ငြိမ်းချမ်း
သာသနာရေး ၀န်ကြီးဌာနက လာမည့်နှစ် မတ်လတွင် ပြုလုပ်မည့် သံဃာ့ စာမေးပွဲအတွက် လျှောက်လွှာ တင်ခိုင်းထားသော်လည်း ရခိုင်ပြည်နယ် စစ်တွေရှိ သံဃာတော် အများစုက ၀င်ရောက်ဖြေဆိုရန် ငြင်းဆန်ထားကြသည်။
နိုင်ငံတ၀ှမ်း၌ စစ်အစိုးရမှ ကြီးမှူးကျင်းပမည့် ပထမငယ်၊ ပထမလတ်နှင့် ပထမကြီး စာမေးပွဲများ ဖြေဆိုရန်အတွက် ဗုဒ္ဓပါဠိ စာပေသင်ကြားနေသည့် သံဃာတော်များကို ပြီးခဲ့သည့် နိုဝင်ဘာ လကုန်ပိုင်းကတည်းက လျှောက်လွှာတင်ခိုင်းသော်လည်း စစ်အစိုးရနှင့် မပတ်သက်လိုခြင်းနှင့် ဖမ်းဆီးခံရမည်ဆိုသော ကောလာဟလများကြောင့် လျှောက်လွာမတင်ကြခြင်း ဖြစ်သည်။
“အခုအချိန်ထိ စာမေးပွဲဖြေဆိုဖို့ များသောအားဖြင့် သံဃာတော်တွေက လျှောက်ထားတာ မတွေ့ရသေးဘူး။ ဘာဖြစ်လို့လဲဆိုတော့ ဒါက နိုင်ငံရေး အန်တုမှုတခု ဖြစ်သလို၊ စက်တင်ဘာလ ရွှေဝါရောင် လှုပ်ရှားမှုတုန်းက စစ်တပ်က ဆန္ဒပြ သံဃာတော်တွေကို ရိုက်ယူထားခဲ့တဲ့ ဓာတ်ပုံတွေနဲ့တကွ ဖမ်းဆီးမယ်လို့ ကြားနေရလို့လေ” ဟု အမည်မဖော်လိုသူ စစ်တွေမှ သံဃာတပါးက မဇ္ဈိမကို မိန့်ကြားသည်။
မဇ္ဈိမမှ ဆက်သွယ်မေးမြန်းခဲ့သည့် စစ်တွေ သံဃာတော်အများစုက လျှောက်လွှာ တင်သွင်းလိုမှု မရှိကြောင်း ပြောကြားကြသော်လည်း ဒေသ အာဏာပုိုင်များထံမှ မှတ်ချက်ရယူနိုင်ခြင်း မရှိပါ။
စက်တင်ဘာလ ၅ ရက်နေ့က မကွေးတိုင်း ပခုက္ကူမြို့တွင် ဖြစ်ပွားခဲ့သည့် သံဃာလူထု လှုပ်ရှားမှုတွင် ဒေသအာဏာပိုင်များက သံဃာတော်များအပေါ် အကြမ်းဖက် နှိမ်နင်းခဲ့သဖြင့် နိုင်ငံတ၀ှမ်းတွင် ပတ္တနိကုဇ္ဇန ကံဆောင်ကာ သံဃာတော်များက စစ်အစိုးရကို ကံဆောင် သပိတ်မှောက်ခဲ့ကြသည်။
စစ်တွေရှိ ဘုန်းကြီးကျောင်းတိုက်တခုမှ စာချ ဆရာတော်တပါးက “သံဃာတော်တွေ အားလုံးက စစ်အစိုးရကို သပိတ်မှောက် ကံဆောင်ရတာဟာ ဗုဒ္ဓလမ်းစဉ်အတိုင်း လုပ်ရတဲ့ မေတ္တာပို့ကံဆောင်မှု ဖြစ်ပါတယ်။ စစ်တပ်က မတောင်းပန်သရွေ့  ပြီးမြောက်မှာ မဟုတ်ပါဘူး” ဟု မိန့်ကြားသည်။
Wednesday, December 12, 2007
စစ်တွေ သံဃာတော်များ စာမေးပွဲဖြေရန် ငြင်းဆို
Posted by Ko Myint Maung at Wednesday, December 12, 2007
Subscribe to:
Post Comments (Atom)
No comments:
Post a Comment