မလေးရှားမှာ မြန်မာ ၁၆ဝ ကျော် အဖမ်းခံရ

မြင့်မောင်
သောကြာနေ့၊ သြဂုတ်လ 15 2008

နယူးဒေလီ။ ။ မလေးရှားရှိ နိုင်ငံခြားသားများနှင့် မြန်မာ အလုပ်သမားများအား မလေးအာဏာပိုင်များ ဖမ်းဆီးရာတွင် ယခုလအတွင်း မြန်မာနိုင်ငံသား ၁၆ဝ ကျော် ဖမ်းဆီးခံရပြီး ဖြစ်သည်။

RELA (Volunteers of Malaysian People) ခေါ် မလေးရှား ပြည်သူ့စစ်များက တရားမဝင် နေထိုင်သူ နိုင်ငံခြားသားများ သာမက ပြည်ဝင်ခွင့် ဗီဇာနှင့် ကုလဒုက္ခသည်ကဒ် ကိုင်ထားသူများမရှောင် ဖမ်းဆီးရာတွင် ယခုလ ၁၃ ရက် တရက်ထဲတွင်ပင် Cheress မြို့ Maruri ရပ်ကွက်၌ မြန်မာနိုင်ငံသား ၆ဝ ကျော် အဖမ်းခံရပြီးနောက် ယခုလအတွင်း မြန်မာ ၁၆ဝ ကျော် ဖမ်းဆီးခံရပြီး ဖြစ်သည်။

“ဗုဒ္ဓဟူးနေ့က မြန်မာနိုင်ငံသား ၆ဝ ကျော်ကို ဖမ်းဆီးတယ်။ တရားဝင် နေထိုင်တဲ့ သူတွေရော၊ ဘာမှ အထောက်အထား မရှိသူရော၊ UNHCR ကဒ် ရှိသူတွေကို ဖမ်းတယ်။ အလုပ်လုပ်တဲ့ ပါမစ်သမားတွေ ကျတော့ သူဋ္ဌေးက လာထုတ်တဲ့ သူကျတော့ လွှတ်ပေးတယ်။ သူဋ္ဌေးက လာမထုတ်ရင် နိုင်ငံခြားသားတွေ ထားတဲ့ camp ထဲမှာ နေရတယ်” ဟု မလေးရှားနိုင်ငံ ကွာလာလန်ပူရှိ မြန်မာ အလုပ်သမားတဦးက ပြောသည်။

ယခုလအတွင်း Chress မြို့ Maluri ရပ်ကွက် (လူဦးရေ ၆ဝ ကျော်)၊ ကွာလာလမ်ပူမြို့ရှိ Sungai Buloh (၅ဝ ခန့်) နှင့် Alorstar ပြည်နယ်အတွင်းရှိ Palati မြို့ (၅ဝ ခန့်) တွင် ဖမ်းဆီးခံရသည်ဟု အမျိုးသား ဒီမိုကရေစီအဖွဲ့ချုပ် လွတ်မြောက်နယ်မြေ (မလေးရှားဌာနခွဲ) ၏ အလုပ်သမားရေးရာ ကူညီစောင့်ရှောက်ရေး ဌာနမှ သုတေသန စာရင်းအရ သိရသည်။

ယခုလို အဖမ်းအဆီးများသည် ၂ဝဝ၅ ခုနှစ်တွင် စတင်ခဲ့ခြင်း ဖြစ်ပြီး အဖမ်းဆီးခံ နိုင်ငံခြားသားများကို စမုံညှင်း၊ လင်းခေး စခန်းများတွင် ထိန်းသိမ်းထားလေ့ ရှိသည်။

မြန်မာအလုပ်သမားက “ဘတ်စ်ကားတွေပေါ်မှာ တက်စစ်ဆေးတယ်၊ ဖမ်းသွားတယ်။ တခြား ရပ်ကွက်တွေမှာ ဆိုရင် အိမ်တွေထဲအထိ ပိုက်စိတ်တိုက် ရှာတယ်ဆိုတော့ အခုလက်ရှိ နေရထိုင်ရတဲ့ အပိုင်းမှာ တော်တော်လေး ဒုက္ခရောက်နေတယ်” ဟု ပြောသည်။

အခြား မြန်မာအလုပ်သမားက “RELA ဆိုတဲ့ နိုင်ငံခြားသား နှိမ်နှင်းရေးအဖွဲ့က ပါမစ်ရှိသည်ဖြစ်စေ၊ မရှိသည်ဖြစ်စေ ဘာ အထောက်အထား ရှိရှိ၊ မရှိရှိ အကုန် ဖမ်းကြတာ။ ပြီးမှ လူဝင်မှု ကြီးကြပ်ရေးက ခေါ်ပြီးတော့ ပြန်လွှတ်ပေးသင့်မှ ပြန်လွှတ်တယ်။ ပါမစ် မှန်တယ်၊ လုပ်ပိုင်ခွင့် ရှိတယ် ဆိုတာတောင်မှ သူဋ္ဌေးရဲ့ ထောက်ခံတဲ့ စာတွေကို ပါလာမှ ပြန်လွတ်တယ်” ဟု ပြောသည်။

အန်အယ်ဒီ-လွတ်မြောက်နယ်မြေ (မလေးရှားဌာနခွဲ) ဥက္ကဋ္ဌ ကိုကျော်ကျော်က “ကျနော်တို့ အလုပ်အမှုဆောင် EC ထဲက ကိုမင်းသူဆိုရင် ကုလ ဒုက္ခသည်များဆိုင်ရာ မဟာမင်းကြီးရုံး UNHCR ကဒ်နံပါတ် ၃၅၄-ဝ၇ (စီ) ဝ၃ဝ၉၅ ကို ကိုင်ထားတယ်။ သူ့ကို ဘတ်စ်ကားပေါ်မှာ ဖမ်းသွားတယ်” ဟု ပြောသည်။

ကိုမင်းသူ အား မြန်မာ သို့မဟုတ် ထိုင်းနယ်စပ်သို့ ပို့ဆောင်ဖွယ် ရှိသလို၊ အရေးယူမှုများလည်း ပြုလုပ်နိုင်သဖြင့် UNHCR သို့ အကူအညီ တောင်းခံရာ မရရှိသေးကြောင်းနှင့် လာမည့်လ ၁၄ ရက်နေ့တွင် အမေရိကားသို့ ထွက်ခွါမည့် ကိုကျော်ဆန်း (UNHCR နံပါတ် ၃၅၄-ဝ၇ (စီ) ၁ဝ၅၂၂) နှင့် အလားတူ ကဒ်ကိုင်ဆောင်ထားသူ ၂ ဦးလည်း ဗုဒ္ဓဟူးနေ့ကပင် ဖမ်းဆီးခံခဲ့ရကြောင်း သူက ဆက်ပြောသည်။

ဒုက္ခသည်လက်မှတ် ကိုင်ဆောင်ထားသူများ ဖမ်းဆီးခံရခြင်းနှင့် ပတ်သက်ပြီး အသေးစိတ် အခြေအနေ သိရှိရန်အတွက် မဇ္ဈိမက မလေးရှားရှိ UNHCR သို့ ဆက်သွယ် မေးမြန်းရာတွင် ပြန်လည် ဖြေကြားခြင်း မရှိပါ။

ဒုက္ခသည်ကဒ် ကိုင်ထားသူ ကိုအောင်ကျော်ဆက်က “အရင် ၆ လ ၊ တနှစ်ကျော်လောက်အထိ UNHCR ကို သွားရင် ဟုတ်ပါပြီဆိုပြီး camp တွေ၊ ထောင်တွေကို လိုက်ကြည့်တယ်။ အခုနောက်ပိုင်းကျ ထောင်တွေ၊ camp တွေကို ဝင်ခွင့် မရတော့ဘူးလို့ UNHCR က ပြောတယ်။ အစိုးရက UNHCR ကို သက်ဆိုင်ရာ camp တွေမှာ ပေးမဝင်တော့ဘူး။ သူတို့က ဘယ်လိုပဲညှိညှိ သက်ဆိုင်ရာ အထောက်အထားတွေပဲဖြစ်ဖြစ်၊ UNHCR ကိုင်ထားသူတွေပဲဖြစ်ဖြစ်၊ ဖမ်းမိတယ်ဆိုရင် လိုက်မတွေ့နိုင်တော့ဘူး” ဟု ပြောသည်။

မလေးရှားရှိ လူ့အခွင့်အရေး လှုပ်ရှားသူများနှင့် ဥပဒေပညာရှင်များက မလေးအစိုးရက RELA ကို ဖမ်းဆီးရန် လုပ်ပိုင်ခွင့် ပေးသည့်အတွက် အပြင်းအထန် ရှုတ်ချခဲ့သေးသည်။

မြန်မာများအပြင် ကမ္ဘောဒီးယား၊ ဖိလစ်ပိုင်၊ ဘင်္ဂလားဒေ့ရှ်၊ လာအိုနှင့် အင်ဒိုနီးရှားနိုင်ငံသား အလုပ်သမားများလည်း အလားတူ ဖမ်းဆီးခဲ့ရသည်။ မလေးရှားတွင် တရားဝင်နှင့် တရားမဝင် နေထိုင်သူ မြန်မာနိုင်ငံသား ၅ သိန်းခန့်ရှိသည်ဟု မြန်မာလုပ်သားများက ခန့်မှန်း ပြောဆိုကြသည်။

ဒုတိယလွတ်လပ်ရေးသန္နိဌာန်(သို့) အိုရဲဘော်သို့.....

ဝေးလံခေါင်ဖျား မိစ္ဆာထောင်များမှ
နားဖျားနေသော အိုရဲဘော်....
လေ၀င်ပေါက်ငယ်သာပါတဲ့
သံတံခါးရဲ့နောက်ကွယ် ၈ပေ,၁၂ပေ အခန်းငယ်ထဲမှာ
ရာသီဥတုလက်ကြမ်းက
ဆုပ်ဖမ်းညှင်းဆဲ အအေးဒဏ်ထဲမှာ
ကိုက်ခဲနေတဲ့ မျက်စိတစ်ဖက်
ထုံကျင်နေတဲ့ လက်တစ်ဖက်
မလျှောက်နိုင်တောတဲ့ ခြေထောက်တစ်ဖက်
ရက်စက်သူတွေအုပ်မိုးလို့
ဖိနှိပ်မှုတွေဘယ်လောက်ဆိုးဆိုး
စိတ်အတောင်ပံကိုတော့ ရိုက်ချိုးလို့မရပါဘူး။
ဝေးလံခေါင်ဖျား မိစ္ဆာထောင်များမှ
နားဖျားနေသော အိုရဲဘော်....
နစ်နာမှုတွေအခါခါကြုံ စွန့်လွှတ်မှုတွေအဖုံဖုံနဲ့
သင့်ရဲ့(မစားဘဲစွန့်တဲ့)
စွန့်စားမှုတွေက ကမ္ဘာတုန်လို့
မြင့်မြတ်ခြင်းဂုဏ်တွေက ယုံကြည်သူတွေကိုသွေးနှိုး
မြန်မာပြည်ဘေးဆိုးတွေကိုကယ်တင်ဖို့
မျိုးဆက်တစ်ခုကိုမွေးခဲ့ပြီ။

ဝေးလံခေါင်ဖျား မိစ္ဆာထောင်များမှ
နားဖျားနေသော အိုရဲဘော်....
အသင်ပျော်တဲ့တိုက်ပွဲမှာ
အခါတစ်ထောင်လဲကျလဲ
အခါတစ်သောင်းပြန်ထတဲ့သူတွေ
အာဏာရှင်ကိုတုန်လှုပ်စေလို့
ခွေးတိုးပေါက်က နန်းစွန့်ထွက်ဖို့လည်း
ဒင်းတို့အခက်ကြုံနေသမို့
သံဃာကိုလဲကိုက်ခဲ
ရဲဘော်တို့ကို ညှင်းဆဲ
တိုင်းပြည်ကိုတွင်းထဲဆွဲချလို့
အရှင်လတ်လတ်မြေမြှပ်သတ်တော့မယ်။
ဝေးလံခေါင်ဖျား မိစ္ဆာထောင်များမှ
နားဖျားနေသောအို...ရဲဘော်
အသက်မျှင်းမျှင်းသာကျန်တော့တဲ
တခါခါအမောဖောက်နေတဲ့
ငါတို့ရဲ့တိုင်းပြည်ဟာ
မိစ္ဆာကောင်တွေရဲ့လက်ထဲမှာ
ကျဆုံးရတော့မှာလား
ဒါအမှန်တရားမဟုတ်ဘူး
ဘယ်တော့မှမဆုံးရှုံးနိုင်တဲ့အမှန်တရားအတွက်
ဘယ်တော့မှအရှုံးမပေးတော့မယ့်ပြည်သူအတွင်
လွတ်လပ်ရေးကိုအရယူပေးခဲ့တဲ့
မဟာအာဇာနည်တွေအတွက်....
ငါတို့ပြည် ငါတို့အိမ်ကို
ထိန်ထိန်ပရွှင်း ဆင်ဆွယ်နန်းနဲ့
အောင်ပန်းဆွတ်ယူ လက်တွဲကူဖို့
အသင့်ရဲ့အတောင်ပံတွေကို
အဟုန်ပြင်းပြင်းခတ်လို့
တိုက်ပွဲခေါ်သံပေးလိုက်ပါ ရင်ဘတ်တွေဖွင့်
ငါတို့အသင့်ရှိနေတယ်
ဗမာပြည်အတွက် ကမ္ဘာတည်သရွေ့....။

ဇော်မြင့်

မြန်မာ့အရေး ဆောင်ရွက်သူ ၉ ဦး စင်္ကာပူက ဗီဇာတိုးမပေး

မြင့်မောင် (မဇ္ဈိမသတင်းဌာန )
ကြာသပတေးနေ့၊ သြဂုတ်လ 14 2008

နယူးဒေလီ။ ။ နေထိုင်ခွင့် ကုန်ဆုံးသွားသူ မြန်မာ ၁၂ ဦးကို စင်္ကာပူ အာဏာပိုင်များက သက်တမ်း တိုးမပေးဘဲ ထားလိုက်သည်။

နေထိုင်ခွင့် ပါမစ်ကို အချိန်မီ သက်တမ်း တိုးမပေးဘဲ အကြောင်း အမျိုးမျိုးပြကာ ပိတ်ဆို့လိုက်သည့်အတွက် စင်္ကာပူနိုင်ငံမှ မြန်မာ ၃ ဦး ထွက်ခွါသွားရပြီး နောက်ထပ် ထွက်ခွါရန်လည်း ၉ ဦးမျှ ရှိနေသေးကြောင်း သိရခြင်း ဖြစ်သည်။

“ကျနော်က စင်္ကာပူ အမျိုးသား တက္ကသိုလ်မှာ ပညာသင်ခဲ့တယ်။ ကျောင်းပြီးချိန်မှာ တခြား ကျောင်းသားတွေနဲ့အတူ အလုပ်အကိုင် ရှာဖွေဖို့လည်း မရဘူး။ PR Application Offer Letter ကိုလည်း လက်ခံရရှိခြင်း မရှိဘူး” ဟု စင်္ကာပူမှ ထွက်ခွါခဲ့ရသူ ကိုစိုးသီဟက မဇ္ဈိမကို ပြောသည်။

သူက “အမှန်တကယ်က တိုးပေးရမယ်၊ ကျောင်းပြီးတဲ့ ကျောင်းသားတွေ အလုပ်ရပြီး ဒါမှမဟုတ် မလုပ်မရသေးတဲ့ သူတွေကို အလုပ်ရတဲ့ အထိ ၆ လကနေ ၁ နှစ်အထိ နေထိုင်ခွင့် ရှိတယ်။ သူများတွေရတဲ့ အခွင့်အရေးကို မရတဲ့ အခါ ကျနော်တို့ တခုခု ပေါင်းလုပ်သင့်တယ်။ နေထိုင်ခွင့် မရှိရင်တောင် ဘာလို့ နေထိုင်ခွင့် မရှိဘူးဆိုတာ ပြောသင့်တယ်။ ဘာတခုမှမသိဘဲ လက်မခံဘူး၊ နေလို့မရဘူးလို့ ပြောတော့ ထွက်လာခဲ့ရတာပေါ့” ဟု ပြောသည်။

ကိုစိုးသီဟ (National University of Singapore) ၊ ကိုမျိုးထွန်း (Work Permit) ၊ ကိုလှိုင်မိုး MOM (Ministry of Manpower) တို့သည် စင်္ကာပူနိုင်ငံမှ ကမ္ဘောဒီယား၊ ထိုင်းနှင့် မလေးရှားသို့ ထွက်ခွါခဲ့ရပြီး၊ ပြီးခဲ့သည့်နှစ် ရွှေဝါရောင် လှုပ်ရှားသည့် အချိန်က တက်ကြွစွာ ပါဝင်ခဲ့သူ မျိုးချစ်မြန်မာအဖွဲ့ဝင် ကိုကျော်စိုး (Temasek Polytechnic)၊ ကိုသူရိန်ဝင်း၊ မငွေဇင်စိုး (Temasek Polytechnic)၊ ကိုဝဏ္ဏစောသိန်း၊ မအေးသန္တာနှင့် ကိုစိုးထွန်းတို့ကိုလည်း အကြောင်းအမျိုးမျိုးပြကာ သက်တမ်း မတိုးပေးဘဲ ထားရှိသည်။

“ကျနော်က ပတ်စ်ပို့ သက်တမ်းတိုးတယ်။ အဲဒါ တိုးမပေးဘူး။ ပုံမှန်အရဆိုရင် ပတ်စ်ပို့ သက်တမ်းတိုးရင် တပတ်ပဲ ကြာတယ်။ အဲဒါကို နှစ်လလောက် စဉ်းစားမယ်လို့ ပြောတယ်။ MOM (Ministry of Manpower) အဲဒီလို ပြောပြီး စာပို့တယ်။ အဲဒီလို ပြောပြီး မကြာဘူး ကျနော့် လျှောက်လွှာက၊ သက်တမ်းတိုးတဲ့ ကိစ္စက MOM Rule ကို ၅ ခေါက် သွားမေးတယ်။ သေသေချာချာ၊ ကောင်းကောင်းမွန်မွန် မပြောဘူး။ ဘာတခုမှ မရှင်းပြဘူး” ဟု စင်္ကာပူမှ ထွက်ခွါခဲ့ရသူ ကိုလှိုင်မိုးက ပြောသည်။

သူက ဆက်ပြီး “ပထမ တကြိမ်သွားတုန်းက ကျနော့်ကို ကောင်းကောင်းမွန်မွန် ဆက်ဆံတယ်။ ကျနော့် ပတ်စ်စပို့ကို တောင်းတော့ ပေးလိုက်တယ်။ အသေးစိတ် ထွက်လာတယ်။ ဘာရေးထားလဲ မသိဘူး။ ချက်ချင်းပဲ မျက်နှာပြောင်းသွားတယ်။ ကျနော်ကို ဘာတခုမှ မရှင်းပြဘဲ ထားတယ်။ နောက်ပိုင်း Human Resource Department မှာ ကျနော် ကုမ္ပဏီအရာရှိဆီ Email အရ ကျနော့်ကို Police Record ရှိတာကြောင့် MOM မှာ လုပ်မပေးနိုင်တဲ့အကြောင်း သိရတယ်” ဟု ပြောသည်။

နောက်ထပ် ကျန်ရှိသူ အမျိုးသမီး ၃ ဦးအမည်နှင့် အချက်အလက်များကို ဖော်ပြရန် အဆင်သင့် မဖြစ်သေးကြောင်းနှင့် သူတို့ ၃ ဦးသည် Temasek Polytechnic မှ ကျောင်းပြီးထားသူများဖြစ်ကာ PR များဖြစ်သည်ဟု စင်္ကာပူရောက် အကြားအမြင်များသည့် မြန်မာသတင်းရပ်ကွက် တခုက ဆိုသည်။

ကျောင်းသားတဦး အနေဖြင့် တက်ရောက် ပညာသင်ကြားခွင့် Student Pass ပေးပြီးနောက် ကျောင်းပြီးသည့်အခါ အလုပ်အကိုင် ရှိနေလျှင် လူမှုရေးဆိုင်ရာ အလည်အပတ်အဖြစ် Social Visit Pass နေထိုင်ခွင့် တိုးပေးရမည် ဖြစ်သလို၊ အလုပ်မရှိသေးသူများ ဖြစ်လျှင်လည်း တလချင်း တိုးပေးသွားနိုင်ကြောင်းနှင့် အချို့ဆိုလျှင် ယခုထက် ကာလရှည်စွာ နေထိုင်ခွင့်ပြုကြောင်း သိရသည်။

ယခုလို နေထိုင်ခွင့် တိုးမြှင့်ပေးခံခြင်း မရှိသည့် မြန်မာများက စင်္ကာပူအစိုးရမှ တိကျစွာ အဖြေပေးရန်အတွက် သတင်းစာ ရှင်းလင်းပွဲ ပြုလုပ်ထားသော်လည်း ယခုထိ အဖြေထွက်ခြင်း မရှိသေးပါ။

မြန်မာပြည်တွင်း၌ အလုပ်အကိုင် ရှားပါးခြင်းနှင့် ပညာရေး အာမခံချက် ကျဆင်းလာခြင်းတို့ကြောင့် စင်္ကာပူနိုင်ငံသို့ ပညာသင်ရန်နှင့် အလုပ်လုပ်ကိုင်ရန်အတွက် သွားရောက်နေထိုင်သူ တသိန်းနီးပါး ရှိသည်ဟု မြန်မာများက ခန့်မှန်း ပြောဆိုကြသည်။

စင်္ကာပူအစိုးရ အနေဖြင့် လွန်ခဲ့သော မတ်လမှ စတင်ကာ မြန်မာ့အရေး လှုပ်ရှားသော အဖွဲ့များအား ပြင်းထန်စွာ နှိမ်နင်းရန် ကြိုးစားခဲ့သော်လည်း ထိုအချိန်က စင်္ကာပူသို့ လာရောက် ပညာသင်ကြားသူ၊ အလုပ်လုပ်ကိုင်သူတို့၏ ဗီဇာသက်တမ်းမှာ အားလုံးနီးပါး မကုန်သေးသောကြောင့် သိပ်ပြီး မထင်ရှားခဲ့ကြောင်း မြန်မာသတင်း ရပ်ကွက်က ဆိုသည်။

သို့သော်လည်း ပြီးခဲ့သည့် ဇူလိုင်လမှ စတင်ကာ ဗီဇာသက်တမ်း ကုန်သောသူများ၊ တဦးပြီးတဦး ရှိလာခဲ့ရာ ယခုအချိန်အထိ ၁၂ ဦးတိတိ စတင် ထိခိုက်ခံရခြင်း ဖြစ်ကြောင်း သိရသည်။

NLD 8888 20th year

BubbleShare: Share photos - Find great Clip Art Images.

ကားမှောက်၍ နော်အုန်းလှ ပြင်းထန်စွာ ဒဏ်ရာရ

မြင့်မောင်
အင်္ဂါနေ့၊ ဂျူလိုင်လ 22 2008

နယူးဒေလီ။ ။ နိုင်ငံရေးလှုပ်ရှားတက်ကြွသူ ဒေါ်နော်အုန်းလှသည် ယမန်နေ့က မှော်ဘီမြို့နယ်အတွင်းရှိ အောင်ဆန်းကျေးရွာသို့အသွား လိုက်ပါလာသည့် မော်တော် ကား တိမ်းမှောက်သဖြင့် ရန်ကုန် ပြည်သူ့ဆေးရုံကြီး တွင် အရေးပေါ် လူနာအဖြစ် ဆေးကုသခံနေရသည်။

ဒေါ်အောင်ဆန်းစုကြည် လွတ်မြောက်ရေးအတွက် အင်္ဂါနေ့တိုင်း ဆုတောင်းပွဲများ ပြုလုပ်နေသည့် မှော်ဘီမြို့သူ ဒေါ်နော်အုန်းလှသည် ဒဏ်ရာပြင်းထန်စွာရကာ ဆေးရုံကြီးသို့ ယမန်နေ့ ညနေ ၄ နာရီခန့်တွင် ရောက်ရှိလာပြီး နောက် ကျား၊မ ဆောင် - ကုတင်နံပါတ် ၁ ၊ ခွဲစိတ်ကုသဆောင် ၅၊၆ တွင် အရေးပေါ် လူနာအဖြစ် ကုသခံနေရ ခြင်းဖြစ်သည်။

“သူ ရတဲ့ ဒဏ်ရာကတော့ တော်တော် ပြင်းထန်ပါတယ်။ ဦးခေါင်းမှာ ကွဲပြီးတော့ ၁၇ နှစ်ချက် ချုပ်လိုက်ရတယ်။ ဝဲဘက် ညှပ်ရိုးကျိုးသွားတယ်။ ခါးဆစ်ရိုးကလည်း ကျေသွားတယ်။ ပြင်းထန်တဲ့ ဒဏ်ရာတွေနဲ့ သူ့ကို ကုတင်ပေါ်မှာ တွေ့ရတယ်။ သူက သတ္တိကောင်းတဲ့ အမျိုးသမီးဆိုတော့ သူ့ကို လာတွေ့တဲ့ အဖွဲ့ချုပ်ဝင်တွေကို စကား ပြောဆို နိုင်ပေမယ့် ဒဏ်ရာက အတော်ကို ပြင်းထန်တယ်” ဟု ဆေးရုံသို့ ကိုယ်တိုင်သွားရောက်ခဲ့သူ ရန်ကုန် အန်အယ်ဒီ အဖွဲ့ဝင်တဦးက မဇ္ဈိမကို ပြောသည်။

မွန်းလွဲ ၂ နာရီခန့်က မှော်ဘီမြို့နယ် အောင်ဆန်းကျေးရွာတွင် အင်္ဂါနေ့တိုင်း ပြုလုပ်နေကျ အတိုက်အခံခေါင်းဆောင် လွတ်မြောက်ရေးအတွက် သံဃာတော်များကို ဆွမ်းကပ်ရန်နှင့် ဝါဆိုသင်္ကန်း ကပ်လှူ ပွဲအတွက် လိုင်းနံပါတ် ၁၃၈ ၊ တိုက်ကြီး-ရန်ကုန် ကားလိုင်း (ဟိုင်းလပ်စ်ကား ပ၊၈၆၇၉) နှင့် စီးနင်း လိုက်ပါ သွားစဉ် အောင်ဆန်းရွာအနီးတွင် ကားတိမ်းမှောက်ခြင်းဖြစ်သည်။

ဒေါ်နော်အုန်းလှနှင့် ခရီးသည်တဦးသည် အရေးပေါ် လူနာအဖြစ် ကုသခံနေရသလို၊ ၅ ဦးသည် သာမန် ထိခိုက် ဒဏ်ရာများ ရရှိကာ၊ သူနာပြုဆရာမ တဦးမှာမူ အခြေအနေဆိုးရွားကြောင်း သိရသည်။

၂ဝဝ၄ ခုနှစ် ဇူလိုင်လမှ စတင်ကာ ဒေါ်နော်အုန်းလှ ဦးဆောင်သည့် ဘုရားဖူးအဖွဲ့သည် ရန်ကုန်မြို့ ရွှေတိဂုံဘုရားသို့ အပတ်စဉ် သွားရောက်ကာ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ လွတ်မြောက်ရေးအတွက် ဝတ်ပြု ဆုတောင်းလေ့ရှိခဲ့သည်။

၂ဝဝ၇ ခုနှစ် စက်တင်ဘာလတွင် ဖြစ်ပွားခဲ့သည့် ရွှေဝါရောင်လှုပ်ရှားမှုတွင်လည်း တက်ကြွစွာ ပါဝင်ခဲ့သဖြင့် နောက်ပိုင်းတွင် မှော်ဘီမြို့ပြင်ပသို့ ခရီးမထွက်ရန် ခြေချုပ်ချထားခြင်းခံခဲ့ရသည်။ ယခင်ကတည်းက အရိုး၊ အကြောကု ဆရာများနှင့် ကုသနေခဲ့ရသူ ဒေါ်နော်အုန်းလှသည် ခြေချုပ်ကျခံရပြီးနောက် ပြသနေကျ ဆရာများထံ သွားရောက် ကုသခွင့် မရခဲ့ပေ။

ယနေ့တွင် ဒေါ်အောင်ဆန်းစုကြည် လွတ်မြောက်ရေး ဆုတောင်းပွဲ ၄ နှစ်မြောက်ဖြစ်သဖြင့် အောင်ဆန်းကျေးရွာ ရွှေမှော် တင်စေတီအတွင်းရှိ ဘုရားကြီးကျောင်းတိုက်မှ သံဃာတော်များထံ ဆွမ်း၊ သင်္ကန်းကပ်လှူရန် သွားရောက်နေစဉ် ယခုလို ကားမှောက်ခဲ့ရခြင်းလည်းဖြစ်သည်။

သို့သော် အင်္ဂါနေ့တိုင်း ကပ်လှူသည့် အစီအစဉ်နှင့် ဝါဆိုသင်္ကန်း ကပ်လှူပွဲကို ကျန်ရှိသူများက ဆက်လက်၍ ပြုလုပ်ခဲ့ကြောင်း သိရသည်။