချက်နှင့် ကောလဟလများအရ အဆိုပါ စစ်သားသည် သူ့အထက်အရာရှိကို ပစ်သတ်ပြီး တိုက်ကြီးရှိ တပ်စခန်းမှ ထွက်ပြေးလာခဲ့သည်ဟု ဆိုပါသည်။ အနီးအနား ပတ်ဝန်းကျင်တွင် အခြား တပ်ရင်းများမှ စစ်သားများ ပူးပေါင်း၍ သူ့ကို ဝိုင်းဝန်း ရှာဖွေခဲ့ကြပါသည်။

သို့သော် ဒေသခံ အုတ်ဖိုရဲစခန်းကို မေးမြန်းရန် ဆက်သွယ်ရာ ဆက်သွယ်၍ မရခဲ့ပါ။

စစ်သားများအကြား ပြောကြားနေသောကောလဟလများကို ကိုးကားကာ ဒေသခံ မျက်မြင်သက်သေက ပြောကြားရာတွင် ရခိုင်တိုင်းရင်းသား တပ်သား ကျော်ရွှေမောင်သည် သူ့အထက် အရာရှိ ဗိုလ်ကြီးကို သူ့လူမှုရေး ကိစ္စများကို ဝင်ရောက် စွက်ဖက် စော်ကားသဖြင့်သတ်ပစ်ခဲ့သည်ဟု ဆိုပါသည်။ သို့သော် ဤအမှုအတွက် အသေးစိတ် အချက်အလက်များကို အတည်ပြု၍ မရနိုင်ခဲ့ပါ။

ပုံမှန်ထောင်ဝင်စာနှင့် တရားခွင်နားထောင်ခွင့်ပေးရန် မိသားစုဝင်များ တောင်းဆို

မြင့်မောင်၊ နန်းဒေဝီ
တနင်္လာနေ့၊ အောက်တိုဘာလ 06 2008

နယူးဒေလီ။ ။ အင်းစိန်ထောင်အတွင်း ချုပ်နှောင်ခံနေရသော နိုင်ငံရေးအကျဉ်းသားများ၏ မိသားစုဝင် ၅ဝ ဦးတို့ စုပေါင်းကာ ပုံမှန် ထောင်ဝင်စာတွေ့ခွင့်နှင့် တရားခွင် ကြားနာခွင့်များ ပြန်လည်ရရှိရန် ယနေ့တွင် တောင်းဆိုလိုက်ကြသည်။

ယခင် တနင်္လာ၊ အင်္ဂါ၊ ဗုဒ္ဓဟူးနေ့များကို ထောင်ဝင်စာခွင့်ပြုသည့် နေ့ရက်များအဖြစ် သတ်မှတ်ထားသော်လည်း စနေ၊ တနင်္ဂနွေ - ၂ ရက်တည်းသို့ လျှော့ချသတ်မှတ်ခဲ့သည်။ ထို့အပြင် ထောင်အတွင်းပြုလုပ်သော နိုင်ငံရေးအကျဉ်းသားများ၏ တရားခွင်သို့ မိသားစုဝင်များ တက်ရောက်ကြားနာခွင့်ကိုလည်း ပိတ်ပင်ခဲ့ရာက တောင်းဆိုမှုများ ပြုလုပ်လာခြင်းဖြစ်သည်။

“အမေတွေ စုပေါင်းပြီးတော့ ဒီနေ့ မနက် ၉ နာရီလောက်မှာ အင်းစိန်ထောင်ရှေ့မှာ ဆုံကြတယ်။ ကိုမင်းကိုနိုင်တော့ အမ ပါလာတာပေါ့။ တရားခွင် အမှုစစ်ဆေးတဲ့နေရာမှာ အေးအေးဆေးဆေး ကြားနာခွင့်ပေးဖို့။ ထောင်ဝင်စာကို နဂိုတွေ့ခွင့်အတိုင်း ပေးဖို့ဆိုပြီးတော့ သွားတောင်းတာ” ဟု အမည်မဖော်လိုသူ နိုင်ငံရေးအကျဉ်းသားတဦး၏ မိခင်က ပြောသည်။

ထောင်အာဏာပိုင် တဦးမှတဆင့် အထက်အရာရှိများထံ ၁ နာရီခြား တောင်းဆိုမှုများ ပြုလုပ်ခဲ့ပေးခဲ့သော်လည်း ထောင်အုပ်ချုပ်ရေး အကြီးအကဲများက လက်မခံ ငြင်းပယ်ခဲ့သည်။

“အန်တီတို့မကြောက်ပါဘူး။ ပထမအနေနဲ့ နှုတ်နဲ့ တောင်းမယ်။ မရရင် အခုလာတဲ့ မိသားစုဝင်တွေနဲ့ တိုင်ပင်ပြီးတော့ ထောင်ပိုင်နဲ့ အကျဉ်းဦးစီးဌာနကို စာရေးပြီး တောင်းဆိုမယ်။ မရမချင်း ဆက်တောင်းဆိုသွားမယ်” ဟု သူမက ပြောသည်။

“စိတ်မကောင်းဘူး။ ကျမမှာ သားကို ကျွေးစရာတွေ ပါတယ်။ သားနဲ့ပတ်သက်လို့ စကားပြောစရာလေးတွေ ရှိတယ်။ သားက မျက်စိနီနေတယ်။ မျက်သားတက်တာလား မသိဘူး။ ရုံးထုတ်တိုင်း ကျမ အနီးကပ်ကြည့်ခွင့်ရတယ်။ ဒီတခေါက် ကြည့်ခွင့်မရတဲ့အတွက် ကျမအနေနဲ့ စိတ်ပူတယ်” ဟု မိသားစုဝင်များ တရားခွင် တက်ရောက်နားထောင်ခြင်းဖြင့် အမှုစစ်ဆေးရာတွင် နှောင့်နှေးကြန့်ကြာစေကြောင်း ထောင်အာဏာပိုင်တဦးက စွပ်စွဲပြောဆိုခဲ့သည်။

ဤအတောအတွင်း တရားသူကြီးများ မျှတစွာ ဆောင်ရွက်မှု မရှိသည့်အတွက်ဆိုကာွှေဝါရောင်တော်လှန်ရေးတွင် ဦးဆောင်ပါဝင်ခဲ့သည့် ရဟန်းတော် ဦးဂမ္ဘီရ နှင့် ၁၁ ဦးပါအမှုအား ဆက်လက် လိုက်ပါ ဆောင်ရွက်ပေးတော့မည် မဟုတ်ကြောင်း ဗဟိုတရာုးံးချုပ်ရှေ့နေ ဦးအောင်သိန်းက ကြေညာလိုက်သည်။

“၁၁ ဦးအမှုနဲ့ ပတ်သက်ပြီး စာမျက်နှာ ၁၃ မျက်နှာပါ လျှောက်လဲချက်ကို တခါထဲ ချေပဖို့  အစိုးရရှေ့နေတွေက ပြောတဲ့အတွက် ဘယ်လိုမှ မဖြစ်နိုင်ဘူး။ ဒါကြောင့် ၁၁ ယောက်ရဲ့ သဘောတူညီချက်နဲ့ ရှေ့နေပါဝါကို ပြန်လည်ရုတ်သိမ်းခဲ့တာ။ ဒါပေမဲ့ ဦးဂမ္ဘီရ ရဲ့ ကျန်ရှိနေတဲ့ ၁၅ မှုကိုတော့ ဆက်လုပ်သွားမယ်” ဟု ဦးအောင်သိန်းက ပြောသည်။

ထောင်တွင်း အစာငတ်ခံ ဆန္ဒပြသူ လူငယ် ဆေးရုံပို့ရ

မြင့်မောင်
ကြာသပတေးနေ့၊ စက်တင်ဘာလ 25 2008

နယူးဒေလီ။ ။ အင်းစိန်ထောင်တွင်း ၁၁ ရက်ကြာ အစာငတ်ခံ ဆန္ဒပြပြီးနောက် ကျန်းမာရေး စိုးရိမ်လာရသဖြင့် အမျိုးသား ဒီမိုကရေစီ အဖွဲ့ချုပ်ဝင် ကိုအောင်ဇော်ဦးကို ထောင်ဆေးရုံသို့ ပို့ဆောင် ကုသထားရသည်။

စက်တင်ဘာလ ၁၃ ရက်နေ့မှ စတင်ကာ တောင်ကြီးမြို့သား လူငယ်ကို နေအိမ် အကျဉ်းကျ ခံနေရသည့် ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများ အားလုံး လွတ်ပေးရန် ထောင်အာဏာပိုင်များအား တောင်းဆိုခဲ့ရာ ကျန်းမာရေး ချို့တဲ့ လာသည့်အတွက် ယမန်နေ့ နံနက်ပိုင်းမှ စတင်ကာ ဆေးကုသမှု ခံယူနေရသည်။

"ထောင်ဆေးရုံးမှာ တင်လိုက်ရတယ်။ သူ့ကို အစာငတ်ခံ ဆန္ဒပြတဲ့ အတွက် အရင်တပတ်က သူ့ကို သီးသန့်ခွဲထားပြီး အင်းစိန် ခွေးတိုက်မှာ တယောက်ထဲ ထားတယ်။ ဒီနေ့ မနက်မှာ ထောင်ဆေးရုံကို ရောက်သွားတယ်။ သူရဲ့ ကျန်မာရေး အခြေအနေက အားရစရာ မရှိဘူး" ဟု လုပ်ဖော်ကိုင်ဖက် လူငယ်တဦးက ပြောသည်။

ရန်ကုန်တိုင်း၊ ကျောက်တံတားမြို့နယ် တရားရုံးတွင် သူ၏ အမှုတွဲများကို ယမန်နေ့က ရုံးထုတ်ခဲ့သည်။

"ရုံးချိန်းမှာ ရောက်မလာဘူး။ ဆန္ဒပြနေတယ်လို့ သတင်းကြားရတယ်။ ရုံးချိန်းကိုတော့ ထွက်မလာတာ နှစ်ပတ်ရှိပြီ" အဆိုပါအမှုကို ခုခံလျှောက်လှဲပေးနေသည့် ဗဟိုတရားရုံးချုပ်ရှေ့နေ ဦးခင်မောင်ရှိန်က ပြောသည်။

ရွှေဝါရောင်တော်လှန်းရေးတွင် ပါဝင်ခဲ့၍ ကိုအောင်ဇော်ဦး အဖမ်းခံခဲ့ရပြီး တရားမဝင် နယ်စပ်ဖြတ်ကျော်မှုနှင့် မတရားအသင်းများသို့ ဆက်သွယ်မှုတို့ဖြင့် အစိုးရက တရားစွဲဆိုထားသည်။

သူနှင့်အမှုတွဲများဖြစ်သည့် ကိုကျော်ဇင်ဝင်း၊ ကိုကျော်ကျော်၊ကိုနေဇာမျိုးဝင်းနှင့် မကြည်ကြည်ဝါ တို့ကို အောက်တိုဘာလ ၁ ရက်နေ့တွင် ရုံးချိန်းထပ်မံ ချိန်းဆိုခဲ့သည်။

< Prev Next >

မြို့နယ် တရားရုံးများတွင် လုံခြုံရေး တိုးမြင့်ချထား

မြင့်မောင်
ဗုဒ္ဓဟူးနေ့၊ စက်တင်ဘာလ 17 2008

နယူးဒေလီ။ ။ ရန်ကုန်တိုင်းအတွင်းရှိ နိုင်ငံရေး အကျဉ်းသားများ ရုံးထုတ် စစ်ဆေးရာ မြို့နယ် တရားရုံးများတွင် လုံခြုံရေးရဲများ၊ လက်နက် အပြည့်အစုံဖြင့် လုံခြုံရေး ချထားကြောင်း သိရသည်။

ရန်ကုန်တိုင်း ဗဟန်းမြို့နယ် အပါအဝင် သင်္ကန်းကျွန်း၊ ကျောက်တံတား၊ လှိုင်သာယာ၊ တောင်ဒဂုံ၊ အင်းစိန်၊ တောင်ဥက္ကလာ၊ အစရှိသည့် နိုင်ငံရေး အကျဉ်းသားများ ရုံးထုတ် စစ်ဆေးလေ့ရှိသည့် မြို့နယ် တရားရုံးများတွင် သြဂုတ်လ နောက်ဆုံးအပတ်မှ စတင်ကာ လည်ပတ်အနီ လုံထိန်းရဲများ၊ တရုတ်ထုတ် (FAW) ကားများဖြင့် လုံခြုံရေး ချထားကြောင်း ရန်ကုန်မှ မျက်မြင်တွေ့ရှိသူ တဦးက ပြောသည်။

“တပ်စိတ် တစိတ်စာလောက် ရှိတယ်။ တရားရုံးတိုင်း လိုလိုမှာ ချထားတယ်။ ကိုမင်းကိုနိုင် တို့ကို ရုံးမထုတ်ခင် သုံးရက်အလိုမှာ စပြီး ချထားတာ” ဟု နိုင်ငံရေး အကျဉ်းသားများ ရုံးထုတ် စစ်ဆေးရာတွင် လိုက်ပါ ဆောင်ရွက်ပေးနေသူ တဦးက ပြောသည်။

၈၈ မျိုးဆက် ကျောင်းသားများ ကိစများကို ကူညီ ဆောင်ရွက်ပေးနေသူ ကျောင်းသားတဦးမှလည်း “ဖမ်းထားတဲ့ ကျောင်းသားတွေ၊ နိုင်ငံရေး လှုပ်ရှားသူတွေ၊ နိုင်ငံရေး အကျဉ်းသားတွေကို ရုံးထုတ်တဲ့ တရားရုံးတွေမှာ ချထားတာ တွေ့ရတယ်။ ကျနော် တွေ့တာကတော့ အဲဒီရုံးတွေမှာ အောက်ခန်းတွေမှာ ရဲကင်း လုပ်ထားတယ်။ အဲဒါ ရုံးတိုင်း ရုံးတိုင်းမှာ လုပ်ထားတယ်” ဟု သူကပြောသည်။

သူက ဆက်၍ ပြောဆိုရာတွင် “သူတို့က သုံးရက်တကြိမ် လူအပြောင်းအလဲ လုပ်တယ်။ တရားရုံးတွေနားမှာ ရဲကင်း တဲထိုးပြီးတော့ နေကြတယ်” ဟု သူကပြောသည်။

ယခုကဲ့သို့ မြို့နယ်အချို့ရှိ တရားရုံးများကို လုံခြုံရေး ချထားခြင်းသည် ဖမ်းဆီးထားသည့် ၈၈ ကျောင်းသား၊ နိုင်ငံရေး အကျဉ်းသားများအား မြန်မြန်ဆန်ဆန် ပုဒ်မတပ် တရားစွဲဆိုခြင်းများ ပြုလုပ်ကာ ထောင်ဒဏ်ချခြင်းများ ပြုလုပ်နေသည့်အပေါ် ဆူပူမှုများ မဖြစ်ပေါ်စေရန် လုံခြုံရေးကြိုတင် ယူထားခြင်း ဖြစ်နိုင်ကြောင်း နိုင်ငံရေး အသိုင်းအဝိုင်းက သုံးသပ် ပြောဆိုနေကြသည်။

အလားတူ ရန်ကုန်မြို့အတွင်းရှိ မြို့နယ်များနှင့် ရပ်ကွက် ငြိမ်ဝပ်ပိပြားရေး ရုံးများတွင်လည်း လုံခြုံရေး ကင်းပုန်းများ ချထားကြောင်း ဧည့်စာရင်းတိုင်သည့် အခါ တွေ့ခဲ့ရသည့် မျက်မြင်တွေ့ရှိသူ တဦးက ယခုလို ပြောသည်။

“ကျနော်တို့ မဝတရုံး တော်တော်များများမှာ ရုံးကို ဧည့်စရင်းသွားတိုင်တာတို့ ထောက်ခံ စာသွားယူတဲ့ အခါ နေတိုင်းလိုလို ရုံးရှေ့မှာ လုံထိန်းရဲ လက်နက် အပြည့်အစုံနဲ့ လည်ပတ်အနီနဲ့ လုံထိန်း တယောက်နှစ်ယောက် ဂိတ်အဝင်ပေါက်မှာ စောင့်နေတယ်။ အဲဒါ ညတိုင်းပဲ စောင့်နေတယ်” ဟု သူကပြောသည်။

ယခင် ရန်ကုန်မြို့နယ် လူစည်ကားရာ နေရာများဖြစ်သည့် လမ်းဆုံ လမ်းခွ၊ မီးပွိုင့်များ နာမည်ကြီး ဘုရားများတွင် လုံခြုံရေး ချထားလေ့ရှိရာ ယခုလို မဝတ၊ ရယက ရုံးများနှင့် မြို့နယ်တရားရုံး အချို့တို့တွင် လုံခြုံရေး ကင်းပုန်းများ ချထားခြင်းဖြင့် နောက်ထပ် ဖြစ်ပေါ်လာမည့် ဆန္ဒပြမှုများ ဖြစ်လာမည်ကို စိုးရိမ်သောကြောင့် ဖြစ်နိုင်ကြောင်း သုံးသပ် ပြောဆိုကြသည်။

လတ်တလောတွင် ရန်ကုန်မြို့ လူစည်ကားရာ နေရာများဖြစ်သည့် ကားဂိတ်များ၊ ဈေးများတွင် ရဲများက ည ၁၁းဝဝ နာရီ နောက်ပိုင်း အလုပ်ခွင်မှ အိမ်ပြန် နောက်ကျသူများအား လမ်းဆုံလမ်းခွများတွင် စစ်ဆေး မေးမြန်းခြင်းများလည်း ရှိကြောင်း သိရသည်။

“ညဘက်ဆိုရင် ၁၁ နာရီ နောက်ပိုင်းမှာ ကောင်းရောင်း ကောင်းဝယ် လုပ်စားတဲ့ ပြည်သူတွေပဲ ဖြစ်ဖြစ် အကြောင်း အမျိုးမျိုးကြောင့် သွားလာရတဲ့ ပြည်သူတွေပဲ ဖြစ်ဖြစ် စစ်ဆေး မေးမြန်းတာတွေ တချို့ စံပြဈေးတို့လို လူစည်းကားတဲ့ နေရာတွေမှာ စစ်ဆေး မေးမြန်းတာတွေ ရှိတယ်” ဟု စံပြဈေးတွင် ကုန်တင်ကုန်ချ လုပ်နေသည် တောင်ဒဂုံ နေထိုင်သူတဦးက ပြောသည်။

အဖွဲ့ချုပ် လူငယ်အဖွဲ့ဝင်တဦး အဖမ်းခံရပြန်

မြင့်မောင်
ဗုဒ္ဓဟူးနေ့၊ စက်တင်ဘာလ 17 2008

နယူးဒေလီ။ ။ ရွှေပြည်သာမြို့နယ်မှ အမျိုးသား ဒီမိုကရေစီ အဖွဲ့ချုပ် လူငယ် အဖွဲ့ဝင် မောင်မျိုးမင်းဝေအား အာဏာပိုင်များက အင်္ဂါနေ့ ညတွင် ၎င်း၏ နေအိမ်၌ လာရောက် ဖမ်းဆီးသွားကြောင်း အဖွဲ့ချုပ်က ပြောသည်။

“ည (၁၁)နာရီမှာ စတင် ရှာဖွေပြီးတော့ (၁၁း၃ဝ)မှာ ဖမ်းခေါ်သွားတယ်။ အဲဒီလို့ ဖမ်းဆီးတဲ့ အချိန်မှာ သူ့အိမ်က မြို့နယ် အခမ်းအနားတွေမှာ ရိုက်ထားတဲ့ ဖလင်လိပ်တွေရယ်၊ အလုပ်သမား ကိစ္စတွေနဲ့ ပတ်သတ်တဲ့ စာရွက်စာတမ်းတွေနဲ့အတူ ဖမ်းခေါ်သွားတယ်” ဟု အမျိုးသား ဒီမိုကရေစီ အဖွဲ့ချုပ် အဖွဲ့ဝင် တဦးက ပြောသည်။

အမျိုးသား ဒီမိုကရေစီ အဖွဲ့ချုပ် ပြောခွင့်ရ ပုဂ္ဂိုလ် ဦးဥာဏ်ဝင်းကလဲ ဖမ်းဆီးသွားသည်မှာ မှန်ကန်ကြောင်း ရွှေပြည်သာ ဗုံးပေါက်ကွဲမူနှင့် ပတ်သက် ပြီး ဖမ်းသွားခြင်း ဖြစ်သည်ဟု သိရကြောင်းပြောသည်။

ဦးဥဏ်ဝင်းက “ကျနော် သိတာ ပြောရရင် မနေ့ညက ၁၁နာရီ လောက်က သူအိမ်မှ လာဖမ်းတယ်။ လာဖမ်းတဲ့ ပုဂ္ဂိုလ်တွေက ရွှေပြည်သာ ဗုံးပေါက်ကွဲမှုနှင့် ပတ်သတ်လို့ မေးမြန်းစရာရှိလို့ ဆိုပြီး ရဲတွေက ခေါ်ဆောင်သွားတယ်” ဟု ပြောသည်။

စက်တင်ဘာလ ၈ နေ့က ပြုလုပ်သော နအဖ စစ်အစိုးရ၏ သတင်းစာ ရှင်းလင်းပွဲတွင် ရဲချုပ် ခင်ရီက ရန်ကုန်မြို့ ရွှေပြည်သာမြို့နယ်ရှိ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအဖွဲ့ ရုံးဗုံးပေါက်ကွဲမှုသည် အန်အဲလ်ဒီ အဖွဲ့ဝင်များ၏ လက်ချက် ဖြစ်ကြောင်းနှင့် ၎င်းနှင့် ပတ်သက်၍ တရာခံများကို ဖမ်းဆီးမိခံပြီး ဖြစ်ကြောင်း ပြောကြားခဲ့သည်။

လွန်ခဲ့သည့် သြဂုတ်လမှစ၍ ယခုချိန်ထိ လူ့အခွင့်အရေး ကာကွယ် မြှင့်တင်ရေး ကွန်ယက်မှ ဦးမြင့်အေး အပါအဝင် အဖွဲ့ချုပ်လူငယ် အနည်းဆုံး ၁ဝ ဦး ကို နအဖမှ ဖမ်းဆီး ချုပ်နှောင်ထားခဲ့သည်။

ဒေါ်အောင်ဆန်းစုကြည်ကို စာနှင့်သတင်းစာများ ဖတ်ခွင့်ပြုရပြီ

မြင့်မောင်
သောကြာနေ့၊ စက်တင်ဘာလ 12 2008

အထိန်းသိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည်ကို မိသားစုဝင်များထံမှ စာဖတ်ခွင့်နှင့် သတင်းစာစောင်များ ဖတ်ခွင့်ကို စစ်အစိုးရက ခွင့်ပြုလိုက်ပြီ ဖြစ်သည်။

နေအိမ်အကျယ်ချုပ် ကျခံနေရသူ ဒေါ်အောင်ဆန်းစုကြည်၏ တောင်းဆိုချက် အချို့ကို စစ်အစိုးရက လိုက်လျောခဲ့ရာတွင် စာအဆက်အသွယ် ပြုခြင်းနှင့် ဂျာနယ်၊ မဂ္ဂဇင်းဖတ်ခွင့်တို့ ရရှိခဲ့သည်ဟု သူမ ဦးဆောင်သော နိုင်ငံရေးပါတီ အမျိုးသားဒီမိုကရေစီ အဖွဲ့ချုပ် ပြောခွင့်ရ ဦးဥာဏ်ဝင်းက ပြောသည်။

ထို့အပြင် သူမနှင့်အတူ နေအိမ်အကျယ်ချုပ် ကျခံနေရသလို ဖြစ်နေသူ စောင့်ရှောက်မှု ပြုနေသော ဒေါ်ခင်ခင်ဝင်းနှင့် သမီး မဝင်းပပ တို့ကိုလည်း လွတ်လပ်စွာ သွားလာခွင့်ပြုလိုက်ပြီ ဖြစ်သည်။

ကြာသပတေးနေ့က ဒေါ်အောင်ဆန်းစုကြည်နှင့် သူမ၏ ရှေ့နေ ဦးကြည်ဝင်းတို့ စတုတ္ထအကြိမ်မြောက် တွေ့ဆုံခဲ့ခွင့် ရရှိခဲ့ပြီးနောက် ယခုသတင်း ပေါ်ထွက်လာခြင်း ဖြစ်သည်။

“ဒေါ်ခင်ခင်ဝင်း မိသားစုကို လွတ်လွတ်လပ်လပ် သွားလာခွင့် ပြုတယ်ဆိုတဲ့ သဘောတူညီချက် ရပါတယ်။ မိသားစုစာ နှင့် ဂျာနယ် ၊ မဂ္ဂဇင်းတွေ ဖတ်ခွင့်ရရှိဖို့ သဘောတူညီချက် ရပါတယ်။ ကျန်နေတာကတော့ အယူခံကိစ္စ မပြီးပျက်သေးဘူး ဆောင်ရွက်ဆဲ ဖြစ်နေတယ်” ဟု အမျိုးသား ဒီမိုကရေစီ အဖွဲ့ချုပ် ပြောခွင့်ရ ဦးဥာဏ်ဝင်းက ပြောသည်။

ဒေါ်အောင်ဆန်းစုကြည်နှင့် ယမန်နေ့က ၂ နာရီကြာ တွေ့ဆုံခဲ့ပြီး စစ်အစိုးရက သူမကို တရားမဝင် ထိန်းသိမ်းထားမှုအပေါ် ဆွေးနွေးခဲ့ကြောင်း ရှေ့နေဦးကြည်ဝင်းက မဇ္ဈိမသို့ ပြောသည်။

“သူကျန်မားရေး ကောင်းပါတယ်” ဟု ဦးကြည်ဝင်းက ပြောသွားသည်။ သို့သော် ဒေါ်အောင်ဆန်းစုကြည်၏ ကျန်းမာရေး အခြေအနေ အသေးစိတ်ကို သူမ၏ ဆရာဝန် ဒေါက်တာတင်မျိုးဝင်းကသာ ထုတ်ဖော် ပြောကြားလိမ့်မည်ဟု ဆိုသည်။

ပုံမှန်တပတ်တခါ အစားအသောက်များ ပို့ဆောင်နေခြင်းကို လက်ခံရယူရန် သြဂုတ်လလယ် ကတည်းက ဒေါ်အောင်ဆန်းစုကြည်က ငြင်းဆန်ခဲ့ပြီးနောက် အစာငတ်ခံ ဆန္ဒပြပြီး စစ်အစိုးရကို တောင်းဆိုမှုများ ပြုလုပ်နေသည် ဆိုသော ကောလာဟလများ ပျံ့နှံ့ခဲ့ကာ သူမ၏ ကျန်းမာရေးနှင့် ပတ်သက်၍ စိုးရိမ်မှုများစွာ ပေါ်ထွက်လာခဲ့သည်။

ရန်ပွဲကြောင့် ကောလိပ်ကျောင်းသားတဦး သေဆုံး

မြင့်မောင်
သောကြာနေ့၊ စက်တင်ဘာလ 12 2008

နယူးဒေလီ။ ။ မြင်းခြံ ဒီဂရီကောလိပ် ကျောင်းသားများနှင့် ၁ဝ တန်း ကျောင်းသားတစုတို့ ခိုက်ရန် ဖြစ်ပွားရာမှ ဗုဒ္ဓဟူးနေ့ည ၈း၃ဝ နာရီတွင် အခင်းဖြစ်ပွားရာ ကျောင်းသားမှာ ပွဲချင်းပြီး သေဆုံးသွားသည်။

မန္တလေးတိုင်း၊ မြင်းခြံမြို့နယ်အတွင်း နှစ်ကျိပ်ရှစ်ဆူ ဘုရားပွဲ လှည့်လည်ကပြ ဖျော်ဖြေနေစဉ် ကားနောက်တွင် လိုက်ပါလာသည့် ကျောင်းသားခြောက်ဦးနှင့် ၁ဝ တန်းကျောင်းသား တစုတို့ မြင်းခြံဈေးကြီးအနီးတွင် အချင်းများ ရန်ဖြစ်ရာမှ သံချွန်ဖြင့် အထိုးခံ၍၍ သတ္တဗေဒ ဒုတိယနှစ်ကျောင်းသား ကိုမန်ဘူးခီ သေဆုံးသွားသည်။

“မြင်းခြံ မြို့နယ်ဆေးရုံကြီးမှာ အလောင်းခွဲစိတ် စစ်ဆေးချက်အရ စကေဗာလို့ လူသိများတဲ့ ချွန်ထက်တဲ့ လက်နက်နဲ့ အထိုးခံရတဲ့ ဒဏ်ရာကြောင့် သေဆုံးတာ” ဟု သေဆုံးသူနှင့် ဆွေမျိုးတော်သူတဦးက ပြောသည်။

မြင်းခြံရဲစခန်းက အမှုတွင် ပတ်သက်သည်ဟု သံသယရှိသူ ၁၈ ဦးအား ဖမ်းဆီးစစ်ဆေးမှုများ ပြုလုပ်နေသည် ဟုလည်း သူက ပြောသည်။

ကိုမန်ဘူခီးသည် ချင်းပြည်နယ် ကန်ပက်လက် မြို့မရပ်ကွက် ဇာတိကဖြစ်ပြီး သူ၏ ရုပ်အလောင်းကို ယနေ့နံနက် ၉းဝဝ နာရီတွင် သဂြိုလ်ခဲ့သည်။

တွံတွေးဈေးမီး ဆိုင်ခန်း ၁၅ဝ မီးလောင်

မြင့်မောင်
ဗုဒ္ဓဟူးနေ့၊ စက်တင်ဘာလ 10 2008

နယူးဒေလီ။ ။ တွံတေးမြို့နယ် အတွင်းရှိ ဈေးကြီးတွင် အင်္ဂါနေ့ညက ဝါယာရှော့ဖြစ်ပြီး မီးလောင်ကျွမ်းရာ ဈေး၏ ဆိုင်ခန်းပေါင်း ၁၅ဝ ခန့် မီးလောင်ကျွမ်းသွားပြီး ခန့်မှန်းခြေ ကျပ်ငွေ သိန်း ၃ဝဝ ခန့် ဆုံးရှုံးသွားသည်။

ရန်ကုန်တိုင်း တွံတေးမြို့နယ် ဈေးကြီးတွင် ယမန်နေ့ည ၁ဝး၁၅ နာရီက လောင်ကျွမ်းမှုဖြစ်ပြီး မြို့ခံ အရပ်သားများနှင့် သံဃာတော်များ စုပေါင်းငြိမ်းသတ်ရာ ဗုဒ္ဓဟူးနေ့ နံနက် ၂ နာရီခန့်တွင် မီးငြှိမ်းသတ်နိုင်ခဲ့သည်။

“မီးလောင်နေတဲ့ အချိန်မှာ ဈေးရဲ့ ၃ ပုံ ၂ ပုံလောက် လောင်ကျွမ်းသွားတယ်။ အဲဒီလို မီးလောင်နေတဲ့ အချိန်မှာ တွံတေးမှာရှိတဲ့ မီးသတ်ကား နှစ်စီးလုံးမှာ တစီးက ဘိန်းပေါက်နေပြီးတော့ ကျန်တစီးက ဓာတ်ဆီ မရှိဘူး။ မီးသတ် တပ်ဖွဲ့ဝင်တွေကလည်း ရေတောင်းခြင်းလည်း မရှိဘူး၊ ကူညီခြင်းလည်း မရှိဘူးပဲ ဒီအတိုင်း ရပ်နေကြတယ်” ဟု မျက်မြင်သက်သေ တဦးက မဇ္ဈိမသို့ ပြောသည်။

ဈေးကြီး မီးလောင်မှု ဖြစ်ပွားခဲ့သည့်အတွက် ရွှေဆိုင်များ အပါအဝင် ဈေးဆိုင်ခန်း စုစုပေါင်း ၁၅ဝ ခန့် မီးလောင်ကျွမ်းခဲ့ပြီး ကာလတန်ဘိုး မြန်မာကျပ်ငွေ သိန်း ၃ဝဝ ကျော်ဆုံးရှုံးသွားခဲ့ကြောင်း ဒေသဆိုင်ရာ မီးသတ် အရာရှိများက ခန့်မှန်းထားကြောင်း သူမက ပြန်လည်ပြောပြသည်။
ရွှေလက်ခုတ် ဘုန်းကြီးကျောင်းနှင့် ကျောင်းသစ် ဘုန်းကြီးကျောင်းမှ သံဃာအပါး ၁ဝဝ ကျော်နှင့် မြို့ခံပြည်သူများ မီးငြိမ်းသတ်ခဲ့ရခြင်း ဖြစ်ပြီး ဒလမြို့နှင့် လှိုင်သာယာမြို့မှ မီးသတ်ကားများ နောက်ပိုင်းတွင် ရောက်ရှိလာခဲ့သည်။

ဒေသ အာဏာပိုင်များက တွံတေး ဈေးကြီးမီးလောင်မူနဲ့ ပတ်သတ်၍ ဈေးအတွင်း လုံခြုံအစောင့် ၃ ဦးအား စစ်ဆေး မေးမြန်းရန် ခေါ်ဆောင်သွားသည်။

ဒေါ်အောင်ဆန်းစုကြည်၏ လူယုံတော်ကို ဆေးရုံပြောင်း ကုသ

မြင့်မောင်
တနင်္လာနေ့၊ စက်တင်ဘာလ 08 2008

နယူးဒေလီ။ ။ လူထုခေါင်းဆောင် ဒေါ်အောင်ဆန်းစုကြည်ကို ကူညီစောင့်ရှောက်နေသူ အသက် ၂၈ နှစ်အရွယ် မဝင်းပပသည် ဆေးကုသနေသည့် ဆေးရုံမှ နှစ်ရက်မြောက် ယနေ့တွင် အခြားနေရာသို့ ပြောင်းရွှေ့သွားသည်။

ယခုလ ၅ ရက်နှင့် ၆ ရက်နေ့တို့တွင် ရန်ကုန် ပြည်သူ့ဆေးရုံကြီးနှင့် ကျောက်တံတားမြို့နယ် ဘားလမ်းရှိ ကုသိုလ်ဖြစ် မူဆလင်ဆေးရုံတွင် ကျန်းမာရေး အခြေအနေ မကောင်းသဖြင့် တက်ရောက် ကုသနေရာမှ ပုဂ္ဂလိက ဆေးရုံတခုသို့ ယနေ့တွင် ပြောင်းရွှေ့သွားခြင်း ဖြစ်ကြောင်း အမျိုးသား ဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ဦးဉာဏ်ဝင်းက ပြောဆိုခြင်း ဖြစ်သည်။

“ဒီကနေ့ ဆေးရုံပြောင်းတယ်လို့တော့ ကြားတယ်။ ဘယ်ဆေးရုံကို ပြောင်းသွားတယ် ဆိုတာကိုတော့ ကျနော်တို့ အတိအကျ အတည်ပြု ပြောဆိုနိုင်မှု မရှိသေးဘူး” ဟု ဦးဉာဏ်ဝင်းက မဇ္ဈိမကို ပြောသည်။

ဆေးကုသ ခံယူနေချိန်တွင် အစောင့်အကျပ်များ၊ အရပ်ဝတ် ရဲများနှင့် ရဲမေများသည် ခွဲစိတ်ခန်း အပါအဝင် ဆေးရုံ ပတ်ဝန်းကျင်တွင် လုံခြုံရေးအဖြစ် ချထားခဲ့သည်။

မဝင်းပပသည် မိခင်ဖြစ်သူ ဒေါ်ခင်ခင်ဝင်းနှင့်အတူ ဒေါ်အောင်ဆန်းစုကြည်ကို စောင့်ရှောက်နေသူ ဖြစ်သည်။

ဦးဉာဏ်ဝင်းက “၂ဝဝ၄ ခုနှစ် ကနေ အခုချိန်ထိ ဒေါ်အောင်ဆန်းစုကြည်နဲ့ အတူနေထိုင်တယ်။ သူတို့မှာ ဘာအမှုမှ မရှိဘဲ ဒေါ်အောင်ဆန်းစုကြည်ကို စောင့်ရှောက်နေတဲ့အတွက် သူတို့မိသားစုကို လွတ်လွတ်လပ်လပ် အပြင်ထွက်ခွင့် မပေးတာကို ဒေါ်အောင်ဆန်းစုကြည်ကလည်း အဲဒါကို အရေးဆိုပေးဖို့ တောင်းဆိုတာ ဖြစ်တယ်” ဟု ပြောသည်။

ဒေါ်အောင်ဆန်းစုကြည်၏ ရှေ့နေ ဦးကြည်ဝင်းကလည်း “လွတ်လွတ်လပ်လပ် ထွက်ခွင့် မရဘူးလေ။ ကျနော်တို့ကို ဒေါ်အောင်ဆန်းစုကြည်ကလည်း အဲဒါကို အရေးဆိုပေးဖို့ တင်ပြပေးဖို့ မှာတဲ့အတွက် ကျနော် စာရေးထားပါတယ်” ဟု ပြောသည်။

ဦးကြည်ဝင်းက ဆက်ပြီး “အထင်ကတော့ မှန်းကြည့်ရတာက သူတို့ကို လွှတ်ပါလိမ့်မယ် ထင်တယ်။ ဒေါ်ခင်ခင်ဝင်း အနေနဲ့ သူ့ သမီး မဝင်းပပကို ပြုစု စောင့်ရှောက်နေသလား။ ဒေါ်အောင်ဆန်းစုကြည် ဘေးမှာ ရှိတာလားဆိုတာ ကျနော့်အနေနဲ့ မပြောနိုင်သေးဘူး။ မနက်ဖြန်မှာ ပြန်မေးကြည့်ရအုံးမယ်” ဟု ပြောသည်။

ဒေါ်အောင်ဆန်းစုကြည်သည် သူ့ထံ နေ့စဉ်ပုံမှန် ပေးပို့သော ဈေးခြင်းကို လက်မခံတော့သည်မှာ ရက်သတ္တပတ် ၃ ပတ်ခန့် ရှိသွားပြီဟု ထိုင်းနိုင်ငံအခြေစိုက် အမျိုးသား ဒီမိုကရေအဖွဲ့ချုပ် (ဗဟို) က ယခုလ ၅ ရက်နေ့တွင် ထုတ်ဖော်ပြောဆိုခဲ့သည်။

“အခုဆိုရင် ၃ ပတ်ကျော်သွားပြီဆိုတော့ စားစရာမရှိသလောက် ဖြစ်ပြီလို့ ကျနော်တို့ ယူဆတယ်။ သူရဲ့ ကျန်းမာရေး အခြေအနေက ဆိုးရွားစရာ၊ စိတ်ပူပန်စရာ ဖြစ်လာတယ်။ အဲဒီလိုပဲ ခြံထဲမှာ ရှိတဲ့ သူတွေကလည်း သူ့သမီးက ရုတ်တရက် ဆေးရုံ ကောက်တက်ရတယ် ဆိုတာကလည်း အစာရေစာ ချို့တဲ့တဲ့အတွက်ကနေ စမှာဖြစ်တယ်။ တယောက်ပြီး တယောက် ဖြစ်မယ့် သဘောရှိတယ်” ဟု အမျိုးသားဒီမိုကရေစီ အဖွဲ့ချုပ် (လွတ်မြောက်နယ်မြေ) မှာ အတွင်းရေးမှူး ကိုမြင့်စိုးက ပြောသည်။

GW အဖွဲ့ဝင်နှင့် လူငယ်တဦး ဖမ်းဆီးခံရ

မြင့်မောင်
ကြာသပတေးနေ့၊ စက်တင်ဘာလ 04 2008

နယူးဒေလီ။ ။ ရန်ကုန်အခြေစိုက် မျိုးဆက်သစ် လူငယ်များ အစည်းအရုံး Generation Wave (GW) မှ အဖွဲ့ဝင်တဦးနှင့် အမည်မသိ လူငယ်တဦးအား ယမန်နေ့ နံနက်ပိုင်းတွင် အာဏာပိုင်များက ဖမ်းဆီးခဲ့သည်။

GW အဖွဲ့ဝင် ကိုတင်မျိုးထွတ် (ခ) ကိုကျော်ဦးနှင့် အမည်မသိ အခြား လူငယ်တဦးအား ယမန်နေ့က နံနက် ၇ နာရီခွဲခန့်က ကမာရွတ်မြို့နယ် ဘုရင့်နောင်ပွဲရုံလမ်းဆုံမှ အမေ့ရွာ လ္ဘက်ရည်ဆိုင်အနီးတွင် ဖမ်းဆီးသွားခြင်း ဖြစ်သည်။

“သူက သူငယ်ချင်းတယောက်နဲ့ ချိန်ထားတယ် ဆိုတာကို သူ အဖမ်းမခံရမီ တနေ့က ကျနော်တို့ကို ဖုန်းဆက် အကြောင်းကြားထားတယ်။ မနေ့က ဖုန်းဆက်တဲ့ အခါကျတော့ ဖုန်းက စကား ပြန်မပြောတော့ဘူး။ ကိုင်တော့ ကိုင်တယ်၊ အသံတချို့လည်း ကြားရတယ်။ သူ့ကို စစ်ဆေးမေးမြန်းတဲ့ အသံတွေကို ကြားရတယ်” ဟု GW အဖွဲ့မှ ပြောခွင့်ရပုဂ္ဂိုလ် ကိုမိုဃ်းသွေးက မဇ္ဈိမကို ပြောသည်။

မျက်မြင်သက်သေ တဦးကလည်း “မျိုးဆက်သစ် လူငယ်များ အစည်းအရုံးက ကိုတင်မျိုးထွတ်ကို မနေ့ မနက်က ဖမ်းသွားတာပါ။ သူတို့ကို အရပ်ဝတ်ရဲ ၃ ယောက်က ဖမ်းခေါ်သွားတာ ဖြစ်တယ်” ဟု ပြောသည်။

သူတို့နှစ်ဦးအား မည်သည့်နေရာသို့ ခေါ်ဆောင်သွားခြင်းကိုမူ မသိရသေးကြောင်း သူက ဆက်ပြောသည်။

ကိုတင်မျိုးထွတ် ဖမ်းဆီးခံရမှုနှင့် ပတ်သက်ပြီး ထိုင်းအခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (မြန်မာနိုင်ငံ) (AAPP) မှ တွဲဘက်အတွင်းရေးမှူး ကိုဘိုကြည်က ဟုတ်မှန်ကြောင်း ယခုလို အတည်ပြု ပြောဆိုသည်။

“ကိုတင်မျိုးထွတ် (ခ) ကိုကျော်ဦး အဖမ်းခံရတယ်။ နောက်ထပ် သူတို့နဲ့ ဆက်နွယ်ပြီးတော့ ဘယ်သူတွေ ဆက်အဖမ်းခံရအုံးမယ် ဆိုတာ မပြောနိုင်သေးပါဘူး” ဟု ပြောသည်။

ကိုတင်မျိုးထွတ်သည် ၁၉၈၈ ခုနှစ် အထက်တန်း ကျောင်းသားဘဝတွင် ရှစ်လေးလုံး လူထု လှုပ်ရှားမှုကြီး၌ တက်ကြွစွာ ပါဝင်ခဲ့သလို၊ ၁၉၉၂ ခုနှစ်တွင် ဖမ်းဆီးခံရပြီး ထောင်ဒဏ် ၅ နှစ် ပြစ်ဒဏ်ကျခံခဲ့ရသူ ဖြစ်သည်။

ယမန်နေ့က ထုတ်ပြန်သည့် GW ၏ အထူးထုတ်ပြန် ကျေညာချက်တွင် နအဖ အနေဖြင့် နိုင်ငံရေး ပဋိပက္ခများကို အကြမ်းမဖက် ငြိမ်းချမ်းသော နည်းလမ်းများဖြင့် ဝိုင်းဝန်းဖြေရှင်းရန် ကြိုးပမ်းနေသော မျိုးဆက်သစ် ကျောင်းသား လူငယ်များအား ယခုလို မတရား ဖမ်းဆီးနေခြင်းကို ရပ်တန့်ရန် တောင်းဆိုခဲ့သည်။

ထို့အပြင် ယခင်ကတည်းက ဖမ်းဆီးထားသူများကိုပါ အမြန်ဆုံး ပြန်လွှတ်ပေးပြီး နိုင်ငံရေး ပြဿနာကို လူကြီး လူကောင်းဆန်စွာ တွေ့ဆုံဆွေးနွေး ဖြေရှင်းပေးရန် အလေးအနက် တောင်းဆိုကြောင်း ပြောဆိုခဲ့သည်။

အကြမ်းမဖက် လှုပ်ရှားမှုများသည် ရပ်တန့်သွားမည် မဟုတ်ဘဲ စစ်အာဏာရှင်စနစ်အား ဆက်လက်၍ အရှိန်မြှင့်ကာ တော်လှန်ရေးတရပ် ဆက်လက် လုပ်ဆောင်သွားမည်ဟုလည်း ကြေညာတွင် ရေးသားထားသည်။

GW ကို ၂၀၀၇ ရွှေဝါရောင် တော်လှန်ရေး အပြီးတွင် တက်ကြွစွာ ပါဝင်လှုပ်ရှားခဲ့သည့် ကျောင်းသားလူငယ်များ စုစည်း၍ အောက်တိုဘာလ ၉ ရက်နေ့တွင် ဖွဲ့စည်းခဲ့ပြီး၊ အကြမ်းမဖက် နည်းလမ်းများဖြင့် အာဏာရှင်စနစ်အား တော်လှန်ဆန့်ကျင်သည့် လှုပ်ရှားမှုများ လုပ်ဆောင်လာခဲ့ခြင်း ဖြစ်သည်။

ထိုသို့ လှုပ်ရှားမှုများ ဆောင်ရွက်နေရင်း ယခုနှစ် မတ်လတွင် ဇေယျာသော် (ခ) ကျော်ကျော် (အက်စစ်အဖွဲ့ အဆိုတော်)၊ အောင်ဇေဖြိုး (အင်ဂျင်နီယာ မဟာဘွဲ့ကျောင်းသား)၊ အာကာဗိုလ် (ဆေးတက္ကသိုလ် ကျောင်းသားဟောင်း) နှင့် သီဟ၀င်းတင် (ဒုတိယနှစ် ဥပဒေကျောင်းသား) တို့ ဖမ်းဆီးခံခဲ့ရသည်။

ယခုလို ဖမ်းဆီးခံရမှုများ ရှိခဲ့သော်လည်း ကျန်ရှိသော အဖွဲ့ဝင်များမှ ဆက်လက်၍ လှုပ်ရှားမှုများ ဖော်ဆောင်ခဲ့ကြသည်။

လစဉ်လတိုင်း လှုပ်ရှားမှုအငယ်များ ဖော်ဆောင်ခဲ့ပြီး၊ ရှစ်လေးလုံး နှစ် ၂၀ ပြည့် အထိမ်းအမှတ်အဖြစ် ၂၀၀၈ ခုနှစ် သြဂုတ်လတွင် ဆေးနီပက်ဖြန်းခြင်း လှုပ်ရှားမှုကို နိုင်ငံတ၀န်းရှိ မြို့အချို့တွင် အခြားသော တော်လှန်သော အင်အားစုများဖြင့် ချိတ်ဆက် လှုပ်ရှားခဲ့ကြသည်။

ဒေါ်အောင်ဆန်းစုကြည်နှင့် ရှေ့နေ ဦးကြည်ဝင်း တွေ့ဆုံခွင့်ရ

မြင့်မောင်
တနင်္လာနေ့၊ စက်တင်ဘာလ 01 2008

နယူးဒေလီ။ ။ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် သူ၏ ရှေ့နေ ဦးကြည်ဝင်းကို ဗဟန်းမြို့နယ် တက္ကသိုလ် ရိပ်သာလမ်းရှိ နေအိမ်တွင် ယနေ့ နံနက်ပိုင်းက တွေ့ဆုံခွင့်ရခဲ့သည်။

ယနေ့နံနက် ၉ နာရီ ၁၅ မိနစ်မှ စတင်ကာ မိနစ် ၃ဝ ကြာ ဒေါ်အောင်ဆန်းစုကြည် အကျယ်ချုပ် ကျခံနေရသည့် သူ၏ နေအိမ်တွင် ရှေ့နေ ဦးကြည်ဝင်းနှင့် တွေ့ဆုံခွင့် ရလိုက်ခြင်း ဖြစ်သည်။

“ကျနော် သိရတာကို ကျနော် တိတိကျကျ ပြောလိုက်မယ်။ ဒေါ်အောင်ဆန်းစုကြည်က ပြောလိုက်တယ်။ သူရဲ့ ကျန်မာရေး ကောင်းပါတယ်။ ဒါပေမယ်လို့ ခန္ဓာကိုယ် အလေးချိန် နည်းနည်းလျော့နေတယ်။ သူ နည်းနည်း ပင်ပန်းနေတယ်။ အဲဒါကြောင့် နားဖို့လို့တယ်။ ကျန်မာရေးနဲ့ ပတ်သက်လို့ အဲဒီဟာပဲ” ဟု အမျိုးသားဒီမိုကရေစီ အဖွဲ့ချုပ် ပြောခွင့်ရပုဂ္ဂိုလ် ဦးဉာဏ်ဝင်းက ပြောသည်။

ဒီမိုကရေစီ ခေါင်းဆောင်အနေဖြင့် ပြီးခဲ့သည့်လ နောက်ဆုံးပတ်အတွင်း ပြန်သွားသည့် ကုလသမဂ္ဂ မြန်မာပြည်ဆိုင်ရာ အထူးကိုယ်စားလှယ် မစ္စတာ ဂမ်ဘာရီ၏ ခရီးစဉ်အပြီး ပြင်ပရှိ ပုဂ္ဂိုလ်များနှင့် တွေ့ဆုံခွင့်ရခြင်းမှာ ပထမဆုံးအကြိမ် ဖြစ်သည်။

ယခုလ ၄ ရက်နေ့တွင်လည်း သူ၏ ဆရာဝန်ဖြစ်သူ ဒေါက်တာတင်မျိုးဝင်းနှင့် တွေ့ဆုံကာ ဆေးစစ်ခွင့် ရရှိမည့်အကြောင်း ဦးဉာဏ်ဝင်းက ယခုလို ပြောသည်။

သူက “ဆရာဝန် ဒေါက်တာတင်မျိုးဝင်းနဲ့ ပုံမှန် တလတကြိမ် တွေ့ဖို့ နအဖ စစ်အစိုးရနဲ့ သဘောတူညီမူ ရထားတယ်။ လွန်ခဲ့တဲ့ သြဂုတ်လ ၁၇ ရက်၊ ၂ဝဝ၈ ခုနှစ် နောက်ဆုံး တွေ့ခွင့်ရပြီး ဒီလ ၄ ရက်နေ့မှာ သူမရဲ့ ကျန်မာရေးကို ထပ်မံ ဆေးစစ်ခွင့် ရလိမ့်မယ်” ဟု ပြောသည်။

ဒေါ်အောင်ဆန်းစုကြည်သည် ပြီးခဲ့သည့် လလယ်ခန့်မှ စတင်ကာ တပတ်တခါ ပုံမှန် ပေးသွင်းနေသည့် အစားအသောက်များကို လက်မခံတော့ဘဲ ရပ်ဆိုင်းထားသဖြင့် အစာငတ်ခံ ဆန္ဒပြနေခြင်း ဖြစ်နိုင်ကြောင်း ပြည်တွင်းပြည်ပတွင် ခန့်မှန်းချက်များ ပေါ်ပေါက်နေချိန်တွင် ရှေ့နေဖြစ်သူနှင့် တွေ့ဆုံခွင့် ရလိုက်ခြင်းလည်း ဖြစ်သည်။

၂ဝဝ၃ ခုနှစ် မေလ ၃ဝ ရက်နေ့တွင် ဖြစ်ပွားခဲ့သည့် ဒီပဲယင်း အကြမ်းဖက် တိုက်ခိုက်မှု နောက်ပိုင်း အကျယ်ချုပ် ကျခံခဲ့ရသည်ကို အယူခံ ဝင်ရောက်ရေးအတွက် ပြင်ဆင်သည့် အနေဖြင့် ပြီးခဲ့သည့်လ ၈ ရက်နေ့နှင့် ၁၇ ရက်နေ့တွင်လည်း ရှေ့နေ ဦးကြည်ဝင်းနှင့် တွေ့ဆုံခွင့် ရရှိခဲ့သေးသည်။
< Prev Next >

တရားမဝင် VCD/DVD များ ရောင်းချမှုကြောင့် ဂီတလောက ထိခိုက်ရ

မြင့်မောင်
ကြာသပတေးနေ့၊ သြဂုတ်လ 28 2008




နယူးဒေလီ။ ။ မြို့တော်ဟောင်း ရန်ကုန်နှင့် နယ်ဒေသများတွင် တေးသီချင်း VCD/DVD ခွေများ တရားမဝင် ကော်ပီကူးယူ ရောင်းချမှုများ များပြားနေသဖြင့် ဂီတလောက အနေဖြင့် စီးပွားရေးအရ ဆုံးရှုံး နစ်နာနေကြောင်း ဂီတလောကမှာ အဆိုတော်များနှင့် ထုတ်လုပ်သူများက တညီတညာတည်း ပြောဆိုလိုက်ကြသည်၊

မူရင်းခွေများအား ကူးယူကာ ဈေးပေါပေါဖြင့် တရားမဝင် ရောင်းချနေမှုများ များပြားနေသောကြောင့် တေးထုတ်လုပ်သူများနှင့် တေးသံရှင်များအတွက် ကြီးမားသည့် ဆုံးရှုံးမှုများ ပေါ်ပေါက်နေရသည်။

“ခိုးကူးတွေကြောင့်မို့ ဂီတလောက တခုလုံးရဲ့ စီးပွားရေးက ရပ်ဆိုင်းလုနီးပါး ရှိပါတယ်။ လောလောဆယ် ၂ နှစ်၊ ၃ နှစ်နီးပါး ဘာမှ လုပ်လို့မရဘူး။ ဒီတော့ တချို့လူတွေကလည်း စတိတ်ရှိုးလေး ဘာလေး လှည့်ဆိုပြီး ကိုယ့်ရဲ့ ပရိုမိုးရှင်း (Promotion) လေး ဘာလေး မြှင့်ပြီးတော့လည်း VCD ခွေ ထုတ်တာတွေလည်း ရှိပါတယ်။ စီးပွားရေး အတွက်က တွက်ခြေမကိုက်ဘူး ဖြစ်နေတယ်” ဟု တေးရေးသူနှင့် အဆိုတော် ဆောင်းဦးလှိုင်က မဇ္ဈိမကို ပြောသည်။

နာမည်ကြီး ရော့ခ် Rock အဆိုတော် ဇော်ဝင်းထွဋ်ကလည်း “ကျနော်တို့ အများကြီး နစ်နာသွားတယ်။ ကျနော်တို့က ဒီအသက်အရွယ် ရောက်လာပြီး ကိုယ့်ဘဝ အကုန်လုံးနီးပါး Invest (ရင်းနှီးမြှုပ်နှံ) လုပ်ပြီးတော့ ဒီထဲမှာ နေနေတာဆိုတော့ ဒီ့ပြင်အလုပ်ကို ပြောင်းလုပ်ရအောင်ကလည်း ဘာမှ လုပ်လို့ မရတော့ဘူး။ ဒီ့ထက် ထိခိုက်တာတော့ မရှိတော့ဘူး။ လူဆိုတာက အတတ်နိုင်ဆုံးက မျှော်လင့်တယ်။ အတတ်နိုင်ဆုံး ရှင်သန်မယ်ဆိုတဲ့ စိတ်နဲ့ ပိုများ ကောင်းမလားလို့၊ မနက်ဖြန်များ ပြန်ကောင်းလာမလားလို့ မျှော်လင့်ပြီး နေရတယ်” ဟု ပြောသည်။

ခိုးကူခွေများ ရောင်းချနေမှုကြောင့် ထုတ်လုပ်သူများ၏ စီးပွားရေးနှင့် အနုပညာရှင်များ၏ ဖန်တီးမှုများ ကျဆင်းရကြောင်း ထုတ်လုပ်သူ တဦးကလည်း ပြောဆိုသည်။

ကိုဇော်ဝင်းထွဋ်က “ကိုယ်က သူတို့လို ထုတ်ခြင်းအားဖြင့် ဝင်ငွေ ဒီလောက် ရစရာ မရှိတော့တဲ့ သဘော ဖြစ်သွားတယ်။ အပြင် (ဈေးကွက်) နဲ့ ဆက်သွယ်တဲ့ နေရာမှာ ထုတ်လုပ်သူတွေနဲ့ အဆိုတော်တွေ နဲတော့ Role ကျသွားတယ်။ အရင်လို မာမာတင်းတင်း ပြောလို့ မရတော့ဘူး။ ဈေးကျသွားသလို ကိုယ်လည်း စီးပွား သိပ်မဖြစ်သလို ဖြစ်နေတယ်” ဟု ပြောသည်။

ပုံမှန်အားဖြင့် VCD/DVD စီဒီခွေ တခွေလျှင် ကျပ် ၁ဝဝဝ နှင့် ၁၅ဝဝ ကြား ပေါက်ဈေးရှိသော်လည်း ခိုးကူးခွေ တခွေလျှင် ကျပ် ၃ဝဝ-၃၅ဝ ဖြင့် ရောင်းချနေသည့်အတွက် အဆိုပါ တရားမဝင် ခွေရောင်းချမှုကို ကျော်လွှားနိုင်ရန် မကြာသေးခင်က ထုတ်လုပ်ခဲ့သော အဆိုတော် ဂျေညီညီ၏ “အကောင်းဆုံးတေးများ” မူရင်း တေးစီးရီးခွေကို ၃၅ဝ ကျပ်ဖြင့် ဈေးကွက်တွင် ရောင်းချခဲ့ရသည်ဟု ရန်ကုန်ရှိ ပုလဲ တေးသံသွင်းဌာနက ဆိုသည်။

“အခုလို လုပ်လိုက်တဲ့အတွက် အတော်ကို အောင်မြင်ပါတယ်။ ကျနော်တို့ ဈေးကွက်အသစ် ရလာတယ်။ အရင်တုန်းက ခွေတခွေထုတ်ရင် ရောင်းဈေးက ၁ဝဝဝ ၊ ၁၅ဝဝ ။ ခွေအရေအတွက် ၄-၅-၆ ထောင် ကုန်ဖို့ အတော် ရောင်းရတယ်။ တန်ဖိုးက ကြီးတယ်ဆိုတော့ အရောင်း မသွက်ဘူး။ အခုဟာက အတော်ကို ရောင်းကောင်းပါတယ်။ ခွေအရေအတွက် ၃-၄ သောင်းလောက် ရောင်းရတော့ ဈေးကွက်ကြီးလာတဲ့ သဘောပေါ့” ဟု ပုလဲတေးသံသွင်းမှ တာဝန်ရှိသူတဦးက ပြောသည်။

သူက ဆက်ပြီး “ခိုးကူးခွေတွေကို တိုက်ဖျက်တဲ့ အနေနဲ့လည်း ပါပါတယ်။ ဈေးကွက်အသစ်လည်း ဖြစ်အောင် လုပ်တာဖြစ်တယ်။ သမရိုးကျ သွားနေရင်တော့ မဖြစ်ဘူး။ ပုံစံအသစ် အပြောင်းအလဲလေး လုပ်လိုက်တဲ့ သဘောပါပဲ။ ဒီဟာကို ကိုဂျေညီညီနဲ့ ပေါင်းလုပ်ပြီးတော့ ကိုဂျေညီညီကလည်း အနုပညာကြေး မယူဘဲနဲ့ ကျနော်တို့ ထုတ်လုပ်ရေးနဲ့ ပူးပေါင်းပြီး လုပ်တာပါ” ဟု ပြောသည်။

ကိုဆောင်းဦးလှိုင်က “ထိုက်သင့်သလောက် လျှော့ရောင်းချင်တယ်။ ရုပ်ပျက်ဆင်းပျက် ဈေးနှုန်းတော့ မရောင်းချင်ဘူး။ တတ်နိုင်တဲ့ လူရှိရင် ဝယ်လိမ့်မယ်၊ မတတ်နိုင်တဲ့လူက ခိုးကူးခွေကို ဝယ်ယူအားပေးတာ အပြစ်မတင်ချင်ဘူး။ မတတ်နိုင်လို့ မဝယ်တာဘဲ၊ ကျနော် အပြစ်မတင်ပါဘူး။ တတ်နိုင်ရဲ့သားနဲ့ ခိုးကူးခွေတွေကို ဝယ်တဲ့ လူတွေကျတော့ အနုပညာသည်တွေကို အားမပေးတဲ့ သဘောမျိုး၊ အနုပညာရှင်တွေ အနေနဲ့ ဒုက္ခရောက်နေတဲ့ဟာကို လျစ်လျှူရှုတဲ့ သဘောလို့ မြင်တယ်” ဟု ပြောသည်။

ကိုဇော်ဝင်းထွဋ်ကမူ “ကျနော်က ခွေအသစ် ထွက်လို့ရှိရင် ပြည်သူတွေဆီ ကိုယ်တိုင်ကိုယ်ကျ သွားပြီးတော့ ထိထိရောက်ရောက် ပြည်သူတွေ လက်ထဲရောက်အောင် ကြိုးစားသွားမှာ ဖြစ်တယ်။ ကျနော်တို့က ရန်ကုန်မှာ ထိုင်ရောင်းနေမယ့်အစား နယ်တွေကို ကိုယ်တိုင်သွားပြီး ဖျော်ဖြေတာပဲဖြစ်ဖြစ်၊ မဟုတ်ရင်လည်း ကိုယ်တိုင်ကိုယ်ကျ ဖြန့်ဝေတာမျိုးဖြစ်ဖြစ် လုပ်မှ ပိုထိရောက်လိမ့်မယ်လို့ ထင်တယ်” ဟု ပြောသည်။

သူက ဆက်ပြီး “ကိုယ့်အနားမှာ လက်လှမ်းမီသရွေ့ ဝယ်လို့ရတာက ခိုးကူးခွေတွေ ဖြစ်နေတယ်။ ... မူရင်းခွေတွေကို ဝယ်မယ်ဆိုရင် ကားမောင်းပြီး၊ မြို့ထဲ အသံသွင်းဆိုင်ပဲဖြစ်ဖြစ် ဝယ်မယ်ဆိုရင် ကားကို အဲဒီဆိုင်ကို ရောက်အောင် မောင်းရမယ်။ ကားပါကင်မှာ ရပ်ရမယ်။ ခိုးကူးခွေက လမ်းဘေးမှာ ကားမှန်လေး ဖွင့်လိုက်ရင် ဗန်းချပြီး ရောင်းတဲ့အတွက် အနားမှာ ရှိတယ်။ မီးပွိုင့်တွေမှာ ဝယ်လို့ရတဲ့အတွက် ခိုးကူးခွေတွေကို အများပြည်သူတွေက အလွယ်တကူ ဝယ်ယူတာ ဖြစ်တယ်” ဟု ပြောသည်။

ပြီးခဲ့သည့်လက အနုပညာလောကမှ ရာသက်ပန် အနားယူတော့မည့် ရုပ်ရှင်မင်းသားကြီး ဦးကျော်ဟိန်းနှင့် သမီး ခင်ခင်ခတို့ ပါဝင်သီဆို သရုပ်ဆောင်သော VCD ကို နဝရတ် တေးသံသွင်းဆိုင်တွင် အသံသွင်းယူခဲ့ပြီးနောက် ဦးကျော်ဟိန်းက ရုပ်ရှင်သရုပ်ဆောင်နည်း၊ သူ၏ အတ္ထုပ္ပတ္တိ စာအုပ်တို့နှင့် ပူးတွဲကာ မူရင်းတခွေလျှင် ကျပ် ၄ဝဝ ဖြင့် ကိုယ်တိုင် လိုက်ရောင်းခဲ့သော်လည်း မည်သည့် ရည်ရွယ်ချက်ဖြင့် ရောင်းချရသည်ကိုမူ မသိရပါ။

ခိုးကူးခွေနှင့် ပတ်သက်ပြီး မြန်မာနိုင်ငံ ရုပ်ရှင်နှင့် ဂီတ အစည်းအရုံးမှ တားမြစ်ရန် ဆောင်ရွက်ချက်များ ရှိသော်လည်း ထိရောက်စွာ လုပ်ဆောင်နိုင်ခြင်း မရှိသောကြောင့် အဆိုပါ တရားမဝင် ရောင်းချမှုမှာ ဆက်လက် တိုးပွားနေသည်ဟု ဂီတ အသိုင်းအဝိုင်းက ဆိုသည်။

မြန်မာအပါအဝင် ကမ္ဘာ့နိုင်ငံများတွင် အနုပညာ မူပိုင်ခွင့်နှင့် ဆက်စပ်ကာ စီးပွားရေးအရ အကျိုးသက်ရောက်မှုများ ဖြစ်ပေါ်လေ့ ရှိသော်လည်း ပြည်တွင်းဈေးကွက်ကိုသာ အဓိက မှီခိုနေရသည့် မြန်မာနိုင်ငံကဲ့သို့ ဖွံ့ဖြိုးဆဲနိုင်ငံတွင် ကော်ပီခွေ ရောင်းချမှုကို ထိရောက်စွာ တားမြစ်နိုင်ခြင်း မရှိသောကြောင့် အနုပညာဖန်တီးမှုနှင့် ထုတ်လုပ်မှုတွင် များစွာ ထိခိုက်နေရခြင်းဖြစ်သည်။

၈၈ ခေါင်းဆောင်များ မျက်ကွယ်ရမန်နှင့်ပင် ဖမ်းဆီးသည်မှာ တနှစ်ပြည့်ပြီ

မြင့်မောင်
ကြာသပတေးနေ့၊ သြဂုတ်လ 21 2008

နယူးဒေလီ။ ။ ဖမ်းဆီးခံရမှု တနှစ်ပြည့်ပြီ ဖြစ်သော်လည်း ၈၈ မျိုးဆက် ကျောင်းသားခေါင်းဆောင်များအား အမှုစစ်ဆေးခြင်း မရှိဘဲ ရမန်ရုံးချိန်းများ ပေးခြင်းဖြင့်သာ ဆက်လက်၍ အကျဉ်းချထားဆဲ ဖြစ်သည်။

၂ဝဝ၇ ခုနှစ် သြဂုတ်လ ၂၁ ရက်ညပိုင်းတွင် ဖမ်းဆီးခံခဲ့ရသည့် ကိုမင်းကိုနိုင် အပါအဝင် ၈၈ မျိုးဆက် ကျောင်းသားခေါင်းဆောင် ၁၃ ဦးအား ဖမ်းဆီးခဲ့သော်လည်း ယနေ့အထိ ပုဒ်မတပ် တရားစွဲဆိုခြင်း မရှိဘဲ ထောင်တွင်း ရမန်ဖြင့် ချုပ်နှောင်ထားသည်မှာ ယနေ့တွင် တနှစ်ပြည့်မြောက်ခြင်း ဖြစ်သည်။

“အခွင့်အရေးတွေ ဆုံးရှုံးနေတယ် ဆိုတာက ရမန်ယူတာ တရားရုံးရှေ့ကို ထုတ်ရတယ်။ မျက်ကွယ် ရမန် မယူသင့်ဘူး။ မျက်ကွယ် ရမန်ယူတယ်ဆိုတာ ဥပဒေမှာ မရှိဘူး” ဟု ကိုယ်စားလှယ်လွှဲစာ ရထားသူ ဗဟိုတရားရုံးချုပ် ရှေ့နေ ဦးအောင်သိန်းက ပြောသည်။

သူက ဆက်ပြီး “ရမန်ယူတယ် ဆိုတာက အချုပ်မှာ ဘယ်လို အခြေအနေ ရှိသလဲ၊ ဘယ်လို ဒဏ်ရာ ရနေသလဲ။ ချုပ်ထားစဉ် ကာလမှာ ဘယ်လို ကျန်းမာရေး ချို့တဲ့နေတယ်။ ဒီကိစ္စတွေဟာ အရေးကြီးတဲ့ ကိစ္စတွေပါ။ ထောင်တွင်း ရမန်ယူတယ် ဆိုတာ ရုံးချိန်းပေးလိုက်ပြီး အချုပ်တရားခံတွေက တင်ပြပြောဆိုမှု မရှိဘဲ ဘာမှ နားမထောင်ဘူး၊ လိုက်လံ ဆောင်ရွက်ပေးခြင်း မရှိပါဘူး။ ရမန်ပေးတယ်ဆိုတော့ အမူဖိုင် မလုပ်သေးဘူး။ ဘယ် ပုဒ်မနဲ့ ဘယ်တရားရုံးမှာ အမှုဖိုင် လုပ်တယ်ဆိုတာ မရှိသေးဘူး” ဟု ပြောသည်။

၂ဝဝ၇ ခုနှစ် သြဂုတ်လ ၁၅ ရက်တွင် နအဖ စစ်အစိုးရက ရုတ်တရက် ဆိုသလို ဓာတ်ဆီနှင့် ဒီဇယ်ဆီဈေးနှုန်းကို ၂ ဆခန့် တိုးမြှင့်လိုက်သောကြောင့် ပြည်သူလူထုအနေဖြင့် သြဂုတ်လ ၂၂ ရက်နေ့တွင် လောင်စာနှင့် ကုန်ဈေးနှုန်း ကျဆင်းရေး ဆန္ဒပြပွဲများ တပြိုင်ထဲ ကျင်းပရန် မြန်မာနိုင်ငံ ဖွံ့ဖြိုးတိုးတက်ရေး လိုလားသူများအဖွဲ့ ခေါင်းဆောင် ကိုထင်ကျော်က ဆော်သြခဲ့သည်။

အဆိုပါ သတ်မှတ်ရက်မတိုင်ခင် တရက်အလို သြဂုတ်လ ၂၁ ရက်နေ့ ညပိုင်းတွင် ရန်ကုန်ရှိ ၈၈ မျိုးဆက် ကျောင်းသား ခေါင်းဆောင်များအား အာဏာပိုင်များက နေအိမ်များမှ ဖမ်းဆီး ခေါ်ဆောင်သွားခဲ့ခြင်း ဖြစ်သည်။ ဖမ်းဆီးမခံရခင် နှစ်ရက်အလို ဖြစ်သည့် သြဂုတ်လ ၁၉ ရက်နေ့က ကျောင်းသားခေါင်းဆောင်များနှင့် အရပ်သား ၅ဝဝ ခန့်သည် ရန်ကုန်မြို့တွင်း လမ်းလျှောက် ချီတက်ပွဲ တရပ်ကို ပြုလုပ်ခဲ့ကြသေးသည်။

ရှေ့နေ ဦးအောင်သိန်း “တနှစ်နီးပါးလောက်က ရမန်ပဲ သွားနေတာ။ ပုဒ်မက ကြည့်ရတာ ၅ ခု၊ ၆ ခုလောက် ရှိမယ်ထင်တယ်။ ရမန် ၂ ပတ်ချိန်းနဲ့ သွားနေတာ။ ရမန်ပေးရင် တရားသူကြီးကို သူ တင်ပြစရာရှိရင် တင်ပြပိုင်ခွင့် ရှိရမယ်။ အခုဟာက ထောင်တွင်း ရမန် ယူတယ်ဆိုတော့ တရားသူကြီးက ဘယ်နေ့က ဘယ်ပုဒ်မနဲ့ ရမန်ပေးတယ်။ တရားသူကြီးက ပြောခွင့် မရှိဘူး။ ဒီဘက်လည်း မေးခွင့် မရှိဘူး။ အဲဒီလို ဖြစ်ကုန်တယ်” ဟု ပြောသည်။

ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) - အေအေပီပီ မှ တွဲဘက် အတွင်းရေးမှူး ကိုဘိုကြည်က “ကိုမင်းကိုနိုင်တို့ကို စဖမ်းကတည်းက မတရားသဖြင့် ဖမ်းတာ။ ဖမ်းပြီးတဲ့ အခါကျတော့လည်း ဥပဒေအရ ခံစားခွင့်တွေ မရဘူး။ လုံလောက်တဲ့ ဆေးဝါးကုသခွင့်တွေ မရဘူး။ နအဖ အစိုးရအနေနဲ့ မလုပ်သင့်၊ မလုပ်အပ်တဲ့ အရာတွေ” ဟု ပြောသည်။

သူက ဆက်ပြီး “မြန်မာနိုင်ငံမှာ ဥပဒေစိုးမိုးမှု မရှိတဲ့ ပြသမှု ဖြစ်တယ်။ ၁၉၈၈ ခုနှစ်က ဒီမိုကရေစီ အပြောင်းအလဲနဲ့ လူအခွင့်အရေးအတွက် စွမ်းစွမ်းတမံ တိုက်ပွဲဝင်ခဲ့သူတွေ ဖြစ်တယ်။ နှစ်ပေါင်းများစွာ ထောင်ကျခံရခြင်း ဖြစ်တယ်။ ထောင်က ထွက်လာတဲ့ အခါမှာလည်း ဒီမိုကရေစီနဲ့ လူ့အခွင့်အရေးအတွက်၊ မြန်မာပြည်သူတွေ ကုန်ဈေးနှုန်း ကျဆင်းရေးအတွက် စွမ်းစွမ်းတမံ ဆောင်ရွက်တဲ့အတွက် ထပ်မံ အဖမ်းခံရတယ်။ အဲဒီ ရပ်တည်မှုအတွက် ကျနော်တို့တတွေက တကယ့်ကို လေးစားရတယ်။ အဲဒီအပေါ်မှာ နောက်လူငယ်တွေအနေနဲ့ စံပြထား လုပ်သင့်တယ်” ဟု ပြောသည်။

ယခင်ကလည်း နှစ်ရှည်ထောင်ဒဏ်များ ကျခံခဲ့ရဖူးသည့် ကျောင်းသား ခေါင်းဆောင်များ အနေဖြင့် တမျိုးမဟုတ် တမျိုး ရောဂါအခံများ ရှိနေသဖြင့် လက်ရှိအချိန်တွင်လည်း ကျန်းမာရေး ကောင်းမွန်ခြင်း မရှိကြောင်းလည်း သိရသည်။

ကျောင်းသားခေါင်းဆောင် ကိုကိုကြီး၏ ညီဖြစ်သူ ကိုအောင်အောင်ထွန်းက “နှစ်ရှည်ကျကတည်းက သူတို့မှာ ရောဂါဟောင်းတွေနဲ့ပေါ့။ အကို့အနေနဲ့က အစာမကြေတာက အဓိကပဲ။ အကိုလည်း အဆင်ပြေအောင် ကြည့်စားနေရတာပေါ့။ အကိုကတော့ ဆန်ပြုတ် သောက်နေရတာပေါ့” ဟု ပြောသည်။

သူက ဆက်ပြီး “သူတို့တတွေက ကျန်းမာရေး အခြေအနေ ကောင်းတဲ့လူ မရှိသလောက်ပါပဲ။ စပြီး ဆွဲ (ဖမ်းဆီး) ကတည်းက အမှုက အမျိုးမျိုး ပြောင်းနေတာပဲ။ အခု နောက်ဆုံး အခြေအနေက နိုင်ငံခြားငွေ တရားမဝင် ကိုင်ဆောင် လဲလှယ်မှု ပုဒ်မ ၂၄/၁ လို့ ပြောတယ်။ ကိုမင်းကိုနိုင် အနေနဲ့ မျက်စိ၊ သွေးတိုး၊ နှစ်လုံးသွေးကြောကျဉ်း၊ အရိုးကျီးပေါင်း တက်တာ၊ ခြေတောက်က အရိုး အတက်ထွက်တာ ဖြစ်နေတယ်” ဟု ပြောသည်။

သူတို့နှစ်ဦးကဲ့သို့ပင် ကိုမြအေးတွင် နှလုံးရောဂါ၊ ကိုမင်းဇေယျာတွင် သွေးတိုးရောဂါတို့ ရှိနေသလို အလျင်အမြန် ဆေးဝါးကုသပေးရန် လိုအပ်ကြောင်းလည်း သူက ပြောဆိုခဲ့သည်။

မကျေနပ်ချက်များ မပျောက်ကွယ်ကြောင်း အတိုက်အခံများ ပြောဆို

ဝိုင်းပီး၊ မြင့်မောင်
အင်္ဂါနေ့၊ သြဂုတ်လ 19 2008

နယူးဒေလီ။ ။ နအဖ က အကြမ်းဖက် နှိမ်နင်းနေသော်လည်း မြန်မာ့ဒီမိုကရေစီရေးအတွက် ပြည်သူများ၏ မကျေနပ်ချက်များသည် ပျောက်ကွယ်သွားမည် မဟုတ်ကြောင်း ပြည်တွင်းရှိ လှုပ်ရှားတက်ကြွသူများက ယနေ့ ပြောဆိုလိုက်သည်။

ယနေ့ကျရောက်သည့် လောင်စာဆီဈေးနှုန်းနှင့် ကုန်ဈေးနှုန်းကျဆင်းရေး ဆန္ဒပြပွဲများ တနှစ်မြောက်နေ့တွင် အမျိုးသား ဒီမိုကရေစီအဖွဲ့ချုပ်နှင့် လှုပ်ရှားတက်ကြွသူ ကျောင်းသားလူငယ်များက ယခုလို ပြောဆိုလိုက်ကြခြင်း ဖြစ်သည်။

"ပြည်သူတွေက မကျေမနပ်ဖြစ်နေတာဟာ ပျောက်ကွယ်မသွားဘူး၊ ဆက်လက် မကျေမနပ်ဖြစ်နေတယ်လို့ ဒီလိုပဲ မြင်ပါတယ်" ဟု အန်အယ်ဒီ ပြောခွင့်ရပုဂ္ဂိုလ် ဦးဉာဏ်ဝင်းက ပြောသည်။

တက်ကြွလှုပ်ရှားသူ ကိုအောင်မိုးဟိန်းကလည်း "ကျနော်တို့ အဖိနှိပ်ခံ နေရတာတွေကို တဦးချင်းစီ ကိုယ့်ရင်ထဲ၊ အသဲထဲမှာ ကိန်းအောင်းပြီးတော့ ဒီမိုကရေစီရရှိရေးကို အဆုံးရောက်တဲ့အထိ ကြိုးစားဆောင်ရွက်ရမယ်လို့ သန္နိဋ္ဌာန်ချပါတယ်" ဟု ပြောသည်။

စစ်အစိုးရအနေဖြင့် အကြမ်းဖက် တုံ့ပြန်နေခြင်းသည် အမှန်တကယ် ဆောင်ရွက်ရမည့် တိုင်းပြည်စီးပွားရေး အခြေအနေကို တိုးတက်စေရန် လုပ်ဆောင်ခြင်း မဟုတ်ဘဲ ဆန္ဒထုတ်ဖော်သည့် ပြည်သူများကိုသာ ဖမ်းဆီးနေသည်မှာ ရောဂါနှင့် ကုသနည်းက မသက်ဆိုင်ကြောင်း ဦးဉာဏ်ဝင်းက ယခုလို ဆက်ပြောသည်။

သူက "တကယ့် ရောဂါအရင်းအမြစ် ပျောက်ကင်းစေတဲ့ ကုနည်းနဲ့ ကုတာ မဟုတ်ဘူး။ တကယ်တမ်း ကိစ္စတွေက တယောက်ချင်းကို၊ သူတို့တွေကို ဖမ်းဖို့မဟုတ်ဘူး။ ဒီလိုမဖြစ်အောင် စီးပွားရေးကို တိုးတက်အောင် လုပ်ရမယ်" ဟု ပြောသည်။

၂ဝဝ၇ ခုနှစ် သြဂုတ်လ ၁၉ ရက်နေ့တွင် စတင်ခဲ့သည့် လောင်စာဆီဈေးနှင့် ကုန်ဈေးနှုန်းကျဆင်းရေးအတွက် ၈၈ မျိုးဆက်ကျောင်းသားများ၏ လမ်းလျှောက်ချီတက်ပွဲ နောက်ပိုင်းတွင် နအဖ က အာဏာပိုင်များ၊ ကြံ့ဖွံ့များနှင့် စွမ်းအားရှင်များကို အသုံးပြုကာ အကြမ်းဖက်နှိမ်နှင်းခဲ့ပြီး သြဂုတ်လ ၂၁ ရက်နေ့တွင် ကျောင်းသားခေါင်းဆောင် ကိုမင်းကိုနိုင် အပါအဝင် အဖွဲ့ဝင် ၁၃ ဦးအား စတင်ဖမ်းဆီးခဲ့သည်။

ထို့အပြင် စက်တင်ဘာလ ရွှေဝါရောင်လှုပ်ရှားမှုအတွင်း ရဟန်းရှင်လူ၊ ပြည်သူများကို အကြမ်းဖက် ဖမ်းဆီးမှုများလည်း ပြုလုပ်ခဲ့သည်။

ကုလသမဂ္ဂက မြန်မာအာဏာပိုင်များ၏ နှိမ်နင်းမှုကြောင့် ၂ဝဝ၇ စက်တင်ဘာလအတွင်း ရဟန်းသံဃာနှင့် ပြည်သူ ၃ဝ ဦးသာ သေဆုံးခဲ့သည်ဟု ပြောကြားခဲ့သော်လည်း အတိုက်အခံများက ၂ဝဝ ကျော် သေဆုံးကာ ခြောက်ထောင်နီးပါး ထိန်းသိမ်းခံခဲ့ရသည်ဟု ပြောဆိုခဲ့ကြသည်။

ယနေ့အထိ မြန်မာစစ်အစိုးရက ဆန္ဒပြပွဲများကို ကြမ်းတမ်းစွာ ဆက်လက်၍ ဖမ်းဆီးနှိပ်ကွပ်နေသလို၊ ကျန်ရှိနေသည့် မြန်မာ့နိုင်ငံရေး လှုပ်ရှားနေသူများအား အနီးကပ် စောင့်ကြည့်နေဆဲဖြစ်သည်။

၈၈ မျိုးဆက် ကျောင်းသူတဦးက "အိမ်ပတ်ဝန်းကျင်မှာကို စောင့်နေကြတာ။ နေ့တိုင်းပဲ ၃-၄ ယောက် အမြဲတမ်း ရှိတယ်။ ဘတ်စ်ကား မှတ်တိုင်မှာရောပဲ" ဟု ပြောသည်။

၁၉၈၈ ခုနှစ် ရှစ်လေးလုံး လူထုအုံကြွမှုနှင့် ၂ဝဝ၇ ခုနှစ် ရွှေဝါရောင် လှုပ်ရှားမှုတွင် ပါဝင်ခဲ့သည့် အန်အယ်ဒီ လူငယ်တဦးကလည်း သူနှင့် သူ၏ အပေါင်းအသင်းများအား မည်သည့်အချိန်တွင် လာရောက် ခေါ်ဆောင်သွားမည်၊ မည်သူအား ဖမ်းဆီးသွားပြီလဲဆိုသည့် စိုးရိမ်စိတ်ဖြင့် နေ့စဉ်နှင့်အမျှ အသက်ရှင်နေရကြောင်း ယခုလို ပြောသည်။

သူက "မနက်အိပ်ရာထ မျက်လုံးနှစ်လုံး ဖွင့်လိုက်တာနဲ့ မနေ့က ကိုယ် စကားပြောခဲ့တဲ့ ကိုယ်ရဲ့သူငယ်ချင်း ဒီနေ့ ရှိပါ့တော့မလား၊ ပြန်တွေ့ရပါ့မလား၊ ငါ့ကိုတော့ ဘယ်တော့ လာဝင်ဆွဲသွားမလဲ ဆိုပြီးတော့ ကြောင့်ကြစိတ်တွေနဲ့ နေ့တိုင်း ရင်ဆိုင်နေရတယ်ဗျာ" ဟု ပြောသည်။

မြန်မာ့ဒီမိုကရေစီရေး အပြောင်းအလဲအတွက် လှုပ်ရှားနေသည့် ကျောင်းသားလူငယ်များအား ရှာဖွေဖမ်းဆီးမှုများ လုပ်ဆောင်နေသော်လည်း အန်အယ်ဒီလူငယ်များနှင့် ၈၈ မျိုးဆက်ကျောင်းသားများက မိမိတို့တတ်နိုင်သည့် နည်းလမ်းဖြင့် ဆက်လက်တိုက်ပွဲဝင်သွားမည်ဟု ပြောဆိုကြသည်။

ကိုအောင်မိုးဟိန်းက "ကျနော်တို့က မြန်မာလူမျိုးတွေအတွက် လူဖြစ်တာ။ ရှေ့ဆက်လျှောက်ရမယ့် ဒီမိုကရေစီပန်းတိုင်၊ ဆုံးရှုံးနစ်နာနေတဲ့ လူ့အခွင့်အရေးတွေ ပြန်ရရေးအတွက် ဆက်လုပ်သွားမှာဖြစ်တယ်။ ဖမ်းတာက သူ့အလုပ်၊ လုပ်ရမယ့် အလုပ်က ကိုယ့်အလုပ်ဆိုတာ ကျနော်တို့ကိုယ် ကျနော်တို့ သတ်မှတ်ထားတယ်" ဟု ပြောသည်။

သူက ဆက်ပြီး "ကျနော်တို့ တနေ့နေ့မှာ အောင်မြင်မှုတော့ ရမှာပဲ။ တရားသဖြင့် ရပ်တည်နေတဲ့သူတွေ၊ အမှန်တရားကို ဆုပ်ကိုင်နေပြီး ရပ်တည်နေတဲ့သူတွေဆိုတော့ တနေ့နေ့ တချိန်ချိန်မှာ မလွဲမသွေ အောင်မြင်မှုဆိုတာ ရှိကိုရှိလာလိမ့်မယ်လို့ မျှော်လင့်ထားတယ်" ဟု ပြောဆိုသည်။

ခိုက်ရန်ဖြစ်ပွါးခဲ့သူ ကျောင်းသားများ ရုံးထုတ်ဟု မုံရွာရဲကပြော

မဇ္ဈိမသတင်းဌာန
အင်္ဂါနေ့၊ သြဂုတ်လ 19 2008

နယူးဒေလီ။ ။ ယခင်အပတ်က ရန်ဖြစ်ရာတွင် ပါဝင်ခဲ့သူ အထက်မြန်မာနိုင်ငံ စစ်ကိုင်းတိုင်း မုံရွာမြို့မှ တက္ကသိုလ် ကျောင်းသား ၄ ဦးကို တနင်္လာနေ့က မုံရွာတရားရုံးတွင် ရုံးထုတ်ခဲ့ကြောင်း ရဲက ပြောပါသည်။

အောင်ကျော်စိုးဝင်း ဆိုသည့် ကျောင်းသားတဦးကို ရိုက်နှက်ခဲ့မှုဖြင့် ဖမ်းဆီးခံခဲ့ရသော မုံရွာတက္ကသိုလ် ကျောင်းသား ၄ ဦးကို တနင်္လာနေ့ ကရုံးထုတ်ခဲ့ကြောင်း မုံရွာ အမှတ် (၂) ရဲစခန်းက ပြောပါသည်။

ရဲက အသေးစိတ် ရှင်းလင်းဖြေကြားရန်ကိုမူ ငြင်းဆိုသွားခဲ့ပြီး အောင်ကျော်စိုးဝင်းမှာ ကျန်းမာစွာ ရှိကြောင်းသာ ပြောသွားပါသည်။ သို့သော် ယနေ့ရုံးထုတ်သည့် ၄ ဦးတွင် အောင်ကျော်စိုးဝင်း ပါဝင်သည် မပါဝင်သည်ကိုလည်း ပြောဆိုသွားခြင်း မရှိပါ။

အစောပိုင်းက မဇ္ဈိမသတင်းဌာနက ရရှိခဲ့သော ကွဲလွဲသည့် သတင်းပေးပို့ချက်များအရ အောင်ကျော်စိုးဝင်းမှာ ကြာသပတေးနေ့က ခိုက်ရန် ဖြစ်ပွါးရာမှ သေဆုံးသွားပြီး ၎င်း၏သူငယ်ချင်း ၄ ဦးကို ရဲက ဖမ်းဆီးသွားကာ အမှတ် (၂) ရဲစခန်းတွင် ချုပ်နှောင်ထားသည်ဟု သတင်းများ ရရှိခဲ့သည်။

ကြာသပတေးနေ့က ဖြစ်ပွါးခဲ့သော ခိုက်ရန်ဖြစ်ပွါးမှုကို ကိုယ်တိုင် မြင်တွေ့ခဲ့ရသည်ဟု ဆိုသူတဦးက မဇ္ဈိမသို့ ပြောကြားခဲ့ရာတွင် မုံရွာတက္ကသိုလ် ဒုတိယနှစ် ဝိဇ္ဇာကျောင်းသား မောင်အောင်ကျော်စိုးဝင်းမှာ တက္ကသိုလ် နယ်မြေအနီး စကားများရာမှ ဒေသခံရဲများ၏ ရိုက်နှက်မှုကြောင့် သေဆုံးသွားခဲ့ပြီး သူ့သူငယ်ချင်း ၄ ဦးမှာဖမ်းဆီးခြင်း ခံခဲ့ရသည်ဟု ဆိုပါသည်။

အဆိုပါ ကျောင်းသား ၅ ဦးမှာ မိန်းကလေးဆောင် ရှေ့တွင် သီချင်းသွားဆိုအပြီး ပြန်အလာ လမ်းတွင် ရဲ ၁ဝ ဦးက ရပ်တန့်ခိုင်းခဲ့သည်ဟု ဆိုသည်။ ထို့နောက် သူတို့နှင့်အတူ စခန်းသို့ လိုက်ခဲ့ရန် ရဲများက ပြောသည်ဟု မျက်မြင်တွေ့ ခဲ့ရသူများက ဆိုပါသည်။

ကျောင်းသားများက စခန်းသို့ လိုက်ရန် ငြင်းဆန်ရာမှ ရဲများက ရိုက်နှက်ခဲ့သဖြင့် အောင်ကျော်စိုးဝင်းနှင့် သူ့သူငယ်ချင်း ထွန်းမင်းတို့မှာ ပြင်းထန်စွာ ဒဏ်ရာ ရသွားခဲ့သည်ဟု မျက်မြင်သက်သေက ဆက်လက် ပြောပြပါသည်။

ဤသို့ ရိုက်နှက်အပြီး အောင်ကျော်စိုးဝင်း (၁၉) နှစ်နှင့် ထွန်းမင်းတို့ ဒဏ်ရာပြင်းထန်စွာ ရသွားခဲ့ရာ ၎င်းတို့ကို ရဲကားဖြင့် ခေါ်ဆောင်သွားခဲ့သည်ဟု ဆိုပါသည်။ အောင်ကျော်စိုးဝင်းမှာ ဆေးရုံသို့ မရောက်မီ လမ်းတွင်ပင် သေဆုံး သွားခဲ့သည်ဟု အဆိုပါ မျက်မြင်သက်သေက ပြောဆိုခဲ့ပါသည်။

သို့သော် ဤမျက်မြင်သက်သေ ဆိုသူ၏ ပြောကြားချက်နှင့် ဆန့်ကျင်စွာပင် မုံရွာတက္ကသိုလ် နယ်မြေအနီးရှိ သံဃာတော်တပါး ကမူ ခိုက်ရန်ဖြစ်ပွါးမှုမှာ ကျောင်းသားချင်းသာ ဖြစ်ကြောင်း ပြောဆိုသွားပါသည်။

“ရန်ဖြစ်တာ ကျောင်းသားချင်းဖြစ်တာ၊ တယောက်သေတယ် ကြားတယ်” ဟု ဘွဲ့အမည် မဖေါ်ပြလိုသူ သံဃာတော်က မဇ္ဈိမကို ပြောပြ သွားပါသည်။

မုံရွာ တက္ကသိုလ် ကျောင်းသားများကမူ သောကြာနေ့နှင့် စနေနေ့များတွင် တက္ကသိုလ်ဝင်း အတွင်း၌ ရဲကား အမြောက်အမြားကို မြင်နေရပြီး ရဲများ ဘာကို စောင့်ကြပ်နေသည်ကို မသိရကြောင်း ပြောဆိုသွားပါသည်။

မုံရွာ ဆေးရုံကို မဇ္ဈိမသတင်းဌာနက ဆက်သွယ် မေးမြန်းရာတွင်မူ ဆေးရုံ မှတ်တမ်းများအရ ဗုဒ္ဓဟူးနေ့ကတဲက အောင်ကျော်စိုးဝင်း အမည်ဖြင့် ရောက်ရှိလာသော လူနာမရှိကြောင်းသာ ဖြေဆိုသွားပါသည်။

“သြဂုတ်လ ၁၃ ရက်နေ့နောက်ပိုင်း အောင်ကျော်စိုးဝင်း ဆိုတဲ့နာမည်နဲ့ ရောက်လာတဲ့ လူနာမရှိသေးပါဘူး” ဟုသာ ဆေးရုံတာဝန်ရှိသူ တဦးက ဖြေဆိုသွားပါသည်။

မဇ္ဈိမက စုံစမ်းမေးမြန်းပေးပါရန် မေတ္တာရပ်ခံခဲ့သည့် မုံရွာမြို့ခံ တဦးကမူ ကျောင်းသားတဦး သေဆုံးခဲ့သော်လည်း ထိုသေဆုံးမှုမှာ ကျောင်းသားချင်း ရိုက်နှက်၍သော်၎င်း၊ ရဲများက ရိုက်နှက်၍ သေဆုံးခဲ့ခြင်းသော်၎င်းကိုမူ နောက်ထပ် သိရှိရန် မဖြစ်နိုင်ကြောင်း ပြောဆိုသွားပါသည်။

“ကျနော် သိသလောက် ကြာသပတေးနေ့ ညက ရန်ဖြစ်ကြတယ်၊ လူတယောက် သေတယ်၊ ဒါပေမဲ့ ဘယ်သူသေတယ်၊ ရန်ဖြစ်တဲ့ထဲ ဘယ်သူတွေပါတယ် ဆိုတာတော့ အတည်ပြုပေးဘို့ ဆိုတာ မဖြစ်နိုင်ဘူး၊ မျက်မြင်ကိုယ်တွေ့ တွေ့ခဲ့တဲ့ သူမှမရှိဘဲကိုး” ဟုသာ အဆိုပါ မြို့ခံက ပြောကြားသွားခဲ့ပါသည်။

ကိုအောင်ကျော်စိုးဝင်း၏ ရင်းနှီးသော သူငယ်ချင်းတဦးပါဟု ဆိုကာ မဇ္ဈိမသတင်းဌာနသို့ အီးမေးလ်ဖြင့် သတင်းပေး ပို့ခဲ့သူကမူ ကိုအောင်ကျော်စိုးဝင်း၏ အလောင်းကို တွေ့ခဲ့ရကြောင်း၊ တနင်္ဂနွေနေ့က မီးသဂြိုလ်ခဲ့ကြောင်း ပြောဆို ခဲ့ပါသည်။ သို့သော် သူက တယ်လီဖုံးဖြင့် ဖြေကြားရန်ကိုမူ ငြင်းဆန်သွားခဲ့ပြီး အောင်ကျော်စိုးဝင်း မိသားစု၏ ဆက်သွယ်ရန် လိပ်စာဖုံးနံပါတ် အသေးစိတ်ကို ပြောကြား ပေးအပ်နိုင်ခဲ့ခြင်း လည်းမရှိပါ။