ယနေ့သတင်းပေါင်းစုံ

လံကြုတ် ညီလာခံထောက်ခံပွဲများ ရန်ကုန်တွင် ကျင်းပမည်
ဖနီဒါ (မဇ္ဈိမသတင်းဌာန
အောက်တိုဘာ ၁၂ ရက်၊ ၂ဝဝ၇ ခုနှစ်
ညီလာခံ ထောက်ခံပွဲနှင့် စစ်အစိုးရ ဆန့်ကျင်သည့် လူထု ဆန္ဒပြမှုများကို ရှုတ်ချပွဲများကို ပြုလုပ်ရန် ရန်ကုန်တိုင်း အေးချမ်း သာယာရေးနှင့် ဖွံ့ဖြိုးရေး ကောင်စီက စီစဉ်လျှက်ရှိသည်။

မနက်ဖြန်တွင် ပြုလုပ်ဖွယ် ရှိသည့် ထောက်ခံပွဲ အတွက် သုဝဏ္ဏ အားကစားကွင်း အနီးတဝိုက် စစ်တပ်၊ ရဲများစွာ ချထားပြီး စစ်ကြောရေး ဂိတ်များကိုလည်း အသင့် ပြုလုပ်ထားသည်။

ဟန်ပြ ပြုလုပ်မည့် ထောက်ခံပွဲသို့ အစိုးရ ရုံးဝန်ထမ်းများ၊ အထက်တန်း ကျောင်းများနှင့် ကြံ့ခိုင် ဖွံ့ဖြိုးရေး အသင်းဝင်များ တက်ရောက်ရန် စီစဉ်ထားပြီး စစ်ဆေးမှု အဆင့်ဆင့် ပြုလုပ်ခံရမည် ဖြစ်သည်။

“ရွှေပြည်သာမှာ တရပ်ကွက်ကို ၅ဝ တက်ရမယ်လို့ ပြောတယ်။ မတက်ရင် လူငှားပေး၊ လူငှားခ ၃ဝဝဝ ပေးရမယ်လို့ ပြောတယ်။” ဟု ဒေသခံ တဦးက ပြောသည်။

မြောက်ဥက္ကလာပ မြို့နယ် နေသူတဦးက “ကျနော်တို့ ရပ်ကွက်ကတော့ သူ့ဘာသာသူ အဆင်ပြေအောင် လုပ်လိုက်တယ် ထင်တယ်ဗျာ။ ရယက က သူဟာသူ သွားကြမယ် ထင်တယ်။ နောက် ကြံ့ခိုင်ရေးရုံး ရှိတယ်။ ကြံ့ခိုင်ရေးနှင့် စွမ်းအားရှင်တွေဘဲ သွားကြမယ်လို့ ထင်တယ်။” ဟု ပြောသည်။

ရန်ကင်းမြို့နယ်နေသူ စည်ပင်သာယာ ဝန်ထမ်းများကို မလိုက်မနေရ လိုက်ရန်နှင့် မလိုက်နာသူများကို ရုံးက ပေးထားသည့် တိုက်ခန်းမှ ထွက်ခွာရမည်ဟု ဆိုကာ ခြိမ်းခြောက်ထားကြောင်း ဝန်ထမ်းတဦးက ပြောသည်။

ကျိုက္ကဆံကွင်း အတွင်းလည်း ထောက်ခံပွဲများ ပြုလုပ်မည်ဟု ကြံ့ခိုင် ဖွံ့ဖြိုးရေး ဦးဆောင်သူများက သတင်းလွှင့်ထားသည်။

သို့သော် “ဆန္ဒပြ သံဃာတော်များနှင့် လူပုဂ္ဂိုလ်များကို ဖမ်းဆီး ထိန်းသိမ်းထားရာ စစ်ကြောရေး စခန်းများ ရှိနေ၍” မဖြစ်နိုင်ဟု အကဲခတ် တဦးက ပြောသည်။

ကချင်ပြည်နယ် မြစ်ကြီးနား မြို့တွင် ညီလာခံ ထောက်ခံပွဲကို စစ်အစိုးရက ပြုလုပ်ရာ တက်ရောက် လာသူများက အခမ်းအနား အပိတ်ပွဲ တိုင်ကြားခိုင်းထားသော ကြွေးကျော်သံများ မအော်ဘဲ “ဒို့အရေး၊ ဒို့အရေး” အော်ဟစ်၍ စစ်အာဏာပိုင်တို့ မျက်လုံး ပြူးသွားခဲ့ရသည်။

ထို့နောက်ပိုင်း ကန့်ကွက် ဆန္ဒပြသည့် လုပ်ရပ်များ မဖြစ်ပေါ်ရန် တက်ရောက်မည့် လူများကို စီစစ်ခြင်းများ ပြုလုပ်ခဲ့သည်။

ဆန္ဒပြ အစစ်များကို သွေးမြေကျအောင် နှိမ်နင်းပြီး ဟန်ပြ ထောက်ခံပွဲများ လုပ်မည့်အပေါ် အထက်တန်းကျောင်း အချို့မှ ကျောင်းသားများက ထောက်ခံပွဲ လိုက်ပါရင်း ငြိမ်းချမ်းစွာဖြင့် ကန့်ကွက် ဆန္ဒပြမည် ဟူသော သတင်းများ ပေါ်ထွက်နေသည်။

အော်ပီကျယ် ကာတွန်းများ ဖတ်ခွင့်မရပြန်
မဇ္ဈိမသတင်းဌာန
အောက်တိုဘာ ၁၂ ရက်၊ ၂ဝဝ၇ ခုနှစ်။
ဆန္ဒပြ သံဃာတော်များကို ဆွမ်းကပ်လှူရာတွင် ပါဝင်ခဲ့၍ နာမည်ကျော် ကာတွန်းဆရာ အော်ပီကျယ်၏ ရုပ်ပြောင် ကာတွန်းများကို ပုံနှိပ် ဖြန့်ချိခွင့်ကို စစ်အစိုးရက ပိတ်ပင် လိုက်ပြန်သည်။

“သူ့ကလောင် နာမည်ကို ဆင်ဆာအဖွဲ့က ခွင့်မပြုတော့ဘူးလို့ ဂျာနယ်တိုက်တွေက အကြောင်းကြားလို့ သိရတာပါ။ သူ့ဆီကိုယ်တိုင် လာအကြောင်းကြားတာတော့ မရှိပါဘူး” ဟု ကာတွန်းဆရာ အော်ပီကျယ်၏ ဇနီးက မဇ္ဈိမကို ပြောသည်။

ပြန်ကြားရေး ဝန်ကြီးဌာန လက်အောက်ခံ စာပေစိစစ်ရေးက ထုံးစံအတိုင်းပင် အကြောင်းပြချက်လည်း ထုတ်ပြန်ခြင်း မရှိပေ။

အော်ပီကျယ်သည် စက်တင်ဘာလတွင်းက ရွှေတိဂုံဘုရား၌ ဆန္ဒပြ သံဃာတော်များအား အမျိုးသားရေး ဦးဝင်းနိုင် ဦးဆောင်၍ ဆွမ်းကျွေးရာတွင် အခြား အနုပညာရှင်များနှင့် တက်ကြွစွာ ပါဝင်ခဲ့သူ ဖြစ်သောကြောင့် ပိတ်ပင်ခြင်း ဖြစ်သည်ဟု စာပေ အသိုင်းအဝိုင်းက ယုံကြည်ကြသည်။ ဆွမ်းကျွေးရာတွင် ပါဝင်သူ အချို့လည်း အဖမ်းခံထားရသည်။

‘စာပေ ကင်ပေတိုင်’ ဟု မီဒီယာများက ဘွဲ့ပေးထားသည့် ဆင်ဆာဘုတ် အဖွဲ့သည် အာဏာပိုင်များကို ဝေဖန် ဆန့်ကျင်သူဟု ယူဆလျှင် စိတ်ကြိုက် တားမြစ်လေ့ ရှိသည်။ အော်ပီကျယ် အတွက်မူ ဆင်ဆာက ပိတ်ဆို့ ဖြတ်တောက်ခြင်းမှာ မထူးဆန်းသည့် အရာတခုပင် ဖြစ်သည်။

“သူကတော့ အရင်ကတည်းက ခဏခဏ ဆင်ဆာ ထိနေတဲ့လူ ဆိုတော့ ဒီတခေါက် ပြန်ထိတာက သိပ်ကြီး မဖြစ်ပါဘူး။ ပြန်ဆွဲခွင့် ရတဲ့အခါ ဆွဲတော့လည်း (ဆင်ဆာဘုတ်က) ဒီပုံကတော့ ဘာဖြစ်တယ်။ ဒီစာကတော့ ဘာဖြစ်တယ်နဲ့ ပြန်ပြန် ထိဖူးပြန်တယ်” ဟု သူမက ပြောသည်။

အော်ပီကျယ်မှာ လွန်ခဲ့သော နှစ်ပေါင်း ၂ဝ ခန့် ကတည်းက မဂ္ဂဇင်းများတွင် ကာတွန်းများ ရေးဆွဲခဲ့သူ ဖြစ်သည်။

ိုးရက ညမထွက်ရ အမိန့်နှင့် လူမစုဝေးရ အမိန့်ကို ပြန်လည်ရုပ်သိမ်းဘွယ်ရှိနေခြင်း
မုံးပီး (မဇ္ဈိမသတင်းဌာန)
အောက်တိုဘာလ ၁၁ ရက်၊ ၂ဝဝ၇ ခုနှစ်။
မြန်မာစစ်အစိုးရ ထိပ်တန်း အရာရှိကြီးများလည်း မြန်မာနိုင်ငံ၏ အကြီးဆုံးမြို့ကြီး ၂ မြို့တွင် ထုတ်ပြန်ထားသော ညမထွက်ရ အမိန့်ကို ပြန်လည် ရုပ်သိမ်းသင့်မသင့် ခေါင်းချင်းရိုက် တိုင်ပင်လျက် ရှိသည်ဟု ရန်ကုန်ရှိ သတင်း ရပ်ကွက်များက ဆိုသည်။

'ညမထွက်ရ အမိန့် ကာဖျူးက ခုထိ ပြန်မရုပ်သိမ်း ရသေးဘူးဗျ၊ ဒါပေမဲ့ ပြန်ရုပ်သိမ်းဘို့တော့ စဉ်းစားနေတယ်လို့ သိရတယ်' ဟု အမည် မဖေါ်လိုသူ ရဲအရာရှိ တဦးက မဇ္ဈိမသို့ ပြောသည်။

ညမထွက်ရ အမိန့်နှင့် လူ ၅ ဦးထက် ပို၍ မစုဝေးရ ဆိုသော အမိန့်များကို ရုပ်သိမ်းရန် စဉ်းစားရခြင်းမှာ မကြာမီကျ ရောက်တော့မည့် သီတင်းကျွတ် မီးထွန်းပွဲတော်ကြောင့် ဖြစ်ဘွယ်ရှိသည်ဟု အဆိုပါ အရာရှိကပင် ဆက်လက် ပြောကြား ခဲ့ပါသည်။

သီတင်းကျွတ် မီးထွန်းပွဲတော်သည် ဗုဒ္ဓဘာသာ မြန်မာလူမျိုး အများဆုံး နေထိုင်သော မြန်မာပြည်တွင် အကြီးဆုံးသော ဘာသာရေး ပွဲတော်တခု ဖြစ်သည်။ ထိုပွဲတော်သည် အောက်တိုဘာ ၂၅ ရက်နေ့တွင် စတင်မည် ဖြစ်သည်။

သို့သော် မည်သည့် အကြောင်းကြောင့် ရုပ်သိမ်းမည် ဆိုသည်မှာမူ ယခုအထိ သဲကွဲခြင်း မရှိသေးဟုလည်း ဆိုသည်။

ဗုဒ္ဓဘာသာ ဘုန်းတော်ကြီးများ ခေါင်းဆောင်သည့် ဆန္ဒပြပွဲများ ဖြစ်ပွါးနေစဉ် အတွင်း ညမထွက်ရ အမိန့်နှင့် လူ ၅ ဦးထက် ပိုမစုဝေးရ အမိန့်များကို စက်တင်ဘာလ ၂၅ ရက်နေ့က ထုတ်ပြန်ခဲ့ခြင်း ဖြစ်သည်။

ထိုသို့ တားဆီး ကန့်သတ်မိန့်များ ထုတ်ပြန်ပြီးနောက် စက်တင်ဘာလ ၂၆ ရက်နေ့တွင် စစ်အစိုးရက ဆန္ဒပြသူများကို အကြမ်းဘက် နှိမ်နင်းခဲ့သည်။ လူပေါင်းများစွာ အဖမ်းခံခဲ့ရသည်၊ သေဆုံးခဲ့ရသည်။ ယင်းနောက် ညသန်းခေါင်ယံ ဘုန်းကြီးကျောင်းများ နှင့် တက်ကြွ လှုပ်ရှားသူများ၏ နေအိမ်များကို ဝင်စီးခြင်းစသည့် နှိမ်နင်းရေး လုပ်ငန်းများကိုဆက်လက် လုပ်ဆောင်ခဲ့သည်၊

စစ်အစိုးရ၏ တရားဝင် ထုတ်ပြန်ချက်များ အရ ဆန္ဒပြပွဲများအတွင်း လူ ၁ဝ ဦး သေဆုံးပြီး လူ ၂ဝဝဝ ခန့်ကို ဖမ်းဆီး ထိန်းသိမ်း ခဲ့သည်ဟု ဆိုသော်လည်း အတိုက်အခံများ နှင့် သံတမန်များကမူ ထိုကိန်းဂဏန်းများထက် အများကြီး ပိုဘွယ်ရှိသည်ဟု ဆိုသည်။

ငြိမ်းချမ်းစွာ ဆန္ဒပြနေသော လူအုပ်အား အသစ်တဖန် နှိမ်နင်းမှုများ ထပ်မံ ပြုလုပ်နေသည့် ရက်သတ္တပတ် အတွင်း စစ်အစိုးရ အုပ်စိုးနေသော မြန်မာနိုင်ငံသို့ ကုလသမဂ္ဂ၏ အထူး သံတမန် မစ္စတာ အီဗရာဟင် ဂမ်ဘာရီ သွားရောက် လည်ပတ်ခဲ့သည်။ စစ်အစိုးရကို ကန့်သတ်မှုများ ချက်ချင်း ရုပ်သိမ်းပေးရန်တောင်းဆိုခဲ့သည်။

'ခုတော့ အခြေအနေတွေက ပုံမှန်အတိုင်း ပြန်ဖြစ်နေပြီဗျာ၊ ခုအချိန် ကန့်သတ်မှုတွေကို ရုပ်သိမ်းဘို့ သင့်ပြီလို့ အစိုးရကလဲ စဉ်းစားကောင်း စဉ်းစားနိုင်ပါတယ်' ဟု အထက်ပါ အရာရှိကပင် ဆက်လက်ပြောဆိုခဲ့ပါသည်။

ကမ္ဘာ့တပ် ဝင်ရောက်ရေး မြန်မာအချို့ မျှော်လင့်နေကြ
မဇ္ဈိမသတင်းဌာန
အောက်တိုဘာလ ၁၁ ရက်၊ ၂ဝဝ၇ ခုနှစ်။
ကုလသမဂ္ဂ လုံခြုံရေးကောင်စီမှ ငြိမ်းချမ်းရေး ထိန်းသိမ်းရေး တပ်ဖွဲ့ စေလွှတ်စေလိုသည့် စိတ်ဆန္ဒများ ပြည်သူအချို့ အကြား ဖြစ်ပေါ်နေသည်ဟု ရန်ကုန် ဒေသခံများက ပြောကြသည်။

မကြာသေးခင်က မြန်မာနိုင်ငံအတွင်း ဖြစ်ပွားခဲ့သော ရဟန်းရှင်လူ၊ ကျောင်းသား ပြည်သူများ၏ ဆန္ဒပြပွဲများကို နအဖ စစ်အာဏာပိုင်များ ဘက်က အကြမ်းဖက် နှိပ်ကွပ်မှုများကြောင့် ပြည်သူများ အကြားတွင် ခိုကိုးရာမဲ့ နေသည့် အခြေအနေများကြောင့် ကုလသမဂ္ဂ လုံခြုံရေး ကောင်စီမှ ကမ္ဘာ့ငြိမ်းချမ်းရေး ထိန်းသိမ်းရေး တပ်ဖွဲ့ကြီးကို အားကိုးတကြီး မျှော်လင့်နေကြသည်ဟု ဆိုသည်။

“ပြည်သူတွေက မြက်တပင်ပဲရရ အားကိုးစရာ ရှာနေကြတာကိုး။ အမေကျော် ဒွေးတော် လွမ်းတယ်ပဲ ပြောပြော ဒီမှာ အားကိုးစရာ မရှိတော့ အားကိုးစရာ ရှာကြတဲ့ သဘောပဲပေါ့ဗျာ။ အမှန်ကတော့ ဘယ်သူမှ သူတို့ကို အန်တုနိုင်မှာ မဟုတ်တဲ့အခါ အန်ပြန်တုနိုင်မယ့် လူတွေ၊ ပြည်သူတွေက မျှော်လင့်နေကြပဲပေါ့။ အမေက တအားဆိုးနေတော့ ဒွေးတော်ကမှ တော်ရင် တော်နိုင်အုံးမယ်လို့ စဉ်းစားမိကြတာပေါ့။ အဖေ ခေါ်ရလည်း ခေါ်ရပေါ့လေ။ အဲလို ဖြစ်ကုန်ကြတာပေါ့” ဟု ရန်ကုန်မြို့ခံ အမျိုးသားတဦးက မဇ္ဈိမကို ပြောသည်။

မြန်မာ အမျိုးသမီးတဦးကလည်း “ကျမတို့ ဖြစ်စေချင်တာကတော့ ကမ္ဘာ့ ငြိမ်းချမ်းရေးတပ်က ပြည်တွင်းထဲကိုလာပြီး ဆန္ဒပြ ပြည်သူတွေရဲ့ လုံခြုံရေးအတွက် လာစောင့်ကြည့်ပေးရင် ဆိုတာပါပဲ။ သူတို့က လာပြီး နအဖ စစ်အစိုးရကြီးကို လာတိုက်ဖို့ ပြောနေတာ မဟုတ်ပါဘူး။ တကယ်လို့ သူတို့ ရောက်လာမယ်ဆိုရင် ပြည်သူတွေက အေးအေးဆေးဆေး ဆန္ဒပြနိုင်မယ်။ မဟုတ်ရင် ဟိုလူတွေ (နအဖ စစ်တပ်) က သေနတ်တွေနဲ့၊ ပြည်သူတွေက လက်နက်မဲ့။ ဘယ်လောက် ခံနိုင်မလဲ။ လူတွေလည်း တော်တော် သေကုန်နေကြပြီ” ဟု ပြောသည်။

မန္တလေးမြို့တွင်လည်း ကုလကိုယ်စားလှယ် မစ္စတာ ဂမ်ဘာရီက ကုလတပ်ဖွဲ့ကြီး မြန်မာနိုင်ငံတွင်း ဝင်ရောက်ကာ ထိန်းသိမ်း ဆောင်ရွက်ပေးပြီး ပြည်သူများကို ကူညီနိုင်လိမ့်မည်ဟု သာမာန် ပြည်သူအများက မျှော်လင့် နေကြကြောင်း သွားရောက် လေ့လာခဲ့သူ တဦးက မဇ္ဈိမ သို့ ပြောသည်။

ဥရောပ-မြန်မာရုံးမှ ညွှန်ကြားရေးမှူးဖြစ်သူ ဦးဟန်ယောင်ဟွေက နိုင်ငံတကာ ငြိမ်းချမ်းရေး ထိန်းသိမ်းရေး စေလွှတ်ရေးဟူသည် ဖြစ်တန်ချေ မရှိဘဲ ပထမ အချက်အနေဖြင့် လုံခြုံရေး ကောင်စီ၏ ဆုံးဖြတ်ချက် ရယူရမည် ဖြစ်ကာ ဒုတိယ အနေဖြင့် လုံခြုံရေး ကောင်စီက စစ်တပ်ပို့မည် ဆိုလျှင် လက်ရှိ အစိုးရမှ လက်ခံမည် မဟုတ်သဖြင့် မဖြစ်နိုင်သည်ကို စိတ်ကူးယဉ်နေပါက မှားလိမ့်မည်ဟု ပြောသည်။

သူက ဆက်ပြီး “နိုင်ငံတကာရဲ့ ဖိအားတွေကြောင့် နအဖက အခု ဒေါ်အောင်ဆန်းစုကြည်ကို ဖိတ်ပြီး စကားပြောနေကြပြီ။ ဒီအခွင့်အရေးကို ဒေါ်စုအနေနဲ့ ကောင်းကောင်း အသုံးချရမယ်။ ကျနော့်အမြင် ပြောရရင် ဒေါ်စုအနေနဲ့ နိုင်ငံရေး ကိစ္စကိုပဲ အတင်းဆွဲသွားတဲ့ ပုံစံမျိုး မလုပ်သင့်ဘူး။ လူထု တကယ် ကြုံတွေ့နေရတဲ့ ပြဿနာတွေကို အရင်ဆွေးနွေးပြီး ဖြေရှင်းပေးရမှာ။ ပြဿနာတွေ ပြေလည်တဲ့အခါ နအဖ က ဒေါ်စုနဲ့ လက်တွဲလို့ ပြဿနာတွေ ပြေလည်တယ်ဆိုတဲ့ အမြင်လေးတွေ ရလာမယ်။ ဘာလို့လဲဆိုတော့ ဒေါ်စုကို နအဖ က သူတို့အာဏာ လုမယ့်လူလို့လည်း မှတ်နေတာလေ” ဟု ပြောသည်။

ဆန္ဒပြသူ ၄၅ ဦး သရက်ထောင်သို့ပို့
ဖနီဒါ (မဇ္ဈိမသတင်းဌာန)
အောက်တိုဘာလ ၁၁ ရက်၊ ၂ဝဝ၇ ခုနှစ်။
နိုင်ငံတဝှမ်း ဆန္ဒပြပွဲများ ဖြစ်ပွားစဉ်က ဖမ်းဆီး ခံရသူများ အနက် ၄၅ ဦးကို ယမန်နေ့က သရက်ထောင်သို့ ဆက်လက် ပို့ဆောင်လိုက်ကြောင်း မျက်မြင် သက်သေများက ပြောသည်။

ရဲဝန်ထမ်း ၂ဝ ခန့် စောင့်ကြပ် လိုက်ပါလာသည့် ဖမ်းဆီးခံ သံဃာတော်များနှင့် အမျိုးသမီးများ အပါအဝင် ၂၉ ဦး ကို အောင်လံ-သရက် မော်တော်ဆိပ်မှတဆင့် သရက်မြို့သို့ စက်လှေများဖြင့် ဗုဒ္ဓဟူးနေ့ နံနက်က ပို့ဆောင်ခဲ့သလို ၁၆ ဦးပါ နောက်တသုတ်ကိုလည်း ညဘက်တွင် ဆက်လက် ပို့ဆောင်ခဲ့သည်။

“ရဟန်း သံဃာလို့ ယူဆရတဲ့ ကတုံးတွေလည်း ပါတယ်။ ဒါပေမဲ့ သူတို့က လူဝတ်တွေပဲ။ အမျိုးသမီးလည်း ပါတယ်။ သူတို့ကို ဇက်နဲ့ တိုက်ရိုက်ပို့တာ မဟုတ်ဘူး။ စစ်လှေဘုတ်ပေါ့နော်။ ဒါတွေနဲ့ ပို့လိုက်တာ။ ဘတ်စ်ကား တစီးက မင်းဘူး-အန်း ဆိုပြီး ရေးထားတယ်။ အဲဒီ ကားတွေမှာ လုံခြုံရေး အပြည့်ပါတယ်။ သူတို့က ရဲယူနီဖောင်း အပြည့်အစုံနဲ့ ပါလာတယ်” ဟု မျက်မြင် သက်သေ တဦးက ပြောသည်။

ညဘက် ပို့လိုက်သည့် အသုတ်တွင် မကွေး၊ တောင်တွင်းကြီး၊ နတ်မောက်၊ ကျောက်ပန်းတောင်းဘက် ဆန္ဒပြပွဲများတွင် ပါဝင်၍ ဖမ်းဆီး ခံခဲ့ရသူများ ဖြစ်သည်။

သရက်ထောင်တွင် ထောင်ဖွင့်ချိန် နံနက် ၅ နာရီနှင့် ထောင်ပိတ်ချိန်အဖြစ် ညနေ ၆ နာရီကြားတွင် သတ်မှတ် ထားသော်လည်း ယခုအခါ ခရိုင် ခယက ဥက္ကဌ အမိန့်ဖြင့် အချုပ်သား၊ အကျဉ်းသားများ လာရောက် ပေးပို့သည်ကို အချိန်မရွေး လက်ခံရမည်ဟု အာဏာပိုင်များက ညွှန်ကြားထားကြောင်း စုံစမ်း သိရှိရသည်။

ကျောက်ခဲ ထောင်ဒဏ် ၂ နှစ်ကျခံရ
ဖနီဒါ (မဇ္ဈိမသတင်းဌာန)
အောက်တိုဘာလ ၁၁ ရက်၊ ၂ဝဝ၇ ခုနှစ်။
စစ်ခေါင်းဆောင်ကို ဆန့်ကျင်စကား ပြောဆိုမှုနှင့် ဗုဒ္ဓသာသနာ ထွန်းတောက်စေရန် ဟောပြောသူ စစ်ကိုင်းတိုင်း အောင်လံမြို့နယ်ရှိ အန်အယ်ဒီ အဖွဲ့ဝင် တဦးကို မြို့နယ် တရားရုံးက ထောင်ဒဏ် ၂ နှစ် ချလိုက်သည်။

ကိုကျောက်ခဲကို (ခ) ကိုအောင်ဆန်းဦးသည် ပြီးခဲ့သည့်လ ၂၉ ရက်နေ့ ညက အိမ်အနီးရှိ စားသောက်ဆိုင် တဆိုင်တွင် ဂြိုလ်တု စလောင်းမှာ မြန်မာနိုင်ငံတွင် ဖြစ်ပွားနေသည့် သံဃာနှင့် ပြည်သူ ဆန္ဒပြပွဲများကို နအဖ မှ အကြမ်းဖက် နှိမ်နှင်းသည့် သတင်းကို ကြည့်ပြီး မကျေမချမ်း ဖြစ်ကာ “ထေရဝါဒ ဗုဒ္ဓသာသနာ ထွန်းတောက်ပါစေ” ဟု ကြွေးကျော်ပြီး အစိုးရ ဆန့်ကျင်ရေး စကားများ ပြောကြားခဲ့ရာ ရဲများက ဖမ်းဆီး၍ တရားလို လုပ်ကာ ရုံးတင် စစ်ဆေးလာရာမှာ ယခုအခါ ပုဒ်မ ၅ဝ၅ (ခ) အရ နိုင်ငံတော်ကို အကြည်ညို ပျက်စေရန် ပြုလုပ်သည်ဟု ဆိုကာ မြို့နယ် တရားသူကြီး ဦးမြင့်ဆွေက ထောင်ဒဏ် ၂ နှစ် ချလိုက်ခြင်း ဖြစ်သည်။

“ရုံးတော်က ဘယ်လို သုံးသပ်သလဲ ဆိုတော့ မြို့ပေါ်မှာ အစိုးရကို ဆန့်ကျင်တဲ့ စာရေးခဲ့တယ်။ နောက်တချက် သံဃာတော်များ ၂၄ ရက်နေ့က ပတ္တနိကုဇ္ဇန ကံဆောင်တာကို ထောက်ခံပြီး စီတန်း လှည့်လည်မှုမှာ တက်ကြွစွာ ပါဝင်ခဲ့တယ်။ နောက်တခါ ဗိုလ်ချုပ်မှူးကြီး သန်းရွှေနဲ့ ပတ်သက်ပြီးတော့ ဆန့်ကျင်တဲ့ စကားတွေကိုလည်း ဆိုခဲ့တယ်။ ဒီအချက်အလက်တွေကို သုံးသပ်ပြီးတော့ ဒါဟာ အစိုးရကို ဆန့်ကျင်တယ်လို့ ရုံးတော်က ဆုံးဖြတ်တယ်” ဟု တရားရုံးသို့ သွားရောက် ကြည့်ရှုသူ ဒေသခံ တဦးက ပြောသည်။

တရားလိုအဖြစ် မြို့မ ရဲစခန်းမှူး ဦးကျော်ရွှေဝင်းက ရုံးတော်တွင် သတင်းပေး တိုင်ကြားချက်ကို သက်သေခံကာ၊ ဒုတိယ သက်သေအဖြစ် အောင်လံမြို့နယ် နယ်ထိန်း ကြီးကြပ်ရေးမှူး ဒုရဲအုပ် ကျော်ထူးက အစစ်ဆေးခံပြီး နောက်ပိုင်းတွင် သယော်ကုန်း ရယက လူကြီးများလည်း စစ်ဆေးခံခဲ့ကြောင်း သိရသည်။

ဒေသခံတဦးက “ပတ္တနိကုဇ္ဇန ကံဆောင်တာကို ထောက်ခံပြီး စီတန်း လှည့်လည်နေတဲ့ ရဟန်း သံဃာတွေနဲ့ ပြည်သူလူထု၊ ကျောင်းသားတွေကို အကြမ်းဖက် ရိုက်နှက် သွေးထွက်သံယို ဖြစ်အောင် လုပ်တာနဲ့ ပတ်သက်ပြီးတော့ လူတိုင်းမှာ ခံစားချက်တွေ ရှိကြမှာပဲ။ ခံစားချက်တွေရှိတဲ့ နေရာမှာ ပေါက်ကွဲတတ်တဲ့ လူက ပေါက်ကွဲသွားတာပဲ” ဟု ပြောသည်။

မြို့နယ် အန်အယ်ဒီက စာပေ၊ ကဗျာ၊ ဆောင်းပါး၊ ပန်းချီ ပြိုင်ပွဲ တရပ် ကျင်းပရာတွင် ကိုလိုနီ နယ်ချဲ့ လက်အောက် လွတ်လပ်ရေး ကြိုးပမ်းမှု ကာလအတွင်း အမျိုးသား ခေါင်းဆောင် ဗိုလ်ချုပ် အောင်ဆန်းက အောင်ဆန်း-အက်တလီ စာချုပ် လက်မှတ် ရေးထိုးနေပုံကို ပြိုင်ပွဲဝင်ရာတွင် ဆုရရှိခြင်း မရှိသော်လည်း နိုင်ငံခြားသားတဦးက ဒေါ်လာ ၂ဝဝ ဖြင့် ပေးဝယ်သွားပြီးနောက် ရောင်းချငွေကို အန်အယ်ဒီ (ဗဟို) သို့ ရန်ပုံငွေအဖြစ် ပေးလှူခဲ့သူ ဖြစ်သည်။

ကျော်သူ ပါဝင်သရုပ်ဆောင်သည့် “အကြွင်းမဲ့လုံခြုံရာ” ဖြန့်ချိခွင့် မရ
သန်းထိုက်ဦး (မဇ္ဈိမသတင်းဌာန)
အောက်တိုဘာလ ၁၁ ရက်၊ ၂ဝဝ၇ ခုနှစ်။
နိုင်ငံကျော် ရုပ်ရှင်မင်းသား ကျော်သူ ပါဝင်ခဲ့သည့် 'အကြွင်းမဲ့ လုံခြုံရာ' အမည်ရှိ အိပ်ခ်ျအိုင်ဗီ ပညာပေး ဗီဒီယို ဇာတ်လမ်းကို ဖြန့်ချိခွင့်ကို ဗီဒီယို ဆင်ဆာဘုတ်က ဆိုင်းငံ့ထားသည်။

ကျော်သူက ခေါင်းဆောင် မင်းသားအဖြစ် ပါဝင် သရုပ်ဆောင်ခဲ့သော ၄၅ မိနစ်ကြာ ဗီဒီယို ဇာတ်လမ်းကို ဖြန့်ချိခွင့်ကို ယခုလ ၈ ရက်နေ့က PSI Myanmar ထုတ်လုပ်ရေး တာဝန်ခံက တောင်းခံရာ ပြသခွင့် မပြုကြောင်း ဆင်ဆာဘုတ်က အကြောင်းပြန်ခဲ့သည်။

“ကျမကလည်း ဒီကားထုတ်ကို ရ၊ မရ သေချာအောင်လို့ မေးလိုက်တာပေါ့။ ဘာလို့လဲဆိုတော့ အဲဒီ ကားထုတ်ကလေးမှာ ကိုကျော်သူက ခေါင်းဆောင် မင်းသားအဖြစ်နဲ့ ပါထားပြီးတော့လေ။ ကျမတို့လည်း ဆင်ဆာ လက်မှတ် (Certificate) နဲ့ဆိုတော့ ကိုယ်ပြချင်တဲ့ နေရာမှာလည်း ပြမရဆိုတော့ ထုတ်ဝေ ဖြန့်ချိနိုင်မှု ရှိ၊ မရှိ တချက် မေးကြည့်တာပါ။ အဲဒီမှာ သူတို့က နေပြီးတော့မှ မပြပါနဲ့ ဆိုတာကို ပြောလိုက်တာ။ ဘာဖြစ်လို့လဲ ဆိုတော့ ကျမ မသိဘူး” ဟု PSI မှ ဒေါ်ဆွေဇင်ထိုက်က မဇ္ဈိမကို ပြောသည်။

ဗီဒီယို ဆင်ဆာဘုတ်သို့ မဇ္ဈိမက ဆက်သွယ် မေးမြန်းရာ “ခတ္တခဏ ရပ်ဆိုင်းထားပါတယ်” ဟု တာဝန်ရှိသူ တဦးက ပြောသည်။

'အကြွင်းမဲ့ လုံခြုံရာ' ဇာတ်ကားတွင် မင်းသားကျော်သူက ရွှေ့ပြောင်း လှေလုပ်သား အိမ်ထောင်သည်တဦး ဖြစ်ပြီး ကာရာအိုကေ ဆိုင်တခုမှ အဆိုတော် မိန်းကလေး တဦးနှင့် ထပ်မံ ညိစွန်းရာမှ အမျိုးသမီးတွင် အိပ်ခ်ျအိုင်ဗွီ ကူးစက်ခံရပုံကို ကျန်းမာရေး ပညာပေးအဖြစ် ရိုက်ကူး တင်ဆက်ထားသည်။

ကျော်သူနှင့်အတူ ရတနာခင်၊ အိုင်းရစ်လေပြေဦး၊ သူထူးစံတို့ ပူးတွဲ သရုပ်ဆောင်ထားသည့် ဇာတ်လမ်းခွေကို ဧရာဝတီ မြစ်ရိုးတလျှောက် စုန်ချီဆန်ချီ သွားလာနေရသည့် လှေလုပ်သားများကို ပြသရန် ၂ဝဝ၂ ခုနှစ်တွင် PSI Myanmar ခေါ် အစိုးရ မဟုတ်သော လူမှု အကူအညီ ပေးရေး အဖွဲ့အစည်းက ထုတ်လုပ်ခဲ့ခြင်း ဖြစ်သည်။

စက်တင်ဘာလ ၂၄ ရက်နေ့က အမျိုးသားရေး ဦးဝင်းနိုင်၏ ရွှေတိဂုံ ဘုရားတွင် သံဃာတော်များကို ဆွမ်းနှင့် ရေကပ်လှူရာတွင် ကျော်သူသည် အခြားသော ရုပ်ရှင် အနုပညာရှင် စာရေးဆရာများနှင့် အတူ ပါဝင်ခဲ့သည်။ ဦးဝင်းနိုင်နှင့် ဟာသ သရုပ်ဆောင် ဇာဂနာတို့ကို နောက်တရက်တွင် အာဏာပိုင်များက ဖမ်းဆီးခဲ့ပြီးနောက် အဖမ်းမခံဘဲ တိမ်းရှောင်နေခဲ့သည်။

နာရေး ကူညီမှုအသင်း၏ ဦးဆောင်သူ လူအများ ချစ်ခင်သည့် မင်းသားကျော်သူနှင့် ဇနီးသည် ဒေါ်ရွှေဇီးကွက်ကို အာဏာပိုင်များက ရန်ကုန်မြို့ တနေရာမှ ဖမ်းဆီး ရမိခဲ့သည်ဟု သတင်းများ ထွက်ပေါ်ခဲ့သော်လည်း သီးခြား အတည်ပြုနိုင်ခြင်း မရှိသေးပါ။

၈၈ ခေါင်းဆောင်နှစ်ဦး ထပ်မံ အဖမ်းခံရ
မဇ္ဈိမသတင်းဌာန
အောက်တိုဘာ ၁ဝ ရက်၊ ၂ဝဝ၇ ခုနှစ်
စစ်အစိုးရက အပူတပြင်း အလိုရှိနေသော ၈၈ ကျောင်းသား ခေါင်းဆောင် ကိုလှမျိုးနောင်နှင့် မသရဖီ တို့ကို ယနေ့တွင် ဖမ်းမိသွားပြီဟု ထိုင်းအခြေစိုက် အဖွဲ့အစည်း တခုက ပြောသည်။

ကိုလှမျိုးနောင်နှင့် မသရဖီ တို့ကို စန်းချောင်းမြို့နယ်တွင်း ရဲထောက်လှမ်းရေးများက ဖမ်းမိသွားခြင်း ဖြစ်သည်ဟု Asia-Pacific Peoples Partnership on Burma (APPPB)က ပြောသည်။

“ဒီနေ့ မွန်းလွဲမှာ၊ သူ့ (လှမျိုးနောင်) မျက်လုံးက တော်တော် အခြေအနေ ဆိုးတယ်လေ။ ခွဲရမယ် တောင်မှ ၅ဝ ရာခိုင်နှုန်းလောက်ပဲ မြင်နိုင်မဲ့ အနေအထား ရှိနေတယ်။ မခွဲရင်တော့ လုံးဝ မမြင်နိုင်တဲ့ အနေအထားမှာ ရှိနေတယ်ပေါ့နော်၊ သူက ဆရာဝန်ကို တွေ့ဖို့ ထွက်ရတယ်ပေါ့၊ ထွက်တော့ သူတို့ကလည်း ပိုက်စိတ်တိုက် ရှာနေတာကိုး။ ဆေးခန်းအသွားမှာ အဖမ်းခံရတယ်” ဟု APPPB မှ မခင်ဥမ္မာက ပြောသည်။

၈၈ ခေါင်းဆောင်နှစ်ဦး ထပ်မံ အဖမ်းခံရ
မဇ္ဈိမသတင်းဌာန
အောက်တိုဘာ ၁ဝ ရက်၊ ၂ဝဝ၇ ခုနှစ်
စစ်အစိုးရက အပူတပြင်း အလိုရှိနေသော ၈၈ ကျောင်းသား ခေါင်းဆောင် ကိုလှမျိုးနောင်နှင့် မသရဖီ တို့ကို ယနေ့တွင် ဖမ်းမိသွားပြီဟု ထိုင်းအခြေစိုက် အဖွဲ့အစည်း တခုက ပြောသည်။

ကိုလှမျိုးနောင်နှင့် မသရဖီ တို့ကို စန်းချောင်းမြို့နယ်တွင်း ရဲထောက်လှမ်းရေးများက ဖမ်းမိသွားခြင်း ဖြစ်သည်ဟု Asia-Pacific Peoples Partnership on Burma (APPPB)က ပြောသည်။

“ဒီနေ့ မွန်းလွဲမှာ၊ သူ့ (လှမျိုးနောင်) မျက်လုံးက တော်တော် အခြေအနေ ဆိုးတယ်လေ။ ခွဲရမယ် တောင်မှ ၅ဝ ရာခိုင်နှုန်းလောက်ပဲ မြင်နိုင်မဲ့ အနေအထား ရှိနေတယ်။ မခွဲရင်တော့ လုံးဝ မမြင်နိုင်တဲ့ အနေအထားမှာ ရှိနေတယ်ပေါ့နော်၊ သူက ဆရာဝန်ကို တွေ့ဖို့ ထွက်ရတယ်ပေါ့၊ ထွက်တော့ သူတို့ကလည်း ပိုက်စိတ်တိုက် ရှာနေတာကိုး။ ဆေးခန်းအသွားမှာ အဖမ်းခံရတယ်” ဟု APPPB မှ မခင်ဥမ္မာက ပြောသည်။

ရန်ကုန်မှာ လုံခြုံရေး တပ်မံတိုးမြှင့်လာ၊ အင်တာနက် ပိတ်ထားပြန်
ဖနီဒါ (မဇ္ဈိမသတင်းဌာန)
အောက်တိုဘာလ ၁ဝ ရက်၊ ၂ဝဝ၇ ခုနှစ်။
ရန်ကုန်မြို့တွင် ယခု လဆန်းပိုင်းက လုံခြုံရေး အင်အားကို လျှော့ချခဲ့သော်လည်း ယမန်နေ့မှ စတင်ကာ ထပ်မံ၍ တိုးချဲ့ ချထားလာပြန်သလို အင်တာနက်လည်း ပိတ်ထား လိုက်ပြန်သည်။

ပြီးခဲ့သည့် လကုန်ပိုင်းက ရန်ကုန်မြို့တွင် ဆန္ဒပြပွဲများ ပြီးစီးခဲ့သဖြင့် လုံခြုံရေး ချထားမှုကို စစ်အာဏာပိုင်များ ဘက်က လျှော့ချ ပစ်လိုက်သော်လည်း ယမန်နေ့မှ စတင်ကာ ရဲ၊ ကြံ့ခိုင်ရေးနှင့် စွမ်းအားရှင်များကုို မြို့အနှံ့တွင် ထပ်မံ တိုးချထားသလို စစ်ကားများလည်း ဥဒဟို သွားလာနေခြင်း ဖြစ်သည်။

“မနေ့ညကနေ ရဲရောပေါ့နော်၊ အရင်နေ့တွေမှာတော့ မတွေ့ရပါဘူး။ လုံခြုံရေးကတော့ အပြည့်ပဲ။ မြို့ထဲမှာ ဟိုအရင် နေ့တွေမှာတော့ နည်းသွားပြီး မနေ့ကစပြီး စစ်သားတွေ ပြန်များနေတယ်။ နောက်ပြီး ကားတွေနဲ့ ပြန်လှည့်နေတာ တွေ့ရတယ်။ ကားတစီးမှာ အနည်းဆုံး ၂ဝ ကျော်လောက် ရှိမယ်။ မြို့ထဲမှာ ခုနက ကမ္ဘာအေး ဘုရားလမ်းအတိုင်း ပတ်သွားတာ တွေ့ရတယ်။ ပြီးခဲ့တဲ့ ရက်တွေမှာ ဒါမျိုး ပတ်တာ မရှိဘူးလေ။ အခု ၂ ရက်ရှိပြီ” ဟု ရန်ကုန် မြို့ခံက ပြောသည်။

ဆူးလေဘုရား လမ်းထိပ်၊ မြို့တော် ခန်းမရှေ့၊ ရွှေတိဂုံဘုရား လမ်းထိပ်၊ မဟာဗန္ဓုလလမ်း၊ အနော်ရထာ လမ်းတလျှောက်၌ ရဲအင်အား ၄-၅ ဦးနှင့် ကြံ့ခိုင်ရေးနှင့် စွမ်းအားရှင်များကို ပူးတွဲ ချထားကြောင်း သိရသည်။

အင်တာနက်ကို ယမန်နေ့က ပြတ်တောင်းပြတ်တောင်း ပြန်ဖွင့်ပေးခဲ့သော်လည်း ယနေ့တွင် ပိတ်ထားပြန်သည်။ မြန်မာ တယ်လီပို့တ်ထ်ကတော့ ဆာဗာ ပြုပြင် ထိန်းသိမ်းရေးကြောင့် ဖြစ်ရသည်ဟု ပြောဆိုသော်လည်း အင်တာနက်မှတဆင့် သတင်း အချက်အလက်များ ပြည်ပသို့ ပေးပို့နေမှုကို ကန့်သတ်နိုင်ရေး ပိတ်ထားခြင်း၊ စောင့်ကြည့်ခြင်းများ လုပ်လို၍ဟု အင်တာနက် အသုံးပြုသူများက ပြောသည်။

“အရပ်ဝတ်တွေနဲ့ ရဲကတော့ ဆူးလေလမ်း၊ မဟာဗန္ဓုလလမ်း၊ အနော်ရထာ လမ်းတို့မှာ ပေါ့နော်။ လမ်းတိုင်းမှာ အင်အား ၅ ယောက် တအုပ်စု ချထားတယ်” ဟု ပြောပြသည်။

မဇ္ဈိမ အထောက်တော် တဦးက “လုံခြုံရေးကို ဂရုစိုက်နေတယ် ပေါ့လေ။ ရဲတွေကို ချထားတယ်။ အရင်လောက်တော့ မများပေမယ့် ကြံ့ခိုင်ရေးနဲ့ စွမ်းအားရှင်တွေကို အရပ်ဝတ်တွေနဲ့ ချထားတာ။ နေရာတိုင်းမှာ အဓိက ဆူးလေတို့၊ ရွှေတိဂုံတို့မှာပေါ့နော်။ အင်အားကို အဲဒီ နေရာမှာ ပိုပြီးချထားတယ်။ ကျန်တဲ့ နေရာမှာကတော့ နည်းတယ်” ဟု ပြောသည်။

ယနေ့တွင် အနော်ရထား လမ်းတလျှောက်တွင် လုံခြုံရေး ယူထားမှုသည် ရဲနှင့် ကြံ့ဖွံ့ အဖွဲ့ဝင်များ အများစုဖြစ်ပြီး၊ မြို့တော်ခန်းမ ရှေ့တွင်မူ စစ်ကား ၁ဝ စီးနှင့် မီးသတ်ကား ၄ စီး ရှိနေသည်။

“ကျနော်ထင်တာက သူတို့က ၆၆ နဲ့ ၇၇ ချထားတယ်လို့ ထင်တယ်။ ရွှေတိဂုံ ဘုရားလမ်းမှာပေါ့နော် စစ်ကားတွေ ချထားတာ တွေ့ရတယ်။ ၁ဝ စီး၊ ၁၅ စီးလောက် ဆိုက်ထားတာ တွေ့ရတယ်။ မီးသတ်ကားတွေရောပေါ့။ တနေရာမှာက ၄-၅ ယောက်ပဲ တစုတစု ရှိတော့တယ်ဗျာ။ ဆူးလေ ဘုရားလမ်းနဲ့ မဟာဗန္ဓုလ လမ်းထောင့် မီးပွိုင့်နားမှာဆို ရဲ ၁ဝ ယောက်၊ ၁၅ ယောက်လောက် ရှိတယ်ဗျာ” ဟု လေ့လာ စောင့်ကြည့်နေသူ တဦးက ပြောသည်။

“ပြည်သူတွေကတော့ ပုံမှန် သွားနေတာပဲလေ။ ဒါပေမဲ့ စိတ်ဓာတ် အင်အားတွေလည်း ကျသွားတာပေါ့။ လုံးဝ ကျေနပ်မှု မရှိကြဘူးလေ။ အခုဟာက တွေ့ဆုံညှိနှိုင်း ဆွေးနွေးရေး ရှိနေတယ် ဆိုတော့ ပြည်သူတွေကတော့ အဲဒါကို တချက် စောင့်နေကြတာပေါ့နော်” ဟု သူက ပြောသည်။

အဲပုဂံ ခရီးသည် သုံးပုံနှစ်ပုံ လျော့ကျသွား
သန်းထိုက်ဦး (မဇ္ဈိမ သတင်းဌာန)
အောက်တိုဘာ ၁ဝ ရက်၊ ၂ဝဝ၇ ခုနှစ်
စစ်အစိုးရ ဆန့်ကျင်သည့် ဆန္ဒပြပွဲများ ဖြစ်ပေါ်လာပြီးနောက် ဗိုလ်ချုပ်မှူးကြီး သန်းရွှေ၏ လူယုံတော် ဦးတေဇ ပိုင်ဆိုင်သည့် အဲပုဂံ အပြည်ပြည်ဆိုင်ရာ လေကြောင်းလိုင်းတွင် စီးနင်းသူ သုံးပုံနှစ်ပုံ ကျဆင်းသွားကြောင်း လေကြောင်းလိုင်း တာဝန်ရှိသူများ အပြောအရ သိရသည်။

ရန်ကုန်- ဘန်ကောက်သို့ ခရီးစဉ်ကို A 310-200 ဖြင့် ပြေးဆွဲနေရာ လူဦးရေ ၂၂ဝ ကျော် လိုက်ပါနိုင်သည့် လေယာဉ် ခရီးစဉ်တွင် ၅ဝ ကျော်သာ လိုက်ပါ စီးနင်းလျှက် ရှိသည်။

“အခုပြည်တွင်းမှာ မငြိမ်သက်တာနဲ့ ပါတ်သက်ပြီးတော့ ခရီသည်တွေ နည်းလာတယ်။ ၆ဝ-၇ဝ ရာခိုင်နှုန်းလောက် ကျသွားတယ်” ဟု ဘန်ကောက် အခြေစိုက် လေကြောင်းလိုင်း အရာရှိတဦးက မဇ္ဈိမ သို့ ပြောသည်။

ရန်ကုန်-ဘန်ကောက် ခရီးစဉ်တွင် ဆန္ဒပြမှုများ မဖြစ်ပွားမီက ရုံးပိတ်ရက်များတွင် လူအပြည့် စီးနင်းလိုက်ပါလေ့ ရှိကြောင်းလည်း သူက ပြောသည်။ အဲပုဂံကို မြန်မာ အဲယားဝေးနှင့် ထူးထရိတ်ဒင်းတို့ ပူးပေါင်း ပိုင်ဆိုင်သည်။

မြန်မာပြည်တွင်း နိုင်ငံရေး မတည်ငြိမ်မှုနှင့် ညမထွက်ရ အမိန့် ထုတ်ထားခြင်းကြောင့် နိုင်ငံခြား ခရီးစဉ်များတွင် ခရီးသည် ကျဆင်းသွားခြင်း ဖြစ်ကြောင်း သူက ပြောသည်။ အဲပုဂံ၏ ပြည်ပ ခရီးစဉ်များတွင် ထိုင်း၊ ကမ္ဘောဒီယား၊ စင်္ကာပူ၊ တောင်ကိုရီးယား၊ တရုတ်တို့ ပါဝင်သည်။

အလားတူပင် နိုင်ငံပိုင် မြန်မာ အဲယားဝေး အင်တာနေရှင်နယ် လေကြောင်း လိုင်းတွင်လည်း ခရီးသည် လျော့နည်းသွားသည်။

“နဂိုကထက် နည်းတော့ နည်းသွားတယ်။ မြန်မာသံရုံးက ဗီဇာ မပေးတော့ အဲဒါကြောင့် နည်းသွားတယ် လို့ ထင်တယ်။” ဟု အမ်အေအိုင် တာဝန်ရှိသူ တဦးက မဇ္ဈိမ သို့ ပြောပြသည်။

လောင်စာဆီ ဈေးနှုန်းများ ရုတ်တရက် တိုးမြှင့်လိုက်ရာမှ အနှစ် ၂ဝ နီးပါးအတွင်း အကြီးမားဆုံး ဆန္ဒပြမှုများ မြန်မာနိုင်ငံ နေရာ အများအပြားတွင် ဖြစ်ပေါ်ခဲ့ပြီး လူအသေအပျောက် ရှိခဲ့သော စစ်အစိုးရ၏ နှိမ်နင်းမှုကြောင့် ဒေါသ ထွက်နေသော စင်္ကာပူရောက် မြန်မာနိုင်ငံသား အချို့က စစ်ခေါင်းဆောင် ဗိုလ်ချုပ် သန်းရွှေ၏ အတွင်းလူ ဦးတေဇပိုင် လေကြောင်းလိုင်းကို သပိတ်မှောက်ရန် လှုံ့ဆော်ခဲ့မှုများ ထွက်ပေါ်ခဲ့သည်။

ဦးတေဇလည်း ဗိုလ်ချုပ်သန်းရွှေ၏ မိသားစုနှင့်အတူ နိုင်ငံခြားသို့ ထွက်ပြေးတိမ်း ရှောင်ခဲ့သည် ဆိုသော သတင်းများလည်း ပေါ်ထွက်ခဲ့သည်။

ရန်ကုန်မြို့ အခြေစိုက် အဲပုဂံ လေကြောင်းလိုင်း ဝန်ထမ်းတဦးကတော့ မဇ္ဈိမသို့ ပြောကြားရာတွင် ဦးတေဇ မြန်မာနိုင်ငံတွင် “ရှိပါတယ်” ဟု ဆိုကာ ထွက်ပြေးသည် ဆိုသည်မှာ မဟုတ်ပါဘူးဟု ငြင်းဆန်သွားသည်။

သို့သော် အသေးစိတ်ပြောကြားရန် သူမက ငြင်းဆန်သွားခဲ့သည်။

သီးခြား အတည်ပြု၍ မရနိုင်သော သတင်းတခုက ဗိုလ်ချုပ်သန်းရွှေ၏ ဇနီး ဒေါ်ကြိုင်ကြိုင်သည် ဦးတေဇပိုင် စီးပွားရေး လုပ်ငန်းများတွင် အမည် ပါဝင်ရုံဖြင့် ရယူထားသော ရှယ်ယာများနှင့် ပတ်သက်၍ “နိုင်ငံရေး အခြေအနေ မကောင်းလို့” ဆိုကာ ငွေများ လိုက်လံ ထုတ်လျှက် ရှိသည်ဟု အတိုက်အခံ နိုင်ငံရေး သတင်း ရပ်ကွက်က ပြောသည်။

စစ်အစိုးရက ရဟန်းတော်များကို အကြမ်းဖက် နှိမ်နင်းမှုကြောင့် သံရုံးအရာရှိတဦး ရာထူးမှနှုတ်ထွက်
မဇ္ဈိမသတင်းဌာန
အောက်တိုဘာ ၁ဝ ရက်၊ ၂ဝဝ၇ ခုနှစ်
စစ်အစိုးရက ဆန္ဒပြ ရဟန်း သံဃာတော်များကို “ကြောက်မက်ဖွယ်ကောင်းသော” အကြမ်းဖက် နှိမ်နင်းခဲ့မှုကို ကန့်ကွက်သောအားဖြင့် ဗြိတိန်နိုင်ငံဆိုင်ရာ မြန်မာသံရုံးမှ အရာထမ်းတဦး ရာထူးမှ နှုတ်ထွက် သွားခဲ့သည်ဟု ဘီဘီစီ သတင်းအရ သိရသည်။

သံရုံး ဒုတိယ အတွင်းဝန် ဦးရဲမင်းထွန်းသည် ရဟန်းတော်များကို မြန်မာနိုင်ငံတွင် အကြမ်းဖက် တိုက်ခိုက်မှုများကြောင့် စိတ်ထိခိုက်ပြီး စစ်အစိုးရ တာဝန်များ ဆက်လက် မထမ်းဆောင်နိုင်ဘူးဆိုကာ ရာထူးမှ နှုတ်ထွက်စာကို သံရုံးသို့ တင်ခဲ့ခြင်း ဖြစ်သည်။ သူသည် နိုင်ငံခြားရေး ဝန်ကြီးဌာနတွင် ၁ဝ နှစ်ခန့်ကြာ အမှုထမ်းခဲ့သူ ဖြစ်သည်။

“ကျနော့် ဘဝတလျောက်လုံး ဒါမျိုး ဖြစ်ရပ်တွေ မကြုံဖူးဘူး။ အစိုးရဟာ ငြိမ်းငြိမ်းချမ်းချမ်းနေတဲ့ ဗုဒ္ဓဘာသာ ရဟန်းတော်တွေကို ရိုက်နှက် ဖမ်းဆီး လုပ်နေတာ။” ဟု ဦးရဲမင်းထွန်းက ဘီဘီစီသို့ ပြောကြားသွားသည်။ “ကြောက်မက်ဖွယ် ကောင်းသော” ဖြိုခွင်းမှုဟု သူက ပြောဆိုသွားခဲ့သည်။

“ဒီတော်လှန်ရေး၊ ဒီအဖြစ်အပျက်ဟာ အစိုးရကို တွေ့ဆုံ ဆွေးနွေးရေး စားပွဲကို ရောက်လာစေမယ့် အဆုံးအဖြတ် ပေးနိုင်မယ့် အချက်တခုလို့ ထင်ရပါတယ်။ ဒါပေမယ့် တကယ့် လက်တွေ့မှာတော့ အစိုးရဟာ အရှိတရားကို မျက်ကွယ်ပြုခဲ့တယ်။” ဟု သူက ပြောသည်။