ယနေ့သတင်းပေါင်းစုံ

ကြားသိရသမျှ ရန်ကုန်က အခြေအနေ

ညီလာခံ ထောက်ခံပွဲ ရန်ကုန်မှာ မကျင်းပရဲ

စစ်အစိုးရ ဝန်ကြီးချုပ် စိုးဝင်း သေပြီ

မဇ္ဈိမ သတင်းဌာနမှ အချိန်နှင့် တပြေးညီ ထုတ်လွှင့်ပေးနေသည်။
အောက်တိုဘာလ ၄ ရက်၊ ၂၀၀၇ ခုနှစ်။

ကြားသိရသမျှ ရန်ကုန်က အခြေအနေ

ဒီကနေ့ ကြားသိရသည့် ရန်ကုန်မြို့က အခြေအနေ အချို့ကို တင်ပြလိုက်ပါသည်။

ညီလာခံ ထောက်ခံပွဲ မကျင်းပရဲ

“ညီလာခံ ထောက်ခံပွဲကိုတော့ သူတို့တွေ နယ်တွေမှာလို ရန်ကုန်ကို တအိမ်တယောက် မလိုက်မနေရတော့ လုပ်ခိုင်းမှာ မဟုတ်ဘူး။ အခုလည်း ဘာမှ မပြောသေးပါဘူး။ ကျနော် ထင်တာကတော့ သူတို့လူတွေ၊ ဝန်ထမ်းတွေ၊ စွမ်းအားရှင်တွေကိုပဲ အဓိကထားခေါ်ပြီး ထောက်ခံနိုင်မယ့် လူတွေကိုပဲ ခေါ်နိုင်တယ်။ အခုထိ မစီစဉ်ကြသေးတာကိုတော့ ကျနော်အနေနဲ့ ပြောရရင် ရန်ကုန်က ဆန္ဒပြတုန်းက အဓိက ဦးဆောင်တဲ့ လူတွေဆိုတော့ အခုချက်ချင်း သူတို့လုပ်ရင် ထောက်ခံပွဲ မဖြစ်ဘဲ၊ ဆန္ဒ ထုတ်ဖော်ပွဲ ဖြစ်နိုင်တယ် ဆိုတာလည်း သူတို့ တွက်မိနိုင်တယ်လေ”လို့ ရန်ကုန် မြို့ခံတဦးက သူ့အမြင်ကို ပြောဆိုပါတယ်။

အားလုံးက ထောက်ခံပွဲက အနုနည်းနဲ့တော့ ငြင်းကြမှာပါပဲ။ လာပါဆိုရင် လာမယ်ပေါ့။ ပြီးမှ မသွားကြတာပေါ့။ ထိပ်တိုက်ငြင်းရင်လည်း လောလောဆယ် သူတို့ လက်ထဲမှာလေ၊ ကိုယ်ပဲ ခံနေရမှာ။ ငွေညှစ်လို့ ရမယ့်လူဆိုရင် ငွေညှစ်မှာပေါ့။ ဆိုင်ဖွင့်နေတဲ့ လူတွေပေါ့ဗျာ။ သူတို့နဲ့ ဆက်စပ်နေတဲ့ လူတွေကိုပေါ့ဗျာ”

မသင်္ကာရင် ဖမ်းတယ်

“မနေ့က လှိုင်သာယာ ဂုံးတံတားမှာ ဝင်လာတဲ့ကားတွေကို ရပ်ခိုင်းပြီး စစ်ဆေးတယ်။ မသင်္ကာတဲ့ လူတွေကို ရဲစခန်းကို ဖမ်းခေါ်သွားတယ်။ အထောက်အထား ခိုင်ခိုင်လုံလုံ ပြနိုင်တဲ့ လူတွေကိုတောင် ငွေညှစ်တယ်။ ဈေးရောင်းသမား ဆိုတာကိုတောင် အစားအစားအလိုက် ၄-၅-၆ဝဝဝ၊ တသောင်းအထိ ငွေတောင်းတယ်။ ပြီးတော့ ဒါတွေ လုပ်တာတွေကို ပြင်ပ မီဒီယာ သမားတွေကိုလည်း မပြောရဘူးဆိုပြီး လက်မှတ် ထိုးခိုင်းတယ်လို့ ပြောတယ်။ ကိုယ့်အချင်းချင်းတွေဆီမှာပဲ ပြန်ပြောကြလို့ ကျနော်တို့လည်း တဆင့်သိရတာ။ ပြည်သူတွေကတော့ သူတို့တွေကို မုန်းရင်း မုန်းရင်းနဲ့ ရွံလာကြပြီဗျာ။ သူတို့ကိုတွေ့ရင် ပြဿနာ မဖြစ်အောင်သာ ရှောင်နေရတယ်။

ကျောက်တံတားမြို့နယ်တို့၊ ဆူးလေတဝိုက်က မြို့နယ်တွေမှာတော့ ကားတစီး မယက က လူတွေ ၅ ယောက်၊ ၆ ယောက်လောက် ရှိမယ်၊ ဆန္ဒပြထဲမှာပါတဲ့ လူတွေရဲ့ ဓာတ်ပုံ သူတို့တွေဆီမှာ ရှိတယ်။ လက်ခံထားတဲ့ အိမ်တွေကို၊ အိမ်ရှင်တွေကိုပါ အရေးယူမယ် ဆိုပြီးတော့ လိုက်အော်နေတယ်”

ငွေကြာယံက ဘုန်းကြီးအတုနဲ့ လုံခြုံရေး

“တောင်ဥက္ကလာ ငွေကြာယံ ကျောင်းတိုက်မှာတော့ ပြီးခဲ့တဲ့ အပတ်တုန်းကတော့ သူတို့ လူတွေထဲက ဘုန်းကြီး အတုတွေပေါ့ ၄-၅ ပါးလောက် ထည့်ထားတယ်လို့ ပြောတယ်။ အခုတော့ မရှိတော့ဘူး။ ပတ်ဝန်းကျင်က သိတော့ ပြန်ထွက်သွားကြတယ်တဲ့။ လက်ကျန် ၅ ပါးလောက်ပဲ ကျောင်းမှာ ရှိတယ်။ လောလောဆယ်ပေါ့။ အစောင့်တွေတော့ တရားဝင် ရပ်ကြည့် စောင့်နေတာမျိုးတော့ မရှိဘူး။ နာရီဝက် တခါလောက်တော့ စစ်ကား ၅ စီးက လှည့်နေတယ်လို့ သိရတယ်။ ဒါကတော့ တမြို့လုံး နီးပါးကို လှည့်နေတဲ့ သဘောပါ။

လှည့်နေတဲ့ တပ်တွေကတော့ တပ်မ ၂၂၊ ၆၆၊ ၇၇ တွေပေါ့။ အရာရှိက ကားသေးသေးလေးနဲ့ အလယ်မှာပါတယ်။ တန်းစီပြီး နာရီဝက် တခါ၊ တချို့ နေရာတွေတော့ ၁ နာရီ တခါပေါ့ဗျာ၊ လှည့်နေတာပဲ။ စောင့်ကြည့်နေတာကို တွေ့တွေ့နေရတယ်။

ဈေးတွေမှာလည်း သီးသန့် စောင့်နေတာတော့ မရှိပါဘူး။ စစ်ကား ၅ စီး၊ ၆ စီးကတော့ ဒီကောင်တွေပဲ၊ လှည့်နေတာ။ ပြန်လူစုနေတယ်လို့ သူတို့လည်း သတင်းကြားလို့ ထင်တယ်။ နည်းနည်း လုံခြုံရေး ပြန်ကျပ်နေတယ်”

သံဃာတော်တွေ ပျောက်ဆုံးနေ

“အလုံမြို့နယ်၊ အောင်မင်္ဂလာ ကျောင်းက ဘုန်းကြီးတွေကို နေရပ်တွေကို ပြန်ခိုင်းတယ်။ ဒကာ၊ ဒကာမတွေက မြိတ်ပြန်မယ့် ဘုန်းကြီး တွေကို ကားတစီး စင်းလုံးငှါးပြီး၊ ပြန်ခိုင်းတာ၊ ဘုန်းကြီးကျောင်းကနေတော့ အပါး ၆ဝ လောက် အတူတူ ထွက်လာခဲ့ပြီး လမ်းမှာ ကျနော် ထင်တယ်၊ ရန်ကုန်အထွက်မှာ ဘုန်းကြီးတွေကို ၁ဝ ပါးလောက်ကိုပဲ လမ်းမှာ စောင့်ကြပ်နေတဲ့ အာဏာပိုင်တွေက သွားခိုင်းပြီး ကျန်တာတွေကို အုပ်စု ခွဲခိုင်းပြီး၊ သွားခိုင်းတယ်။ သာမန် ပြည်သူတွေထက်တောင် ဘုန်းကြီးတွေကို ဖိနှိပ်တယ်၊ မသင်္ကာ လုပ်တယ်လို့ သိရတယ်။ ပြန်သွားတဲ့ ဘုန်းကြီးတွေ တချို့ဆို အိမ်ကို ပြန်မရောက်ကြသေးဘူးလို့လည်း သိရတယ်။

ကျနော်တို့ ဘုန်းကြီးတပါးလည်း ဖမ်းသွားတဲ့အထဲ ပါသွားတာ၊ မနေ့ကတော့ ပြန်လွတ်လာပြီ။ သူလည်း ဒီမှာ မနေတော့ဘူး။ သူ့ရွာကိုပဲ ပြန်တော့မယ်လို့ ပြောတယ်။ မျက်နှာမှာ ဒဏ်ရာတွေနဲ့ဗျာ။ အထဲမှာ အရိုက်ခံရတဲ့ ဘုန်းကြီးတွေလည်း များတယ်တဲ့၊ တချို့လည်း မခံရတာလည်း ရှိတယ်တဲ့ဗျာ”

ကျောင်းသားတွေလည်း ကျောင်းမတက်သေး

“ကျောင်းတွေကတော့ ပြန်ဖွင့်နေပါပြီ။ ဒါပေမဲ့ ကျောင်းသားတွေ၊ တချို့ မိဘတွေကတော့ ကြောက်တော့ မတက်ခိုင်းကြဘူး။ ဒါကို ကျောင်းကလည်း ပျက်ရက် များတယ်၊ ဘာတယ် ပြောတာမျိုးတော့ မရှိပါဘူး။ အရင်ဆို ဒါမျိုးကို ကျောင်းက နားမလည်ပေးဘူးလေ။ အခုတော့ အချင်းချင်း နားလည် ပေးနေကြတယ်”

---------------------------------------------

စစ်အစိုးရ ဝန်ကြီးချုပ် စိုးဝင်း သေပြီ
ရန်ကုန်နှင့် မန္တလေးတို့တွင် လုံခြုံရေး တင်းကျပ်

အောက်တိုဘာလ ၂ ရက်၊ ၂၀၀၇ ခုနှစ်။

နယူးဒေလီရှိ မြန်မာသံဃာတော်များ၊ ကျောင်းသားများ ပူးတွဲဆန္ဒပြပွဲ (နောက်ဆက်တွဲ)
(ပြောကြားချက်များ)

အိန္ဒိယနိုင်ငံ မဇ္ဈိမ ဒေသတွင် ပညာ ဆည်းပူးနေသော မြန်မာ သံဃာတော်များနှင့် မြန်မာနိုင်ငံလုံးဆိုင်ရာ ကျောင်းသားများ အဖွဲ့ချုပ်၏ ယနေ့ နေ့လည်ပိုင်းက နယူးဒေလီ မြိုလယ် ဂျန်တားမန်တား အရပ်တွင် နအဖ စစ်အစိုးရ ဆန့်ကျင်ရေး ပူးတွဲ ဆန္ဒပြပွဲ၌ သံဃာ၊ ကျောင်းသား ပြောကြားချက်များကို စုစည်း တင်ပြလိုက်ပါသည်။

ဦးပညာဆာမိ
(ပြောခွင့်ရပုဂ္ဂိုလ်၊ အိန္ဒိယနိုင်ငံရောက် အပြည်ပြည်ဆိုင်ရာ ဗုဒ္ဓဘာသာ ရဟန်းတော်များကိုယ်စား)

“ဦးဇင်းတို့ အခုလို လာရောက်ဆန္ဒပြရာမှာ မြန်မာ ရဟန်းတော်တွေတင် မကပါဘူး။ အပြည်ပြည်ဆိုင်ရာ ရဟန်းတော်များ ပါဝင်ပါတယ်။ ဘင်္ဂလားဒေရှ့်၊ ထိုင်းနိုင်ငံ၊ တိဘက် စသည်ဖြင့် ပါဝင်ပါတယ်။ ဒီလို စုပေါင်းပြီး ပါဝင်ခြင်းရဲ့အဓိကကတော့ မြန်မာနိုင်ငံမှာ ငြိမ်းချမ်းစွာ မေတ္တာပြနေတဲ့၊ လူအခွင့်အရေးနဲ့ ဒီမိုကရေစီရေးတွေကို တောင်းဆိုနေကြတဲ့ သံဃာတော်တွေ၊ နိုင်ငံရေး ခေါင်းဆောင်တွေကို ဥပဒေမဲ့စွာ အတင်းအဓမ္မ နှိပ်စက် ညှဉ်းပမ်း ရိုက်နှက်၊ ထောင်ချနေတဲ့ အတွက်ကြောင့် ဒါတွေကို ကန့်ကွက်သောအားဖြင့် လာရောက် ဆန္ဒပြတာ ဖြစ်တယ်။

ပက်စပို့စ်၊ ဗီစာ ကိစ္စတွေကို အိန္ဒိယ အစိုးရက ကန့်ကွက်လာမယ် ဆိုရင်လည်း ဦးဇင်းတို့က မဆုတ်မတွန့် ဆက်လက်ပြီး မြန်မာနိုင်ငံ ဒီမိုကရေစီရေး အတွက်နဲ့ သာသနာရေး မညှိုးနွမ်းဖို့အတွက် ကြိုးစားသွားမှာပါ။ ပြည်တွင်းမှာ ရှိနေတဲ့ သံဃာတော်တွေ၊ နိုင်ငံရေး ခေါင်းဆောင်တွေဟာ ခါးစီးပြီး ခံစားနေကြရတယ်။ ဒီမှာရှိတဲ့ သံဃာတွေလည်း ပြည်တွင်းက ဒကာ၊ ဒကာမတွေနဲ့ ထပ်တူထပ်မျှ ရှိတယ်ဆိုတဲ့ အကြောင်းကို ပြတဲ့နေရာမှာ ဦးဇင်းတို့က ပတ်စပို့စ် ကိစ္စလေးလောက်ကိုတော့ နောက်မဆုတ်တမ်း၊ မတွန့်မဆုတ် ဦးလည်မသုန် ဆက်လက်ပြီးတော့ ဆန္ဒပြသွားမယ်”

သံဃာတော်တပါး
(ဘင်္ဂလားဒေရှ့်မှ)

“အာဏာရှင် စစ်အစိုးရကို ဘယ်သူမှ မလိုလားဘူး။ အားလုံးဟာ ငြိမ်းချမ်းရေးကိုပဲ လိုလားကြတာ။ ကိုယ်တော် အနေနဲ့လည်း ဘင်္ဂလားဒေ့ရှ် အစိုးရနဲ့ အိန္ဒိယ အစိုးရတို့ကလည်း မြန်မာနိုင်ငံ အရေးကိစ္စမှာ ဖိအားပေး ပါဝင်ကြဖို့ မိန့်ကြားလိုပါတယ်”

ကိုကျော်သန်း
(ဥက္ကဌ၊ မြန်မာနိုင်ငံလုံးဆိုင်ရာ ကျောင်းသားများအဖွဲ့ချုပ်)

“အခုမြန်မာပြည်က အခြေအနေတွေဟာ ကျနော်တို့ တမျိုးသားလုံးအတွက် ရှက်စရာကြီး ဖြစ်နေပြီ။ ကိုယ်ယုံကြည် ကိုးကွယ်နေတဲ့ သာသနာရဲ့ ဦးစီး ခေါင်းဆောင်တွေကိုတောင်မှ နှိပ်စက်နေတယ်။ သူတို့ရဲ့ရုပ် လုံးလုံး ပေါ်သွားတယ်။ ဒါတွေကို ဖွင့်ချဖို့အတွက် ဒီအခမ်းအနားကို စီစဉ်ရခြင်း ဖြစ်တယ်။ အိန္ဒိယမှာပဲ ပေါက်ဖွားလာခဲ့တဲ့ ဗုဒ္ဓ ၊ နောက် မဟတ္တမဂန္ဒီ ပြောခဲ့တဲ့ အကြမ်းမဖက်တဲ့ တရားကို ကျင့်သုံးတဲ့ ရဟန်း သံဃာတွေကို ဒီလို သတ်ဖြတ်နေတာတွေကို အိန္ဒိယက အခုချိန်ထိ နှုတ်ပိတ်နေတာကို ကျနော်တို့ ထောက်ပြခြင်း ဖြစ်တယ်၊ ဝေဖန်ခြင်း ဖြစ်တယ်။ ဒါတွေကို ကျနော်တို့ဆီ လာတဲ့ အိန္ဒိယက မိတ်ဆွေတွေ ကိုယ်တိုင်ကိုက ဝန်ခံ သွားခဲ့ကြပါတယ်။

အခုလို သံဃာတော်တွေနဲ့ ပူးပေါင်းမိတာကလည်း ကျနော်တို့ ရည်ရွယ်ချက်ခြင်း အားလုံး တူတယ်လေ။ စစ်အုပ်စုရဲ့ မတရားတာ၊ မမှန်ကန်တာတွေကို မခံနိုင်တော့တဲ့အခါ၊ စစ်အုပ်စုဟာ ဘာသာ၊ သာသနာကို မှားယွင်း ဖောက်ပြန်တဲ့လူတွေ ဖြစ်တဲ့အတွက် ကိုယ်တော်တွေ မခံမရပ်နိုင် ဖြစ်ပြီး ပါဝင်တာကို ကျနော်တို့ အားပေးရမယ်၊ ကြိုဆိုရမှာ ဖြစ်တယ်”

ကူမတ်တီနီ ပါတီး
(အထွေထွေ အတွင်းရေးမှူး၊ အိန္ဒိယနိုင်ငံလုံးဆိုင်ရာ တိုးတက်ဖွံဖြိုးရေး အမျိုးသမီးများအသင်း)

“ပါကစ္စတန်၊ ဘင်္ဂလားဒေရှ့်မှာလည်း လွတ်လပ်ရေးနဲ့ ဒီမိုကရေစီရေးအတွက် တိုက်ပွဲ ဝင်နေကြတယ်။ မြန်မာနိုင်ငံသားတွေဟာလည်း ဒီလိုပဲ ဒီမိုကရေစီရေး အတွက် တိုက်ပွဲ ဝင်နေကြတာကို မြန်မာ စစ်အစိုးရက ရက်စက်နေတဲ့ အပေါ်မှာ ကမ္ဘာတဝန်း ငြိမ်းချမ်းရေး လိုလားသူတွေက အားလုံး ဝိုင်းဝန်း ထောက်ခံပေးဖို့ အချိန်ရောက်နေပြီ”

(ဆန္ဒပြပွဲတွင် အိန္ဒိယနိုင်ငံလုံးဆိုင်ရာ လွတ်မြောက်ရေး တိုက်ပွဲဝင် အဖွဲ့မှ ဥက္ကဌ ခရစ်ရှစ်ဂိုပါးနှင့် အိန္ဒိယ နိုင်ငံလုံးဆိုင်ရာ လူငယ်များ အဖွဲ့ချုပ်မှ ခေါင်းဆောင်တဦး ဖြစ်သူ ကေ မုရုဂမ်း ကလည်း မြန်မာ့ ဒီမိုကရေစီရေးကို အားပေး ထောက်ခံ စကားများ ပြောကြား ခဲ့ကြသေးသည်။)

တရုတ်နယ်စပ် ဘုန်းကြီးကျောင်းများ မြန်မာသံဃာများ လက်မခံရ
မြန်မာစံတော်ချိန် ညနေ ၄ နာရီခွဲ (သတင်းရယူချိန်)

တရုတ်-မြန်မာ နယ်စပ်ရှိ ဘုန်းကြီးကျောင်းများ အနေဖြင့် မြန်မာနိုင်ငံဘက်မှ သံဃာတော်များ လာရောက်ပါက တည်းခိုခွင့် မပြုရန်နှင့် တရုတ် ဘုန်းကြီး အနေဖြင့်လည်း မြန်မာပြည်တွင်းသို့ မကြွချီရန် တရုတ်နိုင်ငံဘက်ခြမ်း ဒေသဆိုင်ရာ အာဏာပိုင်များက ညွှန်ကြားချက် ထုတ်ပြန်ထားကြောင်း သိရသည်။

တောင်တွင်းကြီး ဆန္ဒပြပွဲအစီအစဉ် အထမမြောက်
မြန်မာစံတော်ချိန် ညနေ ၅ နာရီခွဲ (သတင်းရယူချိန်)

စာသင် သံဃာတော်များမှ ဦးဆောင်၍ ကျင်းပရန် စီစဉ်ထားရှိသည့် ဆန္ဒပြပွဲကို စာချ ကိုယ်တော် အချို့နှင့် အာဏာပိုင်များမှ ဖိအားပေး တားမြစ်မှုများကြောင့် စစ်ကိုင်းတိုင်း တောင်တွင်းကြီး ဆန္ဒပြပွဲ အစီအစဉ်သည် အထမမြောက်ခဲ့ကြောင်း သိရသည်။

ဒေသခံတဦး ပြောဆိုချက် …

“ဘာကြောင့် မအောင်မြင်လည်းဆိုတော့ အဓိကက ကျနော်တို့ မြို့ပေါ်မှာရှိတဲ့ သံဃာတွေမှာ မြို့ပေါ် အနေအထားနဲ့ ဆိုရင် အထိုက်အလျောက် ရှိတယ်။ စာသင်သား သံဃာတွေက အရမ်း အားသန်တယ်။ သူတို့ သဘောနဲ့ ထွက်လာတယ်။ ဘုရားကြီးပေါ်မှာ စုနေတာ၊ ညကတည်းကနေ စုထားတာ။ အဲဒါကို စာသင်သား သံဃာတွေထဲမှာ သြဇာရှိတဲ့ ရဟန်းပျိုတွေ၊ စာသင်တိုက်က စာချပေးနေတဲ့ စာချ ကိုယ်တော်တွေ ကိုယ်တိုင်က သတ္တိမရှိဘူး။ အရင် ဆန္ဒပြခဲ့စဉ်လည်း အဲဒီ ကိုယ်တော်တွေ မပါဘူး။ စာသင်သားတွေက လုပ်ခဲ့တာ။ တဘက်ကလည်း အတုအယောင် စွတ်လုပ်နေတဲ့ ဟာကြီးကို လုပ်တယ်။ ကျနော်တို့ကလည်း တန်ပြန် ဆန္ဒပြပွဲ လုပ်မယ်ဆိုပြီး စီစဉ်ထားတာ။

ဟိုဘက်က စွမ်းအားရှင်တို့၊ ကြံ့ဖွတ်တို့က မနက်ကတည်းကနေ သတင်းရတော့ ကျနော်တို့ဘက်က လုပ်မယ့်ဟာကြီးကို အရမ်းကြောက်ပြီးတော့ စာသင်သားများတဲ့ သူတော်စဉ်ကျောင်း၊ ကန်တော်မင်း ကျောင်းတို့ကို သွားပြီးတော့ မထွက်ဖို့ ဖိအားပေးတယ်။ ဖိအားပေးရင်လည်း အဲဒီ စာသင်သားတွေက ထွက်မယ်။ တပြည်လုံး ဖြစ်နေတဲ့ အခြေအနေကို သူတို့ သိတယ်။ ဘုန်းကြီးတွေကို ဒီလောက် နှိပ်စက်နေတာကို ငါတို့ ဘက်ကလည်း တဘက်နဲ့ ထိပ်တိုက်ချမယ်။ မြို့ပေါ် တမြို့လုံးကလည်း ချမယ်ဆိုပြီး အကုန်ထွက်မယ်။ ခါတိုင်းလိုပဲ အကုန်ထွက်မယ်ပေါ့ဗျာ။ ဒီပွဲက အရမ်းလှမယ့် ပွဲပေါ့ဗျာ။

သို့သော်လည်းပဲ တစုံတရာ သြဇာအာဏာရှိတဲ့ စာချကိုယ်တော်တွေ၊ ဆရာတော် တချို့က မလုပ်ရဲတော့ ငါတို့ ထွက်ရင် မကောင်းဘူး ထင်တယ် ဆိုပြီးတော့ စာသင်သား ကိုယ်တော်တွေကို မထွက်ခိုင်းဘူး။ ရပ်ကွက်ထဲမှာ ရဲတွေနဲ့ ကြံ့ဖွတ်တွေ၊ မယကတွေက ထွက်မှာ ကြောက်လို့ လာပြီး ပိတ်နေပြီ။ အဲဒီကြားထဲ ရွှေအင်းတောင် ဘုရားကြီးပေါ်မှာ အပါး ၂ဝ လောက် စုမိသွားပြီ၊ လုပ်မယ်။ အော်မှာလည်း အော်နေပြီတဲ့။ အဲဒါ စာချ ကိုယ်တော်တွေက လိုက်ခေါ်တယ်လေ။ ဒီကိစ္စက မဖြစ်တော့ဘူးပေါ့။ သံဃာတွေကို အားကိုးပြီး လုပ်ရတဲ့ ကိစ္စကိုး။

လုံခြုံရေးကတော့ ဘုရားရဲ့ တောင်၊ အနောက်မုခ်တို့မှာ သူတို့က အများကြီး ချထားတာပေါ့နော်။ ၁၅ ယောက်လောက်ကတော့ အနီးမှာ စောင့်ကြည့်နေတာပေါ့လေ”

ပဲခူး အန်အယ်ဒီ ဥက္ကဌ ဦးမြတ်လှ ဒုတိယအကြိမ် အဆွဲခံရ
မြန်မာစံတော်ချိန် ညနေ ၅ နာရီခွဲ (သတင်းရယူချိန်)

ပဲခူးမြို့ အမျိုးသား ဒီမိုကရေစီ အဖွဲ့ချုပ် ဥက္ကဌ ဦးမြတ်လှကို ရယက လူကြီးနှင့် နယ်ထိန်းရဲ တဦးက ယနေ့နံနက် ၁ဝ နာရီခန့်တွင် နေအိမ်သို့ လာရောက်ကာ ဒုတိယအကြိမ် ခေါ်ဆောင် သွားပြန်သည်။

“လာခေါ်တုန်းကတော့ ပြောတာပဲ။ စစ်ဆေးပြီးရင် ပြန်ပို့ပေးမယ်လို့ ပြောတာပဲ” ဟု ရဲ၏ ပြောဆိုချက်ကို ဦးမြတ်လှ၏ သမီးက ပြန်ပြောပြသည်။

“ပထမအကြိမ်တုန်းက ၇ ဖွဲ့၊ ၈ ဖွဲ့လောက်က ဝိုင်းမေးကြတယ်လေ။ အဓိကကတော့ ကျခတ်ဝိုင်း ဘုန်းကြီးကျောင်းကို ရေဗူးနဲ့ ပစ်တာတို့ ဘာတို့ကို အန်အယ်ဒီ ဆိုပြီးတော့ စွပ်စွဲတယ်။ အဲဒါကို အဖေက မဟုတ်ဘူး ဆိုပြီးတော့ ပြန်ပြောလိုက်တယ်” ဟု သူက ဆက်ပြောသည်။

ပထမအကြိမ် ခေါ်ယူ စစ်ဆေးသည့် စက်တင်ဘာလ ၂၈ ရက်နေ့တွင် နေအိမ်ဖုန်းလိုင်း ဖြတ်တောက်ခံရပြီး လူကိုမူ နေ့တွင်းချင်း ည ၁ဝ နာရီခန့်တွင် ပြန်လွှတ်ပေးခဲ့ကြောင်းနှင့် ဖြတ်တောက်ခဲ့သော ဖုန်းလိုင်းကိုမူ ယနေ့ နံနက် ၁ဝ နာရီခွဲတွင် ပြန်ဖွင့်ပေးလိုက်ကြောင်း သိရသည်။

နမခ တိုင်းမှူး ပခုက္ကူကို လုံခြုံရေးဖြင့် လာရောက်
မြန်မာစံတော်ချိန် ညနေ ၄ နာရီ (သတင်းရယူချိန်)

မကွေးတိုင်း ပခုက္ကူမြို့ ဘောဓိကုန်း ရပ်ကွက်ရှိ ခရိုင် အေးချမ်းသာယာရေး ခယက ရုံးသို့ စစ်ကိုင်းတိုင်း မုံရွာမြို့ အခြေစိုက် အနောက်မြောက်ပိုင်းတိုင်း စစ်ဌာနချုပ် (နမခ) တိုင်းမှူး ဗိုလ်ချုပ် သာအေးသည် ယနေ့နေ့လည် ၁၂ နာရီခန့်က စစ်ထရပ်ကား ၂ စီးပေါ်တွင် ဒိုင်းများ ကိုင်ဆောင်ထားသည့် တပ်သား အင်အား ၁ဝဝ ခန့်ဖြင့် ရောက်ရှိလာကြောင်း သိရသည်။

တိုင်းမှူး ရောက်သည်နှင့် ခယက ရုံးရှေ့တွင် ဒိုင်းကိုင် စစ်သားများဖြင့် လုံခြုံရေး ချထားလိုက်သည်ဟု ဒေသခံ တဦးက ပြောသည်။ လာရောက် သည့် အကြောင်းရင်းကိုမူ မသိရသေးပါ။

ပခုက္ကူ အတွင်းသို့ နယ်မှ ဝင်ရောက်လာမည့် ကားများကို မြို့အဝင် တမာတန်း စစ်ဆေးရေး ဂိတ်တွင် ရဲများက မှတ်ပုံတင်များ စစ်ဆေး နေသည်ဟု ဒေသခံ တဦးက ပြောဆိုသည်။ စစ်ဆေးရေး ဂိတ်သည် မြို့နှင့် ၂ ဖာလုံ အကွာတွင် တည်ရှိသော တပ်ရင်း ၂၅၈ တပ်၏ အကြားတွင် ရှိသည်။

မန္တလေးအခြေအနေ
(သံဃာတော်များ ပြန်ကြွပြီ၊ လုံခြုံရေး၊ လမ်းတချို့ ပြန်ဖွင့်၊ ကျောင်းတချို့ ပိတ်ပြီ)

မြန်မာစံတော်ချိန် မွန်းလွဲ ၃ နာရီ (သတင်းရယူချိန်)

သံဃာတော်များ ပြန်ကြွပြီ

“ဒီနေ့က တော်တော်ငြိမ်သွားပြီ။ အခုဆို ကားဂိတ်တွေတိုင်းမှာ သံဃာတော်တွေ အပြည့်ပဲ။ ဟိုရက်တွေကဆို ပိုများတယ်။ သူတို့ကလည်း ဒီရက်တွင်းမှာ ကျောင်းရှိရင် ကျောင်းကိုပြန်၊ အိမ်ရှိရင် အိမ်ကို ပြန်ပေါ့ဗျာ၊ အကုန်လုံး ပြန်ကြရရှာပြီ။ မဟုတ်ရင်လည်းပဲ နိုင့်ထက်စီးနင်း ဝင်စီးတာတွေ ဖြစ်ရင် သွေးထွက်သံယိုတွေ ဖြစ်မှာဆိုတော့လေနော်။ အခုတော့ ခဏ၊ ယာယီပေါ့ဗျာ။ ဆိုတော့ ဘာဖြစ်လဲဆိုရင် နယ်မြို့တွေမှာ ဘာတွေဖြစ်လဲဆိုရင် ဓာတ်ပုံထဲ ပါတဲ့ဟာတွေ။ ဆန္ဒပြပွဲမှာ ဦးဆောင်တဲ့လူတွေကို တစိမ့်စိမ့် လိုက်ဆွဲနေတာပေါ့လေ။ အနည်းအကျဉ်းပေါ့နော်၊ အများကြီးတော့ မဟုတ်ပါဘူး”

လုံခြုံရေး

“လုံခြုံရေးက အခုဆိုရင် ပိုများလာတယ်။ ဥပမာဆိုရင် စည်ပင်သာယာ ရုံးနားတဝိုက်မှာ အရင်တုန်းကဆိုရင် မရှိခဲ့ဘူးလေ။ အခုဆိုရင် တွေ့ခဲ့တဲ့လူတွေ ပြောတာ မန္တလေး စည်ပင်သာယာရုံးရဲ့ ဘေးချင်း ကပ်ရက်က အမေရိကန် သံရုံးပိုင် နယ်မြေနားတဝိုက်မှာ ဆိုရင် အစောင့်တွေ တော်တော်များများ ချထားတယ်လို့ ပြောတယ်။ နောက် ဗထူးကွင်းလို နေရာမှာတွေလည်း အများကြီး ချထားတယ်လို့ ပြောတယ်။ တစုတစုကို မရှိပါဘူး ဆိုရင်လည်း အနည်းဆုံးတော့ ၃-၄-၅ဝ ရှိမှာပေါ့။ တမြို့လုံးနီးပါးကို ချထားတယ်။ အမျိုးမျိုးပေါ့ဗျာ။ သူတို့ တွက်ဆတာတွေကိုလည်း ကိုယ်က လက်လှမ်းမမှီပါဘူး။ အရှေ့ပြင် ဘက်ခြမ်းတွေကနေလည်း ထွက်လာတယ်၊ လူစုတယ်ဆိုရင် အဲဒီဘက်မှာ လက်နက်ကိုင်တဲ့ လုံခြုံရေးတွေ ချထားတယ်။ လုံခြုံရေးကတော့ တင်းတင်းကျပ်ကျပ်လေး ချထားတယ်”

လမ်းတချို့ပြန်ဖွင့်

“အရင်ရက်က ပိတ်ထားတဲ့ လမ်းတွေကိုတော့ ပြန်ဖွင့်လိုက်တာ ရှိတယ်။ အရင်တုန်းကဆို ၃၃ လမ်းတို့၊ ၃၄ လမ်းတို့ကို ပိတ်ထားတာ ရှိပေမယ့် အခုဆို ပြန်ပွင့်သွားပြီ။ ၃၅ လမ်းကိုတော့ ပိတ်ထားတုန်းပဲ။ ဘုန်းကြီးကျောင်းနား တဝိုက် စောင့်ကြည့်နေတာတွေတော့ အရင်အတိုင်းပဲ။ ဒါပေမဲ့ အရင်တုန်းကထက်စာရင် သက်တောင့်သက်သာ ရှိသွားပုံပဲ။ အေးအေးဆေးဆေးပဲ။ ဟတ်စ်ကီးတော့ တနေ့က အထိတော့ ဝဲတယ်။ မနေ့ကတော့ မကြားရတော့ဘူး”

ကျောင်းတချို့ ပိတ်ပြီ

“မနေ့က စကြားတာကတော့ ဂျီတီစီ (အစိုးရ နည်းပညာကောလိပ်) တလပိတ်တယ်လို့ ကြားတယ်။ မန္တလေးမြောက်ဘက် အိုးဘို ရွှေကျင်မှာ ရှိတဲ့ ကျောင်းလေ။ အဝေးသင်တွေလည်း ၆ လလောက် နောက်ဆုတ် လိုက်တယ်တဲ့”

နယူးဒေလီတွင် သံဃာနှင့် ကျောင်းသား စုပေါင်းဆန္ဒပြ
မြန်မာစံတော်ချိန် ၂ နာရီ (သတင်းရယူချိန်)

အိန္ဒိယနိုင်ငံ မြို့တော် နယူးဒေလီတွင် မြန်မာ ကျောင်းသားများနှင့် သံဃာတော်များမှ ပူးတွဲ ဦးဆောင်၍ အကြမ်းဖက် နအဖ စစ်အစိုးရကို ဆန့်ကျင် ရှုတ်ချသည့် ဆန္ဒပြပွဲ တရပ်ကို ယနေ့ ကျင်းပ ပြုလုပ်သည်။

မြန်မာနိုင်ငံလုံးဆိုင်ရာ ကျောင်းသားများ အဖွဲ့ချုပ်နှင့် မဇ္ဈိမ ဒေသရောက် စာသင်သား မြန်မာ သံဃာတော် ၅၃ ပါးမှ ဦးဆောင် ကျင်းပသည့် အဆိုပါ ဆန္ဒပြပွဲသို့ ဘင်္ဂလားဒေ့ရှ်၊ တိဘက်၊ မွန်ဂိုလီးယားနှင့် အိန္ဒိယ နိုင်ငံသား သံဃာ အချို့လည်း ပါဝင် တက်ရောက် လာကြကာ စုပေါင်း၍ ပရိတ်ရွတ်ဖတ်ကြသည်။

ဆန္ဒပြပွဲသို့ မြန်မာ့ ဒီမိုကရေစီ အင်အားစုများမှ လူအင်အား ၂ဝဝ ကျော်လည်း ပါဝင် တက်ရောက်ကြောင်း သိရသည်။

ရန်ကုန်မြို့ အခြေအနေ
(ရှာဖွေရေး၊ ရွှေတိဂုံ၊ ပြာယာခတ်နေသူများ၊ လုံခြုံရေး၊ ငွေပေးရင် လွှတ်ပေးတယ်)

မြန်မာစံတော်ချိန် မွန်းလွဲ ၂ နာရီ (သတင်းရယူချိန်)

ရှာဖွေရေး

“ဒီနေ့တော့ အားလုံးက ပုံမှန်ရှိနေပေမယ့် စစ်ဆေးမှုတွေက ရှိနေတုန်းပဲ။ ရဲရော၊ စစ်တပ်တွေတော့ ရှိသေးတယ်။ ဥပမာ လူတွေ အများဆုံး သွားနေတဲ့ နေရာဖြစ်တဲ့ ဆူးလေ၊ ဘတ်စ်ကားဂိတ်၊ လှည်းတန်း၊ မြေနီကုန်းတို့မှာ အရပ်ဝတ်နဲ့ သွားနေတဲ့ လူတွေကို စစ်ဆေးတယ်။ ပိုက်ဆံအိတ်ပါရင် ဖွင့်ကြည့်တယ်။ လွယ်အိတ်ပါရင် အိတ်ကို စစ်တယ်။ ကင်မရာပါရင် ကင်မရာကို ဖွင့်ကြည့်ပြီး ဓာတ်ပုံတွေ ဘာဖြစ်လို့ တင်ထားလဲ ဆိုပြီး ယူသွားတယ်။ သိမ်းလိုက်တယ်။ နောက် သူတို့ တခုခု မသင်္ကာစရာေ တွ့ရင် အဲဒီလူကို ဖမ်းသွားတယ်။

ဆူးလေ လေးဘက်လေးတန်မှာ ချထားတဲ့ သံဆူးကြိုးကို ဒီနေ့မနက် ပြန်သိမ်းလိုက်တယ်။ ဒါပေမဲ့ အနီးပတ်ဝန်းကျင်မှာ အင်အားကတော့ ၂၅ဝ ၊ ၃ဝဝ လောက်တော့ ရှိနေတယ်”

ရွှေတိဂုံ

“ရွှေတိဂုံဘက်မှာလည်း အနောက်ဘက်မုခ်မှာ ဝင်တဲ့ လူမရှိဘူး။ သူတို့ ၁၅ ယောက်လောက် စောင့်နေတယ်။ နောက် အာဇာနည်ကုန်း၊ ရွှေတိဂုံ မြောက်ဘက်မုခ်ဘက်မှာ ဆိုရင်တော့ စစ်ကား ၁၅ စီးလောက် ရှိတယ်။ စစ်သားတွေကတော့ အောက်ဆင်းတဲ့လူက ဆင်း၊ ကားပေါ်မှာ အိပ်နေတဲ့လူက အိပ်၊ ထိုင်နေတဲ့လူက ထိုင် ရှိနေကြတာတွေ့ရတယ်”

ပြာယာခတ်နေသူများ

“လှည့်နေတဲ့ကား ၃ စီးကလည်း ဥပမာ တောင်ဥက္ကလာဘက် ရှိတယ်ဆိုရင် အဲဒီဘက်ကိုသွား။ သာကေတဘက်ဆို သာကေတသွား။ လုံထိန်း၊ ရဲ၊ စွမ်းအားရှင် လှည့်နေတယ်လေ။ အင်အားက ၁ဝဝ လောက် ရှိမယ်”

လုံခြုံရေး

နောက်ပြီး ရန်ကုန် မြို့နယ်တိုင်းမှာ ရှိတဲ့ စာသင်တိုက်တိုင်းမှာလည်း လုံခြုံရေးတွေ ချထားတယ်။ ငွေကြာရံ ကျောင်းတိုက်မှာတော့ စစ်ကား ၃ စီး၊ ဒိုင်နာကား ၂ စီး ရှိတယ်။ အထဲမှာလည်း စစ်သား၊ ရဲ စောင့်နေကြတုန်းပဲ။

ငွေပေးရင် လွှတ်ပေးတယ်

“အခု ဆန္ဒပြပွဲမှာ မပါဝင်ဘဲနဲ့ လမ်းပေါ်ကနေ ဖမ်းဆီး ခံထားရတဲ့ လူတွေကို နေရပ်လိပ်စာ၊ ဖုန်းနံပါတ်တွေ မေးပြီး အဲဒီ လူတွေရဲ့ အိမ်ကို ဖုန်းဆက်ပြီး မင်းတို့အိမ်က မောင် ဘယ်သူ၊ မ ဘယ်သူ၊ ဖမ်းဆီးထားတယ်၊ ပိုက်ဆံ ၂ သိန်းနဲ့ အာမခံပြီး လာခေါ်ပါ” ဟု သွားရောက် ထုတ်ယူခဲ့ရသူ တဦးက ပြောသည်။

---------------------------------------------

မစ္စတာ ဂမ်ဘာရီ ရှမ်းပြည်ရောက်နေ
စိုးဝင်း မြန်မာပြည်ပြန်၊ ရန်ကုန်တိုင်း စစ်တိုင်းမှူး ရာထူးမှ ဖယ်ရှားခံရ
အောက်တိုဘာလ ၁ ရက်၊ ၂၀၀၇ ခုနှစ်။

မြင်းခြံမှာ လုံခြုံရေး တင်းကျပ်ပြီး သံဃာတော်တွေ ပြန်လွှတ်နေ
မြန်မာ စံတော်ချိန် မွန်းလွဲ ၂ နာရီ (သတင်းပေးပို့ချိန်)

မန္တလေးတိုင်း မြင်းခြံမြို့တွင်လည်း လုံခြုံရေး တင်းကျပ်ကာ စာသင်တိုက်များရှိ သံဃာတော်များကို နယ်သို့ ပြန်လွှတ်နေကြောင်း သိရသည်။

“လုံခြုံရေးကတော့ တော်တော်လေး တင်းကျပ်ပါတယ်။ ဘုန်ကြီးတွေကို ဖမ်းတာ ဆီးတာတော့ မရှိပါဘူး။ ကျောင်းထိုင် ဆရာတော်တွေက သံဃာတော်တွေကို ပြန်လွှတ်တာတွေ ရှိတယ်။ ဇောတိက ကျောင်းတိုက် ဥက္ကဌ ကျောင်းထိုင် ဆရာတော်က သူတို့ သံဃာတွေကို အကုန် ပြန်လွှတ်လို့ ကားဂိတ်မှာ ဘယ်လို ပြန်ရမှန်းမသိ ဖြစ်နေတာပေါ့။ ဆွမ်းစားစရာ မရှိ၊ စရိတ်မရှိတော့ ရပ်ကွက်က လူငယ်တွေ ငွေအလှူခံတာ ၄ သိန်း၊ ၅ သိန်းလောက် ရတယ်။ အဲဒါနဲ့ ပြန်သွားကြတယ်” ဟု ဒေသခံတဦးက ပြောသည်။

စာသင်သား အများစုသည် တောင်ငူ၊ ပျဉ်းမနားနှင့် လယ်ဝေး မြို့နယ်များမှ ဖြစ်သည်ဟု သိရသည်။

မိုးကုတ်အခြေအနေ
(လုံခြုံရေး၊ ဖမ်းဆီးမှုနှင့် လူမစုရ အမိန့်)

မြန်မာ စံတော်ချိန် ညနေ ၄ နာရီ ၁၅ မိနစ် (သတင်းရယူချိန်)

လုံခြုံရေး

“မိုးကုတ်မြို့မှာ လုံခြုံရေးတွေ တင်းကျပ်ထားတယ်။ လှုပ်ရှားလို့ မရအောင် တင်းကျပ်ထားတယ်။ လုံးဝကို လှုပ်ရှားလို့ မလွယ်ဘူး။ မိုးကုတ်မြို့ထဲမှာ ရှိတဲ့ လမ်းထောင့်၊ လမ်းထောင့်တွေမှာ ၁ဝ ကိုက် အကွာလောက်မှာ စစ်သားနဲ့ ရဲ တနေရာကို ၂ ယောက်၊ ၃ ယောက်တစု၊ ၇ ယောက်တစု စသဖြင့် လိုက်ချထားတယ်။ မြို့ထဲမှာ အပြည့်ပဲ လိုက်ချထားတယ်”

ဖမ်းဆီးမှု

“၂၈ ရက်နေ့က ဆန္ဒပြပွဲမှာ နောက်ကနေ လိုက်ပါ ဆန္ဒပြခဲ့တဲ့ မြတ်စေတနာ နာရေး ကူညီမှုအသင်း ကားကို အာဏာပိုင်တွေက ဒီကနေ့ မွန်းလွဲ ၁ နာရီလောက်က ထိန်းသိမ်းလိုက်တယ်။ အဲဒီ နာရေး ကူညီမှု အသင်း ဥက္ကဌ ကို ဖမ်းလို့ မရလို့ ပတ္တမြား ရပ်ကွက်မှာ နေတဲ့ အဖေဖြစ်သူကို အစား ဖမ်းထားလိုက်တယ်။ သားဖြစ်သူကတော့ ထွက်ပြေး နေရတယ်။

အန်အယ်ဒီ ဥက္ကဌ ဦးလှဦးကို အာဏာပိုင်တွေက လာမေးနေတယ်။ ဦးလှဦး ပြန်မလာသေးဘူးလားလို့ လာမေးနေတယ်။ လာမေးတော့ အိမ်က ရှိနေတဲ့ လူတွေက ပြန်ပြောလိုက်တယ်၊ ဦးလှဦးက ကျန်းမာရေး မကောင်းလို့ မန္တလေး ဆေးရုံမှာ တက်နေရတယ်လို့ ပြန်ပြောလိုက်တယ်တဲ့”

လူမစုရ အမိန့်

“၂၈ ရက်နေ့က စပြီးတော့ မိုးကုတ် မြို့ထဲမှာ စစ်ကား ၁၂ စီးလောက်က ည ၈ နာရီထိုးရင် 'အပြင် မထွက်ရ၊ လူ ၅ ယောက်ထက် ပိုမစုရ' ဆိုပြီးတော့ လိုက်အော်နေတယ်”

မစ္စတာ ဂမ်ဘာရီ ရှမ်းပြည်ရောက်နေ
မြန်မာစံတော်ချိန် မွန်းလွဲ ၃ နာရီခွဲ (သတင်းရယူချိန်)

မြန်မာပြည်ဆိုင်ရာ ကုလသမဂ္ဂ အထူးကိုယ်စားလှယ် မစ္စတာ ဂမ်ဘာရီသည် စက်တင်ဘာလ ၂၉ ရက်မှ စတင်၍ မြန်မာပြည်သို့ ရောက်ရှိ လာခဲ့ရာတွင် တတိယမြောက်နေ့ အဖြစ် ယနေ့တွင် ရှမ်းပြည်နယ်သို့ လာရောက်ကာ ဖွံ့ဖြိုး တိုးတက်ရေး လုပ်ငန်းများနှင့် နအဖ အမျိုးသား ညီလာခံ ကြိုဆိုပွဲများကို လိုက်လံ ကြည့်ရှု သွားမည်ဟု သိရသည်။

ဒေသခံများ၏ ပြောဆိုချက်အရ “ကုလသမဂ္ဂ အထူးကိုယ်စားလှယ် မစ္စတာ ဂမ်ဘာရီသည် ယခုအခါ ၁ဝ၅ မိုင် ကုန်သွယ်ရေးဇုံရှိ ဖွံ့ဖြိုး တိုးတက်ရေး လုပ်ငန်းများကို လိုက်လံ ကြည့်ရှုလျက် ရှိသည်။ မကြာမီ နာရီပိုင်းအတွင်း မူဆယ်သို့ ရောက်ရှိလာမည် ဖြစ်သည်။ ရန်ကုန်မြို့မှ အထူးလေယာဉ်ဖြင့် လားရှိုးသို့ လာရောက်ခြင်း ဖြစ်ပြီး လားရှိုးမှ ရဟတ်ယာဉ်ဖြင့် ၁ဝ၅ မိုင် ကုန်သွယ်ရေးဇုံတွင် ဆင်းသက်ခဲ့ခြင်း ဖြစ်သည်။ ရှမ်းပြည်နယ် မြောက်ပိုင်း လားရှိုးမြို့သို့ ဝင်ရောက်၍ မနက်ဖြန်တွင် ပြုလုပ်မည့် နအဖ ညီလာခံ ထောက်ခံပွဲကို ကြည့်ရှုမည်ဟု သိရသည်” ဟု သိရသည်။

၁ဝ၅ မိုင် ကုန်သွယ်ရေးဇုံသည် မူဆယ်မြို့ အနောက်တောင်ဘက် ၇ မိုင်ခန့် အကွာရှိ မူဆယ်-မန္တလေး ကားလမ်းပေါ်တွင် တည်ရှိသည်။

စိုးဝင်း မြန်မာပြည်ပြန်၊ ရန်ကုန်တိုင်း စစ်တိုင်းမှူး ရာထူးမှ ဖယ်ရှားခံရ

မဇ္ဈိမသတင်းဌာန
အောက်တိုဘာ ၁ ရက်၊ ၂ဝဝ၇ ခုနှစ်

လပေါင်းများစွာ ဆေးရုံတက် ကုသနေရသော ဝန်ကြီးချုပ် ဗိုလ်ချုပ်ကြီး စိုးဝင်းသည် ယနေ့ ညနေ့တွင် မြန်မာနိုင်ငံသို့ ပြန်တော့မှာ ဖြစ်ကြောင်း သတင်း ရပ်ကွက်များအရ သိရသည်။

ဗိုလ်ချုပ်စိုးဝင်း လိုက်ပါသည့် အထူး လေယာဉ်သည် ရန်ကုန်သို့ ညနေ ၅ နာရီခန့်တွင် ရောက်ရှိမှာ ဖြစ်သည်ဟု သိရသည်။

“သူ့အခြေအနေကတော့ မကောင်းဘူး။ သေမှာပဲ။ မင်္ဂလာဒုံ စစ်ဆေးရုံမှာ နေရလိမ့်မယ်။” ဟု စစ်ဖက်နှင့် နီးစပ်သူ သတင်းရပ်ကွက်က ပြောသည်။

ဗိုလ်ချုပ်မှူးကြီး သန်းရွှေ၏ သစ္စာခံဖြစ်ပြီး ၂ဝဝ၃ ခုနှစ် ဒီပဲယင်း လူသတ်ပွဲတွင် ကွပ်ကဲခဲ့သူ သေဆုံးလျှင် အတွင်းရေးမှူး (၁) ဗိုလ်ချုပ် သိန်းစိန်ကို အစားထိုး ခန့်အပ်မည်ဟု ပြောသည်။

“စိုးဝင်းသေရင် သိန်းစိန်ကို အစားထိုးမယ်။ သိန်းစိန် နေရာကို တင်အောင်မြင့်ဦးကို ပေးလိုက်မယ်” ဟု ပြောသည်။

ထိုစဉ်မှာပင် သဘောထား ပျော့ပြောင်းသည်ဟု အတိုက်အခံများ အကြား ကျော်ကြားသည့် ရန်ကုန် စစ်တိုင်းမှူး ဗိုလ်ချုပ် လှဌေးဝင်း ကို စစ်အစိုးရက ယနေ့ ဖြုတ်ထုတ်လိုက်ပြီ ဖြစ်ကြောင်း စစ်ဘက် သတင်းရပ်ကွက် တခုက ပြောသည်။

မည်သည့် အတွက်ကြောင့် ဖြုတ်လိုက်သည်ကို ရှင်းရှင်းလင်းလင်း မသိရသော်လည်း စက်တင်ဘာ ၂၇ ရက်နေ့က ရန်ကုန်မြို့ ဆန္ဒပြ သတင်းယူသူ ဂျပန် သတင်းထောက် သေဆုံးခြင်းတွင် တာဝန်ရှိသည်ဟု ဆိုကာ ဖြုတ်ထုတ်လိုက်ခြင်း ဖြစ်သည်ဟု နအဖ ခေါင်းဆောင်က အကြောင်းပြထားသည်ဟု ဆိုသည်။

ဂျပန်သတင်းထောက် Kenji Nagai ကို ရန်ကုန်မြို့တွင် ဆန္ဒပြသူများ လိုက်လံ ဖြိုခွင်းနေသော မြန်မာ စစ်သား တယောက်က အနီးကပ် သေနတ်ဖြင့် ပစ်လိုက်သည့်ဟန်ကို ဂျပန် ရုပ်မြင်သံကြား သတင်းများတွင် တွေ့ခဲ့ရသည်။

သို့သော်လည်း အတိုက်အခံများအတွင်း သိထားသည်မှာ ဗိုလ်ချုပ် လှဌေးဝင်းသည် ဆန္ဒပြသူများကို ပစ်ခတ်လိုခြင်း မရှိသော တိုင်းမှူးများ အနက် တဦးအပါအဝင် ဖြစ်ပြီး နအဖ စစ်ခေါင်းဆောင် ဗိုလ်ချုပ်မှူးကြီး သန်းရွှေ၏ ပစ်မိန့်ကို လိုက်နာရန် ရှောင်လွှဲခဲ့သည်ဟု ဆိုသည်။

ထိုသတင်းသာ မှန်ကန်ပါက နအဖ စစ်အုပ်စုအတွင်း ဗိုလ်ချုပ်မှူးကြီး သန်းရွှေနှင့် သူ၏ သစ္စာခံ ရက်စက် ခေါင်းမာသူများ ပိုမို ကြီးစိုးလာခြင်း ဖြစ်သည်။

မန္တလေးအခြေအနေ
မြန်မာစံတော်ချိန် ၁၂းဝဝ (သတင်းရယူချိန်)

ယမန်နေ့က ကျောင်းသား လှုပ်ရှားမှု တခု ပြုလုပ်ခဲ့သည့် မန္တလေးတွင် လူစုဝေးမှုများ တွေ့နေရရာ ယခင်နေ့များကအတိုင်း ၂ နာရီခန့်တွင် စတင်လုပ်မည်ဟု ခန့်မှန်း ပြောဆိုနေကြသည်။

လုံခြုံရေးများကတော့ ၇၈ လမ်းပတ်လည်တွင် ယနေ့ ပိုချထားပြီး ဒီ ၃၅ လမ်း၊ ၃၄ လမ်းတို့တွင်တော့ ပုံမှန် အနေအထား ဖြစ်သည်။

ကြံ့ဖွံ့နှင့် စွမ်းအားရှင်များကို တရက် ၃ ထောင်ပေးကာ လူစုဆောင်း နေကြပြန်သည်။

“ချမ်းအေးသာစံ ရပ်ကွက် ဈေးဝင်ရဲ့ အနောက်ရပ်ကွက်က ဆင်ခြေဖုံးမှာ ရှိတဲ့ ဒီလူတွေကို လိုက်ပြီးတော့ ညက လိုက်ခေါ်တယ်။ တရက်ကို သုံးထောင်ပေးမယ် လုံခြုံရေးအတွက် ဆိုပြီးတော့ ခေါ်ပါတယ်။ လှုပ်ရှားမှုတွေ လုပ်တဲ့အခါမှာ သူတို့ အဲဒီ လူတွေနဲ့ အရင် ထိပ်တိုက် ဖြေရှင်းခိုင်းပြီးတော့ နှိမ်နင်းဖို့အတွက် အဲဒီလိုမျိုး ကျနော်တို့ ယူဆရပါတယ်။” ဟု မန္တလေးသား တဦးက ပြောသည်။

ဘုန်းကြီးကျောင်းများပတ်လည် လုံခြုံရေးတိုးချထားပြီး တချို့ကျောင်းများတွင် ဒါဇင်ပေါင်းများစွာသော လက်နက်ကိုင်များ စောင့်ဆိုင်းနေသည်။

ယမန်နေ့မှစ၍ တပ်မ ၁၁ မြို့တွင်း ရောက်လာသည်ဟု ဒေသခံများ အပြောအရ သိရသည်။

ယခုအခါ တပ်မ ၃၃၊ တပ်မ ၁၁ နှင့် ရဲတို့ ရှိနေသည်။

တောင်တွင်းကြီးတွင် ညီလာခံ ထောက်ခံပွဲ လုပ်ရန် နအဖကြိုးပမ်းနေ
မြန်မာစံတော်ချိန် ၁၁း၁၀ (သတင်းလွှင့်တင်ချိန်)

“အခုက ရယကရုံးကနေပြီးတော့ ကြံ့ဖွတ်တွေကို ရုံးကို အစည်းအဝေး ခေါ်လိုက်တယ်။ နောက် ကြံ့ဖွတ်နဲ့ ရယက အဖွဲ့တွေက ရပ်ကွက်ထဲမှာ တအိမ်တက်၊ တအိမ်ဆင်း လိုက်ပြောနေကြတယ်လေ။ တက်ရင်တော့ ၃ ထောင်ပေးမယ်၊ မလိုက်ရင် လူတွေက ၁သောင်း ပေးရမယ်။” ဟု တောင်တွင်းကြီး ဒေသခံ တဦးက ပြောသည်။
“သူတို့ ည ၈ နာရီလောက်မှာ အစည်းအဝေး လုပ်ပြီးတော့ ဒီနေ့ လိုက်ပြောနေတာပေါ့နော်။ ပြည်သူတွေကတော့ မတက်ချင်ကြဘူးလေ။ အခုဟာက ကြံ့ဖွတ်နဲ့ ဝန်ထမ်း အင်အားပြမယ် ထင်တယ်။ သူတို့ အင်အားပြပြီး လူထုကို မျက်နှာဖုံးစွတ် လုပ်မှာပေါ့နော်။ မနက်ဖြန် မနက်ပိုင်းလား မသိဘူး။ အချိန်ကိုတော့ အတိအကျ မသိသေးဘူး။ အမျိုးသား ညီလာခံ ရဲ့ ဖွဲ့စည်းပုံ ဥပဒေကို လူထု ထောက်ခံပွဲ လုပ်မယ် ပေါ့နော်။” ဟု သူက ထပ်ပြောသည်။

ရန်ကုန်မြို့လယ် လုံခြုံရေးလျော့၊ လမ်းဆုံ လမ်းခွများမှာ တိုး
မြန်မာစံတော်ချိန် ၁၁း၀၀ (သတင်းလွှင့်တင်ချိန်)

ရန်ကုန်မြို့အတွင်း လုံခြုံရေးများ တိုးချဲ့ ချထားပြန်ရာ မီးပွိုင့်တိုင်း လိုလိုမှာပင် ရှိနေသည်။ ကားလမ်းများ ပြန်လည် ပွင့်နေပြီး လမ်းဆုံ လမ်းခွများတွင် စစ်တပ်နှင့် လုံထိန်း ရောထွေး ချထားသည်။ စစ်ကားများကလည်း မြို့တွင်း လှည့်လည်နေသည်။

“ပြည်သူတွေကတော့ မြို့ထဲမှာ ၃ ယောက် ၄ယောက်တတွဲ သွားနေကြတယ်။ ပြည်သူတွေကတော့ ဒီနေ့ရော ရအောင် မြို့ထဲမှာ လုပ်မယ်ဆိုပြီး ဆုံးဖြတ်ထားတယ်လို့ အများက ပြောနေကြတယ်။ အချိန်ကို စောင့်ရမှာပေါ့နော်။ ဘယ်အချိန်မှာ ဘယ်နေရာမှာ ပေးမလဲ။ ဘယ်မှာ ပွင့်မလဲပေါ့နော်၊ ပွင့်တဲ့ နေရာကနေ စလုပ်မယ်ကြမယ်တဲ့။” ဟု ဒေသခံတဦးက ပြောသည်။

“အဓိက ပိုတိုးချတာကတော့ စွမ်းအားရှင်တွေပေါ့နော်၊ သူတို့က အရမ်းသိသာတယ်။ မြို့ထဲကို လမ်းကြော မကျွမ်းတဲ့ သူတွေပေါ့နော်။ စုတ်စုတ်ပြတ်ပြတ် တချို့ဆိုရင် ဖိနပ်တောင် မစီးထားဘူး လမ်းလျောက်နေတယ်။” သူက ဆက်ပြောသည်။

သို့သော် မြို့လယ်တွင် ယခင်နေ့များထက် စာလျှင် လုံခြုံရေး လျော့နည်းသွားသည်။ ဆူးလေ တဝိုက်တွင်သာ လေးဘက် လေးရံ သံဆူးကြိုးများ ချထားပြီး လုံခြုံရေးများ ရှိနေသည်။

မြစ်ကြီးနား တက္ကသိုလ်ကို စစ်တိုင်းမှူးက ပိတ်ပစ်
မဇ္ဈိမသတင်းဌာန
အောက်တိုဘာလ ၄ ရက်၊ ၂ဝဝ၇ ခုနှစ်။
ကချင်ပြည်နယ် မြစ်ကြီးနားမြို့ရှိ တက္ကသိုလ်အား အာဏာပိုင်များက စက်တင်ဘာ ၂၇ ရက်နေ့တွင် ရက်အကန့်အသတ်မရှိ ပိတ်ပစ်လိုက်ပြီး နယ်ကျောင်းသားများကို ယခုလ ၁ ရက်နေ့တွင် အတင်းအကျပ် နေအိမ်များသို့ ပြန်ခိုင်းနေသည်။

သံဃာတော်များ၏ ဦးဆောင်မှုအောက်တွင် ကျောင်းသားများ ပါဝင် ဆန္ဒပြလာမည်ကို စိုးရိမ်သဖြင့် မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် အုန်းမြင့်၏ အမိန့်ဖြင့် မြစ်ကြီးနား တက္ကသိုလ်ကို ပြီးခဲ့သည့်လ ၂၇ ရက်နေ့မှ စတင်ကာ ရက်အကန့်အသတ် မရှိ ပိတ်လိုက်ခြင်း ဖြစ်ပြီး နယ်ကျောင်းသားတွေကို ယခုလ ၁ ရက်နေ့မှ စတင်ကာ နေရပ်သို့ ပြန်ခိုင်းလိုက်ခြင်း ဖြစ်သည်။

“ချက်ချင်းကြီး ပိတ်လိုက်တာပါ။ ပထမနှစ်တွေရဲ့ စာမေးပွဲ နောက်ဆုံးရက်မှာပေါ့။ ဘာကြောင့်လည်း ဆိုတော့ ကျောင်းသားတွေ ဆန္ဒပြလာမှာ စိုးလို့တဲ့။ အဝေးသင်နဲ့ ဒေး (နေ့ပိုင်း) တက်တဲ့လူတွေ အားလုံးကို ပိတ်လိုက်တာပါ။ တိုင်းမှူး ကိုယ်တိုင် ဆရာ၊ ဆရာမတွေကို ပြောထားတယ်တဲ့။ မနက်ဖြန်ကနေ ကျောင်းပိတ်လိုက်ပြီလို့ ဆရာမတွေ လာပြောတယ်။ ဒါပဲပြောတယ်။ တလလောက် ပိတ်မယ်လို့တော့ ပြောတယ်” ဟု ကျောင်းသားတဦးက မဇ္ဈိမကို ပြောသည်။

နယ်ကျောင်းသားများ နေရပ်ရင်းသို့ အမြန်ဆုံး ပြန်သွားနိုင်ရန်အတွက် တိုင်းမှူးက လေယာဉ်၊ မီးရထားနှင့် ကားလက်မှတ် အရောင်းဌာနများကို ကျောင်းသားများအတွက် ဦးစားပေး ရောင်းချရန် အမိန့် ထုတ်ထားသည်ဟုလည်း သိရသည်။

တက္ကသိုလ်ကျောင်းကို ပိတ်လိုက်ပြီ ဖြစ်သော်လည်း အထက်တန်း ကျောင်းများမှာမူ ဆက်လက်၍ ပုံမှန် ဖွင့်နေသည်။

ကချင်ပြည်နယ် မြစ်ကြီးနား မြို့စွန် စီတာပူ ရပ်ကွက်တွင် တည်ရှိသည့် မြစ်ကြီးနား တက္ကသိုလ်တွင် မိုးကောင်း၊ မိုးညင်း၊ ဟိုပင်၊ ဗန်းမော် အစရှိသည့် နယ်မြို့များမှ ကျောင်းသူ ကျောင်းသားများမှာ ကျောင်းနှင့် မနီးမဝေးတွင် ဆောက်လုပ်ထားသည့် အဆောင်အခန်းများကို ငှားကာ စုပေါင်း နေထိုင်ကြရသဖြင့် ယခုလို ရုတ်တရက် ကျောင်းပိတ်ကာ နေရပ်သို့ ပြန်ခိုင်းနေသဖြင့် အခက်အခဲများနှင့် ရင်ဆိုင်နေရသည်ဟုလည်း သိရသည်။

“အဝေးကလာတဲ့ လူတွေဆို ပိုခက်တာပေါ့။ တချို့ဆို ပြန်ဖို့ လမ်းစရိတ် မရှိဘူးလေ။ နယ်က လာတဲ့လူက ပိုများတယ်။ ကျောင်းကတော့ ဖွင့်မယ်၊ မဖွင့်ဘူးဆိုတာ နိုဝင်ဘာ လကုန်လောက်မှ သိရမှာ ဆိုတော့ တချို့ နယ်ကျောင်းသားတွေက သူငယ်ချင်းအိမ်တွေမှာ ခိုကပ်နေရတယ်” ဟု အခြား ကျောင်းသား တဦးက ပြောပြသည်။

နိုင်ငံနှင့်အဝှမ်း သံဃာတော်များ၏ ဦးဆောင်မှုဖြင့် ဆန္ဒပြပွဲများ ဖြစ်ပေါ်နေချိန်တွင် မြစ်ကြီးနားမြို့ရှိ ကျောင်းသားများကလည်း သံဃာတော်များ စီတန်း လှည့်လည်မှုတွင် လိုက်ပါခဲ့ကြရာ အာဏာပိုင်များက ရှာဖွေ ဖမ်းဆီးမှုများ ပြုလုပ်နေသဖြင့် ကျောင်းသားအချို့ ထွက်ပြေး တိမ်းရှောင် နေရသည်ဟုလည်း သိရသည်။

မြစ်ကြီးနား တက္ကသိုလ်ကို စစ်တိုင်းမှူးက ပိတ်ပစ်
မဇ္ဈိမသတင်းဌာန
အောက်တိုဘာလ ၄ ရက်၊ ၂ဝဝ၇ ခုနှစ်။
ကချင်ပြည်နယ် မြစ်ကြီးနားမြို့ရှိ တက္ကသိုလ်အား အာဏာပိုင်များက စက်တင်ဘာ ၂၇ ရက်နေ့တွင် ရက်အကန့်အသတ်မရှိ ပိတ်ပစ်လိုက်ပြီး နယ်ကျောင်းသားများကို ယခုလ ၁ ရက်နေ့တွင် အတင်းအကျပ် နေအိမ်များသို့ ပြန်ခိုင်းနေသည်။

သံဃာတော်များ၏ ဦးဆောင်မှုအောက်တွင် ကျောင်းသားများ ပါဝင် ဆန္ဒပြလာမည်ကို စိုးရိမ်သဖြင့် မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် အုန်းမြင့်၏ အမိန့်ဖြင့် မြစ်ကြီးနား တက္ကသိုလ်ကို ပြီးခဲ့သည့်လ ၂၇ ရက်နေ့မှ စတင်ကာ ရက်အကန့်အသတ် မရှိ ပိတ်လိုက်ခြင်း ဖြစ်ပြီး နယ်ကျောင်းသားတွေကို ယခုလ ၁ ရက်နေ့မှ စတင်ကာ နေရပ်သို့ ပြန်ခိုင်းလိုက်ခြင်း ဖြစ်သည်။

“ချက်ချင်းကြီး ပိတ်လိုက်တာပါ။ ပထမနှစ်တွေရဲ့ စာမေးပွဲ နောက်ဆုံးရက်မှာပေါ့။ ဘာကြောင့်လည်း ဆိုတော့ ကျောင်းသားတွေ ဆန္ဒပြလာမှာ စိုးလို့တဲ့။ အဝေးသင်နဲ့ ဒေး (နေ့ပိုင်း) တက်တဲ့လူတွေ အားလုံးကို ပိတ်လိုက်တာပါ။ တိုင်းမှူး ကိုယ်တိုင် ဆရာ၊ ဆရာမတွေကို ပြောထားတယ်တဲ့။ မနက်ဖြန်ကနေ ကျောင်းပိတ်လိုက်ပြီလို့ ဆရာမတွေ လာပြောတယ်။ ဒါပဲပြောတယ်။ တလလောက် ပိတ်မယ်လို့တော့ ပြောတယ်” ဟု ကျောင်းသားတဦးက မဇ္ဈိမကို ပြောသည်။

နယ်ကျောင်းသားများ နေရပ်ရင်းသို့ အမြန်ဆုံး ပြန်သွားနိုင်ရန်အတွက် တိုင်းမှူးက လေယာဉ်၊ မီးရထားနှင့် ကားလက်မှတ် အရောင်းဌာနများကို ကျောင်းသားများအတွက် ဦးစားပေး ရောင်းချရန် အမိန့် ထုတ်ထားသည်ဟုလည်း သိရသည်။

တက္ကသိုလ်ကျောင်းကို ပိတ်လိုက်ပြီ ဖြစ်သော်လည်း အထက်တန်း ကျောင်းများမှာမူ ဆက်လက်၍ ပုံမှန် ဖွင့်နေသည်။

ကချင်ပြည်နယ် မြစ်ကြီးနား မြို့စွန် စီတာပူ ရပ်ကွက်တွင် တည်ရှိသည့် မြစ်ကြီးနား တက္ကသိုလ်တွင် မိုးကောင်း၊ မိုးညင်း၊ ဟိုပင်၊ ဗန်းမော် အစရှိသည့် နယ်မြို့များမှ ကျောင်းသူ ကျောင်းသားများမှာ ကျောင်းနှင့် မနီးမဝေးတွင် ဆောက်လုပ်ထားသည့် အဆောင်အခန်းများကို ငှားကာ စုပေါင်း နေထိုင်ကြရသဖြင့် ယခုလို ရုတ်တရက် ကျောင်းပိတ်ကာ နေရပ်သို့ ပြန်ခိုင်းနေသဖြင့် အခက်အခဲများနှင့် ရင်ဆိုင်နေရသည်ဟုလည်း သိရသည်။

“အဝေးကလာတဲ့ လူတွေဆို ပိုခက်တာပေါ့။ တချို့ဆို ပြန်ဖို့ လမ်းစရိတ် မရှိဘူးလေ။ နယ်က လာတဲ့လူက ပိုများတယ်။ ကျောင်းကတော့ ဖွင့်မယ်၊ မဖွင့်ဘူးဆိုတာ နိုဝင်ဘာ လကုန်လောက်မှ သိရမှာ ဆိုတော့ တချို့ နယ်ကျောင်းသားတွေက သူငယ်ချင်းအိမ်တွေမှာ ခိုကပ်နေရတယ်” ဟု အခြား ကျောင်းသား တဦးက ပြောပြသည်။

နိုင်ငံနှင့်အဝှမ်း သံဃာတော်များ၏ ဦးဆောင်မှုဖြင့် ဆန္ဒပြပွဲများ ဖြစ်ပေါ်နေချိန်တွင် မြစ်ကြီးနားမြို့ရှိ ကျောင်းသားများကလည်း သံဃာတော်များ စီတန်း လှည့်လည်မှုတွင် လိုက်ပါခဲ့ကြရာ အာဏာပိုင်များက ရှာဖွေ ဖမ်းဆီးမှုများ ပြုလုပ်နေသဖြင့် ကျောင်းသားအချို့ ထွက်ပြေး တိမ်းရှောင် နေရသည်ဟုလည်း သိရသည်။

ရွှေဘို အန်အယ်ဒီအဖွဲ့ဝင်များ အဖမ်းခံရ
ဖနီဒါ (မဇ္ဈိမသတင်းဌာန)
အောက်တိုဘာလ ၄ ရက်၊ ၂ဝဝ၇ ခုနှစ်။
စစ်ကိုင်းတိုင်း ရွှေဘိုမြို့ရှိ အန်အယ်ဒီ အဖွဲ့ဝင် ၃ ဦးအပါအဝင် ဒေသခံ ၅ ဦးကို ယမန်နေ့ညတွင် ဒေသ အာဏာပိုင်များက လာရောက် ဖမ်းဆီးသွားသည်။

ရွှေဘိုမြို့နယ် အန်အယ်ဒီ စည်းရုံးရေး အဖွဲ့ဝင် ဦးအောင်မျိုး (၅ဝ နှစ်)၊ ပါတီဝင် ကိုကျော်သီဟ (၂ဝ နှစ်)နှင့် ကျူရှင်ဆရာ ကိုမောင်မောင်သန်း (ဓါတုဗေဒ) တို့ ၃ ဦးအပြင် အခြားဒေသခံများ ဖြစ်သည့် အောင်စုထူးပိုင် ထီဆိုင်ပိုင်ရှင် ကိုသန်းနိုင်ဦး၊ ကိုမင်းညိုတို့ ၅ ဦးကို ယနေ့ညတွင် ဒုရဲအုပ် နိုင်နိုင်ထွန်း၊ ရဲတပ်သား ၃ ဦး၊ ရယက အဖွဲ့ဝင် ဦးတင်အောင်တို့က နေအိမ်များသို့ လာရောက်ကာ ဖမ်းဆီးသွားခြင်း ဖြစ်သည်။

“ဧည့်စာရင်း စစ်တာပါလို့ ပြောပြီး လာခေါ်သွားကြပါ။ သူ့ဖုန်းလိုင်း အဖြတ်ခံထားရတယ်လေ” ဟု ဦးအောင်မျိုး၏ မိသားစုဝင်များနှင့် နီးစပ်သူ တဦးက မဇ္ဈိမကို ပြောသည်။

ဒေသခံတဦးက “ကိုမင်းညိုက ကွမ်းသီးရောင်းတယ်။ သူက သံဃာတွေ ဆန္ဒပြတုန်းက ဆိုင်ကယ်နဲ့ ရေသန့်ဗူးတွေ ကပ်လှူနေတဲ့ ပုံက ရန်ကုန်က ထောက်လှမ်းရေး ကင်မရာထဲမှာ ပါတယ်။ အဲဒီဆိုင်ကယ် ပါနေတယ်လို့ ပြောတယ်” ဟု ပြောသည်။

ကိုကျော်သီဟ၏ နေအိမ်ရှိ ပစ္စည်းများကိုမူ မွှေနှောက် ရှာဖွေရာတွင် ဒေါ်အောင်ဆန်းစုကြည် ဓာတ်ပုံနှင့် ယခင်နှစ်များ အတွင်းက ချဲနှင့် ပတ်သက်သည့် စာရွက်အချို့ကို သိမ်းဆည်းသွားကြောင်းနှင့် ယနေ့ နေ့ခင်းပိုင်းတွင် မိဘများမှ ခယက၊ အထူး ရဲသတင်း တပ်ဖွဲ့၊ စုံစမ်း စစ်ဆေးရေး ရုံးနှင့် မြို့နယ် ရဲစခန်းသို့ သွားရောက် စုံစမ်းရာတွင် မည်သည့်နေရာ၌ ဖမ်းဆီးထားခြင်းကို မသိရှိရဘဲ ပြန်လာကြရကြောင်း သိရသည်။

“သူတို့က အခုအချိန်မှာ အန်အယ်ဒီတွေကို ဦးစားပေးပြီး ဖမ်းနေတာ။ တနိုင်ငံလုံးပဲ လျှောက်ဖမ်းနေတာ။ အဖွဲ့ဝင်အဖြစ် မလုပ်နိုင်အောင်ပေါ့ဗျာ။ ဥပမာ အသံလွှင့် ဌာနတွေနဲ့ မပြောနိုင်အောင်လို့ ပေါ့ဗျာ။ ပြန့်မသွားအောင် ထိန်းချုပ်တာလည်း ဖြစ်ရင် ဖြစ်မှာပေါ့နော်” ဟု အဆိုပါ ဒေသခံက ဆက်ပြောသည်။

မတ္တရာမြို့နယ် ညီလာခံ ထောက်ခံပွဲ ခြိမ်းခြောက်၍ တက်ခိုင်း
သန်းထိုက်ဦး (မဇ္ဈိမသတင်းဌာန)
အောက်တိုဘာလ ၄ ရက်၊ ၂ဝဝ၇ ခုနှစ်။
မန္တလေးတိုင်း မတ္တရာမြို့တွင် နအဖ အမျိုးသား ညီလာခံ ထောက်ခံပွဲ တရပ်ကို ယခုလ ၂ ရက်နေ့က ကျင်းပရာတွင် အာဏာပိုင်များက အနီး ပတ်ဝန်းကျင်ရှိ ကျေးရွာသားများကို မတက်ရောက်ပါက ဒဏ်ငွေပေးရမည်ဟု ဆိုကာ ခြိမ်းခြောက်၍ အတင်းအကျပ် တက်ခိုင်းခဲ့သည်။

ညီလာခံ ထောက်ခံပွဲအတွက် ရာအိမ်မှူးများနှင့် ကြံ့ဖွံ့ အဖွဲ့ဝင်များက မြို့နယ် အနီးရှိ ကျေးရွာများမှ ရွာသား ၃ဝဝဝ ခန့်ကို မတက်မနေရ တက်ခိုင်းပြီး မတက်ရောက်လျှင် ဒဏ်ငွေပေးရမည်ဟု ခြိမ်းခြောက် ပြောဆိုကာ တက်ရောက်ခိုင်းခဲ့ခြင်း ဖြစ်သည်။

“မတက်ရင် နောက်ပြဿနာကို ကိုယ်တိုင် ရှင်းရမယ်တဲ့။ တချို့လူတွေ ရှိတာပေါ့နော်၊ တနေ့လုပ်မှ တနေ့စားရတာ။ သူတို့ ပြောတာက ကျပ် ၂ဝဝဝ ပေးရမယ် ပြောလိုက်၊ ၅ဝဝဝ ပေးရမယ် ပြောလိုက်နဲ့ လူတွေက ကြောက်ပြီးတော့ သွားကြတယ်” ဟု မြို့ခံတဦးက ပြောသည်။

ကျေးရွာသားများ၊ မြို့ပေါ် အာဏာပိုင် အဖွဲ့ဝင်များ အပါအဝင် လူဦးရေ ၄ဝဝဝ နီးပါးဖြင့် မြို့လယ်သို့ ချီတက်ပြီး မြို့နယ် အေးချမ်း သာယာရေးနှင့် ဖွံ့ဖြိုးရေး ကောင်စီရုံး အနောက်ဘက်ရှိ မြနန္ဒာလမ်းအတိုင်း ဆက်သွားကာ ဘောလုံးကွင်းထဲသို့ ဝင်ရောက်၍ ပြန်လာခဲ့ကြကြောင်းနှင့် လမ်းတလျှောက် ကြွေးကြော်သံများ အော်ဟစ်သွားကြကြောင်း သိရသည်။

“ကြွေးကြော်သံတွေက ရှေ့ကနေ ကားတစီးပေါ်ကနေ မိုက်နဲ့ အော်တယ်။ ဒီအတိုင်း လိုက်အော်ကြတာပေါ့နော်။ နောက်ဆုံးက လူတွေကတော့ ကိုယ်အော်ချင်တာ အော်တာပေါ့။ ‘အကုန်လုံးကို ဆန့်ကျင်ကြ ... ဆန့်ကျင်ကြ’ လိုက်အော်တဲ့ လူတွေလည်း ရှိတယ်။ နောက်ကနေ နောက်ဆုံး အလုံးလေးတွေအပြီး ‘ရေး’-‘ရေး’-‘ရေး’ လို့ အော်တဲ့သူက အော်နဲ့” ဟု မြို့ခံကပင် ဆက်ပြောသည်။

လက်ကိုင်ပိုစတာများတွင် ‘အန်အယ်ဒီ ... အဖျက်သမားများ’၊ ‘သာသနာကို ... ထွန်းကားအောင် လုပ်ကြ’ အစရှိသည်များ အပါအဝင် စာတမ်း အများအပြားကို ရေးသားထားကာ ကိုင်ဆောင် ထားရသည်ဟု သိရသည်။

မတ္တရာမြို့ရှိ တခုတည်းသော အထက်တန်းကျောင်းကို ဆက်လက်၍ ဖွင့်လှစ်ထားပြီး လုံခြုံရေးလည်း အထူးအထွေ ချထားခြင်း မရှိကြောင်း သိရသည်။

ကုလ လူ့အခွင့်အရေး ကောင်စီက မြန်မာပြည်တွင်း ဝင်ရောက်စစ်ဆေးလို
မုံပီး (မဇ္ဈိမသတင်းဌာန)
အောက်တိုဘာလ ၃ ရက်၊ ၂ဝဝ၇ ခုနှစ်။
ငြိမ်းချမ်းစွာ ဆန္ဒပြသူများကို မြန်မာစစ်အစိုးရက အကြမ်းဖက် နှိပ်ကွပ်မှုအပေါ် ကုလသမဂ္ဂ လူ့အခွင့်အရေး ကောင်စီက ပြင်းထန်စွာ ရှုတ်ချလိုက်ကာ မြန်မာပြည်တွင်း အခြေအနေများကို ချက်ချင်း စုံစမ်း စစ်ဆေးရန်အတွက် ခွင့်ပြုရန်လည်း တောင်းဆိုလိုက်သည်။

ကုလ လူ့အခွင့်အရေး ကောင်စီက မြန်မာနိုင်ငံ လူ့အခွင့်အရေး အခြေအနေများ အပေါ် အထူးဆွေးနွေးပွဲ တရပ်ကို အင်္ဂါနေ့က ကျင်းပခဲ့ခြင်း ဖြစ်ပြီး၊ စုံစမ်းစစ်ဆေးရေး အတွက် အထူး ကိုယ်စားလှယ်ကို စေလွှတ်ခွင့်ပြုရန် နအဖ စစ်အစိုးရကို တောင်းဆိုသည့် ဆုံးဖြတ်ချက် ချမှတ်လိုက်ခြင်း ဖြစ်သည်။

ဆုံးဖြတ်ချက်တွင် “ဆက်လက် ကျူးလွန်နေသည့် အာဏာပိုင်များမှ အာဏာသုံး၍ ရိုက်နှက်မှုများ၊ သတ်ဖြတ်မှုများ၊ တဖက်သတ် ဖမ်းဆီးမှုများ အပါအဝင် မြန်မာပြည်တွင်း ငြိမ်းချမ်းစွာ ဆန္ဒပြသူများကို အကြမ်းဖက် ဖိနှိပ်နေသည့်အပေါ် ပြင်းထန်စွာ ရှုတ်ချသည်”ဟု ဖော်ပြ ပါရှိသည်။

“လူ့အခွင့်အရေးဆိုင်ရာ အထူး ကိုယ်စားလှယ် မစ္စတာ ပေါ်ဆာဂျီယို ပီညဲရိုးကို မြန်မာပြည်ထဲ လာရောက်ခွင့်ပြုဖို့နဲ့ အခြေအနေတွေကို စုံစမ်း စစ်ဆေးနိုင်ဖို့ မြန်မာ အစိုးရကို တောင်းဆိုလိုက်တယ်” ဟု လူ့အခွင့်အရေးဆိုင်ရာ ပဉ္စမ အကြိမ်မြောက် အစည်းအဝေးသို့ တက်ရောက်ခဲ့သူ မြန်မာ လူ့အခွင့်အရေး လှုပ်ရှားသူ ကိုအောင်မျိုးမင်းက မဇ္ဈိမကို ပြောသည်။

ပြီးခဲ့သည့် သတင်းပတ်အတွင်း နအဖ စစ်အစိုးရက သံဃာတော်များ ဦးဆောင်သည့် ရန်ကုန်မြို့ရှိ ဆန္ဒပြပွဲများကို ပစ်ခတ်မှုများ ပြုလုပ်ခြင်းအားဖြင့် လူမဆန်စွာ နှိမ်နင်းခဲ့ပြီး၊ သန်းခေါင်ယံတွင် ဘုန်းတော်ကြီး ကျောင်းများသို့ ဝင်ရောက်စီးနင်းကာ သံဃာတော် အပါး ၂ဝဝ ထက်မနည်း ဖမ်းဆီးခဲ့သည်။

မြန်မာပြည်တွင် စစ်အုပ်ချုပ်ရေး သက်တမ်း နှစ်ပေါင်း ၂ဝ နီးပါးအတွင်း အကြီးမားဆုံး အစိုးရ ဆန့်ကျင်ရေး ဆန္ဒပြပွဲကို နှိမ်နင်းစဉ်အတွင်း လူပေါင်း ၁ဝ ဦးမျှသာ သေဆုံးခဲ့သည်ဟု နအဖ စစ်အစိုးရက တရားဝင် ပြောဆိုခဲ့သော်လည်း ဒီမိုကရေစီရေး လှုပ်ရှားသူများကမူ ထောင်ပေါင်းများစွာ မဟုတ်လျှင်ပင် ရာချီ၍ သေဆုံးနိုင်သည်ဟု ပြောဆိုသည်။

ရန်ကုန်ရှိ သတင်း ရပ်ကွက်များက သံဃာတော်များ၏ ရုပ်အလောင်းများစွာကို ရန်ကုန်မြစ်အတွင်း မျောပါနေသည်ကို တွေ့ရှိခဲ့သည်ဟု ပြောဆိုကြကာ၊ ခန္ဓာကိုယ်များတွင် သေဆုံးသည်အထိ ရိုက်နှက် ခံထားရသည့် ဒဏ်ရာများကိုလည်း တွေ့မြင်ရသည်ဟု ဆိုသည်။

အဆိုပါ သတင်းရပ်ကွက်များက မြန်မာစစ်တပ်သည် သန်းခေါင်ယံတွင် အနည်းဆုံး ဘုန်းတော်ကြီးကျောင်း ၁၅ ကျောင်းကို ဝင်ရောက် စီးနင်းခဲ့ကာ အနည်းဆုံး သံဃာတော် အပါး ၂ဝဝဝ ခန့်ကို ဖမ်းဆီးသွားသည်ဟု ဆိုသည်။

မြန်မာနိုင်ငံတွင် ဒုတိယအကြီးဆုံး မြို့ဖြစ်သည့် မန္တလေးရှိ ဘုန်းတော်ကြီးကျောင်းများကို ဆက်လက် ပိတ်ဆို့ထားပြီး၊ အတိုက်အခံ ပါတီဝင်များ သာမက အခြား တက်ကြွသူများ၏ နေအိမ် အများအပြားသို့လည်း ညပိုင်းတွင် အာဏာပိုင်များက စီးနင်းမှုများ ပြုလုပ်ခဲ့သည်ဟု သတင်း ရပ်ကွက်များက ပြောသည်။

ကုလ လူ့အခွင့်အရေး ကောင်စီက အစိုးရတရပ်ကို မကြုံစဖူး ဝေဖန်လိုက်ပြီး စေလွှတ်မည့် အထူး ကိုယ်စားလှယ်သည် ရှာဖွေ တွေ့ရှိချက်များကို ကုလသမဂ္ဂ အထွေထွေ ညီလာခံနှင့် လုံခြုံရေး ကောင်စီသို့ တင်သွင်းမည် ဖြစ်ကာ တင်သွင်းချက်များကြောင့် ကုလ လုံခြုံရေး ကောင်စီတွင် မြန်မာ့အရေး ဆွေးနွေးရန်အတွက် အထောက်အကူ များစွာ ပံ့ပိုးပေးနိုင်မည်ဟု သုံးသပ်သူများက မျှော်လင့်ကြသည်။

သို့သော်လည်း ထိုင်းနိုင်ငံအခြေစိုက် လူ့အခွင့်အရေး ပညာပေးဌာန (မြန်မာနိုင်ငံ) မှ ဒါရိုက်တာဖြစ်သူ ကိုအောင်မျိုးမင်းက လူ့အခွင့်အရေး ကောင်စီ၏ ဆုံးဖြတ်ချက်သည် လုပ်ပိုင်ခွင့် အာဏာ မရှိသည့်အတွက် စစ်အစိုးရက အထူး ကိုယ်စားလှယ်ကို ဝင်ရောက်ခွင့် မပြုပါက အကျိုးသက်ရောက်မှု နည်းပါးနိုင်သည်ဟု ပြောဆိုသည်။

“မေးခွန်းတင်တာက နအဖ စစ်အစိုးရက အထူး ကိုယ်စားလှယ်ကို နိုင်ငံအတွင်း ဝင်ရောက်ခွင့် မပြုရင် ဘာဆက်လုပ်ကြမလဲ။ တကယ်လို့ ဝင်ခွင့်ပြုတယ်ပဲ ထားအုံးတော့ အစိုးရက အခုအခါ သက်သေ အထောက်အထားတွေကို ဖျက်ဆီးနေတယ်လို့ ကြားတယ်။ ဒါကြောင့် အထူး ကိုယ်စားလှယ်အနေနဲ့ ဘယ်လောက် အတိုင်းအတာအထိ တိတိကျကျ စုံစမ်း ဖော်ထုတ်နိုင်မလဲ ဆိုတာလည်း မေးခွန်း ထုတ်စရာပါပဲ” ဟု ကိုအောင်မျိုးမင်းက ပြောသည်။

မြန်မာပြည်တွင်းသို့ ဝင်ရောက်ရန်အတွက် လွန်ခဲ့သည့် ၂ နှစ်ကျော်ကတည်းက ငြင်းပယ် ခံထားရသည့် မစ္စတာ ပီညဲရိုးသည် ပြီးခဲ့သည့် စက်တင်ဘာလ ၂၈ ရက်နေ့က ကုလသမဂ္ဂ လူ့အခွင့်အရေးဆိုင်ရာ ကျွမ်းကျင်သူ ၆ ဦးနှင့်အတူ ဆန္ဒပြသူများကို အကြမ်းဖက် ဖြိုခွဲသည့် လုပ်ရပ်နှင့် ပတ်သက်ပြီး နအဖ စစ်အစိုးရကို ရှုတ်ချသည့် ကျေညာချက်တစောင် ထုတ်ပြန်ရာတွင် လူ့အခွင့်အရေးဆိုင်ရာ ကောင်စီအနေဖြင့် “မြန်မာနိုင်ငံတွင် လူ့အခွင့်အရေးကို လေးစားလိုက်နာမှု ရှိလာစေရန်အတွက် လိုအပ်သည့် လုပ်ငန်း အဆင့်များကို ဆောင်ရွက်ရေးအတွက် ခိုင်မာသည့် ဆုံးဖြတ်ချက်များ ပြသရန်” လည်း ပြောဆိုထားသည်။

ရန်ကုန်တွင် လမ်းသွားလမ်းလာများကို ဓာတ်ပုံနှင့် တိုက်စစ်ကာ ဖမ်းနေ
မဇ္ဈိမသတင်းဌာန
အောက်တိုဘာလ ၃ ရက်၊ ၂ဝဝ၇ ခုနှစ်။
ရန်ကုန်မြို့ အတွင်းတွင် လုံခြုံရေးများ တင်းကြပ်နေဆဲ ဖြစ်ပြီး လမ်းသွားလမ်းလာများကို လုံထိန်း၊ စစ်သားများက ဆန္ဒပြပွဲများအတွင်း ဆန္ဒပြသူများ၏ ဓါတ်ပုံများနှင့် တိုက်ကြည့်ကာ ဖမ်းဆီး နေသည်ဟု မြို့ခံများက ပြောဆိုသည်။

ယခင်ရက်ပိုင်းက ဆူးလေဘုရား အနီးတဝိုက် အစရှိသည့် လူစည်ကားရာ နေရာများတွင် လမ်းသွားလမ်းလာများကို အသေးစိတ် စစ်ဆေးကာ ကျောင်းသားများကို ဖမ်းဆီး စစ်ဆေးနေခဲ့ပြီး ယခုတဖန် ဓာတ်ပုံနှင့် တိုက်ကြည့်ကာ ဆန္ဒပြပွဲအတွင်း ပါဝင်သူများကို ဖမ်းဆီးနေခြင်း ဖြစ်သည်ဟု ရန်ကုန်မြို့သား တဦးက ပြောသည်။

“ဓာတ်ပုံတွေကို မြို့နယ်တွေ အထိ ပို့ပေးထားပြီး မြို့နယ်ကနေ ရပ်ကွက်ကို ပြန်ချ။ ရပ်ကွက်က အဲဒီ ဓာတ်ပုံမှာ ပါတဲ့လူတွေရဲ့ အိမ်တွေကို ဝင်ဖမ်း၊ လုပ်နေကြတယ်လို့ ကြားတယ်” ဟု သူက ပြောသည်။

ရန်ကုန်တိုင်း မြောက်ဥက္ကလာပရှိ ရပ်ကွက်တခုတွင် နေသူတဦးက “ကျနော်တို့ ရပ်ကွက်ရုံးကိုလည်း ဓာတ်ပုံတွေ ရောက်နေတယ် ကြားတယ်။ လောလောဆယ်ထိ ဖမ်းသံတော့ မကြားသေးဘူး။ ဖမ်းမယ် ဆိုရင် တရပ်ကွက်လုံးကို ဖမ်းရမှာ။ တရပ်ကွက်လုံးက ဆန္ဒပြပွဲမှာ တက်တက်ကြွကြွ ပါဝင်တာဆိုတော့။ သူတို့ ဖမ်းနိုင်မယ် မထင်ပါဘူး” ဟု ပြောသည်။

ဆန္ဒပြပွဲအတွင်း အာဏာပိုင်များ ရရှိထားသည့် ဆန္ဒပြသူများ၏ ဓာတ်ပုံ အများစုမှာ တင်မောင်လတ် (အင်းစိန်) ဆိုသူ ရဲသတင်းပေး၏ လက်ချက်များဖြစ်ပြီး၊ သူက ဆန္ဒပြပွဲ ဖြစ်ပွားနေစဉ် အတွင်း လုံထိန်းများ၊ စစ်သားများ၏ နောက်ကွယ်မှ အကာအကွယ် ယူကာ ဓာတ်ပုံ ရိုက်လေ့ရှိသူ ဖြစ်သည်ဟု လုံခြုံရေး သတင်းရပ်ကွက် တခုက ပြောသည်။

ရန်ကုန်မြို့အတွင်း နေရာအနှံ့ တပ်စွဲခြင်းကို အရှင်သဘောထားကာ စစ်သားနဲ့ လုံထိန်းများ တင်ဆောင်ထားသည့် စစ်ကားများ ကင်းလှည့် စောင့်ကြည့်နေသည်ကို တွေ့နေရကြောင်းနှင့် ညအချိန်တွင်လည်း စစ်ကားများဖြင့် လမ်းအနှံ့ ဝင်ရောက်ကာ ကင်းလှည့်နေကြောင်း အဆိုပါ သတင်းရပ်ကွက် အဆိုအရ သိရသည်။

ကုလ လူ့အခွင့်အရေး ကောင်စီက မြန်မာပြည်တွင်း ဝင်ရောက်စစ်ဆေးလို
မုံပီး (မဇ္ဈိမသတင်းဌာန)
အောက်တိုဘာလ ၃ ရက်၊ ၂ဝဝ၇ ခုနှစ်။
ငြိမ်းချမ်းစွာ ဆန္ဒပြသူများကို မြန်မာစစ်အစိုးရက အကြမ်းဖက် နှိပ်ကွပ်မှုအပေါ် ကုလသမဂ္ဂ လူ့အခွင့်အရေး ကောင်စီက ပြင်းထန်စွာ ရှုတ်ချလိုက်ကာ မြန်မာပြည်တွင်း အခြေအနေများကို ချက်ချင်း စုံစမ်း စစ်ဆေးရန်အတွက် ခွင့်ပြုရန်လည်း တောင်းဆိုလိုက်သည်။

ကုလ လူ့အခွင့်အရေး ကောင်စီက မြန်မာနိုင်ငံ လူ့အခွင့်အရေး အခြေအနေများ အပေါ် အထူးဆွေးနွေးပွဲ တရပ်ကို အင်္ဂါနေ့က ကျင်းပခဲ့ခြင်း ဖြစ်ပြီး၊ စုံစမ်းစစ်ဆေးရေး အတွက် အထူး ကိုယ်စားလှယ်ကို စေလွှတ်ခွင့်ပြုရန် နအဖ စစ်အစိုးရကို တောင်းဆိုသည့် ဆုံးဖြတ်ချက် ချမှတ်လိုက်ခြင်း ဖြစ်သည်။

ဆုံးဖြတ်ချက်တွင် “ဆက်လက် ကျူးလွန်နေသည့် အာဏာပိုင်များမှ အာဏာသုံး၍ ရိုက်နှက်မှုများ၊ သတ်ဖြတ်မှုများ၊ တဖက်သတ် ဖမ်းဆီးမှုများ အပါအဝင် မြန်မာပြည်တွင်း ငြိမ်းချမ်းစွာ ဆန္ဒပြသူများကို အကြမ်းဖက် ဖိနှိပ်နေသည့်အပေါ် ပြင်းထန်စွာ ရှုတ်ချသည်”ဟု ဖော်ပြ ပါရှိသည်။

“လူ့အခွင့်အရေးဆိုင်ရာ အထူး ကိုယ်စားလှယ် မစ္စတာ ပေါ်ဆာဂျီယို ပီညဲရိုးကို မြန်မာပြည်ထဲ လာရောက်ခွင့်ပြုဖို့နဲ့ အခြေအနေတွေကို စုံစမ်း စစ်ဆေးနိုင်ဖို့ မြန်မာ အစိုးရကို တောင်းဆိုလိုက်တယ်” ဟု လူ့အခွင့်အရေးဆိုင်ရာ ပဉ္စမ အကြိမ်မြောက် အစည်းအဝေးသို့ တက်ရောက်ခဲ့သူ မြန်မာ လူ့အခွင့်အရေး လှုပ်ရှားသူ ကိုအောင်မျိုးမင်းက မဇ္ဈိမကို ပြောသည်။

ပြီးခဲ့သည့် သတင်းပတ်အတွင်း နအဖ စစ်အစိုးရက သံဃာတော်များ ဦးဆောင်သည့် ရန်ကုန်မြို့ရှိ ဆန္ဒပြပွဲများကို ပစ်ခတ်မှုများ ပြုလုပ်ခြင်းအားဖြင့် လူမဆန်စွာ နှိမ်နင်းခဲ့ပြီး၊ သန်းခေါင်ယံတွင် ဘုန်းတော်ကြီး ကျောင်းများသို့ ဝင်ရောက်စီးနင်းကာ သံဃာတော် အပါး ၂ဝဝ ထက်မနည်း ဖမ်းဆီးခဲ့သည်။

မြန်မာပြည်တွင် စစ်အုပ်ချုပ်ရေး သက်တမ်း နှစ်ပေါင်း ၂ဝ နီးပါးအတွင်း အကြီးမားဆုံး အစိုးရ ဆန့်ကျင်ရေး ဆန္ဒပြပွဲကို နှိမ်နင်းစဉ်အတွင်း လူပေါင်း ၁ဝ ဦးမျှသာ သေဆုံးခဲ့သည်ဟု နအဖ စစ်အစိုးရက တရားဝင် ပြောဆိုခဲ့သော်လည်း ဒီမိုကရေစီရေး လှုပ်ရှားသူများကမူ ထောင်ပေါင်းများစွာ မဟုတ်လျှင်ပင် ရာချီ၍ သေဆုံးနိုင်သည်ဟု ပြောဆိုသည်။

ရန်ကုန်ရှိ သတင်း ရပ်ကွက်များက သံဃာတော်များ၏ ရုပ်အလောင်းများစွာကို ရန်ကုန်မြစ်အတွင်း မျောပါနေသည်ကို တွေ့ရှိခဲ့သည်ဟု ပြောဆိုကြကာ၊ ခန္ဓာကိုယ်များတွင် သေဆုံးသည်အထိ ရိုက်နှက် ခံထားရသည့် ဒဏ်ရာများကိုလည်း တွေ့မြင်ရသည်ဟု ဆိုသည်။

အဆိုပါ သတင်းရပ်ကွက်များက မြန်မာစစ်တပ်သည် သန်းခေါင်ယံတွင် အနည်းဆုံး ဘုန်းတော်ကြီးကျောင်း ၁၅ ကျောင်းကို ဝင်ရောက် စီးနင်းခဲ့ကာ အနည်းဆုံး သံဃာတော် အပါး ၂ဝဝဝ ခန့်ကို ဖမ်းဆီးသွားသည်ဟု ဆိုသည်။

မြန်မာနိုင်ငံတွင် ဒုတိယအကြီးဆုံး မြို့ဖြစ်သည့် မန္တလေးရှိ ဘုန်းတော်ကြီးကျောင်းများကို ဆက်လက် ပိတ်ဆို့ထားပြီး၊ အတိုက်အခံ ပါတီဝင်များ သာမက အခြား တက်ကြွသူများ၏ နေအိမ် အများအပြားသို့လည်း ညပိုင်းတွင် အာဏာပိုင်များက စီးနင်းမှုများ ပြုလုပ်ခဲ့သည်ဟု သတင်း ရပ်ကွက်များက ပြောသည်။

ကုလ လူ့အခွင့်အရေး ကောင်စီက အစိုးရတရပ်ကို မကြုံစဖူး ဝေဖန်လိုက်ပြီး စေလွှတ်မည့် အထူး ကိုယ်စားလှယ်သည် ရှာဖွေ တွေ့ရှိချက်များကို ကုလသမဂ္ဂ အထွေထွေ ညီလာခံနှင့် လုံခြုံရေး ကောင်စီသို့ တင်သွင်းမည် ဖြစ်ကာ တင်သွင်းချက်များကြောင့် ကုလ လုံခြုံရေး ကောင်စီတွင် မြန်မာ့အရေး ဆွေးနွေးရန်အတွက် အထောက်အကူ များစွာ ပံ့ပိုးပေးနိုင်မည်ဟု သုံးသပ်သူများက မျှော်လင့်ကြသည်။

သို့သော်လည်း ထိုင်းနိုင်ငံအခြေစိုက် လူ့အခွင့်အရေး ပညာပေးဌာန (မြန်မာနိုင်ငံ) မှ ဒါရိုက်တာဖြစ်သူ ကိုအောင်မျိုးမင်းက လူ့အခွင့်အရေး ကောင်စီ၏ ဆုံးဖြတ်ချက်သည် လုပ်ပိုင်ခွင့် အာဏာ မရှိသည့်အတွက် စစ်အစိုးရက အထူး ကိုယ်စားလှယ်ကို ဝင်ရောက်ခွင့် မပြုပါက အကျိုးသက်ရောက်မှု နည်းပါးနိုင်သည်ဟု ပြောဆိုသည်။

“မေးခွန်းတင်တာက နအဖ စစ်အစိုးရက အထူး ကိုယ်စားလှယ်ကို နိုင်ငံအတွင်း ဝင်ရောက်ခွင့် မပြုရင် ဘာဆက်လုပ်ကြမလဲ။ တကယ်လို့ ဝင်ခွင့်ပြုတယ်ပဲ ထားအုံးတော့ အစိုးရက အခုအခါ သက်သေ အထောက်အထားတွေကို ဖျက်ဆီးနေတယ်လို့ ကြားတယ်။ ဒါကြောင့် အထူး ကိုယ်စားလှယ်အနေနဲ့ ဘယ်လောက် အတိုင်းအတာအထိ တိတိကျကျ စုံစမ်း ဖော်ထုတ်နိုင်မလဲ ဆိုတာလည်း မေးခွန်း ထုတ်စရာပါပဲ” ဟု ကိုအောင်မျိုးမင်းက ပြောသည်။

မြန်မာပြည်တွင်းသို့ ဝင်ရောက်ရန်အတွက် လွန်ခဲ့သည့် ၂ နှစ်ကျော်ကတည်းက ငြင်းပယ် ခံထားရသည့် မစ္စတာ ပီညဲရိုးသည် ပြီးခဲ့သည့် စက်တင်ဘာလ ၂၈ ရက်နေ့က ကုလသမဂ္ဂ လူ့အခွင့်အရေးဆိုင်ရာ ကျွမ်းကျင်သူ ၆ ဦးနှင့်အတူ ဆန္ဒပြသူများကို အကြမ်းဖက် ဖြိုခွဲသည့် လုပ်ရပ်နှင့် ပတ်သက်ပြီး နအဖ စစ်အစိုးရကို ရှုတ်ချသည့် ကျေညာချက်တစောင် ထုတ်ပြန်ရာတွင် လူ့အခွင့်အရေးဆိုင်ရာ ကောင်စီအနေဖြင့် “မြန်မာနိုင်ငံတွင် လူ့အခွင့်အရေးကို လေးစားလိုက်နာမှု ရှိလာစေရန်အတွက် လိုအပ်သည့် လုပ်ငန်း အဆင့်များကို ဆောင်ရွက်ရေးအတွက် ခိုင်မာသည့် ဆုံးဖြတ်ချက်များ ပြသရန်” လည်း ပြောဆိုထားသည်။

ကချင်ပြည်နယ် ဟိုပင်က အန်အယ်ဒီ ဒုဥက္ကဌဟောင်း ဖမ်းဆီးခံရ
ဖနီဒါ (မဇ္ဈိမသတင်းဌာန)
အောက်တိုဘာလ ၃ ရက်၊ ၂ဝဝ၇ ခုနှစ်။
ကချင်ပြည်နယ် ဟိုပင်မြို့မှ အန်အယ်ဒီ ဒုဥက္ကဌဟောင်း ဦးခင်စိန်ကို ပြီးခဲ့သည့်လ ၂၆ ရက်နေ့ညတွင် အာဏာပိုင်များက နေအိမ်သို့ လာရောက်ကာ ဖမ်းဆီးသွားခဲ့သည်။

ဟိုပင်မြို့ရှိ အန်အယ်ဒီ ဒုဥက္ကဌဟောင်း ဦးခင်စိန် (အသက် ၇၃ နှစ်) ကို စက်တင်ဘာလ ၂၆ ရက်နေ့ည ၁၁ နာရီခန့်တွင် အထူး ရဲသတင်း တပ်ဖွဲ့၊ ခရိုင်ရဲ၊ ရယကအဖွဲ့ဝင် စုစုပေါင်း ၂ဝ ခန့်က ဧည့်စာရင်း စစ်မည်ဟု ဆိုကာ နေအိမ်အတွင်း ဝင်ရောက်ကာ ဖမ်းဆီးသွားခဲ့ခြင်း ဖြစ်သည်။

“ဧည့်စာရင်း စစ်မယ်ဆိုပြီး တံခါး လာခေါက်တယ်။ ကျမက တံခါး ဖွင့်ပေးလိုက်တာပေါ့လေ။ ‘ဘာစစ်မှာလဲ၊ ဧည့်စာရင်း စစ်မယ်ဆိုရင် အိမ်သားက ဘယ်နှစ်ယောက် ရှိပါတယ်’ လို့ ပြောတယ်။ ‘ဧည့်စစ်ရုံပဲလား’ လို့ မေးတော့ ‘မဟုတ်ဘူး၊ နဲနဲလေး မေးစရာ ရှိလို့ပါ’ ဆိုပြီး ခေါ်တယ်။ ကျမကလည်း သူတို့ရဲ့ မေးမြန်းစရာ ရှိတယ် ဆိုတာကတော့ ယုံရတာ မဟုတ်ဘူး။ ကိုယ့်ဆီက အကုန်ပြည့်စုံအောင် တဘက်တို့၊ အဝတ်အစားတွေ၊ ဆေးတွေပါ အကုန် ထည့်ပေးလိုက်တယ်လေ” ဟု မိသားစုဝင် တဦးက ပြောသည်။

ယခုအခါ ဦးခင်စိန်ကို ဟိုပင် ရဲစခန်း၌ပင် ထားရှိကာ လိုအပ်သည့် ဆေးဝါးများကို ရဲများမှတဆင့် ပို့ဆောင် နေရသည်ဟု သိရသည်။

ယခုလို ဖမ်းဆီးခံရခြင်းသည် ၃ ကြိမ်မြောက် ဖြစ်ကြောင်းနှင့် ယခင်ကလည်း ပုဒ်မ အမျိုးမျိုး တပ်ကာ အဖမ်းအဆီး ခံခဲ့ရဖူးကြောင်း သူက ပြောသည်။

“နာမည် ရှိထားပြီးသား ဆိုတော့လေ။ တနေ့နေ့ တချိန်ချိန်မှာ ဒီလိုမျိုး ကြုံရမယ်ဆိုတာ သိနေတယ်လေ။ ဒါလုပ်ရင် ဒါခံရမယ်ဆိုတာ သိပြီးသားပါ။ ကျမတို့လည်း တနေ့နေ့မှာ ကြုံရမယ်ဆိုတာ အကုန်လုံး အဆင်သင့် ပြင်ထားပါတယ်။ ကျမတို့က တနိုင်ငံလုံး အတိုင်းအတာနဲ့ ဆိုတော့လေ ဘာမှတော့ မခံစားရပါဘူး။ အခုက အန်အယ်ဒီတွေကို အဓိက ဖမ်းတယ် ဆိုတော့လေ။ အဲဒါကြောင့် အန်အယ်ဒီ သာမက နိုင်ငံရေး လုပ်တဲ့ လူမှန်သမျှက ကျမတို့ နိုင်ငံမှာ နေ့တိုင်း အမြဲလိုလို ကြုံတွေ့နေရတာပဲလေ” ဟု သူက ဆက်ပြောသည်။

ကချင်ပြည်နယ် မြစ်ကြီးနားမြို့ အန်အယ်ဒီ အဖွဲ့ဝင် ဦးနေဝင်း၊ ဒေါ်ငွေကြိုင်၊ ဦးညွန့်လှိုင်၊ ဦးလှမြင့်တို့ကိုလည်း ပြီးခဲ့သည့်လ နောက်ဆုံး အပတ်အတွင်းက ဒေသ အာဏာပိုင်များမှ ဖမ်းဆီး သွားခဲ့ကြောင်း မြစ်ကြီးနား ဒေသခံ တဦးက ပြောပြသည်။

ကချင်ပြည်နယ် ဟိုပင်က အန်အယ်ဒီ ဒုဥက္ကဌဟောင်း ဖမ်းဆီးခံရ
ဖနီဒါ (မဇ္ဈိမသတင်းဌာန)
အောက်တိုဘာလ ၃ ရက်၊ ၂ဝဝ၇ ခုနှစ်။
ကချင်ပြည်နယ် ဟိုပင်မြို့မှ အန်အယ်ဒီ ဒုဥက္ကဌဟောင်း ဦးခင်စိန်ကို ပြီးခဲ့သည့်လ ၂၆ ရက်နေ့ညတွင် အာဏာပိုင်များက နေအိမ်သို့ လာရောက်ကာ ဖမ်းဆီးသွားခဲ့သည်။

ဟိုပင်မြို့ရှိ အန်အယ်ဒီ ဒုဥက္ကဌဟောင်း ဦးခင်စိန် (အသက် ၇၃ နှစ်) ကို စက်တင်ဘာလ ၂၆ ရက်နေ့ည ၁၁ နာရီခန့်တွင် အထူး ရဲသတင်း တပ်ဖွဲ့၊ ခရိုင်ရဲ၊ ရယကအဖွဲ့ဝင် စုစုပေါင်း ၂ဝ ခန့်က ဧည့်စာရင်း စစ်မည်ဟု ဆိုကာ နေအိမ်အတွင်း ဝင်ရောက်ကာ ဖမ်းဆီးသွားခဲ့ခြင်း ဖြစ်သည်။

“ဧည့်စာရင်း စစ်မယ်ဆိုပြီး တံခါး လာခေါက်တယ်။ ကျမက တံခါး ဖွင့်ပေးလိုက်တာပေါ့လေ။ ‘ဘာစစ်မှာလဲ၊ ဧည့်စာရင်း စစ်မယ်ဆိုရင် အိမ်သားက ဘယ်နှစ်ယောက် ရှိပါတယ်’ လို့ ပြောတယ်။ ‘ဧည့်စစ်ရုံပဲလား’ လို့ မေးတော့ ‘မဟုတ်ဘူး၊ နဲနဲလေး မေးစရာ ရှိလို့ပါ’ ဆိုပြီး ခေါ်တယ်။ ကျမကလည်း သူတို့ရဲ့ မေးမြန်းစရာ ရှိတယ် ဆိုတာကတော့ ယုံရတာ မဟုတ်ဘူး။ ကိုယ့်ဆီက အကုန်ပြည့်စုံအောင် တဘက်တို့၊ အဝတ်အစားတွေ၊ ဆေးတွေပါ အကုန် ထည့်ပေးလိုက်တယ်လေ” ဟု မိသားစုဝင် တဦးက ပြောသည်။

ယခုအခါ ဦးခင်စိန်ကို ဟိုပင် ရဲစခန်း၌ပင် ထားရှိကာ လိုအပ်သည့် ဆေးဝါးများကို ရဲများမှတဆင့် ပို့ဆောင် နေရသည်ဟု သိရသည်။

ယခုလို ဖမ်းဆီးခံရခြင်းသည် ၃ ကြိမ်မြောက် ဖြစ်ကြောင်းနှင့် ယခင်ကလည်း ပုဒ်မ အမျိုးမျိုး တပ်ကာ အဖမ်းအဆီး ခံခဲ့ရဖူးကြောင်း သူက ပြောသည်။

“နာမည် ရှိထားပြီးသား ဆိုတော့လေ။ တနေ့နေ့ တချိန်ချိန်မှာ ဒီလိုမျိုး ကြုံရမယ်ဆိုတာ သိနေတယ်လေ။ ဒါလုပ်ရင် ဒါခံရမယ်ဆိုတာ သိပြီးသားပါ။ ကျမတို့လည်း တနေ့နေ့မှာ ကြုံရမယ်ဆိုတာ အကုန်လုံး အဆင်သင့် ပြင်ထားပါတယ်။ ကျမတို့က တနိုင်ငံလုံး အတိုင်းအတာနဲ့ ဆိုတော့လေ ဘာမှတော့ မခံစားရပါဘူး။ အခုက အန်အယ်ဒီတွေကို အဓိက ဖမ်းတယ် ဆိုတော့လေ။ အဲဒါကြောင့် အန်အယ်ဒီ သာမက နိုင်ငံရေး လုပ်တဲ့ လူမှန်သမျှက ကျမတို့ နိုင်ငံမှာ နေ့တိုင်း အမြဲလိုလို ကြုံတွေ့နေရတာပဲလေ” ဟု သူက ဆက်ပြောသည်။

ကချင်ပြည်နယ် မြစ်ကြီးနားမြို့ အန်အယ်ဒီ အဖွဲ့ဝင် ဦးနေဝင်း၊ ဒေါ်ငွေကြိုင်၊ ဦးညွန့်လှိုင်၊ ဦးလှမြင့်တို့ကိုလည်း ပြီးခဲ့သည့်လ နောက်ဆုံး အပတ်အတွင်းက ဒေသ အာဏာပိုင်များမှ ဖမ်းဆီး သွားခဲ့ကြောင်း မြစ်ကြီးနား ဒေသခံ တဦးက ပြောပြသည်။