မြန်မာနိုင်ငံမှာ ကြက်ငှက်တုပ်ကွေးရောဂါပိုး မရှိ

ဖနိဒါ

ချင်းမိုင်။ ။ မြန်မာ့အိမ်နီးချင်း နိုင်ငံများတွင် ယခုရက်ပိုင်းအတွင်း ကြက်ငှက်တုပ်ကွေး ရောဂါပိုး တွေ့ရှိသည်ဟု သတင်းများ ထွက်ပေါ်နေသော်လည်း မြန်မာနိုင်ငံတွင် ရောဂါဖြစ်ပွားခြင်း မရှိသေးကြောင်း UNICEF က ထုတ်ဖော် ပြောဆိုသည်။

အိန္ဒိယနှင့် ဘင်္ဂလားဒေ့ခ်ျတွင် ရောဂါ ဖြစ်ပွားနေသဖြင့် ကြက်ငှက်များ သုတ်သင်နေသော်လည်း မြန်မာနိုင်ငံအတွင်း ရောဂါဖြစ်ပွားသည့် အရိပ်အယောင် မမြင်ရသေးကြောင်း ရောဂါဆိုင်ရာ ပညာပေး အစီအစဉ်များ လုပ်ဆောင်ပေးနေသည့် ကုလသမဂ္ဂ အပြည်ပြည်ဆိုင်ရာ ကလေးသူငယ်များ အရေးပေါ် ရံပုံငွေအဖွဲ့ (UNICEF) မှ ပြန်ကြားရေး တာဝန်ခံ တဦးက ပြောသည်။

“ကြက်ငှက်တုတ်ကွေး ဖြစ်ပွားတာတော့ လုံးဝမရှိပါဘူး။ မကြားသေးပါဘူး။ မနှစ်က နိုဝင်ဘာလတုန်းက ကြားပါတယ်။ အခုတော့ မရှိတော့ပါဘူး။ မနှစ်က ပြည်သူတွေကို ပညာပေးတာ တော်တော်လေးကို ပြန့်နှံ့ပါတယ်လေ။ ဒါပေမဲ့လည်း ပြောလို့ မရပါဘူး။ ပညာပေးသော်လည်းပဲ ဖြစ်ချင်ရင် ဖြစ်မှာပဲလေ” ဟု UNICEF မှ ပြန်ကြားရေးတာဝန်ခံ ဦးဖေတင်သိန်းက ပြောသည်။

UNICEF သည် ကမ္ဘာ့ကျန်းမာရေးအဖွဲ့၊ မွေးမြူရေးနှင့် ကုသရေးဦးစီးဌာန၊ ကျန်းမာရေးနှင့် ပညာရေးဦးစီးဌာန၊ ကမ္ဘာ့စားနပ်ရိက္ခာ အဖွဲ့များနှင့် ပူးပေါင်းကာ ကြက်ငှက်တုပ်ကွေး ရောဂါဆိုင်ရာ လူထုဆက်သွယ်ရေး ပညာပေး သင်တန်းများကို လုပ်ဆောင်နေသည့်အဖွဲ့ ဖြစ်သည်။

“ပြည်သူလူထုကို ဆက်သွယ် ပညာပေးထားတော့ ပြည်သူလူထုက တော်တော်သိနေပါပြီ။ အထူးသဖြင့် ဟိုတုန်းက ကြက်သေ၊ ငှက်သေတွေကို တွေ့ရင် ဘယ်လို ဆောင်ရွက်ရမယ် ဆိုတာကို ကျနော်တို့ ပညာပေးတယ်လေ။ ဒီအတိုင်း သွားမကိုင်ဖို့၊ ထုံးဖြူးတာတို့ပေါ့နော်။ သင်ပေးထားတော့ ကျေးလက်တောရွာတွေမှာ တော်တော်လေးကို သိသွားကြတယ်” ဟု သူက ဆက်ပြောသည်။

ကမ္ဘာ့ ကျန်းမာရေးအဖွဲ့ (WHO) မှ ပြီးခဲ့သည့်နှစ် နိုင်ဝင်ဘာလ ၂၇ ရက်နေ့က ထုတ်ပြန်လိုက်သည့် ကြေညာချက် တရပ်တွင် ရှမ်းပြည်နယ်၊ ကျိုင်းတုံမြို့ရှိ မနန်းခမ်းသန်း (၇ နှစ်) တွင် ကြက်ငှက်တုပ်ကွေး ရောဂါလက္ခဏာ တွေ့ရှိခဲ့သည်ဟု ဖော်ပြခဲ့သည်။

ယခုလို ကြက်ငှက်တုပ်ကွေး ဖြစ်ပွားခဲ့သည့် ယင်းဒေသများကို နောက်ဆက်တွဲ အခြေအနေများ လေ့လာရင်း၊ ပညာပေးသင်တန်းများ လုပ်ဆောင်ရန် UNICEF အဖွဲ့ဝင်များသည် ယမန်နေ့က ထွက်ခွာခဲ့ကြသည်။

ရန်ကုန်မြို့ရှိ တိရစ္ဆာန်ရောဂါ ရှာဖွေရေးနှင့် ကုသရေးဌာနမှ တာဝန်ရှိသူတဦးကလည်း လတ်တလော လေ့လာ စုံစမ်းချက်များအရ ကြက်ငှက်တုပ်ကွေး ရောဂါ ဖြစ်ပွားသည့်သတင်း မကြားရသေးကြောင်း ပြောဆိုသည်။

ယခုလ ၂၇ ရက်နေ့က ဘင်္ဂဘာဒေ့ခ်ျနိုင်ငံ ခရိုင် ၂၉ ခုရှိ ကြက်ခြံများတွင် H5N1 ရောဂါပိုး တွေ့ရှိခြင်းကြောင့် ကြက်မွေးမြူရေးခြံ ၉၃ ခုမှ ကြက်ကောင်ရေ ၃ သိန်းကျော် သုတ်သင်ဖယ်ရှားသည်။

အလားတူပင် ယခုလအတွင်း ထိုင်းနိုင်ငံ Nakhon Sawan နှင့် Phichit ခရိုင်များတွင်လည်း ကြက်ကောင်ရေ ၅၄ဝဝဝ သုတ်သင်လိုက်ရသည်။