စစ်တွေ၊ ပခုက္ကူ၊ ရန်ကုန်၊ ချောက်၊ အောင်လံ၊ ကျောက်ပန်းတောင်းမှာ

5:15 PM
စစ်တွေတွင်လည်း သံဃာတော်များ ဆန္ဒပြနေ၊ လုံခြုံရေးက ရိုက်၍ သံဃာတပါး ခေါင်းကွဲ

လောင်စာဆီ ဈေးနှုန်း မြှင့်တင်လိုက်ရာမှ သံဃာတော်များ ဦးဆောင် ဆန္ဒပြမှု ပထမဆုံး ဖြစ်ပွားသော ရခိုင်ပြည်နယ် မြို့တော် စစ်တွေတွင် ယနေ့ နေ့လည် ၁ နာရီခွဲခန့်မှ စတင်ပြီး ယခု သတင်း ရေးသားချိန် အထိ ဆန္ဒပြနေဆဲ ဖြစ်သည်။

“လူအင်အားလဲ ပါတယ်။ ဘုန်းကြီးရော လူရော ၂ဝဝဝ လောက် ကျော်မယ် ထင်တယ်။ ရဲက ဟန့်တားတာပေါ့၊ မဟန့်တားနိုင်တော့ပဲနဲ့ ဖွင့်ပေးလိုက်တာပေါ့။ သူတို့ကလဲ မယက (မြို့နယ် အေးချမ်း သာယာရေးနှင့် ဖွံ့ဖြိုးရေး ကောင်စီ) ရုံးတို့၊ ရယက (ရပ်ကွက် အေးချမ်း သာယာရေးနှင့် ဖွံ့ဖြိုးရေး ကောင်စီ) ရုံးတို့ ဝင်ပြေးကုန်တာပေါ့။” ဟု ဒေသခံ တဦးက မဇ္ဈိမ သို့ ပြောပြသည်။

“ကုန်ဈေးနှုန်း ကျဆင်းရေး ဒို့အရေး”၊ “ဖမ်းဆီးထားသော သံဃာများ ပြန်လွှတ်ပေး” ဟု ဆိုင်းဘုတ်များ ကိုင်ဆောင်ထားသော ဆန္ဒပြသူများသည် ယခု အချိန်အထိ စစ်တွေမြို့လည် လမ်းမပေါ်တွင် ရှိနေဆဲ ဖြစ်သည်။

ဆန္ဒပြမှုတွင် လုံခြုံရေးများက ရိုက်နှက်သောကြောင့် သံဃာတော်တပါး ဦးခေါင်း ကွဲသွားပြီးနောက် လုံခြုံရေးများကို အုတ်ခဲများဖြင့် ပြန်လည် ပစ်ပေါက်ကြသဖြင့် လုံခြုံရေး တယောက်လည်း ဦးခေါင်း ကွဲသွားသည်ဟု သိရသည်။

4:45 PM
ပဲခူးမှာ ဆန္ဒပြပွဲဖြစ်ပွား

တနိုင်ငံလုံး နေရာအနှံ့အပြား ယနေ့ ဖြစ်ပွားသော ဆန္ဒပြမှုတွင် ပဲခူးမြို့မှ သံဃာများလည်း ပါဝင်လာသည်။

အပါး ၇ဝဝ ကျော်ရှိ သံဃာတော်များက မဏ္ဍိုင် ကျောင်းတိုက်မှသည် နေ့လည် ၁၂ နာရီတွင် စတင်၍ ရွှေမော်ဓော ဘုရား အထိ ငြိမ်းချမ်းစွာ ချီတက် ဆန္ဒပြခဲ့ကြခြင်း ဖြစ်သည်။

“ချီတက်လာတဲ့အခါမှာ လူထုကလည်း နောက်က လိုက်လာတယ်။ ကျန်နေခဲ့တဲ့ ဘုန်းကြီး အချို့ကလည်း ပြန်လိုက်လာတယ်။ နောက်တော့ ဈေးဝိုင်းကို ဝင်တယ်။ ဈေးဝိုင်းဆိုတာ အဲဒီကို ဝင်ပြီးတော့ မြို့မကျောင်းက ဘုန်းကြီးတွေကလည်း လိုက်လာတယ်။ နောက် ရွှေမော်တော ဘုရားလမ်း အတိုင်း သွားပြီးတော့ ရွှေမော်တော ဘုရားပေါ် တက်ပြီးတော့ လူစုကွဲ လိုက်ကြတယ်။” ဟု ပဲခူးမြို့ခံ တဦးက မဇ္ဈိမ သို့ ပြောပြသည်။

လိုက်လံကြည့်ရှုသူ လူထုကြီးမှာ ထောင်ပေါင်း မြောက်များစွာ ရှိသည်ဟု ဒေသခံများက ပြောကြသည်။

“အနှောက်အယှက် မရှိဘူး။ ဘုန်းကြီးနားမှာ ဘယ်သူမှ မကပ်ရဲကြဘူး။” ဟု ဒေသခံ တဦးက မဇ္ဈိမ သို့ အတည်ပြု ပြောကြားရင်း ပြောပြသည်။

4:05 PM
ပခုက္ကူမြို့မှာ သံဃာတော်များ ဆန္ဒပြပြန်

တနိုင်ငံလုံးကို တုန်လှုပ်သွားစေသော သံဃာ ဆန္ဒပြပွဲများ ဖြစ်ခဲ့ပြီး စစ်အစိုးရက ရိုက်နှက် ဆဲဆို ဖမ်းဆီး လူစုခွဲခဲ့သော ပခုက္ကူမြို့တွင် ယနေ့ နေ့လည်က သံဃာအပါး ၈ဝဝ ခန့်က စစ်အစိုးရကို ဆန္ဒပြကြပြန်သည်။

အလယ်ကျောင်း တိုက်မှသည် စတင်သော မေတ္တာသုတ် ရွတ်ဆို ဆန္ဒပြမှုသည် အရှေ့တိုက်၊ မြို့မလမ်းမှသည် ဘုရားကြီးထိ ရောက်ရှိခဲ့ကြသည်။

“လုံခြုံရေးကတော့ အရပ်ဝတ်တွေနဲ့ အများကြီးပဲ ဒကာကြီးရေ။ မနေ့ကနေ ဦးပဉ္စင်းတို့ ကျောင်းရဲ့ ပတ်ဝန်းကျင်မှာ ရှိတဲ့ သူတွေကို ဦးပဉ္စင်းတို့ တွေ့နေရတယ်။ အရပ်ဝတ်တွေနဲ့ ကြံ့ခိုင်ရေး၊ စွမ်းအားရှင်တွေပါ သိသာပါတယ် လွယ်အိတ်တွေ လွယ်ထားတယ်။” သံဃာတော်တပါးက ပြောပြသည်။

3:40 PM
သံဃာတော်များ လူစုခွဲလိုက်ကြပြီ ဖြစ်ရာ ယနေ့ ဆန္ဒပြပွဲ အေးချမ်းစွာဖြင့် ပြီးဆုံးသွားခဲ့သည်။ မြို့သူမြို့သား အများအပြား သံဃာတော်များ၏ မားမားမတ်မတ် ရပ်တည်ချက် အပေါ် ဝမ်းသာအားရ အားပေးကြပြီး စစ်အစိုးရက မလိုက်လျောမချင်း ဆန္ဒပြမှုများ ဆက်လက် ပြုလုပ်သွားမည်ဟု ဆရာတော် တပါးက မဇ္ဈိမ သို့ ပြောကြားသွားသည်။

3:35 PM
ပုဇွန်တောင်ရှိ ကျောင်းတိုက်များ အတွင်း သံဃာတော်အများ ဝင်ရောက် သွားပြီးနောက် ကျန်ရှိသူ သံဃာတော် ၁ဝဝ ကျော်က ဗိုလ်တထောင် လမ်းမှသည် စိန်ပေါ်လ်လမ်းဘက် ကွေ့ဝင်သွားပြီ ဖြစ်သည်။

လိုက်လံ အားပေးသူ လူ ၂ဝဝဝ ကျော်ခန့် ရှိသည်ဟု သတင်းရရှိသည်။

3:25 PM
မင်္ဂလာတောင်ညွှန့် မြို့နယ်ရှိ မြန်မာ့ဂုဏ်ရည် လမ်းကို အာဏာပိုင်များက ပိတ်ဆို့လိုက်သည်။

ရန်ကုန်မြို့လမ်း ၅ဝ သို့ ဆန္ဒပြ သံဃာတော်များနှင့် အားပေးသူ လူအုပ်စုကြီး ရောက်ရှိလာပြီ ဖြစ်သည်။

3:15 PM
ဆူးလေဘုရားတွင် သံဃာတော်များ ရာနှင့်ချီ၍ ပိတ်မိနေသည်ဟု သိရသည်။

3:10 PM
အင်အား ၉ဝဝ ခန့်ရှိ ဆန္ဒပြ သံဃာတော်များ သိမ်ဖြူဘက်သို့ ချီတက်သွားကြရာ ပြည်သူလူထုကလည်း လိုက်ပါလာလျှက် ရှိသည်။ စုစုပေါင်း လူအုပ်ကြီးမှာ ၁၅ဝဝ ခန့် ရှိသည်။

လူထုကြီးက ရေသန့်ဗူးများ လှူဒါန်းကာ လက်ခုတ်တီး အားပေးကာ လိုက်လာကြခြင်း ဖြစ်သည်။

2:50 PM
ဆူးလေးဘုရားကြီးပေါ်သို့ ဆန္ဒပြသူများ ချီတက်သွားရာ အလမ်းပြဘုရား လမ်းတလျှောက် ပိတ်ဆို့မှုများ လုပ်ရန် စစ်တပ်က ပြင်ဆင်နေသည်။

2:40 PM
ဆန္ဒပြ သံဃာတော်များ ရွှေတိဂုံဘုရားနား အရောက် မုဉ်လေးဖက်စလုံး၏ တံခါးများ ပိတ်ထားသဖြင့် သံဃာတော်များသည် ဆူးလေဘုရား ဘက်ကို ချီတက် သွားကြသည်။

ဆန္ဒပြပွဲ စစဉ်က အပါး ၁ဝဝ ကျော်သာ ရှိသော်လည်း နောက်ပိုင်းတွင်း အပါး ၄ဝဝ ခန့်အထိ တိုးလာသည်ဟု မျက်မြင် သက်သေများအရ သိရသည်။

ရွှေတိဂုံ ဘုရားပေါ်နှင့် အနီးတဝိုက် ဆန္ဒပြပွဲသို့ လိုက်လံ ကြည့်ရှုသူ များပြားလှပြီး ထောင်ချီ ရှိကြောင်း ဟု မျက်မြင်သက်သေ တဦးက မဇ္ဈိမ သို့ တယ်လီဖုန်းမှ ပြောသည်။

နေ့လည် ၁၂ နာရီတွင် သိမ်ဖြူလမ်းမှသည် ကန်တော်ကြီး ပတ်လမ်းအတိုင်း ချီတက်ခဲ့ကြပြီး ဘုရားအရှေ့ဘက် မုဉ်ဘက်သို့ ဆန္ဒပြ သံဃာတော်များ ချဉ်းကပ်ခဲ့ကြသည်။

စိုးရိမ်နေသော အာဏာပိုင်များကလည်း ရွှေတိဂုံဘုရား ပတ်ပတ်လည်တွင် စစ်ကား ၅ စီးခန့် ချထားပြီး ကြံ့ခိုင်ရေးများ၊ စွမ်းအားရှင်များပါ ရောနှောပြီး ဘုရားမုဉ်ဦး တံခါး အကုန်လုံး ပိတ်လိုက်သည်။

ထို့နောက် လူစုကွဲပြီး ဆူးလေဘုရားရှိရာ မြို့ထဲဘက်သို့ သံဃာအပါး ၃ဝ ခန့် ချီတက်သွားသည်ကို တွေ့မြင်ကြရသည်။

“ဘုရားတံခါး ပိတ်လိုက်လို့ ပြေးလွှားတာ ဖိနပ်တောင် ကျန်ခဲ့တယ်။” ဟု အမောတကော ပြေးလွှားလာသူ တဦးက မဇ္ဈိမ သို့ ပြောသည်။

1:50 PM
ရန်ကုန်မြို့တွင် သံဃာတော် အပါး ၁ဝဝ ကျော်က ကန်တော်ကြီးကို ပတ်၍ ရွှေတိဂုံဘုရား အရှေ့ဘက်မုဉ်သို့ ငြိမ်းချမ်းစွာ ချီတက် ဆန္ဒပြနေ ကြသည်။

1:30 PM
ချောက်မြို့တွင်လည်း ဆန္ဒပြ

ချောက်မြို့တွင် သံဃာတော်အပါး ၂ဝဝ ကျော်ခန့်က အမှတ် ၁ဝ ပတ္တမြား ရပ်ကွက် ကျောင်းတိုက်မှသည် အမှတ် ၃ ကျောင်းအနီးထိ ယနေ့ နံနက်က ဆန္ဒပြခဲ့ကြသည်။

“မနက် ၅ နာရီခွဲမှာ စတာ။ လမ်းလျှောက် ပရိတ်ရွတ်ကြတာ။ ဘုန်းကြီး ၂ဝဝ ကျော်ခန့်ပါ။ လူမပါဘူး။ လူတွေက ဘေးကနေ ဝိုင်းကြည့်ကြတာပဲ။ ဘေးကတော့ များတာပဲ။ အမှတ် ၁ဝ ပတ္တမြား ရပ်ကွက် ကျောင်းကနေ စထွက်တာ။ ပတ္တမြား ရပ်ကွက်ကနေ မယက ရုံး မြောက်ဘက်ကနေ ဈေးအရှေ့ဘက်၊ ဈေးအရှေ့ဘက်ကနေ ကလပ်ရိပ်သာ၊ ဈေးအရှေ့ဘက်ကနေ ဘောလုံးကွင်း၊ ဘောလုံးကွင်းကနေ ပျဉ်းမလမ်း၊ ပျဉ်းမလမ်းကနေ သကာလ ဟို ကွက်သစ်လမ်း အမှတ် ၃ ကျောင်းနားကျတော့ လူစုကွဲတာပဲ။ ပရိတ် ရွတ်ကြတယ်။ မေတ္တာသုတ်ရယ်၊ မောဓသုတ် အဲဒါ ရွတ်တယ်။ မယကရုံးက ဘာမှ နှောင့်ယှက်ခြင်း မရှိဘူး” ဟု လယ်တီကျောင်းတိုက်မှ ချောက်မြို့ သံဃာ့ နာယကအဖွဲ့ ဥက္ကဌက မဇ္ဈိမ သို့ ပြောသည်။

12:30 PM
ရန်ကုန်မှ မြောက်ဘက် ၅၁၅ ကီလိုမီတာ ဝေးသော အောင်လံမြို့တွင် သံဃာတော်များက မေတ္တာသုတ်များ ရွတ်ဆိုပြီး လမ်းလျောက် ဆန္ဒပြ ကြသည်။

ဆွမ်းလောင်းအသင်းမှ ရွာထောင်ဘက်အထိ ချီတက်သော သံဃာတော်အပါး ၉ဝ ခန့်တွင် မြို့နယ် သံဃာ့နာယက အဖွဲ့ အတွင်းရေးမှူး ရွှေပေါက်တင် ဆရာတော် ဦးညာနလည်း ပါဝင်သည်။

“အာရုံတက် ငါးနာရီမှာဆိုတော့ အလင်းရောင် အားနည်းတာပေါ့နော်။ အလင်းရောင် အားနည်းတော့ ရွှေပေါက်တင် ဆရာတော် ဦးညာန မြို့နယ် သံဃာ့နာယက အတွင်းရေးမှူးရဲ့ ဂျစ်ကားက နောက်ကနေ မီးထိုးပြတယ်။ ထိုးပြတော့ သံဃာတွေ အေးအေးဆေးဆေးနဲ့ မေတ္တာရွတ်တာ ကို အနှောက်အယှက် မရှိဘူး။” ဟု ဆန္ဒပြရာတွင် ပါဝင်သူ သံဃာတော် တပါးက မဇ္ဈိမ သို့ ပြောပြသည်။

“အနောက်အယှက် ဘာမှတော့မရှိဘူး။ ဒါပေမယ့် လမ်းတစ်ဝက် ရွေကျောင်းတောင်နားပေါ့၊ မသင်္ကာဖွယ် တခုတော့ တွေ့ရတယ်။ ရဲအဖွဲ့တွေက ဒိုင်နာကား တစီးရှိတယ်။ ရယက လူကြီးတွေရောပေါ့။ အဲဒီထဲမှာ ဦးပဉ္ဇင်းတို့ သိတဲ့ သူတွေလဲ ပါတယ်။ သူတို့က ဘယ်လိုလဲ ဆိုတော့ ဦးပဉ္ဇင်းတို့က အနောက်ဘက် လမ်းကနေ သွားတယ်ဆိုရင် သူတို့က အရှေ့ဘက်လမ်း ဆိုင်ကယ်တွေက ဘေးနားကနေ ကပ်ပြီးတော့ လိုက်တယ်။ သူတို့ကလည်း တော်တော်များတယ်။ ဆိုင်ကယ်က ငါးစီးလောက် ရှိတယ်။ နောက်ပြီးကျတော့ သံဃာ့နာယက ဥက္ကဌကနေ့ ဦးပဉ္ဇင်းတို့ နောက်ကနေ ထပ်ချပ်မကွာ လိုက်တယ်။ ဦးပဉ္ဇင်းတို့က ငြိမ်းငြိမ်းချမ်းချမ်းနဲ့ပဲ မေတ္တာ ရွတ်ဖတ်တယ်။”

11:40 AM
မကွေးတိုင်း အောင်လံမြို့နယ်တွင်လည်း သံဃာတော်အပါး ၉ဝ ခန့်က ယနေ့ နံနက် ၅ နာရီမှ ၇ နာရီ အထိ စီတန်း လမ်းလျောက် ဆန္ဒပြခဲ့ကြသည်။

11:30 AM
တရုတ် ဆန့်ကျင် ဆန္ဒပြပွဲများ ၁ဝ နိုင်ငံတွင် ကျင်းပ

နယူးဇီလန်ရောက် မြန်မာနိုင်ငံသားများက စက်တင်ဘာလ ၁၈ ရက်နေ့တွင် အော်ကလန်မြို့ရှိ တရုတ် ကောင်စစ်ဝန်ရုံး ရှေ့တွင် မြန်မာနိုင်ငံပေါ် ထားရှိသည့် တရုတ် ပေါ်လစီနှင့် ပတ်သက်၍ ကန့်ကွက် ဆန္ဒပြခဲ့ကြသည်။

ဆန္ဒပြပွဲတွင် တရုတ် အစိုးရ အနေဖြင့် နအဖကို ထောက်ပံ့နေမှုများ ရပ်ဆိုင်းရေး၊ တရုတ် အနေဖြင့် မြန်မာနိုင်ငံ ဒီမိုကရေစီ ရရှိရေးအတွက် ပါဝင် ဆောင်ရွက်သွားရေးတို့ တောင်းဆိုသွားသည်။

လောင်စာဆီဈေးနှုန်းများ ရုတ်တရက် တိုးမြှင့်လိုက်ခြင်းမှ မြန်မာပြည်တွင်း ဆန္ဒပြပွဲများ ဖြစ်ပေါ်လာပြီးနောက် ပြည်ပရောက် မြန်မာများကလည်း တရုတ် ပေါ်လစီ ဆန့်ကျင်ရေး ဆန္ဒပြပွဲများ ပြုလုပ် လာခဲ့ကြသည်။

အိန္ဒိယနိုင်ငံ အပါအဝင် နိုင်ငံပေါင်း ၁ဝ နိုင်ငံမှ မြန်မာနိုင်ငံသားများက နအဖ စစ်အာဏာသိမ်းသည့် နှစ်ပတ်လည်နေ့ စက်တင်ဘာ ၁၈ ရက်နေ့တွင် သက်ဆိုင်ရာ တရုတ်သံရုံးများ ရှေ့တွင် ကန့်ကွက် ဆန္ဒပြခဲ့ကြသည်။

တရုတ်နိုင်ငံသည် ၁၉၈၈ ခုနှစ်မှစပြီး မြန်မာနိုင်ငံသို့ စစ်လက်နက်၊ ငွေကြေး၊ နိုင်ငံရေးနှင့် မဟာဗျူဟာ အထောက်အပံ့များ အဓိက ပေးနေသည့် နိုင်ငံဖြစ်သည်။

11:05 AM
စွမ်းအားရှင်များ တယောက်လျှင် ၂ဝဝဝ နေ့တွက်ရ၊ တပ်မ 44 အသင့်ဖြစ်

ရန်ကုန်မှ အထောက်တော် တဦး၏ ပေးပို့ချက်အရ

“တမြို့နယ်ကို ဒိုင်နာကား နှစ်စီးလောက် ထွက်တယ်။ အဲဒါကတော့ စွမ်းအားရှင်တွေနဲ့ ကြံ့ဖွံ့တွေရော၊ လမ်းဘေးက အလုပ်အကိုင် မရှိတဲ့ သူတွေ၊ ဆိုက်ကားသမားတွေကို တယောက်ကို ၂ ထောင် ပေးပြီးတော့ ခေါ်တယ်။ ခေါ်ပြီး အဲဒီလူတွေကိုပါ အားဖြည့်ထားတယ်။ အခုသူတို့ (ရဲတွေ) ယူနီဖောင်း ချွတ်ပြီးတော့ မာဖီတွေနဲ့ လုံခြုံရေးကို ချထားတယ်။”

“အဓိက နေရာတွေဖြစ်တဲ့ အထက်တန်းကျောင်း ပတ်ဝန်းကျင်၊ ဘုန်းကြီးကျောင်းတိုက် ပတ်ဝန်းကျင်တွေ၊ ရန်ကုန်မြို့လယ်ရဲ့ အချက်အချာ နေရာတွေမှာ ချထားတယ်။ ဥပမာအားဖြင့် မြို့လယ်က ဆူးလေ၊ မြို့တော်ခန်းမတို့၊ ကျောင်းသားနဲ့ ဘုန်းကြီးတွေ ပေါင်းမယ်ဆိုတဲ့ အတွက်ကြောင့် ကျောင်း ပတ်ဝန်းကျင်မှာလည်း လုပ်ရှားမှု ရှိလာရင် သူတို့ အရေးယူ ဆောင်ရွက် နိုင်အောင်လို့ ချထားတယ်။”

“တပ်မဟာ 44 က စစ်သားတွေက ဝတ်စုံအပြည့်နဲ့ သူတို့ကို နောက်ကနေပြီး နေတယ်။ အခု စွမ်းအားရှင်နဲ့ ကြံ့ဖွံ့တို့ ရဲ၊ စစ်ထောက်လှန်းရေးတွေက နေပြီးတော့ အနီးက ထွက်ပြီးတော့ လုံခြုံရေး ယူနေတယ်။ တကယ် ဖြစ်ပေါ်လာခဲ့လို့ ရှိရင် တပ်မဟာ 44 က ထွက်လာဖို့ လုပ်နေတယ်။ ဘုန်းကြီးတွေ ထွက်လာရင် တပ်နဲ့ ထိပ်တိုက်တွေ့ဖို့ အနေအထားမှာ ရှိနေတယ်။ ပခုက္ကူက လိုဘဲ ထ်ိပ်တိုက်တွေ့ဖို့ များတယ်။ ဒီသံဃာတွေနဲ့ စစ်အစိုးရ အက်စ်ဘီဒီစီတွေနဲ့ ထိပ်တိုက် တွေ့လာခဲ့လို့ ရှိရင် ပြည်သူကလည်း ပူးပေါင်း ပါဝင်လာမဲ့ အနေအထားမှာ ရှိနေတယ်။”

10:30 AM
သပိတ်တွေမှောက်ပြီး ဆန္ဒပြတဲ့ ကျောက်ပန်းတောင်းက သံဃာတော်များ

“စိတ္တပါရဂူ ကျောင်းလည်း သံဃာများတယ် သံဃာ ၂ဝဝ ကျော်လောက် ရှိမှာပေါ့။ သူတို့ကျောင်းက သံဃာ ၂ဝဝ ကျော်လောက် ရှိတော၊့ သူတို့က မနေ့က မပါလိုက်ရတော့ သူတို့ ဒီနေ့ ထပ်ပြီးတော့ သူတို့ ကျောင်းတကျောင်းထဲပဲ ထပ်ပြီးတော့ မြို့ထဲမှာ လှည့်ပြီးတော့ ပရိတ်ရွတ်တယ်။ ဒီနေ့ သူတို့ထဲမှာ တခု ထူးခြားတာကတော့ သူတို့က သပိတ်တွေကို ဦးပဉ္စင်းတို့လို မဟုတ်ပဲနဲ့ သပိတ်တွေကို မှောက်ပြီးတော့ ကိုင်ပြီး မြို့ထဲကို လှည့်တယ်လို့ ကြားတယ် တကာကြီး။” ဟု ကျောက်ပန်းတောင်း မြို့မှ သံဃာတော် တပါးက မိန့်ကြားသည်။

“အာဏာပိုင် အဖွဲ့အစည်းက နှောက်ယှက်တာ မရှိပါဘူး တကာကြီး။ မနေ့ကလို ပါပဲ၊ လမ်းပေါ်မှာ နောက်ခံ လိုက်ကြည့်တာတို့၊ ဟိုနား ဒီနားမှာ စောင့်ကြည့်တာတို့၊ အဲဒီလောက်ပဲ ရှိပါတယ။” ဟု ဆက်ပြောသည်။

9:45 AM
ကျောက်ပန်းတောင်းတွင် သံဃာတော်များ ဆန္ဒပြနေ

ကျောက်ပန်းတောင်း မြို့နယ်တွင် သံဃာတော်အပါး ၁ဝဝ ခန့်က လမ်းလျှောက် ဆန္ဒပြလျှက် ရှိသည်။ မြို့မှ ၄ မိုင်ခန့် ဝေးသော စိတ္တပါရဂူ ကျောင်းတိုက်မှ နံနက် ၇ နာရီခွဲခန့်မှ စတင်သော အထွေထွေ အကြပ်အတည်း ဆန္ဒပြသူများသည် ပရိတ် တရားတော်များ ရွတ်ဆို၍ မြို့တွင်းသို့ ဆက်လက် ချီတက်လျှက် ရှိသည်။

နံနက် ၉ နာရီခန့်က မြင်းခြံ လမ်းမကြီးပေါ်သို့ ရောက်ရှိပြီး အောက်ကို ဆင်းသွားရာ ရပ်ကြည့်နေကြသူများ ရှိသလို နံဘေးမှ ဆိုင်ကယ်များ၊ ကားများဖြင့် လိုက်လံ ကြည့်ရှုနေကြသည်။

“ကျောက်ပန်းတောင်းမှာ သပိတ်မှောက်ထားတယ်။ သပိတ် မလှန်ဘူး။ သပိတ် မှောက်ထားတယ်။” ဟု ဒေသခံ တဦးက ပြောသည်။

“လူတွေက တော်တော် အံ့သြနေကြတာ၊ ဘေးက အသည်းအသန် လိုက်ကြည့်နေကြတာ။” ဟု သူက ဆက်ပြောသည်။

(ဆက်လက် ဖော်ပြ သွားပါမည်။)

မနေ့က ရွှေပြည်သာမှာ ကန့်ကွက်စာ ပေးပို့

ယမန်နေ့ နံနက် ၁ဝး၃ဝ နာရီတွင် ရန်ကုန်တိုင်း၊ ရွှေပြည်သာ မြို့နယ်၊ ထန်းခြောက်ပင် ကားကြီးဂိတ်မှ မြို့နယ် မယက ရုံးအထိ၊ မှတ်တိုင် ၂ မှတ်တိုင်ရှိသော၊ အမျိုးသား ဒီမိုကရေစီ အဖွဲ့ ချူပ်မှ ဦးသိန်းအောင်၊ ဦးတင်ရွှေ နှင့် ဦးအောင်ငြိမ်း တို့ ဦးဆောင်ပြီး ပြည်သူလူထု ၅ဝ ခန့် က ခြံရံ လိုက်ပါလာကာ ပြည်သူလူထုမှ တင်ပြ ပေးပို့ သော လောင်စာဆီ ဈေးနှုန်း ချပေးရေး၊ အခြေခံ စားသုံးဆီများအား ဈေးနှုန်းချပေး ပေးစာများကို ကိုင်ဆောင်၍ မယက ရုံးသို့ သွားရောက် ပေးပို့ရာတွင် မယကရုံးက ပေးစာများကို လက်ခံရန် ငြင်းဆန်ခဲ့သည်။

“အတွင်းရေးမူးက အစည်းအဝေး ရှိတယ်၊ ပေးစာကို လက်မခံနိုင်ဘူး ဆိုပြီးတော့ ပြောတယ်၊ လူအုပ်ကို တွေ့ တော့ ရုံးတံခါးတွေ အကုန် ပိတ် လိုက်ပြီး၊ အတွင်းမှ ဝန်ထမ်းများက ပြူတင်းပေါက်မှ ထွက်ကြည့် နေကြကြောင်း၊ နောက်တော့ ပြည်သူလူထုရဲ့ ပေးစာကို လက်မခံ တာကြောင့်၊ သူတို့တွေ ပြန်လာခဲ့တယ်” ဟု ဒေါ်နော်အုံးလှ က မဇ္ဈိမ သို့ ပြောသည်။

------------------------------------------

ကျောက်ပန်းတောင်းတွင် သံဃာတော်များ ဆန္ဒပြ

စက်တင်ဘာလ 17 ရက်၊ ၂၀၀၇ ခုနှစ်။

6:10 PM
အချိန် မရေရာသည့် ညီလာခံ ထောက်ခံပွဲ တက်ရောက်ရန် ဝန်ထမ်းများအား ညွန်ကြားထား

မကွေးတိုင်း၊ မကွေးမြို့မှ မိုင် ၅ဝ ခန့် ကွာဝေးသော၊ မြို့သစ် ဌာနဆိုင်ရာ ရုံးများမှ ဝန်ထမ်းများကို ကျင်းပရန် အစီအစဉ် ရှိသည့် အမျိုးသား ညီလာခံ ထောက်ခံပွဲ တက်ရန် ညွှန်ကြားထားသည်။

စက်တင်ဘာလ ၂၄ ရက်နေ့တွင် ပြုလုပ်ရန် လျာထားခဲ့သော်လည်း တိုင်းပြည်တွင်း ဆန္ဒပြပွဲများ ဆက်တိုက် ဖြစ်ပွားနေပြီးနောက် ရွှေ့ဆိုင်းခဲ့သည့် ထောက်ခံပွဲအတွက် ဌာနတခုလျှင် ဝန်ထမ်း ၇ ဦးကျ တက်ရောက်နိုင်ရေး စီစဉ်ထားရန် အထက်မှ ညွှန်ကြားထားသည်ဟု မကွေးမြို့သစ်နေ ဝန်ထမ်းတဦးက ပြောသည်။

5:15 PM
ဇခုန်တိန့်ယိင်းနှင့် မြောက်ပိုင်းတိုင်းတွေ့ဆုံ

ငြိမ်းချမ်းရေး ရယူထားသည့် ကချင်ဒီမိုကရေစီသစ် တပ်မတော်အဖွဲ့ ဥက္ကဌ ဦးဇခုန်တိန့်ယိင်းကို မြောက်ပိုင်းတိုင်း စစ်ဌာနချုပ် အရာရှိများက ယမန်နေ့က မြစ်ကြီးနားတွင် တွေ့ဆုံ ဆွေးနွေးလျက် ရှိကြောင်း သိရသည်၊၊

3:40 PM
ချောက်မြို့တွင် သံဃာများဆန္ဒပြ

သံဃာတော်များ ဆန္ဒပြပွဲများ ဖြစ်နေသော မကွေးတိုင်း အတွင်း ချောက်မြို့နယ်တွင်လည်း ယမန်နေ့က သံဃာတောအပါး ၃ဝ ခန့် ဆန္ဒပြ ခဲ့ကြသည်။

ရခိုင်မှာ တိုးမြှင့်လိုက်တဲ့ လုံခြုံရေး

စစ်တွေမြို့ပေါ်ရှိ ဘုရားကြီးနှင့် လောကနန္ဒာ ဘုရားကြီး အတွင်း၌ ရဲ၊ လုံထိန်းများ စောင့်ကြပ်လျှက် ရှိသည်ဟု သံဃာတော် တပါးက ပြောသည်။ ထူးခြားချက် တခုမှာ ဒေသ စစ်ဆင်ရေးနှင့် ကွပ်ကဲရေး ဌာနချုပ်မှူး သန်းထွန်းအောင် အမိန့်ဖြင့် ဆင့်ခေါ်သော လုံခြုံရေး စီမံချက် တွင် စစ်တွေမြို့ ဘုန်းကြီးကျောင်းများရှိ တာဝန်ခံ သံဃာတော်များကိုပါ ပူးတွဲ စောင့်ခိုင်းနေခြင်း ဖြစ်သည်ဟု ဆိုသည်။

2:30 PM
စကုမှာ သံဃာတော်များ ကံဆောင်ရန် အသင့်ဖြစ်နေဟုပြော

မကွေးမြို့တိုင်း စကုမြို့နယ် သံဃာအပါး ၇ဝ ခန့်သည် ပတ္တနိက္ကုဇ္ဇန ကံဆောင်ရန် သဘောတူထားပြီး ဖြစ်နေသည်ဟု စကုမြို့နယ်မှ ဆရာတော် တပါးက ပြောသည်။

ပွင့်ဖြူမှာ ကြံ့ဖွံ့နှင့် စွမ်းအားရှင်များ ဖြိုခွင်းရန်အသင့်

“အခုကျနော်တို့ ပွင့်ဖြူမြို့မှာ အခြေအနေကတော့ တရပ်ကွက်ကို ၃၅ ယောက် ကြံ့ဖွတ်နဲ့ စွမ်းအားရှင်တွေကို ၃၅ ယောက် စုထားတယ် ။ တနေ့ကို ၁ဝဝဝ ကျပ်ငွေနှုန်း သူတို့ ငွေကြေးပေးတယ်။ အဲဒီမှာ အရေးအခင်း တခုခု ဖြစ်ခဲ့သည် ရှိသော် ပထမ တားရမယ်။ ဒုတိယ တွန်းရမယ်။ တတိယမှာ ရိုက်ရမယ် ဆိုပြီးတော့ တားမယ်၊ တွန်းမယ်၊ ရိုက်မယ်၊ ဆိုပြီးတော့ သူတို့ အမိန့်တွေ ထုတ်ထားတယ် ခင်ဗျာ။ မနေ့ ၁၆ ရက်နေ့က စထုတ်တယ်လို့ ပြောတယ်။ ငှားတဲ့လူတွေကလည်း ကြံ့ဖွတ်နဲ့ စွမ်းအားရှင်ထဲက လူတွေပဲ။” ဟု မကွေးတိုင်း ပွင့်ဖြူမြို့နယ်မှ ဒေသခံ တဦးက ပြောသည်။

12:38 PM
ရန်ကုန် မြို့တော်ခန်းမရှေ့မှာ လုံခြုံရေးတွေနဲ့ စည်ကားနေ

“မြို့တော်ခန်းမ ရှေ့မှာတော့ စစ်သားတွေရော၊ ရဲတွေရော၊ စွမ်းအားရှင်လို့ ထင်ရတဲ့ လူတွေ ၁ဝဝ နီးပါးလောက် ရှိတယ် စုစု၊ စုစုနဲ့ ရှိနေကြတယ်။ ဘုန်းကြီးကျောင်းတွေမှာလည်း အရပ်ဝတ် အဝတ်အစားတွေနဲ့၊ စောင့်နေတာတွေ ရှိတယ်။ အင်အားကတော့ ၄ဝ၊ ၅ဝ လောက်တော့ ရှိနိုင်တယ်။

12:36 PM
ကျောက်ပန်းတောင်းက လုံခြုံရေး ရဲတွေပဲ စောင့်ကြည့်နေ

“အခုရဲစန်းက ရဲတွေကတော့ နေရာအနှံ့မှာ ရောက်နေပါတယ်။ နေရာအနှံ့အပြန့်မှာ သူတို့ စောင့်ကြည့်နေတယ်။ သံဃာတွေ ကျောင်းအရှေ့ တည့်တည့်တော့ မနေရဲဘူး သိလား။ ကျောင်းရဲ့ ဝါးသုံးပြန်ကွာလောက်မှာ အကုန်လုံး စောင့်ကြည့် နေကြပါတယ်။ စစ်သား မပါပါဘူးခင်ဗျာ။ ရဲတွေ ပါတယ်၊ ကြံ့ဖွတ်တွေ ပါတယ်။ ပုံမှန် အခု ကျောင်းတိုက် နှစ်တိုက်ရဲ့ ဘေးမှာ ဝါးသုံးပြန်ကျော်လောက်မှာ အကုန်လုံး စောင့်ကြည့် နေကြတာပဲ။”

12:35 PM
ဆန္ဒပြရာတွင် ပါဝင်သော သံဃာတော်တပါး၏ မိန့်ကြားချက်။

“မြို့တော်ရှေ့ စာသင်တိုက်ကြီး နှစ်တိုင်ပေါင်း အခြား စာသင်တိုက် အသီးသီးက ပူးပေါင်း ပါဝင်လာတဲ့ သံဃာတော်များနှင့် တကွ သံဃာ အင်အား ၅ဝဝ ခန့်ပေါ့ မြို့ပေါ်ရှိ ဆုတောင်းပြည့် စေတီအတွင်းမှာ အထွေထွေ အကြပ်အတည်းဖြင့် ဆင်းရဲ ဒုက္ခ ရောက်နေကြတဲ့ ရဟန်းရှင် လူ ပြည်သူများအား ဆင်းရဲဒုက္ခမှ လွတ်မြောက်စေရန် မေတ္တာရှေ့ထား၍ ဦးပဉ္စင်းတို့ မေတ္တာသုတ် တရားတော်ကို ရွတ်ဖတ်ခဲ့ကြပါတယ်။ နောက်တခါ ငြိမ်းချမ်းစွာ ဆန္ဒပြပြီးတော့ အဖမ်းခံထားရတဲ့ ရဟန်းရှင် ပြည်သူများလည်း အမြန်ဆုံး အဖမ်းခံရတဲ့ နောက်အဖွဲ့တွေက လွတ်မြောက်စေရန် ရည်ရွယ်ပြီးတော့ ပရိတ် တရားတော်များလည်း ဦးပဉ္စင်းတို့ ရွက်ဖတ်ပူဇော်ခဲ့ကြပါတယ်။”

“ဦးပဉ္စင်း အထူး ပြောချင်တာကတော့ သူ့အယူဆ ကိုယ့်အယူဆ၊ သူ့အဖွဲ့ ကိုယ့်အဖွဲ့ တဦးတယောက်ရဲ့ အယူအဆတွေကို ရှေ့တန်းတင်ပြီးတော့ နေကြမယ် ဆိုရင်တော့ လူသင်းကွဲ၊ သံဃာသင်း ကွဲပြီး မကြာမီ ဒုက္ခ သက်ရောက်လိမ့်မယ် ထင်ပါတယ်။ အဲဒီလို လူတွေလည်း မညီညွတ်ကြ၊ သံဃာတွေလည်း မညီညွတ်ကြဘူး ဆိုရင်တော့ မိမိတို့ မြန်မာပြည်ကြီးဟာ ဆင်းရဲတွင်း နက်သတဲ့ နက်ပါလိမ့်မယ် လို့ ပြောချင်ပါတယ်။ ဗုဒ္ဓဘာသာ သာသနာ ထွန်းကားတဲ့ မြန်မာနိုင်ငံရေး အနေနဲ့ ဘဝအလယ်မှာ အင်မတန်မှကိုပဲ ရှက်ဖွယ်ရာ ကောင်းတဲ့ ဖြစ်ရပ်ကြီး ဖြစ်ပါတယ်။ ဒါကြောင့် အဲဒီလို ကမ္ဘာအလယ်မှာ သံဃာကို စော်ကားမှုကြီးတွေ နောက်နောင်အခါမှာ မဖြစ်ပေါ်ဖို့ရန် အတွက်ဟာလည်း လူတိုင်းမှာ တာဝန်ရှိတယ်၊ အလုပ် ဖြစ်ပါတယ်။ ဦးပဉ္စင်းတို့ မြန်မာပြည်သူများလည်းပဲ ပါဝင်ကြဖို့ အထူးပဲ ဦပဉ္စင်းတို့ တိုက်တွန်းချင်ပါတယ်။” ဟု သူက ထပ်ပြောသည်။

11:30 AM
ကျောက်ပန်းတောင်းတွင် သံဃာတော်များ ဆန္ဒပြ

ကျောက်ပန်းတောင်းတွင် သံဃာများ ဆန္ဒပြ

ကျောက်ပန်းတောင်းမြို့တွင် သံဃာတော် အပါး ၅ဝဝ ကျော်က ယနေ့ နံနက်တွင် ကုန်ဈေးနှုန်းများ ကျဆင်းရေးနှင့် နိုင်ငံရေး ပြဿနာများကို ငြိမ်းချမ်းစွာ တွေ့ဆုံ ဆွေးနွေး အဖြေရှာရန် မေတ္တာပို့ လမ်းလျှောက် ဆန္ဒပြ ခဲ့ကြသည်။

“ပထမဦးဆုံး လမ်းတလျောက်မှာလည်း ဗုဒ္ဓ ဘာသာဝင်တို့ရဲ့ အပြုအမူ မဟုတ်တဲ့ အပြုအမူမျိုးဖြင့် စော်ကားခံရတဲ့ ပခုက္ကူ သံဃာများက နေပြီးတော့ စီးပွားရေး ကြပ်တည်းမှုကြောင့် ဒုက္ခ ရောက်နေကြတဲ့ ပြည်သူလူထုကို ဒုက္ခမှ လွတ်မြောက်ပေးရန် မေတ္တာ ပို့ပါတယ်။ ကုန်ဈေးနှုန်း တက်ခြင်းကြောင့် မခံမရပ်နိုင်ကြတဲ့ ငြိမ်းချမ်းစွာ ဆန္ဒပြနေကြတဲ့ ပြည်သူလူထုနဲ့ နိုင်ငံရေး အကျဉ်းသားများ ဒေါ်အောင်ဆန်း စုကြည်နဲ့ ကျောင်းသား ခေါင်းဆောင် ကိုမင်းကိုနိုင်တို့ အပါအဝင် ရဟန်းရှင်လူ ပြည်သူလူထုတွေ လွတ်မြောက်နိုင်ဖို့ ဘုရားစာရွက်တွေ ဝေပါတယ်။ သူတို့ရဲ့ သင်ပြချက်တွေကတော့ မြန်မာပြည်တိုင်းမှာ ဦးထိပ်ထားရတဲ့ သာသနာတော်တွေကို နှောင်အခါမှာ ပေါ်ပေါက်မှု မဖြစ်စေရန် ဗုဒ္ဓဘာသာဝင် လူတိုင်းမှာ တာဝန်ရှိတယ်။ တခြား သံဃာတော်များကိုလည်း ပခုက္ကူ သံဃာတော်များနှင့် အတူ ပူးပေါင်း ပါဝင်ကြဖို့ လေးလေးနက်နက် တိုက်တွန်းချက်တွေ ပါပါတယ်။” ဟု ဒေသခံတဦးက ပြောသည်။

နံနက် ၆ နာရီမှစတင်သည့် ဆန္ဒပြပွဲသည် နောက်ပိုင်းတွင် သံဃာတော်အပါး ၁ဝဝဝ ခန့် အထိ ဖြစ်သွားပြီး တနာရီကျော် အကြာတွင် အေးချမ်းစွာ ပြီးဆုံးသွားသည်။

မြို့နယ် အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဌ၊ ရဲမှုးနှင့် ကြံ့ခိုင် ဖွံ့ဖြိုးရေးများ ဆန္ဒပြ သံဃာတန်းနောက်မှ တကောက်ကောက် လိုက်ပါခဲ့ကြသော်လည်း နှောက်ယှက်ခြင်း မရှိပေ။

နံဘေးမှ ကြည့်ရှုသူ ပြည်သူတချို့ “ငိုတောင်ငိုတယ်” ဟုဆိုကာ လူအများ၏ ထောက်ခံချက် အပြည့်အဝ ရသည်ဟု ဆိုသည်။

---------------------------------

ရန်ကုန် မန္တလေးရှိ ဘုန်းကြီးကျောင်းများ အနီးတွင် ရဲများစွာချထား

စက်တင်ဘာလ 16 ရက်၊ ၂၀၀၇ ခုနှစ်။

2:15 PM
ပဲခူးမှာ သံဃာများ ဆွမ်းခံမထွက်ရေး

ဒီ ဆွမ်းခံကြွနေကြပေါ့နော်၊ ဆွမ်းခံကြွနေကြ ကိုယ်တော်တွေကပေါ့နော် ဒီ ၁၇ ရက်နေ့နဲ့ ၁၈ရက်နေ့တွေ၊ အဲဒီရက်နေ့ကိုပေါ့နော်၊ ဒီအိမ်တွေကိုလည်း ဆွမ်းခံမကြွဖို့ နောက်ပြီးလို့ရှိရင် ဒီတန်းဆွမ်း (တန်းစီ၍ ဆွမ်းခံခြင်း) တွေလည်း မကြွဖို့၊ အဲဒါ အာဏာပိုင်တွေက နေပြီးတော့ တားမြစ် ထားတယ်တဲ့။” ဟု ပဲခူး ဒေသခံ တဦးက ပြောသည်။

1:45 PM
ဘုန်းကြီးကျောင်းများအနီး ရဲများစွာ ချထား

ရန်ကုန်၊ မန္တလေး မြို့များရှိ ဘုန်းကြီးကျောင်းများ အနီးတွင် လက်ပတ်အနီ တပ်ဆင်ထားသော ရဲများကို ယနေ့ တွေ့မြင်ကြရသည်ဟု မျက်မြင် သက်သေများက ပြောသည်။

စစ်အစိုးရ အနေဖြင့် သံဃာတော်များကို ဝန်ချ တောင်းပန်ရန် အပါအဝင် တောင်းဆိုထားချက်များကို လိုက်နာခြင်း မရှိလျှင် တနိုင်ငံလုံးမှ ရဟန်း သံဃာများ အနေဖြင့် အာဏာပိုင်များထံမှ အလှုခံခြင်း မပြု၊ တရားဒေသနာ ဟောကြားခြင်း မပြုဘဲ သပိတ်မှောက် ကံဆောင်ရန် သံဃာ့သမဂ္ဂ ၄ ခုက တိုက်တွန်းထားသည်။

စက်တင်ဘာလ ၁၇ ရက်နေ့ နောက်ဆုံးထား၍ စစ်အစိုးရ အနေဖြင့် တောင်းဆိုထားချက်များ လိုက်နာ လုပ်ဆောင်ရန် သံဃာ အဖွဲ့အစည်းများက ပြောဆိုထားသည်။

------------------------------------------
စက်တင်ဘာလ 14 ရက်၊ ၂၀၀၇ ခုနှစ်။

7:30 PM
မြန်မာနိုင်ငံတွင်း ဆန္ဒပြမှုများသည် အမျိုးသား ဒီမိုကရေစီ အဖွဲ့ချုပ်၏ ဖန်တီးမှုများကြောင့် မဟုတ်ဘဲ ငွေကြေးဖောင်းပွမှု၊ ကုန်ဈေးနှုန်း မြင့်တက်မှုနှင့် ဆင်းရဲ မွဲတေမှု များကြောင့်သာ ဖြစ်ပြီး လက်ရှိ အာဏာပိုင် အစိုးရတွင် တာဝန်ရှိကြောင်း အမျိုးသား ဒီမိုကရေစီ အဖွဲ့ချုပ်က ယနေ့ ပြောကြားလိုက်သည်။

1:30 PM
ရန်ကုန်က စစ်ကားနဲ့ သပြေပန်း

ရန်ကုန် မြို့တော်ခန်းမအနီး စစ်ထရပ်ကား 6 စီး အပါအဝင် လုံခြုံရေး တပ်ဖွဲ့ဝင်များ ချထားသည်ကို ယနေ့ နံနက်က တွေ့မြင်ရသည်။ စစ်ကားများ၏ နောက်ကြည့်မှန်များတွင် လတ်လတ်ဆတ်ဆတ် သပြေပန်းများ ချိတ်ဆွဲထားသည်။

ရန်ကုန် မြို့တော်ခန်းမအနီးတွင် 1988 ခုနှစ်၊ 1996 ခုနှစ်များတွင် အစိုးရ ဆန့်ကျင်ရေး ဆန္ဒပြပွဲများ အကြီးအကျယ် ပေါ်ပေါက်ခဲ့သည်။

12:35 PM
အစိုးရ ဆန့်ကျင်ရေး လှုံဆော်စာများ သင်္ကန်းကျွန်းတွင် ဖြန့်ဝေ

ရန်ကုန်တိုင်း သင်္ကန်းကျွန်း မြို့နယ်အတွင်း အမည်မသိ ကျောင်းသားငယ်များက စစ်အစိုးရ ဆန့်ကျင်ရေး လှုံ့ဆော်စာများ ယမန်နေ့က ဖြန့်ဝေခဲ့မှု ရှိသည်ဟု ဒေသခံများ အဆိုအရ သိရသည်။

စံပြဈေး၊ သင်္ကန်းကျွန်း ဘူတာ အနီးတဝိုက်တွင် လက်တဝါးစာခန့် ရှိသောစာများ အဓိက ဖြန့်ဝေမှု ရှိခဲ့ပြီး “နိုင်ငံတော် အနာဂတ် ကျောင်းသား လူငယ်များသို့ ပန်ကြား နိုးဆော်လွှာ” ဟု ခေါင်းစဉ် တပ်ထားသည်။

ကျောင်းသား အဆက်ဆက် မဟုတ်မခံ ပြည်သူဘက်က ရပ်တည် ဆောင်ရွက်ခဲ့သည့် အစဉ်အလာကို ဆက်ထိန်းပြီး နိုင်ငံ၏ “စီးပွားရေး၊ ပညာရေး၊ သာသနာရေး ဖျက်ဆီးနေသည့် အာဏာရှင်များကို တွန်းလှန်ကြစို့” ဟု စာထဲတွင် ပန်ကြားထားသည်ဟု သိရသည်။

သင်္ကန်းကျွန်း မြို့နယ်အတွင်း ကြံ့ခိုင် ဖွံ့ဖြိုးရေး ခေါင်းဆောင်များကလည်း လုံခြုံရေးအတွက် ဆိုကာ တဦးလျှင် ငွေကျပ် တထောင်စီ နေ့တွက်ပေးမည်ဟု လိုက်လံ စည်းရုံးလျှက် ရှိသည်။

-------------------------------------------

အမျိုးသား ဒီမိုကရေစီ အဖွဲ့ချုပ်ဝင် အချို့ကို ပြန်လွှတ်ပေး
ဂတ်စ်အိုးပေါက်တာမဟုတ် မီးလောင်တာဖြစ်

စက်တင်ဘာလ 13 ရက်၊ ၂၀၀၇ ခုနှစ်။

7:50 PM
အမျိုးသား ဒီမိုကရေစီ အဖွဲ့ချုပ်ဝင် ၆ ဦးကို ယနေ့ လွှတ်ပေးသည်ဟု အဖွဲ့ချုပ် တာဝန်ရှိသူ တဦးက ပြောသည်။ အသေးစိတ် စုံစမ်းနေဆဲ ဖြစ်သည်။

3:30 PM
ဧရာဝတီတိုင်း သာပေါင်း မြို့နယ်နေ အမျိုးသား ဒီမိုကရေစီ အဖွဲ့ချုပ်ဝင် ၂ ဦးကို ဖမ်းဆီးလိုက်ကြောင်း မြို့နယ် ရဲစခန်းမှ ရဲတယောက်က လွန်ခဲ့သည့် ၄ ရက်က လာရောက်ကြောင်း အကြောင်းကြားကြောင်း သိရသည်။ မည်သည့် အတွက်ကြောင်း ဖမ်းဆီးခြင်း ပြောဆိုသွားမှု မရှိဟု သိရသည်။

3:00 PM
ဓာတ်ဆီဆိုင်အနီး မီးလောင်မှု ဖြစ်ပွားပုံနှင့် ပတ်သက်၍ ရှမ်းလမ်း ဓာတ်ဆီဆိုင် ဝန်ထမ်းတဦးက မဇ္ဈိမ သို့ ပြောပြချက်

“ကိုးထပ်ကြီး ဘုရားရှေ့မှာ အောက်ကို သံတိုသံစ ရှာတဲ့ ၅ ယောက်လောက် ရှိတယ်၊ အဲဒီလူတွေက ဖယောင်းတိုင် ထွန်းလိုက်တယ်၊ အဲဒီအခါ အမှိုက်ထဲက ထွက်တဲ့ ဂက်စ်နဲ့ ဒီက ဒီဇယ်ဆီတွေ၊ အငွေ့တွေ ပေါင်းပြီး ဘီးပေါက်တဲ့ အသံ ပေါက်သွားတာပေါ့နော်၊ မိုးကလည်း ရွာထားတော့ ဒီဇယ်တွေ၊ ဓါတ်ဆီတွေကလည်း ရေပေါ် ပေါ်နေတာဆိုတော့ မီးထလောင်တာပေါ့။ သူတို့ထဲက တယောက်ကို ဆေးရုံ တင်လိုက်ရတယ်၊ ကျန်တဲ့လူတွေက ထွက်ပြေး သွားကြတယ်။”

12:35 PM
ဂတ်စ်အိုးပေါက်တာမဟုတ် မီးလောင်တာဖြစ်

ရန်ကုန်တိုင်း စမ်းချောင်းမြို့နယ် ဗဟိုလ်လမ်း ဓါတ်ဆီဆိုင် အနီးရှိ မြောင်းတခုတွင် ယနေ့ နံနက် ၉ နာရီခွဲခန့်တွင် လူ ၅ ဦးက ဖယောင်းတိုင်မီး ထွန်းကာ ပစ္စည်းရှာဖွေရာမှ မီးထလောင်သွားခဲ့ပြီး ၂ ဦး မီးလောင်ဒဏ်ရာ ရသွားခဲ့သည်။

“သူတို့မြောင်းထဲမှာ ပစ္စည်းရှာရင်းနဲ့ ဖယောင်းတိုင်နဲ့ ဝင်သွားတာပေါ့။ သူတို့ ၅ ယောက် ဟုတ်တယ်။ အဲဒါက ဓါတ်ဆီဆိုင်ရဲ့ အရှေ့က မြောင်းဆိုတော့ ဓါတ်ဆီဆိုင်က ဓါတ်ဆီတွေ စီးပြီး လာစုနေတာတို့၊ ဒီဇယ် အကျန်တွေ လာစုနေတာ ဆိုတော့ သူတို့က ဖယောင်းတိုင်နဲ့ ဝင်သွားတာ ဆိုတော့ မီးထလောင်တာပေါ့။ ဓါတ်ဆီဆိုင် ကိုတော့ ဘာမှမဖြစ်ဘူး” ဟု ဓါတ်ဆီဆိုင်နှင့် နီးစပ်သော ရန်ကုန် ကချင်နှစ်ခြင်း ခရစ်ယာန် ဘုရားကျောင်းမှ ဆရာတဦးက ပြောသည်။

အဆိုပါ ဖယောင်းတိုင် မီးထွန်းကာ ပစ္စည်းရှာဖွေသည့် လူ ၅ ဦးမှာ မည်သည့်ပစ္စည်း ရှာဖွေခြင်းကို မသိရဘဲ ထို ၅ ဦးမှ မီးလောင်ဒဏ်ရာ ရရှိသွားသူ ၂ ဦးမှာလည်း ဒဏ်ရာ မပြင်းထန်ကြောင်း သိရသည်။

ယခုလို မီးထလောင်ပြီးနောက် ပတ်ဝန်းကျင်တွင် နေထိုင်သူများက ဂက်စ်အိုး (သို့မဟုတ်) ဗုံးပေါက်ကွဲသည် ဟူ၍ ထင်ယောင်ထင်မှား ဖြစ်သွားခဲ့ကြသည်။

“အသေအပျောက်တွေတော့ မကြားပါဘူး၊၊ လူတွေကတော့ အုံနေတာပဲ။ ဗုံးဆိုရင်တော့ ဓါတ်ဆီဆိုင်မှာ ကွဲတာဆိုတော့ မီးတွေ တောက်လောင် နေမှာပေါ့” ဟု ရှမ်းလမ်းတွင် နေထိုင်သူ အိမ်ထောင်ရှင်မ တဦးက ပြောသည်။

------------------------------------------

နိုင်ငံခြား သတင်းထောက် တချို့ ကံမကောင်း

စက်တင်ဘာလ ၁၂ ရက်၊ ၂၀၀၇ ခုနှစ်။

5:30 PM
မြောင်းမြမှာ ဆန္ဒပြသည် ဆိုသော ကောလာဟများ ထွက်ပေါ်

မြောင်းမြတွင် သံဃာတော်များ ဆန္ဒပြသည် ဆိုသော ကောလာဟလများ ထွက်ပေါ်လာပြီးနောက် မဇ္ဈိမက ရန်ကုန်ရှိ စစ်ဘက်လုံခြုံရေး (စရဖ) သို့ ဆက်သွယ် မေးမြန်း အတည်ပြုချက် ရယူရာ “အဲဒါ သေချာ၊ မသေချာ မသိသေးဘူး။ သွားစုံစမ်းရဦးမယ်။” ဟု ဖြေကြားသွားသည်။

4:45 PM
မြစ်ကြီးနားမြို့တွင် ဆန်ဈေးများ တလအတွင်း တရှိန်ထိုး တက်သွားသည်။

ကချင်ပြည်နယ်ထွက်ဆန် ဒေသအခေါ်အရ ကော်ချက်ဆန် ၂၄ ပြည်ပါ တတင်းခွဲ တအိတ်လျှင် လွန်ခဲ့သည့်လက ၂၁ဝဝဝ ကျပ် ရှိရာမှ ယခု ၂၇ဝဝဝ ကျပ်သို့ မြင့်တတ်သွားသည်။ လုံးကွယ်မွေး ဆန်မှာ ၂၄ဝဝဝ ကျပ်မှ ၂၉ဝဝဝ ကျပ် ဈေးပေါက်နေပြီး ကုလားကြီးဆန်က ၁၇ဝဝဝ ကျပ်မှ ၂၁ဝဝဝ ကျပ်ဈေး ဖြစ်နေသည်။

2:48 PM
ပခုက္ကူမြို့တွင် သံဃာတော်များ ဆန္ဒပြမှုကို အင်အားသုံး ဖြိုခွင်းမှုနှင့် ပတ်သက်၍ နအဖ စစ်အစိုးရကို ဆန့်ကျင် ကန့်ကွက်သောအားဖြင့် မြန်မာနိုင်ငံသား သံဃာတော် ၂ ပါးက ထိုင်းနိုင်ငံ ဘန်ကောက်မြို့ရှိ မြန်မာသံရုံးရှေ့တွင် ယနေ့ ဆန္ဒပြခဲ့ကြရာ ထိုင်းရဲက ဖမ်းဆီးလိုက်သည်။

“ထိုင်းဘက်ကနေပြီးတော့ ခွင့်မပြုဘူးလေ တကာကြီးရေ၊ ခွင့်မပြုဘူးဆိုတော့ ဦးဇင်းတို့ကို ဖမ်းတယ်။ ဦးဇင်းတို့ကို ဖမ်းပြီးတော့ အခု မဲဆောက် ပို့မယ်လို့ ပြောတယ်။” ရဲကားပေါ်မှာ လိုက်ပါသွားရင်း ဦးသုဝါရ က တယ်လီဖုန်းဖြင့် ပြောပြသည်။

1:08 PM
တောင်ကုတ် တကိုယ်တော် ဆန္ဒပြသူကို ထောင် 4 နှစ်ချ

ဗိုလ်ချုပ်မှူးကြီး သန်းရွှေ ကို ဗုဒ္ဓဘာသာဝင် အဖြစ်မှ ထုတ်ပယ်ပစ်ရန် အတွက် ရခိုင်ပြည်နယ် တောင်ကုတ်မြို့တွင် ယမန်နေ့က တကိုယ်တော် တောင်းဆို ဆန္ဒပြခဲ့သူကို အာဏာပိုင်များက နေ့တွင်းချင်းပင် ထောင်ဒဏ် 4 နှစ် ပြစ်ဒဏ်ချလိုက်သည်။

နအဖ စစ်ခေါင်းဆောင် ဗိုလ်ချုပ်မှူးကြီး သန်းရွှေ ကို ဗုဒ္ဓ ဘာသာဝင်မှ ထုတ်ပယ်ပစ်ရေး အပါအဝင် လူထုခေါင်းဆောင် ဒေါ်အောင်ဆန်း စုကြည်နှင့် ၈၈ မျိုးဆက် ကျောင်းသားများ ပြန်လွှတ်ပေးရေးအတွက် တကိုယ်တော် ဆုတောင်း ဆန္ဒပြသူ တောင်ကုတ်မြို့နယ် ဆားပြင် ကျေးရွာသား ကိုစိုးဝင်းကို တောင်ကုတ် မြို့နယ် တရားရုံးမှ တရားသူကြီး ဒေါ်သိန်းဟန်က ဆန္ဒပြသည့် နေ့၌ပင် ထောင်ဒဏ် ချမှတ်လိုက်ခြင်း ဖြစ်သည်။

1:05 PM
နိုင်ငံခြား သတင်းထောက် တချို့ ကံမကောင်း

ရန်ကုန် အခြေစိုက် နိုင်ငံခြား သတင်းထောက် တချို့၏ ဖုန်းလိုင်းများ ယမန်နေ့ ညကတည်းက ပြတ်တောက်သွားသည်။ သတင်း စီးဆင်းနေမှုကို တားဆီးလို၍ ဖြတ်တောက်ခြင်း မဖြစ်နိုင်ဘဲ နိုင်ငံရေး သမားများနှင့် တက်ကြွ လှုပ်ရှားသူများ၏ ဖုန်းများကို ပိတ်ရင်း ဆက်သွယ်ထားသော နံပါတ်များကို ခေတ္တပိတ်ခြင်းသာ ဖြစ်မည်ဟု နိုင်ငံခြား သတင်းထောက် အများစုက ယုံကြည်နေကြသည်။

နိုင်ငံခြား သတင်းထောက်များ ကလပ်တွင် အရေးပေါ် အစည်းဝေးတခုကို ယနေ့ နေ့လည်တွင် ကျင်းပသွားမည်ဟု သိရသည်။

--------------------------------------------

ထင်ရှားသော နိုင်ငံရေး သမားများနှင့် တက်ကြွ လှုပ်ရှားသူများ၏ တယ်လီဖုန်းလိုင်း ဖြတ်တောက်ပြီး စစ်အစိုးရ သတင်းအမှောင်ချ

စက်တင်ဘာလ ၁၁ ရက်၊ ၂၀၀၇ ခုနှစ်။

7:00 PM
ကုန်တင်ကားခဈေးနှုန်း လျှော့ချပေးရန် ရေစကြို မြို့နယ် အေးချမ်း သာယာရေးနှင့် ဖွံ့ဖြိုးရေး ကောင်စီ ဥက္ကဌနှင့် မထသ ခေါ် မော်တော်ယာဉ် ထိန်းသိမ်းရေး ဌာနကို စီးပွားရေး လုပ်ငန်းရှင် 36 ဦးက မကြာသေးခင်က တောင်းဆိုခဲ့သော်လည်း ယခုအချိန်အထိ တုံ့ပြန်မှု မရှိသေးဘဲ ဖြစ်နေသည်။

5:50 PM
မြန်မာပြည်တွင်းမှ ဘလော့ဂ်ရေးသူ တချို့ကို အာဏာပိုင်တွေက ခေါ်ယူ မေးမြန်းခြင်း၊ သတိပေးခြင်းများ လုပ်နေသည့် သတင်းများ ထွက်ပေါ်နေသည်။ အနည်းဆုံး ၅ ဦး ရှိသွားပြီဟု မဇ္ဈိမ က စုံစမ်း သိရှိရသည်။

5:07 PM
သတင်းအမှောင်ချပြီ

အမျိုးသား ဒီမိုကရေစီ အဖွဲ့ချုပ် ပြောရေးဆိုခွင့် ရှိသူတချို့ အပါအဝင် တက်ကြွ လှုပ်ရှားသူများ၏ တယ်လီဖုန်းများကို စစ်အာဏာပိုင်များက ဖြတ်တောက်ခြင်းဖြင့် သတင်း စီးဆင်းနေမှုကို ကန့်သတ်လိုက်သည်။

5:05 PM
ရဲက ဘုန်းကြီးလုပ်မလို့

ပြည်ထဲရေး ဝန်ကြီးဌာန အောက်ရှိ ရဲအချို့ကို ဘုန်းကြီးဝတ်ခိုင်းပြီး ဘုန်းကြီးများအတွင်း သတင်း ထောက်လှမ်းရေးနှင့် ဖြိုခွဲရေး အတွက် လုပ်ဆောင်နေပြီဟု ခိုင်လုံသော သတင်းရပ်ကွက် တခုက ပြောသည်။

တပ်ဖွဲ့တခုလျှင် ၂ ယောက်ကျစီ ရွေးထုတ်ခဲ့သည်ဟု သိရသည်။

4:35 PM
အမျိုးသားရေး ဦးဝင်းနိုင်၏ တယ်လီဖုန်းလိုင်းကို အာဏာပိုင်များက ဖြတ်တောက်လိုက်သည်။

3:11 PM
ကြခတ်ဝိုင်းကျောင်းတော့ ပုံမှန်ပါ

“လုံခြုံရေးလဲ မရှိပါဘူး။ ဘာ ပညတ်ချက်မှလည်း မရှိသေးဘူး၊ ဆွမ်းခံ ထွက်ပါတယ်။ ဒီနေ့လဲ ထွက်ပါတယ်။ ဒီကျောင်းမှာကတော့ ဘုန်ကြီးတွေ အားလုံး ၁၂ဝဝ ရှိပါတယ်။” ဟု ပဲခူးမြို့ ကြခတ်ဝိုင်း ကျောင်းတိုက်မှ သံဃာတော် တပါးက ပြောသည်။

12:05 PM
ပဲခူးမှာ ဘုန်းကြီးတွေကို အာဏာပိုင်တို့ စိုးရိမ်နေ

“မနေ့လောက်ကတည်းက စပြီးတော့ လုံခြုံရေးတွေ ကြပ်တည်းလာတယ်။ အန်အယ်ဒီဆိုရင် အပြင်ထွက်တာနဲ့ အနောက်ကနေပြီးတော့ 4-5 ယောက် လိုက်တာပဲ၊ ရဲတွေ၊ ကြံ့ဖွံ့တို့ စွမ်းအားရှင်တို့ပေါ့။ ဘုန်ကြီးတွေ ထကြွမှာ ကြောက်လို့ ဘုန်းကြီးတွေနော်၊ ဘုန်းကြီးတွေကို သိပ်စိုးရိမ်နေတယ်နော်။ ဘုန်းကြီးကျောင်းတွေမှာ ဆိုတာက ပဲခူးမှာ နံမည်ကြီး ဘုန်းကြီးကျောင်းတွေပေါ့ စာသင်တိုက်တွေ ရှိတယ်။ အဲဒီကျောင်းတွေမှာ အများကြီး ချထားတယ်။ ဘုန်းကြီးတွေ က အထဲကနေ အပြင်ကိုတောင် မထွက်ရဘူး” ဟု ဒေသခံ တဦးက ပြောပြသည်။

-----------------------------------------------

စက်တင်ဘာလ ၁၀ ရက်၊ ၂၀၀၇ ခုနှစ်။

7:30 PM
သံဃာတော်များ၏ စစ်အစိုးရ အာဏာပိုင်များကို သပိတ်မှောက် ကံဆောင်ရေး လှုံ့ဆော်မှု ထွက်ပေါ်လာပြီးနောက် မန္တလေးမြို့ ၇၃ လမ်းပေါ်ရှိ ကြံ့ခိုင် ဖွံ့ဖြိုးရေး ရုံးချုပ်တွင် အဖွဲ့ဝင်များနှင့် အချိန်ပြည့် ပြည့်နှက်နေပြီး အစည်းအဝေးများ ဆက်တိုက် ပြုလုပ်လျှက် ရှိသည်ဆိုသော သတင်းများ ကြားသိရသည်။

4:40 PM
နှစ်ရှည်ထောင်ဒဏ် ကျခံရလျှက်ရှိသော ရှမ်းခေါင်းဆောင် ဦးခွန်ထွန်းဦး၏ ရန်ကုန်မြို့ ကိုးမိုင်ရှိ နေအိမ်အနီးတွင် စစ်တပ်က လုံခြုံရေး ချထားသည်။

စက်တင်ဘာလ ၉ ရက်နေ့တွင် ရှမ်းတိုင်းရင်းသားများ ဒီမိုကရေစီ အဖွဲ့ချုပ် ဥက္ကဌ၏ 64 နှစ်မြောက် မွေးနေ့ပွဲကို စည်းလုံး ညီညွတ်သော တိုင်းရင်းသား လူမျိုးစုများ မဟာမိတ် အဖွဲ့က ဦးဆောင်ပြီး ခြောက်ထပ်ကြီး သိပ္ပံ ကျောင်းတိုက်တွင် ကျင်းပရန် စီစဉ် ထားသော်လည်း ရန်ကုန် အရှေ့ပိုင်းခရိုင် ဥက္ကဌက တားမြစ်ခဲ့သည်။

3:55 PM
မြစ်ကြီးနားမှာ လက်ကမ်းစာစောင်များ ဖြန့်ဝေ

အစိုးရ ဆန့်ကျင်ရေး ပိုစတာများ ကချင်ပြည်နယ် မြစ်ကြီးနားမြို့တွင် တက္ကသိုလ် ကျောင်းသားများက ဖြန့်ဝေလျှက် ရှိသည်ဟု ဒေသ အာဏာပိုင် တဦး အပြောအရ သိရသည်။

“အိမ်တွေမှာ ဆိုင်ကယ်နဲ့ လိုက်ပစ်ထားတယ်။ ပြီးတော့ လျို့ဝှက် လက်ကမ်းစာစောင် ဖြန့်တယ်။” ဟု မြစ်ကြီးနားမြို့မှ ရပ်ကွက် အာဏာပိုင် တဦးက မဇ္ဈိမ သို့ ပြောသည်။

1:12 PM
တောင်တွင်းကြီးမှာ ကြံ့ဖွံ့က အကြမ်းဖက်မယ့် ဟန်ပြင်

ဒေသခံတဦးက မဇ္ဈိမ သို့ ပြောပြချက်

“ရယက၊ မယက က စွမ်းအားရှင် ဆိုပြီးတော့ ရပ်ကွက်တိုင်းမှာ တရပ်ကွက်ကို ၁ဝယောက်။ ပြီးခဲ့တဲ့ ၅ ရက် လောက်ကနေ စပြီးတော့ စွမ်းအားရှင် စာရင်းကို ပေးပြီးတော့၊ အဲဒီသူတို့ ရယက ရုံးတွေကနေ အမာခံ ပုံစံနေတာမျိုး မဟုတ်တော့ဘဲနဲ့ အဓိက ဦးဆောင် လှုပ်ရှားလိမ့်မယ်လို့ ယူဆတဲ့ လူတွေရဲ့ အ်ိမ်နားတဝိုက်မှာကို အဲဒီ စွမ်းအားရှင်တွေက ရိုက်ဖို့ နက်ဖို့ ထုလို့ရတဲ့ ဒုတ်မျိုးတွေနဲ့ အဲဒီလူတွေရဲ့ အိမ်အနီးဆုံး နေရာထိအောင် နေရာယူပြီးတော့ သူတို့က စောင့်ကြည့် နေတာတွေ အထိ လုပ်လာတာ တွေ့ရတယ်ဗျာ။”

“ကျနော်တို့ တောင်တွင်းကြီးမြို့ ပေါ်မှာက ရပ်ကွက် ၁ဝ ရပ်ကွက် ရှိတယ်လေ။ တရပ်ကွက်ကို ၁ဝယောက် တောင်းထားတယ်။ လူဦးရေ ၁ဝဝကို သူတို့က ရိုက်ဖို့ အတွက်ကို သီးခြား မြို့ပေါ်က သူတို့ရဲ့ စီမံချက်က ဝါးရင်းတုတ် ကိုင်ပြီးတော့ ရိုက်ဖို့ ရည်ရွယ်ထားတဲ့ လူအင်အား၊ သူတို့ဘက်မှာ ရှိတယ်။”

“လူရမ်းကားတွေကနေပြီးတော့ တကယ့် လူမိုက်ဆန်ဆန် လမ်းပေါ်မှာ ရိုက်ပွဲတွေကို ဖန်တီးထားတဲ့ လုံခြုံရေးမျိုးဗျာ။”

------------------------------------------------

ကိုဂျင်မီ သေဆုံးသည် ဆိုခြင်း မဟုတ်မှန်ကြောင်း ကြားသိရဟု အဖွဲ့ချုပ် ဦးမြင့်သိန်းပြော

စက်တင်ဘာလ ၈ ရက်၊ ၂၀၀၇ ခုနှစ်။

7:12 PM
ပခုက္ကူမှာ သံဃာတော်များကို ဖမ်းဆီး ရိုက်နှက်ခြင်း မပြုလုပ်ခဲ့ဟု စစ်အစိုးရပြော

စက်တင်ဘာလ ၅ ရက်နေ့တွင် ဖြစ်ပွားခဲ့သော ပခုက္ကူ သံဃာတော်များ ဆန္ဒပြပွဲကို လူစုခွဲရာတွင် သံဃာတော်များကို ဖမ်းဆီးခြင်း၊ ရိုက်နှက်ခြင်း လုံးဝမရှိဟု ယနေ့ထုတ် အစိုးရ အာဘော် မြန်မာ့အလင်း သတင်းစာက ဖော်ပြထားသည်။

သံဃာတော်တပါးမှပင် ထိခိုက်ဒဏ်ရာ ရရှိခြင်း၊ ပျံလွန်တော်မူခြင်း မရှိဟုလည်း သတင်းစာက ရေးသားထားသည်။

ထို့အပြင် မြို့နယ် သံဃ နာယက ဥက္ကဌ ဆရာတော်၏ အသက်ဘေး ကာကွယ်ရန် အတွက်သာ လက်နက်ငယ်ဖြင့် သုံးချက် မိုးပေါ်ထောင် ပစ်ခဲ့သည်ဟု ဆိုသည်။

6:40 PM
ဒေါပုံမှာ လမ်းလျောက် ဆန္ဒပြ

ဒေါပုံမြို့နယ် အမျိုးသား ဒီမိုကရေစီ အဖွဲ့ချုပ်ဝင်များက ခေါင်းဆောင်၍ မြို့လယ် လမ်းမကြီးပေါ်တွင် လမ်းလျောက် ဆန္ဒပြပွဲ တခုကို ယနေ့ ပြုလုပ်ခဲ့ကြသည်။

အဖွဲ့ချုပ်က အတွင်းရေးမှူး ဦးသန်းဌေး ခေါင်းဆောင်သော လူ ၁၂ ဦးက ဆန္ဒပြကြခြင်း ဖြစ်သည်။

6:30 PM
ကိုဂျင်မီ သေဆုံးသည်ဆိုခြင်း မဟုတ်မှန်ကြောင်း ကြားသိရ

ကိုဂျင်မီ သေဆုံးသည် ဆိုသော သတင်း မဟုတ်ဘူးဟု ကြားသိရကြောင်း အမျိုးသား ဒီမိုကရေစီ အဖွဲ့ချုပ် ပြောရေးဆိုခွင့်ရှိသူ ဦးမြင့်သိန်း အပြောအရ သိရသည်။

“အခုနောက်ဆုံး ပထမတုံးကတော့ ကောလဟလ နောက်ကျတော့ ၈ဝ ရာခိုင်နှုန်း နောက်ကျတော့ သေချာသလောက် ဖြစ်ပါပြီ ဆိုပြီးတော့ သတင်းရတယ်။ အခု ညနေပိုင်း ခုနလေးပဲ လွန်ခဲ့တဲ့ နာရီဝက် မရှိတရှိလောက်ကမှ နောက်ဆုံး အတည်ပြုချက် ပေးတယ်၊ မဟုတ်ပါဘူးတဲ့။ သေချာ သွားပြီ။ အန်ကယ် စိတ်မပူနဲ့တော့တဲ့၊ ကျနော့်ဆီကို ဖုန်းပြန်ဆက်ပါတယ်။” ဟု ဦးမြင့်သိန်းက ပြောသည်။

“သူတို့ ကောက်ချက် ချတာကလည်း ဘာလဲဆိုတော့ သူမိန်းမ ထွက်လာအောင်လို့ သူတို့ (နအဖ စစ်အစိုးရ) က ညထဲက လွင့်ထားတဲ့ သတင်း” ဟု သူက ထပ်ပြောသည်။

5:30 PM
၈၈ မျိုးဆက် ကျောင်းသားခေါင်းဆောင် ကိုဂျင်မီ သေဆုံးပြီ ဆိုသော ကောလာဟလများ ထွက်ပေါ်နေ

၈၈ မျိုးဆက် ကျောင်းသားခေါင်းဆောင် တဦးဖြစ်သူ ကိုဂျင်မီ သည် ထိန်းသိမ်းခံနေရရင်း ယနေ့ သေဆုံးသွားပြီ ဆိုသော ကောလာဟလ သတင်းများ ကျယ်ကျယ်ပြန့်ပြန့် ထွက်ပေါ်လျှက် ရှိသည်။

ယမန်နေ့ကတည်းက ကိုဂျင်မီ နေထိုင်မကောင်း ဖြစ်နေသည်ဆိုသော သတင်းများ ထွက်ပေါ်လာပြီးနောက် ယနေ့ နေ့လည်က သေဆုံးပြီ ဟူသော သတင်း လိုက်ပါလာခဲ့သည်။

ကိုဂျင်မီ (ခ) ကိုကျော်မင်းယု၏ ဇနီးသည် ဖြစ်ပြီး ၈၈ မျိုးဆက် ကျောင်းသား ခေါင်းဆောင်လည်း ဖြစ်ကာ ထွက်ပြေး တိမ်းရှောင်နေရဆဲ ဖြစ်သည့် မနီလာသိန်းက “ကျမလည်း ကြားတယ်။ တကယ်ဟုတ် မဟုတ် အတည် မပြုနိုင်သေးဘူး။ ဒါပေမယ့် အဖမ်းခံထားရသူတွေကို စစ်ကြောရေးက ကျင်စက်တို့ နှိပ်စက်တို့တွေတောင် လုပ်တယ် ဆိုတော့ စိုးရိမ်နေတာ၊ ဒီနေ ဒီသတင်း ကြားရတာပဲ” ဟု မဇ္ဈိမ သို့ ပြောပြသည်။

လေးနှစ်သားအရွယ် သမီးငယ်ကိုပင် ခွဲခွာ ထွက်ပြေးနေရသူ သူမအနေဖြင့် ကိုဂျင်မီ ကွယ်လွန်ပြီ ဆိုသော သတင်းစကားကို တဆင့်စကားဖြင့်သာ နားစွင့်နေရသည်။

“ကျမ မယုံဘူး။ သူ နေမကောင်းဖြစ် သေတယ်ဆိုတာ ဘယ်လိုမှ ကျမ မယုံဘူး။ သေလောက်အောင် ပြင်းထန်တဲ့ ရောဂါ ဝေဒနာ တခုမှ မရှိဘူး။ မဖြစ်ပါစေနဲ့ မဖြစ်ပါစေနဲ့။” ဟု ပြောကာ အသံတိမ်သွားသည်။

ကိုဂျင်မီ သေဆုံးပြီဆိုသော ကောလာဟလများ ထွက်ပေါ်နေပြီးနောက်

မမိုးမိုး (ကိုမာကီ ညီမ)

“ကိုမာကီ့ကို ခေါ်သွားကတည်းက တလပြည့်တော့မယ်။ တွေ့ခွင့်လည်း မရ၊ သတင်းလည်း မရ၊ ဘယ်မှာထားလို့ ထားမှန်းလည်း မသိဆိုတော့ မိသားစု အနေနဲ့ စိုးရိမ်တာပေါ့။ တွေ့ချင်တာပေါ့၊ နေကောင်းလား ဆိုတာ။ အခုလည်း သတင်းကြားတာက ကိုမာကီ့ အခြေအနေ စိုးရိမ် နေရတယ်ပေါ့နော်။ သတင်းကြားတဲ့အတွက် အမေဆိုရင် ဒေါသလည်း ကြီးတယ်၊ သွေးတိုးလည်း ရှိတဲ့ အခါကျတော့ သူငိုလည်း ငိုနေတာပေါ့နော်။ သူ့သားတယောက် ဒီလိုမျိုး ဖြစ်နေတယ် ဆိုတော့ ပိုပြီး တွေ့ချင်တာပေါ့နော်။ သူလုံးဝ စကားမပြောနိုင်ဘူး။ ပြောလည်း မထွက်ဘူး။”

“ကိုမာကီက ဆေးရုံမှာလို့ ကြားရတယ်။ ဘယ်ဆေးရုံမှာလို့တော့ အတိအကျ မသိရပါဘူး။ သူ့မှာက နဂိုကတည်းက အစာအိမ် ရောဂါ ရှိတယ်ဆိုတော့ ကျမတို့ အရမ်း စိုးရိမ်ပါတယ်။ အခုဘာကြောင့် ဆေးရုံတက်ရတယ် ဆိုတာလည်း မသိရပါဘူး။ သူတို့ ခေါ်သွားတုန်းကတော့ အကောင်းကြီးပါပဲ။”

မစုစုနွေး

“ကျမတို့ကရော၊ အိုင်စီအာစီတို့၊ သံရုံးတွေကလည်း အကုန်လုံး လိုက်နေတာ။ ဒါပေမယ့် ကျမတို့ သွားတွေ့တဲ့ အခါကျတော့ သူတို့က မဟုတ်ဘူးလို့ပဲ ပြောပါတယ်။ မဟုတ်ဘူးဆိုရင် သူတို့ကို ဘယ်မှာထားတာလဲ၊ သူတို့ ကျန်းမာရေး အခြေအနေ ဘယ်လို ရှိပါတယ်၊ သူတို့ မိသားစုတွေကို ဘယ်လို အကြောင်းပေးပါမယ် ဆိုပြီး တစုံတရာ တုံ့ပြန်တာ မရှိပါဘူး။ အဲဒီတော့ မိသားစုတွေရော၊ နိုင်ငံရေး အင်အားစုတွေရော၊ ၈၈ မျိုးဆက် ကျောင်းသားတွေကို ထောက်ခံတဲ့ ပြည်သူလူထုတွေက အရမ်း စိုးရိမ်နေကြပါတယ်ရှင်။ အဲဒီတော့ လူသားချင်း စာနာတဲ့ အနေနဲ့ပေါ့နော်၊ တရားဥပဒေ နည်းလမ်း ကျကျပေါ့။ သူတို့က ရာဇဝင်သူခိုး ဂျပိုးတွေလည်း မဟုတ်ပါဘူးရှင်၊ လူဆိုး သူခိုးတွေလည်း မဟုတ်ဘဲနဲ့ တိုင်းပြည်အတွက်ကို ပေါ့နော်၊ မြန်မာနိုင်ငံ ဒ'ီမိုကရေစီ ရရှိရေး အတွက်ပေါ့နော် သူတို့ရဲ့ ဘဝတွေရော၊ စိတ်ကူးတွေရော အကုန်လုံး စတေးပြီးတော့ တောင်းဆို ပေးနေတဲ့ ကျောင်းသား ခေါင်းဆောင်တွေကို အခုလို လူမသိ သူမသိနေရာမှာ နှိပ်စက် ညှင်းပမ်း ပြီးတော့ ဖမ်းဆီးထားတာ၊ မိသားစုနဲ့ တွေ့ခွင့် မပေးတာဟာ တရားဥပဒေကို လိုက်နာ လေးစားမှု မရှိဘူးလို့ ပြောချင်ပါတ