မဂ္ဂင် ဘုန်းတော်ကြီးကျောင်း အပိတ်ခံရ

မဂ္ဂင် ဘုန်းတော်ကြီးကျောင်း

အပိတ်ခံရကိုသက်

နိုဝင်ဘာ ၂၈၊ ၂၀၀၇
HIV /AIDS ဝေဒနာရှင်များအတွက် လူမှုအထောက်အကူပြု လုပ်ငန်းများကို ဆောင်ရွက်ပေးနေသည့် ရန်ကုန်မြို့ သင်္ကန်းကျွန်းမြို့နယ်ရှိ မဂ္ဂင် ဘုန်းတော်ကြီးကျောင်းကို အာဏာပိုင်များက အဓမ္မပိတ်ခိုင်းကြောင်း သိရသည်။
သင်္ကန်းကျွန်းမြို့နယ် အာဏာပိုင်များအပါအ၀င် သာသနာရေးဦးစီးဌာနမှ တာဝန်ရှိသူများက မဂ္ဂင် ဘုန်းကြီးကျောင်းကို တပတ်အတွင်းပိတ်ပေးရန် ယမန်နေ့ နေ့လယ်ပိုင်းက လာရောက်ပြောဆိုခြင်းဖြစ်ကြောင်း ၈၈ မျိုးဆက် ကျောင်းသားအဖွဲ့မှ ပြောရေးဆိုခွင့်ရှိသူ မနီလာသိန်းက ဧရာဝတီကို ပြောသည်။
မဂ္ဂင် ကျောင်းတိုက်ကို အာဏာပိုင်တို့က လာရောက်ပိတ်ခိုင်းရာ၌ မည့်သည့်အကြောင်းပြချက်ကြောင့် ပိတ်ခိုင်းသည်ကို ပြောဆိုခြင်းမရှိဘဲ အထက်အမိန့်အရဟုသာ ပြောဆိုကြောင်း၊ ကျောင်းတိုက်ရှိ သံဃာများက ရွှေ့ပြောင်းရန်အတွက် အချိန် ၂ ပတ်ပေးရန် တောင်းဆိုသော်လည်း လိုက်လျောမှု မရှိကြောင်း သိရသည်။
စက်တင်ဘာလ ၂၆ ရက်နေ့ည ၁၂ နာရီခွဲခန့်က လက်နက်ကိုင်စစ်သား ၂၀၀ ကျော်နှင့် တုတ်များ ကိုင်ဆောင်ထားသည့် ကြံ့ဖွံ့များက မဂ္ဂင်ဘုန်းကြီးကျောင်းကို ၀င်ရောက်စီးနင်းကာ ကျောင်းထိုင်ဆရာတော် ဦးအိန္ဒက အပါအ၀င် ဦးဣနြ္ဒိယ၊ ဦးနန္ဒိယ၊ ဦးမေသုတို့နှင့် ကျောင်းတွင်လာရောက် တည်းခိုနေကြသည့် ကိုအောင်သန်း၊ ကိုဘိုထွန်း၊ ကိုအောင်ဇော်ဝင်းနှင့် ကိုသန်းထိုက်အောင်တို့အား အကြမ်းဖက် ရိုက်နှက် ဖမ်းဆီးသွားကြောင်းကို ထိုစဉ်က မဂ္ဂင်ကျောင်းတွင် HIV/AIDS ဝေဒနာရှင်များအား စောင့်ရှောက်နေသည့် ကိုအိုးဝေက ဧရာဝတီသို့ ပြောဆိုခဲ့သည်။
ယင်းမဂ္ဂင်ကျောင်းတိုက်ကို ပြီးခဲ့သည့် စက်တင်ဘာလက စတင်၍ စစ်အစိုးရ စစ်သားများက ၄ ကြိမ် ၀င်ရောက်စီးနင်းကာ ကျောင်းထိုင်ဆရာတော် ဦးအိန္ဒကကို ဖမ်းဆီးခေါ်ဆောင်သွားခဲ့ပြီး ယနေ့ အထိ မည်သည့် နေရာတွင် ထားကြောင်း မသိရှိရပေ။
၁၉၉၀ ခုနှစ်က အစိုးရကို ဆန့်ကျင်သပိတ်မှောက်သော ပတ္တနိက္ကုဇ္ဖန ကံဆောင်ခဲ့သည့်အတွက် ဦးအိန္ဒကသည် စစ်အစိုးရ၏ ထောင်ဒဏ် ၅ နှစ် ပြစ်ဒဏ်ချခံရသည့် နိုင်ငံရေးအကျဉ်းသားဟောင်း ဖြစ်သည်။ ၎င်းသည် ၁၉၉၄ ခုနှစ်တွင် ပြန်လည် လွတ်မြောက်လာပြီး မဂ္ဂင်ကျောင်း၌ သီတင်းသုံးနေထိုင်ခဲ့ခြင်း ဖြစ်သည်။
မဂ္ဂင်ကျောင်းတိုက်သည် အန်အယ်လ်ဒီ ပါတီ၏ ကိုယ်ခံအားကျဆင်းမှုရောဂါတိုက်ဖျက်ရေးနှင့် ပညာပေးရေး လုပ်ငန်း များကို လုပ်ကိုင်နေသူများက လိုက်လံကူညီနေသည့် မြန်မာနိုင်ငံဒေသအသီးသီးမှ ရန်ကုန်သို့ ဆေးဝါး လာရောက်ကုသနေ ကြသည့် HIV/AIDS ဝေဒနာရှင်များ၏ တည်းခိုရာနေရာလည်းဖြစ်သည်။
စက်တင်ဘာ ဆန္ဒပြပွဲများကာလအတွင်း ယင်းမဂ္ဂင်ကျောင်းတိုက်အား စစ်သားများကအကြမ်းဖက်စီးနင်းပြီးနောက် HIV/AIDS ဝေဒနာရှင်များကို အာဏာပိုင်များက မြောက်ဥက္ကလာပ မြို့နယ် ဝေဘာဂီ ကူးစက်ဆေးရုံကြီးသို့ ပြောင်းရွှေ့ ခဲ့သည်။
မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့၏ စာရင်းများအရ လွန်ခဲ့သည့် စက်တင်ဘာလအတွင်း အာဏာပိုင်တို့က ဘုန်းတော်ကြီးကျောင်း ၆၀ ခန့်ကို အဓ္ဓမ ၀င်ရောက်အကြမ်းဖက်စီနင်းခဲ့ကြောင်း သိရသည်။အဖမ်းဆီးခံထားရသည့် သံဃာများလွတ်မြောက်ရေးနှင့် ပျံလွန်၊ ပျောက်ဆုံး သံဃာစာရင်းကို ဖော်ထုတ်ပေးရန် သံဃာ့ တပ်ပေါင်းစုအဖွဲ့က နိုင်ငံတော် သံဃမဟာနာယက အဖွဲ့ကို တောင်းဆိုထားသည်။

လူထုဒေါ်အမာ မွေးနေ့ မဟာဂန္ဓာရုံမှာကျင်းပ

လူထုဒေါ်အမာ မွေးနေ့ မဟာဂန္ဓာရုံမှာကျင်းပကိုစိုး နိုဝင်ဘာ ၂၉၊ ၂၀၀၇
မန္တလေးမြို့နေ ထင်ရှားသည့် စာရေးဆရာမကြီး လူထုဒေါ်အမာ၏ အသက် (၉၂) ပြည့် မွေးနေ့ပွဲကို အမရပူရမြို့ မဟာဂန္ဓာရုံ ကျောင်းတိုက်တွင် ယနေ့ နံနက်ပိုင်းက ပြုလုပ်သည်။
နံနက် ၉ နာရီခန့်က စတင်သည့် လူပရိသတ် ၂၅၀ ခန့် တက်ရောက်သော ယင်းမွေးနေ့ပွဲတွင် မဟာဂန္ဓာရုံ ကျောင်းတိုက်ရှိ သံဃာတော် အပါး ၁၀၀၀ ခန့်ကို ဆရာမကြီးကိုယ်တိုင် နေ့ဆွမ်းလောင်းလှူ၍ ငြိမ်းချမ်းရေး အထိမ်းအမှတ် ငှက် ၂ ကောင် လွှတ်ခြင်းပြုလုပ်သည်ဟု ဆရာမကြီး၏သား စာရေးဆရာ ညီပုလေးက ဧရာဝတီသို့ ပြောသည်။
“အခမ်းအနားအနေနဲ့ စကားပြောဆိုတာတွေ ဘာတွေမလုပ်ပါဘူး၊ အမှတ်တရ ငှက် ၂ ကောင်လွှတ်ပါတယ်၊ ဒီနှစ်တော့ သခင်ဟောင်းကြီးတွေ၊ စာပေလောကက သက်ကြီးရွယ်အို ဆရာကြီးတွေ မလာနိုင်ကြဘူး၊ မွေးနေ့ပွဲ အေးအေးချမ်းချမ်း ပြီးသွားတာကို ၀မ်းသာတယ်၊ တက်ရောက်သူတွေကိုလည်း ကျေးဇူးတင်တယ်၊ အမေကလည်း ရွှင်ရွှင်လန်းလန်းရှိပါတယ်”ဟု စာရေးဆရာ ညီပုလေးက ပြောသည်။
ဆရာမကြီး၏ မွေးနေ့အထိမ်းအမှတ်အဖြစ် အခမ်းအနား တက်ရောက်လာသည့် စာရေးဆရာမ ငြိမ်းရွှေလီနှင့် အမ ဒေါ်ခင်ပွားက စာရေးဆရာ ကဗျာဆရာ အေးမင်းစော အပါအ၀င် ကျန်းမာရေးချို့တဲ့သော စာရေးဆရာ ၃ ဦးကို တဦးလျှင် ကျပ် သုံးသောင်းစီဖြင့် ကျပ်ကိုးသောင်း လှူဒါန်းသည်ဟုလည်း ၎င်းက ဆိုသည်။
ရန်ကုန်မြို့မှ စာရေးဆရာ မောင်ဝံသ၊ မောင်မိုးသူ၊ စာရေးဆရာ ထက်မြက်အပါအ၀င် အနယ်နယ် အရပ်ရပ်မှ စာပေ အနုပညာရှင်များနှင့် နိုင်ငံရေးနယ်ပယ် စသည့် နယ်ပယ်စုံမှ ပရိသတ်များ တက်ရောက်လာကြသော်လည်း ယခင်နှစ် များထက် နည်းပါးသည်ဟု သိရသည်။
“နှစ်စဉ် ဒီပွဲကို တက်ကြသူတွေထဲကတောင် ဒီနှစ်မသွားနိုင်ကြသူတွေရှိတယ်၊ လက်ရှိအခြေအနေအရရော၊ စရိတ်စက၊ ကျန်းမာရေးစတဲ့ အခက်အခဲတွေကြောင့် မသွားနိုင်ကြရတာ”ဟု ရန်ကုန်မြို့က စာရေးဆရာ တဦးက ပြောသည်။
ဆရာမကြီး၏ မွေးနေ့ပွဲသို့ နှစ်စဉ်တက်ရောက်နေကြ ဆရာလူထု စိန်ဝင်း၊ ဆရာဒဂုန်တာရာ၊ မြန်မာ့အလင်း သန်းညွန့် တို့လည်း ယခုနှစ် တက်ရောက်လာသည်ကို မတွေ့ရှိကြောင်း ကိုယ်တိုင်မွေးနေ့ပွဲ တက်ရောက်ခဲ့သူ မန္တလေးမြို့မှ စာပေသမားတဦးက ပြောသည်။
ပုံကြီးချဲ့ရန်
“ဒီလိုအခမ်းအနားမျိုးကို တက်ခွင့်ရအောင် ကြိုးစားကြတာချည်းပါပဲ၊ အခုလို အမေလူထု ဒေါ်အမာ ပြောနိုင်ဆိုနိုင်နဲ့ ကျန်းမာနေသေးတာ၊ သွားနိုင်လာနိုင် သေးတာကို ၀မ်းသာရပါတယ်၊ အသိမိတ်ဆွေတွေ ဆုံကြရတယ်၊ နောက်နှစ် ဆိုတာက ဒီအခွင့်အရေး ရချင်မှရမယ်၊ သက်ကြီးရွယ်အို ပညာရှင်တယောက် ဖြစ်ပြီး လူအများကို ကိုယ်စားပြုပြောဆို လုပ်ဆောင်မှု တွေအပေါ်မှာ လေးစား ပြီးဒီပွဲကိုတက်တာ ဖြစ်ပါတယ်” ဟုလည်း ၎င်းက ပြောပြသည်။
ဆရာမကြီး လူထုဒေါ်အမာ၏ မွေးနေ့ပွဲကို နှစ်စဉ် အမရပူရ မြို့တောင်လေးလုံး ကျောင်းတိုက်တွင် ကျင်းပခဲ့ရာ ယမန်နှစ်က အာဏာပိုင်များ တားမြစ်သော ကြောင့် ဆရာမကြီး၏ သမီးဖြစ်သူ ဒေါ်သန်းရင်မာ နေအိမ်တွင် အကျဉ်းရုန်း၍ ပြုလုပ်ခဲ့ ရသည်။
အဆိုပါ ဆရာမကြီး၏ မွေးနေ့ပွဲသို့ နယ်ပယ်အစုံမှ ဆရာမကြီးကိုလေးစားသည့် ပရိသတ်များက နှစ်စဉ် တက်ရောက်ကြ ရာတွင် ၂၀၀၅ ခုနှစ်က လက်ရှိစစ် အစိုးရ၏ ဖမ်းဆီးချုပ်နှောင်ခြင်း ခံထားရသော ကျောင်းသား ခေါင်းဆောင် ကိုမင်းကိုနိုင် အပါအ၀င် ၈၈ မျိုးဆက်ကျောင်းသားများကလည်း သွားရောက် ဂါရ၀ပြုခဲ့သည်။
စာရေးဆရာနှင့် သတင်းစာဆရာမကြီး လူထုဒေါ်အမာသည် ကျောင်းသားဘ၀က အမျိုးသားခေါင်းဆောင်ကြီး ဗိုလ်ချုပ် အောင်ဆန်းနှင့် ကျောင်းနေဖက်ဖြစ်ခဲ့ပြီး ဒုတိယ ကျောင်းသားသပိတ်တွင် ပါဝင်ခဲ့သည်။ လူထုဦးလှနှင့် အိမ်ထောင်ကျ ပြီးနောက် လူထုတိုက်ကို ထူထောင်၍ လူထုဂျာနယ်၊ လူထုသတင်းစာများကို ထုတ်ဝေခဲ့သည်။ဆရာမကြီးသည် ကလောင်အမည်ခွဲ ၈ ခုဖြင့် ပင်ကိုရေးနှင့် ဘာသာပြန် စာပေများကို ရေးသားပြုစုခဲ့ပြီး ထင်ရှားသော စာအုပ်များမှာ ၁၉၆၄ ခုနှစ် စာပေဗိမာန် အနုပညာဆိုင်ရာစာပေ ပထမဆုရ ပြည်သူချစ်သော အနုပညာသည်များ၊ မဟာဂီတ၊ ရွှေဒေါင်းတောင် ဆောင်းပါး၊ ကမ္ဘာ့အကြီးဆုံးစာအုပ်၊ အမေ့ရှေးစကား စသည်တို့ ဖြစ်သည်။

ဆွေးနွေးပွဲအတွက် အိန္ဒိယ၏ ထောက်ခံမှုကို တောင်းခံ

မဇ္ဈိမသတင်းဌာန

ပြည်ပရောက် မြန်မာနိုင်ငံသား တိုင်းရင်းသားများ၏ ထီးရိပ်အဖွဲ့အစည်းတခု ဖြစ်သော “တိုင်းရင်းသား လူမျိုးစုများ ကောင်စီ” ENC က သုံးပွင့်ဆိုင် တွေ့ဆုံဆွေးနွေးရေးဖြင့် အမျိုးသား ပြန်လည်သင့်မြတ်ရေး လုပ်ငန်းစဉ်ကို စစ်အစိုးရအနေဖြင့် စတင်နိုင်ရေးအတွက် မိမိ၏ သြဇာအရှိန်အဝါကို အသုံးပြုကာ ဆောင်ရွက်ပေးပါရန် အိန္ဒိယအစိုးရအား တောင်းဆိုလိုက်သည်။
အိန္ဒိယနိုင်ငံ မြို့တော် နယူးဒေလီသို့ အလည်အပတ် ရောက်ရှိနေသော အဖွဲ့ဝင် ၄ ဦးပါဝင်သည့် ENC ကိုယ်စားလှယ်အဖွဲ့က အိန္ဒိယ ခေါင်းဆောင်များနှင့် တွေ့ဆုံရာတွင် မြန်မာနိုင်ငံ၏ ကြာရှည်စွာ ထွက်ပေါက်ပိတ်နေသော အကြပ်အတည်းကို ဖြေရှင်းနိုင်ရန် မြန်မာစစ်အစိုးရ၊ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နှင့် တိုင်းရင်းသား ခေါင်းဆောင်များ ပါဝင်သည့် သုံးပွင့်ဆိုင် ဆွေးနွေးပွဲ ပေါ်ပေါက်ရေး၏ အရေးပါမှုကို မီးမောင်းထိုး ရှင်းလင်းတင်ပြခဲ့ကြကြောင်း သိရှိရသည်။
“မြန်မာနိုင်ငံရဲ့ နိုင်ငံရေး အကြပ်အတည်းကို သုံးပွင့်ဆိုင် ဆွေးနွေးပွဲနဲ့သာ အကောင်းဆုံး ဖြေရှင်းနိုင်လိမ့်မယ် လို့ ကျနော်တို့ ယုံကြည်ပါတယ်” ဟု ENC ၏ အထွေထွေ အတွင်းရေးမှူးဖြစ်သူ ဒေါက်တာလျံမုန်းဆာခေါင်က ပြောကြားခဲ့သည်။
ENC ကိုယ်စားလှယ် အဖွဲ့သည် “မြန်မာ့ဒီမိုကရေစီရေး အိန္ဒိယ ပါလီမန်အမတ်များ ဖိုရမ်” IPFDB ၏ ဖိတ်ကြားချက်အရ အိန္ဒိယနိုင်ငံသို့ ၂၅ နိုဝင်ဘာ မှ ၂၇ နိုဝင်ဘာအထိ ၃ ရက်ကြာ အလည်အပတ် ခရီးစဉ်အဖြစ် ရောက်ရှိနေခြင်း ဖြစ်သည်။ ဤခရီးစဉ်အတွင်း ကိုယ်စားလှယ်များသည် ပါလီမန်အမတ်များ အပါအဝင် အိန္ဒိယခေါင်း ဆောင်များ၊ လူထုအခြေပြု အဖွဲ့အစည်းများ၊ စာနယ်ဇင်းသမားများ နှင့် လူ့အခွင့်အရေး လှုပ်ရှားသူများနှင့် တွေ့ဆုံခဲ့ကြောင်း သိရှိရသည်။
ကိုယ်စားလှယ်များသည် ဤခရီးစဉ်အတွင်း မြန်မာ့ဆွေးနွေးပွဲ ဖြစ်စဉ်ကို ထောက်ခံရန် အရေးကြီးပုံကို အိန္ဒိယ ခေါင်းဆောင်များအား ရှင်းလင်း တင်ပြခဲ့ကြသည်ဟု သိရသည်။ ထို့ပြင် ဖက်ဒရယ် ဒီမိုကရေစီစနစ် ကျင့်သုံးသော မြန်မာနိုင်ငံကသာ အိန္ဒိယနိုင်ငံ၏ အကျိုးစီးပွါးကို ပိုမို ဆောင်ကျဉ်းပေးနိုင်ကြောင်းလည်း ခုခံ ပြောဆိုခဲ့ကြသည်ဟု ဆိုသည်။
ENC ကိုယ်စားလှယ်များ၏ မေတ္တာရပ်ခံချက်ကို တုံ့ပြန်သည့်အနေဖြင့် အိန္ဒိယ ပါလီမန် အမတ်များကလည်း လာမည့် ပါလီမန် အစည်းအဝေး ကျင်းပချိန်တွင် မြန်မာ့အရေးကို မီးမောင်းထိုး တင်ပြပေးသွားမည်ဖြစ်ကြောင်း တုံ့ပြန် ပြောကြားခဲ့ကြသည်။
“အိန္ဒိယပါလီမန် အမတ်အချို့နဲ့ ကျနော်တို့ မြန်မာ့အရေးကို ဆွေးနွေးခဲ့ပါတယ်။ ပါလီမန် အစည်းအဝေး ကျင်းပချိန် ရောက်ရင် မြန်မာ့အရေးကိစ္စကို ပါလီမန် အချေအတင် ဆွေးနွေးပွဲမှာ တင်သွင်း ဆွေးနွေးသွားဘို့ သူတို့ သဘောတူခဲ့ကြပါတယ်” ဟု ယူရိုဘားမားရုံး ညွှန်ကြားရေးမှူးနှင့် ENC ၏အကြံပေး ဟန် ညောင်ရွှေ က ပြောကြားသွားခဲ့ပါသည်။
၁၉၈၈ ဒီမိုကရေစီ အရေးတော်ပုံကို ရက်စက်စွာ နှိမ်နင်းခဲ့ပြီးနောက် အကြမ်းဘက် အာဏာရယူခဲ့သည့် မြန်မာ စစ်အစိုးရအပေါ် တင်းမာသော သဘောထား ထားရှိခဲ့သည့် နိုင်ငံအနည်းငယ်အနက် အိန္ဒိယနိုင်ငံသည်လည်း တနိုင်ငံ အပါအဝင် ဖြစ်သည်။
စစ်အစိုးရက အရမ်းကာရော အကြမ်းဘက် နှိမ်နင်းနေချိန်တွင် ရန်ကုန်ရှိ အိန္ဒိယသံရုံးက ကျောင်းသားများကို ခိုလှုံရာနေရာများ ပေးခဲ့ပြီး အိန္ဒိယနိုင်ငံသို့ ထွက်ပြေးခိုလှုံရန်ပင် အကြံပြုခဲ့သည်ဟု သိရသည်။
သို့သော် အိန္ဒိယအစိုးရ၏ မြန်မာနိုင်ငံဆိုင်ရာ မူဝါဒများသည် ၁၉၉ဝ စုနှစ် အစောပိုင်းကာလများတွင် အကြီးအကျယ် ပြောင်းလဲသွားခဲ့သည်။ တရုတ်နိုင်ငံ၏ သြဇာအာဏာ မြန်မာနိုင်ငံသို့ ဖြန့်ကျက် ရောက်ရှိလာမှုကို ကာကွယ်ရန် အိန္ဒိယနိုင်ငံ၏ အမျိုးသား အကျိုးစီးပွါးအတွက် မြန်မာနိုင်ငံနှင့် ဆက်ဆံရန် လိုအပ်သည်ဟု အိန္ဒိယမူဝါဒ ချမှတ်သူများက အကြောင်းပြခဲ့ကြသည်။
“အိန္ဒိယ အစိုးရအနေနဲ့ မြန်မာအစိုးရဆီက မျက်နှာသာရရေး တရုတ်နဲ့ မပြိုင်သင့်ဘူး၊ အဲဒီမှာအကြောင်း ၂ ချက် ရှိတယ်။ အိန္ဒိယနဲ့ တရုတ်က ကျင့်သုံးနေတဲ့ နိုင်ငံရေးစနစ်ချင်း မတူဘူး၊ တရုတ်က ကွန်မြူနစ်နိုင်ငံ၊ အိန္ဒိယက ဒီမိုကရေစီနိုင်ငံ။ အိန္ဒိယအနေနဲ့ သူ့ရဲ့ ရေရှည်အကျိုးစီးပွါးကိုသာ ကြည့်သင့်တယ်။ မြန်မာနိုင်ငံနဲ့ ဆက်ဆံရေးကို ထိန်းသိမ်းထားပြီး ဆက်ဆံရေး ကောင်းအောင် လုပ်နေတာဟာ အိန္ဒိယအတွက် သိက္ခာကျစရာဘဲဖြစ်လာမှာ” ဟု ဆာခေါင် ကပြောကြားခဲ့သည်။
မြန်မာနိုင်ငံ၏ ရှည်ကြာစွာ ထွက်ပေါက် ပိတ်နေသော ပြဿနာကို စစ်မှန်စွာ ဖြေရှင်းနိုင်မှသာ အိန္ဒိယနိုင်ငံရဲ့ အမျိုးသား အကျိုးစီးပွါး၊ ဒေသတွင်းနိုင်ငံများရဲ့ အကျိုးစီးပွါးကို တကယ်တမ်း အထောက်အကူပြုမှာ ဖြစ်ကြောင်း ENC ကိုယ်စားလှယ်များက ပြောကြားသွားခဲ့ပါသည်။
မြန်မာနိုင်ငံ၏ နိုင်ငံရေး အကြပ်အတည်းကို သုံးပွင့်ဆိုင် တွေ့ဆုံ ဆွေးနွေးပွဲကသာ စစ်မှန်စွာ ဖြေရှင်းနိုင်မှာဖြစ်ပြီး စစ်အစိုးရ၏ အုပ်စိုးမှုကို အဆုံးသတ်နိုင်မှာဖြစ်ကြောင်း ဆာခေါင် က ဆက်လက် ပြောကြားသွားခဲ့ပါသည်။ ထို့ပြင် ဒီမိုကရေစီစနစ်ကို ပြန်လည်ထူထောင်၍ မြန်မာ့ လွတ်လပ်ရေး သူရဲကောင်း ဗိုလ်ချုပ်အောင်ဆန်း အစပျိုးခဲ့သည့် ၁၉၄၇ ပင်လုံစာချုပ်အပေါ် အခြေခံသော စစ်မှန်သည့် ဖက်ဒရယ် ပြည်ထောင်စု အစိုးရစနစ်ကို ထူထောင်နိုင်မှာ ဖြစ်ကြောင်းလည်း ပြောကြားသွားခဲ့ပါသည်။

ပြစ်မှုကြွေးကို ... ??? (ဆောင်းပါး)

ဆောင်းပါး
ကလိုစေးထူး
လူမိုက်တွေရဲ့ လက်သုံးစကားလားတော့ မသိ …။ အရပ်ထဲမှာ ပြောကြတာကို ကျနော် ကြားဖူးတာ တခုရှိပါတယ်။ အဲဒါကတော့ `ထောင်အပြင် တန်းမရှိ´ တဲ့။
ယောက်ျားတွေအတွက် ထောင်ဆိုတာ အဆိုးဆုံး…၊ မိန်းမတွေအတွက်တော့ `တန်း´ ဆိုတာက အဆိုးဆုံး။ ဒီတော့ ယောက်ျားတယောက်အဖို့ ထောင်ကျသွားပြီးမှတော့ ဘာများထူးအုံးမှာလဲ ဆိုတဲ့ သဘောသဘာဝကို ပြောချင်တာ ထင်ရဲ့။ ဒါပေမယ့် ….။
***
၁၉၉၂ ခုနှစ်မှာ မြန်မာစစ်တပ်ဟာ ကရင်ပြည်နယ်အနှံ့ ထိုးစစ်တွေ တရစပ် ဆင်ခဲ့ပါတယ်။ အဲဒီ နှစ်ကုန်ပိုင်းမှာပဲ ကာကွယ်ရေး ဦးစီးချုပ် အပြောင်းအလဲ ဖြစ်ခဲ့ပြီးနောက်မှာတော့ ထိုးစစ်တွေကို ငြိမ်းချမ်းရေး အလို့ငှာ အကြောင်းပြပြီး ပြန်လည် ရုပ်သိမ်းခဲ့ပါတယ်။
အဲဒီထိုးစစ်တွေရဲ့ တန်ဆာခံ ဖြစ်ခဲ့ရတဲ့ အရပ်သား ပြည်သူတွေရဲ့ ပေါ်တာအဖြစ် အသုံးချ ခံခဲ့ရတာတွေကို ကျနော့်ကိုယ်တွေ့နဲ့ ယှဉ်ပြီး အတန်အသင့် ရေးခဲ့ပြီးပါပြီ။
အလျဉ်းသင့်တုန်း တင်ပြချင်တာ တခုရှိပါတယ်။ မြန်မာစစ်တပ်တွေ ရှေ့တန်း စစ်ဆင်ရေး ထွက်ကြတဲ့ အခါ ဘာဖြစ်လို့ သူတို့ဝန်စည်တွေကို သူတို့ မသယ်ဘဲ အရပ်သား ပြည်သူတွေကို အသယ်ခိုင်းရပါသလဲ ဆိုတာပါ။ ကျနော် မြင်မိသလောက် တင်ပြရရင်- (၁) လက်နက်ကြီး/ လက်နက်ငယ် များရဲ့ ကျည်များကို သူတို့ချည်းသက်သက် သယ်ယူရန် မတတ်နိုင်ခြင်း။ (၂) စားရေ ရိက္ခာများကို သူတို့ချည်းသက်သက် သယ်ယူရန် မတတ်နိုင်ခြင်း။ (၃) တပ်တွင်း အခွင့်ထူးခံ အရာရှိကြီးငယ်များရဲ့ ၀န်စည် စလယ်များကို အခြားအဆင့် စစ်သည်များက သယ်ယူရန် မတတ်နိုင်ခြင်း။
အဲဒီအချက်တွေအပြင် ပိုဆိုးတာတခုကတော့ သူတို့မှာ ပါလာတဲ့ ဒုတိယကမ္ဘာစစ် လက်ထက်ကတည်းက မြေပုံက လက်ရှိမြေပြင် အနေအထားနဲ့ ကွာဟနေလို့ အသုံးမတည့်လှတာကြောင့် နယ်မြေကျွမ်းကျင်တဲ့ ဒေသခံ တယောက်ယောက်ကို လမ်းပြ အလို့ငှာ အသုံးချခြင်းပါ။ အဲဒီလမ်းပြတွေက အသက် အန္တရာယ်နဲ့လဲ ပိုနီးစပ်ပါတယ်။ ရှေ့ဆုံးက သွားရတဲ့အပြင် မြေမြုပ်မိုင်း အန္တရာယ်ကလဲ ရှိပါသေးတယ်။
၁၉၉၅ ခုနှစ် နောက်ပိုင်းမှာ အရပ်ထဲက ပြည်သူတွေကို ပေါ်တာအဖြစ် အသုံးချတာ အတော်ကြီးကို နည်းသွားခဲ့ပါတယ်။ အိုင်အယ်လ်အို အဖွဲ့ရဲ့ ဖိအားကြောင့် ရပ်ကွက်/ ကျေးရွာ ရအဖ ရုံးတွေမှာဆိုရင်လဲ `အတင်းအကျပ် လုပ်အားပေး ဆင့်ခေါ် စေခိုင်းမှု´ နဲ့ ပတ်သက်တဲ့ အမိန့်စာလေးတွေကို ဟိုတစ ဒီတစ တွေ့လာရပါတယ်။ အဲဒီတုန်းကတော့ ဟုတ်တုတ်တုတ်တော့ ရှိလာပြီလားလို့ ထင်မိသား။ သို့သော်…။
၁၉၉၇ ခုနှစ်မှာ ကရင်ပြည်နယ် အနှံ့အပြားမှာ ထိုးစစ်တွေ ထပ်မံ ပြုလုပ်ပြန်ပါတယ်။ ကျနော်တို့ မြို့ကလေးမှာဆိုရင် ဘောလုံးကွင်းထဲမှာလဲ စစ်ကားတွေ အပြည့်၊ မြို့ထဲ လမ်းမပေါ်မှာလဲ စစ်ကားတွေ အစီအရီနဲ့ တမြို့လုံး အစိမ်းရောင်တွေနဲ့ အုံ့မှိုင်းနေခဲ့ပါတယ်။ ကရင်အကိုကြီး တယောက်ရဲ့ အဲဒါနဲ့ ပတ်သက်လို့ ပြောစကားကို အခုထိ မှတ်မိနေပါသေးတယ်။ `ရဲဘော်တွေ များတာတော့ လက်ကုန်ပဲဟေ့၊ ရဲဘော်စစ်ကြောင်းက ခေါင်းက ရှေ့တန်းရောက်ပေမယ့် အမြီးက တို့မြို့မှာ ရှိတုန်း..´ …တဲ့။
***
`ကျနော်တို့ကို ဒီအိမ်ဝင်းမှာ တည်းခွင့်ပြုပါ´
တည်းခွင့်ပြုပါ သာ ပြောတယ်။ အိမ်ဝိုင်းထဲကို ရောက်နှင့်နေကြပြီ ဖြစ်တဲ့ အစိမ်းရောင် လူတစုကို မေမေက ဘာမှ မတတ်နိုင်တဲ့ဟန်နဲ့ မေးအသာ ဆတ်ပြလိုက်ပါတယ်။ တပ်မနဲ့ ချီပြီး များပြားလှတဲ့ စစ်သားတွေ ရောက်နေတာကြောင့် နယ်ခံတပ်ရင်းမှာ နေရာ မဆန့်ပေလို့လားတော့ မသိ..။ ကျနော်တို့ မြို့လေးရဲ့ စစ်တပ်နဲ့ အနီးဆုံး ရပ်ကွက်က အိမ်တော်တော်များများမှာ အခုလိုပဲ စစ်သားတွေ ဟိုတစု ဒီတစု ၀င်တည်းကြပါတယ်။ တညတန်သည်၊ နှစ်ညတန်သည် တည်းပြီးရင်တော့ ရှေ့တန်း ထွက်ကြပါတယ်။
`ကျနော်တို့ အိမ်အောက်မှာပဲ အိပ်ကြမှာပါ´
ခေါင်းဆောင် ဖြစ်ဟန်တူသူ သုံးရစ်နဲ့ ပုဂ္ဂိုလ်က ပြောပြောဆိုဆိုနဲ့ ပါလာတဲ့ သူ့လူတွေကို ခြံထောင့်မှာ နေရာ ချထားပေးပါတယ်။ တဆက်တည်းမှာ သူ့တပည့်တွေကို `ကင်းချဟေ့´ လို့ အမိန့်ပါ တခါတည်း ပေးလိုက်တော့ ကျနော်တို့ အိမ်ဝင်းလေးလဲ နေရင်းထိုင်ရင်းနဲ့ အစောင့်နဲ့ ဘာနဲ့ လုံခြုံရေးအပြည့် ဖြစ်သွားသလိုလို…။ အဲဒီမှာတင် သတိထားမိတာကတော့….။
မီးသတ်ဝတ်စုံအရောင် အင်္ကျီအပြာ၊ ဘောင်းဘီအပြာနဲ့ လူတချို့..။ မျက်နှာထားတွေကလဲ စိုးရွံ့နေသလိုလို မျက်နှာငယ်လေးတွေနဲ့ ..။ နောက်တော့မှ သိရတာက အဲဒါ `ထောင်သားတွေ´ တဲ့..။
***
စစ်တပ်အကြီးအကဲ အုပ်ချုပ်သူများရဲ့ ရွှေဉာဏ်တော် စူးရောက်ချက်လားပဲ ပြောရမလား မသိ..။ အရပ်ထဲက ပြည်သူတွေကို လူမြင်သူမြင် ပေါ်တာဆွဲဖို့ အခြေအနေ မပေးတော့တဲ့ အခါမှာ သူတို့ရဲ့ ၀န်စည်တွေကို သယ်ပိုးသမားအဖြစ် အသုံးချဖို့ သူတို့ မျက်စိကျတာကတော့ ထောင်တွေထဲမှာ အပြစ်ဒဏ် ကျခံနေရတဲ့ အကျဉ်းသားတွေပါ။
`၀န်ဆောင် တပ်ရင်း´ လို့ အမည်ပေးပြီးတော့ ရဲဘက်စခန်းအချို့က အကျဉ်းသားတွေကို ပေါ်တာအလို့ငှာ အသုံးချတဲ့ စနစ်ကို (ကျနော်တွေ့ရှိ မှတ်သားမိသလောက်) အဲဒီနှစ်မှာ စတင် အသုံးပြုခဲ့ပါတယ်။ အစ ပထမပိုင်းမှာတော့ သူတို့ အများဆုံး အသုံးပြုလေ့ရှိတဲ့ အကျဉ်းသား အမျိုးအစားကတော့ စစ်ပြေးမှု၊ စစ်စည်းကမ်း ဖောက်ဖျက်မှု အစသဖြင့် ပြစ်မှုတွေနဲ့ စစ်တပ်မှ ထုတ်ပယ်ရန် အလို့ငှာ အရပ်ထောင် အချခံရတဲ့ အကျဉ်းသားတွေပါ။
စကားချပ်။ (စစ်သားတွေကို ထောင်ဒဏ် အပြစ်ပေးနည်း နှစ်နည်း ရှိပါတယ်။ စစ်ထောင်နဲ့ အရပ်ထောင်ပါ။ စစ်ထောင်ကတော့ စစ်တပ်မှ နှုတ်ထွက်စရာ မလိုပါဘူး။ အများဆုံး စစ်ထောင် အပြစ်ဒဏ်ကလဲ တနှစ်အထိသာ ချလေ့ ရှိပါတယ်။ အရပ်ထောင်ကတော့ စစ်တပ်ကနေပါ ထုတ်ပယ်တဲ့ အပြစ်ဒဏ် ကျူးလွန်ရင် ပေးတဲ့ အပြစ်ဒဏ်ပါ။ နှစ်မျိုးလုံးကို စစ်ခုံရုံးကနေ အမိန့်ချတာပါ။)
စစ်ဆင်ရေး ပမာဏက ကြီးလွန်းတော့ နောက်ပိုင်းမှာ စစ်ပြေး အကျဉ်းသားတွေနဲ့တင် မလုံလောက်တော့ပါဘူး။ အဲဒီမှာ တဆင့်တက်ပြီး လွတ်ရက်စေ့ နှစ်ရှည် အကျဉ်းသားတွေကို အသုံးချပြန်ပါတယ်။ ကျနော်တို့ အိမ်မှာ လာတည်းသွားကြတဲ့ စစ်သားတွေနဲ့ အတူ ပါလာတဲ့ အကျဉ်းသား ပေါ်တာ တယောက်ကို စပ်စုကြည့်မိတော့ သူက လူသတ်မှုနဲ့ ထောင်ဒဏ် ဆယ့်သုံးနှစ် ကျခဲ့တာ ထောင်ထဲမှာ ဆယ်နှစ်နေခဲ့ပြီးပါပြီတဲ့။ ကျန်တဲ့ သုံးနှစ်ကို အခု ပေါ်တာအဖြစ် လိုက်ရင် ပြန်ရောက်တာနဲ့ ထောင်ကနေ လွှတ်ပေးမယ်ဆိုလို့ စွန့်စားတဲ့ အနေနဲ့ လိုက်ခဲ့တာလို့ ပြောပါတယ်။ သူ့စိတ်ထင် တခေါက်ကို အလွန်ဆုံးကြာလှ လေးငါးလပေါ့လို့ ထင်ခဲ့မိပါတယ်တဲ့။
စစ်ပြေး အကျဉ်းသားတွေကိုတော့ စစ်သား လုပ်ခဲ့ဖူးတဲ့ အတွေ့အကြုံ ရှိပြီးသားမို့လို့ အသုံးချတယ်လို့ သုံးသပ်မိပါတယ်။ ဒါပေမယ့် အရာရှိ ဘ၀ကနေ အရပ်ထောင် ကျသွားတဲ့ အကျဉ်းသား ပေါ်တာတွေတော့ မတွေ့ခဲ့ရပါဘူး။ အခြားအဆင့်ကနေ ထောင်ကျတဲ့ စစ်သားဟောင်း အကျဉ်းသားတွေပဲ ပါလာတာ တွေ့ပါတယ်။
`၀န်ဆောင်တပ်သားများ´ လို့ ခေါ်ဝေါ်တဲ့ အဲဒီ အကျဉ်းသားတွေရဲ့ အသက် တန်ကြေးဟာ ရှေ့တန်း စစ်မြေပြင်ကို ထွက်လိုက်တာနဲ့ ဖက်ရွက် တခုလောက်တောင် တန်ဖိုး မရှိတော့ပါဘူး။ ခန္ဓာနဲ့ဝန် မျှသည် မမျှသည်ကိုလဲ လူသားချင်း စာနာတဲ့ အသိနဲ့ စစ်သားတွေက သူတို့ အတွက် ထည့်တွက်လေ့ မရှိပါဘူး။ ထွက်ပြေးရင်လဲ အသေသာ ပစ်သတ်လေ့ ရှိပါတယ်။ သေသွားတော့လဲ ခွေးသေတကောင်လောက်တောင် တန်ဖိုးမထား ပစ်စလတ်ခတ် ပစ်ထားလိုက်တာပါပဲ။ `ခွေးကမှ ချက်စားလို့ ရသေးလို့ မင်းတို့ထက် အဖိုးတန်သေးတယ်´ လို့ စစ်သားတယောက်က ပြောတယ်လို့ အကျဉ်းသား ပေါ်တာကြီး တယောက် ရင်ဖွင့်ခဲ့ဖူးပါတယ်။
တပ်ရင်းက ရှေ့တန်းကို ထွက်ကြတဲ့ အခါ အရာရှိ လုပ်သူတွေက ပစ္စတိုလေး ခါးချိတ်လို့ ဘာဝန်စည်စလယ်မှ မပါ၊ အိုက်တင် အခန့်သား၊ တပ်မှူးဆိုရင် တုတ်ကောက်လေး တထောက်ထောက်နဲ့ ဟန်ပါပါ သွားနိုင်ပေမယ့် သူတို့ရဲ့ ၀န်စည်စလယ်တွေကို ၀န်တင်လားများသဖွယ် မနိုင့်တနိုင် ထမ်းပိုး လိုက်ပါသွားရတဲ့ အကျဉ်းသား ပေါ်တာတွေရဲ့ ပုံရိပ်က ရင်ဆို့စရာ ကောင်းလှပါတယ်။ ဘယ်နှယောက် ရှေ့တန်း စစ်မြေပြင်မှာ သေဆုံးပြီး၊ ဘယ်နှယောက် အသက်မသေဘဲ လျှောလျှောရှူရှူနဲ့ နောက်တန်းကို ပြန်ရောက်တယ်၊ လွတ်မြောက်ခွင့်ရတယ် ဆိုတာကတော့ တွက်ချက်ဖို့ အတော်လေးကို ခဲယဉ်းတဲ့ ပုစ္ဆာတခုပါပဲ။
`ဘယ်တော့ ပြန်ရမယ်ထင်လဲ´
အိမ်မှာလာတည်းတဲ့ အကျဉ်းသား ပေါ်တာတယောက်ကို လူလစ်တုန်း အဲဒီမေးခွန်းကို တိုးတိုးတိတ်တိတ် မေးကြည့်လိုက်တော့ သူ့မျက်လုံးမှာ မျက်ရည်တွေ စို့ခနဲ တက်လာပါတယ်။ ဟိုးအဝေးကြီးကို ခပ်ငေးငေး ကြည့်ရင်း မျက်ရည်တွေ ပေါက်ခနဲ ကျလာတယ်။ ပြီးတော့ တိုးဖွဖွနဲ့ တခွန်းတည်း ပြန်ဖြေပါတယ်။
`မသိသေးဘူး´ … တဲ့။ ဒါပေမယ့် ကျနော်လဲ သူ့ကို ဘာမှ အကူအညီ မပေးနိုင်ခဲ့ပါဘူး..။
တကယ်တော့ တပ်ရင်းတရင်းရဲ့ စစ်ဆင်ရေး ကာလဟာ များသောအားဖြင့် ခြောက်လခန့်သာ ကြာမြင့်လေ့ ရှိပေမယ့် လှုပ်ရှား သွားလာနေတဲ့ အဲဒီ ခြောက်လအတွင်း ၀န်စည်တွေကို ထမ်းပိုးပြီး ဖြတ်သန်းရမယ့် အကျဉ်းသား ပေါ်တာတွေရဲ့ ၀ဋ်ဒုက္ခကို ခြောက်ရက်တာမျှသာ ပေါ်တာငရဲခံဖူးတဲ့ ကျနော့် ကိုယ်တွေ့နဲ့ ယှဉ်ပြီး ကိုယ်ချင်းစာမိလှပါတယ်။ လူ့ခန္ဓာကိုယ်က ရှိသမျှ အားအင် အကုန်လုံးကို ထုတ်ယူ ပစ်နိုင်လောက်အောင် ပင်ပန်းနွမ်းနယ်လှပြီး ကိုယ့်အသက်ကိုလဲ တန်ဖိုးထားခြင်း တစက်ကလေးမှ မခံရတဲ့အထဲ တပ်ရင်းတရင်းက နောက်တန်းပြန်နားတဲ့ အခါ နောက်ထပ်ရှေ့တန်း တာဝန်ထမ်းဆောင်မယ့် တပ်ရင်းအတွက် အဲဒီ အကျဉ်းသားတွေကို ထပ်မံ လွှဲပြောင်းလို့ ထပ်ခါတလဲလဲ ခိုင်းစေကြပြန်တော့ စစ်သားတွေကမှ ခြောက်လတခါ နားရတယ်၊ သူတို့ ခမျာမှာတော့ စစ်ဆင်ရေးကြီး မပြီးမချင်း ၀န်စည်တွေကို ထပ်တလဲလဲ ထမ်းပိုးနေရသလို ဖြစ်နေပါတယ်။
***
မုတ္တမ-ရန်ကုန် ကားလမ်းဘေးက ဇင်းကျိုက် အနီးမှာ ကျောက်ထု ရဲဘက် အကျဉ်းစခန်း တခုကို ခရီးသွားရတိုင်း ဖြတ်သွားခဲ့ရဖူးပါတယ်။ အဲဒီလို ဖြတ်သန်းရတိုင်းမှာ ဟိုးခပ်ဝေးဝေးက အဖြူရောင် ၀တ်စုံ ပေညစ်ညစ်နဲ့ ပင်ပန်းကြီးစွာ ကျောက်ထုနေတဲ့ အကျဉ်းသားတွေရဲ့ ဒီမှာဘက် လမ်းဘေးအနီးက ဆိုင်းဘုတ်လေးမှာ ရေးထားတဲ့ စာတန်းကို ထင်ထင်ရှားရှား တွေ့နိုင်ပါတယ်။ အဲဒါကတော့..
`ပြစ်မှုကြွေးကို ချွေးဖြင့်ဆပ်မည်´ …တဲ့။
လူ့ဘောင် လောကကြီးမှာ အကြောင်း အမျိုးမျိုးကြောင့် ရာဇ၀တ်ပြစ်မှုတွေ ကျူးလွန်ပြီးလို့ အဲဒီအပြစ်အတွက် ထိုက်တန်တဲ့ ပြစ်မှုကို ခံယူရတယ် ဆိုတာက ဓမ္မတာ ဖြစ်ပါတယ်။ ဒါပေမယ့် အဲဒီ အပြစ်ဒဏ်အတွက် မြန်မာနိုင်ငံက ပေါ်တာ အကျဉ်းသားတွေ ပေးဆပ်နေရတဲ့ ပြစ်ဒဏ်ကတော့ ကြီးမားလွန်းလှပါတယ်။ ဒီအခြေအနေကို ပပျောက်ဖုိ့ ဘယ်လိုလုပ်ရပါ့၊ အင်မတန်လဲ စဉ်းစားရခက်ပါတယ်။ ဘယ်သူ့မှာ တာဝန်ရှိပါသလဲ ဆိုတဲ့ မေးခွန်းကတော့ မေးစရာတောင် လိုတော့မယ်တောင် မထင်ပါ။
ဒါကြောင့်…
ပြစ်မှုကြွေးကို ချွေးနဲ့တင်မက၊ သွေး၊ အသက်နဲ့ပါ ပေးဆပ်နေရတဲ့ ပေါ်တာ အကျဉ်းသားစနစ် မြန်မာပြည်ကနေ လွင့်ပျောက်ပါစေလို့ ဆုတောင်းရုံသာ တတ်နိုင်ရင်း….။
ကလိုစေးထူ

လူထုဒေါ်အမာ ၉၂ နှစ်မြောက်မွေးနေ့ စည်ကားသိုက်မြိုက်စွာ ကျင်းပ

မဇ္ဈိမသတင်းဌာန
အများပြည်သူမှ ချစ်ခင်မြတ်နိုးရသူ စာရေးဆရာမကြီး အမေ လူထုဒေါ်အမာ၏ ၉၂ နှစ်မြောက် မွေးနေ့ပွဲကို ယနေ့ နံနက်ပိုင်းက မန္တလေးရှိ မဟာဂန္ဓာရုံ ကျောင်းတိုက်တွင် စည်ကား သိုက်မြိုက်စွာ ကျင်းပနိုင်ခဲ့သည်။
ပြည်သူ့အချစ်တော် စာရေးဆရာမကြီး အမေ လူထုဒေါ်အမာ
လူထု ဒေါ်အမာနှင့် မိသားစုဝင်များ အပါအဝင် ဧည့်ပရိသတ် ၃ဝဝ ခန့်သည် ယနေ့နံနက် ၉ နာရီခွဲခန့်တွင် တရားနာပြီးနောက် ဆရာတော် ဦးကုန္ဒြာဘိဝံသ အမှူးပြုသော သံဃာအပါး တထောင်ကို ဆွမ်းလောင်းပြီးနောက် ဧည့်ပရိသတ်ကို ထမင်းဖြင့် ဧည့်ခံအပြီး မွေးနေ့ပွဲ အစီအစဉ်ကို အောင်မြင်စွာ ရုတ်သိမ်းခဲ့ခြင်း ဖြစ်သည်။
သံဃာတော်များကို ဆွမ်းလောင်းရာတွင် အမေ ဒေါ်အမာ ကိုယ်တိုင် Wheel Chair ပေါ်တွင် ထိုင်ကာ အလှူဒကာရှင်များနှင့်အတူ ကပ်လှူနိုင်ခဲ့သည်ဟု အငယ်ဆုံးသားဖြစ်သူ ကိုညို ခေါ် စာရေးဆရာ ညီပုလေး က မဇ္ဈိမကို ပြောသည်။
သူက ဆက်ပြီး “ငြိမ်းချမ်းရေး အထိမ်းအမှတ်နဲ့ သာလိကာ ငှက်လေး နှစ်ကောင်ကိုလည်း လှောင်ချိုင့်ထဲက နေပြီး လွှတ်ဖြစ်ပါတယ်။ အမေ ကိုယ်တိုင် လွှတ်ပါတယ်။ ဟိုနှစ်တွေတုန်းက ဆရာ ဒဂုံတာရာတို့၊ ဆရာ ဒေါက်တာသန်းထွန်းတို့ လွှတ်ဖို့အတွက် ငှက်ကလေးတွေ ယူလာပေးခဲ့တဲ့ ဒကာကပဲ ယူလာပေးတာပါ။ အစီအစဉ်ကိုတော့ နေ့လည် ၁၁ နာရီခွဲမှာ အဆုံးသတ်ပါတယ် ခင်ဗျ” ဟု ပြောသည်။
မွေးနေ့ပွဲသို့ ရန်ကုန် စာပေအသိုင်းအဝိုင်းမှ ဆရာမောင်မိုးသူ၊ ဆရာမောင်ဝံသ၊ ဆရာဦးဝင်းတင်ကို ထောင်ဝင်စာ သွားရောက် တွေ့ဆုံလေ့ရှိသူ ဦးမောင်မောင်ခင်၊ ဆရာထက်မြက်၊ ဆရာမောင်လွင်မွန် (ကသာ)၊ ဆရာလင်းထင်တို့ အပြင် ချောက်၊ ပြင်ဦးလွင်နှင့် မန္တလေးရှိ စာပေသမားများ၊ စာပေ ဝါသနာရှင်များနှင့် လူထု ဒေါ်အမာကို ချစ်မြတ်နိုးသူများ တက်ရောက်ခဲ့ကြသည်။
စာရေးဆရာမ ငြိမ်းရွှေလီ၏ အမဖြစ်သူ ဒေါ်ခင်ပွား မိသားစုကလည်း နာမကျန်းဖြစ်နေသူ စကုမှ ဆရာ အေးမင်းစော အပါအဝင် စာရေးဆရာ ၃ ဦးကို ငွေကျပ် ၃ သောင်းစီ မွေးနေ့ အထိမ်းအမှတ်အဖြစ် ကုသိုလ်ပြုကြောင်းနှင့် ယခင်က တောင်လေးလုံး ကျောင်းတိုက်နှင့် ပြီးခဲ့သည့်နှစ်က သမီးကြီးဖြစ်သူ ဒေါ်သန်းရင်မ (ကလောင်အမည် မြမြင့်ဉ္ဇူ) နေအိမ်တွင် ကျင်းပခဲ့ရာမှ မဟာဂန္ဓာရုံကျောင်းသို့ လာရောက်၍ မွေးနေ့ပွဲ ပြုလုပ်သဖြင့် ကျောင်းတိုက်ရှိ သံဃာတော်များ အနေဖြင့် အထူးပင် ဝမ်းမြောက်ဝမ်းသာ ဖြစ်ကြကြောင်း သိရသည်။
ယခုနှစ် မွေးနေ့ပွဲကို ပြီးခဲ့သည့် စက်တင်ဘာလ အတွင်းက ဖြစ်ပွားခဲ့သည့် ရွှေဝါရောင် သံဃာလူထု လှုပ်ရှားမှုကြီး အပြီး နှစ်လခန့်အကြာတွင် ကျင်းပခဲ့ခြင်းဖြစ်ပြီး အမေလူထုဒေါ်အမာက လှုပ်ရှားမှုကြီးအတွင်း သံဃာတော်များကို အကြမ်းဖက် တိုက်ခိုက်ခြင်းနှင့် ပတ်သက်ပြီး စိတ်မကောင်း ဖြစ်ရကြောင်း သိရသည်။
ဆရာ ညီပုလေးက “အမေကတော့ ရုပ်သံကြည့်တိုင်း ဒါတွေမြင်တိုင်း စိတ်မကောင်း ဖြစ်နေကျပါ ခင်ဗျ။ အလျဉ်းသင့်လို့ စကားပြောတဲ့အခါ ဒီအကြောင်းတော့ ပါလေ့ရှိပါတယ်” ဟု ပြောသည်။
မွေးနေ့ပွဲအပြီး စာပေစကားဝိုင်း အပါအဝင် သီးခြား အစီအစဉ်များ ပြုလုပ်ခြင်း မရှိသော်လည်း စာပေသမားများနှင့် စာရေးဆရာများသည် အမရပူရမြို့ တောင်သမံ အင်းအနီးရှိ မယ်ဇယ်ပင်တန်းဘက်သို့ မွေးနေ့ အထိမ်းအမှတ်အဖြစ် သွားရောက်ကာ တွေ့ဆုံခဲ့ကြသည်ဟု သိရသည်။

အိန္ဒိယရောက် မြန်မာများ လူထုဒေါ်အမာ မွေးနေ့ဂုဏ်ပြုပွဲ ကျင်းပ

ထိန်လင်း
လူထုဒေါ်အမာ၏ ၉၂ နှစ်မြောက် မွေးနေ့ဂုဏ်ပြုပွဲ တရပ်ကို အိန္ဒိယရောက် မြန်မာနိုင်ငံသားများက နယူးဒေလီရှိ ရှစ်လေးလုံး ကျောင်းတိုက်တွင် ယနေ့နံနက်ပိုင်းက ကျင်းပခဲ့သည်။
မြန်မာပြည်သူအများမှ မိခင်တမျှ ချစ်ခင်မြတ်နိုးရသော လူထုဒေါ်အမာ၏ ၉၂ နှစ်မြောက် မွေးနေ့ အခါသမယတွင် အမေ ဒေါ်အမာသို့ ဂုဏ်ပြုသည့် အစီအစဉ် တရပ်ကို အိန္ဒိယနိုင်ငံ နယူးဒေလီမြို့ရှိ မြန်မာစာပေ ဝါသနာရှင်များက စုပေါင်း၍ ရှစ်လေးလုံး ကျောင်းတိုက်တွင် ငါးပါးသီလ ခံယူခြင်းနှင့် မေတ္တာသုတ် နာယူခြင်း ပြုပြီး၊ လှူဖွယ်ပစ္စည်းများကို သံဃာတော် ၃ ပါးသို့ ဆက်ကပ် လှူဒါန်းကာ ရေစက်သွန်းချ အမျှဝေခြင်းဖြင့် ယနေ့နံနက်ပိုင်းတွင် အစပြုခဲ့ကြသည်။
“ငြိမ်းချမ်းရေးမိခင်၊ လွတ်လပ်ရေးမိခင်၊ စာပေလောကရဲ့ မာတာမိခင် ကျေးဇူးရှင် ဒေါ်အမာရဲ့ မွေးနေ့ အခါသမယမှာ အမေ ဒေါ်အမာ အသက်ရှည်၍ အနာမဲ့ကြောင်း မေတ္တာပို့ ဆုတောင်းကြတဲ့ပွဲ ဖြစ်ပါတယ်။ ကျေးဇူးရှိတဲ့သူကို ကျေးဇူးဆပ်တာဟာ မင်္ဂလာတပါးပါ။ အမေ ဒေါ်အမာဟာ လွတ်လပ်ရေး မရခင်ကတည်းက ရှေ့တန်းကနေ ရဲရဲတောက်ပါဝင်ခဲ့တဲ့ သပိတ်မှောက် ကျောင်းသူဖြစ်တယ်။ ပြီးတော့ စာပေနဲ့ ငြိမ်းချမ်းရေးအတွက် သူသိတဲ့ အသိတရားတွေကို အများပြည်သူသိအောင် အလင်းရောင်ပေးခဲ့တဲ့ လူထုရဲ့ မိခင်ဖြစ်တယ်” ဟု ကျောင်းထိုင် ဆရာတော် ဦးပညာဝရက မိန့်ကြားခဲ့သည်။
သံဃာတော် ၃ ပါးကို ဆွမ်းကပ်လှူပြီးနောက် လူထုဒေါ်အမာ၏ စာကောင်းပေမွန်များအပေါ် ဂုဏ်ပြု ချီးကျူးသည့် အခမ်းအနား တရပ်ကို ဆက်လက် ကျင်းပခဲ့ကြသည်။
“ပြည်သူ့ဘက်တော်သား လူထုဒေါ်အမာရဲ့ စာမူတွေကို စစ်အာဏာပိုင်တွေက လှီးဖြတ်ပယ်သတ်နေတာ၊ သူ့စာမူတွေ လွတ်လွတ်လပ်လပ် ထုတ်ဝေခွင့် မရတာတွေဟာ လူ့အခွင့်အရေး ဆုံးရှုံးမှု သရုပ်မှန်ကို ဖော်ပြနေတာပါ။ ကျနော်တို့ အဝေးရောက် သားတွေက အမေ့မွေးနေ့ကို ကျင်းပရတာကလည်း စစ်ဖိနပ်အောက်ကနေ အမေနဲ့အတူ ပြည်သူပြည်သားတွေ အမြန်ဆုံး လွတ်မြောက်အောင် ဆုတောင်းရင်း၊ အမေ အသက်ရာကျော် ရှည်စေဖို့ ဆုတောင်းမေတ္တာ ပို့သတာ၊ အမေ့ကို ဂုဏ်ပြုတာ ဖြစ်ပါတယ်” ဟု အစီအစဉ် ကျင်းပသူတဦး ဖြစ်သည့် ကိုကျော်သူရက ပြောသည်။
စာပေဝါသနာရှင်များဖြစ်သည့် ကျော်ဇောဟန် က ‘အမေလူထု ဒေါ်အမာ၏ ဘဝဖြစ်စဉ်အကျဉ်း’ ကို ဖတ်ကြားပြသလို၊ ထွန်းထွန်း (မုံရွာ) က ရဲဘော်သံချောင်း၏ ‘၉၂ နှစ်ပြည့် မိခင်သို့’၊ မင်းပြည့်စုံ (ယော) က ‘တနေ့’၊ ဂျူလိုင်ကောင်းက ‘အမေမာသို့’၊ ရွှေခြံမြေ မောင်စိမ်းလန်းက ‘အမေဒေါ်အမာသို့’၊ ခိုင်အောင်ကျော် (စစ်တွေ) က ‘အမေ သို့မဟုတ် ငြိမ်းချမ်းရေးမိခင်’ နှင့် အောင်ဟိန်း (မုံရွာ) က ‘အမေ့သား’ ကဗျာတို့ကို ရွတ်ဖတ်ကာ အမေလူထု ဒေါ်အမာကို ဂုဏ်ပြုခဲ့ကြသည်။

အဝယ်မလိုက် ဂျာနယ်များ တခဏချင်း ပျောက်ကွယ်

ထိန်လင်း
ဂျာနယ်ထုတ်ဝေခွင့် လိုင်စင်ကို မြန်မာစစ်အစိုးရမှ ပိုမို ချပေးနေသော်လည်း အဝယ်မလိုက်သဖြင့် ဂျာနယ်များသည် အရှုံးများသောကြောင့် ရပ်ဆိုင်းနေကြရသည်ဟု သိရသည်။
ယခုတလောတွင် သတင်းဂျာနယ် ထုတ်ဝေခွင့် လိုင်စင်ကို နအဖ ပြန်ကြားရေး ဝန်ကြီးဌာနမှ အလွယ်တကူ ချပေးနေသဖြင့် ရန်ကုန်တွင် ဂျာနယ်များ ပိုမို အထွက်များလာသော်လည်း ဝယ်ယူအားပေးသူ နဲပါးနေသဖြင့် ခဏချင်း အတွင်း၌ပင် အရှုံးပေါ်ကာ ရပ်ဆိုင်းနေကြရသည်ဟု ရန်ကုန်ရှိ စာနယ်ဇင်းသမားများက ပြောဆိုကြသည်။
“ရန်ကုန်မြို့မှာ ထုတ်တဲ့ ဂျာနယ်အစောင်ရေ ၁ဝဝ ကျော်ထုတ်တယ်။ ဂျာနယ်တစောင်ကို ၃ဝဝ ကျပ်ကနေ ၅ဝဝ အထိရှိတော့ ပြည်သူတွေ စီးပွားရေး ကျပ်တာလည်း ပါတယ်။ ဝယ်မဖတ်နိုင်ကျဘူး။ စာပေစိစစ်ရေးက တင်းကျပ်ထားတော့ လူထုစိတ်ဝင်စားမယ့် သတင်းတွေ ထည့်ခွင့်မရတာလည်း ပါတယ်။ လူတွေ သိပ်စိတ်မဝင်စားတဲ့ သတင်းများတော့ ဘယ်သူမှ ဝယ်မဖတ်ချင်တော့ဘူး” ဟု နာမည်ကြီး သတင်းဂျာနယ်တိုက်တခုမှ စာရေးဆရာတဦးက မဇ္ဈိမကို ပြောသည်။
ပေါ်ပြူလာဂျာနယ် အယ်ဒီတာ ဦးဟိန်းလတ်ကလည်း “ဂျာနယ် ထုတ်ဝေခွင့်နဲ့ ပတ်သက်ပြီး အခုလောလောဆယ် ထုတ်ဝေခွင့် လျှောက်တဲ့ လူတိုင်းနီးနီး ရကြတယ်။ ရပြီးတဲ့လူတွေတောင် မထုတ်နိုင်ကြဘူး။ အရင်တုန်းက ထုတ်ဝေခွင့်ရသူ ရှားတော့ ငှားထုတ်တဲ့သူ များတယ်။ အခုတော့ မထုတ်ရဲကြဘူး။ ဂျာနယ်တွေက မရောင်းရဘူးလေ။ ရှုံးမှာပေါ့ ။ ဝယ်ဖတ်တဲ့သူ နဲတယ်။ အဲဒါကြောင့် မထုတ်ရဲတဲ့သူနဲ့ ပြန်အပ်တဲ့သူ များနေပြီ” ဟု ပြောသည်။
ယခင်က ဂျာနယ် ထုတ်ဝေလိုပါက ထုတ်ဝေခွင့် ရထားသူများထံမှ တလလျှင် ဂျာနယ်တစောင် ကျပ်ငွေ ၂ သောင်းမှ ၃ သောင်းကျော်အထိ ပေး၍ လိုင်စင် ငှားရသလို၊ စောင်ရေ အများအပြား ထုတ်ပါက လိုင်စင်ရှင်ကို ပိုပေးရကြောင်းနှင့် လိုင်စင်ကို အပြီးအပိုင် ဝယ်မည်ဆိုပါက သိန်း ၃ဝ ခန့် ပေးရကြောင်း ဂျာနယ်တိုက် အချို့က ပြောကြသည်။
ဂျာနယ်တိုက် တခုမှ ဝန်ထမ်းတဦးက “သတင်းဂျာနယ်နဲ့ ပတ်သက်လို့ကတော့ ထုတ်ဝေခွင့်က အခုနောက်ပိုင်းမှာ သိပ်မခက်တော့ပါဘူး။ ပတ်သက်ရာ ပတ်သက်ကြောင်း ရှိတဲ့လူတွေကတော့ မြန်တာပေါ့။ သူတို့ဆီက ဝယ်ပြီးတော့ နာမည်ပြောင်းလိုက်ရင် ရတယ်။ အခုနောက်ပိုင်း ထုတ်ဝေခွင့် လိုင်စင်ကို လိုက်ရင် ရနိုင်ပါပြီ” ဟု ပြောသည်။
ယခုလို ဂျာနယ်ထုတ်ဝေခွင့် လိုင်စင်ကို ပိုမို ချပေးလာချိန်အတွင်း ပြီးခဲ့သည့် တပတ်တွင် ရန်ကုန်အခြေစိုက် သတင်းဂျာနယ်များ ဖြစ်သည့် လျှပ်တပြက်နှင့် News Watch စောင့်ကြည့်ဂျာနယ်များကို စာပေစိစစ်ရေးက တပတ်စီ ထုတ်ဝေခွင့်ပိတ်ခဲ့သေးသည်။
လျှပ်တပြက် ဂျာနယ်နှင့် ပတ်သက်၍ ဂျာနယ် သတင်းထောက်တဦးက “လျှပ်တပြက်ဂျာနယ်နဲ့ ပတ်သက်လို့ကတော့ ကျနော်ကြားတာ ပြောရမယ်ဆိုရင် ဒေါ်စု ကျေညာချက်နဲ့ ပတ်သက်ပြီး သူတို့လိုသလို ဆွဲပြီး ဘာသာပြန်လို့ ပိတ်တယ်လို့ ကြားတယ်” ဟု ပြောသည်။
ဂျာနယ်ဝန်ထမ်းကလည်း “လျှပ်တပြက်ကို ဝမ်နိမ် (သတိ) ပေးထားတယ်။ အဲဒီမတိုင်မီ နှစ်ပတ်က အစည်းအဝေးပွဲ (စာပေစိစစ်ရေး) မှာ လျှပ်တပြက်ဟာ စည်းကမ်းအများဆုံး ချိုးဖောက်တယ်လို့ ဆိုတယ်။ နောက် ဂျာနယ်နှစ်ခုရော သတိပေးထားတယ်။ စည်းကမ်းဆိုတာ များသောအားဖြင့် မထည့်ပါနဲ့လို့ ပြောထားတဲ့ သတင်းကို သူ့သဘောနဲ့သူ ထည့်လိုက်တာမျိုးပေါ့။ ထင်ရာလုပ်တာများနေလို့ နောက်တခါ အရေးယူမယ်လို့ ပြောထားတယ်။ သူ (ဦးမြခိုင် - ဂျာနယ်အယ်ဒီတာချုပ်) က ဗိုလ်ချုပ်ကျော်ဆန်းနဲ့လည်း ရင်းနှီးတော့ ထင်ရာလုပ်တဲ့အပိုင်းပါတယ်” ဟု ပြောသည်။
ယခုလ ၁၅ ရက်နေ့ထုတ် News Watch ဂျာနယ်ကိုမူ ခွင့်ပြုချက်မရဘဲ လူထုခေါင်းဆောင် ဒေါ်အောင်ဆန်းစုကြည်နှင့် အန်အယ်ဒီ ခေါင်းဆောင်များ တွေ့ဆုံသည့် သတင်းနှင့် မျက်နှာဖုံးတွင် ဓာတ်ပုံကိုပါ ဖော်ပြခဲ့သဖြင့် ပိတ်ပင်ခဲ့ခြင်း ဖြစ်သည်ဟု သိရသည်။
ဂျာနယ်ထုတ်ဝေခွင့်နှင့်ပတ်သက်၍ မန္တလေးမြို့တွင် ယခုအခါ ကြံ့ခိုင်ဖွံ့ဖြိုးရေး အသင်းနှင့် နီးစပ်သည့် မန္တလေးတိုင်းမ်၊ မန်းတော်ရိပ်တို့ ပေါ်ထွက်လာမည် ဖြစ်ကြောင်းနှင့် အခြား ပုဂ္ဂလိက ဂျာနယ်များ ဖြစ်သည့် နန်းမြင့်၊ ရွှေမန္တလေး၊ Upper Myanmar ဂျာနယ်များလည်း ယခင်ကတည်းက ထုတ်ဝေလျက်ရှိကြောင်း သိရသည်။

၉၂ နှစ်မြောက် လူထုဒေါ်အမာ မွေးနေ့ ကျင်းပမည်

မဇ္ဈိမသတင်းဌာန
လူထုဒေါ်အမာ၏ ၉၂ နှစ်မြောက် မွေးနေ့ပွဲကို ယခုနှစ်တွင် မန္တလေးရှိ မဟာဂန္ဓာရုံ ကျောင်း၌ ကျင်းပသွားမည် ဖြစ်သည်။
စာနယ်ဇင်း လောကနှင့် မြန်မာပြည်သူများ၏ ချစ်ခင်လေးစားခံရသူ မန္တလေးမြို့မှ စာရေးဆရာမကြီး လူထုဒေါ်အမာ၏ ၉၂ နှစ်မြောက် မွေးနေ့ပွဲကို မန္တလေးတိုင်း အမရပူရမြို့ရှိ မဟာဂန္ဓာရုံ ကျောင်းတိုက်တွင် ယခုလ ၂၉ ရက်နေ့ နံနက်ပိုင်းမှ စတင်ကာ ကျင်းပမည်ဟု သိရသည်။
“ဖိတ်စာ မဖိတ်ပါဘူး၊ မကမ်းပါဘူး။ ဘုန်းကြီးများ ဆွမ်းကပ်မှာပါ၊ ကျောင်းတိုက်က သံဃာတော် အပါး တထောင်လောက်ကို ဆွမ်းကပ်ပါမယ်။ လူတွေကိုလည်း ထမင်းနဲ့ ဧည့်ခံပါ့မယ်။ လူတွေကိုတော့ ၁ဝ နာရီခွဲလောက်မှာ ခင်ဗျ။ အမှတ်တရ သီးခြား အစီအစဉ်တွေတော့ မရှိပါဘူး” ဟု သားဖြစ်သူ ဦးညို (စာရေးဆရာ ညီပုလေး) က မဇ္ဈိမကို ပြောသည်။
ပြီးခဲ့သည့် စက်တင်ဘာလ အတွင်းက လူကြီးရောဂါဖြင့် မေ့လျော့ခြင်း၊ မောပန်း နွမ်းနယ်ခြင်းများ ဖြစ်ခဲ့ရသော်လည်း ယခုအခါ ပြန်လည် လန်းဆန်းလာကာ အစားအစာလည်း စားနိုင်လာပြီဟု သိရသည်။
“အမေ့ကျန်းမာရေးက ကောင်းပါတယ်။ Wheel Chair နဲ့ သွားတာပါပဲ။ သက်တောင့်သက်သာ ရှိပါတယ်။ ဒီရက်ပိုင်း စားနိုင်ပါတယ်။ ဧည့်သည်များတော့ နဲနဲ မောမယ့်သဘောပဲ ရှိပါတယ်။ သနပ်ခါးလိမ်းတာကတော့ အရင်လိုပါပဲ၊ နေ့တိုင်းပါပဲ။ ကိုယ့်ဖာသာ လိမ်းတာ များပါတယ်” ဟု သူက ပြောသည်။
မွေးနေ့ပွဲများကို ဖိတ်စာနှင့်တကွ ဖိတ်ကြားလေ့ မရှိသော်လည်း နှစ်တိုင်းဆိုသလို ရန်ကုန်၊ မန္တလေး အစရှိသည့် မြို့ကြီးများ အပါအဝင် နယ်မြို့များမှလည်း အမေလူထု ဒေါ်အမာကို ကြည်ညို လေးစားသည့် စာပေ ဝါသနာရှင်များ၊ စာရေးဆရာများနှင့် ဧည့်ပရိသတ်များသည် တက်ရောက် အားပေးလေ့ရှိသလို ယခုအခါ ရန်ကုန် စာပေ အသိုင်းအဝိုင်းမှ စာရေးဆရာအချို့ စတင် ရောက်ရှိနေပြီဟု သိရသည်။
မွေးနေ့ပွဲကျင်းပရေး အစီအစဉ်အတွက် ဒေသအာဏာပိုင်များမှ အနှောင့်အယှက် ပေးခြင်း မရှိကြောင်း ဦးညီပုလေးက ယခုလို ဆက်ပြောသည်။
သူက “နဲနဲပါးပါးလေး သူတို့ဘက်က Report လေး ရချင်တာပေါ့နော်။ အဲဒါမျိုး အမေးအမြန်းလေးတော့ ရှိပါတယ်” ဟု ဆိုသည်။

ဗိုလ်ချုပ်ကြီးတို့ သတ္တိရှိအောင် ဆုတောင်းစို့

ရန်ကုန်သား
နအဖ စစ်အစိုးရဟာ မြန်မာနိုင်ငံကို ပါတီစုံ ဒီမိုကရေစီနိုင်ငံ ဖြစ်အောင် တည်ထောင် လမ်းခင်းနေတယ်သာ ပြောတာ၊ တကယ်တမ်းတော့ ကမ္ဘာ့ဒီမိုကရေစီ နိုင်ငံတွေနဲ့ တည့်အောင်မပေါင်းဘူး။ အကောင်းလည်း မပြောဘူး။ ရန်လိုက်ဖြစ်နေတယ်။ တပါတီစနစ်၊ ဆိုရှယ်လစ်၊ ကွန်မြူနစ်စနစ် နိုင်ငံတွေကို အကောင်းပြောတယ်။ အဲဒီနိုင်ငံတွေနဲ့ တရင်းတနှီး တည့်အောင်ပေါင်းတယ်။ ဒီမိုကရေစီ နိုင်ငံတွေနဲ့ ဝေးဝေးနေတယ်။
သတိထားမိကြမလား မသိဘူး။ မြန်မာ စစ်အစိုးရဟာ ၁၉၈၈ အာဏာသိမ်းပြီးကတည်းက ၁၅ နှစ်လောက် ကြာတဲ့အထိ ဒီမိုကရေစီ ဆိုတဲ့စကားကို မပြောဘူး။ အဲဒီစကားလုံးကို သုံးရမှာ ကြောက်လို့ တတ်နိုင်သမျှ ရှောင်နေခဲ့တာပါ။ အခု ၃-၄ နှစ်မှာမှ ကြောက်ကြောက်နဲ့ စည်းကမ်း ပြည့်ဝသောတို့၊ ဘာတို့ ခံပြီး သုံးလာတာ။ စပြောလာတာ။ သိပ်ပြောချင်လှတာ မဟုတ်ဘူး။ အခုတခါ အတိုက်အခံနဲ့ တွေ့ဆုံ ဆွေးနွေးရေးကိုလည်း ကြောက်လို့ မလုပ်ဘဲနေနေတာ ဘယ်လောက်ကြာပြီလဲ။ ဒေါ်စုတို့ အန်အယ်ဒီက တွေ့ဆုံဆွေးနွေးဖို့ တောင်းဆိုနေတာ အာပေါက်နေပြီ။
လွန်ခဲ့တဲ့ ၃-၄ လတုန်းကတောင် အတိုက်အခံ အန်အယ်ဒီ ပါတီနဲ့ ဆွေးနွေးဖို့ အကြောင်းမရှိပါလို့ ပြန်ကြားရေး ဝန်ကြီးကိုယ်တိုင် သတင်းစာ ရှင်းလင်းပွဲမှာ တရားဝင် ပြောသွားသေးတယ်။ အခု တကမ္ဘာလုံးက အတိုက်အခံနဲ့ ဆွေးနွေးဖို့ ဝိုင်းပြောလို့သာ မကောင်းတတ်လို့ စိတ်မပါလက်မပါနဲ့ လုပ်ပါ့မယ် လုပ်နေတာ။ အလုပ်ဖြစ်အောင် လုပ်ချင်စိတ်က အစကတည်းက ရှိတာမဟုတ်ဘူး။ ရသလောက် ကတ်ဖဲ့ဂျီကျနေအုံးမှာပဲ။ နအဖ ရဲ့ ကျေညာချက် ၁၊၂ဝဝ၇ ဟာ ကုလအထူးကိုယ်စားလှယ် မစ္စတာဂမ်ဘာရီကို ပြောလိုက်တာပါ။ ဂမ်ဘာရီက ကုလသမဂ္ဂမှာ အရင်သွားပြောတော့မှ အစိုးရက ဒီမှာ ကျေညာချက် ထုတ်တာလေ။ ဂမ်ဘာရီကတဆင့် ဒေါ်အောင်ဆန်းစုကြည် ကျေညာချက်ထုတ်တာကို အခုမှ ကြံဖန်ပြီး အပြစ်ပြောနေတာ။ သူတို့လည်း ဒီလိုအလုပ် လုပ်ခဲ့တာပဲ။ ဒီလို အကြောက်လွန်ပြီး ဒူးချောင်နေကြတာမှာ ဒေါ်စု ကျေညာချက်လည်း ထွက်လာရော ကြောက်စိတ်ကို ဘယ်လိုမှ မထိန်းနိုင်တော့ဘဲ နောက်ပြန် လှည့်ပြေးတော့တာပဲလို့ ဆိုရင် အကျွန်ုပ် လွန်အံ့မထင် ... ငါ့ရှင်တို့။
ကျနော်တို့ ပြည်သူတွေကတော့ နအဖ ဥက္ကဌ ဗိုလ်သန်းရွှေရဲ့ ၁/၂ဝဝ၇ ကျေညာချက်နဲ့ ဒေါ်စုက လက်ခံပါတယ်ဆိုတဲ့ ၈-၁၁-၂ဝဝ၇ ထုတ်ပြန်ကျေညာချက်တွေကို နားထောင်လိုက်ရတဲ့ အချိန်မှာ ဘယ်လို ဝမ်းသာမိမှန်း မသိဘူး။ နှစ်ဦးနှစ်ဘက်လုံးရဲ့ ရဲရင့်မြင့်မြတ်တဲ့ စိတ်နေစိတ်ထားတွေကို လေးစား ချီးကျူးမိရပါတယ်။ မြန်မာ့ တပ်မတော်သား စစ်ဗိုလ်ချုပ်ကြီးတွေကိုလည်း သတ္တိရှိမှာပဲလို့ စိတ်ချ ယုံကြည်စွာနဲ့ အမှတ်ပြည့် ပေးထားပါတယ်။ သာတူညီမျှ၊ ဂုဏ်ကျက်သရေရှိရှိ တွေ့ဆုံဆွေးနွေး စကားပြောကြဖို့လည်း အချိန်တန်ပြီဆိုတာ သဘောပေါက် နားလည်ကြလို့ တပြည်လုံး ဝမ်းသာအားရနဲ့ စိတ်ဝင်တစား လှိုက်လှိုက်လှဲလှဲ ထောက်ခံခဲ့ကြတာ အမှန်ပါ။
ဘယ့်နှယ့်ဗျာ - တိုင်းပြည်ရဲ့ အင်အားအကြီးမားဆုံး အဖွဲ့အစည်းကြီး နှစ်ခု စစ်ခင်းနေသလို ဖြစ်နေတာ ကြားမှာ ပြည်သူလူထုတွေ မြေစာပင် ဖြစ်ရတာ ကြာလှပြီပဲ။ တဦးကိုတဦး ရန်သူလို သဘောထား ချေမှုန်း နှိပ်ကွပ်နေလို့က ဘယ်တော့မှ ပွဲပြီးမှာ မဟုတ်ပါဘူး။ တိုင်းပြည်လည်း ရှေ့မရောက်၊ ပြည်သူတွေသာ အတိဒုက္ခ ရောက်ကြရတယ်။ ပြည်သူတွေ မကျေမနပ်ဖြစ်လို့ အရေးအခင်းတွေ ဖြစ်လိုက်၊ အစိုးရက နှိမ်နင်းလိုက်၊ ပြည်သူတွေ ပိုဆင်းရဲသွားလိုက်နဲ့ အုပ်ချုပ်သူကော အုပ်ချုပ်ခံရသူတွေပါ အသုတ်လိုက် အသုတ်လိုက် ဒုက္ခရောက်ကြရတာ၊ မြင်ရတာ၊ ကြားရတာ စိတ်မချမ်းသာပါဘူး။
ကျေညာချက် နှစ်ခုကလည်း အဆင့်အတန်းချင်း ကွာတာကိုး။ တည်ကြည်တဲ့ အရေးအသား၊ ရိုးသားဖြူစင်တဲ့ စိတ်နေစိတ်ထား၊ သတ္တိရှိတဲ့ တာဝန်ယူမှု၊ တဘက်သားကို ကျိုးနွံလေးစားမှုတွေမှာ တော်တော်ကွာခြားတာ တွေ့ရတယ်။
ကျေညာချက်နှစ်ခုရဲ့ အဆင့်အတန်းချင်းက တခြားစီဆိုတော့ ပြည်သူတွေ စိတ်ထဲမှာ ‘ဘက်မညီဘူး၊ ဖြစ်မှာ မဟုတ်ပါဘူးကွာ’ ဆိုတဲ့ မယုံကြည်ရဲတဲ့ စိတ်က အရင်ကတည်းက ရှိပြီးသား၊ ထင်ထားတဲ့ အတိုင်းပါပဲ။ ဒေါ်စုက ‘လက်ခံပါတယ်၊ တိုင်းပြည်အတွက် အားလုံး လက်တွဲလုပ်ကြရအောင်’ ဆိုတဲ့ ကျေညာချက်လည်း ထွက်လာရော ဗိုလ်ချုပ်ကြီးတွေ လန့်ပြီး နောက်ပြန်လှည့်ပြေးဖို့ သွေးရူးသွေးတန်းနဲ့ အပြိုင်အဆိုင် ဘောင်းဘီ အောက်နားလိပ်တော့တာပဲ။ သတ္တိပြတာလေ။
အဲဒီမှာ အနိုင်ကျင့်လို့ရတဲ့ တိုင်းရင်းသား အဖွဲ့အစည်း နာမည်တွေ သုံးပြီး ဒေါ်စုရဲ့ ကျေညာချက်ကို ‘လက်မခံပါဘူး၊ ကန့်ကွက်ပါတယ်’ ဆိုပြီး သေးသိမ်သွားအောင် အတင်းထလုပ်တော့တာပဲ။ အရင်ကတည်းက အလုပ် ဖြစ်ချင်တာမှ မဟုတ်တာ။ ကတ်ဖဲ့ယပ်ဖဲ့လုပ်ဖို့ အကွက်ရှာနေတာလေ။ ခြုံပုတ်ထဲမှာ ပုန်းပြီး နအဖ က တနေ့မှာ သူတို့ကို လူရာသွင်းနိုးနဲ့ စိတ်ကူးတွေယဉ်ပြီး အကွက်ချောင်းနေတဲ့ (မဆလ) တစညတို့၊ စိုးလင်းတို့၊ အေးလွင်တို့ကတော့ စိတ်ပါလက်ပါ ဆွမ်းကြီးဝင်လောင်းတဲ့ အကဲဆုံး အဖွဲ့တွေပေါ့။ သူတို့ကို ဘယ်သူကမှ မယုံတာလည်း အပြစ်မပြောနဲ့။ ယောင်တောင်ပေါင်တောင်နဲ့ ဘာလုပ်တဲ့ ကောင်တွေမှန်း ဘယ်သူမှမသိ။ အမျိုးသား ညီလာခံမှာလည်း မပါရ၊ အခြေခံဥပဒေ ရေးဆွဲရေးမှာဆို ပိုဝေးသေး။ ဆင့်ဟိုဒင်း ခွေးမျှော်အဖွဲ့တွေပါ။
မျက်နှာပြောင်ရတာလောက်တော့ ဗိုလ်ချုပ်ကြီးတွေအတွက် မဆန်းပါဘူး။ ၁၉၉ဝ ရွေးကောက်ပွဲ ပြီးစကလည်း အကြောက်လွန်ပြီး ဘယ်သူတွေ ဘာပြောပြော လွှတ်တော် ခေါ်မပေးဘဲ တောင်ပြောမြောက်ပြောနဲ့ စောင်ခြုံထဲက မထွက်တမ်း အရှက်ကွဲ ခံနေခဲ့ပြီးပြီ။ ပြည်သူတွေမှာတော့ စိတ်မောလူမော၊ ရယ်လည်း ရယ်ချင်၊ ငိုလည်း ငိုချင်။ ဗိုလ်ချုပ်ကြီးတွေ ကြောက်နေတာမှန်း သိသားပဲ။ သူတို့ သတ္တိရှိအောင် အရင် လုပ်ရအုံးမယ်ပေါ့။ ဘယ်လိုလုပ်ရပါ့။
အခုလည်း ၁ နှစ်၊ ၂ နှစ် သားကလေးတွေလို ‘တော်တယ်ဟေ့၊ သတ္တိရှိတယ်ဟေ့၊ ဒေါ်စုနဲ့ ဆွေးနွေးလိုက် ဆွေးနွေးလိုက်၊ ဘာမှ မကြောက်နဲ့’ လို့ တကမ္ဘာလုံးက ဝိုင်းဝန်းပြီး ဖျောင်းဖျပြောနေကြရတာပဲ။ ဒုတ်ပြတဲ့သူက ပြ၊ မုန့်ပြတဲ့သူက ပြပေမယ့် သူတို့က မလှုပ်ဘူး။ ကြောက်နေရှာတာကိုး။
တူမလေးတယောက်က ပြောဘူးတယ်။ ‘ပြည်သူတွေရဲ့ အသက်အိုးအိမ် စည်းဇိမ်တွေကို အသက်ပေး ကာကွယ်မယ့် ရဲရဲတောက် သတ္တိခဲ တပ်မတော်သားတွေလို့ ပြောပြောနေတာ ဘယ်လို ယုံရမှာလဲ’ တဲ့။ ကြည့်ပါအုံး။ သူတို့ နေနေတဲ့ နေရာကို တိုင်းသူပြည်သား မိန်းမကလေးတွေ၊ လူကြီးတွေ နေ့တိုင်း သွားလာနေကြတဲ့ ရန်ကုန်မြို့လယ်ခေါင် အလံပြဘုရား လမ်းမပေါ်က စစ်ရုံးကြီးမှာ အုပ်တံတိုင်း မြင့်မြင့်ကြီးခတ်ပြီး ပြည်သူတွေရှိရာ အပြင်ဘက်ကို သေနတ်နဲ့ပစ်ဖို့ အပေါက်တွေ ဖောက်ပြီး အစောင့်အရှောက် လုံခြုံရေးတွေ တင်းတင်းကျပ်ကျပ်နဲ့ လုံလုံခြုံခြုံ နေနေကြတာပဲ။ အနားမှာရှိတဲ့ မြန်မာနိုင်ငံရဲ့ အထင်ကရ ရွှေတိဂုံ စေတီတော်ကြီးမှ အားမနာ။ မြို့လယ်ခေါင် ပြည်သူတွေကြားမှာ ခံကတုပ် ကျင်းတွေတူးပြီး နေနေတဲ့သူတွေက ပြည်သူကို ဘယ်လိုဘယ်ပုံ ကာကွယ်ကြမှာလည်း အခုထိ မစဉ်းစားမိသေးဘူးလားတဲ့။
ဘာတတ်နိုင်မှာလဲ။ ကျနော်တို့ သားသမီးပဲ၊ ကျနော်တို့ ပြည်သူတွေထဲက မွေးဖွားလာတဲ့ မြန်မာ့ တပ်မတော်သားတွေပဲ။ တောင်းစုတ်ပလုံးစုတ်လည်း မဟုတ်၊ ပြစ်ပယ်လို့လည်း မရ။
ဆုံးမရတာလည်း စကားတွေထပ်နေလို့ ဂျာအေး ... သူ့အမေရိုက်နေပြီ။ ယူအန် (ကုလ)၊ အီးယူ (ဥရောပသမဂ္ဂ)၊ အာဆီယံ (အရှေ့တောင်အာရှ အသင်း) တို့လည်း သိရသလောက် လက်လန်နေပြီ။ မြန်မာတွေ ဒီလိုအစိုးရမျိုးရတာ ‘ဒင်းတို့ထိုက်နဲ့ ဒင်းတို့ကံ၊ ဒို့အချိန် အလကားကုန်တယ်’ လို့ ဆိုချင်နေကြပြီ။ မြန်မာ စစ်ဗိုလ်ချုပ်ကြီးတွေ ကြောက်တတ်တာနဲ့ တိုင်းသူပြည်သားတွေ ဒုက္ခရောက်လှပါပြီ ခင်ဗျာ။
ကိုင်း - တိုင်းပြည် ကောင်းရာကောင်းကြောင်းအတွက် ဆုတောင်းလိုက်ကြရအောင်။ စစ်ဗိုလ်ချုပ်ကြီးများ သတ္တိလေးတွေ မွေးနိုင်ကြပါစေ။
ရန်ကုန်သား

လူထုလှုပ်ရှားမှု ပြန်ဖော်ရန် မျိုးဆက်သစ်လူငယ်များ တိုက်တွန်း

မောင်ဒီး
ရွှေဝါရောင် တော်လှန်ရေး ပြန်လည် ဆင်နွှဲရန်အတွက် လူထုလှုပ်ရှားမှု ပထမအဆင့်ကို ဖော်ဆောင်ရန် မျိုးဆက်သစ် လူငယ်များ အစည်းအရုံးက တိုက်တွန်းလိုက်သည်။
မျိုးဆက်သစ် လူငယ်များ အစည်းအရုံး (Generation Wave) က လူထုလှုပ်ရှားမှု ပထမအဆင့်အဖြစ် ပြည်သူလူထုက ပရိတ်ကြိုးများ၊ သင်္ကန်းစများကို လက်ကောက်ဝတ်နှင့် လည်ပင်းတွင် ချည်နှောင် ဝတ်ဆင်ကြခြင်းဖြင့် ကျဆုံးခဲ့ရသော သံဃာတော်များကို လေးစားဂုဏ်ပြုမှုကို ပြသကြရန် ယနေ့တွင် ကျေညာချက်တရပ် ထုတ်ပြန်ကာ တိုက်တွန်း နှိုးဆော်လိုက်ခြင်း ဖြစ်သည်။
“ကျနော်တို့ကတော့ ပြည်သူတရပ်လုံး လုပ်နိုင်မယ်ထင်တဲ့ အရာလေးတွေ၊ ပြည်သူတရပ်လုံး ပါဝင် ဆင်နွဲနိုင်မယ့် အပြုအမူလေးတွေကို အဓိက စဉ်းစားပြီး လုပ်တာပါ။ ‘ငါ ဒါလုပ်လို့ ပြဿနာမရှိနိုင်ဘူး၊ ငါ ဒါလုပ်လို့ အစိုးရအနေနဲ့ ငါ့ကို နိုင်ငံရေး လုပ်တယ်ဆိုပြီး ဖမ်းဆီးတာမျိုး မရှိနိုင်ဘူး’ ဆိုပြီး ပြည်သူတွေအနေနဲ့ တဖြေးဖြေး ဒီရွှေဝါရောင် တော်လှန်ရေးမှာ ပူးပေါင်း ပါဝင်လာအောင် ကျနော်တို့ အလွယ်ဆုံးနည်းနဲ့ ချလိုက်တာပါ” ဟု မျိုးဆက်သစ် လူငယ် အစည်းအရုံးမှ ကိုကျော်ကျော်က ပြောသည်။
ရွှေဝါရောင် တော်လှန်ရေးနောက်ပိုင်း ပေါက်ဖွားလာသော မျိုးဆက်သစ် လူငယ်အစည်းအရုံးတွင် စာပေဂီတ အနုပညာသည်များ၊ အစိုးရ ဝန်ထမ်းများ၊ ကွန်ပြူတာ ကျွမ်းကျင်သူ လူငယ်များနှင့် ကျောင်းသားလူငယ်များ ပါဝင်ပူးပေါင်း လှုပ်ရှားနေသည်ဟု သိရသည်။
သူတို့၏ ကျေညာချက်ထဲတွင် မြန်မာပြည်၏ အကျပ်အတည်းများ၊ နိုင်ငံရေး ပြဿနာများကို ဖြေရှင်းနိုင်ရန်အတွက် နိုင်ငံတကာ ဖိအားများကိုသာ အားကိုးမျှော်လင့် မနေသင့်ဘဲ ပြည်တွင်း၌ တော်လှန်ရေးကို ဆက်လက်ဆင်နွှဲသွားရန် လိုအပ်သည်ဟု ဆက်လက် ရေးသားထားသည်။
“နိုင်ငံတကာရဲ့ ဖိအားတွေကိုတော့ ကျနော်တို့ အနေနဲ့ အများကြီး အားကိုးလို့ မရပါဘူး။ ဒါပေမဲ့ ဒီဖိအားတွေကို ကျနော်တို့ ကြိုဆိုပါတယ်။ ဒါပေမဲ့ ဘယ်နိုင်ငံ၊ ဘယ်အင်အားစုကပဲ ဖိအားပဲပေးပေး၊ တိုက်တွန်းချက်ပဲ ပေးပေး၊ ကျနော်တို့ ပြည်တွင်းက လူတွေက စစ်အာဏာရှင် အစိုးရကို တွန်းတာ မရှိဘူးဆိုရင် ဘယ်ပြည်ပ အင်အားကပဲ လာဖိဖိ ဒီအာဏာရှင် စနစ်ကြီးက မကျဆုံးသွားနိုင်ပါဘူး။ ပြည်တွင်းရဲ့ တွန်းအားတွေက လိုပါတယ်” ဟု ကိုကျော်ကျော်က ပြောဆိုသည်။
မျိုးဆက်သစ် လူငယ်များ အစည်းအရုံးနှင့် လက်တွဲကာ လှုပ်ရှားမှုများကို ဖော်ဆောင်နေသည့် People Union အဖွဲ့ကလည်း ယခုဖော်ဆောင်မည့် လှုပ်ရှားမှုမှ တစုံတရာ ထိရောက်မှု ရရှိလာနိုင်သည်ဟု ယခုလို ထောက်ခံ ပြောဆိုသည်။
“ကျနော့်အမြင်ကတော့ အဲဒီ အနေအထားမျိုးက ထိရောက်မှုတော့ အနည်းငယ် ရှိသွားလိမ့်မယ်။ အခုအချိန်မှာက သံဃာတွေက ဘယ်လိုဖြစ်နေလဲဆိုတော့ အားငယ်နေတဲ့ သံဃာတွေ ရှိတယ်ဗျ။ သူတို့ စိတ်ထဲမှာ ရှိတာကတော့ ပြည်သူတွေက မပါတော့ဘူး၊ သွေးအေးသွားပြီပေါ့။ အဲလို ဖြစ်နေတဲ့အခါမှာ ပြည်သူအများစုက ဒီလို လုပ်ပြလိုက်ရင် သူတို့လည်း တအားတက်လာလိမ့်မယ်။ တနည်းအားဖြင့် ပြောရရင် ကျနော်တို့ ပြည်သူတွေက သံဃာတော်တွေကို အားပေးလိုက်တဲ့ သဘောမျိုး ဖြစ်သွားလိမ့်မယ်” ဟု People Union အဖွဲ့ဝင်တဦးက ပြောသည်။
နအဖ စစ်တပ်၏ ဆန္ဒပြသံဃာနှင့် လူထုအပေါ် အကြမ်းဖက် ရိုက်နှက် ဖမ်းဆီးမှုအပေါ် မကျေနပ်ကြသည့် ပြည်သူများက တော်လှန်ရေး နောက်ပိုင်း မျိုးဆက်သစ် လူငယ်များ အစည်းအရုံး Generation Wave)/ People Union, Civilian Community, Freedom fighters စသည့် အစုအဖွဲ့များ ဖွဲ့စည်းကာ အစိုးရ ဆန့်ကျင်ရေး စာရွက်များ ဝေငှခြင်း၊ အစိုးရထုတ် သတင်းစာများကို ဆုတ်ဖြဲ လွှင့်ပစ်ခြင်း၊ လမ်းဘေး အုတ်နံရံများတွင် မှုတ်ဆေးဖြင့် စစ်အစိုးရကို ရှုံချသည့် စာသားများ ရေးသား နေကြသကဲ့သို့ ပြည်သူအချို့ကလည်း ရရာနည်းလမ်းဖြင့် ဆန္ဒထုတ်ဖော် လာခဲ့ကြသည်။
“ဒီရွှေဝါရောင် တော်လှန်ရေး နောက်တကြိမ် ပြန်စဖို့ဆိုတာက ကျနော်တို့ တဖွဲ့ထဲ မဟုတ်ပါဘူး။ ကျနော်တို့အရင် ရှိနေပြီးသား အဖွဲ့တွေ ပေါင်းပြီးတော့ All Groups under one flag ပေါ့နော်၊ သာသနာ့ အလံတော်အောက်မှာ ကျနော်တို့ ရှိသမျှအဖွဲ့တွေ ပေါင်းပြီး ဆင်နွှဲသွားမှာပါ” ဟု ကိုကျော်ကျော်က ပြောဆိုသည်။

ဗုဒ္ဓဂါယာတွင် နိုင်ငံတကာ သံဃာတော် ၁ဝဝ ကျော် ထိုင်သပိတ် ပြုလုပ်

အိန္ဒိယနိုင်ငံ မဇ္ဈိမဒေသဖြစ်သည့် ဗုဒ္ဓဂါယာတွင် ထေရဝါဒ ဗုဒ္ဓဘာသာနိုင်ငံ ၃ နိုင်ငံမှ သံဃာတော် အပါး ၁ဝဝ ကျော်သည် နအဖ စစ်အစိုးရမှ ဗုဒ္ဓသာသနာတော်ကို ဖျက်ဆီးနေသည့်အကြောင်း ဘုရားဖူးများ သိရှိရန်အတွက် ၅ ရက်ကြာ ထိုင်သပိတ်ကို ယမန်နေ့မှ စတင်လိုက်ပြီ ဖြစ်သည်။
အိန္ဒိယ၊ ဘင်္ဂလားဒေ့ရှ်၊ သီရီလင်္ကာမှ လာရောက် သီတင်းသုံးနေသော သံဃာတော် အပါး ၁ဝဝ ကျော်နှင့် နယူးဒေလီ အခြေစိုက် မြန်မာနိုင်ငံလုံးဆိုင်ရာ ကျောင်းသားများအဖွဲ့ချုပ် (ABSL) အဖွဲ့ဝင်များသည် ယမန်နေ့မှ စတင်ကာ လာမည့် ၂၉ ရက်နေ့အထိ ၅ ရက်ကြာ ထိုင်သပိတ်တခုကို မဇ္ဈိမဒေသ ဗုဒ္ဓဂါယာတွင် ပြုလုပ်နေကြခြင်း ဖြစ်သည်။
“မြန်မာပြည်ထဲက ဖြစ်နေတဲ့ အကြောင်းအရာတွေကို ဖော်ထုတ်တာပါပဲ။ ဦးသန်းရွှေက တဖက်မှာ ကုသိုလ်ကောင်းမှု လုပ်တာလိုလိုနဲ့၊ သာသနာ့ ဒါယိကာလိုလိုနဲ့ တဖက်မှာ သံဃာတော်တွေကို သတ်တယ်၊ ဘုရား ဆင်းတုတော်တွေကို ဖျက်တယ်၊ စစ်တပ်တွေကို ဘုရားရင်ပြင်တော်မှာ တပ်စွဲထားပြီးတော့ ဘုရားဖူးတွေကို မလာနိုင်အောင် လုပ်တာတွေကို ကျနော်တို့ ပြောပြနေတာပါပဲ” ဟု ABSL ဥက္ကဌ ဦးကျော်သန်းက မဇ္ဈိမကို ပြောသည်။
သည့်အပြင် ယမန်နေ့ကတည်းက စတင်ကာ ‘သန်းရွှေ နအဖ၏ မကောင်းဆိုးဝါး သာသနာဖျက်၊’ (Than Shwe - Evil Blasphemer of SPDC) ဟု စာတမ်းရေးပြီး ရဟန်းပျိုလေးကို ချုပ်နှောင်ထားပုံ၊ ရွှေဝါရောင် လှုပ်ရှားမှုတွင် ဖမ်းဆီးကာ ရိုက်နှက် သတ်ဖြတ် ခံထားရသည့် သံဃာတော် နှစ်ပါး၏ ပုံများကို နအဖ စစ်ခေါင်းဆောင် ဗိုလ်ချုပ်မှူးကြီး သန်းရွှေ၏ ဓာတ်ပုံနှင့်အတူ ပူးတွဲ ဖော်ပြထားသည့် ပိုစတာများကို ဗုဒ္ဓဂါယာ နေရာအနှံ့တွင် လိုက်လံ ကပ်ထားခဲ့သည်ဟု သိရသည်။
ကာလကတ္တားရှိ မြန်မာကောင်စစ်ဝန် ကိုယ်တိုင် ဘုန်းကြီးကျောင်းတိုက် တခုတွင် လာရောက်တည်းခိုကာ လှုပ်ရှားမှုကို အနှောင့်အယှက် ပေးလာပုံကို ဦးကျော်သန်းက ယခုလို ရှင်းပြသည်။
“ကျနော်တို့ ရောက်တယ်ကြားတော့ ကာလကတ္တားက မြန်မာကောင်စစ်ဝန် ကိုယ်တိုင် ဘုန်းကြီးကျောင်း တကျောင်းမှာ ရောက်နေတယ်။ ဗမာဘုန်းကြီးတွေကို ခြောက်လှန့် လွှတ်နေတယ်။ သူတို့နားနီးတဲ့ ပိုစတာတွေကို ဆွဲခွာပစ်တယ်။ ကျနော်တို့ အချိန်မီ ပြန်ကပ်တာပေါ့။ သူတို့ ဆွဲခွာလို့ မရတော့ပါဘူး။ ကျနော်တို့က ဒီမှာရှိတဲ့ ရဲတွေကို အကြောင်းကြားထားပြီးပါပြီ” ဟု သူက ပြောသည်။
လာမည့် ၂၉ ရက်နေ့ ညနေ ၆ နာရီတွင် ဗုဒ္ဓဂါယာအမတ် ရာဂျစ်မာန်ဂျီး ကိုယ်တိုင် ပါဝင်မည့် ငြိမ်းချမ်းစွာ လမ်းလျှောက်ပွဲ တခုကို ဂျပန်စေတီမှ မဟာဗောဓိ စေတီကြီးအထိ လမ်းလျှောက် ချီတက်ပွဲ ကျင်းပသွားမည်ဟုလည်း သိရသည်။

HRDP အဖွဲ့ဝင်တဦး အဖမ်းခံရ

မောင်ဒီး
ရန်ကုန်မြို့ရှိ လူ့အခွင့်အရေး ကာကွယ် မြှင့်တင်သူများ ကွန်ရက် (HRDP) မှ အဖွဲ့ဝင်တဦး ဖြစ်သူ ကိုအောင်ဇော်ဦးကို ယနေ့နေ့လည်က မြို့တွင်းရှိ လ္ဘက်ရည်ဆိုင် တခုတွင် အာဏာပိုင်ဟု ယူဆရသူ အရပ်ဝတ် ၂ ဦးက ဖမ်းဆီးသွားခဲ့သည်။
မြန်မာပြည်အတွင်း လူ့အခွင့်အရေး ချိုးဖောက်ခံရမှု သတင်းများကို မှတ်တမ်းရယူပြီး လူ့အခွင့်အရေး အခြေခံ သဘောတရားများကို လူထုထံ လိုက်လံရှင်းလင်း သင်ကြားပေးနေသည့် လူ့အခွင့်အရေး ကာကွယ် မြှင့်တင်သူများ ကွန်ယက် (HRDP) အဖွဲ့ဝင် အများအပြားကို နအဖ အာဏာပိုင်များက အငြိုးအတေးထား ဖိနှိပ်နေခဲ့ပြီး ယခုတဖန် အဖွဲ့ဝင်တဦးကို အကြောင်းပြချက် မရှိဘဲ လူမြင်ကွင်းတွင် ပုခုံးဖက်ကာ ဖမ်းဆီး ခေါ်ဆောင်သွားခြင်း ဖြစ်သည်။
“ဒီကနေ့ ၁ နာရီလောက်က ဖမ်းသွားတယ်။ သူ့ကို မြို့ထဲက ၃၉ လမ်းထိပ်က ပန်းမြို့တော် လ္ဘက်ရည်ဆိုင်မှာ ထိုင်နေတုန်းကို သူ့ကို လူ ၂ ယောက် လာဖမ်းတယ်။ သူ့မျက်စောင်းထိုး စားပွဲက ထလာပြီး သူ့ကို ဖမ်းသွားတယ်။ ပုခုံးဖက်ပြီး ဖမ်းသွားတယ်။ အဲဒီ ၂ ယောက်ထဲက တယောက်က ဘောင်းဘီတို ဝတ်ထားတယ်၊ စပို့ရှပ် ဝတ်ထားတယ်။ နောက်တယောက်က ပုဆိုးနဲ့ ရှပ်အင်္ကျီနဲ့လို့ ကြားရတယ်” ဟု HRDP ခေါင်းဆောင် ဦးမြင့်အေးက မဇ္ဈိမကို ပြောသည်။
ဘိုကလေးဇာတိဖြစ်သူ ကိုအောင်ဇော်ဦးသည် ယခု ရန်ကုန်တွင် နေထိုင်သူဖြစ်ပြီး ယခုလာမည့် ဒီဇင်ဘာ ၁ဝ ရက်နေ့တွင် နိုင်ငံတကာ လူ့အခွင့်အရေးနေ့ အထိမ်းအမှတ် အခမ်းအနားကို HRDP က ဦးဆောင်ကျင်းပမည် ဖြစ်သဖြင့် လှုပ်ရှား ဆောင်ရွက်မည့် အဖွဲ့ဝင်အင်အား လျော့သွားစေလိုသောကြောင့် ယခုလို ဖမ်းဆီးခြင်း ဖြစ်နိုင်သည်ဟု ဦးမြင့်အေးက ဆက်ပြောသည်။
လူ့အခွင့်အရေး အခြေခံပညာကို လိုက်လံ ဝေဌခဲ့သည့် HRDP ဦးမြင့်အေး အပါအဝင် အဖွဲ့ဝင်များကို ယခုနှစ် ဧပြီလ ၁၈ ရက်နေ့က ဟင်္သာတမြို့နယ် အုတ်ဖိုကျေးရွာတွင် ရပ်ရွာ အာဏာပိုင်များ ပါဝင်သည့် လူအင်အား ၁ဝဝ ခန့်က ဒေသအာဏာပိုင်များ ရှေ့မှောက်တွင် အကြမ်းဖက် တိုက်ခိုက်ခဲ့ပြီး ကိုမြင့်နိုင်နှင့် ကိုမောင်မောင်လေးတို့သည် အပြင်းအထန်စွာ ဒဏ်ရာရရှိကာ၊ အာဏာပိုင်များထံ တိုင်ကြားခဲ့သော်လည်း တစုံတရာ ဖြေရှင်းပေးခြင်း မရှိဘဲ ကိုမြင့်နိုင်နှင့် ရွာခံ HRDP အဖွဲ့ဝင် ၆ ဦးကို ရပ်ရွာဆူပူရန် လှုံ့ဆော်မှုဖြင့် ထောင်ဒဏ်များ ချမှတ်ခဲ့သည်။
သည့်အပြင် ပြည်မြို့ရှိ ကျူရှင်ဆရာ မင်းမင်းကိုလည်း လူ့အခွင့်အရေး ဆွေးနွေးပွဲအတွက် သူ၏ အခန်းကို အသုံးပြုခွင့် ပေးခဲ့သောကြောင့် ကျူရှင် အက်ဥပဒေဖြင့် ဒဏ်ငွေ ၃ သောင်း၊ ထောင်ဒဏ် ၃ နှစ် ပြစ်ဒဏ်ချခဲ့ပြီး၊ ပြည်ပ မီဒီယာများနှင့် ဆက်သွယ် ပြောဆိုသည်ဟုဆိုကာ အခြားမြို့နယ်များမှ HRDP အဖွဲ့ဝင်များကိုလည်း ဖမ်းဆီး ထောင်ချခဲ့သဖြင့် အဖွဲ့ဝင် ၁ဝ ဦးထက်မနည်း ဖမ်းဆီးထောင်ချ ခံနေရသည်ဟု သိရသည်။
ဦးမြင့်အေးက “ကျနော်တို့ကို အမှည့်ခြွေခြွေနေတာ။ ကျနော်တို့ HRDP အဖွဲ့ဝင်တွေကို အကြောင်း အမျိုးမျိုးပြပြီး စွဲချက်အမျိုးမျိုးနဲ့ လုပ်နေတာကို တွေ့နေရတယ်ဗျ။ လူ့အခွင့်အရေး လုပ်နေတဲ့လူတွေကို ဒီလို လုပ်နေတယ်ဆိုရင် ကျနော်တို့ မြန်မာပြည်ရဲ့ လူ့အခွင့်အရေး အနာဂတ်အတွက် တော်တော် ရင်လေးပါတယ်။ တော်တော်လည်း စိတ်ပူပါတယ်” ဟု ပြောသည်။
လူ့အခွင့်အရေး ချိုးဖောက်မှုများနှင့် ပတ်သက်၍ ပွင့်ပွင့်လင်းလင်း ပြောဆိုဝံ့ပြီး အာဏာပိုင်များ၏ ရက်ပေါင်း ၇ဝ ဖမ်းဆီးထားခြင်းမှ မကြာသေးခင်က ပြန်လွတ်လာသူ ဦးမြင့်အေး၏ နေအိမ်အနီးတွင်လည်း သူ၏ လှုပ်ရှားမှုကို စောင့်ကြည့်နေသူများ ရှိနေသည်ဟု သိရသည်။
“ကျနော်က အပြင်မှာ နေရတာ တနှစ်ပြည့်အောင် နေရတာ ခပ်ရှားရှားပါ။ လာခေါ်လိုက်၊ သွားလိုက် ဝင်လိုက် ထွက်လိုက်နဲ့။ တခါခေါ်ရင် တနှစ်လောက်ကြာတယ်။ ၉၈ တုန်းကလည်း တနှစ်လောက်ကြာတယ်။ ကျနော် ပြန်လာတုန်းက မီဒီယာကို ပြောပြီးသားပါ။ ကျနော် အဖမ်းခံရတာ ၇ ကြိမ်ရှိသွားပါပြီလို့။ ကျနော်တို့ဟာ ခြင်းထဲက ကြက်တွေပါ။ ခြံထဲပြန်လွှတ်တာပါ။ အချိန်မရွေး ပြန်ဖမ်းခံရမှာပါ” ဟု ဦးမြင့်အေးက ပြောဆိုလိုက်သည်။

မိတ္ထီလာ အန်အယ်ဒီက ဒေါ်စု ကျေညာချက်ကို ကြိုဆို

မဇ္ဈိမသတင်းဌာန
အဖမ်းဆီးခံ အန်အယ်ဒီ ပါတီခေါင်းဆောင် ဒေါ်အောင်ဆန်းစုကြည်၏ အမျိုးသား ပြန်လည်သင့်မြတ်ရေးနှင့် ပတ်သက်သည့် ကျေညာချက်ကို မိတ္ထီလာမြို့ အန်အယ်ဒီက ကြိုဆိုကာ သူမကိုလည်း ချက်ချင်း လွှတ်ပေးရန် တောင်းဆိုလိုက်သည်။
ယမန်နေ့က ကျင်းပခဲ့သည့် မိတ္ထီလာမြို့နယ် အန်အယ်ဒီ၏ လပတ် အစည်းအဝေးမှ အမျိုးသား ပြန်လည်သင့်မြတ်ရေး လုပ်ငန်းစဉ်တွင် နအဖ စစ်အစိုးရနှင့် ပူးပေါင်း ဆောင်ရွက်သွားမည်ဟု ပြောဆိုခဲ့သည့် ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ ကျေညာချက်ကို တညီတညွတ်တည်း ထောက်ခံလိုက်ကြခြင်းဖြစ်သည်။
“ကျမတို့တွေ အစည်းအဝေးမှာ ကိစ္စရပ် အများအပြားကို ဆွေးနွေးပါတယ်။ ဒေါ်အောင်ဆန်းစုကြည်ရဲ့ ကျေညာချက်ကို လှိုက်လှိုက်လှဲလှဲ ထောက်ခံပါတယ်။ ဒါပေမဲ့ စစ်မှန်တဲ့ အမျိုးသား ပြန်လည် သင့်မြတ်ရေးကို စတင်ဖို့အတွက် ဒေါ်အောင်ဆန်းစုကြည်နဲ့ တခြား နိုင်ငံရေး အကျဉ်းသားတွေကို ချက်ချင်း လွှတ်ပေးဖို့ စစ်အစိုးရကို ထောင်းဆိုပါတယ်” ဟု မိတ္ထီလာမြို့နယ် အန်အယ်ဒီ အတွင်းရေးမှူး ဒေါ်မြင့်မြင့်အေးက မဇ္ဈိမကို ပြောသည်။
မိတ္ထီလာ အန်အယ်ဒီက ယခုလို ကမ္ဘာ့နိုဘယ် ငြိမ်းချမ်းရေးဆုရှင် ဒေါ်အောင်ဆန်းစုကြည်ကို ပြောဆိုခဲ့သော်လည်း တိုင်းရင်းသား လက်နက်ကိုင် အများအပြားနှင့် စစ်အစိုးရ ကျောထောက်နောက်ခံ အဖွဲ့များက သူမ၏ ကျေညာချက်ကို ဆန့်ကျင်ခဲ့ကြသည်။
ယနေ့ထုတ် နအဖ ၏ မြန်မာ့အလင်း သတင်းစာတွင် ၈၈ မျိုးဆက် ကျောင်းသားများ (ပြည်ထောင်စု မြန်မာနိုင်ငံ)၊ အမျိုးသားညီလာခံ ထောက်ခံရေးနှင့် ဖွဲ့စည်းပုံ အခြေခံဥပဒေ ကြိုဆိုရေး အင်အားစု၊ နိုင်ငံရေး ဘောဂဗေဒ လေ့လာရေး မျိုးဆက်သစ် ကျောင်းတော်သားစု၊ အမျိုးသား နိုင်ငံရေး လူငယ် အန်အယ်ဒီ (မြန်မာနိုင်ငံ) တို့က ဆန့်ကျင်ကြောင်း ပြသခဲ့သည်။
မိတ္ထီလာ အန်အယ်ဒီက နအဖ ဥက္ကဌ မှ ပြီးခဲ့တဲ့ တပတ်ခန့်က ကြံ့ဖွံ့ အစည်းအဝေးတခုတွင် လမ်းပြမြေပုံ ၇ ချက်အတိုင်း ဆက်သွားမည်ဟု အတည်ပြု ပြောဆိုခြင်းကို မိမိတို့အနေဖြင့် လက်မခံနိုင်ကြောင်းနှင့် ဆယ်စုနှစ် နှစ်ခုနီးပါး လုပ်ဆောင်ခဲ့သော်လည်း အောင်မြင်ခြင်း မရှိကြောင်း ပြောသည်။
“နအဖ အနေနဲ့ စစ်မှန်တဲ့ တွေ့ဆုံ ဆွေးနွေးရေးကို ပြုလုပ်ချင်တယ် ဆိုလို့ရှိရင် ဒေါ်အောင်ဆန်းစုကြည်ကို ပထမဆုံး လွှတ်ပေးသင့်တယ်။ အဲဒီလို မဟုတ်ဘဲ အချုပ်အနှောင်ကြားကနေ တွေ့ဆုံဆွေးနွေးရေး လုပ်မယ်ဆိုရင်တော့ အစစ်အမှန် ပေါ်ပေါက်လာမှာ မဟုတ်ဘူး” ဟု ဒေါ်မြင့်မြင့်အေးက ပြောသည်။
ကျေညာချက်ထဲတွင် ပါရှိသည့် ဒေါ်အောင်ဆန်းစုကြည်မှ တိုင်းရင်းသား လူမျိုးများကို ကိုယ်စားပြုမည် ဆိုသည့်အချက်ကို အပစ်အခတ်ရပ် တိုင်းရင်းသား အဖွဲ့များက ရှုတ်ချလိုက်သည် ဟူသည့် ကျေညာချက်များကို ဆက်တိုက်ဆိုသလို နအဖ သတင်းစာတွင် ဖော်ပြလာခဲ့သည်။
သူတို့က တိုင်းရင်းသား လူမျိုးများကို ကိုယ်စားပြုမည် ဆိုခြင်းသည် သူမဘာသာ ဖော်ပြခြင်းဖြစ်သည်ဟု ဝေဖန်ကြကာ စစ်အစိုးရ၏ လမ်းပြမြေပုံ ၇ ရပ်ကို ထောက်ခံကြသည်ဟု ဆိုသည်။
သို့သော်လည်း အပစ်အခတ်ရပ် တိုင်းရင်းသား လက်နက်ကိုင်များနှင့် နီးစပ်သည့် သတင်းရပ်ကွက်များကမူ စစ်အစိုးရမှ အတင်းအဓမ္မ နည်းအားဖြင့် ကျေညာချက်များကို ထုတ်ပြန်ခိုင်းခဲ့ခြင်း ဖြစ်သည်ဟု ပြောဆိုကြသည်။

ကလေးမြို့မှ ဆန္ဒပြခေါင်းဆောင် ကိုဝင်းကျော် ၆ ကြိမ်မြောက် အမှုရက်ချိန်း

ထိန်လင်း
စစ်ကိုင်းတိုင်း ကလေးမြို့မှ ရွှေဝါရောင် လှုပ်ရှားမှုအတွင်း ဆန္ဒပြ ခေါင်းဆောင်တဦးဖြစ်သူ ကိုဝင်းကျော် ခေါ် မိုက်ကယ်ဝင်းကျော်ကို ဖမ်းဆီးထားရာမှ သူ၏အမှုကို ယခုလ ၂၃ ရက်နေ့တွင် မြို့နယ်တရားရုံးက ၆ ကြိမ်မြောက် ချိန်းဆိုလိုက်သည်။
စက်တင်ဘာ ၂၃ ရက်တွင် စတင်ခဲ့သည့် ကလေးမြို့ သံဃာလူထု ဆန္ဒပြပွဲ ဖြစ်ပွားပြီးနောက် ၂၅ ရက်နေ့တွင် ဒေသ အာဏာပိုင်များ၏ ဖမ်းဆီးမှုကို ခံခဲ့ရသည့် ဆန္ဒပြ ခေါင်းဆောင်တဦးဖြစ်သူ ကိုဝင်းကျော်ကို ပုဒ်မ ၅ဝ၅ (ခ) - တိုင်းပြည်ကို ဆူပူမှုဖြစ်စေရန် လှုံ့ဆော်ဖန်တီးမှုဖြင့် တရားစွဲဆိုထားပြီး ယခုလ ၂၃ ရက်နေ့တွင် မြို့နယ်တရားရုံးမှ အမှုရက်ချိန်းကို ယခုလ ၂၈ ရက်နေ့သို့ ၆ ကြိမ်မြောက်အဖြစ် ထပ်မံ ချိန်းဆိုလိုက်ခြင်း ဖြစ်သည်။
“အက်ပီ အထူးသတင်း ရဲတပ်ဖွဲ့မှူး ဦးမြဒင် က ရုံးလာပြီး အစစ်အဆေးမခံဘူး။ သူနဲ့ ရုံးချိန်းတာ ၄ ခါရှိပြီပေါ့နော်။ သူနဲ့ အဆင်မပြေတာ။ ရုံးချိန်းရက်က အားလုံးပေါင်းဆိုရင် အခု ၆ ကြိမ်ရှိပြီ။ ၂၃ ရက် ရုံးချိန်းတုန်းက မစစ်ဆေးဘဲနဲ့ ပြန်ပို့တယ်။ အဲဒီနေ့က ဘုန်းကြီးတွေကလည်း တရားရုံးမှာလာပြီး မေတ္တာသုတ်တွေ ရွတ်ပြီး အားပေးကြတော့ ကိုဝင်းကျော်တို့ကို မစစ်ဆေးတော့ဘဲ နေ့လည် ၂ နာရီလောက်မှာ ထောင်ကြီးချုပ်ကို ပြန်ပို့လိုက်တယ်” ဟု မိသားစုနှင့် နီးစပ်သူတဦးက မဇ္ဈိမကို ပြောသည်။
သူက ဆက်ပြီး “အက်ပီက မြဒင်နဲ့လည်း လာတဲ့ ပရိတ်သတ်နဲ့ မကျေမလည် ဖြစ်သွားတယ်။ သူက ပိုက်ဆံမပေးလို့ သက်သေ မခံတာလား မသိပါဘူးဗျာ။ မြို့နယ် ရဲတပ်ဖွဲ့မှူးကတောင် သက်သေ ထွက်ပေးတာ။ သူက ဘာမို့လို့ သက်သေ ထွက်မပေးရတာလည်း ဆိုပြီးတော့ ဒေါသဖြစ်ကြတာပေါ့” ဟု ပြောသည်။
ထောင်ဝင်စာတွေ့ရာတွင် ကိုဝင်းကျော်ကို တွေ့ခွင့်မပေးသော်လည်း ယူဆောင်သွားသည့် ပစ္စည်းများကိုမူ ပေးသွင်းခွင့် ပြုကြောင်းနှင့် စက်တင်ဘာ ဆန္ဒပြပွဲအတွင်း သူနှင့်အတူ တနေ့ထဲ ဖမ်းဆီးခံခဲ့ရသူ ဦးဘမင်း၊ ဦးမြင့်သိန်း၊ ဦးညိုမြတို့ကိုလည်း သူ့အမှုတွဲတွင် ထည့်သွင်းထားကြောင်း သိရသည်။
ကုလ လူ့အခွင့်အရေး အထူးကိုယ်စားလှယ် မစ္စတာ ပီညဲရိုး ပြန်သွားပြီးနောက် ယခုလ ဒုတိယပတ်အတွင်း နိုင်ငံတဝှမ်းမှ အကျဉ်းသား အချို့ကို စစ်အစိုးရက လွှတ်ပေးခဲ့ရာတွင် ကလေးအကျဉ်းထောင်မှ ၅၆ ဦး ပြန်လွှတ်ခဲ့သော်လည်း နိုင်ငံရေး အကျဉ်းသားများ ပါဝင်ခြင်းမရှိကြောင်း သိရသည်။
“အကျဉ်းသား ၅၆ ယောက် လွှတ်တယ်။ အမျိုးသမီး ၁၈ ယောက် လွတ်တယ်။ အဲဒီထဲမှာ နိုင်ငံရေး အကျဉ်းသား တယောက်မှ မပါပါဘူး။ ခိုးဆိုးနှိုက်တွေပဲ လွှတ်တာပါ။ ကျနော် သိရသလောက်တော့ ကလေးထောင်ထဲမှာ နိုင်ငံရေးအမှုနဲ့ လောလောဆယ် ရောက်နေတာကိုက ညောင်တုန်းက ၂ ယောက်၊ မတ္တရာက ၂ ယောက်နဲ့ ပျော်ဘွယ်က ဦးအေးချိုဆိုသူ ရှိတယ်” ဟု ဒေသခံတဦးက ပြောပြသည်။

အနက်ရောင်အင်္ကျီဝတ် ကျောင်းသားများ၏ ခုံနံပါတ် မှတ်သားခံရ

မောင်ဒီး
ရန်ကုန်အရှေ့ပိုင်း တက္ကသိုလ်တွင် စာမေးပွဲ ဖြေဆိုနေသည့် အဝေးသင် တက္ကသိုလ်တွင် အနက်ရောင်အင်္ကျီ ဝတ်ဆင်သူများ၏ ခုံနံပါတ်များကို အခန်းစောင့် ဆရာ၊ ဆရာမများက ရယူမှတ်သားနေကြောင်း သိရသည်။
စက်တင်ဘာလ ရွှေဝါရောင် လှုပ်ရှားမှုအတွင်း သံဃာတော်များနှင့် ပြည်သူများအပေါ် နအဖ စစ်အစိုးရမှ အကြမ်းဖက်သည်ကို ဆန့်ကျင်သည့် အနေဖြင့် အနက်ရောင်အင်္ကျီ ဝတ်ဆင်လာမည်ဟု သတင်းကြားသဖြင့် စာမေးပွဲခန်းစောင့် ဆရာ၊ ဆရာမများက အနက်ရောင်ဝတ် ကျောင်းသားများ၏ ခုံနံပါတ်များကို တိတ်တဆိတ် မှတ်တမ်း တင်နေသည်ဟု အဝေးသင် ကျောင်းသားများက ပြောဆိုကြသည်။
“ဘယ်ခုံနံပါတ်နဲ့ ဘယ်ကျောင်းသား၊ ဘယ်နာမည်က ဘယ်နေ့မှာ အနက်ရောင် ဝတ်လာတယ်။ ဥပမာ တနင်္လာနေ့ ဝတ်လာတယ် ဆိုရင် နောက်နေ့မှာလည်း ထပ်ဝတ်လာသလား ကြည့်တယ်။ အဲလို စာမေးပွဲဖြေတဲ့ ရက် ၆ ရက်ရှိရင် ၆ ရက်လုံး ဝတ်လာတဲ့ ကျောင်းသားကို စာမေးပွဲ ပေးမအောင်ဘူး၊ ကျောင်းထုတ်ပစ်မယ် ဆိုတဲ့ အမိန့် ထုတ်ထားတယ်လို့ ကြားတယ်” ဟု အဝေးသင် ကျောင်းသားတဦးက မဇ္ဈိမကို ပြောသည်။
စာမေးပွဲကို ယခုလ ၂၁ ရက်နေ့မှ စတင်ဖြေဆိုခြင်း ဖြစ်ပြီး ယခုလို လုပ်ရန်အတွက် အထူးသတင်း ရဲတပ်ဖွဲ့က ဆရာ၊ ဆရာမများကို အမိန့်ပေးထားခြင်း ဖြစ်သည်ဟု ကျောင်းသားများက ယူဆနေကြသည်။
“ခေါ်ယူ လက်မှတ်ထိုးခိုင်းရုံလောက်နဲ့တော့ ပြဿနာမရှိဘူး။ အခုဟာက လျှို့ဝှက်စောင့်ဆိုင်း၊ စောင့်ကြည့်ပြီးတော့ စာမေးပွဲ ချတာတို့၊ ကျောင်းထုတ်တာတို့ အဲလိုအပြစ်တွေ တိုက်ရိုက်ပေးမှာ။ ကျနော်ကတော့ အဲလိုကြားတယ်”ဟု အခြား ကျောင်းသားတဦး ကလည်း ပြောသည်။
အရှေ့ပိုင်းတက္ကသိုလ် ကျောင်းသားများသည် ပြီးခဲ့သည့် ၂၄ ရက်နေ့ကလည်း ရန်ကုန်တဖက်ကမ်း သန်လျင်မြို့နေ ကျောင်းသားများ၏ ဦးဆောင်မှုအောက်တွင် သန်လျင်ရှိ ကျိုက်ခေါက်ဘုရား၌ အစဉ်အလာ ရှိသည့်အတိုင်း တန်ဆောင်တိုင် လပြည့်နေ့တွင် စတုဒီတာကျွေးရန် စီစဉ်ခဲ့သော်လည်း သန်လျင်ရေတပ် တပ်ဆွယ်မှူးက ဘုရားဂေါပကကို ကြိုတင် ဖိအားပေးထားသောကြောင့် ဂေါပကများက ခွင့်မပြုသဖြင့် အလှူကို ဖျက်သိမ်းလိုက်ရပြီး တက္ကသိုလ် ကျောင်းသားများသည် မကျေမနပ် ဖြစ်ခဲ့ရသည်ဟု ပြည်တွင်းမှ အဝေးသင် ကျောင်းသားများမှ ပေးပို့လာသော စာတစောင်အရ သိရသည်။
အတည်မပြုနိုင်သေးသော သတင်းတပုဒ်အရ ရန်ကုန်အရှေ့ပိုင်း တက္ကသိုလ် Botany (ရုက္ခဗေဒ) ဌာနတွင် စာမေးပွဲဖြေနေသည့် ကျောင်းသားများ၏ လှုပ်ရှားမှုကို စောင့်ကြည့် သတင်းယူရန်အတွက် ကြံ့ခိုင်ဖွံ့ဖြိုးရေး၏ ထောက်ခံစာပြကာ ဝင်ရောက်လာသူ တဦးကို အဆိုပါ ဌာနတွင် ကျူတာအဖြစ် ခန့်အပ်လိုက်သည်ဟု သိရသည်။
သံဃာနှင့် လူထုဆန္ဒပြပွဲ ဖြစ်ပွားခဲ့ပြီး အာဏာပိုင်များက တက္ကသိုလ်ကျောင်း စာမေးပွဲများကို နောက်ဆုတ်ခဲ့ပြီး တက္ကသိုလ် ကျောင်းဖွင့်ချိန်ကိုလည်း ၂ဝဝ၈ ခုနှစ် ဇန်နဝါရီလဆန်းသို့ ရွှေ့ပြောင်းလိုက်သည်ဟုလည်း ကျောင်းသား သတင်းရပ်ကွက်အရ သိရသည်။
“စက်တင်ဘာလ ဘုန်းကြီးတွေ လှုပ်ရှားမှုကြောင့် ကျောင်းတွေကို နောက်ဆုတ်လိုက်တယ်။ စာမေးပွဲတွေလည်း နောက်ဆုတ်လိုက်တဲ့အတွက် ပုံမှန် ကျောင်းတက်ချိန်တွေလည်း နောက်ဆုတ်သွားမယ်လို့ ထင်တယ်လေ။ ဒီဇင်ဘာ ၁ဝ ရက်နေ့ (နိုင်ငံတကာ လူ့အခွင့်အရေးနေ့) ဆိုတာကလည်း ကျောင်းသား လှုပ်ရှားမှု ရှိနေကျဆိုတော့ အဲဒါကိုလည်း ရှောင်မယ်ထင်တယ်။ တရားဝင် ထုတ်ပြောတာတော့ မရှိဘူး။ ကြားထားတာကို ပြောပြတာပါ” ဟု တက္ကသိုလ် ကျောင်းသားတဦးက ဆက်ပြောသည်။

မိတ္ထီလာရှိ တောင်သူ ၇ဝဝ ကျော်ရဲ့ လယ်မြေများကို စစ်တပ်က သိမ်းဆည်း

မဇ္ဈိမသတင်းဌာန

မန္တလေးတိုင်း မိတ္ထီလာ မြို့နယ်အတွင်း လယ်မြေဧက ၁၇ဝဝ နီးပါးကို စက်တပ်ပိုင် စက်ရုံတခု တည်ဆောက်ရန် အတွက် ဒေသတွင်း အခြေစိုက် စစ်တပ်က ပြီးခဲ့သည့် လအတွင်းက သိမ်းယူခဲ့သည်။
မြို့နယ်အတွင်း ရှမ်းတဲတိုက်နယ်ရှိ မဂျီးစု၊ ကျောင်းရွာနှင့် ရှမ်းတဲကျေးရွာအုပ်စုမှ တောင်သူ ၇၆၅ ဦး ပိုင်ဆိုင်သည့် လယ်မြေဧက ၁၆၉ဝ ကို ခရိုင်ကာကွယ်ရေး ဦးစီးချုပ်ရုံး ကွပ်ကဲမှုအောက်ရှိ အခြေစိုက် စစ်တပ်မှ ဗိုလ်ကြီး ရဲမာန်အောင်နှင့် တပ်ကြပ်ဝဏ္ဏ ဦးဆောင်သည့် မြို့နယ်၊ ကျေးရွာအုပ်စု အာဏာပိုင်များသည် လယ်မြေများပေါ်တွင် တပ်ပိုင်စက်ရုံ တည်ဆောက်ရန်အတွက် သဘောတူကြောင်း တောင်သူများကို အောက်တိုဘာလ ၁၆ ရက်နေ့က လက်မှတ်ထိုးခိုင်းခဲ့ခြင်း ဖြစ်သည်။
“လက်မှတ် ရေးထိုးခိုင်းတဲ့ စာရွက်မှာ မိတ္ထီလာခရိုင် ကာကွယ်ရေး ဦးစီးချုပ်ရုံး ကွပ်ကဲမှုအောက် အနာဂတ်စက်ရုံ တည်ဆောက်ဖို့ တောင်သူတွေရဲ့ သဘောတူညီကြောင်း ဝန်ခံချက်လို့ ပါတယ်။ တောင်သူတဦးချင်းကို လက်မှတ် အတင်းထိုးခိုင်းတယ်။ ဘာလုပ်ဖို့လဲလို့ မေးကြည့်တော့ လေတပ်နဲ့ပတ်သက်ပြီး တခုခုလုပ်မယ်လို့တော့ ပြောတယ်။” ဟု တောင်သူများနှင့် နီးစပ်သူ တဦးက မဇ္ဈိမကို ပြောသည်။
ဝတ်ပုတ်ကုန်းမှ တောင်သူ ၂၁ဝ ဦး၊ ၆ဝ၆ ကန်နီမှ ၂၇ ဦး၊ ၆ဝ၈ ကန်ဆွယ်မှ ၁၂၈ ဦး၊ ၆ဝ၉ ကန်ဆွယ်မှ ၇၃ ဦး၊ ၆၁ဝ မှ ကျောင်းရွာမှ ၁၂ဝ၊ ၆၂ဝ ကျောင်းရွာမှ ၄၁ ဦးနှင့် ကွင်းအမှတ် ၆၂၁ ကျောင်းရွာမှ ၁၆၆ ဦး စသဖြင့် စုစုပေါင်း ၇၆၅ ဦးတို့ လယ်မြေ အသိမ်းခံရခြင်း ဖြစ်သည်။
“စပါးရိတ်သိမ်းပြီးလျှင် အလုပ်မဆင်းတော့ပါကြောင်း” အာဏာပိုင်များက လက်မှတ် ထိုးခိုင်းခဲ့သလို၊ အကယ်၍ လက်မှတ် မထိုးပါက အရေးယူခံရမည်ဟု အာဏာပိုင်များက ပြောဆိုကြောင်း လယ်သမားများက ပြောသည်။
စက်ရုံကို လယ်မြေများကို စပါး ရိတ်သိမ်းပြီးချိန်တွင် စတင်တည်ဆောက်မည် ဖြစ်ကာ ယာခင်းများ မပါဝင်ဘဲ လယ်မြေများကိုသာ သိမ်းယူလိုက်ခြင်း ဖြစ်သည်။
လယ်မြေသိမ်းယူမှုကို သဘောမတူကြောင်း ကန့်ကွက်စာ ပေးပို့ရန် စီစဉ်နေသည်ဟု မန္တလေးတိုင်း မိတ္ထီလာမြို့နယ် အန်အယ်ဒီ အတွင်းရေးမှူး ဒေါ်မြင့်မြင့်အေးက မဇ္ဈိမကို ပြောပြသည်။
အဓမ္မ လယ်မြေသိမ်းမှုနှင့် ပတ်သက်ပြီး သူက ဓဒါတွေကတော့ ဖြစ်ကိုမဖြစ်သင့်တာ။ စက်မှုနိုင်ငံ မဖြစ်သေးတာ ဆိုတော့ စိုက်ပျိုးရေး တိုင်းပြည်ဆိုတော့ တောင်သူတွေကို ဦးစားပေးရမှာပဲ။ သူတို့က စိုက်ပျိုးရေးကို ဖွံ့ဖြိုးအောင် လုပ်နေပါတယ်ဆိုပြီး ပြောတယ်လေ။ လယ်မြေတွေကို အခုလို အတင်းသိမ်းတဲ့ အတွက်ကြောင့် တအားနစ်နာတယ်။ အစိုးရလည်း နစ်နာတယ်၊ လူထုရော တိုင်းပြည်ပါ နစ်နာတယ်။ သိမ်းလိုက်ပြီဆိုရင် ဘာလုပ်စားရတော့မှာလဲ။ လူတွေကို သတ်တာနဲ့ အတူတူပါပဲ။ မတရား သိမ်းပိုက်တာပါပဲ။ တခုခုတော့ တာဝန်ယူ လုပ်ပေးရမှာပေါ့။ ဒီလူတွေ ငတ်သေဖို့ပဲ ရှိတာပေါ့” ဟု ဆက်ပြောသည်။

ပုသိမ်ထောင်က အကျဉ်းသား ၈ဝ လွတ်မြောက်လာ

မောင်ဒီး

နိုင်ငံရေး အကျဉ်းသားများ ရှိသော်လည်း ပုသိမ်ထောင်မှ သာမန် ရာဇဝတ်သား ၈ဝ ကို အာဏာပိုင်များက ယနေ့ နံနက်ပိုင်းတွင် ပြန်လွှတ်ပေးခဲ့သည်။
လွတ်မြောက်လာသူများမှာ ချဲထီ လောင်းကစားမှု၊ မူးယစ်ဆေးဝါး ရောင်းဝယ်မှုများနှင့် အခြား ရာဇဝတ်မှုများဖြင့် ပြစ်ဒဏ် ချခံရသူများ ပါဝင်သည်။
“၃ နှစ်ကျပြီး တနှစ်လောက်နေပြီးတဲ့ လူတွေကို လွှတ်တာဗျ။ ဒီနေ့မနက် ၉ နာရီ ၁ဝ နာရီလောက်က လွှတ်တာ။ နိုင်ငံရေး အကျဉ်းသား မပါပါဘူး။ မပါဘူးဆိုတာ ကျနော် သိတယ်လေ။ ဘာလို့လည်းဆိုတော့ ဒီမှာ နိုင်ငံရေး အကျဉ်းသားက သိပ်မရှိဘူးလေ။ သူတို့ လွှတ်လာတယ်လို့ ကျနော် မကြားမိဘူးဗျ” ဟု ပုသိမ်မြို့ခံ တဦးက မဇ္ဈိမကို ပြောသည်။
ပုသိမ်ထောင်တွင် နိုင်ငံရေးပြစ်မှုဖြင့် ထောင်ကျနေသူ သံဃာတော် ၁၁ ပါးနှင့် အဖမ်းခံထားရသူ သံဃာတော် ၂ ပါး ရှိနေသည်။
ယခုလ ၁၅ ရက်နေ့က အင်းစိန်ထောင်မှ ကျန်းမာရေး မကောင်းသည့် နိုင်ငံရေး အကျဉ်းသား ၆ ဦး အပါအဝင် အကျဉ်းသား ၇၅ ဦး လွှတ်ပေးခဲ့ပြီး မော်လမြိုင်မြို့နှင့် အခြား နယ်မြို့ အချို့ရှိ ထောင်များမှလည်း ရာဇဝတ်သားများကို ယခုရက်ပိုင်းအတွင်း လွှတ်ပေးနေသည်။
ယခုလို နအဖက အကျဉ်းသားများကို လွှတ်ပေးနေခြင်းသည် အာဆီယံ Charter တွင် လူ့အခွင့်အရေး ကော်မရှင် ဖွဲ့စည်းရန်အတွက် သဘောတူ လက်မှတ်ထိုးသည့် အပေါ်တွင် မူတည်နိုင်သည်ဟု ယူဆရကြောင်းနှင့် လူ့အခွင့်အရေးကို လေးစားလိုက်နာပြီး လူ့အခွင့်အရေး မြှင့်တင်ရေးကို စိတ်ဝင်တစား ရှိသည်ဟု အကြောင်းပြလိုသဖြင့် ဟန်ပြ လုပ်ဆောင်ခြင်း ဖြစ်နိုင်သည်ဟု အတိုက်အခံများက သုံးသပ်ကြသည်။
အကျဉ်းသားများ၏ စာရိတ္တကို ပြုပြင်ပေးရမည့်အစား မြန်မာပြည်တဝှမ်းရှိ အကျဉ်းထောင်များတွင် ကျင့်သုံးနေသည့် ထောင်စည်းကမ်းများကြောင့် အကျဉ်းကျသူများ၏ စာရိတ္တသည် ယခင်ထက်ပင် ပို၍ ပျက်ပြားလာခြင်းကြောင့် ထိုသို့သော အကျဉ်းသားများကို ပြည်လည် လွှတ်ပေးနေခြင်းသည် ရပ်ရွာအတွင်း ဆူပူမှုများ ဖြစ်ပေါ်လာနိုင်သည်ဟု ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (မြန်မာနိုင်ငံ) အေအေပီပီမှ အတွင်းရေးမှူး ဦးတိတ်နိုင်က သုံးသပ်ပြောဆိုသည်။
သူက “မြန်မာနိုင်ငံရဲ့ အကျဉ်းထောင် စနစ်တွေကြောင့် ဥပမာ သူခိုးတယောက်က ဝင်လာတယ်ဆိုရင် သူခိုးကြီး ဖြစ်သွားတယ်။ ဓားပြတယောက်က ဝင်လာရင် ဓားပြကြီး ဖြစ်သွားတယ်ဆိုတဲ့ အခြေအနေမျိုးတွေ အများကြီးပဲ။ အကျဉ်းထောင်ထဲမှာ ကြုံခဲ့ရပါတယ်” ဟု ပြောသည်။

ကထိန်သင်္ကန်း ကပ်လှူရန် မြင်းခြံ အာဏာပိုင်များ လုပ်ဆောင်နေ

မဇ္ဈိမသတင်းဌာန
မြန်မာနိုင်ငံအလယ်ပိုင်း မန္တလေးတိုင်း မြင်းခြံမြို့တွင် တန်ဆောင်မုန်းလ ကထိန်ပွဲ ကျင်းပရန် ကထိန်သင်္ကန်း မရရှိသေးသည့် ဘုန်းကြီးကျောင်းတိုက်များကို မယက မြို့နယ် အာဏာပိုင်များမှ ဦးဆောင်၍ ကထိန်ကျင်းပရန် အတွက် ကြိုးပမ်းနေကြောင်း သိရသည်။
တန်ဆောင်မုန်းလတိုင်းတွင် မြန်မာ ဗုဒ္ဓဘာသာဝင်များမှ ဘုန်းကြီးကျောင်းများသို့ သွားရောက်ကာ ကထိန်သင်္ကန်းနှင့် လှူဖွယ်ပစ္စည်းများကို သွားရောက် လှူတန်းပြီး ကထိန်ပွဲ ကျင်းပလေ့ ရှိရာတွင် ယခုနှစ်၌ ကထိန်ပွဲအတွက် လှူဖွယ်ပစ္စည်း မရရှိသေးသည့် ကျောင်းတိုက်များသို့ အာဏာပိုင်များက လိုက်လံမေးမြန်း၍ အလှူအတန်းပြုရန် စီစဉ်နေခြင်း ဖြစ်သည်။
“ဦးဇင်တို့ ကျောင်းကတော့ ပုဂ္ဂလိက ကထိန် ရပြီးသွားပြီ။ မရသေးတဲ့ ကျောင်းတွေကိုတော့ မယက က စာရင်း လိုက်တောင်းနေတယ် ကြားတယ်။ မရသေးတဲ့ ကျောင်းတွေကတော့ သူတို့ရဲ့ အလှူအတန်းကို လက်ခံမယ် ထင်ပါတယ်” ဟု မြင်းခြံမြို့ရှိ ကိုးဆောင်တိုက်မှ သံဃာတော်တပါးက မဇ္ဈိမကို မိန့်ကြားသည်။
အာဏာပိုင်များ၏ လှူဒါန်းမှုကို ပတ္တနိကုဇ္ဇန ကံဆောင်ခြင်း ရှိ၊ မရှိနှင့် ပတ်သက်ပြီး “ဦးဇင်းတို့ မြင်းခြံကတော့ ကံဆောင်တာ မရှိခဲ့ဘူး။ ကံဆောင်တယ်ဆိုတာ ဝိနည်းစည်းကမ်းအရ သံဃသမဂ္ဂီဖြစ်မှ ကံမြောက်တယ်။ သံဃသမဂ္ဂီ မဖြစ်ရင် မမြောက်ဘူး။ သံဃာအားလုံး သဘောတူမှ သပိတ်မှောက် ကံမြောက်တယ်။ နိုင်ငံရေးအရတော့ ဦးဇင်းတို့ နားမလည်ပါဘူး” ဟု အဆိုပါ ဦးဇင်းက ဆက်လက် မိန့်ကြားသည်။
ပြီးခဲ့သည့် စက်တင်ဘာလအတွင်းက ရွှေဝါရောင် တော်လှန်ရေး မြစ်ဖျားခံရာ မကွေးတိုင်း ပခုက္ကူမြို့တွင်မူ အရှေ့တိုက်၌ မြို့မဈေး ဈေးသူဈေးသားများမှ စုပေါင်း၍ ယခုလ ၈ ရက်နေ့တွင် ကထိန်ပွဲ ကျင်းပခဲ့ပြီး အနောက်တိုက်တွင်လည်း ကုန်သည် ပွဲစားကြီးများအသင်းမှ ကထိန်ပွဲ ကျင်းပသွားမည် ဖြစ်ကာ အလယ်တိုက်တွင် ဆရာဝန်တဦးမှ ကထိန်ခင်းမည်ဟု သိရသည်။ သို့သော်လည်း ပခုက္ကူတွင် အာဏာပိုင်များမှ ကထိန်ခင်းရန် ကမ်းလှမ်းသော စာသင်တိုက်ကြီးများ မရှိကြောင်း သိရသည်။
သို့သော်လည်း နှစ်စဉ် ကျင်းပလေ့ရှိသည့် အရှေ့တိုက်အနီး ဖောင်တော်ဦး မြတ်စွာဘုရားပွဲတော် ကျင်းပခွင့်ကို အာဏာပိုင်များက ပိတ်ပင်ခဲ့ကြောင်းနှင့် မြို့တွင်းသို့ ဖောင်တော်ဦး မြတ်စွာဘုရား ဒေသစာရီ ကြွချီမှုကိုလည်း တားမြစ်ခဲ့သဖြင့် နှစ်စဉ်ဆိုသလို အစဉ်အလာ ရှိသည့်အတိုင်း အပူဇော်ခံ မကြွရကြောင်း သိရသည်။
မန္တလေးတိုင်း ကျောက်ပန်းတောင်းမြို့ ဘုန်းကြီးကျောင်းများတွင် မြို့ခံလူထုက ရပ်ကွက်အလိုက် စုပေါင်း၍ ကထိန်မရရှိသော ကျောင်းများကို စုပေါင်းကထိန် ခင်းကြသည်ဟု ဒေသခံများက ဆိုသည်။
“ဦးဇင်းတို့ ကျောင်းကတော့ လဆန်း ၈ ရက်နေ့က ကထိန်ရပြီးသွားပြီ။ မရသေးတဲ့ ကျောင်းတွေကိုတော့ ရပ်ကွက်အလိုက် စုပေါင်းပြီး ကထိန်ခင်းကြတယ်” ဟု ကျောက်ပန်းတောင်မြို့မှ ကျောင်းထိုင် ဆရာတော်တပါးက မိန့်ကြားသည်။
သပိတ်မှောက် ကံဆောင်မှုနှင့် ပတ်သက်၍ ဆရာတော်က “ဒီကိစ္စကတော့ သံဃာငယ်တွေ လုပ်ထားတဲ့ ကိစ္စပဲ။ ဦးဇင်းအနေနဲ့ ထွေထွေထူးထူး ပြောစရာ မရှိတော့ပါဘူး” ဟု ဆက်လက် မိန့်ကြားသည်။

ကချင်ပြည်နယ်ရှိ တရုတ်ဖုန်းများကို အာဏာပိုင်များ သိမ်းဆည်းနေ

မျိုးကြီး
ကချင်ပြည်နယ်အတွင်း အများပြည်သူ သုံးစွဲနေကြသည့် တရုတ်ဖုန်းများကို ယမန်နေ့မှ စတင်ကာ ဒေသ အာဏာပိုင်များက လိုက်လံ သိမ်းဆည်းနေပြီ ဖြစ်ကြောင်း သိရသည်။ ပြည်နယ်မြို့တော် မြစ်ကြီးနားတွင် နေထိုင်ကြသည့် ကချင်လွတ်လပ်ရေး တပ်မတော် (ကေအိုင်အေ) တပ်ဖွဲ့ဝင် အရာရှိများ ကိုင်ဆောင်သည့် တရုတ်ဖုန်းများကို ၁၇ ရက်နေ့ ည ၁ဝ နာရီခန့်တွင် စတင်သိမ်းယူခဲ့ပြီး နောက်တရက် (ယမန်နေ့) မှ စတင်ကာ မြစ်ကြီးနား၊ ဗန်းမော်၊ လွယ်ဂျယ်၊ မန်ဝိန်းကြီး၊ နန်ဆန်ယန် စသည့်မြို့များတွင် မြို့ခံများ ကိုင်ဆောင်သည့် ဖုန်းများကိုပါ အာဏာပိုင်များက လိုက်လံ သိမ်းဆည်းနေခြင်း ဖြစ်သည်။ “တရုတ်ဖုန်းတွေ ဘယ်သူတွေဆီမှာ ရှိတယ်ဆိုတာ ရဲက သိပြီးသားလေ။ အဲဒီတော့ စာရင်းရှိတဲ့ အိမ်တွေကို ဝင်ပြီး သိမ်းလိုက်တာပေါ့။ လူတွေကိုတော့ အရေးယူတာ မရှိသေးဘူး။ ပစ္စည်းတွေပဲ သိမ်းသွားကြတာ” ဟု မြစ်ကြီးနား မြို့ခံတဦးက ပြောသည်။မြစ်ကြီးနားနှင့် ဗန်းမော်တွင် အခကြေးငွေယူ၍ သုံးစွဲနေသည့် တရုတ်ဖုန်းဆိုင်များပါ ဖုန်းများ အသိမ်းခံရပြီ ဖြစ်ကြောင်းနှင့် ကေအိုင်အေ ဌာနချုပ် လိုင်ဇာမြို့နှင့် ကပ်လျက်ရှိသည့် လဂျားယန်၊ နားလုံ အစရှိသည့် ကျေးရွာများတွင် ဖုန်းများ သိမ်းယူရန်အတွက် ပြည်နယ်အာဏာပိုင်များက ဒေသအာဏာပိုင်များသို့ အမိန့်စာများ ပေးပြီးသော်လည်း ယခုအချိန်အထိ သိမ်းယူခြင်းများ မရှိသေးကြောင်း ဒေသခံများအဆိုအရ သိရသည်။ မြန်မာပြည်အထက်ပိုင်း ရှမ်းပြည် (မြောက်ပိုင်း) နှင့် ကချင်ပြည်နယ်တို့တွင် တရုတ်ဖုန်းများကိုသာ အဓိကထား သုံးစွဲနေကြသော်လည်း လတ်တလော တရုတ်ဖုန်းသိမ်းမှုသည် ကချင်ပြည်နယ်အတွင်း၌သာ ဖြစ်ပေါ်နေကြောင်းနှင့် ပြည်နယ်အတွင်း အစိုးရ ဆန့်ကျင်ရေး လှုပ်ရှားမှုနှင့် အခြားသတင်းများ ပြည်ပ မီဒီယာများတွင် ထွက်ပေါ်နေခြင်းကြောင့် ယခုနည်းဖြင့် အဟန့်အတား ပြုလုပ်ခြင်း ဖြစ်နိုင်ကြောင်း ကချင်ပြည်လုံးဆိုင်ရာ ကျောင်းသားသမဂ္ဂ (အေကေအက်စ်ယူ) ပြောရေးဆိုခွင့်ရှိသူ တဦးက ယခုလို ပြောသည်။“ပြည်နယ်အတွင်းမှာ ကျောင်းသားလှုပ်ရှားမှုတွေ မကြာခဏ ဖြစ်နေတယ်။ ‘သန်းရွေ ... လူသတ်သမား’ တို့၊ ‘ရေကာတာ ... အလိုမရှိ’ တို့၊ ဒီသတင်းတွေက ပြည်ပ မီဒီယာတွေကို ထွက်နေတယ်။ တရုတ်ဖုန်းက ရှမ်းပြည်မှာလည်း သုံးတာပဲ။ မူဆယ်နဲ့ မန်ဝိန်းကြီးဆို ဘာမှ ဝေးတာမှ မဟုတ်ဘဲ။ မူဆယ်မှာ မဖမ်းဘူး။ မန်ဝိန်းကြီးမှာ ဖမ်းတယ်။ ကျနော်ကတော့ အဲဒီလိုပဲ သုံးသပ်တယ်” ဟု သူက ပြောဆိုသည်။ပြီးခဲ့သည့် နိုဝင်ဘာ ၁၆ ရက်နေ့က နအဖ ယဉ်ကျေးမှုဝန်ကြီး ဗိုလ်ချုပ် ခင်အောင်မြင့် မှ မြစ်ကြီးနားသို့ လာရောက်ကာ ကေအိုင်အေ ထိပ်တန်းအရာရှိများကို ခေါ်ယူတွေ့ဆုံပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ ထုတ်ဖော် ကျေညာချက်အပေါ် ဆန့်ကျင်ကြောင်း လက်မှတ်ထိုးခိုင်းသည်ကို ငြင်းပယ်သဖြင့် ယခုလို လက်တုံ့ပြန်ခြင်း ဖြစ်နိုင်သည်ဟု ကေအိုင်အိုနှင့် နီးစပ်သူတဦးက ပြောသည်။ “ကေအိုင်အေက အဲဒီဝန်ကြီးကို လက်မှတ် မထိုးနိုင်ဘူးလို့ ပြတ်ပြတ်ကို ပြောလိုက်တာပါ။ လက်မှတ်ထိုးခိုင်းတဲ့ ကိစ္စကို ဘယ်သူ့ကိုမှ မပြောပါနဲ့လို့ အဲဒီဝန်ကြီးကပဲ လာတွေ့တဲ့ ကေအိုင်အို၊ ကေအိုင်အေ အရာရှိတွေကို ပြောတယ်လေ။ ခြိမ်းခြောက်မှု ပုံစံတော့ မဟုတ်ဘူးပေါ့။ ဒါပေမဲ့ စိတ်ကသိကအောက် ဖြစ်ပါစေဆိုပြီး လုပ်လိုက်တဲ့ ပုံစံပေါ့” ဟု သူက ပြောသည်။ မြစ်ကြီးနားနှင့် ဗန်းမော်ကဲ့သို့ မြို့ကြီးများတွင် တရုတ်ဖုန်းများကို လမ်းဘေးတွင် အခကြေးငွေယူ၍ အများသုံး တယ်လီဖုန်းအဖြစ် ဆိုင်ဖွင့်နေကြသဖြင့် မြန်မာ့ဆက်သွယ်ရေး ဌာနအတွက် ဝင်ငွေ ထိခိုက်သောကြောင့် ယခုလို လိုက်လံ သိမ်းဆည်းခြင်း ဖြစ်နိုင်ကြောင်းလည်း ဒေသခံ အချို့က ခန့်မှန်းနေကြသည်။ “တရုတ်ဖုန်းကိုင်ရတာ အရမ်း အဆင်ပြေတယ်ခင်ဗျ။ ဝယ်ရတာ လွယ်ကူတယ်။ ဈေးနှုန်းကလည်း ဗမာဖုန်းတလုံးကို သိန်း ၃ဝ ဆို၊ တရုတ်ဖုန်းက ဗမာငွေ တသိန်းကျော်ပဲ ကျတယ်။ ဈေးနှုန်းက အဆ ၃ဝ လောက် ကွာတယ်။ ဝန်ဆောင်မှု ကောင်းတယ်ဗျာ။ ဗမာဖုန်းက အသံမကြားရဘူး။ တရုတ်ဖုန်းက ဘာမှ ပြောစရာမလိုဘူးဗျ” ဟု မြစ်ကြီးနား ဒေသခံက ပြောသည်။

အာဆီယံ အစည်းအဝေး ဆန္ဒပြခံရ

မဇ္ဈိမသတင်းဌာန

အာဆီယံ ထိပ်သီး အစည်းအဝေးပွဲ ကျင်းပနေသည့် စင်္ကာပူနိုင်ငံ ရှန်ဂရီလာ ဟိုတယ်အနီး မြန်မာ့ ဒီမိုကရေစီရေး လှုပ်ရှားသူ ၆ဝ ခန့်က ယနေ့ညနေတွင် ဆန္ဒပြခဲ့ကြသည်။
မြန်မာနိုင်ငံအပေါ် ဖိအားပေးရန် ပျက်ကွက်ခဲ့ကြသည့်အတွက် အာဆီယံ ထိပ်သီး အစည်းအဝေးကို ကန့်ကွက် ဆန္ဒပြကြခြင်း ဖြစ်သည်။ လုံခြုံရေး တင်းကြပ်စွာ ချထားသည့် ရှန်ဂရီလာ ဟိုတယ်အနီး အောချတ်လမ်းပေါ်တွင် ၃ ယောက်တတန်း တန်းစီးထားသော အနီရောင် အင်္ကျီဝတ် ဆန္ဒပြသူများ ၁၅ မိနစ်ခန့် ကြာသောအခါ ရဲများ ရောက်ရှိလာကြသည်။
ရဲများ ရောက်လာသည်နှင့် တပြိုင်နက် ဆန္ဒပြသူများက လက်ချင်း ချိတ်ဆက်လိုက်ကြပြိး ၁ဝ မိနစ်ခန့် ရဲများနှင့် မျက်နှာချင်းဆိုင် ရင်ဆိုင်နေပြီးနောက် လူစုခွဲလိုက်ကြသည်။

ဒေါ်အောင်ဆန်းစုကြည်နှင့် နအဖ ကိုယ်စားလှယ် တတိယအကြိမ် တွေ့ဆုံ

မဇ္ဈိမသတင်းဌာန

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် နအဖ ကိုယ်စားလှယ် ဆက်သွယ်ရေးဝန်ကြီး ဦးအောင်ကြည်တို့ ယမန်နေ့က တတိယအကြိမ်မြောက် တွေ့ဆုံခဲ့သည်။
ဒေါ်အောင်ဆန်းစုကြည်နှင့် နအဖ ဥက္ကဌ ဗိုလ်ချုပ်မှူးကြီး သန်းရွှေအကြား ဆက်သွယ် ဆောင်ရွက်ပေးနေသည့် ဆက်သွယ်ရေး ဝန်ကြီး ဦးအောင်ကြည်တို့သည် ယမန်နေ့က ရန်ကုန်မြို့ရှိ စိမ်းလဲ့ကန်သာ ဧည့်ဂေဟာ၌ ညနေ ၃ နာရီခန့်က စတင်ကာ ၁ နာရီခန့်ကြာ တတိယ အကြိမ်မြောက် တွေ့ဆုံခဲ့ကြခြင်း ဖြစ်သည်။
“ဦးအောင်ကြည်နဲ့ ဒေါ်စုနဲ့ မနေက တွေ့ခဲ့တာ အမှန်ပါပဲ။ ဘာတွေ ဆွေးနွေးတယ်ဆိုတာ မသိရသေးဘူး။ အစကတည်းကိုက သူတို့ (စစ်အစိုးရ) ကျေညာချက်မှာ အန်အယ်ဒီလို့ မပြောဘူး။ ဒေါ်အောင်ဆန်းစုကြည်နဲ့ တွေ့မယ်ပြောတယ်။ သူတို့ ကျေညာချက်အတိုင်း အကောင်အထည် ဖော်တယ်လို့ပဲ မြင်တယ်” ဟု အန်အယ်ဒီ ပြောခွင့်ရပုဂ္ဂိုလ် ဦးဉာဏ်ဝင်းက မဇ္ဈိမကို အတည်ပြုပြောဆိုသည်။
နှစ်ဘက်တွေ့ဆုံမှုသည် ယခုလ ၉ ရက်နေ့က အန်အယ်ဒီ ဗဟိုအလုပ်အမှုဆောင် ၄ ဦးနှင့် တွေ့ဆုံခွင့် ရရှိပြီးနောက် နအဖ စစ်အစိုးရ၏ ကိုယ်စားလှယ်နှင့် ယခုလို ထပ်မံ၍ တွေ့ဆုံခဲ့ခြင်း ဖြစ်သည်။ အောက်တိုဘာလ ၂၅ ရက်နှင့် နိုဝင်ဘာလ ၉ ရက်နေ့များတွင်လည်း တွေ့ဆုံခဲ့ကြသော်လည်း တွေ့ဆုံပွဲနှင့် ပတ်သက်သည့် အချက်အလက် အသေးစိတ်ကိုမူ စစ်အစိုးရမှ ထုတ်ဖော် ပြောဆိုခြင်း မရှိသေးပါ။
“ကျနော်တို့ နောက်ဆုံးနွေးထားတဲ့ (ဒေါ်အောင်ဆန်းစုကြည်နှင့် အန်အယ်ဒီ ခေါင်းဆောင်များအကြား) ဆွေးနွေးချက်တွေ အများကြီး ရှိပါတယ်။ သဘောတူပြီးသား အချက်တွေလည်း အများကြီး ရှိပါတယ်” ဟု ဦးဉာဏ်ဝင်းက ပြောသည်။
ဒေါ်အောင်ဆန်းစုကြည်နှင့် အန်အယ်ဒီ ခေါင်းဆောင်များအကြား ယခုလို သဘောတူညီချက်များ ရှိနေလင့်ကစား နအဖ ယဉ်ကျေးမှုဝန်ကြီး ဗိုလ်ချုပ် ခင်အောင်မြင့်သည် ငြိမ်းချမ်းရေး ရယူထားသော တိုင်းရင်းသား လက်နက်ကိုင် အဖွဲ့များထံ မကြာသေးခင်က သွားရောက်၍ ပြီးခဲ့သည့် ၈ ရက်နေ့က ဒေါ်အောင်ဆန်းစုကြည် ထုတ်ပြန်ခဲ့သည့် ကျေညာချက်တွင် ပါရှိသည့် တိုင်းရင်းသားများကို သူမမှ ကိုယ်စားပြုမည် ဆိုသည့်အချက်ကို သဘောမတူကြောင်း လိုက်လံ၍ လက်မှတ် ထိုးခိုင်းခဲ့သေးသည်။
ဤကိစ္စနှင့် ပတ်သက်၍ ဦးဉာဏ်ဝင်းက “ငြိမ်းချမ်းရေး လုပ်ထားတဲ့ တိုင်းရင်းသား အဖွဲ့တွေကို လက်မှတ် ထိုးခိုင်းတာကတော့ ဆွေးနွေးပွဲအတွက် ပြင်ဆင်နေတဲ့ ကာလမျိုးမှာ ဒါတွေဟာ မလုပ်ထိုက်ဘူးလို့ မှတ်ချက်ပေးလိုပါတယ်” ဟု ပြောသည်။

Inside Myanmar

မစ္စတာပီညဲရိုး ရောက်ရှိစဉ် ရန်ကုန်တွင် စစ်သားများ ရှင်းလင်းနေ

မုံပီး
ကုလသမဂ္ဂ လူ့အခွင့်အရေး အထူးကိုယ်စားလှယ် ပေါ်လိုဆာဂျီယို ပီညဲရိုး ရန်ကုန်မြို့သို့ ရောက်ရှိရန် တရက်အလိုတွင် မြို့တွင်း၌ စစ်သားများ သိသာစွာ ကင်းရှင်းနေသည်ဟု ဒေသခံများက ပြောဆိုခဲ့သည်။ ရန်ကုန်မြို့တွင် စစ်သားများ မရှိစေရန်အတွက် နအဖ စစ်အစိုးရက သတိပေးထားကြောင်း စစ်တပ်နှင့် နီးစပ်သည့် သတင်းရပ်ကွက်က ပြောဆိုသည်။
မစ္စတာ ပီညဲရိုးက ရန်ကုန်သို့ တနင်္ဂနွေနေ့က ရောက်ရှိလာခဲ့ပြီး၊ စစ်အစိုးရရုံးစိုက်ရာ နေပြည်တော်သို့ သွားရောက်နိုင်ရန် အတွက် မျှော်လင့်နေသည်။ တနင်္လာနေ့က ဆန္ဒပြသူများကို ဖြိုခွင်း နှိမ်နင်းမှုများနှင့် ပတ်သက်၍ စုံစမ်း စစ်ဆေးရန်အတွက် အင်းစိန်ထောင်၊ ဘုန်းကြီးကျောင်း နှစ်ကျောင်းသို့ သွားရောက်ခဲ့ပြီး၊ အစိုးရ ရုံးဝန်ထမ်း အချို့နှင့်လည်း တွေ့ဆုံခဲ့သည်။
သူ ရောက်ရှိနေစဉ်အတွင်း ပုံမှန် အနေအထားအတိုင်း တည်ရှိနေသည့် ရန်ကုန်မြို့ အခြေအနေကို ပြသရန်အတွက် မြို့တွင်းထဲ၌ လုံခြုံရေးများကို ရှင်းလင်းစွာ ထားရှိရန်အတွက် အာဏာပိုင်များက အမိန့်ပေးထားသည်ဟု အမည်မဖော်လိုသူ စစ်တပ်နှင့် နီးစပ်သည့် သတင်းအရ သိရသည်။
ကုလကိုယ်စားလှယ် ရောက်ရှိမလာခင် တနင်္ဂနွေနေ့ နံနက်ပိုင်းက စစ်သားများကို တင်ဆောင်ထားသည့် ကုန်တင်ကား အစင်း ၂ဝ ခန့် မြို့တွင်းမှ ထွက်ခွာသွားသည်ကို တွေ့ရှိခဲ့သည်ဟု သူက ဆိုသည်။
“အဲဒီ ကုန်တင်ကားတွေ ပဲခူးကိုကျော်ပြီး ထွက်သွားတာ။ နေပြည်တော်ကို မောင်းသွားတာ ဖြစ်မယ်လို့ ကျနော် ထင်တယ်” ဟု သူက ပြောသည်။
မြန်မာနိုင်ငံအတွင်း၌ စက်တင်ဘာလက ဖြစ်ပျက်ခဲ့သည့် ဆန္ဒပြမှုများကို စစ်အစိုးရက အကြမ်းဖက် နှိမ်နင်းခဲ့ သောကြောင့် ယင်းကိစ္စကို စုံစမ်း စစ်ဆေးရန်အတွက် နိုင်ငံအတွင်းသို့ တနင်္ဂနွေနေ့က မစ္စတာ ပီညဲရိုး ရောက်ရှိလာခြင်း ဖြစ်သည်။ သူနှင့်အတူ ရန်ကုန်တိုင်း အေးချမ်း သာယာရေးနှင့် ဖွံ့ဖြိုးရေးကောင်စီ အတွင်းရေးမှူး ဗိုလ်မှူး လှစိုး (အငြိမ်းစား) လည်း လိုက်ပါနေသည်ဟု အဆိုပါ သတင်းရပ်ကွက်က ဆိုသည်။
စစ်အစိုးရက မစ္စတာ ပီညဲရိုးရောက်ရှိနေစဉ် သူ့ကို အရပ်သား ဝန်ထမ်း အရာရှိများနှင့်သာ လက်ခံတွေ့ဆုံစေခဲ့ပြီး၊ ရန်ကုန်တိုင်းမှူး အပါအဝင် အခြားသော စစ်အရာရှိကြီးများကို အဆင့်နိမ့် အရာရှိကဲ့သို့ နောက်ကွယ်တွင် ထားရှိခဲ့သည်ဟု သိရသည်။
“ကုလသမဂ္ဂ ကိုယ်စားလှယ် ရောက်နေတဲ့အချိန်မှာ စစ်တပ် အရာရှိ အားလုံးကို နောက်ကွယ်မှာ ထားတယ်။ ပီညဲရိုး ရောက်နေချိန်မှာ ဆန္ဒပြတာတွေ ဖြစ်လာမှာကိုလည်း စိုးရိမ်နေကြတယ်” ဟု သူက ထပ်ပြောသည်။
သို့သော်လည်း ကုလကိုယ်စားလှယ်နှင့်အတူ အရပ်ဝတ် ဝတ်ဆင်ထားသည့် ရဲများနှင့် စွမ်းအားရှင်များ၊ ကြံ့ဖွတ်များနှင့် မြို့နယ် ဥက္ကဌများက နီးကပ်စွာ စောင့်ကြည့်နေကြသည်ကို တွေ့ရှိရကြောင်း ပြောသည်။
တနင်္လာနေ့က နယူးယောက်ရှိ ကုလသမဂ္ဂ အထွေထွေ အတွင်းရေးမှူးချုပ်ကလည်း သူ၏ မြန်မာပြည်ဆိုင်ရာ အထူးကိုယ်စားလှယ် မစ္စတာ ဂမ်ဘာရီသည် အဓိပ္ပာယ် ပြည့်ဝသည့် တွေ့ဆုံ ဆွေးနွေးပွဲကို အချိန်ဇယားနှင့် တကွ ရယူနိုင်လိမ့်မည်ဟု မျှော်လင့်ထားသည်ကို ဖော်ပြခဲ့သည်။
မစ္စတာ ဘန်ကီမွန်းသည် မစ္စတာ ဂမ်ဘာရီမှ တယ်လီဖုန်းဖြင့် အကြမ်းအားဖြင့် ရှင်းလင်း ပြောဆိုခဲ့ပြီးနောက် တနင်္လာနေ့တွင် ကျေညာချက် ထုတ်ပြန်ခဲ့သည်။
မစ္စတာ ဂမ်ဘာရီသည် စက်တင်ဘာလအတွင်းက ရန်ကုန်တွင် ဆန္ဒပြသူများကို နှိမ်နင်းခံရပြီးနောက် မြန်မာပြည်သို့ နှစ်ကြိမ်တိုင် လာရောက် လည်ပတ်ခဲ့ပြီး ဖြစ်သည်။ သူသည် အရှေ့တောင် အာရှနိုင်ငံများသို့ နောက်ဆုံး ခရီးစဉ်အဖြစ် သွားရောက်သည့် အစီအစဉ်ကို ကုလသမဂ္ဂ လုံခြုံရေး ကောင်စီသို့ အင်္ဂါနေ့က အကြမ်းအားဖြင့် ပြောပြခဲ့သည်ဟု လုံခြုံရေး ကောင်စီ အစီရင်ခံစာ အဆိုအရ သိရသည်။
“မြန်မာနိုင်ငံနှင့် လက်ရှိ အာဆီယံ ဥက္ကဌ စင်္ကင်္ာပူတို့ ပါဝင်မယ့် အပြန်အလှန် ငြင်းခုံမယ့် အစည်းအဝေး ဖြစ်တယ်၊ အဲဒီနောက်မှာ တံခါပိတ် ဆွေးနွေးပွဲ ပြုလုပ်မည်” ဟု လုံခြုံရေးကောင်စီက ဆိုသည်။
“တံခါးပိတ် ဆွေးနွေးပွဲ ပြုလုပ်ပြီးသည့်နောက်တွင် ဥက္ကဌ ကြေညာချက် ထုတ်ပြန်ကောင်း ထုတ်ပြန်မည်” ဟု အစီရင်ခံစာက ဆက်ဆိုသည်။
နိုဝင်ဘာလ ၃ ရက်မှ ၈ ရက်နေ့အထိ ကြာမြင့်သည့် မြန်မာပြည် နောက်ဆုံး ခရီးစဉ်တွင် အထိန်းသိမ်းခံ လူထုခေါင်းဆောင် ဒေါ်အောင်ဆန်းစုကြည်သည် သူမ၏ ပါတီ ခေါင်းဆောင်များနှင့် တွေ့ဆုံခွင့် ရရှိခဲ့သည်။ ဤသည်မှာ လွန်ခဲ့သည့် ၃ နှစ်ကျော်ကတည်းက ပထမအကြိမ် ရရှိခဲ့ခြင်း ဖြစ်သည်။
ကမ္ဘာ့ငြိမ်းချမ်းရေး ဆုရှင် ဒေါ်အောင်ဆန်းစုကြည်က သူမ၏ ပါတီခေါင်းဆောင်များနှင့် တွေ့ဆုံခဲ့သလို၊ အစိုးရ၏ ဆက်သွယ်ရေး ဝန်ကြီး ဦးအောင်ကြည်ကို နှစ်ကြိမ်မြောက် တွေ့ဆုံပြီးနောက် သူမသည် တွေ့ဆုံ ဆွေးနွေးရေးအတွက် စစ်အစိုးရနှင့် ပူးပေါင်း ဆောင်ရွက်ရန် ဆုံးဖြတ်ထားကြောင်း ပြောဆိုခဲ့သည်။

ဆရာတော် ဦးဂန္ဘီရ အဖမ်းခံရ

မုံပီး
စက်တင်ဘာလ ရွှေဝါရောင် တော်လှန်ရေးကို ဦးဆောင်ခဲ့သူ ထင်ရှားသည့် ဆရာတော် ဦးဂန္ဘီရသည် တိမ်းရှောင် ပုန်းအောင်းနေရာမှ ယခုအခါ အာဏာပိုင်များက ရန်ကုန်မြို့တွင် ဖမ်းဆီးရမိသွားပြီ ဖြစ်သည်။
အာဏာပိုင်များမှ အပူတပြင်း လိုက်လံ ရှာဖွေခံနေရသူ ဦးဂန္ဘီရသည် စက်တင်ဘာ သံဃာလူထု လှုပ်ရှားမှုကြီးတွင် ထောင်ပေါင်းများစွာသော သံဃာတော်များ လမ်းပေါ်တက် ဆန္ဒပြရာတွင် ဦးဆောင်ခဲ့ပြီး သူ့ကို ဆန္ဒပြပွဲများကို ကြိုးကိုင်ခဲ့သူအဖြစ် စွပ်စွဲခဲ့သည်။ သြဂုတ်လလယ်တွင် လောင်စာဆီ ဈေးနှုန်း ကျဆင်းရေး လူထုတောင်းဆိုပွဲများ စတင်ခဲ့ခြင်း ဖြစ်သည်။
ပြေးလွှား ရှောင်တိမ်းနေရသော်လည်း ဆရာတော်သည် မကြာသေးခင်က ဆန္ဒပြပွဲနှင့် နောက်ဆက်တွဲ နအဖ စစ်အစိုးရမှ အကြမ်းဖက် နှိမ်နင်းမှုများ အကြောင်းကို ကမ္ဘာတလွှားသို့ ပြောကြားသည့် အနေဖြင့် ဆောင်းပါးတစောင် ရေးသားကာ ဝါရှင်တန်ပို့စ် သတင်းစာသို့ ပေးပို့ခဲ့သေးသည်။
ဝါရှင်တန်ပို့တွင် သူ့ဆောင်းပါး ဖော်ပြခံရသည့် နိုဝင်ဘာလ ၄ ရက်နေ့မှာပင် သူသည် ဖမ်းဆီးခံခဲ့ရခြင်း ဖြစ်သည်ဟု သတင်းရပ်ကွက် တခုက ဆိုသည်။
ဆရာတော်သို့ တယ်လီဖုန်းဖြင့် စကားပြောခဲ့သူ သတင်းရပ်ကွက်က “ဆရာတော်က ခပ်တိုတိုပဲ ပြန်ဖြေတယ်။ သူ အဖမ်းခံလိုက်ရပြီတဲ့။ အခု ထိန်းသိမ်း ခံထားရတယ်တဲ့။ အဲဒါလည်း ပြီးရော လိုင်းက ပြတ်သွားတယ်” ဟု ဆိုသည်။
ဖမ်းဆီးခံရမှုနှင့် ပတ်သက်၍ အတည်ပြုရန် ခက်ခဲနေသော်လည်း ပြည်ပရှိ အတိုက်အခံ အချို့က ဆရာတော်၏ ဆောင်းပါးမှတဆင့် သူ ပုန်းခို သီတင်းသုံးနေသည့် နေရာ သဲလွန်စကို စစ်အစိုးရမှ ရရှိနိုင်ဖွယ် ရှိကြောင်း ပြောသည်။
ရန်ကုန်မြို့တွင် ထင်ရှားသည့် လူ့အခွင့်အရေး လှုပ်ရှားသူ မစုစုနွေးနှင့် အခြား အမျိုးသားနှစ်ဦး ယနေ့ နံနက်ပိုင်းတွင် ဖမ်းဆီးခံခဲ့ရသည် ဟူသော ကောလာဟလ သတင်းများ ပေါ်ထွက်နေသော်လည်း အခြားသတင်း ရပ်ကွက်အဆိုအရ မစုစုနွေးသည် ဖမ်းဆီးခံရသူများထဲတွင် ပါဝင်ခြင်း မရှိဟု ဆိုသည်။
သတင်း အချက်အလက်များကို လွတ်လပ်စွာ အတည်ပြုနိုင်ခြင်း မရှိသော်လည်း စစ်အစိုးရမှ အသဲအသန် လိုက်လံ ရှာဖွေကာ ဖမ်းဆီးခံရမည်ကို စိုးရိမ်သဖြင့် ပုန်းခိုနေသည့် တက်ကြွ လှုပ်ရှားသူများ၏ လုံခြုံရေးအတွက် စိုးရိမ်မှုများ တိုးပွားနေသည်။
ဦးဂန္ဘီရ အဖမ်းဆီးခံရခြင်းနှင့် လူ့အခွင့်အရေး လှုပ်ရှားသူ မစုစုနွေးကို အစိုးရမှ ဖမ်းဆီးသည် ဟူသော သတင်း အချက်အလက်များသည် မြန်မာ စစ်အစိုးရမှ ကုလ လူ့အခွင့်အရေးဆိုင်ရာ အထူး ကိုယ်စားလှယ်ကို ပြည်ဝင်ခွင့် ပေးလိုက်ခြင်းကြောင့် မြန်မာနိုင်ငံအပေါ် အကောင်းမြင်လာသည့် နိုင်ငံတကာ အသိုင်းအဝိုင်း၏ မျှော်လင့်ချက်နှင့် ဆန့်ကျင်ဘက် ဖြစ်နေသည်။
မစ္စတာ ပီညဲရိုးသည် ယခုအခါ မြန်မာပြည်တွင် ရောက်ရှိနေကာ ထိန်းသိမ်းရေး စခန်းများနှင့် အခြား နေရာများကို သွားရောက် လည်ပတ်နေသော်လည်း ယခုအချိန်အထိ ဖမ်းဆီးမှုများ၊ သူ၏ ရှာဖွေ တွေ့ရှိချက်များကို ထုတ်ပြန်ခြင်း မရှိသေးပါ။

မစုစုနွေး အဖမ်းခံရသည့်သတင်းများ ပေါ်ထွက်နေ

မဇ္ဈိမသတင်းဌာန

မတရားမှုကို ဖော်ထုတ်တိုက်ပွဲဝင်သူ လူ့အခွင့်အရေး လှုပ်ရှားသူ အမျိုးသား ဒီမိုကရေစီ အဖွဲ့ချုပ် လူငယ် မစုစုနွေးနှင့် လူငယ် ၂ ဦးတို့ ယနေ့နံနက်ပိုင်းက ရန်ကုန်မြို့ မြရိပ်ညို ဟိုတယ်အနီး အစိုးရ ဆန့်ကျင်ရေး ပိုစတာကပ်ရန် သွားရောက်စဉ် အာဏာပိုင်များက ဖမ်းဆီးသွားသည် ဟူသည့် သတင်းများ ပေါ်ထွက်နေသည်။
အဆိုပါသတင်းနှင့် ပတ်သက်၍ မစုစုနွေး၏ မိခင်ပါတီဖြစ်သော အမျိုးသား ဒီမိုကရေစီ အဖွဲ့ချုပ်ကို ဆက်သွယ် မေးမြန်းရာတွင် ပြောခွင့်ရ ပုဂ္ဂိုလ် ဦးဉာဏ်ဝင်းက “ကျနော်တို့လည်း အဲလို ကြားပါတယ်။ ဒါပေမဲ့ ဒီသတင်းနဲ့ ပတ်သက်ပြီး ကျနော်တို့ အတည်ပြုလို့ မရနိုင်ပါဘူး။ ဘယ်သူဘယ်ဝါ အဖမ်းခံရတယ် ဆိုတာလည်း မသိရသေးပါဘူး” ဟု မဇ္ဈိမကို ပြောသည်။
ရန်ကုန်ရှိ လူ့အခွင့်အရေး လှုပ်ရှားသူ ဦးမြင့်အေးကမူ မစုစုနွေးသည် ဖမ်းဆီးမခံရဘဲ ထွက်ပြေး လွတ်မြောက်သွားပြီး အတူပါရှိသူ ကျောင်းသား ၂ ဦးသာ အဖမ်းခံရခြင်း ဖြစ်သည်ဟု ကြားသိရကြောင်းနှင့် အဖမ်းအဆီးသည် ယမန်နေ့က ဖြစ်ပွားခဲ့ကြောင်း ယခုလို ပြောသည်။
“ကျနော် ကြားတာကတော့ မနေ့က ညနေစောင်းမှာ မြရိပ်ညို ဟိုတယ်နား စာသွားကပ်တာ ကျောင်းသားလေး ၂ ယောက် ဖမ်းခံရတယ်လို့ ကြားတယ်။ ဘာစာလည်း ဆိုတာလည်း ကျနော်တို့က ကြားတာပဲဆိုတော့ မသိရပါဘူး။ မစုစုနွေးကတော့ လွတ်သွားတယ်လို့ ပြောတယ်” ဟု ဦးမြင့်အေးက ပြောသည်။
ထိုင်းနိုင်ငံအခြေစိုက် ဧရာဝတီ သတင်းဌာန၏ သတင်းတပုဒ်တွင်မူ မစုစုနွေးနှင့် လူငယ် ၂ ဦးကို ယနေ့နံနက်ပိုင်းက ရန်ကုန်မြို့လယ် တနေရာရှိ အာဏာပိုင်များ စိုက်ထူထားသည့် အမေရိကန် ဆန့်ကျင်ရေး ဆိုင်းဘုတ်တခု အောက်တွင် အစိုးရ ဆန့်ကျင်စာ ကပ်ရန်အသွား အာဏာပိုင်များက ဖမ်းဆီးသွားခဲ့သည်ဟု ပါရှိသည်။
မဇ္ဈိမအနေဖြင့် ယခုသတင်းနှင့် ပတ်သက်၍ သီးခြား အတည်ပြုချက် မရနိုင်သေးပါ။

မိန်းမဆန်တဲ့ နအဖက မိန်းမ အလုပ်လုပ်နေတဲ့ပုံ

မိန်းမဆန်တဲ့ နအဖက မိန်းမ အလုပ်လုပ်နေတဲ့ပုံ

လူထုခေါင်းဆောင် မကြာခင် လွတ်မြောက်ဖွယ်ရှိ

မဇ္ဈိမသတင်းဌာန

တိုးတက်သည့် လက္ခဏာအဖြစ် ၁၈ နှစ်အတွင်း ၁၂ နှစ်ခန့် အကျဉ်းကျခံခဲ့ရသည့် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် မကြာခင်တွင် လွတ်မြောက်လာဖွယ် ရှိသည်ဟု ပါတီပြောခွင့်ရ ပုဂ္ဂိုလ်တဦးက ယနေ့ ပြောဆိုလိုက်သည်။
အန်အယ်ဒီ ပြောခွင့်ရပုဂ္ဂိုလ် ဦးမြင့်သိန်းက ဖမ်းဆီးခံထားရသည့် ပါတီခေါင်းဆောင်ကို တွေ့ဆုံဆွေးနွေးပွဲ အစပြု လုပ်ဆောင်ရေး အတွက် ချွင်းချက်များဖြင့် မကြာခင်တွင် လွတ်မြောက်နိုင်သည်ဟု မဇ္ဈိမကို ပြောသည်။
“လတ်တလော အနေအထားက ကောင်းပါတယ်။ အခြေအနေ ကောင်းမှာပါ။ မနေ့က အမ (အောင်ဆန်းစုကြည်) အနေအထား ကောင်းပါတယ်။ မလွတ်သေးပါဘူး။ လွတ်ဖို့ နီးပါပြီ။ အခြေအနေ ကောင်းလာမှာပါ” ဟု သူက ပြောသည်။
“ကျနော့် ဖုန်းကိုတော့ ခင်ဗျားတို့ သိတဲ့အတိုင်းပါပဲ။ ဒီအချိန်မှာ ဒီ့ထက်ပိုပြီး အကျယ် မပြောနိုင်တာကိုတော့ ကျေးဇူးပြုပြီး နားလည်ပေးပါ။ ဒါပေမဲ့ အခြေအနေတွေက ကောင်းပါတယ်” ဟု ဦးမြင့်သိန်းက အစိုးရမှ တယ်လီဖုန်းကို ကြားဖြတ် နားထောင်ဖွယ် ရှိသည့် အခြေအနေကို ပြောသည်။
ပါတီပြောခွင့်ရ ပုဂ္ဂိုလ်၏ ယူဆချက်သည် သောကြာနေ့က ရန်ကုန်ရှိ အစိုးရ ဧည့်ဂေဟာတွင် ပါတီခေါင်းဆောင် ၄ ဦးနှင့် ဒေါ်အောင်ဆန်းကြည်တို့ တွေ့ဆုံပြီး နောက်တရက်တွင် ထွက်ပေါ်လာခြင်း ဖြစ်သည်။
သူမက စစ်အစိုးရနှင့်အတူ တိုင်းရင်းသားလူမျိုးများရေး ထည့်သွင်းစဉ်းစားသည့် တွေ့ဆုံ ဆွေးနွေးရေး ဖြစ်စဉ်တခု အတွက် အတူတကွ ပူးပေါင်း ဆောင်ရွက်သွားရန် သဘောတူသည်ဟု ပြောဆိုခဲ့ကြောင်း ယမန်နေ့က ဆွေးနွေးပွဲတွင် ပါဝင် တက်ရောက်ခဲ့သူ ပါတီ ပြောခွင့်ရ ပုဂ္ဂိုလ် ဦးလွင်က ပြောသည်။

ဒေါ်အောင်ဆန်းစုကြည် ကြေညာချက်အပေါ် ကျနော့် အမြင်

ဆောင်းပါး
မိုးသီးဇွန်

နှစ်ပေါင်းများစွာ ပျောက်ကွယ်နေတဲ့ ဒေါ်စုရဲ့ အသံကို ကြားရတာ ဝမ်းသာစရာ ကောင်းလှတယ်။ သူမရဲ့ ကျေညာချက်မှာ အရေးကြီးဆုံး အချက်က ၃ ချက် ပါတယ်။- ဆွေးနွေးပွဲဟာ အချိန်အကန့်အသတ် ရှိရမယ်၊ အဓိပ္ပာယ် ရှိရမယ်။ စစ်အစိုးရ အနေနဲ့ ဒါကို အဖြစ်နိုင်ဆုံး ဆောင်ရွက်ပါလို့ တိုက်တွန်းထားတယ်။- နိုင်ငံတော် အနာဂတ် တည်ငြိမ်ရေး၊ ဖွံ့ဖြိုး တိုးတက်ရေးနဲ့ ဒီမိုကရေစီရေး တို့အတွက် ဒေသတွင်း တည်ငြိမ်ရေးကို မထိခိုက်စေချင်တဲ့ ဆန္ဒကို သူမ ထုတ်ဖော် ထားပါတယ်။- ဆွေးနွေးမှုအတွက် သူမကို အသိအမှတ်ပြု နားလည်မှု၊ ထောက်ခံမှုကို တောင်းဆိုထားတယ်။ တိုင်းရင်းသား အခန်းကဏ္ဍကို သူမအနေနဲ့ အလေးအနက်ထားကြောင်း ဖော်ပြထားတယ်။
မိမိအမြင်
ဒေါ်အောင်ဆန်းစုကြည်ရဲ့ စာကို ကြည့်ရင် ဆွေးနွေးပွဲဟာ မစနိုင်သေးဘူး။ အရေးကြီးတဲ့ အချက်အလက်တွေကို ဘာမှ မဆွေးနွေးနိုင်သေးဘူး။ သူမရဲ့ စာဟာ ၁၉၉၃ ခုနစ် နအဖ ခင်ညွန့် လက်ထက်က အခြေအနေထက် နိမ့်ကျ နေသေးတယ်။ ၉၃ တုန်းက သတင်းစာတွေမှာ “မောင်နှမ အရင်းအခြာများ တွေ့ဆုံးခြင်း” လို့ သုံးတယ်။ ခင်ညွန့်က “ညီမလေးလို သဘောထားပါတယ်” လို့ သုံးခဲ့ပါတယ်။ ဒါပေမဲ့အလုပ်မဖြစ်ခဲ့ပါဘူး။
စစ်အစိုးရက ကုလသမဂ္ဂရဲ့ အခန်းကဏ္ဍကို ဘေးဖယ်ထုတ်တဲ့ ဗျူဟာကို ခင်းကျင်းလာတယ်။ (ဂမ်ဘာရီကို မတွေ့တာ၊ ဝေဖန်တာ၊ ချားလ်ပက်ထရီးယားကို ဗီဇာ တိုးမပေးတော့တာ၊ မြန်မာပြည်မှာ ဆင်းရဲမှု Poverty ရှိနေတယ်ဆိုတဲ့ ကုလသမဂ္ဂရဲ့ ပြောဆိုချက်ကို လက်မခံတာ။)
ဒါပေမဲ့ ပြီးခဲ့တဲ့ သံဃာတော်တွေ ဦးဆောင်တဲ့ လူထု လှုပ်ရှားမှုရဲ့ အကျိုးဆက်တွေ၊ ဖိအားတွေကို စစ်အစိုးရ ရိပ်မိတယ်။ - ပုဂံလေကြောင်း အရပ်ခံရတာ၊ နိုင်ငံခြားဘဏ်တွေက ငွေထုတ်ငွေသွင်း ခက်ခဲလာတာ၊ သြစတြေးလျားက ပိတ်ဆို့မှု လုပ်လာတာ။ စီးပွားရေး ပိတ်ဆို့မှုက သူတို့ကိုပါ ထိလာပြီဆိုတာ ရိပ်မိလာ။
စစ်အစိုးရ လုပ်လာနိုင်ချေ- ကုလသမဂ္ဂ အခန်းကဏ္ဍကို ဖယ်၊ အန်အယ်ဒီကို ပြန်ပြီး အရေးပေးသလိုမျိုး လုပ်လာနိင်တယ်။- ဒေါ်အောင်ဆန်းစုကြည်ကို သုံးပြီး ကုလသမဂ္ဂက အရေးယူမှုတွေကို ရှောင်လွှဲဖို့ လုပ်လာနိုင်တယ်။- လမ်းပြမြေပုံကို ပြန်လည် အသက်သွင်းနိုင်ဖို့ ကြိုးပမ်းလာနိုင်တယ်။

သူတို့စကား

“တိုင်းပြည်၏ အကျိုးစီးပွားကို ထောက်ထား၍ ဤတွေ့ဆုံ ဆွေးနွေးမှုဖြစ်စဉ် အောင်မြင်စေရေးအတွက် အစိုးရနှင့် ပူးပေါင်း ဆောင်ရွက်ရန် ကျမ အသင့် ရှိပါသည်။ ဤရည်မှန်းချက် အောင်မြင် ပေါက်ရောက်စေရန် အတွက်၊ အပြုသဘောဆောင်သည့် တွေ့ဆုံဆွေးနွေးရေး လမ်းကြောင်းအတိုင်း သွားရန် ကျမ ပိုင်းဖြတ်ထားပြီး ဖြစ်ပါသည်။ သို့ပါ၍ အစိုးရနှင့်တကွ အခြား ဆက်စပ် ပတ်သက်သူအားလုံးကို ဤစိတ်ဓာတ်အတိုင်း ကျမနှင့် လက်တွဲ ဆောင်ရွက်ပါရန် ဖိတ်ကြားအပ်ပါသည်။”မြန်မာနိုင်ငံဆိုင်ရာ ကုလ အထူးကိုယ်စားလှယ် မစ္စတာ ဂမ်ဘာရီမှတဆင့် ဒေါ်အောင်ဆန်းစုကြည် ထုတ်ပြန်ကြေညာချက်

သန်းရွှေ လူသတ်သမား၊ ရေကာတာ အလိုမရှိ စာတမ်းများ ရေးထိုး

မျိုးကြီး

No dam - Than Shwe Killer (‘ရေကာတာ အလိုမရှိ၊ သန်းရွှေ လူသတ်သမား’) ဟူသည့် စာတမ်းများကို ယခုလ ၁ဝ ရက်နေ့တွင် ကချင် ကျောင်းသားများက ကချင်ပြည်နယ် မြစ်ကြီးနားမြို့ရှိ လူစည်ကားရာ နေရာများတွင် သင်္ဘောဆေး မှုတ်ဆေးဗူးများဖြင့် ရေးထိုးခဲ့ကြသည်။
စာတမ်းများကို ဗလမင်းထင် တံတားအနီး အုတ်နံရံ၊ အထက (၁) ကျောင်းအဝင်ဝရှိ တံခါး၊ အလက (၆) ကျောင်းတံခါး၊ အမှတ် (၁) ထောက်လှမ်းရေးရုံး ခြံဝင်းအနီး အုတ်နံရံ၊ နာရီစင်၊ ဧရာဝတီ မြစ်ဘေးတလျှောက်ရှိ အုတ်နံရံများနှင့် တပ်ကုန်း ရန်လုံကျောင်း ရှေ့နံရံတွင် မြစ်ကြီးနား အခြေစိုက် ကချင်ပြည်လုံးဆိုင်ရာ ကျောင်းသားသမဂ္ဂ AKSU မှ ရေးထိုးခဲ့ခြင်း ဖြစ်သည်။
“Campaign ကို ကချင်ပြည်လုံးဆိုင်ရာ ကျောင်းသားအဖွဲ့က လှုပ်ရှားတာပေါ့။ No dam - Than Shwe Killer ဆိုတဲ့ စာတမ်းတွေကို တနေ့က ညနေပိုင်းမှာ မြစ်ကြီးနားမြို့ နေရာ ၇ နေရာက အုတ်နံရံတွေမှာ မှုတ်ဆေးဗူး အနီရောင်တွေနဲ့ လိုက်မှုတ်တယ်” ဟု အဖွဲ့ ပြောရေးဆိုခွင့်ရှိသူ ကချင်လူငယ်တဦးက မဇ္ဈိမကို ရှင်းပြသည်။
မြစ်ကြီးနား ဒေသခံ အချို့က No dam - Than Shwe Killer စာတမ်းများကို တွေ့မြင်ခဲ့ကြသည်ဟု ဆိုကာ၊ အချို့ ကလည်း သတင်း မီဒီယာများမှ တဆင့် ကြားသိရသည်ဟု ပြောဆိုကြသည်။
စာတမ်းများ ရေးထိုးပြီး နောက်ရက်တွင် ဒေသအာဏာပိုင်များက စာတမ်းများကို ထုံးဖြူများ သုတ်လူးကာ လိုက်လံ ဖျက်ပစ်ခဲ့ကြကြောင်း ဒေသခံများက ပြောသည်။
စာတမ်းများ လိုက်လံ ရေးထိုးရသည့် ရည်ရွယ်ချက်ကို AKSU တာဝန်ရှိသူက “ဗမာပြည်မှာ ဖြစ်ပေါ်နေတဲ့ ဒီမိုကရေစီ လှုပ်ရှားမှုတွေကို ထောက်ခံတယ်။ ဒီမိုကရေစီ လှုပ်ရှားသူတွေနဲ့ သွေးစည်း ညီညွတ်ရေးကို ပြချင်တယ်။ ဧရာဝတီ မြစ်ဆုံမှာ ဆောက်နေတဲ့ ရေကာတာ ကိစ္စကို လုံးဝဆန့်ကျင်တယ်။ ကျနော်တို့ ဆန့်ကျင်တာကို ပြည်သူလူထုကလည်း ပူးပေါင်း ပါဝင်လာဖို့၊ နောက်ပြီး ဒီ ဆောက်နေတဲ့ ကုမ္ပဏီတွေကိုလည်း သိစေချင်တာပေါ့ဗျာ” ဟု ပြောသည်။
ရေအားလျှပ်စစ်စက်ရုံ တည်ဆောက်ရေးအတွက် နအဖ အမှတ် ၁ လျှပ်စစ်စွမ်းအင် ဝန်ကြီးဌာနသည် တရုတ်နိုင်ငံမှ China Power Investment Corporation - CPI နှင့် ပူးပေါင်း ဆောင်ရွက်ကာ လျှပ်စစ်ဓာတ်အား ၁၃၃၆ဝ မီဂါဝပ် ထုတ်လုပ် သွားမည်ဟု စစ်အစိုးရက ပြောထားသည်။
ဧရာဝတီမြစ် အထက်ပိုင်း မြစ်ဆုံနေရာ ဖြစ်သည့် မေခနှင့် မေလိခ မြစ်အောက်ဘက်တွင် ရေအားလျှပ်စစ် စက်ရုံနှင့် ရေကာတာ ဆောက်လုပ်ရေး အတွက် Myanmar Asia World ကုမ္ပဏီက လမ်းဖောက်၊ တောင်ဖြိုလုပ်ငန်းများ လုပ်ဆောင်ခဲ့သည်။
ရေကာတာကြောင့် ကချင်ပြည်နယ်နှင့် ဧရာဝတီမြစ် အောက်ပိုင်းတွင် ရေကြီး၍ ရေလွှမ်းမိုးမှုများ ဖြစ်ပေါ် လာနိုင်သော်လည်း စစ်အစိုးရမှ လိုအပ်သည့် ထောက်ပံ့ ကူညီမှုများ စနစ်တကျ ပေးနိုင်မည်မဟုတ်ဟု ဒေသခံများက ဆိုသည်။
AKSU အဖွဲ့ကမူ စီမံကိန်းအကြောင်း ပြည်သူလူထုထံမှ သင့်လျော်ခြင်း ရှိ၊ မရှိ သဘောထား မေးမြန်းခြင်း မရှိသလို၊ ရေကာတာ နေရာသည် စစ်ကိုင်းတိုင်းရှိ ငလျင်ကြောနှင့် နီးကပ်နေပြီး ဆောက်လုပ် ပြီးစီးပါက မြစ်ဆုံနေရာ ပျောက်သွားမည် ဖြစ်ကာ ကျေးရွာ ၄ဝ ကျော် ရေအောက် နစ်မြုပ်သွားကာ ဒေသခံ တသောင်းကျော် အိုးမဲ့အိမ်မဲ့ ဖြစ်စေနိုင်သည်ဟု ဆိုသည်။
သည့်အပြင် မြစ်ဆုံ ပျောက်သွားသဖြင့် ကချင်လူမျိုးများ၏ သမိုင်းဆိုင်ရာ အချက်အလက်များ ပျောက်သွားမည် ဖြစ်သလို ယခုစီမံကိန်းမှ နအဖ စစ်အစိုးရကို တနှစ်လျှင် ဒေါ်လာ သန်း ၅ဝဝ ဝင်ငွေ ရရှိစေနိုင်သဖြင့် စစ်အုပ်ချုပ်ရေးကို သက်ဆိုးရှည်ရန် ထောက်ပံ့ပေးသလို ဖြစ်နေသဖြင့် ကန့်ကွက်ရခြင်း ဖြစ်ကြောင်းနှင့် ဧရာဝတီမြစ်သည် ကချင်ပြည်နယ် တခုတည်းနှင့်သာ သက်ဆိုင်ခြင်း မရှိဘဲ တနိုင်လုံးနှင့် သက်ဆိုင်နေသဖြင့် နအဖ ၏ အစီအစဉ်များ ရပ်ဆိုင်းသွားသည် အထိ နည်းလမ်း ပေါင်းစုံဖြင့် ဆန့်ကျင်သွားမည် ဖြစ်ကြောင်း ဆက်ပြောသည်။

အမေရိကန် သမတ ရုပ်ပုံကို ညီလာခံ ထောက်ခံပွဲတွင် မီးရှို့

မျိုးကြီး
ရှမ်းပြည် (မြောက်ပိုင်း) နမ့်ခမ်းမြို့တွင် ကျင်းပခဲ့သည့် နအဖ ညီလာခံ ထောက်ခံပွဲ၌ အမေရိကန် သမတ၏ ဓာတ်ပုံကို အာဏာပိုင်များက မီးရှို့ဖျက်ဆီးပြခဲ့ကြောင်း သိရသည်။
နမ့်ခမ်းမြို့ ရပ်ကွက် ၁၆ ခုနှင့် မြို့နယ်အတွင်းရှိ ကျေးရွာ ၃၇ ရွာမှ မလိုက်မနေရ ဆင့်ခေါ်ထားသည့် လူအင်အား တသောင်းခန့်ရှိသော နအဖ ညီလာခံ ထောက်ခံပွဲ တရပ်တွင် ကြံ့ဖွံ့နှင့် ရဲတပ်ဖွဲ့ဝင်များက အမေရိကန် သမတ ဂျော့ဒဗလျူဘုရှ်၏ ရုပ်ပုံကားချပ်ကြီးကို ယနေ့ နံနက်ပိုင်းက မီးရှို့ ဖျက်ဆီးပြခဲ့ခြင်း ဖြစ်သည်။
“ပြည်သူတွေက အမေရိကန်ကို ဆန့်ကျင်နေကြတယ် ဆိုတာမျိုး ဖြစ်အောင် လုပ်တာပါ။ တကယ်က မီးရှို့တဲ့ သူတွေက အရပ်ဝတ်နဲ့ လိုက်လာတဲ့ ရဲတွေ။ ဒီလိုလုပ်ဖို့ အကြံပေးတာက ကြံ့ဖွတ်က ကျော်မြင့်၊ ပန်ဆေး ကျော်မြင့် မဟုတ်ဘူး” ဟု ဒေသခံ တဦးက မဇ္ဈိမကို ပြောသည်။
အမေရိကန်သမတ ဓာတ်ပုံကို မီးရှို့ဆန္ဒပြသည့် အစီအစဉ်ကို နမ့်ခမ်းမြို့ ကြံ့ဖွံ့ ခေါင်းဆောင်တဦး ဖြစ်သည့် ဖရန်စစ် ဟော်တည်ပိုင်ရှင် ဦးကျော်မြင့်က အကြံပေးခဲ့ခြင်း ဖြစ်ပြီး အရပ်ဝတ်နှင့် ရဲတပ်ဖွဲ့ဝင်များက မီးရှို့ပြခဲ့ခြင်း ဖြစ်သည်ဟု အခြား ဒေသခံ တဦးကလည်း ပြောဆိုသည်။
ညီလာခံထောက်ခံပွဲ ဖြစ်မြောက်ရေးအတွက် နမ့်ခမ်း မယက ဥက္ကဌ ဦးတင်နိုင်မှ ဦးဆောင်ကာ ယခုလ ၉ ရက်နေ့က ရယက ဥက္ကဌများနှင့် ပြုလုပ်သည့် အစည်းအဝေးတွင် ရပ်ကွက်နှင့် ကျေးရွာ တခုချင်းစီက လူ ၅ဝဝ မလိုက်မနေရ ညွှန်ကြားခဲ့သည်ဟု နမ့်ခမ်း ရယကနှင့် နီးစပ်သူ တဦးက ပြောသည်။
သူက “တချို့ ရပ်ကွက်တွေက ဥက္ကဌတွေက တင်ပြကြတာပေါ့။ အိမ်ခြေ ၂ဝဝ ပဲ ရှိတယ်ဆိုပြီး။ ‘မရဘူး၊ လူ ၅ဝဝ ပြည့်အောင် လိုက်ရမယ်။ ဒါ အမိန့်ပဲ’ လို့ မယက ဥက္ကဌက ပြန်ပြောတယ်” ဟု ဆက်ပြောသည်၊၊
နမ့်ခမ်းဘောလုံးကွင်းအတွင်း လူများကို စုရုံးစေခဲ့ပြီး ဒေသ အာဏာပိုင်များက စစ်အစိုးရ လိုလားသည့် စာတမ်းပါရှိသော ဆိုင်းဘုတ်များကို တရပ်ကွက်လျှင် ၅ ခုစီ ကိုင်ဆောင်ခိုင်းရင်း နံနက် ၇ နာရီခန့်တွင် ဘောလုံးကွင်းမှ မြို့လယ်ခေါင်ရှိ ပွဲများကျင်းပရာ ပန်ပွဲကွင်းပြင်အထိ လမ်းလျှောက် ချီတက်ခိုင်းခြင်း ဖြစ်သည်ဟု နမ့်ခမ်းမြို့သား ကိုအိုက်မွန်က ပြောပြသည်။
“ဘောလုံးကွင်းနဲ့ ပန်ပွဲက သိပ်မဝေးပါဘူး။ လူတန်းနဲ့လျောက်တော့ ၁ နာရီလောက်ကြာတာပေါ့။ ဆိုင်းဘုတ်တွေက သူတို့ရေးချင်တာ လျှောက်ရေးခဲ့တာပေါ့။ အသံလွှင့် ဌာနတွေကို ရှုတ်ချထားတာတွေ ပါတယ်၊ နိုင်ငံရေး ဦးတည်ချက်တွေ ပါတယ်၊ အစုံ လျှောက်ရေးထားတာ။ ဘယ်သူမှ စိတ်မဝင်စားကြဘူး။ ၈ နာရီခွဲလောက်မှာ ပြီးသွားတယ်” ဟု သူက ပြောသည်။
ဆန္ဒပြ ချီတက်ရာတွင် ရှေ့ဆုံးမှ လိုက်ပါလာသည့် ကြံ့ဖွံ့များက နိုင်ငံရေး ဦးတည်ချက်များကို ကြွေးကြော်သံ တိုင်ပေးခဲ့သော်လည်း တက်ရောက်လာသူများက နောက်မှ လိုက်ဆိုခြင်း မရှိဟု ရယကနှင့် နီးစပ်သူ အပြောအရ သိရသည်။
“ရှေ့ဆုံးကတော့ သူတို့ လူတွေပေါ့။ ဒါပေမဲ့ ယူနီဖောင်းတော့ မဝတ်ခိုင်းဘူး။ အားလုံး သာမန် အရပ်ဝတ်နဲ့ပဲ လိုက်ရတယ်။ အဲဒီ နိုင်ငံရေး ဦးတည်ချက်တွေ တိုင်ပေးတယ်၊ လိုက်မဆိုကြပါဘူး” ဟု သူက ပြောသည်။

တိုက်ရိုက် သက်ဆိုင်သူများနှင့် တွေ့သင့်သည်ဟု မစ္စတာ ပီညဲရိုး ကို ပြောဆိုကြ

မဇ္ဈိမသတင်းဌာန
ကုလသမဂ္ဂ လူ့အခွင့်အရေး ကိုယ်စားလှယ် အနေဖြင့် နအဖ စီစဉ်ပေးသည့်အတိုင်း လိုက်မကြည့်ဘဲ လူ့အခွင့်အရေး ချိုးဖောက်ခံရသူများနှင့် လွတ်လပ်စွာ တွေ့ဆုံခွင့် ရမှသာလျှင် ခရီးစဉ်၏ ရည်ရွယ်ချက် အောင်မြင်လိမ့်မည်ဟု အတိုက်အခံများက ပြောဆိုလိုက်သည်။
ကုလ လူ့အခွင့်အရေး စုံစမ်းစစ်ဆေးသူ မစ္စတာပီညဲရိုးသည် ယမန်နေ့က ရန်ကုန်သို့ ရောက်ရှိလာပြီးနောက် နအဖ စစ်အာဏာပိုင်များ၏ စီစဉ်ပေးချက်အရ စက်တင်ဘာ သံဃာလူထု လှုပ်ရှားမှုနှင့် မပတ်သက်သည့် ကြခတ်ဝိုင်း ကျောင်းတိုက်သို့ သွားရောက်ခြင်း၊ ရွှေတိဂုံဘုရား ဂေါပကများနှင့် တွေ့ဆုံခြင်းများ လုပ်ဆောင်ခဲ့သဖြင့် အတိုက်အခံများက ယခုလို ပြောဆိုလိုက်ခြင်း ဖြစ်သည်။
“လူ့အခွင့်အရေး ချိုးဖောက်ခံရတဲ့ နေရာတွေကို တကယ် သွားရတယ်ဆိုရင် မဆိုးပါဘူးဗျာ။ ဒါပေမဲ့ သူတို့ (နအဖ) ပြတဲ့ နေရာတွေကို လျှောက်သွားပြီး သူ့လူတွေနဲ့ တွေ့ပြီးတော့ သူ့စကားတွေကိုပဲ ယုံရတော့မှာပဲ။ ဗမာပြည်မှာ အဲလို ခွဲခြားဆက်ဆံလို့ပဲ အဲဒီ ပြဿနာတွေ ဖြစ်နေတာပဲဗျ” ဟု ပြည်တွင်းမှ လူ့အခွင့်အရေး ကာကွယ် မြင့်တင်သူ ဦးမြင့်အေးက ပြောသည်။
ကျောက်တန်းရဲတပ်ရင်း ၇ တွင် ရက်ပေါင်း ၇ဝ အထိန်းသိမ်းခံခဲ့ရပြီး ယခုလ ၁ ရက်နေ့က ပြန်လွတ်လာသူ ဦးမြင့်အေးက မစ္စတာ ပီညဲရိုး အနေဖြင့် လူ့အခွင့်အရေး ချိုးဖောက်ခံရသူများ၊ လူ့အခွင့်အရေး အကြောင်း အသိပညာ ဖြန့်ဝေမှုကြောင့် ထောင်ကျသွားသူ ဟင်္သာတမှ ကိုမြင့်နိုင်၊ လူ့အခွင့်အရေး လုပ်ဆောင်ခဲ့သဖြင့် လုပ်ကြံ တရားစွဲခံရသူ ပြည်မြို့မှ ကျူရှင်ဆရာ ကိုမင်းမင်း အစရှိသူများ၏ မိသားစုဝင်များနှင့်လည်း တွေ့ဆုံ မေးမြန်း သင့်သည်ဟု ဆက်ပြောသည်။
ထိုင်းနိုင်ငံအခြေစိုက် နိုင်ငံရေး အကျဉ်းသားများ ကာကွယ် စောင့်ရှောက်ရေးအဖွဲ့ (အေအေပီပီ) မှ ကိုတိတ်နိုင်က “အတိုက်အခံတွေက ကျောင်းတိုက်ကို ခဲနဲ့ ဝိုင်းပေါက်ခံရတယ် ဆိုတဲ့ အထောက်အထားတွေ အဲဒီ ကျောင်းတိုက်က ပီညဲရိုးကို ပြချင်တာလား မသိဘူး။ အဲဒါဆိုရင်တော့ ပီညဲရိုး ဖြစ်စေချင်တဲ့၊ လေ့လာချင်နေတဲ့ အရာတွေနဲ့ သူတို့ ပြတာတွေနဲ့က တော်တော်ကို ဆန့်ကျင်ဘက် ဖြစ်သွားပြီ။ ဒါကြောင့် ဒီလိုသာ အစိုးက ကြိုတင် ပြင်ဆင်ထားတဲ့ နေရာတွေကို သွားရောက်မယ် ဆိုလို့ရှိရင် သူ့ခရီးစဉ်ဟာ အောင်မြင်မှာ မဟုတ်ဘူး” ဟု ပြောသည်။
လူ့အခွင့်အရေး ချိုးဖောက်မှု သတင်းများ ထွက်ပေါ်နေရာ မြန်မာပြည်၏ လူ့အခွင့်အရေး အခြေအနေ အမှန်ကို စုံစမ်း လေ့လာလိုပါက နအဖ၏ ဦးဆောင် စီစဉ်ပေးသည်ကို လက်မခံဘဲ ရန်ကုန်အခြေစိုက် ယူအန်ဒီပီ၊ ယူနီဆက်ဖ် အစရှိသည့် ကုလသမဂ္ဂ လက်အောက်ခံ အဖွဲ့အစည်းများ၏ ဦးဆောင် စီစဉ်ပေးမှုကို ရယူပြီး ပူးပေါင်း လုပ်ဆောင်ပြီး ခရီစဉ် ပြီးဆုံးချိန် လူ့အခွင့်အရေး ချိုးဖောက်မှုကို လွတ်လွတ်လပ်လပ် တိုင်းကြားနိုင်မည့် အခင်းအကျင်း တရပ်ကို ဖန်တီးနိုင်ရန်အတွက် ကြိုးစားနိုင်မှသာလျှင် သူ၏ ခရီးစဉ် အောင်မြင်သည်ဟု ပြောနိုင်ကြောင်း ကိုတိတ်နိုင်က ဆက်လက်၍ သုံးသပ်ပြောဆိုသည်။
အမျိုးသား ဒီမိုကရေစီ အဖွဲ့ချုပ် ပြောခွင့်ရပုဂ္ဂိုလ် ဦးဉာဏ်ဝင်းကလည်း မစ္စတာ ပီညဲရိုး အနေဖြင့် စက်တင်ဘာလ အရေးအခင်းမှ ရရှိလာသော အကြိတ်အခဲတခု ပြည်သူလူထု ရင်ထဲတွင် တည်ရှိနေကြောင်း၊ ပီညဲရိုး၏ စုံစမ်းလေ့လာမှုက ထိုအကြိတ်အခဲကို ဖြေရှင်းပေးနိုင်မည်ဟု ယူဆကြောင်း ပြောသည်။
“စက်တင်ဘာ အရေးအခင်းနဲ့ ပတ်သက်ပြီးတော့ လူအများမှာ အကြိတ်အခဲပေါ့နော်။ တကယ် ဖြစ်ပျက်တာနဲ့ အစိုးရက ထုတ်ဖော်တာနဲ့ သိပ်ပြီး ကိုက်ညီမှု မရှိဘူးလို့ လူအများမှာ အကြိတ်အခဲ ရှိတာပေါ့နော်။ အဲဒီတော့ မစ္စတာ ပီညဲရိုးရဲ့ လူ့အခွင့်အရေးဆိုင်ရာ လေ့လာစုံစမ်းမှုက အမှန်တကယ် ဖြစ်ပျက်ခဲ့တာကို လေ့လာ စုံစမ်းခွင့်ရရင် ပြည်သူတွေရဲ့ အကြိတ်အခဲက ကျေနပ်သင့်သလောက် ကျေနပ်သွားမယ်၊ ပြေသင့်သလောက် ပြေသွားမယ်လို့ ထင်ပါတယ်” ဟု ဦးဉာဏ်ဝင်းက ပြောသည်။
မစ္စတာ ပီညဲရိုးသည် သူ၏ ခရီးစဉ် အသေးစိတ်ကို ထုတ်ဖော် ပြောဆိုထားခြင်း မရှိသော်လည်း ယနေ့တွင် အင်းစိန်ထောင်သို့ သွားရောက်ကာ ဆန္ဒပြသဖြင့် အကျဉ်းကျ ခံနေရသူများနှင့် ၂ နာရီကြာ တွေ့ဆုံခဲ့သည်ဟု သတင်းများအရ သိရသည်။

ကုလအရာရှိများက အစိုးရ အကြမ်းဖက် နှိမ်နင်းမှုကို စတင်စုံစမ်း

မဇ္ဈိမသတင်းဌာန

ဘုန်းကြီးကျောင်းတိုက် နှစ်ခုကို ယမန်နေ့က သွားရောက် လည်ပတ်လိုက်ခြင်းအားဖြင့် သူ၏ လေ့လာ စုံစမ်းမှုကို မစ္စတာ ပေါ်လိုဆာဂျီယို ပီညဲရိုးသည် စတင်လိုက်ပြီ ဖြစ်သည်။ စက်တင်ဘာလအတွင်းက အစိုးရမှ အကြမ်းဖက် နှိမ်နင်းမှုကို သူသည် နိုင်ငံရေး အကျဉ်းသားများထံ သွားရောက် လည်ပတ်ရေးနှင့် လူ့အခွင့်အရေး ချိုးဖောက်မှုများကို စုံစမ်း စစ်ဆေးရန် မျှော်လင့်ထားသည်။
ယမန်နေ့က ရန်ကုန်သို့ ရောက်ရှိလာပြီးနောက် မစ္စတာ ပီညဲရိုးသည် ရန်ကုန်မြို့ရှိ မြရိပ်ညိုဟိုတယ်တွင် ဝင်ရောက် တည်းခိုခဲ့သည်။
ရန်ကုန်မြောက်ပိုင်း ပဲခူးမြို့ရှိ ကြခတ်ဝိုင်း ဘုန်းကြီးကျောင်းသို့ သွားရောက်ကာ သူ၏ အချက်အလက် ရှာဖွေရေး ခရီးစဉ်ကို စတင်ခဲ့သည်။ ကျောင်းတိုက် ဆရာတော်ကို တွေ့ဆုံ လျှောက်ထားပြီးနောက် ရွှေတိဂုံဘုရားရှိ အရာရှိများနှင့် အစည်းအဝေး ပြုလုပ်ရန်အတွက် ရန်ကုန်သို့ ပြန်လာသည်ဟု ကုလကျေညာချက် တခုတွင် ပြောထားသည်။ ရွှေတိဂုံဘုရားသည် စက်တင်ဘာ အကြမ်းဖက် နှိမ်နင်းမှုတွင် အစိုးရ ဆန့်ကျင်ရေး ဆန္ဒပြသူများ စုရပ်အဖြစ် စုရုံးခဲ့သည့် နေရာတခု ဖြစ်သည်။
နိုင်ငံတဝှမ်းတွင် သံဃာတော်များ ဦးဆောင်သည့် ငြိမ်းချမ်းစွာ ဆန္ဒပြမှုများကို စစ်တပ်မှ လက်နက်ဖြင့် တုံ့ပြန်မှုတွင် လူ ၁ဝ ဦး သေဆုံးခဲ့သည်ဟု အစိုးရ အရာရှိများက ပြောဆိုခဲ့သည်။ သို့သော် သံတမန်များနှင့် ဒေသခံများကို ဤအရေအတွက်သည် ဖြစ်ရပ်မှန်နှင့် အလှမ်းဝေးလွန်းသည်ဟု ပြောဆိုကြသည်။
နအဖ ပြန်ကြားရေးဝန်ကြီး ဗိုလ်ချုပ်ကျော်ဆန်းက ဆန္ဒပြပွဲများအတွင်း ပါဝင် လုပ်ဆောင်ခဲ့သည်ဟု သံသယ ဖြစ်ဖွယ်ရာ လူပေါင်း ၂၉၂၇ ဦးကို ထိန်းသိမ်းထားသည် ဟုဆိုသည်။ သို့သော် ၉၁ ဦးမှအပ အားလုံး ပြန်လည် လွတ်မြောက်လာခဲ့ပြီ ဟူ၍လည်း ပြောဆိုခဲ့သည်။
အပြည်ပြည်ဆိုင်ရာ လွတ်ငြိမ်း ချမ်းသာခွင့် အဖွဲ့က နိုင်ငံရေး အကျဉ်းသား ၇ဝဝ ခန့် ဆက်လက် ထိန်းသိမ်း ခံထားရဆဲ ဖြစ်သည်ဟု ပြီးခဲ့သည့် သောကြာနေ့က ပြောဆိုခဲ့သည်။
မြန်မာ စစ်အစိုးရများ အပေါ် ရပ်တည်မှု တင်းမာသည် ဘရာဇီး နိုင်ငံသား ပီညဲရိုးသည် အမှန်တရားကို ထုတ်ဖေါ်ရန် ဆန္ဒ ပြင်းပြနေသည်။ သူ့၏ စုံစမ်းစစ်ဆေးမှု ရလဒ်များကို နောက်လတွင် ဂျနီဗာရှိ ကုလသမဂ္ဂ လူ့အခွင့်အရေး ကော်မတီတွင် ပြန်လည် တင်ပြမည် ဖြစ်သည်။
“ကျနော့်ရဲ့ စုံစမ်း စစ်ဆေးမှုများကနေ ကောင်းတဲ့ရလဒ်တွေ ရရှိနိုင်လိမ့်မယ်လို့ မျှော်လင့်ပါတယ်” ဟု သူက တနင်္ဂနွေနေ့တွင် ရန်ကုန်သို့ ရောက်ရှိပြီးနောက် သတင်းထောက်များကို ပြောဆိုခဲ့သည်။ လွန်ခဲ့သည့် ၄ နှစ်ခန့်က မြန်မာပြည်တွင် ရောက်ရှိနေစဉ်က သူသည် ချောမော ပြေပြစ်စွာ သွားလာခွင့် မရခဲ့ပေ။ နိုင်ငံရေး အကျဉ်းသား တဦးနှင့် တွေ့ဆုံ မေးမြန်းစဉ် သူထိုင်နေသည့် စားပွဲအောက်တွင် တပ်ဆင်ထားသော ကြိုးမဲ့ စကားပြောခွက်ကို ရှာဖွေ တွေ့ရှိခဲ့ချိန်တွင် သူ၏ စုံစမ်း စစ်ဆေးမှုများကို ရုတ်ချည်း ရပ်တန့်ပစ်ခဲ့သည်။ ထိုအချိန်ကတည်းက သူ့ကို မြန်မာပြည်တွင်းသို့ ပြန်လည် ဝင်ရောက်ခွင့် မပြုတော့ပေ။
မစ္စတာ ပီညဲရိုးသည် ခရီးစဉ် အသေးစိတ်ကိုမူ ပြောဆိုခြင်း မရှိသော်လည်း ကြာသပတေးနေ့အထိ မြန်မာပြည်တွင် နေထိုင်သွားရန် စီစဉ်ထားသည်။ ယခုတိုင် ဆွေးနွေးမှုများ ပြုလုပ်နေဆဲ ဖြစ်သည်။ သူ၏ လှုပ်ရှားမှုများကို မလိုလားအပ်သော ကန့်သတ်မှုများ ထားရှိလာပါက ပြန်လည် ထွက်ခွါသွားမည်ဟု သူက ပြောသည်။

ကိုသီဟကို တသက်တကျွန်း မချသင့်ဟု ဇနီးသည်နှင့် ရှေ့နေက ပြောဆို

မဇ္ဈိမသတင်းဌာန

လက်ကမ်းစာစောင် ဖြန့်ဝေမှုဖြင့် တသက်တကျွန်း ချမှတ်ခံထားရသည့် မန္တလေးတိုင်း မိတ္ထီလာမြို့ အန်အယ်ဒီ လူငယ် ကိုသီဟကို ပြန်လွှတ်ပေးသင့်ကြောင်း ဇနီးသည်နှင့် အမှုအကျိုးဆောင် ရှေ့နေတို့က ပြောဆို လိုက်ကြသည်။
ပုဒ်မ ၅ဝ၅ (ခ) ငြိမ်ဝပ်ပိပြားမှုကို ထိခိုက်အောင် ပြုမှုခြင်း၊ လှုံ့ဆော်ခြင်း၊ လက်ကမ်းစာစောင်များ ဖြန့်ဝေခြင်းနှင့် ပုဒ်မ ၁၂၄ (က) နိုင်ငံတော်ကို ပုန်ကန်မှုတို့ဖြင့် စွပ်စွဲခံထားရသည့် မိတ္ထီလာ အန်အယ်ဒီ လူငယ် ကိုသီဟကို တသက်တကျွန်း ပြစ်ဒဏ် ချမှတ်ခြင်း မပြုသင့်ကြောင်း ဇနီးသည် ဒေါ်သဲသဲနှင့် အကျိုးဆောင်ရှေ့နေ ဦးမြင့်သွင်တို့က ပြောဆိုလိုက်ကြခြင်း ဖြစ်သည်။
“ကျမအမျိုးသားကို စာရွက်ကလေး တွေ့တာနဲ့ ဘာမှ လက်နက် ကိုင်ဆောင်မှုလည်း မရှိဘဲနဲ့ ဒီလောက်ကြီးထိ ချပစ်တာ။ တကယ့်ကို တရားမဝင်ပါဘူး။ ကျန်တာတော့ မသိပါဘူး၊ ကိုယ်က လူငယ်လည်း လူငယ် ဆိုတော့လေ။ ကျမကတော့ သူ့ကို ဒီလိုချပစ်တာ စိတ်မကောင်းဘူးပေါ့နော်။ ကျမယောက်ျား ဒီလိုဖြစ်တဲ့ အပေါ်မှာ နိုင်ငံနဲ့ လူမျိုး အတွက် လုပ်တာမို့လို့ မညိုညင်ဘူး၊ ဂုဏ်လည်း ယူပါတယ် ပေါ့နော်။ စာရွက် ကလေးအတွက်နဲ့ ဒီလောက်ကြီး ချပစ်တာကိုပဲ စဉ်းစားပြီး စိတ်မကောင်း ဖြစ်မိတယ်” ဟု ဇနီးဖြစ်သူ ဒေါ်သဲသဲ (၂၄ နှစ်) က ပြောဆိုသည်။
အန်အယ်ဒီလူငယ် ကိုသီဟနှင့် ကိုတင်ကိုတို့သည် ကုန်ဈေးနှုန်းနှင့် လောင်စာဆီ ဈေးနှုန်း ကျဆင်းရေး ဆန္ဒပြပွဲများ ဖြစ်ပွားနေစဉ် စက်တင်ဘာလ ၇ ရက်နေ့က မန္တလေးမြို့ရှိ မန္တလေးတိုင်း မြို့နယ်ပေါင်းစုံ အစည်းအဝေးမှ အပြန် ‘ကျောင်းသားရှိရင် သမဂ္ဂ ရှိရမယ်၊ ပြည်သူတွေ နိုးထတော့’ ဟူသည့် စာရွက်များကို ဖမ်းဆီးရမိရာမှ စက်တင်ဘာလ ၁၇ ရက်နေ့တွင် အာဏာပိုင်များဘက်မှ ရှေ့နေနှင့် သက်သေများ ခေါ်လာပြီး စစ်ခုံရုံးမှ ကမန်းကတန်း စီရင်ချက် ချခဲ့ခြင်း ဖြစ်သည်။
အမှုအတွက် လိုက်လံ ဆောင်ရွက်ပေးနေသူ ရှေ့နေ ဦးမြင့်သွင်က “ဥပဒေဟာ တန်ဖိုး ထားရမယ့် အရာပါ၊ ဥပဒေအရ တကယ်ခိုင်မာတဲ့ အပြစ်ရှိရင် ပြစ်ဒဏ်အရ ခံရမှာပါ၊ နိုင်ငံရေး လုပ်လို့ပါ ဆိုပြီး ဥပဒေနဲ့ နိုင်ထက်စီးနင်း ဖိနှိပ်တာကတော့ မဖြစ်သင့်ပါဘူး။ ဥပမာ ကိုသီဟ အမှုမှာဆိုရင် ဖြစ်ဖြစ်ချင်း ပါဝါတင်ခွင့်၊ အမှုလိုက်ခွင့် မရခဲ့ပါဘူး။ အခုမှ ပြန်ပြီး ပါဝါတင်ခွင့် ပြုတယ်၊ အယူခံ ပြန်ဝင်ရပါမယ်။ သူက စာရွက်ဖြန့်ဝေတဲ့ ၅ဝ၅ (ခ) နဲ့တော့ ကျသင့်တာ မှန်ပေမယ့် ၁၂၄ (က) နဲ့ တသက်တကျွန်း ချထားတာကတော့ လွန်ပါတယ်။ အလွန်အကျွံ သူတို့ချရင် ၅ဝ၅ (ခ)နဲ့ ၂ နှစ် ဒီထက်ပိုပြီး မချသင့်ပါဘူး” ဟု ပြောသည်။
ကိုသီဟသည် တိုင်းရင်းဆေး ပညာဖြင့် အရိုးအထူးကုကာ ဆေးရောင်းချပြီး ဇနီးသည်၊ ယောက္ခမနှင့် ခယ်မ နှစ်ဦးကို ရှာဖွေ စောင့်ရှောက်နေရသူ ဖြစ်ကာ ဇနီးသည် မသဲသဲသည် ယခုအခါ ကိုယ်ဝန် ၆ လ လွယ်ထားရကြောင်း သိရသည်။
မသဲသဲက “အခုထိတော့ သူ့ဆေးဆိုင်ကို ဖွင့်ထားပြီး ဆေးဝယ်ချင်တဲ့ သူတွေကို ဆေးတွေ ရောင်းပေးတာပေါ့နော်။ ဒါပဲ လုပ်နေရတာ။ ကိုသီဟကပဲ ကုတတ်တာလေ။ သူက တိုင်းရင်းဆေး အရိုး အထူးကုတာပါ။ ကျမတို့က ဆေးပေးတာပဲ တတ်တာ။ ရှေ့ဆက် ဘယ်လိုနေရမလဲ ဆိုတာ မသိတော့ပါဘူး” ဟု ပြောသည်။
ပြီးခဲ့သည့် ၉ ရက် (သောကြာနေ့) က အင်းစိန်ထောင်ရှိ ခင်ပွန်းသည်ကို ထောင်ဝင်စာ တွေ့ခဲ့ပြီး ဒုထောင်ပိုင် ကိုလည်း ကိုသီဟ လွတ်မြောက်ရေးအတွက် အကူအညီ တောင်းခံခဲ့သည်ဟု သူက ယခုလို ဆက်ပြောသည်။
“အင်းစိန်ထောင်က ဒုထောင်ပိုင်ကို လှမ်းပြီးတော့ အကူအညီ တောင်းထားပါတယ်။ သူကတော့ ရရင် လုပ်ပေးပါ့မယ်တဲ့။ ကျမကတော့ မျှော်လင့်ထား၊ လုပ်ထားသလို သူ့ကို အမြန်ဆုံး ပြန်လွတ်စေချင်တာပေါ့။ ကိုယ်ဝန်ကလည်း ၆ လထဲမှာဆိုတော့ နောက် ၃ လလောက်ဆိုရင် မွေးမှာဆိုတော့ သူ့ကို အနားမှာ ရှိစေချင်ပါတယ်” ဟု သူက ပြောသည်။
ထောင်ဝင်စာတွေ့သည့် နေ့မှာပင် ကိုသီဟအတွက် ရှေ့နေ ဦးမြင့်သွင်က အယူခံစာ တင်သွင်းခဲ့သည်ဟု သိရသည်။
ယခုအချိန်တွင် အန်အယ်ဒီ ခေါင်းဆောင် ဒေါ်အောင်ဆန်းစုကြည်နှင့် အစိုးရ အကြီးအကဲအကြား ဆက်သွယ် ဆောင်ရွက်ရန်အတွက် ဆက်သွယ်ရေးဝန်ကြီး ဦးအောင်ကြည်ကို ခန့်အပ်ထားပြီး၊ ပြီးခဲ့သည့် ၉ ရက်နေ့ကပင် ဒေါ်အောင်ဆန်းစုကြည်နှင့် အန်အယ်ဒီ အလုပ်အမှုဆောင် ၄ ဦးတို့ တွေ့ဆုံခွင့်ရသဖြင့် ကိုသီဟကိုလည်း ပြစ်ဒဏ် လျှော့ပေါ့မှုများ ပြုလုပ်နိုင်သည်ဟု မိတ္ထီလာ အန်အယ်ဒီ အဖွဲ့ဝင်များက ယူဆနေကြသည်။
ရှေ့နေ ဦးမြင့်သွင်ကမူ “ဥပဒေ လမ်းကြောင်းမှာ တရားမျှတတယ်၊ အယုတ်အလတ် မရွေးပါဘူး။ ဆင်းရဲသည် ဖြစ်စေ၊ ချမ်းသာသည် ဖြစ်သည်၊ နိုင်ငံရေးသမား ဖြစ်ဖြစ်၊ အရပ်သမားဖြစ်ဖြစ်၊ အားလုံး မျှမျှတတဘဲ ဖြစ်သင့်ပါတယ်။ နိုင်ငံရေးသမား ဆိုပြီး ဥပဒေကို အလွှဲသုံးစား လုပ်ပြီး ဖိနှိပ်တာတော့ မဖြစ်သင့်ဘူးလို့ ကျနော် ထင်ပါတယ်။ အပြစ်တခု ရှိတယ်ဆိုရင် ဥပဒေရဲ့ အကာအကွယ်ကို ရသင့်ပါတယ်။ သူ့မှာ အပြစ်ရှိလို့ ရှိရင်လည်း ဥပဒေနဲ့ညီတဲ့ မျှတတဲ့ အပြစ်ပဲ ပေးသင့်ပါတယ်။ နိုင်ငံရေး လုပ်တဲ့သူမို့ ဥပဒေကို အလွှဲသုံးစား လုပ်ပြီး ဖိနှိပ်တာမျိုးတော့ မဖြစ်သင့်ဘူး” ဟု ပြောဆိုလိုက်သည်။

ကုလအရာရှိများက အစိုးရ အကြမ်းဖက် နှိမ်နင်းမှုကို စတင်စုံစမ်း

မဇ္ဈိမသတင်းဌာန
ဘုန်းကြီးကျောင်းတိုက် နှစ်ခုကို ယမန်နေ့က သွားရောက် လည်ပတ်လိုက်ခြင်းအားဖြင့် သူ၏ လေ့လာ စုံစမ်းမှုကို မစ္စတာ ပေါ်လိုဆာဂျီယို ပီညဲရိုးသည် စတင်လိုက်ပြီ ဖြစ်သည်။ စက်တင်ဘာလအတွင်းက အစိုးရမှ အကြမ်းဖက် နှိမ်နင်းမှုကို သူသည် နိုင်ငံရေး အကျဉ်းသားများထံ သွားရောက် လည်ပတ်ရေးနှင့် လူ့အခွင့်အရေး ချိုးဖောက်မှုများကို စုံစမ်း စစ်ဆေးရန် မျှော်လင့်ထားသည်။
ယမန်နေ့က ရန်ကုန်သို့ ရောက်ရှိလာပြီးနောက် မစ္စတာ ပီညဲရိုးသည် ရန်ကုန်မြို့ရှိ မြရိပ်ညိုဟိုတယ်တွင် ဝင်ရောက် တည်းခိုခဲ့သည်။
ရန်ကုန်မြောက်ပိုင်း ပဲခူးမြို့ရှိ ကြခတ်ဝိုင်း ဘုန်းကြီးကျောင်းသို့ သွားရောက်ကာ သူ၏ အချက်အလက် ရှာဖွေရေး ခရီးစဉ်ကို စတင်ခဲ့သည်။ ကျောင်းတိုက် ဆရာတော်ကို တွေ့ဆုံ လျှောက်ထားပြီးနောက် ရွှေတိဂုံဘုရားရှိ အရာရှိများနှင့် အစည်းအဝေး ပြုလုပ်ရန်အတွက် ရန်ကုန်သို့ ပြန်လာသည်ဟု ကုလကျေညာချက် တခုတွင် ပြောထားသည်။ ရွှေတိဂုံဘုရားသည် စက်တင်ဘာ အကြမ်းဖက် နှိမ်နင်းမှုတွင် အစိုးရ ဆန့်ကျင်ရေး ဆန္ဒပြသူများ စုရပ်အဖြစ် စုရုံးခဲ့သည့် နေရာတခု ဖြစ်သည်။
နိုင်ငံတဝှမ်းတွင် သံဃာတော်များ ဦးဆောင်သည့် ငြိမ်းချမ်းစွာ ဆန္ဒပြမှုများကို စစ်တပ်မှ လက်နက်ဖြင့် တုံ့ပြန်မှုတွင် လူ ၁ဝ ဦး သေဆုံးခဲ့သည်ဟု အစိုးရ အရာရှိများက ပြောဆိုခဲ့သည်။ သို့သော် သံတမန်များနှင့် ဒေသခံများကို ဤအရေအတွက်သည် ဖြစ်ရပ်မှန်နှင့် အလှမ်းဝေးလွန်းသည်ဟု ပြောဆိုကြသည်။
နအဖ ပြန်ကြားရေးဝန်ကြီး ဗိုလ်ချုပ်ကျော်ဆန်းက ဆန္ဒပြပွဲများအတွင်း ပါဝင် လုပ်ဆောင်ခဲ့သည်ဟု သံသယ ဖြစ်ဖွယ်ရာ လူပေါင်း ၂၉၂၇ ဦးကို ထိန်းသိမ်းထားသည် ဟုဆိုသည်။ သို့သော် ၉၁ ဦးမှအပ အားလုံး ပြန်လည် လွတ်မြောက်လာခဲ့ပြီ ဟူ၍လည်း ပြောဆိုခဲ့သည်။
အပြည်ပြည်ဆိုင်ရာ လွတ်ငြိမ်း ချမ်းသာခွင့် အဖွဲ့က နိုင်ငံရေး အကျဉ်းသား ၇ဝဝ ခန့် ဆက်လက် ထိန်းသိမ်း ခံထားရဆဲ ဖြစ်သည်ဟု ပြီးခဲ့သည့် သောကြာနေ့က ပြောဆိုခဲ့သည်။
မြန်မာ စစ်အစိုးရများ အပေါ် ရပ်တည်မှု တင်းမာသည် ဘရာဇီး နိုင်ငံသား ပီညဲရိုးသည် အမှန်တရားကို ထုတ်ဖေါ်ရန် ဆန္ဒ ပြင်းပြနေသည်။ သူ့၏ စုံစမ်းစစ်ဆေးမှု ရလဒ်များကို နောက်လတွင် ဂျနီဗာရှိ ကုလသမဂ္ဂ လူ့အခွင့်အရေး ကော်မတီတွင် ပြန်လည် တင်ပြမည် ဖြစ်သည်။
“ကျနော့်ရဲ့ စုံစမ်း စစ်ဆေးမှုများကနေ ကောင်းတဲ့ရလဒ်တွေ ရရှိနိုင်လိမ့်မယ်လို့ မျှော်လင့်ပါတယ်” ဟု သူက တနင်္ဂနွေနေ့တွင် ရန်ကုန်သို့ ရောက်ရှိပြီးနောက် သတင်းထောက်များကို ပြောဆိုခဲ့သည်။ လွန်ခဲ့သည့် ၄ နှစ်ခန့်က မြန်မာပြည်တွင် ရောက်ရှိနေစဉ်က သူသည် ချောမော ပြေပြစ်စွာ သွားလာခွင့် မရခဲ့ပေ။ နိုင်ငံရေး အကျဉ်းသား တဦးနှင့် တွေ့ဆုံ မေးမြန်းစဉ် သူထိုင်နေသည့် စားပွဲအောက်တွင် တပ်ဆင်ထားသော ကြိုးမဲ့ စကားပြောခွက်ကို ရှာဖွေ တွေ့ရှိခဲ့ချိန်တွင် သူ၏ စုံစမ်း စစ်ဆေးမှုများကို ရုတ်ချည်း ရပ်တန့်ပစ်ခဲ့သည်။ ထိုအချိန်ကတည်းက သူ့ကို မြန်မာပြည်တွင်းသို့ ပြန်လည် ဝင်ရောက်ခွင့် မပြုတော့ပေ။
မစ္စတာ ပီညဲရိုးသည် ခရီးစဉ် အသေးစိတ်ကိုမူ ပြောဆိုခြင်း မရှိသော်လည်း ကြာသပတေးနေ့အထိ မြန်မာပြည်တွင် နေထိုင်သွားရန် စီစဉ်ထားသည်။ ယခုတိုင် ဆွေးနွေးမှုများ ပြုလုပ်နေဆဲ ဖြစ်သည်။ သူ၏ လှုပ်ရှားမှုများကို မလိုလားအပ်သော ကန့်သတ်မှုများ ထားရှိလာပါက ပြန်လည် ထွက်ခွါသွားမည်ဟု သူက ပြောသည်။

တိုက်ရိုက် သက်ဆိုင်သူများနှင့် တွေ့သင့်သည်ဟု မစ္စတာ ပီညဲရိုး ကို ပြောဆိုကြ

မဇ္ဈိမသတင်းဌာန

ကုလသမဂ္ဂ လူ့အခွင့်အရေး ကိုယ်စားလှယ် အနေဖြင့် နအဖ စီစဉ်ပေးသည့်အတိုင်း လိုက်မကြည့်ဘဲ လူ့အခွင့်အရေး ချိုးဖောက်ခံရသူများနှင့် လွတ်လပ်စွာ တွေ့ဆုံခွင့် ရမှသာလျှင် ခရီးစဉ်၏ ရည်ရွယ်ချက် အောင်မြင်လိမ့်မည်ဟု အတိုက်အခံများက ပြောဆိုလိုက်သည်။
ကုလ လူ့အခွင့်အရေး စုံစမ်းစစ်ဆေးသူ မစ္စတာပီညဲရိုးသည် ယမန်နေ့က ရန်ကုန်သို့ ရောက်ရှိလာပြီးနောက် နအဖ စစ်အာဏာပိုင်များ၏ စီစဉ်ပေးချက်အရ စက်တင်ဘာ သံဃာလူထု လှုပ်ရှားမှုနှင့် မပတ်သက်သည့် ကြခတ်ဝိုင်း ကျောင်းတိုက်သို့ သွားရောက်ခြင်း၊ ရွှေတိဂုံဘုရား ဂေါပကများနှင့် တွေ့ဆုံခြင်းများ လုပ်ဆောင်ခဲ့သဖြင့် အတိုက်အခံများက ယခုလို ပြောဆိုလိုက်ခြင်း ဖြစ်သည်။
“လူ့အခွင့်အရေး ချိုးဖောက်ခံရတဲ့ နေရာတွေကို တကယ် သွားရတယ်ဆိုရင် မဆိုးပါဘူးဗျာ။ ဒါပေမဲ့ သူတို့ (နအဖ) ပြတဲ့ နေရာတွေကို လျှောက်သွားပြီး သူ့လူတွေနဲ့ တွေ့ပြီးတော့ သူ့စကားတွေကိုပဲ ယုံရတော့မှာပဲ။ ဗမာပြည်မှာ အဲလို ခွဲခြားဆက်ဆံလို့ပဲ အဲဒီ ပြဿနာတွေ ဖြစ်နေတာပဲဗျ” ဟု ပြည်တွင်းမှ လူ့အခွင့်အရေး ကာကွယ် မြင့်တင်သူ ဦးမြင့်အေးက ပြောသည်။
ကျောက်တန်းရဲတပ်ရင်း ၇ တွင် ရက်ပေါင်း ၇ဝ အထိန်းသိမ်းခံခဲ့ရပြီး ယခုလ ၁ ရက်နေ့က ပြန်လွတ်လာသူ ဦးမြင့်အေးက မစ္စတာ ပီညဲရိုး အနေဖြင့် လူ့အခွင့်အရေး ချိုးဖောက်ခံရသူများ၊ လူ့အခွင့်အရေး အကြောင်း အသိပညာ ဖြန့်ဝေမှုကြောင့် ထောင်ကျသွားသူ ဟင်္သာတမှ ကိုမြင့်နိုင်၊ လူ့အခွင့်အရေး လုပ်ဆောင်ခဲ့သဖြင့် လုပ်ကြံ တရားစွဲခံရသူ ပြည်မြို့မှ ကျူရှင်ဆရာ ကိုမင်းမင်း အစရှိသူများ၏ မိသားစုဝင်များနှင့်လည်း တွေ့ဆုံ မေးမြန်း သင့်သည်ဟု ဆက်ပြောသည်။
ထိုင်းနိုင်ငံအခြေစိုက် နိုင်ငံရေး အကျဉ်းသားများ ကာကွယ် စောင့်ရှောက်ရေးအဖွဲ့ (အေအေပီပီ) မှ ကိုတိတ်နိုင်က “အတိုက်အခံတွေက ကျောင်းတိုက်ကို ခဲနဲ့ ဝိုင်းပေါက်ခံရတယ် ဆိုတဲ့ အထောက်အထားတွေ အဲဒီ ကျောင်းတိုက်က ပီညဲရိုးကို ပြချင်တာလား မသိဘူး။ အဲဒါဆိုရင်တော့ ပီညဲရိုး ဖြစ်စေချင်တဲ့၊ လေ့လာချင်နေတဲ့ အရာတွေနဲ့ သူတို့ ပြတာတွေနဲ့က တော်တော်ကို ဆန့်ကျင်ဘက် ဖြစ်သွားပြီ။ ဒါကြောင့် ဒီလိုသာ အစိုးက ကြိုတင် ပြင်ဆင်ထားတဲ့ နေရာတွေကို သွားရောက်မယ် ဆိုလို့ရှိရင် သူ့ခရီးစဉ်ဟာ အောင်မြင်မှာ မဟုတ်ဘူး” ဟု ပြောသည်။
လူ့အခွင့်အရေး ချိုးဖောက်မှု သတင်းများ ထွက်ပေါ်နေရာ မြန်မာပြည်၏ လူ့အခွင့်အရေး အခြေအနေ အမှန်ကို စုံစမ်း လေ့လာလိုပါက နအဖ၏ ဦးဆောင် စီစဉ်ပေးသည်ကို လက်မခံဘဲ ရန်ကုန်အခြေစိုက် ယူအန်ဒီပီ၊ ယူနီဆက်ဖ် အစရှိသည့် ကုလသမဂ္ဂ လက်အောက်ခံ အဖွဲ့အစည်းများ၏ ဦးဆောင် စီစဉ်ပေးမှုကို ရယူပြီး ပူးပေါင်း လုပ်ဆောင်ပြီး ခရီစဉ် ပြီးဆုံးချိန် လူ့အခွင့်အရေး ချိုးဖောက်မှုကို လွတ်လွတ်လပ်လပ် တိုင်းကြားနိုင်မည့် အခင်းအကျင်း တရပ်ကို ဖန်တီးနိုင်ရန်အတွက် ကြိုးစားနိုင်မှသာလျှင် သူ၏ ခရီးစဉ် အောင်မြင်သည်ဟု ပြောနိုင်ကြောင်း ကိုတိတ်နိုင်က ဆက်လက်၍ သုံးသပ်ပြောဆိုသည်။
အမျိုးသား ဒီမိုကရေစီ အဖွဲ့ချုပ် ပြောခွင့်ရပုဂ္ဂိုလ် ဦးဉာဏ်ဝင်းကလည်း မစ္စတာ ပီညဲရိုး အနေဖြင့် စက်တင်ဘာလ အရေးအခင်းမှ ရရှိလာသော အကြိတ်အခဲတခု ပြည်သူလူထု ရင်ထဲတွင် တည်ရှိနေကြောင်း၊ ပီညဲရိုး၏ စုံစမ်းလေ့လာမှုက ထိုအကြိတ်အခဲကို ဖြေရှင်းပေးနိုင်မည်ဟု ယူဆကြောင်း ပြောသည်။
“စက်တင်ဘာ အရေးအခင်းနဲ့ ပတ်သက်ပြီးတော့ လူအများမှာ အကြိတ်အခဲပေါ့နော်။ တကယ် ဖြစ်ပျက်တာနဲ့ အစိုးရက ထုတ်ဖော်တာနဲ့ သိပ်ပြီး ကိုက်ညီမှု မရှိဘူးလို့ လူအများမှာ အကြိတ်အခဲ ရှိတာပေါ့နော်။ အဲဒီတော့ မစ္စတာ ပီညဲရိုးရဲ့ လူ့အခွင့်အရေးဆိုင်ရာ လေ့လာစုံစမ်းမှုက အမှန်တကယ် ဖြစ်ပျက်ခဲ့တာကို လေ့လာ စုံစမ်းခွင့်ရရင် ပြည်သူတွေရဲ့ အကြိတ်အခဲက ကျေနပ်သင့်သလောက် ကျေနပ်သွားမယ်၊ ပြေသင့်သလောက် ပြေသွားမယ်လို့ ထင်ပါတယ်” ဟု ဦးဉာဏ်ဝင်းက ပြောသည်။
မစ္စတာ ပီညဲရိုးသည် သူ၏ ခရီးစဉ် အသေးစိတ်ကို ထုတ်ဖော် ပြောဆိုထားခြင်း မရှိသော်လည်း ယနေ့တွင် အင်းစိန်ထောင်သို့ သွားရောက်ကာ ဆန္ဒပြသဖြင့် အကျဉ်းကျ ခံနေရသူများနှင့် ၂ နာရီကြာ တွေ့ဆုံခဲ့သည်ဟု သတင်းများအရ သိရသည်။

ဗိုလ်သန်းရွှေသမီး ဆင်ထားလိုက်တာ ခရစ်စမတ်သစ်ပင်လိုပဲ

အင်တာဗျူး မဇ္ဈိမသတင်းဌာန Thursday, 01 November 2007 18:52 - မြန်မာစံတော်ချိန် Article Indexဗိုလ်သန်းရွှေသမီး ဆင်ထားလိုက်တာ ခရစ်စမတ်သစ်ပင်လိုပဲ
Page 1 of 3
တင်ပလိပ်၊ ဂျက်ဖရီကိုးလ် တို့နှင့် လီကွမ်းယူ အင်တာဗျူး
စင်ကာပူ၏ ပထမဆုံးဝန်ကြီးချုပ် က တရုပ်ပြည်၊ အမေရိကန် နှင့် နိုင်ငံတကာ နိုင်ငံရေးကို၎င်း၊ စင်္ကာပူ ကဲ့သို့သော အာရှ နိုင်ငံများနှင့် ကမ္ဘာတဝှမ်းတွင် ဖြစ်ပေါ်လာမည့် မီဒီယာ၏ အနာဂါတ်နှင့် ပတ်သက်၍၎င်း ပြောဆို သွားခဲ့ပါသည်။ မေးမြန်းသူ - တင်ပလိတ်ပစိဖိတ်ပါစပက်တစ် ပင်တိုင်ဆောင်းပါးရှင်၉ အောက်တိုဘာ ၂ဝဝ၇။
အောက်တွင် ဖေါ်ပြထားသည်မှာ ဂုရုဝန်ကြီး Minister Mentor (ခေတ်သစ် စင်္ကာပူကို တည်ထောင်သူကို ယခုအခါ ခေါ်ဆိုသောအမည်) နှင့် ဆွေးနွေး မေးမြန်းချက် အပြည့်အစုံ ဖြစ်ပါသည်။ သူ့ကို တင်ပလိတ် (Tim Plate of UCLA Media Centre) နှင့် ဂျက်ဖရီကိုးလ် (Jeffery Cole of the USC Annenberg School Centre for the Digital Future) တို့က ၂၇ စက်တင်ဘာ ၂ဝဝ၇ တွင် စင်္ကာပူနိုင်ငံ အစ်တာနာ (Istana) ရှိ ဝန်ကြီး၏ ကိုယ်ပိုင်ရုံးခန်းတွင် သွားရောက် တွေ့ဆုံခဲ့ခြင်း ဖြစ်ပါသည်။ မေး။ ကျန်းမာပါရဲ့လားခင်ဗျာ။ဖြေ။ အသက်ကြီးတဲ့ လူတွေအားလုံး ကြုံရသလိုတော့ ရှိတာပေါ့ဗျာ၊ အသက် ၈ဝ ကျော်လာရင် တောင်တက်ခရီးလိုပါဘဲ။ မေး။ ခင်ဗျားကတော့ ခုထိ အနားမယူသေးဘူးနော်။ဖြေ။ စာလေးဖတ်လိုက်၊ ဂေါက်လေး ရိုက်လိုက်ပဲ လုပ်တော့မယ် ဆိုပြီး အနားယူမယ် ဆိုရင်တော့ ကျနော်ထင်တယ်၊ ခင်ဗျားဟာ တစတစ ယိုယွင်းသွားမှာပဲ။မေး။ အနားယူ ဂေါက်ရိုက်တဲ့ လူတွေပဲ ဒီလိုလူတွေဘဲ သေကြတယ်ဆိုတာ ကြီးကြီးမားမား ဆက်စပ်မှု ရှိလို့လား၊ ဂေါက်မရိုက် အနားမယူရင်ကော ဘာဖြစ်မလဲ။ဖြေ။ ခင်ဗျားမှာ ဒါလောက်လေးတင်မက လုပ်စရာ အလုပ်တခုခု ရှိကို ရှိနေရမယ်။ မနက် အိပ်ယာက ထတာနဲ့ ဒီနေ့ အတွက် တန်ဘိုးရှိတာ တခု ဘာလုပ်ရင် ကောင်းမလဲ ဆိုတာမျိုး စိတ်ထဲမှာ ရှိရမယ်။ ကမ်းခြေပတ် လမ်းလျှောက်လိုက်၊ အိပ်ယာပေါ် လှဲနေလိုက်တော့ မဖြစ်ရဘူး၊ ကမ်းခြေပတ် လမ်းလျှောက်ပြီးပြီ ဆိုရင် ခင်ဗျားမှာ လုပ်စရာအလုပ် မရှိတော့ဘူးလေ။ မေး။ အခုလို ပျားပန်းခတ် စည်ကားနေတဲ့ စင်္ကာပူလို မြို့ကြီးမှာ ရောက်နေရတာ တကယ့်ကို ဟန်ကျပေတာပဲဗျာ။ဖြေ။ ကံကောင်းတာပါဗျာ။ ၆ဝ % က အလုပ်ကို ကြိုးကြိုးစားစား လုပ်ခဲ့တာ၊ ကျန်တဲ့ ၄ဝ % က ကံကောင်းတာပါ။ ၆ဝ % လို့ ဘာလို့ ပြောသလဲဆိုတော့ ကျနော်တို့ တကယ့်ကို အကျဉ်းအကြပ်တွေနဲ့ ကြုံခဲ့ရတာဗျ။ စစချင်း အာရှ အကြပ်အတည်းနဲ့ တိုးတယ်၊ ပြီးတော့ ဆားစ်ရောဂါ၊ ပြီးတော့ တခုပြီးတခု၊ အခုတော့ ကျနော်တို့ လမ်းကြောင်းမှန်ပေါ် ပြန်ရောက်နေပါပြီ။ အခုကြည့်လိုက်ရင် တရုတ်က ကြီးထွား လာနေတယ်၊ အိန္ဒိယက နောက်က လိုက်လာနေပြီ။ ကျနော် တို့က သူတို့ ၂ နိုင်ငံရဲ့ လမ်းဆုံလမ်းခွမှာ ရောက်နေတာ၊ သူတို့ရှေ့က သွားနေတာကို နောက်က လေစုန်နဲ့ မျှောလိုက်နေတာ။ ဒါပေမဲ့ ကျနော်တို့ရဲ့ အခြေခံတွေ အားလုံး၊ အဆက်အသွယ်တွေ အားလုံးကိုတော့ ခိုင်မာအောင် မြဲမြံအောင် လုပ်ထားတယ်၊ အမေရိကန်၊ ဥရောပ၊ ဂျပန် စတာတွေပေါ့ဗျာ။ မေး။ ခင်ဗျားက တိုင်ဝမ်နဲ့လဲ ဆက်ဆံရေး ကောင်းတယ်နော်။ ဖြေ။ ဒါအရေးကြီးတာပေါ့။ ဒါက ကျနော်တို့ အတိတ်၊ ခေတ်ဟောင်းရဲ့ အစိတ်အပိုင်း တရပ်။ မေး။ လုပ်ရတာတော့ လွယ်မှာ မဟုတ်ဘူးနော်။ဖြေ။ ခုထိလဲ ခက်တုံးပါဘဲဗျာ၊ ဒါပေမဲ့ ကိစ္စမရှိပါဘူး။ ဒီအခြေအနေ အချက်အလက်တွေ အကုန်လုံးက သူတို့နဲ့ ဆက်ဆံရေး တည်ထောင်စဉ်က ထားခဲ့တဲ့ အခြေခံ အချက်တွေဆိုတာ ပြည်မကြီးက သိပါတယ်။ မေး။ အာရှ အမေရိကန်နဲ့ ပတ်သက်လို့ ကျနော် ပင်တိုင်ဆောင်းပါးတွေ စရေးတဲ့ လွန်ခဲ့တဲ့ ၁ဝ နှစ်လောက်တုံးက ခင်ဗျားကို မေးခွန်းတခု မေးဖူးတယ်နော်။ ကျနော့်ရဲ့ ပထမဆုံး မေးခွန်းပေါ့။ အာရှမှာ အမေရိကန်ရဲ့ အခန်းကဏ္ဍနဲ့ ပတ်သက်လို့ အမေရိကန် လူထုကို ခင်ဗျား ဘာများ ပြောချင်ပါသလဲလို့ မေးခဲ့တာ။ ခင်ဗျား မိနစ် အနည်းငယ်လောက် စဉ်းစားပြီး ပြန်ဖြေခဲ့တာလေ။ “အမေရိကန် လူထုကို ပြောလိုက်ပါ၊ အမေရိကဟာ တရုတ်နဲ့ ဆက်ကို ဆက်ဆံရမယ်။ ဘာလို့လဲဆိုတော့ ဒီဆက်ဆံရေးက မှန်ကန်မှ အာရှမှာရှိတဲ့ လူတိုင်းကို အကျိုးရှိစေမှာ။ မမှန်ဘူးဆိုရင် ပြဿနာတွေ ဖြစ်လာမှာဘဲ” ကျနော်တို့အခု အဲဒီ ဆက်ဆံရေးက မှန်သလား မှားသလားဗျ၊ ဘယ်လိုလဲ။ ဖြေ။ ကျနော် ထင်တာတော့ မဆိုးလှပါဘူး။ ဆက်ဆံရေး မကောင်းတာ ရှိခဲ့လည်း ကွန်ဂရက် လွှတ်တော်ထဲမှာ ဆင်ခြေ ရှာနေချင်တဲ့ လူတွေတော့ ရှိမှာဘဲ။ တရုတ် ငွေလဲနှုန်းကြောင့် တရားမမျှတတဲ့ အခြေအနေ ဖြစ်ပေါ် စေတယ်လို့ ယုံကြည်တာမျိုးပေါ့။ မှန်ပါတယ်၊ တရုတ်က သူ့ငွေကြေးကို ၁ဝ၊ ၁၅ % လောက်အထိ မြှင့်သင့်ပါတယ်။ ဒါပေမယ့် ဒါလောက်နဲ့လဲ မရဘူးလေ။ ဒါလေးနဲ့လဲ ပြဿနာက ပြေလည်သွားမှာ မဟုတ်ဘူး။ ဒါကိုမြန်မြန် ချက်ချင်း လုပ်လိုက်ရင် သူတို့အတွက် ပြဿနာတွေ ဖြစ်လာမှာ။ ဒါပေမဲ့ ဖြေးဖြေးချင်း လုပ်ရင်တော့ ပြဿနာ ရှိမယ်မထင်ဘူး။ မေး။ သူတို့ ဒီလို လုပ်နိုင်ခြေကော ရှိလို့လား။ဖြေ။ သူတို့ ဖြေးဖြေးတော့ လုပ်မှာပါ။ သူတို့က အလုပ်လက်မဲ့ ပြဿနာကို ကြောက်တယ်။ ဂျပန်မှာ စက်ရုံတွေ နေရာရွှေ့တော့ ကြုံခဲ့ရတဲ့ ပြဿနာမျိုးကို ကြောက်တယ်။ ဘိနပ်ချုပ်တဲ့ လုပ်ငန်းဖြစ်ဖြစ်၊ အထည်ချုပ်တဲ့ လုပ်ငန်းဖြစ်ဖြစ် ဘာပဲဖြစ်ဖြစ် အဆင့်နိမ့် လုပ်ငန်းလေးတေ ရှိနေဘို့ သူတို့အတွက် လိုတယ်။ ဒီစက်ရုံတွေ ရွှေ့ရမယ်၊ ပြောင်းရမယ် ဆိုရင် သူတို့အတွက် အလုပ်လက်မဲ့ ပြဿနာ ရှိလာမှာ။ ဒါသူတို့အတွက် တကယ့် ပြဿနာကြီး။ အခုလို အဆင့်မြင့်ဈေးကွက် ကို သူတို့ လှမ်းနေတဲ့ အချိန်မှာ ဒီဟာကို သူတို့ သိပ်ကြောက်တာ။ ဒါဟာ သူတို့အတွက် ကစားပွဲအသစ်၊ သိပ်ကို ထိတ်လန့်နေတဲ့ အရာ။ နိုင်ငံပိုင် စီးပွါးရေး လုပ်ငန်းတွေ လျှော့ချ ပစ်နေတာတောင်မှ မြို့ကြီးတွေမှာ အဓိကရုဏ်းတွေ မဖြစ်ဘို့နဲ့ စီးပွါးရေး ပြဿနာတွေကို ဖြေရှင်းပေးနိုင်ဘို့ ဆိုတဲ့ကိစ္စတွေ အပေါ်မှာ သူတို့ရဲ့ တရားဝင် ရပ်တည်နိုင်ခွင့်က တည်မှီနေတာ။ မေး။ တရုတ် တက်လာရင် အမေရိကန် ကျသွားမှာပေါ့လို့ ပြောနေတဲ့ အမေရိကန်တွေကိုရော ခင်ဗျား ဘာများ ပြောချင်ပါသလဲ ခင်ဗျား။ ဖြေ။ မဟုတ်ပါဘူး၊ ကျနော်ကတော့ နိုင်သူ၊ ရှုံးသူ ဒါမှမဟုတ် ၂ ဘက်လုံးရှုံး ဆိုတဲ့ အခြေအနေမျိုး မတွေ့ပါဘူး။ တရုတ်ကို ကမ္ဘာ့ ကုန်သွယ်ရေး အဖွဲ့ (WTO) ထဲ ရောက်အောင် ခေါ်လာခဲ့တာ အမေရိကန်ပါ။ တံခါးဖွင့်ပေးပြီး တရုတ်ပစ္စည်းတွေ အမေရိကန် ဈေးကွက်ထဲ လာရောင်းဘို့ ဖိတ်ခေါ်ခဲ့တာ အမေရိကန် သမတ ဂျော့် ဒဗလျူ ဘုရှ် ပါ။ ဒါကို သမတ ကလင်တန်က ဆက်လုပ်ပါတယ်။ ကလင်တန် ခေတ်မှာဘဲ သူ့ဘဏ္ဍာရေး ဝန်ကြီး ရူဘင် က တရုတ်ကို WTO ထဲရောက် အောင်လုပ်ပေးခဲ့တာပါ။ခင်ဗျားမှာ တရုတ်နဲ့ ပတ်သက်ပြီး ရွေးစရာ ၂ ခုပဲ ရှိတယ်။ သူ့ကို အပြင်မှာ ပထုတ်ထားဘို့၊ ဒီလို လုပ်မယ်ဆိုရင် အမေရိကန်ကတော့ အတော်လေး တွက်ချက် စဉ်းစားရမယ်။ သူ့ကို ခင်ဗျားအပြင်မှာ ထုတ်ထားရင် သူက ခင်ဗျားကို ဖျက်ဆီးမဲ့သူ ဖြစ်လာမှာဘဲ။ အကုန်လုံး ဆန့်ကျင်ဘက်တွေ လုပ်လိမ့်မယ်။ ခင်ဗျား အမြတ်အစွန်း ရနေတဲ့ မူပိုင်ခွင့်တွေကို ခိုးယူ သုံးလိမ့်မယ်။ သူတို့ ဖွံ့ဖြိုး တိုးတက်မှု အရှိန်အဟုန်ကိုတော့ နှေးသွားအောင် ခင်ဗျား လုပ်လို့ရမှာပဲ။ ဒါတော့ သံသယ ဖြစ်စရာ မရှိဘူး။ သူတို့ အသွင်ကူးပြောင်းရေးကို နှောင့်နှေးအောင် လုပ်လို့တော့ရမယ်၊ ဒါပေမဲ့ ခင်ဗျားအတွက်တော့ ဘာ အကျိုးအမြတ်မှ ရှိမှာမဟုတ်ဘူး။ ၁၉၈ဝ စုနှစ်တွေနဲ့ ၁၉၉ဝ စုနှစ်တွေအကြောင်း ပြန်စဉ်းစား ကြည့်လိုက်စမ်းပါ။ ခင်ဗျား အနေနဲ့ ဈေးကွက်ကိုတော့ ကြီးထွား လာစေချင်တယ်၊ ဒါပေမဲ့ ဘယ်အရှိန်နှုံးနဲ့ ကြီးထွားလာရမယ် ဆိုတာတော့ ခင်ဗျား တခါမှ ထည့်မစဉ်းစားခဲ့ဘူး မဟုတ်လား။ အဲဒါက သိပ်ကြောက်စရာ ကောင်းတယ်။ အခု အဲဒါက သူတို့ဆီမှာ ဖြစ်နေပြီ၊ အဲဒါက အသွင်ကူးပြောင်းရေးမှာ သူတို့အတွက် တကယ့် အခက်အခဲဆိုတာ သူတို့သိတယ်။ အခုကိုပဲ တကယ်ကြီးတဲ့ ပြဿနာကြီးတွေကို ကြုံနေရပြီ။ အတွင်းပိုင်း ပြဿနာတွေ၊ မြို့ကြီးတွေ ကြားမှာ မညီမျှတဲ့ ပြဿနာတွေ၊ မြို့နဲ့ကျေးလက်ကြား မညီမျှတဲ့ ပြဿနာတွေ၊ နောက်တခါ အခုပေါ်နေတဲ့ လက်ကိုင်ဖုံးနဲ့ ဂြိုလ်တု ရုပ်မြင်သံကြား ပြဿာနာတွေ၊ အများကြီးပဲ။ သူတို့ လမ်းကြောင်းပြောင်းဖို့ လိုနေပြီ။ ရွှေတွေငွေတွေ နောက်ကို အရူးအမူး လိုက်နေရုံနဲ့မရဘူး။ အခုတော့သူ တို့ ဟန်ချက်ညီ သဟဇာတဖြစ်တဲ့ လူ့အဖွဲ့အစည်း အကြောင်းကို ပြောနေကြပြီ။ မေး။ တရုတ်ပြည်ထဲမှာ တကယ် ဘာတွေဖြစ်နေသလဲ ဆိုတာ အကုန်လုံး ကျနော်တို့ သိပြီလားခင်ဗျာ။ဖြေ။ ကျနော် ထင်ပါတယ်၊ ခင်ဗျားရဲ့ တရုတ်ပြည် စောင့်ကြည့်လေ့လာ အကဲခတ် နေသူတွေကတော့ ကောင်းကောင်း သိပါလိမ့်မယ်။ သူတို့ သိပါတယ်။ မေး။ သိပ်ကြီးကြီးမားမား အံ့အားသင့်စရာရယ်လို့တော့ မကျန်လောက်ပါဘူး၊ ဘယ်နေရာတွေမှာ တင်းမာမှုတွေ ရှိနေတယ်ဆိုတာ ကျနော်တို့ ကောင်းကောင်း သိပါတယ်။ ဖြေ။ (သဘောတူသည့် အနေဖြင့် ခေါင်းညိတ်သည်)မေး။ ခင်ဗျား ဘော့ရူဘင်နဲ့ ကလင်တန် အကြောင်းကို ပြောခဲ့တယ်နော်။ သူတို့က တရုတ်ကို ချဉ်းကပ်တဲ့ နေရာမှာ ပါရမီ ထူးတာက ကမ္ဘာ့ ကုန်သွယ်ရေး အဖွဲ့ WTO ကို ဝင်လိုက်ရင် သူတို့အတွက် အကျိုးရှိမယ် ဆိုတာ တရုတ်တွေ နားဝင် သဘောပေါက်အောင် ပြောနိုင်ခဲ့တာဘဲ။ ဒီအဖွဲ့က ဘယ်သူ့ကိုမှ မျက်နှာသာ ပေးမှာ မဟုတ်ဘူး၊ ဒါဆို ခင်ဗျားတို့အတွက် မကောင်းဘူးလားလို့ သူတို့က နားဝင်အောင် ပြောခဲ့နိုင်တာ။ ဖြေ။ မဟုတ်ဘူးဗျ။ ကျနော်ထင်တာ သူတို့မှာ (တရုတ်ဝန်ကြီးချုပ်) ကျုရုန်ကျီး ရှိတယ်၊ ဒီကိစ္စအတွက်၊ အဲဒါက ကွဲပြားမှုကို ဖြစ်စေတာ။ ကျုရုန်ကျီးက ဒီအဖွဲ့ကို ဝင်ဖြစ်အာင် တရုတ်ဘက်က တွန်းအား ပေးခဲ့တဲ့သူ။ သူ့နောက်မှာ သူ့ကို ထောက်ခံနေတာက (သမတ) ကျန်းဇီးမင်။ သူက အကုန်လုံး တွက်ချက်ပြီး တရုတ်က ကမ္ဘာကို အမီ လိုက်ချင်တယ်ဆိုရင် တံခါးဖွင့်မှ ရမယ်လို့ ဆုံးဖြတ်ခဲ့တာ။ အဲဒီကနေ အဆက်မပြတ် တံခါးဖွင့်ပြီး နောက်ဆုံး ကမ္ဘာ့ကုန်သွယ်ရေး အဖွဲ့ WTO ကိုဝင်ဖြစ်ခဲ့တာဘဲ။ အဲဒီအဖွဲ့ရဲ့ စည်းမျဉ်းတွေကို လိုက်နာရမယ် ဆိုတာလဲ သိတယ်။ ခုတော့ သူတို့ ဝင်ဖြစ်သွားပြီပေါ့။ မေး။ သူတို့အခုလဲ ဒီတံခါးဖွင့် ပေါ်လစီ ဦးတည်ချက်အတိုင်း သွားနေတုံးလို့ ခင်ဗျား ထင်ပါသလား။ ဖြေ။ သူတို့အတွက် အခုပြဿနာက သူတို့ဟာ “ငြိမ်းချမ်းစွာ တိုးတက်ရေး” ကို သူတို့ တကယ် စိတ်ပါလက်ပါ လုပ်နေပါတယ်ဆိုတာ ကမ္ဘာကြီး တခုလုံးကို သဘောပေါက် နားဝင်အောင် ပြောပြနိုင်ဘို့ဘဲ။ သူတို့က စဉ်းစား တွေးခေါ်နိုင်တဲ့ လူတွေဗျ။ ခင်ဗျား ဆက်ဆံနေရတဲ့ လူတွေက သဘောတရား ဆရာကြီးတွေ သက်သက် မဟုတ်ဘူး။ (တရုတ်)က ထုတ်လုပ်ပြီး အခုပြနေတဲ့ “ကြီးကျယ်သော နိုင်ငံများ၏ အတက်ခရီး” ဆိုတဲ့ ရုပ်သံ အစီအစဉ် ဇာတ်လမ်းတွဲကို ခင်ဗျား ကြားဖူးသလား ကြည့်ဖူးသလားတော့ မသိဘူး။ အခု ဟစ်စထရီ ချန်နယ်လ်မှာ ပြနေတယ်။ ကျနော်လဲ အဲဒီ အစီအစဉ်ကို အင်္ဂလိပ်ဘာသာ ပြောင်းပြီး ကျနော်တို့ ရုပ်သံ အစီအစဉ်တွေ ကနေလည်း ပြခိုင်းထားတယ်။ ဥရောပ နိုင်ငံတွေ၊ ရုရှ နဲ့ ဂျပန်နိုင်ငံတို့ ဘယ်လို ကြီးကျယ်တဲ့ နိုင်ငံတွေ အဖြစ်ကို ရောက်လာကြသလဲ ဆိုတာကို တရုတ် ပြည်သူတွေကို ပြောပြဘို့ဆိုတာ အတော် ရဲရင့်တဲ့ ဆုံးဖြတ်ချက်လို့ ကျနော်တော့ ပြောချင်တာပဲ။ အဲဒီမှာ သဘောတရားရေးတွေ လုံးလုံး မပါဘူးဗျ။ သူတို့မှာ သူတို့ ကိုယ်ပိုင်သမိုင်း ပညာရှင်အဖွဲ့ ရှိတယ်။ ဒီအစီအစဉ်ကို ထုတ်လုပ်ဘို့ အဲဒီ နိုင်ငံတခုချင်းကို သူတို့သွားတယ်၊ အဲဒီနိုင်ငံတွေက ခေါင်းဆောင်တွေ၊ သမိုင်းပညာရှင်တွေကို တွေ့ဆုံ မေးမြန်းတာတွေ သူတို့ လုပ်ခဲ့တယ်။ ဗြိတိန်နိုင်ငံ အကြောင်း ရိုက်ထားတာဆိုရင် ခင်ဗျား ကြည့်သင့်တယ်။ ဗြိတိန် ဘယ်လို ကြီးကျယ်တဲ့ နိုင်ငံအဖြစ်ကို ရောက်လာခဲ့သလဲဆိုတာ သူတို့ ပြည်သူတွေကို ဘယ်လောက်အထိ ပြောပြခဲ့သလဲ ဆိုတာ ခင်ဗျားအတွေးလေး ရနိုင်လို့ပဲ။ တကယ်ကို အံ့စရာဗျ။ အကြောင်းအရာက ဘုရင်တွေရဲ့ ဘုရားသခင်က ပေးတဲ့အာဏာ Divine Rights (ကို ဖယ်ရှား ရုပ်သိမ်းဘို့) အကြောင်း။ ဗြိတိန် ဘုရင်တွေကို မှူးမျုိးမတ်နွယ်တွေက အာခံလာကြပြီး ဘုရင်ကို ဖြုတ်ချလိုက်ကြတယ်။ ပြီးတော့ မက်ကနာ ကာတာ စာချုပ်ကို ချုပ်ဆို လိုက်ကြတယ်။ ချက်ချင်းဘဲ ခင်ဗျားရဲ့ “ဘုရားသခင်က ပေးတဲ့အာဏာ” ဆိုတာကြီးက ပါလီမန်ကို အခြေခံရတာ ဖြစ်သွားတယ်၊ ပါလီမန်မှာ (မှူးမျိုးမတ်နွယ်) တွေက အမတ်တွေ။ ဒီလိုနည်းနဲ့ မှူးမျုိးမတ်နွယ်တွေ နေရာရလာပြီး လူလတ်တန်းစားလဲ တဖြေးဖြေး ကြီးထွားလာတာ။ ဘုရင်က သိပ်ကြွစောင်းစောင်း ဖြစ်လာရင် ပထမမြောက် ချာစ်လ် ဘုရင်လို ခေါင်းဖြတ် ခံလိုက်ရမှာဘဲ။ ခင်ဗျားကြည့်လေ၊ ဒီလို ဇာတ်လမ်းတွဲမျုိးကို အခုတော့ ကွန်မြူနစ် တရုပ်ပြည်က ထုတ်လုပ် တင်ဆက်နေတာ။ တခြားစကားလုံးနဲ့ ပြောမယ်ဆိုရင် ခင်ဗျားအနေနဲ့ ကိုယ့်နိုင်ငံကို တကယ် ကြီးကျယ်တဲ့နိုင်ငံ ဖြစ်လာစေချင်ရင် ပြည်သူ့ အကျိုးစီးပွါးနဲ့ ဆန့်ကျင်တဲ့ ခေါင်းဆောင်ကို ခေါင်းဖြတ် ပစ်ရမယ်လို့ ပြောတာပဲ။ လူထုနဲ့ ခေါင်းဆောင်ကြား တကယ် နားလည် ယုံကြည်မှု ရှိလာခဲ့လို့ ဒီနိုင်ငံ ခုလိုကြီးပွါး တိုးတက်သွားတာလို့လဲ ပြောချင်တာ။ ဒါဟာတကယ်တော့ သူတို့ တဖြေးဖြေး တံခါးဖွင့်ပေး လာတာရဲ့ သင်ခန်းစာပဲ။ ပဋိပက္ခ မရှိဘဲနဲ့ ဘယ်လို “ငြိမ်းချမ်စွာ တိုးတက်ရေး” ကို ဘယ်လို လုပ်နိုင်တယ် ဆိုတဲ့ အတွေးဘဲ။ သူတို့ ဒီစီမံကိန်း၊ ဒီ သဘောတရား၊ ဒီ အယူအဆတွေကို ပြင်ဆင်ရေးဆွဲ အကောင်အထည် ဖေါ်ခဲ့တယ်။ ချမှတ်ထားတဲ့ စည်းကမ်းတွေကို လိုက်နာပြီး လုပ်ပါ့မယ် ဆိုတာကို အမေရိကန်နဲ့ တကမ္ဘာလုံးက စိတ်ချလက်ချ ရှိအောင် ပြောပြခဲ့တာပဲ။ မေး။ လေကောင်းလေသန့်နဲ့ တခြား အရာတွေကို လိုချင် တောင့်တနေတဲ့ လူလတ်တန်းစားတွေကို နေရာပေး လိုက်လျောဘို့ သူတို့ ဒီလုပ်ငန်းကို တကယ် မြန်မြန်ဆန်ဆန် လုပ်နို်င်လိမ့်မယ် လို့ကော ခင်ဗျားထင်သလား။ ဖြေ။ သူတို့ ဘာလုပ်မယ် ဆိုတာတော့ ကျနော် မပြောတတ်ပါဘူး။ ကျနော် တရုတ်ပြည်ကို တနှစ်တခါ သွားပါတယ်။ တပတ် နေပါတယ်။ အစီရင်ခံစာတွေ ဖတ်ရပါတယ်။ ဒါပေမဲ့ ကျနော်က တရုတ်ပြည်ကို စောင့်ကြည့်လေ့လာ အကဲခတ်နေတဲ့သူ မဟုတ်ဘူးဗျ။ ကျနော့်မှာ တခြား စောင့်ကြည့် လေ့လာစရာတွေ အများကြီး ရှိတယ်။ ကျနော်က စင်္ကာပူ နိုင်ငံကို စောင့်ကြည့် လေ့လာနေတဲ့ သူပါ။ သူတို့ လက်တွေ့ကျကျ တလှမ်းချင်း သွားလိမ့်မယ်လို့ ကျနော်တော့ ခန့်မှန်းမိတာပဲ။ ဒီအချိန် သူတို့ မှန်မှန်ကန်ကန် လုပ်ဘို့ ကြိုးစားနေတာက နောက်အမြဲတမ်း ကော်မတီ အသစ်က ဆက်ခံဘို့ ကိစ္စပဲ။ (ဥက္ကဌ) က သူ့အလုပ်အဖွဲ့ အသစ် ရွေးလိမ့်မယ်။ နောက်ထပ် ၅ နှစ်ကတော့ သူချမှတ်တဲ့ ပေါ်လစီတွေဘဲ ဖြစ်မှာပေါ့။ ကျနော်ထင်တာ နောက်ချမဲ့ ပေါ်လစီကလည်း ဖွံ့ဖြိုး တိုးတက်ဘို့ပဲ ဖြစ်မှာပါ။ တိုင်းပြည်တွင်းမှာ ပိုမို ညီမျှမှု ရအောင်နဲ့ တိုင်းပြည်ကို တစုတစည်းတည်း ထိန်းသိမ်းထားဘို့ လုပ်မယ် ထင်တာပါဘဲ။ နိုင်ငံရပ်ခြားမှာလည်း ပြဿနာတွေ မရှိစေချင်ဘူး၊ တိုင်ဝမ်ကလဲ ရူးရူးမိုက်မိုက် မလုပ်ဘို့ စိတ်ချအောင် လုပ်ထားချင်တယ်၊ ဒါမှမဟုတ်ရင် ပြည်မကြီးကလည်း တခုခု ပြန်တုံ့ပြန် နေရဦးမယ်။ ပြီးရင် အိုလံပစ် ပွဲတော်ကြီးကိုလည်း အောင်မြင်အောင် လုပ်ရမယ်၊ ဒါပြီးရင်တော့ ခေတ်သစ်ထဲ ဝင်လာပြီ၊ တခါလှမ်းရင် တလှမ်းပဲ ဖြေးဖြေးချင်းသွားမှာပဲ။ ပထမ ပြဿနာက အိုလံပစ်ပွဲအတွက် ကြည်လင်သာယာတဲ့ ကောင်းကင်ပြာကြီး ရှိနေဘို့ပဲ။ သူတို့ လုပ်တဲ့နည်းက ၁၉၉၉ တုံးက လုပ်ခဲ့တဲ့နည်း ဖြစ်မှာ။ တရုတ် သမတနိုင်ငံ ထူထောင်တဲ့ နှစ် ၅ဝ ပြည့် အခမ်းအနား ကျနော် သွားတက်တုံးက ကောင်းကင်ပြာကြီး ကျနော် တွေ့ခဲ့ရတယ်ဗျ။ ကျနော် ကျနော်တို့ သံအမတ်ကို မေးကြည့်တယ်၊ သူက ပြန်ပြောပြတာက လွန်ခဲ့တဲ့ ၂ ပတ်လုံးလုံး စက်ရုံတွေ အကုန် ရပ်ထားခဲ့တာတဲ့။ ခုလဲ ဒီလိုမျိုး လုပ်လိမ့်မယ် ထင်တယ်၊ ကားတွေ ကိုလဲ တဝက်လောက် လျှော့ချလိမ့်မယ်။ စုံဂဏန်း၊ မဂဏန်း တလှည့်စီ ထွက်ခိုင်းတာမျိုးပေါ့။ တကယ် လေထု သန့်သန့်ရှင်းရှင်း ဖြစ်သွားအောင် ကျကျနန ဖြစ်သွားအောင် လုပ်ဘို့ ဆိုရင်တော့ နှစ်ပေါင်းများစွာ ကြာဦးမှာဗျ။ ကျောက်မီးသွေး မိုင်းတွင်းတွေကိုလည်း ပြုပြင် ပြောင်းလဲ ပစ်ရဦးမယ်။ အများကြီးဗျ။ ငွေတွေလည်း အများကြီး ကုန်မယ်၊ အချိန်လည်း အများကြီး ကြာဦးမယ်။ ဒီကိစ္စအတွက် သူတို့ ကျနော်တို့ စင်္ကာပူနဲ့ ဆက်သွယ် ဆောင်ရွက်နေတယ်။ အီကိုစီးတီး EcoCity ဆိုတဲ့ စီမံကိန်းတခု ကျနော်တို့နဲ့ လုပ်မလို့။ အခုနေရာ ရွေးနေတယ်။ သူတို့ကတော့ နေရာတွေ အများကြီး ပေးတယ်၊ ကျနော်တို့က ရေရှည် ဖွံ့ဖြိုး တိုးတက်မှုကို ပေးနိုင်မဲ့ နေရာကိုပဲ ရွေးတယ်။ ကျနော်တို့ စင်္ကာပူမှာ လုပ်ခဲ့သလို လုပ်မှာပါပဲ။ ရေကို ပြန်သန့်စင် သုံးတာလုပ်မယ်၊ လေထုကို သန့်စင်အောင် လုပ်မယ်၊ ဒါတွေဒါတွေ လုပ်ရင် အများကြီး ကုန်မယ်၊ လူမှုရေး စည်းကမ်းလဲ ပိုရှိဘို့ လိုတယ်၊ အင်ဂျင်နီယာ လုပ်ငန်းတွေ အများကြီး လိုမယ်၊ ရေမိလ္လာ စနစ်တွေ ကောင်းအောင် လုပ်ရမယ်၊ ရေပြန်သန့်စင်တာ လုပ်ရမယ်။ အများကြီး အများကြီး လုပ်ရမယ်။ ဒါက ဖြေးဖြေးလေး သွားရမဲ့ ဖြစ်စဉ်၊ သူတို့က ကျနော်တို့ ဘယ်လို လုပ်ခဲ့တယ် ဆိုတာကို လေ့လာချင်တာ။ ဒါက အရေးကြီးတာပါ။


Article Index
ဗိုလ်သန်းရွှေသမီး ဆင်ထားလိုက်တာ ခရစ်စမတ်သစ်ပင်လိုပဲ
Page 2
Page 3
Page 2 of 3မေး။ ကျနော်တို့အခု အမေရိကန် ဆိုတဲ့ စူပါပါဝါ အကြောင်းကို သွားလို့ ရပြီလား ခင်ဗျာ။ ခင်ဗျားက အမေရိကန် သတင်းစာ ဆရာတွေလို မဟုတ်ဘူး။ သူတို့ကတော့ ခင်ဗျားကို ဘာလုပ်ပါ ဆိုတာပြောဘို့ အမြဲ ကြိုးစားကြတယ်၊ ခင်ဗျားကတော့ ခင်ဗျား အကြံဥာဏ်ကို ပေးဘို့ ဝန်လေးတယ်။ အမေရိကန်နဲ့ နှစ်ပေါင်းများစွာ မိတ်ဆွေဖြစ်ခဲ့တဲ့ အမေရိကန်ကို ဆယ်စုနှစ်ပေါင်းများစွာ ကြည့်မြင်ပြီးတဲ့သူ တယောက်အနေနဲ့ အမေရိကန်နဲ့ ပတ်သက်ပြီး ခင်ဗျား စိုးရိမ် ပူပန်နေမိတာ ၂ ခု ၃ ခု လောက် ပြောပြပါလားဗျာ။
ဖြေ။ ကျနော်ထင်တယ်၊ နောက် ၁ဝ နှစ်အတွင်း အရှေ့အလယ်ပိုင်း ပြဿနာတွေကနေ ခင်ဗျားတို့ ကိုယ့်ကိုယ်ကိုယ် ကယ်ထုတ်ဘို့ လုပ်ရလိမ့်မယ်။ ဒီဒေသမှာ တည်ငြိမ်အောင် လုပ်ဘို့ နောက်ထပ် ၅ နှစ်လောက် ကြာမယ်၊ ပြီးတော့မှ တဖြေးဖြေးနဲ့ ကမ္ဘာကြီးရဲ့ တခြား ပြဿနာကြီးတွေကို စဉ်းစားဘို့ အချိန်နဲ့ စွမ်းအင် ရလာလိမ့်မယ်။ ဒီပြဿနာက ခင်ဗျားတို့ရဲ့ အရင်းအမြစ် တော်တော်များများကို စုပ်ယူ ပစ်လိုက်တာပဲ။ ဒီပြဿနာကို ဖြေရှင်းဘို့ ဆိုရင် အစ္စရေး ၂ နိုင်ငံ ပြဿနာကို အရင် ကိုင်တွယ်ရမယ်။ ဘာလို့လဲဆို ဒီပြဿနာ ပိုကြီးလာတာနဲ့အမျှ မူဆလင်တွေထဲက ခင်ဗျားရန်သူတွေကို ပိုဆွပေးသလို ဖြစ်လိမ့်မယ်။ ခင်ဗျားကို အလဲထိုးဘို့ ရူးရူးမိုက်မိုက် စွန့်စားခန်းတွေလုပ်ဘို့ လူသစ်တွေ ခင်ဗျားက စုပေးသလို ဖြစ်လိမ့်မယ်။ ဒီလူသစ်တွေက သူတို့ကိုယ် သူတို့လဲ ဖေါက်ခွဲမယ်၊ ကမ္ဘာကြီးကိုလဲ ဖေါက်ခွဲ ပစ်လိမ့်မယ်။ ခင်ဗျားတို့ ဘာတွေ ဘယ်လို လုပ်နေတယ် ဆိုတာတော့ ကျနော် မသိပါဘူး။ မေး။ ခင်ဗျား အမေရိကန်က အစ္စရေး လော်ဘီလုပ်ငန်း အကြောင်းကော လေ့လာ ခဲ့သေးသလားဗျ။ ဟားဗတ်နဲ့ ချီကာဂို တက္ကသိုလ်က ပါမောက္ခ ၂ ယောက်က အမေရိကန် နိုင်ငံခြားရေး မူဝါဒအပေါ် သူတို့ ဘယ်လောက်အထိ အလွန်အကျွံ သြဇာ ရှိနေတယ်လို့ ပြောကြတာတွေကို စာတန်း ရေးထားတာ။ ဒီစာတန်းက ပိုပိုမိုမို ပြောထားတယ်ဘဲ ဆိုဆို၊ ဘာသာ စကားအသုံးအနှုံးက မပြေပြစ်ဘူးဘဲ ပြောပြော တစိတ်တပိုင်းတော့ မှန်တာပါဘဲ။ ဖြေ။ ဒီပြဿနာကို ခင်ဗျားတို့ ဂျူးလော်ဘီ အဖွဲ့နဲ့ ရှင်းရမယ်။ ဒီပြဿနာ ပိုဆိုးလာတာနဲ့ အမျှ ခင်ဗျားတို့ကို အမုန်းပွါးအောင် လုပ်တဲ့ မူဆလင်တွေရဲ့ လှုပ်ရှားမှုမှာ ပိတ်မိနေမှာဘဲ။ ဒီပြဿနာကို ဖြေရှင်း လိုက်နိုင်ရင် အရာခပ်သိမ်း အားလုံး ပြေလည်သွားမယ် ချိုမြိန်သွားမယ်၊ အဆင်ပြေ ချောမွေ့သွားမယ်တော့ ကျနော် မဆိုလိုပါဘူး။ ဒါပေမဲ့ ဒီပြဿနာကို ဖြေရှင်းလိုက်နိုင်ရင် (နိုင်ငံတကာ) နိုင်ငံရေး စနစ်ထဲက ကင်ဆာအကြိတ်ကို ဖယ်ပြီးသား ဖြစ်သွားမှာပဲလို့တော့ ပြောချင်တယ်။ ဒါဆိုရင် တခြား ပြဿနာတွေကို ပိုကောင်းကောင်း ကိုင်တွယ်နိုင်မယ်။ ဒီ (အရှေ့ အလယ်ပိုင်း မူဝါဒရေးရာ) မှာခင်ဗျားတို့က အထီးကျန်၊ ဥရောပ နိုင်ငံတွေကလဲ ခင်ဗျားတို့ဘက်မှာ ရှိတာမဟုတ်ဘူး။ ဘယ်သူကမှ ကူမှာ မဟုတ်ဘူး၊ လူတိုင်းက ခင်ဗျားတို့ကို ပွင့်ပွင့်လင်းလင်း မဆန့်ကျင်ရဲလို့သာ။ မေး။ အမေရိကန် နိုင်ငံထဲမှာ ဖြစ်ပျက်နေတာရောဗျ။ ခင်ဗျားကို စိုးရိမ်ပူပန်မှု ဖြစ်စေတဲ့ အရာတခုခုများ ရှိသလား၊ ဥပမာ ပညာရေး ဆိုပါတော့။ ဖြေ။ နောက် ၁ဝ နှစ်၊ ၁၅ နှစ်၊ နှစ် ၂ဝ တော့ ခင်ဗျားတို့ လက်ရှိ ရှိနေတာနဲ့ အဆင်ပြေ နေဦးမှာပါ၊ တီထွင်မှုရှိတဲ့ စီးပွါးရေး၊ အတတ်ပညာအရ သာလွန် ထိပ်တန်းရောက်တဲ့ စီးပွါးရေး လုပ်ငန်းကြီးတွေ ရှိနေဦးမှာပါ။ အရပ်ဘက်ကော စစ်ဘက်ကော နယ်ပယ် ၂ ခုစလုံးမှာပေါ့။ ခင်ဗျားတို့မှာ ဒါတွေက ရှိပြီးသားတွေလေ။ နောက် နှစ်ပေါင်း ၃ဝ၊ ၄ဝ၊ ၅ဝ လောက်ကြာရင်တော့ ခင်ဗျားတို့ ဒါတွေကို တဖြေးဖြေး ဆုံးရှုံး သွားတော့မယ်။ ပါရမီ့ရှင်တွေကို ဆွဲဆောင် မထားနိုင်ရင်ပေါ့။ ဒါက နောက်ဆုံး ယှဉ်ပြိုင်ပွဲ ဖြစ်မှာ။ ဘာလို့လဲဆို ခင်ဗျားတို့ လုပ်ခဲ့တာတွေကို တရုတ်နဲ့ အခြား နိုင်ငံတွေက အတုယူ လုပ်နေကြတာ၊ သူတို့ အခြေအနေနဲ့ ကိုက်အောင် လုပ်နေကြတာ၊ ဒီလိုပဲ ပါရမီ့ရှင်တွေကို လိုက်ရှာပြီး သူတို့ကိုယ်ပိုင် တီထွင်မှုရှိတဲ့ စီးပွါးရေး လုပ်ငန်းကြီးတွေကို တည်ဆောက်နေကြတာ။ နောက်ဆုံး ပြောချင်တာက ဒီနေ့ခေတ်က စစ်ရေးအရ ပြိုင်ဆိုင်တဲ့ခေတ် မဟုတ်တော့ဘူး၊ နိုင်ငံကြီးတွေကြားမှာ မပြိုင်တော့ဘူး၊ ဘာလို့လဲဆို အပြန်အလှန် ဖျက်ဆီးနိုင်စွမ်း ရှိနေပြီ ဖြစ်လို့ဘဲ၊ ဒါပေမဲ့ နိုင်ငံကြီးတွေကြားမှာ စီးပွါးရေးနဲ့ နည်းပညာ ပြိုင်ဆိုင်မှုကတော့ ရှိနေမှာပဲ။ ဒီနယ်ပယ်ဟာ သက္ကရာဇ် ၂ဝ၄ဝ၊ ၂ဝ၅ဝ လောက်မှာ အဓိက ပြိုင်ဆိုင်ရာ နယ်ပယ် ဖြစ်လာမှာပဲ။ ဒီပြိုင်ကွင်းထဲမှာ အမေရိကန်ရယ်၊ တရုတ်ရယ်ကတော့ သေချာတယ် ရှိနေမယ်။ ဂျပန်ကလဲ အမေရိကန်ကို အမီလိုက်ဘို့ ကြိုးပန်းရင်း တရုတ်နဲ့ မတူတဲ့ သီးခြား အနေအထား တရပ်ကို ထိန်သိမ်းထားနိုင်အောင် ကြိုးပန်းလိမ့်မယ်။ အမေရိကန်နဲ့ ပိုနီးစပ်အောင် လုပ်ပြီး အထူး အနေအထား တရပ်ကို ထိန်းသိမ်းထားနို်င်ဘို့ မျှော်လင့်နေလိမ့်မယ်။ အိန္ဒိယကတော့ တရုတ်ရဲ့ နောက်နေရာတခုမှာ ချန်ပြီး လိုက်နေလိမ့်မယ်၊ အမီလိုက်ဘို့လဲ ကြိုးစားနေလိမ့်မယ်။ ဘရာဇီးလ် အကြောင်းကတော့ ကျနော်မသိဘူးဗျ။ မေး။ ဘရာဇီးလ်နဲ့ ပတ်သက်လို့ ချားလ်စ်ဒီဂေါလ် က မှတ်ချက်ပေးတာ သိပ်ကောင်းတယ်။ သူ့အကြံပေးတွေကသူ့ကို လက်တင် အမေရိက နိုင်ငံကို၊ ဘရာဇီးလ်ကို သွားဘို့ ကောင်းကြောင်းပြောတယ်၊ သူက ဘာလို့သွားရမှာလဲလို့ ပြန်မေးတယ်။ သူတို့က ဘရာဇီးလ်မှာ အလားအလာတွေ အများကြီး ရှိပါတယ် ခင်ဗျလို့ ဖြေတယ်။ ဒီဂေါလ်က ပြန်ပြောတယ်။ “ဟာ ဟုတ်တာပေါ့၊ ဘရာဇီးလ် မှာ အလားအလာတွေ အများကြီး ရှိတယ်၊ အမြဲတမ်းလဲ ရှိနေမှာပါ” တဲ့။ဖြေ။ ကျနော့်ငွေတွေ တရုတ်ပြည်မှာ၊ အိန္ဒိယ နဲ့ အနောက် ဥရောပမှာ ထားတယ်။ တကယ်လို့ အနောက် ဥရောပသာ သူတို့ရဲ့ လူမှုဖူလုံရေး သက်သာချောင်ချိရေး ချဉ်းကပ်ပုံတွေကို ကျော်လွှားနိုင်မယ် ဆိုရင်၊ သူတို့ အလုပ်သမား သမဂ္ဂတွေကို ခေတ်မီအောင် လုပ်နိုင်မယ်ဆိုရင် နည်းပညာ အခြေခံကလဲ ရှိပြီးသားဆိုတော့ ပါရမီ့ရှင်တွေလဲ တိုးပွါးလာဦးမှာပဲ။ စစ်ရေး အင်အားကြီး နိုင်ငံတွေတော့ ဖြစ်လာမှာ မဟုတ်ဘူး၊ ဘာဖြစ်လို့လဲ ဆိုတော့ ကျနော်ထင်တာ သူတို့မှာ အဲဒီလိုလည်း ဆန္ဒမရှိဘူး ထင်တယ်။ စီးပွါးရေး အင်အားကြီး နိုင်ငံတော့ သူတို့ ဖြစ်လာနိုင်ပါတယ်။ ကျနော်ထင်တယ် တကမ္ဘာလုံးက သူတို့ ငွေကြေးနောက်ကို လိုက်နေရမှာပဲ။ သူတို့ လုပ်နိုင်ပါ့မလား၊ ဒါတော့ မသိဘူး။ သမိုင်းဆိုတာ နက်ရှိုင်းလွန်းတယ်။ ခင်ဗျား ဘယ်တော့မှ မသိနိုင်ဘူး။ သမိုင်းမှာ သူတို့ ကျန်ခဲ့ပြီ ဆိုတဲ့ ဖိအား ရှိလာရင် ဒါကို ဖြစ်အောင်လုပ်ဘို့ သူတို့ ဆုံးဖြတ်လာနိုင်တာပဲ။ ကျနော်ဆိုလိုတာ ပြင်သစ်။ အခု (ပြင်သစ်သမတ) ဆာကောဇီးကို ကြည့်ပါ။ သူလုပ်တာ အောင်မြင်ချင်မှ အောင်မြင်မယ်၊ ဒါပေမဲ့ သူကတော့သူ ကိုယ်တိုင်တော့ သဘောပေါက်ပြီ၊ အခုပြင်သစ် အထက်တန်းလွှာ ရေပေါ်ဆီ အုပ်စုတခုကို သူလို သဘောပေါက်လာအောင် လုပ်နေတယ်။ ပြင်သစ်က အလွန်ကြီးတဲ့ နိုင်ငံစုံ ကော်ပိုရေးရှင်း ကြီးတွေရဲ့ အမှုဆောင် အရာရှိချုပ် CEO တွေကတော့ သဘောပေါက်ပြီးသားပါ။ သူတို့ ဒါကို သိပါတယ်။ မသိသေးတာက ဥာဏ်ကြီးရှင် အဖွဲ့ think-tanks တွေ၊ မီဒီယာတွေ၊ ပညာရှင်တွေပဲ။ သူတို့က သူတို့စနစ်ကို သူများထက် သာတယ်လို့ ခုထိထင်တုံးပဲ။ သူတို့က အဲဒီ (လူမှုဖူလုံရေး၊ သက်သာ ချောင်ချိရေး ချဉ်းကပ်မှု)ကို စွန့်လွှတ်လိုက်ရမှာ မုန်းနေတုံး၊ ဒါပေမဲ့ ခင်ဗျား သိပါတယ်၊ သူတို့ လုပ်လာနိုင်ပါတယ်၊ ဘာလို့လဲဆို တခြားနိုင်ငံတွေကို အမီလိုက်ဘို့ ဆိုတာ ဒီနည်းပဲ ရှိတာကိုး။ ရုရှားလဲ သူတို့ရဲ့ ရေနံနဲ့ သဘာဝဓါတ်ငွေ့ လုပ်ငန်းကို အခုထက် ပိုပြီးတော့ ကြံရည်ဖန်ရည်ရှိတဲ့ စွန့်စွန့်စားစားရှိတဲ့ စီးပွါးရေး လုပ်ငန်းအဖြစ် အသွင်ပြောင်းလဲ လိုက်နိုင်ရင် သူလဲ ပြိုင်ဘက် နိုင်ငံတနိုင်ငံ ဖြစ်လာနိုင်ပါတယ်။ ဒါပေမဲ့ သူတို့ရဲ့ ခြစားနေတဲ့ စနစ်ကြီးထဲက ရုန်းထွက်နိုင်ပါ့မလား၊ သယံဇာတတွေကို အမှားမှား အယွင်းယွင်း စီမံခန့်ခွဲ နေတာကနေ လွတ်ထွက်နိုင် ပါ့မလားတော့ မသိဘူး၊ ဒါပေမဲ့ သူတို့မှာလဲ အရည်အချင်းရှိတဲ့ ပါရမီ့ရှင်တွေ ရှိတာပါပဲ။ ဒါပေမဲ့ အမေရိကန်တွေ အတွက် ရေရှည် မျှော်မှန်းကြည့်မယ် ဆိုရင်တော့ နောင်အနှစ် ၁ဝဝ၊ ၁၅ဝ လောက်၊ ဆိုကြပါစို့၊ ၂၂ ရာစုအတွက်၊ သက္ကရာဇ် ၂၁၅ဝ မှာ ကျနော်တို့ ထိပ်တန်းမှာ ရပ်တည် နေနိုင်ပါဦးမလားလို့ ခင်ဗျား ကျနော့်ကို မေးခဲ့မယ်ဆိုရင် အဲဒီအချိန်မှာ ရှိနေမဲ့ ခင်ဗျားတို့ လူ့အဖွဲ့အစည်းပေါ်မှာ တည်နေတာပဲ။ ဘာလို့လဲဆိုတော့ လက်ရှိ လမ်းကြောင်းအတိုင်းသာ ဆက်သွားနေမယ် ဆိုရင် အဲဒီအချိန် ခင်ဗျားတို့ လူ့အဖွဲ့အစည်းမှာ စပိန်စကားပြော လက်တင်အမေရိကန်နွယ် ဟစ်စပင်းနစ်တွေက ၃ဝ-၄ဝ % လောက်ရှိနေမယ်။ ဒီတော့ ပေါ်လာတဲ့မေးခွန်းက ခင်ဗျားတို့က ဒီဟစ်စ ပင်းနစ်တွေကို အင်္ဂလိုဆက်ဆွန် ယဉ်ကျေးမှုထဲ ရောက်အောင် သွတ်သွင်းနိုင်မလား၊ ဒါမှမဟုတ် သူတို့က ခင်ဗျားတို့ကို လက်တင် အမေရိက ယဉ်ကျေးမှုထဲ ပိုပြီး သွတ်သွင်းနိုငမလား၊ ဒါကိုကြည့်ရမှာပဲ။ မေး။ ဒါတကယ့်ကို တိကျတဲ့ မှန်တဲ့ မေးခွန်းပါပဲ။ ဖြေ။ ကျနော် ဆိုလိုတာ သူတို့ကလည်း တသုတ်ပြီးတသုတ်ပဲ နဲနဲချင်း ဝင်လာမယ်၊ နေတော့လည်း အမေရိကန်အနှံ့ ခွဲဖြန့်ပြီး နေမယ်ဆိုရင် ခင်ဗျားတို့က သူတို့ ယဉ်ကျေးမှုကို ပြောင်းပစ်လို့ ရမှာပဲ။ ဒါပေမဲ့ မိုင်ယာမီမှာလိုပေါ့ သူတို့က အများကြီးလည်း ဝင်လာမယ်၊ ၊ ကာလီဖိုးနီးယားမှာလိုပေါ့ တစုတဝေးကြီးလည်း စုနေကြမယ်ဆိုရင် သူတို့ ယဉ်ကျေးမှုက ဆက်ရှင်သန်နေဦးမှာဘဲ။ သူတို့ ပတ်ဝန်းကျင်က အင်္ဂလိုဆက်ဆွန် ယဉ်ကျေးမှုကို ကောင်းကောင်းကြီး အကျိုးသက်ရောက်မှု ဖြစ်စေမှာပဲ။ ဒါတကယ့် စမ်းသပ်မှု တခုပဲ။ ဒါပေမဲ့ တရုတ်ကျတော့ တမျိုး၊ သူတို့က တရုတ်ဟန်လူမျိုးက အရေအတွက်အားဖြင့် သိပ်များတယ် ဒါတော့ သေချာတယ်။ သူတို့ကအပြင်က ဘယ်လောက် ဝင်လာလာ လက်ခံနိုင်တယ်၊ ဝင်လာတဲ့ လူတွေပဲ ရောသွားမှာ လွှမ်းမိုး ခံလိုက်ရမှာ။ ဒီတော့ ရေရှည်အနေနဲ့ ကြည့်ရင် ကျနော်ထင်တယ်၊ တရုတ်ကလဲ ဒါကို သဘောပေါက်ပြီးသား။ ဒီတော့ သူတို့ “ငြိမ်းချမ်းစွာ တိုးတက်ရေး” ပဲ လုပ်မယ်ဆိုရင်၊ စီးပွါးရေးနဲ့ နည်းပညာမှာသာ ပထမ နေရာကိုရဘို့ ဝင်ယှဉ်ပြိုင်မယ်ဆိုရင်၊ သူတို့ မရှုံးနိုင်ဘူး။ နံပါတ် ၁ မဖြစ်ရင်တောင် နံပါတ် ၂ တော့ ဖြစ်မှာဘဲ။ နံပါတ် ၂ မဖြစ်ရင် နံပါတ် ၃ ပေါ့။ ဒါကို သူတို့ သဘောပေါက်ပြီးသား။ မေး။ စင်္ကာပူဟာ အင်တာနက် အဆက်အသွယ် အကောင်းဆုံး နိုင်ငံတွေထဲက နိုင်ငံ တနိုင်ငံပါ။ ရှေ့ကို အတော် ရောက်နေပါပြီ။ အချိန် ကြာလာတာနဲ့ အမျှ ဒီလိုအရာက စင်္ကာပူကို ဘယ်လို ပြောင်းလဲသွား စေနိုင်လိမ့်မယ်လို့ ခင်ဗျားထင်မြင် ယူဆပါသလဲ။ အဆင့်မြင့် ပညာတတ်တွေ ပေါတဲ့နိုင်ငံ၊ ဘယ်သူမဆို သူတို့ လိုချင်တာကို ဗွီဒီယိုဘဲ ဖြစ်ဖြစ်၊ ဘလော့ဘဲဖြစ်ဖြစ် ဝက်ဘ်ဆိုက်ပေါ်က အလွယ်တကူ ရနေတယ်ဆိုရင် ဗဟိုက ချုပ်ကိုင်ထားတဲ့ မီဒီယာဆိုတာ တစထက်တစ လွှမ်းမိုးမှု နည်းမလာနို်င်ဘူးလား။ ခင်ဗျား ဘယ်လို ထင်မြင် ယူဆပါသလဲ။ ဖြေ။ မှန်ပါတယ်၊ အခုလဲ ဖြစ်နေပါပြီ။ ပုံနှိပ်မီဒီယာရဲ့ ဖွံ့ဖြိုး တိုးတက်တဲ့နှုံးက ဒီနှုံးအတိုင်းမ ဟုတ်ဘူးလေ၊ သူတို့က တန့်နေတာ၊ အမေရိကန်နဲ့ ဗြိတိန်လိုတော့ မြန်မြန်ကြီး ကျဆင်းနေတာ မဟုတ်ဘူး၊ ဒါအခုဒီမှာ ဖြစ်နေတာပဲလေ။ လူငယ်တွေကတော့ သူတို့ ဖတ်ချင်တာကို အင်တာနက်ပေါ်မှာ ဖတ်ကြတယ်။ ကျနော်ဆိုချင်တာ ကျနော်က မျိုးဆက်ဟောင်းထဲ ပါပါတယ်။ ဟုတ်ကဲ့၊ ကျနော် တချို့ဟာတွေ အင်တာနက်ပေါ်မှာ ဖတ်ပါတယ်။ ဒါပေမဲ့ တနေ့တာ ကုန်ဆုံးသွားရင် ကျနော် ဆိုချင်တာက ကောင်းပြီ၊ ဘယ်ဟာက ခွဲခြမ်းစိတ်ဖြာမှု ကောင်းကောင်း ပိုပေးနိုင်သလဲ။ ကြည့်ရအောင်။ ကျနော်ကတော့ အယ်ဒီတာ့ အာဘော်တွေ ဖတ်တယ်၊ ပင်တိုင် ဆောင်းပါးရှင်တွေရဲ့ အမြင်တွေ အာဘော်တွေ ပါတဲ့ စာမျက်နှာကို ဖတ်တယ်။ လူငယ်တွေ ကျနော်တို့လို အခုလို ဆက်လုပ်သေးသလား ဖတ်သေးသလား ကျနော် မသေချာဘူး။ ဒါပေမဲ့ ပုံနှိပ်မီဒီယာ ဒီပြိုင်ပွဲကြီးထဲမှာ ဆက်ရှင်သန်နေတာ သတင်းကို ဘယ်သူ အရင်ရသလဲ တင်ဆက်နိုင်သလဲ မဟုတ်ဘူး၊ ဘာလို့လဲ ဆိုတော့ ဒါက ဖြစ်မှ မဖြစ်နိုင်ဘဲ၊ ဒါပေမဲ့ သူတို့က နောက်ခံ အကြောင်းအရာတွေ တင်ဆက်နိုင်တာ၊ ခွဲခြမ်း စိတ်ဖြာ သုံးသပ်ပြနိုင်တာမှာ ပထမ ဖြစ်အောင် ပြိုင်တာ။ ခင်ဗျားကို ယုံကြည် ကိုးစားနိုင်စွမ်း ရှိရမယ်။ ဘာလို့လဲဆို အင်တာနက်ပေါ်မှာ လိုသမျှ အများကြီး ရနေတာကိုး။ ဘယ်သူ့ကို ယုံကြည်ရမှာလဲ။ နောက်ဆုံး ခင်ဗျား ပြောရမယ်လေ၊ ဒါဘယ်သူ ပြောတယ် ဆိုတာ။ ခင်ဗျား မသိနိုင်ဘူးလေ။ ဒါပေမဲ့ ခင်ဗျားက ဒါ နယူးရောက်တိုမ်းက ပြောတာ၊ ဒါ ဝါရှင်တန်ပို့စ် သတင်းစာကြီးက ပြောတာ ဒါမှမဟုတ် အယ်လ် အေတိုင်းမ်စ် ကပြောတာ စသဖြင့်ပေါ့။ ကောင်းပြီ ဒါကို ပြောတာပဲ၊ ဒါအဆင့်အတန်းပဲ။ စံဘဲ။ကျနော် ဆိုလိုတာ ဒါနိုင်ငံတိုင်းမှာ ဖြစ်နေတာပဲ။ ကျနော် ထင်ပါတယ်၊ ဒါပေမဲ့ ကျနော်တို့ နိုင်ငံကတော့ တမျိုးဗျ။ ဘာလို့လဲဆို ကျနော်တို့ နိုင်ငံက ဘာသာ ၂ မျိုး ပြောတဲ့နိုင်ငံ။ ငယ်ရွယ်တဲ့ မျိုးဆက်အတွက် အင်္ဂလိပ် ဘာသာစကားက မိခင် ဘာသာစကား၊ အသက်အရွယ်ကြီးတဲ့ မျိုးဆက် အတွက်တော့ တရုတ်ဘာသာက သူတို့ရဲ့ မိခင် ဘာသာစကား။ ဒါပေမဲ့ အသက် ၃ဝ အောက်၊ ၃၅ နှစ် အောက်တွေကတော့ အင်္ဂလိပ်က သူတို့ မိခင်ဘာသာစကား ဖြစ်သွားပြီး တရုတ်တို့ မလေးတို့ ဆိုတာက ဘာဘဲဖြစ်ဖြစ် ဒုတိယ ဘာသာစကား ဖြစ်သွားပြီ။ ဒါပေမဲ့ တရုတ်ပြည် တက်လာတာနဲ့အမျှ ကျနော်တို့ဆီက လူတွေ တရုတ်ပြည်ကို တိုးပြီး သွားနေကြတာကို တွေ့နေရတယ်၊ ဒီလိုဘဲ တရုတ်ပြည်က လာတဲ့လူတွေလဲ ဒီမှာ လာစီးပွါးရေး လုပ်တာ ပိုများလာနေတာ တွေ့ရတယ်။ ဒီတော့ သူတို့အခု တရုတ်ဘလော့တွေကို စဖတ်နေပြီလေ၊ တရုတ် သတင်းတွေကို စဖတ်နေကြပြီ။ ဒါအခု ဖြစ်နေပြီ၊ တွေ့နေရပြီပဲ။ ဒီတော့ အခုပေါ်လာတဲ့ လမ်းကြောင်းက ပုံနှိပ် မီဒီယာကနေ မော်နီတာ မီဒီယာကို ကူးနေတာ။ မေး။ တရုတ်ကတော့ ခုထက်ထိ အင်တာနက်မှာ ပါတာတွေကို ထိန်းချုပ်ဘို့ သူတို့အကြံကို လက်မလျှော့သေးဘူး။ ဒါပေမဲ့ နောက်ဆုံးတခါ ခင်ဗျားနဲ့ တွေ့တုံးကနဲ့ ခင်ဗျားရဲ့ အတော်ဆုံး လူတချို့နဲ့ တွေ့တုံးက ကျနော့်အမြင်ကို ပြောမိခဲ့သေးတယ်။ ဒီကိစ္စဟာ ရှောင်လွှဲလို့ မရနိုင်ဘူး၊ အသစ်အသစ် ထွက်လာတဲ့ နည်းပညာက ခင်ဗျားရဲ့ ထိန်းချုပ်ဘို့ ကြိုးပန်းမှုတွေကို ကျော်လွှားသွားမှာချည်းပဲ။ ဒါမှန်ပါသလား ခင်ဗျာ။ဖြေ။ မှန်ပါတယ်၊ ထိန်းချုပ်ဘို့ ဆိုတာ မဖြစ်နိုင်ပါဘူး။ ကြည့်လေ၊ ခင်ဗျားမှာ ဗွီဒီယိုလဲ ဖွင့်ကြည့်လို့ရတဲ့ ဒစ်ဂျစ်တယ် ကိုယ်ရေး အထောက်အကူပြု ပစ္စည်း PDA ရှိနေနိုင်တာဘဲ။ ခင်ဗျားက ခင်ဗျား ဆာဗာကို ပိတ်ဆို့ထားလို့ ရပါတယ်။ ဒါပေမဲ့ ခင်ဗျားမှာ တတိယမျိုးဆက် မိုဘိုင်းဖုံး 3G ရှိရင် ခင်ဗျား တခြားဆာဗာကို သုံးလို့ ရတာပဲ။ ဒီနည်းနဲ့ ကျော်လွှား သွားနိုင်တာဘဲ။ ဒါက ဖြစ်တော့မှာ မဟုတ်ဘူးဗျ၊ အခု ဖြစ်နေပြီးပြီ၊ ဒီလို မဟုတ်ဘူးဆိုရင် ရန်ကုန်နဲ့ မန္တလေးမှာ ဖြစ်နေတဲ့ ဘုန်းကြီးတွေရဲ့ ဓါတ်ပုံတွေ ခင်ဗျား ဘယ်လိုရမလဲ၊ ဘယ်လို အပြင် ရောက်လာမလဲ။ ဒါတွေ အကုန်လုံး မိုဘိုင်းတွေပေါ်မှာ လုပ်နေတာဘဲ။ အခုတော့ တချို့နေရာတွေမှာ ပိတ်ထားပြီ၊ သတင်းတွေ မှောင်ချထားပြီ၊ မှန်ပါတယ်။ ဒါပေမဲ့ ခုနပြောတဲ့ သတင်းတွေက အပြင်ကို ထွက်လာနေတုံးဘဲ။ ဘာလို့လဲ ဆိုတော့ ခင်ဗျားမှာ ခုနပြောတဲ့ 3G ဖုံး ရှိတယ်လေ။ ရိုက်တာနဲ့ တခြား သတင်းဌာနတွေကလဲ သူ့သတင်းထောက်တွေနဲ့ ကော်လံစား သတင်းထောက်တွေကို ဒီဟာတွေ ပေးထားပြီး သုံးခိုင်းထားမှာ သေချာတယ်လေ။ ဒါနဲ့ ဓါတ်ပုံ ရိုက်နိုင်တယ်၊ ဒါကိုသုံးပြီး အပြင်ကိုလဲ သတင်းပို့လို့ ရတယ်လေ။ ဒီလိုမှ မဟုတ်ရင် သူတို့ ပိတ်ဆို့ထားတာကို ဘယ်လို ဖေါက်ထွက်မလဲ။ ဘာလို့လဲဆို အစိုးရက ဆက်သွယ်ရေး လုပ်ငန်းကြီး တခုလုံးကို ပိတ်ဆို့ ထားလိုက်ပြီလေ။ နေရာ တော်တော်များများမှာ အခုဒါတွေက အလုပ်မလုပ်တော့ဘူး၊ ခင်ဗျား မိုဘိုင်းဖုံးကို သုံးလို့ မရတော့ဘူး။ ဒါပေမဲ့ ဓါတ်ပုံတွေကတော့ ထွက်လာနေတုံးဘဲ။ ဒီမနက်တင် ကျနော်ဓါတ်ပုံ တချို့ တွေ့လိုက်သေးတယ်။ ကဲ ဘယ်လို လုပ်မလဲ?မေး။ မှန်ပါတယ်။ ဒါဆိုရင် ဗဟိုက ချုပ်ကိုင်ထားတဲ့ မီဒီယာတွေရဲ့ အခန်းကဏ္ဍက သိပ်အရေးမပါတော့ဘူး ပေါ့နော်။ ဗဟိုက ချုပ်ကိုင်ထားတဲ့ မီဒီယာကို ထိန်းချုပ် ထားနိုင်သေးတယ် ဆိုရင်တောင် သူ့တန်ဘိုးက နည်းသထက် နည်းသွားပါပြီ။ဖြေ။ အခု ကျနော်ပြောမဲ့ သတင်းကို ခင်ဗျား သိမလားတော့ မပြောတတ်ဘူး။ ဒါက အခုလဲ ဆက်ဖြစ်နေတဲ့ အရှုပ်တော်ပုံ အကြောင်းပါ။ (အရင် ဒုဝန်ကြီးချုပ်ဟောင်း) အန်ဝါ အီဘရာဟင်က ဗွီဒီယိုခွေ တခုကို အပြင်ကို ပေါက်ကြားပေးလိုက်တယ်ဗျ။ အဲဒါက ဗွီဒီယိုခွေ အဟောင်းပါ၊ ၁၉၈ဝ ခုနှစ်လောက်က ရိုက်ထားတဲ့ဟာ၊ အိန္ဒိယ ရှေ့နေတယောက်က ထိပ်တန်း တရားသူကြီး တယောက်ကို လာတွေ့ပြီး သူ့ကိုဘယ်လို “နံပါတ် ၁” နေရာကို ရောက်အောင် ရာထူးတိုးအောင် လုပ်ပေးနိုင်တဲ့ အကြောင်း လာပြောတာကို ရိုက်ထားတာ။ ကျနော်ထင်တယ် အဲဒါက ၈ မိနစ်စာလောက်ဘဲ ရှိတာပါ။ အန်ဝါက ခု အဲဒီဗွီဒီယိုခွေကို အင်တာနက်ပေါ်မှာရော YouTube မှာ ရောတင်ထားတာ။ ဒီတော့ အရင်ကတဲက သူတို့ တရားစီရင်ရေး စနစ်ကြီးတခုလုံး ဆုတ်ယုတ် ပျက်ပြားနေတာရယ်၊ ခြစားနေတာရယ်၊ အမှုဝယ်၊ တရားသူကြီးဝယ် ကိစ္စတွေနဲ့ စိတ်အပျက်ကြီး ပျက်နေရတဲ့ မလေးရှား ရှေ့နေ အသင်းကြီးကလည်း ဘုရင့် ကော်မရှင်တရပ် ဖွဲ့ပြီး ဒီကိစ္စကို စုံစမ်းစစ်ဆေးပေးဘို့ တောင်းဆို ထားရပြီ။ ဒီလို ဖိအားတွေကြောင့် ခုတော့ အစိုးရကလည်း တရားသူကြီးတွေနဲ့ ထင်ရှားတဲ့ လူပုဂ္ဂိုလ် တဦးပါတဲ့ ကော်မတီတရပ်ကို ခန့်အပ် တာဝန် ပေးထားရပြီ။ ဒီကော်မတီက ဒီဗွီဒီယို တိပ်ခွေရဲ့ စစ်မှန်မှုကို စစ်ဆေးမှာ။ ဒီလိုနည်းနဲ့ ကာလတခုတော့ အချိန်ဆွဲလို့ ရမှာပေါ့။ ဒါပေမဲ့ ဒီအတောအတွင်းဘဲ ရှေ့နေ ၂ဝဝဝ လောက်က ပါကစ္စတန် ရှေ့နေတွေ သူတို့ရှေ့မှာ လုပ်သွားသလိုဘဲ ဝန်ကြီးချုပ်ရုံးကို ချီတက်သွားကြပြီး ဒီကိစ္စကို စုံစမ်း စစ်ဆေးပေးဘို့ ပန်ကြားချက်တစောင် သွားပေးကြတယ်။ အင်တာနက်နဲ့ YouTube သာမရှိရင် ဒါတွေ ဘယ်ဖြစ်လာနိုင်ပါ့မလဲ။ ခင်ဗျားကြည့်လေ၊ ကျနော် ဆိုချင်တာ ဒါလေးတွေက တကယ့်ကို ရိုးရိုးစင်းစင်းလေးပါ။ မေး။ ပြောင်းလဲနေတဲ့ ကမ္ဘာကြီးပေါ့။ ဖြေ။ ဒါပေမဲ့ တချိန်ထဲမှာ ယုံကြည် ကိုးစားရမှုဆိုတဲ့ ပြဿနာလဲ ရှိတယ်ဗျ။ Malaysiakini ဆိုတဲ့ ဝက်ဘ်ဆိုက် ရှိတယ်။ အဓိပ္ပါယ်က “ယခုမလေး” တဲ့။ အဲဒီထဲမှာ တော်တော်ကောင်းတဲ့ ဆောင်းပါးတွေ ရှိတယ်။ တချို့က တယောက်ထဲ ပုံမှန် ရေးနေတာ။ ဒီတော့ ကျနော်တို့ကလဲ ရင်ဖတ်တယ်၊ ဖတ်ပြီး အိုကေ ကောင်းတယ်ဟေ့ ဖြန့်လိုက်ကွာလို့ ပြောလိုက်ရော။ ဒါပေမဲ့ အထဲမှာ အမှိုက်ကလဲ အများကြီးဗျ။ ဒါတွေကို စစ်ထုတ် ပစ်နေရတာ။ တော်တော် အချိန်ကုန်တဲ့ ကိစ္စပါဘဲ။ မေး။ ဟုတ်ကဲ့။ ခင်ဗျားခုနကလဲ လေးနက်တဲ့ သတင်းစာတွေနဲ့ လေးလေးနက်နက် ရေးသားနေတဲ့ မဂ္ဂဇင်းတွေရဲ့ ယုံကြည်ကိုးစား ခံရမှု အရင်ကထက် ပိုအရေးပါလာတာကို ထောက်ပြသွား သေးတယ်နော်။ ဖြေ။ ဒီအတိုင်းပဲ သွားရမှာပဲ။ ဒါတွေက ဘာနဲ့တူသလဲ ဆိုတော့ ကုမ္ပဏီကို ယုံကြည် ကိုးစားခံရမှု အဆင့်အတန်း သတ်မှတ်ပေးတဲ့ အေဂျင်စီတွေ အလုပ် လုပ်နေသလိုပေါ့၊ ခင်ဗျားသိတဲ့ အတိုင်းဘဲ သူတို့လုပ်လို့ ငွေကြေး အဖွဲ့အစည်း တော်တော်များများ ပြုတ်ထွက်ကုန်တာ။ မေး။ ဒါပရော်ဖက်ရှင်နယ် သတင်းစာဆရာတွေရဲ့ အနာဂါတ်လား။ ဒါမျိုး ရှိပါသေးလား။ ဖြေ။ မဟုတ်ဘူး။ ဒါမျိုး အမြဲရှိနေမှာပါ။ ဒါပေမဲ့ ခင်ဗျားက (နည်းပညာသစ်) ကိုမသုံးရင် ကျနော်တို့ဟာ လက်တဘက် နောက်ပြန် ချည်ထားခံရသလို ဖြစ်နေမှာပေါ့။ ကျနော်တို့ ပြိုင်ဘက်တွေကို ဒီလို အားသာချက်မျိုး ကျနော်တို့က ခွင့်ပြုနိုင်သလား။ ဒီကမ္ဘာကြီးက ပြိုင်ဆိုင်မှု သိပ်များတဲ့ ကမ္ဘာကြီးဗျ။ ဒါပေမဲ့ သတင်းတွေက ရေလျှံသလို ဝင်လာရင်လဲ ဝန်နဲ့အား မမျှတာမျိုး ဖြစ်တတ်တာပဲ။ ဒါကြောင့် ခင်ဗျားမှာ လူတယောက်က ခုနပြောသလို သတင်းတွေကို စစ်ထုတ်ပေးနေဘို့ ဇကာ တိုက်ပေးနေဘို့ လိုတယ်။
Page 3 of 3မေး။ ကျနော်တို့အခု ခင်ဗျား ခုနပြောခဲ့တဲ့ မြန်မာနိုင်ငံက ဗွီဒီယိုခွေတွေအကြောင်း၊ လက်ကိုင်ဖုံး၊ လက်ကိုင် ကင်မရာလေးတွေနဲ့ ရိုက်ပြီး အပြင်ကို ခိုးထုတ်လာခဲ့တဲ့ ဗွီဒီယိုခွေလေးတွေ အကြောင်း ပြန်သွားလို့ ရမလားဗျာ။ အခြေအနေက ၁၉၈၉ တီယန်အန်မင် အရေးအခင်း ကာလနဲ့ မတူတော့ဘူး။ ရုပ်မြင် ပစ္စည်းတွေကို ပိတ်ဆို့ထားလို့ ရတဲ့ခေတ် မဟုတ်တော့ဘူး။ မြန်မာနိုင်ငံနဲ့ ပတ်သက်ရင် ဘယ်သူ ခန့်မှန်း ပြောဆိုတာပဲ ဖြစ်ဖြစ် အကုန်တူတူပဲ ဆိုတာ ကျနော်သိလာပြီ။ ဒါပေမဲ့ တရုတ်က မြောက်ကိုရီးယားအတွက် လုပ်တဲ့ ၆ နိုင်ငံ ဆွေးနွေးပွဲမျိုး ကန့်လန့်ကာ နောက်ကွယ်က ကျွမ်းကျွမ်းကျင်ကျင် လိမ်လိမ်မာမာ တိုကိတွန်း ပြောဆိုပေးဘို့ တရုတ်ကို ပြောပေးနိုင်တဲ့ အလားအလာများ ရှိသလား ခင်ဗျာ။ ဒါမှ မြန်မာနိုင်ငံလဲ အလယ်ခေတ်က ထွက်ပြီး ရှေ့ကို တက်လှမ်းနိုင်မှာ။ ဖြစ်နိုင်ရင် တကယ့် ကမ္ဘာကြီးထဲကိုပေါ့။
ဖြေ။ တရုတ်မှာ အဲဒီလို သြဇာအာဏာမျိုး ရှိလိမ့်မယ်လို့ ကျနော်တော့ သိပ်မသေချာဘူးဗျ။ ပြီးတော့ ဗမာပြည်ဆိုတာ စီးပွါးရေးနဲ့ ပတ်သက်လာရင် သိပ်ထုံသိပ်အတဲ့ ဗိုလ်ချုပ်တွေ။မေး။ ဟုတ်လားဗျဖြေ။ ကြည့်လေ။ ဒီလောက် သဘာဝ သယံဇာတ ပေါများတဲ့ နိုင်ငံကို ဒီလို အခြေအနေမျိုး ရောက်သွားအောင် လုပ်လိုက်တဲ့ စီးပွါးရေး စီမံခန့်ခွဲမှု ညံ့ဖျင်းလိုက်ပုံများတော့။မေး။ ဒါတွေဟာ သဘာဝရဲ့ လက်ဆောင်မွန်တွေပေါ့။ဖြေ။ သိပ်ကို မိုက်တာ။ ကျနော်တော့ မသေချာဘူးဗျာ၊ တရုတ်ကလဲ ကြိုးစားခဲ့ပါတယ်။ တကယ်တော့ ကျနော်တို့လဲ သူ့ကို အထီးတည်း မနေဘို့ ကြိုးစားပန်းစား ပြောခဲ့တာပါပဲ။ ကျနော် ခင်ညွန့်လို့ခေါ်တဲ့ ဗိုလ်ချုပ်တယောက်က တဆင့် ကြိုးစားခဲ့ဖူးတယ်။ သူက သူတို့ထဲတော့ အထက်မြက်ဆုံးပဲဗျ။ ကျနော် သူ့ကို အကြံဥာဏ်တခု ပေးခဲ့တယ်၊ သူကလည်း အနည်းဆုံးတော့ သဘောကျတယ်။ ယူနီဖေါင်းချွတ်ပြီး ဆူဟာတို လုပ်သလို လုပ်ဘို့ဗျ၊ ဂိုလ်ကာလို ပါတီတခု ထောင်ဘို့ အဲဒါကို အရပ်သားပါတီ တခုဖြစ်အောင် လုပ်ဘို့ ပြောခဲ့တာ။ ဒါပေမဲ့ လုပ်နေတုံး တဝက် တန်းလန်းမှာဘဲ ဆူဟာတိုလည်း ပြုတ်ကျရော။ ဒီတော့ ကျနော်ပေးတဲ့ အကြံဥာဏ်လဲ ဟန်မကျ ဖြစ်သွားတာပေါ့ဗျာ၊ သူတို့လည်း နောက်ဆုတ်သွားရော။ ခင်ညွန့်လဲ အထုတ်ခံလိုက်ရရော။ မေး။ အချိန်ကာလက သိပ်ကို အရေးကြီးပါတယ်ဗျာ။ ဖြေ။ ဒီအတောအတွင်း ကျနော်ကလည်း ဒီက ဟိုတယ် လုပ်ငန်းရှင်တွေကို အဲဒီမှာသွား စီးပွါးရေးလုပ်ကြဘို့ ပြောပြီးနေပြီ။ သူတို့ကလဲ ဒေါ်လာ သန်းပေါင်းများစွာ အဲဒီမှာ မြှုပ်နှံပြီးနေကြပြီ။ ဟော်တယ်တွေကတော့ ဟောင်းလောင်းပဲဗျ။ ခင်ဗျားသိတဲ့ အတိုင်းဘဲလေ၊ အဲဒီမှာ ဦးဆောင်နေတာက စီးပွါးရေးကို ဘာမှမသိတဲ့ အလွန်တုံးတဲ့ သူတွေ။ ကမ္ဘာကြီးနဲ့ အဆက်ဖြတ်ပြီး အကန့်အသတ်မရှိ နေလို့ ရလိမ့်မယ်လို့ ဒီလူတွေ ဘာလို့များ ယုံကြည် နေကြသလဲ မသိပါဘူးဗျာ။ ကျနော်တော့ နားကို မလည်နိုင်တော့ဘူး။ ခင်ဗျားသိတဲ့ အတိုင်းပဲလေ၊ ဆေးလိုရင် ထိုင်းက မှောင်ခိုသွင်းတယ်၊ ဘာမှ အဓိပ္ပါယ် မရှိဘူး။ ကျနော်တို့ တွေ့မှာပါ၊ ဘယ်လိုပဲဖြစ်ဖြစ်၊ ဘာတွေပဲဖြစ်ဖြစ် သူတို့ အချိန် အကန့်အသတ်မရှိ ရှင်သန်နေလိမ့်မယ်လို့ ကျနော်တော့ မယုံဘူး။ ကြည့်လေ။ ရန်ကုန်မှာ ရှိတဲ့ အစိုးရရုံးတွေကို ပိတ်ပစ်တယ်။ ပျဉ်းမနားကို ရွှေ့တယ်။ ပျဉ်းမနား ခေါ်ခေါ် ဘာခေါ်ခေါ် အဲဒီမှာ ဘာမှမရှိဘူး။ သူတို့အတွက်တော့ အိမ်ကြီးရခိုင်တွေ ဆောက်တယ်၊ ဂေါက်ကွင်းတွေ ဆောက်တယ်။ အကြီးဆုံး ဗိုလ်ချုပ်က သူ့သမီးအတွက် ငွေသောက်သောက်လဲ ကုန်တဲ့ မင်္ဂလာပွဲကို လုပ်ပေးတယ်။ ပြီးတော့ အဲဒီ မင်္ဂလာဆောင် အခွေက YouTube မှာ ပေါ်လာရော။ သမီးကလဲဗျာ ဆင်ထားလိုက်တာ ခရစ်စမတ်သစ်ပင် ကျနေတာဘဲ။ ဒီလို အလွန်အကျွံတွေ လုပ်တော့ ငတ်ပြီး ဆင်းရဲမွဲတေနေတဲ့ လူထုကို ပုန်ကန်အောင် လုပ်လိုက်သလို ဖြစ်တော့တာပေါ့။ ဒါပေမဲ့ ဘာတွေ ဆက်ဖြစ်မလဲ ဆိုတာတော့ ကျနော်လဲ မသိဘူးဗျ။ ဘာလို့လဲဆို စစ်တပ်ကလဲ ဒီနိုင်ငံအတွက် အဖြေရဲ့ အစိတ်အပိုင်း တရပ် ဖြစ်နေတာကိုး။ စစ်တပ်ကိုသာ ဖျက်သိမ်းလိုက်ရင် တိုင်းပြည်ကို အုပ်ချုပ်ဘို့ ဘာမှကျန်မှာ မဟုတ်ဘူး။ သူတို့က အုပ်ချုပ်ရေး ယန္တရား တခုလုံးကို ဖျက်ဆီးထားပြီးပြီဗျ။ မေး။ အခု လာမဲ့ အမေရိကန် သမတ ရွေးကောက်ပွဲ အတွက် ခင်ဗျား သဘောကျတဲ့ သမတလောင်း ရှိသလားဗျ။ ခင်ဗျား ဘယ်သူ့ကို ထောက်ခံမလဲ။ ကျနော်ကတော့ ကျနော့် အကြိုက် သမတလောင်း ရှိတယ်၊ ဒါပေမဲ့ ခင်ဗျားကို အမေရိကန် နိုင်ငံသား ဖြစ်အောင် အရင်လုပ်ရဦးမယ်။ဖြေ။ ခင်ဗျား အမတ်လောင်းက ဘယ်သူလဲဗျ။မေး။ ခင်ဗျားဘဲ။ ခင်ဗျားက ဒီနိုင်ငံလေးကို အောင်မြင်အောင် နှစ်ပေါင်းများစွာ ခေါင်းဆောင် လာခဲ့တာ။ ဖြေ။ ခင်ဗျားတို့အတွက် တယ်လီဗီးရှင်းမှာသာ အပြောကောင်းတဲ့(သူ) သမတ မဟုတ်ဘဲ ရံပုံငွေလဲ ရှာနိုင်တဲ့ အောက်ခြေလူထုရဲ့ ထောက်ခံမှုလဲ ကောင်းကောင်း ရထားတဲ့ သမတလောင်း တယောက် လိုတယ်။မေး။ ခင်ဗျားက “သူ” လို့ သုံးသွားတယ်နော်။ ဖြေ။ ဟာ ဟုတ်ပါတယ်။ သူမ၊ သူ သူမပေါ့ဗျာ။ မဟုတ်ဘူးဗျ၊ (ဟီလာရီ ကလင်တန်) က ရှေ့က ပြေးနေတာ။ သူမက ရှေ့က ပြေးနေတာ။ သူမကကော အမေရိကန်အတွက် သမတကောင်း တယောက် ဖြစ်လာမှာလား။မေး။ ကျနော်မသိပါဘူး။ဖြေ။ ဘာပြောလိုက်တယ်။မေး။ ခင်ဗျား ဘယ်လို ထင်လို့လဲ။ ကျနော်က သူမနဲ့ သိပ်နီးစပ်ပါတယ်။ဖြေ။ သူမနဲ့ သိပ်နီးစပ်တယ် ဆိုတာ ခင်ဗျား ဘာကိုဆိုလိုတာလဲ။ မေး။ ကျနော်က အဲဒီမှာ ရှိတယ်လေ။ ကျနော်က အမေရိကန် လူမျိုးပါ။ ကျနော် တယောက်မှ မကြိုက်ပါဘူး။ သူမကတော့ မဆိုးဘူးလို့ ထင်တာပါဘဲ၊ အကောင်းဆုံးဆိုတာ မရှိရင်လဲ သူမက အလုပ်ဖြစ်မှာပါ။ ဖြေ။ သူမက အလုပ်ဖြစ်မယ် ဟုတ်လား။မေး။ သူမက အလုပ် ဖြစ်နိုင်ပါတယ်။ဖြေ။ ဟုတ်တာပေါ့ဗျာ၊ ကျနော်တို့ကတော့ ဘယ်သူနိုင်နိုင်၊ နိုင်တဲ့သူနဲ့ တွဲလုပ်ရမှာပဲ။မေး။ ကျနော် တနေရာမှာ တွေ့လိုက်တယ်။ ခင်ဗျားက ခင်ဗျား နိုင်ငံအတွက် ရေရှည်မှာ ဆက်ပြီး ရှင်သန် နေနိုင်ပါ့မလား ဆိုတာကို နဲနဲပါးပါး တကယ်ကို ပူပန်နေတယ်ဆို။ ခင်ဗျား တကယ် စိုးရိမ်နေတာလား။ ဖြေ။ စင်္ကာပူဆိုတာ နှစ် ၄ဝဝဝ သက်တမ်း ယဉ်ကျေးမှု ရှိတဲ့ နိုင်ငံမဟုတ်ဘူးဗျ။ ၁၈၁၉ ကျမှ တခြား နိုင်ငံက လာအခြေချတဲ့ သူတွေနဲ့ တည်ထောင်ထားရတာ။ ဒီလူတွေက သူတို့ဇာတိ ရပ်ရွာ ဆိပ်ခံတံတားတွေကို စွန့်ခွါပြီး ရေပုံ မရှိသေးတဲ့ ပင်လယ်ထဲ ရွက်လွှင့်လာခဲ့တဲ့ သူတွေ၊ ကြယ်ကိုဘဲ ကြည့်ပြီး လာခဲ့ရတာ။ ဒီတော့ ကျနော်ကလဲ သူတို့ကို ကြယ်ကြည့်ပြီးပဲ ခရီးဆက်ကြတာပေါ့လို့ ပြောလိုက်တယ်၊ သူတို့ကလဲ အိုကေ ပါပဲတဲ့၊ ကျနော်တို့ ကြိုးစား ကြည့်ကြတာပေါ့။ ကျနော်တို့ အောင်မြင်မှုတွေ ရခဲ့ပြီးပြီ၊ အခု ဒီအခြေအနေ ရောက်နေပြီ။ ဒါပေမဲ့ ကျနော်တို့ တကယ့်ကို အခြေခိုင်သွားပြီလား။ မဟုတ်ဘူးဗျ၊ ဒါက ခုလောလောဆယ် အလုပ် ဖြစ်နေတာ။ အလုပ် မဖြစ်တော့ဘူး ဆိုရင် နောက်တမျိုး ကြိုးစား ကြည့်ရဦးမှာပေါ့။ ကျနော်တို့က ခြေကုပ်မြဲသေးတာ မဟုတ်ဘူးလေ။ ကျနော်တို့ နိုင်ငံက သက်တမ်း နှစ် ၄ဝဝဝ ရှိတဲ့ လူ့အဖွဲ့အစည်းလဲ မဟုတ်ဘူး။ မေး။ ခင်ဗျားက တိုင်းပြည့် အန္တရာယ်ကို တကယ့်ကို တွေးပူနေတာပေါ့။ဖြေ။ ဟုတ်တာပေါ့။မေး။ ဒါတော့ တကယ့်ကို အံ့သြစရာ ကောင်းတာပဲ။ ကမ္ဘာပေါ်က အကောင်းဆုံး မြို့ထဲမှာ နေတယ်၊ သွားလာနေတယ်၊ ဒါတောင် ခင်ဗျား ပူနေသေးတယ်နော်။ဖြေ။ ကျနော်တို့ နေရာက ဘယ်မှာလဲ။ ကရစ်ဘီယံ ပင်လယ်ထဲမှာလား။ ဘဟားမားစ်လို အမေရိကန်နဲ့ ကပ်နေတဲ့ နိုင်ငံလား။ မြေထဲပင်လယ် ထဲမှာလား။ မော်လ်တာလို အီတလီနဲ့ ကပ်နေတဲ့ နိုင်ငံလား။ ဟောင်ကောင်လို တရုတ်ပြည်နဲ့ ကပ်နေတဲ့ နိုင်ငံလား။ ဟောင်ကောင်လို တရုပ်ပြည်ရဲ့ အစိတ်အပိုင်း ဖြစ်သွားနိုင်တဲ့ နိုင်ငံလား။ ကျနော်တို့က အရှေ့တောင်အာရှ နိုင်ငံဗျ။ မတည်ငြိမ်တဲ့၊ အခြေ မကျသေးတဲ့၊ လှိုင်းထန်နေတဲ့ ဒေသအလယ်မှာ နေရတာ။ စင်္ကာပူရဲ့ အပေါ်ထပ် အဆောက်အအုံကကော ဘယ်ပေါ်မှာ တည်ဆောက် ထားတာလဲ။ စတုရန်း ကီလိုမီတာ ၇ဝဝ ပဲ ရှိတဲ့ မြေပေါ်မှာ တည်ဆောက်ထားတာဗျ။ အကြံကောင်း ဥာဏ်ကောင်းတွေက ခုထိတော့ အလုပ်ဖြစ်တုံးပါဘဲ။ ဒါပေမဲ့ ချက်ချင်းပဲ အားလုံး ပျက်စီး သွားနိုင်တာပဲဗျာ။ ဒါတွေ အလုပ်ဖြစ်ဘို့ ဆိုတာ နိုင်ငံတကာ ဥပဒေ စည်းမျဉ်း စည်းကမ်းတွေ၊ အင်အားချိန်ခွင်လျှာ ထိန်းညှိမှုတွေရှိတဲ့ ကမ္ဘာကြီး ရှိနေမှဖြစ်မှာ။ ဒါတွေအတွက် အမေရိကန်က ရှေ့ဆုံးက အရေးကြီးတဲ့ နိုင်ငံဘဲ။ ဒီလို နိုင်ငံတကာ ဥပဒေနဲ့ အင်အား ချိန်ခွင်လျှာသာ မရှိရင် ဗီယက်နမ်လဲ ကမ္ဘောဒီးယားမှာ ရှိနေဦးမှာပဲ၊ အင်ဒိုနီးရှားလဲ အရှေ့တီမောမှာ ရှိနေဦးမှာပဲ။ မဟုတ်ဘူးလား။ သူတို့ဘာလို့ ထွက်သွားရတာလဲ။ ဘာလို့လဲဆို မလိုက်နာလို့ မရတဲ့ နှုံးစံတွေ ရှိနေလို့ဘဲ။ နယ်နိမိတ်တွေကို ကျော်နိုင်ရုံလေးနဲ့ မရဘူးလေ။ ဒီကျွန်းလေးပေါ်မှာ လူဦးရေက ၄ သန်းခွဲပဲ ရှိတယ်။ အဲဒီထဲက ၁.၃ သန်းက နိုင်ငံခြားသား အလုပ်သမားတွေ၊ တိုင်းပြည် ကာကွယ်ဘို့ ကြည်းတပ်၊ ရေတပ်၊ လေတပ်တွေလဲ ထားရသေးတယ်။ တညီတညာတည်း ဝိုင်းပြီး ဝိုင်းရံပိတ်ဆို့ ထားလိုက်ရင် ကျနော်တို့ ခံနိုင်ပါ့မလား။ ဟုတ်ပါတယ်၊ လာတိုက်ရင် ကျနော်တို့ တွန်းလှန်နိုင်ပါတယ်။ ဒေသတွင်း စစ်တပ်တွေနဲ့ ကျနော်တို့ တိုက်စွမ်းရည်ကို ကြည့်ရင် ကျနော်တို့ ပြန်တွန်းလှန်နိုင်ပါတယ်၊ သူတို့ တပ်တွေကို ဖျက်ဆီး ပစ်လိုက်နိုင်ပါတယ်။ သုံးပတ်ကြာရင် ဘာဖြစ်မလဲ၊ အစာရေစာတွေ ပြတ်တောက် ကုန်မယ်၊ အဝိုင်းခံရမယ် ပိတ်ဆို့ခံရမယ်။ မေး။ ခင်ဗျားနောက်က ဘယ်သူ လိုက်လာမလဲ၊ ခင်ဗျားပြီးရင် ဘယ်သူ တက်လာမလဲ။ဖြေ။ ဒီမှာ သူတို့ သိမ်းပိုက်စရာ ရပိုင်ခွင့်တွေ ရှိတယ်လေ။ မဟုတ်ဘူးလား။မေး။ ခင်ဗျားနာမည် တပ်မပြောချင်တဲ့ အစိုးရဆိုးတွေလား။ဖြေ။ (မလေးရှား) က ကျနော်တို့ကို (၁၉၆၅) မှာ ကန်ထုတ်လိုက်တုံးက ကျနော်တို့ ကျသွားမှာပဲ၊ သူတို့ ပြုသမျှနုရမှာပဲလို့ တွက်ခဲ့ကြတာဗျ။ ဗြိတိသျှတွေနဲ့ သဘောတူထားခဲ့တဲ့ စည်းကမ်းချက်တွေ အတိုင်း မဟုတ်ဘဲ သူတို့ စည်းကမ်းချက်တွေ အတိုင်း လက်ခံလာရမယ်လို့ ဆိုချင်တာ။ ကျနော်တို့ ပြဿနာက နိုင်ငံ ၂ နိုင်ငံကြား ဖြစ်တဲ့ ပြဿနာသာ မဟုတ်ဘူး။ လူမျိုး၊ ဘာသာရေး၊ ယဉ်ကျေးမှု အကုန်ပါတယ်။ သူတို့ တခြားတနည်းတဖုံသာ လုပ်မယ်ဆိုရင် ဒီလိုဖြစ်မှာမဟုတ်ဘူး။ တရုတ်တွေ၊ အိန္ဒိယ လူမျိုးတွေကို သူတို့ ပညာပေးခဲ့မယ်၊ နိုင်ငံသားတွေအဖြစ် သူတို့ ဆက်ဆံမယ် အသုံးချခဲ့မယ်ဆိုရင်၊ ကျနော်တို့ကို တန်းတူညီတူ ဆက်ဆံမယ်ဆိုရင် သူတို့ ကျနော်တို့ထက် သာမှာပဲ၊ သူတို့မှာ သယံဇာတတွေ အကုန် ရှိတယ်လေ။ ခုနပြောသလို သူတို့လုပ်ရင် ကျနော်တို့က သူတို့နဲ့ ဝမ်းမြောက်ဝမ်းသာ ပြန်ပေါင်းမှာပါ။ မေး။ အခုလို ဖိအားအောက်မှာ နေနေရတာ၊ ဒီလို အချိန်မရွေး ချက်ချင်းကြီး ပြောင်းလဲသွားနိုင်တယ်လို့ စိတ်ထဲ တင်းကြပ်မှုတွေ ဖြစ်နေတာဟာ စင်္ကာပူသားတွေအတွက် ကောင်းတယ်လို့ ခင်ဗျား ထင်ပါသလား။ ဒီလိုဖြစ် နေရင် တိုင်းပြည်ကို ပိုပြီး ထိထိရောက်ရောက် လည်ပတ်နေနိုင်စေတယ်လို့ ခင်ဗျား ထင်သလား။ ငါတို့တော့ ကိုယ့်ဘာသာ နှစ်သိမ့်ကျေနပ်နေလို့ မဖြစ်ဘူး ဆိုပြီးတော့ နိုင်ငံသားကောင်းတွေ ဖြစ်လာနိုင်သလား။ ဖြေ။ အသက် ၅ဝ ကျော်တဲ့ ကျနော်တို့ မျိုးဆက်ပေါ့ဗျာ၊ ဒီမျုိးဆက်က ခင်ဗျားသိတဲ့အတိုင်း ပထမပိုင်း ကာလကို ဖြတ်သန်းခဲ့ရတာ။ အသက် ၃ဝ အောက် မျိုးဆက်က စီးပွါးရေး တနှစ်ပြီးတနှစ် ဖွံ့ဖြိုး တိုးတက်လာတဲ့ အောက်မှာ တည်တည် ငြိမ်ငြိမ် ဖြတ်သန်းခဲ့ရတာ။ ကျနော် ထင်တယ် သူတို့က ထင်မယ်၊ ကျနော်က သူတို့ကို အလုပ်လုပ်ဘို့ စက်ရုံရောင်းလိုက်တာ၊ ပြီးတော့ မညှာမတာ အလုပ် လုပ်ခိုင်းတယ်လို့၊ မဟုတ်ပါဘူးဗျာ အဲဒါ မှားပါတယ်။ ပြဿနာက သူတို့က မယုံတာဗျ။ ကျနော်ထင်တာ မှားချင်လဲ မှားနိုင်ပါတယ်။ ဒါနိုင်ငံတိုင်း ကြုံနေရတဲ့ ပြဿနာဘဲ။ ဂျပန်နိုင်ငံကိုပဲ ကြည့်။ ကျနော် သူတို့ မိဘတွေ အကြောင်းကို ကောင်းကောင်း မှတ်မိတယ်။ စစ်ရှုံးပြီးတော့ သူတို့မှာ ခေါင်းဆောင်ကောင်းတွေ အများကြီးဗျ။ နိုင်ငံရေးတင် မဟုတ်ဘူး၊ စီးပွါးရေးပါ ခေါင်းဆောင်နိုင်တဲ့သူတွေ အဆင့်တိုင်းမှာ ရှိတယ်။ သူတို့ ခရီးအနှံ့ သွားတယ်၊ အလုပ်လုပ်တယ်၊ သူတို့ ပစ္စည်းတွေကို ကျားစီးဖါးစီး ရောင်းတယ်၊ ဂျပန်နိုင်ငံကို ပြန်လည် တည်ဆောက်ကြတယ်။ ကဲ ခုဂျပန် နိုင်ငံသားတွေကို ကြည့်လိုက်။ ငယ်ရွယ်တဲ့ မျိုးဆက်ကို ကြည့်လိုက်ပါ။ သူတို့မိဘ တချို့တလေလို လုပ်သေးရဲ့လားလို့။ ကျနော်တော့ မထင်ဘူး၊ ဒါပေမဲ့ ကျဉ်းထဲကြပ်ထဲ ရောက်ရင်ကော သူတို့ ဒီလို လုပ်ပါဦးမလား။ ကျနော်တော့ လုပ်မယ်လို့ ထင်တယ်။ အဲဒါက သူတို့ ယဉ်ကျေးမှုထဲမှာကို နက်နက်ရှိုင်းရှိုင်း အမြစ်တွယ်နေတဲ့ အရာဗျ။ သူတို့လုံးပန်း တိုက်ခိုက်ကြမှာဘဲ။ ရှေးဟောင်း ယဉ်ကျေးမှုရှိတဲ့ နိုင်ငံနဲ့ မရှိတဲ့နိုင်ငံ အဲဒါ ကွာတာဘဲ။ သူတို့က အတွင်းထဲမှာကို အမြစ်တွယ်နေတာ။ ကျနော်တို့က ဒီလိုမဟုတ်ဘူး။ တချိန်တည်းမှာဘဲ ဒီရှေးဟောင်း ယဉ်ကျေးမှုက သက်ကြီးရွယ် အိုပြဿနာ ကိုင်တွယ်တာ၊ တခြားက အခြေချ နေထိုင်သူတွေ၊ လူဝင်မှု ပြဿနာတွေနဲ့ ပတ်သက်လို့ ဆင်ဆင်ခြင်ခြင် ဆုံးဖြတ်ချက် ချနို်င်ဘို့ကျတော့ အနှောင့်အယှက် ဖြစ်နေပြန်ရော။ မေး။ စင်္ကာပူ စစ်တပ်က တကယ်ကောင်းတာဗျ။ ခင်ဗျား ဘယ်တော့လောက် အိမ်နီးချင်း အင်ဒိုနီးရှားကို ဝင်တိုက်ဘို့ စဉ်းစားထားလဲ။ဖြေ။ (ရယ်လျက်) ကျနော်တို့ လိုချင်တာ ငြိမ်းချမ်းပြီး အေးဆေးတဲ့ ကမ္ဘာကြီးပါ၊ ဒါပါဘဲ။ ကျနော်တို့ ဘဝတွေကို တစုံတရာ တည်ဆောက်ခဲ့ပြီးပြီ။ သူတို့ဘဝတွေကို အဲဒီလို ပိုကောင်းလာအောင် ကျနော်တို့လို ဖြစ်လာအောင် ကူညီ တည်ဆောက်ပေးရမယ် ဆိုရင်လဲ ဝမ်းမြောက်ဝမ်းသာ ကူညီမှာပါ။ ကျနော်တို့ LKY School of Public Policy အစီအစဉ်ကို စထားပြီ။ သူတို့ကို စကောလားရှစ်တွေ ပေးနေတယ်၊ ကျနော်တို့ နိုင်ငံကို စီမံ အုပ်ချုပ်မှု ကောင်းတဲ့ အစိုးရစနစ်နဲ့ တည်ဆောက်ထားတယ် ဆိုတာ သူတို့ကို သက်သေ ပြချင်တာပါဘဲ။ ခင်ဗျားတို့ကို ဓါးပြတိုက်ပြီး တည်ထောင်ထားတာ မဟုတ်ပါဘူး။ မေး။ ကျနော် (ပလိတ်) က ပရင့်စတန် တက္ကသိုလ် ဝုဒ်ရိုးဝီလ်ဆင် ပြည်သူ့ရေးရာနှင့် နိုင်ငံတကာရေးရာ ကျောင်းက ဘွဲ့ရထားတဲ့သူပါ။ ကျနော်က ဒီလို ပြည်သူ့ မူဝါဒ သင်ပေးတဲ့ ကျောင်းတွေကို အလွန်သဘောကျ နှစ်ခြိုက်တဲ့ သူပါ။ ကျနော် ထင်တယ်၊ ခင်ဗျားတို့ ခုပြောတဲ့ စင်္ကပူ မူဝါဒကျောင်းက တကယ့်ကို ကောင်းတဲ့ ကျောင်းပါ။ ခင်ဗျားတို့ တကယ်တော်တဲ့ ဌာနကြီးမှူး (ကုလသမဂ္ဂ သံအမတ်ဟောင်း Kshore Mahbubani) ကို ရွေးချယ် တာဝန် ပေးထားတယ်လို့လဲ ထင်ပါတယ်။ ကျနော် အဲဒီကို မကြာသေးခင်က အပေ့ါစား စီမီနာ တခု သွားလုပ်ခဲ့သေးတယ်။ အဲဒီက ကျောင်းသားတွေရဲ့ အရည်အသွေးက ကျနော့်ကို နောက်ကောက် ချလိုက်တာဘဲ။ ဖြေ။ ကျနော်ကတော့ ဒါဟာ ထိုက်တန်တဲ့ ရင်းနှီး မြှုပ်နှံမှုလို့ ထင်တယ်။ ဘာလို့လဲဆို ဒေသတွင်းက ကျောင်းသားတွေ ဒီမှာ ကျောင်းလာတက်ပြီး သွားရင် သူတို့ဒေသ ပြန်ရောက်တဲ့အခါ သူတို့ဆီက မီဒီယာတွေ၊ သူတို့ဆီက ခေါင်းဆောင်တွေကို ဒီနိုင်ငံ ဒီလို အောင်မြင်နေတာ ဒီလို လုပ်ခဲ့လို့လို့ သူတို့ ပြန်ပြောနိုင်ကြမှာ။ ပထမအချက်က ရိုးသားမှု၊ ဒုတိယအချက်က ဆင်ခြင်တုံတရား၊ တတိယအချက်က ဆုံးဖြတ်ချက်ချတာ၊ စတုတ္ထ အချက်က ဒီဆုံးဖြတ်ချက် အတိုင်းလုပ်တာ။ ဆုံးဖြတ်ချက်တိုင်းကို ရွေးချယ်စရာ အားလုံး ဖြစ်လာနိုင်သမျှ အကျိုးဆက် အားလုံးကို သေသေချာ ချာစဉ်းစားပြီးမှချတာ။ မေး။ ကျနော် ခင်ဗျားနဲ့ သဘောတူပါတယ်။ သင်ရိုးညွှန်းတမ်းကို ကြည့်လိုက်ရင် တကယ့်ကို အထင်ကြီးစရာ ဆိုတာ တွေ့တာပဲ။ ခင်ဗျားက အင်္ဂလန်မှာ ပညာသင်ခဲ့တယ်၊ ခင်ဗျားတို့ဆီက ထိပ်တန်း ခေါင်းဆောင် တော်တော်များများကလည်း အမေရိကန် ဒါမှမဟုတ် အင်္ဂလန် နိုင်ငံတွေမှာ ပညာသင်ခဲ့ကြတာပဲ။ အနောက်နိုင်ငံတွေမှာ နှစ်ရှည်လများ ပညာသင်ခဲ့လို့ သူများထက် သိသိသာသာ သာတာ၊ ခေါင်းဆောင် ဖြစ်လာတာ ကိုယ်လျှောက်ချင်တဲ့လမ်းကို လျှောက်ခဲ့နိုင်တာ။ အမေရိကန် အဆင့်မြင့် တက္ကသိုလ် ပညာရေးဟာ ခုလဲ ကြောက်စရာ ကောင်းလောက်အောင် ကောင်းတုံးပဲလို့ ခင်ဗျား ထင်ပါသလား။ ဖြေ။ အရည်အချင်း ရှိတဲ့သူတွေ ခင်ဗျားနိုင်ငံထဲကို ဆက်ရောက်လာဦးမယ် ဆိုရင်၊ အဲဒီမှာပဲ ဆက်နေအောင် လုပ်ထားနိုင်မယ်ဆိုရင် ဒီလို လုပ်ထားနိုင်သမျှ ဒီအခြေအနေကို ခင်ဗျားတို့ ထိန်းထားနိုင်မှာဘဲ။ ခင်ဗျားတို့ ဒီလို ဆက်လုပ်မှာလား။ နောက် ၁ဝ နှစ် နှစ် ၂ဝ ပေါ့။ ခင်ဗျားတို့ ဒီအတိုင်း ဆက်လုပ်မှာပဲလို့ ထင်တယ်။ နောက်နှစ် ၃ဝ၊ ၄ဝ၊ ၅ဝ တော့ ဒီလို ဖြစ်တော့မှာ မဟုတ်ဘူး။ ကျနော် မသေချာဘူး၊ ဘာလို့လဲဆို အဲဒီအချိန်ကျရင် တခြား ပိုဆွဲဆောင်မှု ရှိတဲ့နိုင်ငံတွေ၊ ခင်ဗျားတို့လောက် ဆွဲဆောင်မှု ကောင်းတဲ့နိုင်ငံတွေ ရှိနေမှာကြောင့်ဘဲ။ ဒါတွေက ခင်ဗျားတို့ ရခဲ့တဲ့ သွင်းအားစု အပိုတွေလေ။ ကျနော် ဘယ်လိုမြင်သလဲ ဆိုတာ ခင်ဗျားကို ရှင်းပြပါရစေ။ စင်္ကာပူသာ သူ့နိုင်ငံတွင်းက ပါရမီရှင်တွေ အရည်အချင်းရှိ သူတွေ သက်သက်သာ မှီခိုအားကိုး လုပ်ခဲ့မယ်ဆိုရင် ခုလို အောင်မြင်ခဲ့မှာ မဟုတ်ဘူး။ ဗြိတိသျှတွေ အုပ်စိုးတဲ့ခေတ်က ဒီဒေသတွင်းမှာ ကျနော်တို့က ပညာရေးရဲ့ ဗဟိုချက်မှာ ရှိခဲ့တာဗျ။ တော်တော်များများ ပညာလာသင်ကြတယ်၊ ပြီးတော့ ဒီမှာပဲ ဆက်နေကြတယ်။ ကျနော်တို့ ထိပ်တန်းအလွှာက အဲဒီလို ကျယ်ပြန့်တဲ့ အခြေခံကလာတာ။ ကျနော့် ပထမဆုံးဝန်ကြီးအဖွဲ့ ၁ဝ ယောက်ထဲမှာ ၂ ယောက်ဘဲ စင်္ကာပူမှာမွေး စင်္ကာပူမှာ ကြီးပြင်းခဲ့တဲ့ လူပါတယ်။ ကျန်တာတွေက မလေးရှား၊ တရုတ်၊ သီရိလင်္ကာ၊ အိန္ဒိယနဲ့ တခြား နေရာအနှံ့က လာကြတဲ့သူတွေ။ ပိုကျယ်ပြန့်တဲ့ ဒေသကြီးက အကောင်းဆုံး လူတွေကို စုထားနိုင်ခဲ့တာ။ ဒါခင်ဗျားတို့ အောင်မြင်မှုရဲ့ လျှို့ဝှက်ချက်ပဲ။ ခင်ဗျားတို့လဲ ပထမတော့ ဥရောပက အကောင်းဆုံး အတော်ဆုံးတွေကို ဆွဲခေါ်ခဲ့တယ်။ အခွင့်အရေးတွေ ပေးပြီးတော့။ လွန်ခဲ့တဲ့ ဆယ်စုနှစ် အနည်းငယ် လောက်ကတော့ တကမ္ဘာလုံးက အကောင်းဆုံး အတော်ဆုံးတွေကို ခေါ်ထားနိုင်ခဲ့တယ်၊ အာရှ အပါအဝင်ပေ့ါ။ ခင်ဗျားတို့ ဒီအတိုင်းသာ ဆက်လုပ်သွားမယ်ဆိုရင် ရှေ့မှာလဲ ဒီလိုဘဲ ဆက်ပြီး အောင်မြင်နေဦးမှာဘဲ။ လာချင်အောင် ဆွဲဆောင်ရုံနဲ့ မရဘူး၊ အဲဒီမှာ နေအောင် ဆွဲထားနိုင်မှ ဖြစ်မှာ။ မေး။ ခင်ဗျားတို့ကကော ဘယ်လို လုပ်သလဲ။ ဖြေ။ ကျနော်တို့ တရုတ်တွေနဲ့ အိန္ဒိယ လူမျိုးတွေကို စကောလားရှစ်တွေ အများကြီး ပေးတယ်လေ။ အဲဒီထဲက လေးပုံတပုံလောက်ဘဲ ဒီမှာ ဆက်နေတယ်ဆိုရင် ကျနော်တို့ အောင်မြင်တာဘဲ၊ အထူးသဖြင့် တရုတ်လူမျိုးတွေပေါ့။ သူတို့ ဒီကိုလာကြတယ်၊ ဒီမှာ အင်္ဂလိပ် ပညာရေးစနစ်ကို ရကြတယ်၊ ကျနော်တို့ဆီက ဘွဲ့တွေ၊ ဒီဂရီတွေ ရကြတယ်၊ ပြီးတော့ အမေရိကကို ထွက်သွားကြတယ်၊ အမေရိက က မြက်က ပိုနုတယ်ဆိုတာ သူတို့သိတယ်လေ။ အိန္ဒိယ လူမျိုးတွေကတော့ ထူးဆန်းတယ်။ အများစုက စင်္ကာပူမှာပဲ ဆက်နေကြတယ်။ ဘာလို့လဲဆို သူတို့က အိမ်ပြန်ပြီး ဆွေမျိုး မိသားစုတွေနဲ့ တွေ့ချင်ကြတယ်လေ။ အမေရိကန်က ဝေးလွန်းတယ်။ ကျနော်တို့ ဘယ်လောက်ကြာကြာ ခုလိုဆက်ပြီး အသာရ နေနိုင်မှာလဲ။ တရုတ်နဲ့ ပတ်သက်ရင် နောက်ထပ် အနှစ် ၂ဝ၊ ၃ဝ လောက်ပါဘဲ၊ ဒါပြီးရင် ကျနော်တို့ရဲ့ သူတို့ကို ဆွဲဆောင် နိုင်စွမ်းအားက ကုန်သွားပြီ။ သူတို့ကို ကျနော်တို့က ပိုကောင်းတဲ့ အခွင့်အလမ်းတွေ၊ အဆင့်အတန်းတွေ မပေးနိုင်တော့ဘူး။ အိန္ဒိယကတော့ နဲနဲပိုကြာမယ်၊ နောက်ထပ်နှစ် ၅ဝ၊ ၆ဝ လောက်အတွင်းသူတို့ အပေါ်ထပ် အဆောက်အဦက ကျနော်တို့ကို မီဦးမှာ မဟုတ်ဘူး၊ ဘာဘဲဖြစ်ဖြစ်ဗျာ ဒါတွေက ကျနော်ပူစရာတွေ မဟုတ်တော့ပါဘူး။ မေး။ အိန္ဒိယနဲ့ ပတ်သက်ရင် အမေရိကန်က လူတွေက သိပ်ထင်ကြတယ်။ နိုင်ငံခြားရေးရာ စာစောင်တွေနဲ့ တခြား စာစောင်တွေမှာဆို အိန္ဒိယကို နောက်အသစ်ပေါ်မဲ့ စူပါပါဝါလောက် ပြောကြတာ။ ကျနော်လွန်ခဲ့တဲ့ ၃ လလောက်က နယူးဒေလီကို ရောက်ခဲ့သေးတယ်၊ ကျနော့် အထင်တော့ အိန္ဒိယ အဲဒီ အခြေအနေ ရောက်ဘို့ အဝေးကြီး လိုပါသေးတယ်။ဖြေ။ သူတို့ နိုင်ငံရေးစနစ် ဘာဖြစ်ဖြစ်၊ သူတို့ လူ့အဖွဲ့အစည်းက ရောနှောနေတဲ့ လူ့အဖွဲ့အစည်းဗျ။ သူတို့က လူမျိုး တမျိုးတည်း မဟုတ်ဘူး။ ခင်ဗျားဒေလီမှာ မိန့်ခွန်းတခု ပြောတယ် ဆိုပါစို့။ (ဝန်ကြီးချုပ်) မန်မိုဟန်ဆင်းက ဟင်ဒီလို ပြောရင် တိုင်းပြည်ရဲ့ ၃ဝ% ၄ဝ% က နားလည်တယ်၊ အင်္ဂလိပ်လို ပြောရင် အထက်တန်းလွှာ ၃ဝ % လောက် နားလည်မယ်။ တရုတ်ကျတော့ သူတို့ ခေါင်းဆောင်တယောက် မ်ိန့်ခွန်းပြောရင် ၉ဝ% က နားလည်တယ်။ သူတို့က ဘာသာစကား တမျိုးတည်း ပြောကြတာ၊ လူမျိုးကလည်း တမျိုးထဲ။ အိန္ဒိယကျတော့ ရုံးသုံး ဘာသာစကားကိုက တကယ်တော့ ၃၂ ခု ရှိတာဗျ။ တခြား ဘာသာစကား ၃ဝဝ ကျော်လောက်လည်း ရှိသေးတယ်။ ခင်ဗျား ဥရောပကို ကြည့်လိုက်၊ ဘာသာစကားက ၂၅ ခု၊ တိုင်းပြည်က ၂၇ ခုရှိတယ်။ ခင်ဗျား ဘယ်လို လုပ်မလဲ။ ဥရောပ ပါလီမန်လား။ ကျနော်တို့ စင်္ကာပူမှာ ဘာသာစကား တခုတည်းစနစ်သာ မပြောင်းခဲ့ရင် ဒီတိုင်းပြည်ကို အုပ်ချုပ်လို့ ရမှာ မဟုတ်ဘူးဗျ။ဂုရုဝန်ကြီး ခင်ဗျာ၊ ကျေးဇူး အများကြီး တင်ပါတယ်။
(AsiaMedia (www.asiamedia.ucla.edu) တွင် ဖော်ပြထားသည့် ယခု အင်တာဗျူးကို မဇ္ဈိမက ဘာသာပြန်ပါသည်။- အယ်ဒီတာ)