မြင့်မောင်
မဇ္ဈိမသတင်းဌာန
နယူးဒေလီ။ ။ နှစ်စဉ် မြန်မာ့ရိုးရာ အတာသင်္ကြန်၌ ကျင်းပမြဲ ဖြစ်သည့် ဒုလ္လဘ ရဟန်းခံပွဲတွင် ရဟန်း ၇ ပါးအထိသာ ဝတ်ခွင့်ရှိသည် ဟူ၍ ဒဂုံမြို့သစ် တောင်ပိုင်းရှိ ကျောင်းတိုက်များကို အာဏာပိုင်များက ကန့်သတ်လာခဲ့သည်။
ဒဂုံမြို့သစ် တောင်ပိုင်းတွင် ဒုလ္လဘ ရဟန်းခံပွဲ လုပ်ရန် အကြောင်းကြားစာကို အာဏာပိုင်များထံ ယခုလ ၁၅ ရက်က တင်ပြခဲ့ရာ ရက်အနည်းငယ် အကြာတွင် သံဃာ့နာယက ဆရာတော်များမှ တဆင့် အာဏာပိုင်များက ရဟန်းခံခွင့်ကို ၇ ပါး အထိသာ ခွင့်ပြုသည်ဟူ၍ နှုတ်မိန့်နှင့် ကန့်သတ် ချုပ်ချယ်လာခြင်း ဖြစ်သည်။
“ဒဂုံတောင်ပိုင်းက ကျောင်းတိုက်တွေမှာ တတိုက်ကို ၇ ပါးသာ ဒုလ္လဘ ရဟန်းဝတ်ခွင့် ပြုတာတွေ ဖြစ်လာတယ်။ အဲဒါကို ဘယ်သူက ညွှန်ကြားလဲဆိုတော့ ရပ်ကွက်အလိုက် ကျောင်းတိုက်တွေမှာ ပြောကြားထား တာတွေ ရှိတယ်” ဟု ဒုလ္လဘ ရဟန်းခံပွဲ ဖြစ်မြောက်ရေးအဖွဲ့မှ ကိုဝင်းဝင်းက ဆိုသည်။
ဒဂုံမြို့သစ်တောင်ပိုင်းတွင် ကျောင်းတိုက်ပေါင်း ၃ဝ ခန့်ရှိသည်။
သံဃာလူထု မေတ္တာသုတ်ရွတ်ဆို လမ်းလျှောက်ခဲ့သည့် စက်တင်ဘာလ နောက်ပိုင်း အာဏာပိုင်များက ရဟန်းသံဃာများအပေါ် အရိပ်တကြည့်ကြည့်နှင့် အမျိုးမျိုး ကန့်သတ် ချုပ်ချယ်လာသည်ဟု သူက ဆက်ပြောသည်။
“ဘာသာရေးအရ ဗုဒ္ဓဘာသာဝင်တွေကို ရုပ်ပိုင်းဆိုင်ရာ သော်လည်းကောင်း၊ စိတ်ပိုင်းဆိုင်ရာ သော်လည်းကောင်း၊ အကျင့်ပိုင်းဆိုင်ရာ သော်လည်းကောင်း နည်းမျိုးစုံနဲ့ အာဏာပါဝါတွေ ပြပြီး ဆောင်ရွက်လာတဲ့ အတွက် ဓမ္မစက်ကို အာဏာစက်နဲ့ လွှမ်းမိုးလာတာ ဖြစ်တယ်။ ဗုဒ္ဓဘာသာ၊ သာသနာကို ညှိုးနွမ်းစေအောင် လုပ်ဆောင်တာ ဖြစ်တယ်လို့ ခံစားရပါတယ်” ဟု အခြား အဖွဲ့ဝင်တဦးက ပြောတယ်။
ဒုလ္လဘ ရဟန်းခံသည့် စုပေါင်းရဟန်းခံ ရှင်ပြုပွဲကို ဒဂုံမြို့သစ် (တောင်ပိုင်း) တွင် ကန့်သတ်ချုပ်ချယ်မှု မရှိဘဲ လွတ်လပ်စွာ လုပ်ဆောင်လာခဲ့သည်မှာ ၁၂ နှစ်ခန့်ရှိလာပြီ ဖြစ်သော်လည်း ယခုနှစ်တွင် လော်စပီကာ (အသံချဲ့စက်) ကို သုံးခွင့်မပေးဘဲ Sound Box ကိုသာ သုံးခိုင်းခြင်းနှင့် ရဟန်းခံမည့် သံဃာကိုလည်း ၇ ပါးထိသာ ခွင့်ပြုလာသည်အထိ အာဏာပိုင်များက ကန့်သတ် ချုပ်ချယ်လာသည်။
“ကျနော်တို့ ရပ်ကွက်က စုပေါင်း ရဟန်းခံရှင်ပြုပွဲက ဒီနှစ်ဆိုရင် ၁၂ နှစ်ရှိပြီဗျာ။ သံဃာကို အကန့်အသတ် လုပ်တယ်ဆိုတာတွေ အရင်နှစ်တွေတုန်းက မရှိခဲ့ဘူးဗျာ။ ၂ဝဝ၈ မှာမှ သူတို့ကို အကြောင်းကြားရမယ်။ သူတို့ကို ငွေကြေးရှင်းတမ်းတွေ တင်ပေးရမယ်ဆိုပြီး လုပ်လာတာ” ဟု ဒဂုံမြို့သစ် တောင်ပိုင်းမှ ဒေသခံတဦးက ပြောသည်။
အာဏာပိုင်များက ကန့်သတ်ဦးရေဖြင့်သာ ရဟန်းဝတ်ခွင့်ပြုမည် ဆိုသော်လည်း စက်တင်ဘာ သံဃာလူထု မေတ္တာသုတ်ရွတ်ဆိုပွဲတွင် တက်ကြွစွာ ပါဝင်ခဲ့သည့် မဂ္ဂင် ၅ ပါး ကျောင်းတိုက်မှ ကျောင်းထိုင်ဆရာတော်က ကျောင်းတိုက်တွင် အကန့်အသတ်မထားဘဲ ရဟန်းဝတ်ခွင့်ပေးမည် ဟူ၍ မိန့်ကြားထားသည်ဟု သိရသည်။
မဇ္ဈိမသတင်းဌာန
နယူးဒေလီ။ ။ နှစ်စဉ် မြန်မာ့ရိုးရာ အတာသင်္ကြန်၌ ကျင်းပမြဲ ဖြစ်သည့် ဒုလ္လဘ ရဟန်းခံပွဲတွင် ရဟန်း ၇ ပါးအထိသာ ဝတ်ခွင့်ရှိသည် ဟူ၍ ဒဂုံမြို့သစ် တောင်ပိုင်းရှိ ကျောင်းတိုက်များကို အာဏာပိုင်များက ကန့်သတ်လာခဲ့သည်။
ဒဂုံမြို့သစ် တောင်ပိုင်းတွင် ဒုလ္လဘ ရဟန်းခံပွဲ လုပ်ရန် အကြောင်းကြားစာကို အာဏာပိုင်များထံ ယခုလ ၁၅ ရက်က တင်ပြခဲ့ရာ ရက်အနည်းငယ် အကြာတွင် သံဃာ့နာယက ဆရာတော်များမှ တဆင့် အာဏာပိုင်များက ရဟန်းခံခွင့်ကို ၇ ပါး အထိသာ ခွင့်ပြုသည်ဟူ၍ နှုတ်မိန့်နှင့် ကန့်သတ် ချုပ်ချယ်လာခြင်း ဖြစ်သည်။
“ဒဂုံတောင်ပိုင်းက ကျောင်းတိုက်တွေမှာ တတိုက်ကို ၇ ပါးသာ ဒုလ္လဘ ရဟန်းဝတ်ခွင့် ပြုတာတွေ ဖြစ်လာတယ်။ အဲဒါကို ဘယ်သူက ညွှန်ကြားလဲဆိုတော့ ရပ်ကွက်အလိုက် ကျောင်းတိုက်တွေမှာ ပြောကြားထား တာတွေ ရှိတယ်” ဟု ဒုလ္လဘ ရဟန်းခံပွဲ ဖြစ်မြောက်ရေးအဖွဲ့မှ ကိုဝင်းဝင်းက ဆိုသည်။
ဒဂုံမြို့သစ်တောင်ပိုင်းတွင် ကျောင်းတိုက်ပေါင်း ၃ဝ ခန့်ရှိသည်။
သံဃာလူထု မေတ္တာသုတ်ရွတ်ဆို လမ်းလျှောက်ခဲ့သည့် စက်တင်ဘာလ နောက်ပိုင်း အာဏာပိုင်များက ရဟန်းသံဃာများအပေါ် အရိပ်တကြည့်ကြည့်နှင့် အမျိုးမျိုး ကန့်သတ် ချုပ်ချယ်လာသည်ဟု သူက ဆက်ပြောသည်။
“ဘာသာရေးအရ ဗုဒ္ဓဘာသာဝင်တွေကို ရုပ်ပိုင်းဆိုင်ရာ သော်လည်းကောင်း၊ စိတ်ပိုင်းဆိုင်ရာ သော်လည်းကောင်း၊ အကျင့်ပိုင်းဆိုင်ရာ သော်လည်းကောင်း နည်းမျိုးစုံနဲ့ အာဏာပါဝါတွေ ပြပြီး ဆောင်ရွက်လာတဲ့ အတွက် ဓမ္မစက်ကို အာဏာစက်နဲ့ လွှမ်းမိုးလာတာ ဖြစ်တယ်။ ဗုဒ္ဓဘာသာ၊ သာသနာကို ညှိုးနွမ်းစေအောင် လုပ်ဆောင်တာ ဖြစ်တယ်လို့ ခံစားရပါတယ်” ဟု အခြား အဖွဲ့ဝင်တဦးက ပြောတယ်။
ဒုလ္လဘ ရဟန်းခံသည့် စုပေါင်းရဟန်းခံ ရှင်ပြုပွဲကို ဒဂုံမြို့သစ် (တောင်ပိုင်း) တွင် ကန့်သတ်ချုပ်ချယ်မှု မရှိဘဲ လွတ်လပ်စွာ လုပ်ဆောင်လာခဲ့သည်မှာ ၁၂ နှစ်ခန့်ရှိလာပြီ ဖြစ်သော်လည်း ယခုနှစ်တွင် လော်စပီကာ (အသံချဲ့စက်) ကို သုံးခွင့်မပေးဘဲ Sound Box ကိုသာ သုံးခိုင်းခြင်းနှင့် ရဟန်းခံမည့် သံဃာကိုလည်း ၇ ပါးထိသာ ခွင့်ပြုလာသည်အထိ အာဏာပိုင်များက ကန့်သတ် ချုပ်ချယ်လာသည်။
“ကျနော်တို့ ရပ်ကွက်က စုပေါင်း ရဟန်းခံရှင်ပြုပွဲက ဒီနှစ်ဆိုရင် ၁၂ နှစ်ရှိပြီဗျာ။ သံဃာကို အကန့်အသတ် လုပ်တယ်ဆိုတာတွေ အရင်နှစ်တွေတုန်းက မရှိခဲ့ဘူးဗျာ။ ၂ဝဝ၈ မှာမှ သူတို့ကို အကြောင်းကြားရမယ်။ သူတို့ကို ငွေကြေးရှင်းတမ်းတွေ တင်ပေးရမယ်ဆိုပြီး လုပ်လာတာ” ဟု ဒဂုံမြို့သစ် တောင်ပိုင်းမှ ဒေသခံတဦးက ပြောသည်။
အာဏာပိုင်များက ကန့်သတ်ဦးရေဖြင့်သာ ရဟန်းဝတ်ခွင့်ပြုမည် ဆိုသော်လည်း စက်တင်ဘာ သံဃာလူထု မေတ္တာသုတ်ရွတ်ဆိုပွဲတွင် တက်ကြွစွာ ပါဝင်ခဲ့သည့် မဂ္ဂင် ၅ ပါး ကျောင်းတိုက်မှ ကျောင်းထိုင်ဆရာတော်က ကျောင်းတိုက်တွင် အကန့်အသတ်မထားဘဲ ရဟန်းဝတ်ခွင့်ပေးမည် ဟူ၍ မိန့်ကြားထားသည်ဟု သိရသည်။
![ko aung san[1].sutdent"s union](http://4.bp.blogspot.com/_a0nfpjJrE5M/RsqTYaF216I/AAAAAAAAAIY/SxCMvs6FM5U/S228/ko+aung+san%5B1%5D.sutdent%27s+union+chair.jpg)
.jpg)
No comments:
Post a Comment